Zlən ataa həji ta zlən aagi 9
9
Mbaɗ landza ataa Sul
1A vah watsa ya, Sul a deŋ a satana yaka a magəli ataa Bay Madagal aagi, abə a bazlata. Tsaw a nda ara madagal maɗal kwakus, 2dəba a aɗiwzə, aska a ŋtiranə ɗerewal a jaɓatana a bay ma ndza aha jak ta tarha Yahuda ma ndza a hayak ma dzamadzam Damas aagi. Andza, Sul tagəra həji Yesu aagi a tsutsa, mawəl aagi abə wali, a ambəlata aara, a adzawata ka, aska a jaɓata a Wərusalima. 3Ndə ata təf, huk abəra hayak Damas, a tsutsa a tsutsa, weɗ la minja a ndaha a wəzəm a wəzlaf, dəp a dəp bəza, la ma ndza abəra a kaɓal tiwtiw. 4Ndəv a ndəv tə ata hayak, a zlima wəla minja a dzaha, ma kazlapanə, iŋgaya: «Sul, Sul, hwa saka yaka ara veme?» iy. 5Ɗiw a ɗiwzə, iŋgaya: «Hwa vaya, Bay Madagal?» Zhin a zhinanə, iŋgaya: «Sa Yesu, hwa saka yaka watsa a sa. 6Ama, gar kwa a wəzəm, nda kwa a ŋge a hayak ma dzamadzam, aa kaaghalahu səkən ndə hwa kaaɗalə,» iy. 7Həji ndə aa kaciwir abə təmta aagi, darwak aa gar ta ka. Aa kula a dəɗɓa ma a zlapəs. Aa kazlima zlap ala, ama kwa aa kagəra ala tə akas. 8Sul takaw a gar tə a wəzəm ata hayak, avəli nja tə tadəɗ tə, ama a kagəra las, aa njiw ata ra ana həji ma kalah həji wələf aagi jaɓi a hayak Damas. 9Ata la ndə a ɗal wan mahkaɗ, a kagəra la səku, kwa tazəm səkən akas, kwa tasa yəm akas.
10A hayak Damas watsa, magəla minja aka, zləm tə Ananiyas. Bay Madagal ghal a ghalanə a ha tə andza mbaɗ tə, azha zlap a zlapanə, iŋgaya: «Ananiyas!» Ananiyas a zhinanə, iŋgaya: «Sa tsakwa Bay Madagal!» iy. 11Bay Madagal zlap a zlapanə, iŋgaya: «Nda anawatsə anawatsə a zal təf ndə həji kayə zal təf ma dəlili, hwa nda a gi Yahuda, azha ɗiwzə ala minja zləm tə Sul ndə hayak Tarsus, a katarha a tsutsa. 12Azha, tsakwa ana səkən ndə sa ghalanə: Mawəl minja Ananiyas tsaw a nda, azha tatsa ra ata ha tə aska a nja tə a dəɗ tə.» 13Ananiyas zhin a zhinanə, iŋgaya: «Bay Madagal, sa tazlima, həji aagi vərəm aa kazlap ata ala watsa. Sa kasən səkən ma gamak ndə a ɗalatana a həji kwa ma ghwaɗeɗe aagi a Wərusalima. 14Azha, a ɗi, abə ɓərɓər dagala, ndə magulakwakw maɗal kwakus aagi, aa vəlanə a dzaw həji ma kaya zləm kwa aagi tiwtiw.» 15Ama Bay Madagal zlap a zlapanə, iŋgaya: «Nda, ara ndə a ɗa, ala watsa ana ndə sa mayə. Sha ana ma kaaghalatana zləm naka atama həji ma ŋkula sən Bizlaf aagi, bay ma gulakwakw aagi abə həji Isərayila ndiɓi aagi yəm. 16Sa abə ha naka sa aghalanə ka tiwtiw ana səkən ma kaasanə yaka dawna zləm naka.» 17A tsutsa, Ananiyas tsaa kanda tə, peteŋ a wata ala watsa, pa a tsa ra aha azha iŋgaya: «Sul, zlina, Bay Madagal ma zlənaka, Yesu ma ghalahu ha tə ata təf ndə hwa kanjini watsa. Sha ma zlənaka, aska a nja kwa a dəɗ tə, azha aska hwa aɗa mkpef abə Miɗ ma ghwaɗeɗe.» 18A tsutsa, səkən ndiɓi aagi andza slegef, aa zahha a nja tə, a tsutsa a tsutsa, nja tə mpaŋ a dəɗ tə. Takaw a gar tə a wəzəm, azha dəba a aɗal batem. 19A diwzha tə, dəba a azəm səkən, ɓərɓər tə tazhina tə.
Sul a kaghal Ma wiyə ma təwah a hayak Damas
Sul taɗalzə wan kajik abə magəli Yesu aagi a hayak Damas, 20tahəzək akas, dəba a aghal Ma wiyə ma təwah a jak ta tarha Yahuda aagi, «Yesu a ɗa Mbə Bizlaf!» iy. 21Həji ma zlima ma tə aagi tiwtiw, aa taghərəŋ ta hak a guɗaŋ, aa kazlap aagi iŋgaya: «Həna ala watsə ana ma ndza a Wərusalima ma kasatana yaka a həji ma kaya zləm ataa Yesu aagi kavəw, həjiy wəra? A ndaha a ɗi a mbəla həji aagi, a dzawata a jaɓatana a magulakwakw maɗal kwakus aagi səku azha vəw?» 22Ama Sul a ghalatana bəza a heɗe a heɗe a guɗaŋ, a Yahuda ma ndza a hayak Damas aagi, Yesu ana Kərist ŋter. 23Wan dagala a diwzha tə, dəba Yahuda aagi aji deŋ ŋkwaɓ ta mbəla Sul a dzə ka a mci. 24Ama Sul tazlima ma ta bəza. Zaɗə abə bishkit, aa kahəbar majak ataa hayak ma dzamadzam aagi, aska aagi a dzə ka. 25Ama abə zaɗə minja aka, magəli ataa Sul aagi pa aa tsə ka a wədzəm aska aagi alima a daazə a bəza gwara aha zlawak.
Sul a Wərusalima
26Ndə Sul a ɗa peteŋ a Wərusalima, a may a nda tə a taba dzəvha ataa magəli aagi, ama kwa vaye ŋzliŋ a kadzata ara, ara ndə a ɗa, kwa ala ma ɗal awa, Sul a ɗa magəla Yesu ŋter akas. 27Barnabas leŋ a ji Sul aara abəra, jaɓ a jaɓi ara həji ta zlən Yesu aagi, dəba a aghalatana ma watsə ikwa, iŋgaya: «Ata təf, Sul tagəra Bay Madagal, azha Bay Madagal watsa tazlapanə. A hayak Damas, Sul a kaghal Ma wiyə ma təwah a heɗe a heɗe abə guɗaŋ tə ata zləm Yesu.» 28ꞌWa aka a tsutsa azha, dəba Sul a anda, a azhinha abə təmta a Wərusalima, a kaghal Ma wiyə ma təwah ata zləm ataa Bay Madagal a heɗe a heɗe abə guɗaŋ tə. 29Aa talima abə Yahuda aagi ma kazlap ma Gərek aagi, azha aa kadza səbakw abə təmta, ama ataa aŋta, aa gasə a dzə ka. 30Ndə həji Kərist aagi, aa zlima ya, jaɓ aa jaɓ Sul aka a hayak ma dzamadzam Kaysariya, a tsutsa, aa tsa kanda ta a hayak ma dzamadzam Tarsus zhana.
31Ladzam həji Kərist ma ndza a hayak Yahudiya tiwtiw, a hayak Galili abə ma ndza a hayak Samariya, a ndza a təwah, a kashiɓir tə, a ndza abə haw a Bay Madagal, abə ɓərɓər ataa Miɗ ma ghwaɗeɗe, həji Kərist aagi, aa kavas a fəl ta.
Reh ataa Ayneyas
32Piyer a kaciwir a hayak aagi tiwtiw. Vah minja aka, tsaw a nda ara həji ma ji ma Yesu ma ndza a hayak Lida aagi. 33A gəra a tsutsa ala minja, zləm tə Ayneyas, tawanaya ata həzhiɗ tə, va a ɗal bəza dzamahkaɗ, ala watsa tagəy tə. 34Piyer zlap a zlapanə, iŋgaya: «Ayneyas, Yesu Kərist tarehahu bəza, gar kwa a wəzəm, paɗ həzhiɗ kwa ka!» iy. A tsutsa a tsutsa, takaw a gar tə a wəzəm. 35Ndə həji aagi, aa gəra ikwa ya, həji ma ndza a hayak Lida tiwtiw abə ma ndza ata varvara a hayak Saruŋ aagi, tsaw aa ndaa ta ara Bay Madagal, aska a ɗa həji tə aagi.
Garha a wəzəm Tabita a jiɓ a Jupe
36A hayak Jupe, wala minja aka, a ɗa magəla Yesu, zləm tə ya Tabita. Abə ma Gərek ci, zləm tə «Durkas» ma kamay a ghal ya, «Maŋgazaw». Ndza tə ci, ɗal təwah abə lamzə həji titikw aagi. 37Vah minja aka, dawər a dawər tə, azha mca a mca tə. A diwzha ndə aa ban bəza, pa aa tsə ka a jak ma ndza a wəzəm aha jak ndiɓi aagi. 38Ndə Lida a ɗa huk abəra Jupe, magəli ataa Yesu aagi, aa tazlima Piyer a tsutsa a hayak Lida, azha zlən aa zlənanə həji aagi gbak aska aagi azlapanə a Piyer: «Ni kadzahu ra tuh, hwa ɗiw a həzək səku a ndaha ara ni,» aagiy. 39Piyer tsaa kanda tə a tsutsa a tsutsa abə təmta. Ndə a ɗa gwar ya, həji gəra a kalahə a wəzəm a jak ma ndza a wəzəm aha jak ndiɓi aagi nana, wali wədə aagi, tiwtiw aa atama tə, aa kahan, aa kaghalanə rəkuts ma nec nec aagi, ndə Durkas a kaŋtəvata aagi tiɗa ndə a ɗa, a ndza tə abə nja. 40Piyer, dəba a agamha həji aagi bəza tiwtiw, gəliɓ a gəliɓ tə ka, dəba a atarha, a diwzha zlaz a zlazha ma gwara ara mci, zlap a zlapanə, iŋgaya: «Tabita, gar kwa a wəzəm!» iy. Tabita dəɗ a dəɗ nja, ndə a gəra Piyer ya, ka a ndza tə ka. 41Pa Piyer a vəlanə ra a garzə a wəzəm. Azha, ya a yaha həji Kərist aagi abə wali wədə nana aagi, ghal a ghalatana Tabita ndza tə abə nja. 42Həji ma ndza a hayak Jupe aagi tiwtiw, aa tazlima ma watsa, azha vərəm ana həji ma shaha ara Bay Madagal aagi. 43Piyer tandza wan dagala a hayak Jupe, a wata ataa ala minja ma kaɗal zlən gwabəla, ndə aa kayə, Simun.
Iliyochaguliwa sasa
Zlən ataa həji ta zlən aagi 9: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zlən ataa həji ta zlən aagi 9
9
Mbaɗ landza ataa Sul
1A vah watsa ya, Sul a deŋ a satana yaka a magəli ataa Bay Madagal aagi, abə a bazlata. Tsaw a nda ara madagal maɗal kwakus, 2dəba a aɗiwzə, aska a ŋtiranə ɗerewal a jaɓatana a bay ma ndza aha jak ta tarha Yahuda ma ndza a hayak ma dzamadzam Damas aagi. Andza, Sul tagəra həji Yesu aagi a tsutsa, mawəl aagi abə wali, a ambəlata aara, a adzawata ka, aska a jaɓata a Wərusalima. 3Ndə ata təf, huk abəra hayak Damas, a tsutsa a tsutsa, weɗ la minja a ndaha a wəzəm a wəzlaf, dəp a dəp bəza, la ma ndza abəra a kaɓal tiwtiw. 4Ndəv a ndəv tə ata hayak, a zlima wəla minja a dzaha, ma kazlapanə, iŋgaya: «Sul, Sul, hwa saka yaka ara veme?» iy. 5Ɗiw a ɗiwzə, iŋgaya: «Hwa vaya, Bay Madagal?» Zhin a zhinanə, iŋgaya: «Sa Yesu, hwa saka yaka watsa a sa. 6Ama, gar kwa a wəzəm, nda kwa a ŋge a hayak ma dzamadzam, aa kaaghalahu səkən ndə hwa kaaɗalə,» iy. 7Həji ndə aa kaciwir abə təmta aagi, darwak aa gar ta ka. Aa kula a dəɗɓa ma a zlapəs. Aa kazlima zlap ala, ama kwa aa kagəra ala tə akas. 8Sul takaw a gar tə a wəzəm ata hayak, avəli nja tə tadəɗ tə, ama a kagəra las, aa njiw ata ra ana həji ma kalah həji wələf aagi jaɓi a hayak Damas. 9Ata la ndə a ɗal wan mahkaɗ, a kagəra la səku, kwa tazəm səkən akas, kwa tasa yəm akas.
10A hayak Damas watsa, magəla minja aka, zləm tə Ananiyas. Bay Madagal ghal a ghalanə a ha tə andza mbaɗ tə, azha zlap a zlapanə, iŋgaya: «Ananiyas!» Ananiyas a zhinanə, iŋgaya: «Sa tsakwa Bay Madagal!» iy. 11Bay Madagal zlap a zlapanə, iŋgaya: «Nda anawatsə anawatsə a zal təf ndə həji kayə zal təf ma dəlili, hwa nda a gi Yahuda, azha ɗiwzə ala minja zləm tə Sul ndə hayak Tarsus, a katarha a tsutsa. 12Azha, tsakwa ana səkən ndə sa ghalanə: Mawəl minja Ananiyas tsaw a nda, azha tatsa ra ata ha tə aska a nja tə a dəɗ tə.» 13Ananiyas zhin a zhinanə, iŋgaya: «Bay Madagal, sa tazlima, həji aagi vərəm aa kazlap ata ala watsa. Sa kasən səkən ma gamak ndə a ɗalatana a həji kwa ma ghwaɗeɗe aagi a Wərusalima. 14Azha, a ɗi, abə ɓərɓər dagala, ndə magulakwakw maɗal kwakus aagi, aa vəlanə a dzaw həji ma kaya zləm kwa aagi tiwtiw.» 15Ama Bay Madagal zlap a zlapanə, iŋgaya: «Nda, ara ndə a ɗa, ala watsa ana ndə sa mayə. Sha ana ma kaaghalatana zləm naka atama həji ma ŋkula sən Bizlaf aagi, bay ma gulakwakw aagi abə həji Isərayila ndiɓi aagi yəm. 16Sa abə ha naka sa aghalanə ka tiwtiw ana səkən ma kaasanə yaka dawna zləm naka.» 17A tsutsa, Ananiyas tsaa kanda tə, peteŋ a wata ala watsa, pa a tsa ra aha azha iŋgaya: «Sul, zlina, Bay Madagal ma zlənaka, Yesu ma ghalahu ha tə ata təf ndə hwa kanjini watsa. Sha ma zlənaka, aska a nja kwa a dəɗ tə, azha aska hwa aɗa mkpef abə Miɗ ma ghwaɗeɗe.» 18A tsutsa, səkən ndiɓi aagi andza slegef, aa zahha a nja tə, a tsutsa a tsutsa, nja tə mpaŋ a dəɗ tə. Takaw a gar tə a wəzəm, azha dəba a aɗal batem. 19A diwzha tə, dəba a azəm səkən, ɓərɓər tə tazhina tə.
Sul a kaghal Ma wiyə ma təwah a hayak Damas
Sul taɗalzə wan kajik abə magəli Yesu aagi a hayak Damas, 20tahəzək akas, dəba a aghal Ma wiyə ma təwah a jak ta tarha Yahuda aagi, «Yesu a ɗa Mbə Bizlaf!» iy. 21Həji ma zlima ma tə aagi tiwtiw, aa taghərəŋ ta hak a guɗaŋ, aa kazlap aagi iŋgaya: «Həna ala watsə ana ma ndza a Wərusalima ma kasatana yaka a həji ma kaya zləm ataa Yesu aagi kavəw, həjiy wəra? A ndaha a ɗi a mbəla həji aagi, a dzawata a jaɓatana a magulakwakw maɗal kwakus aagi səku azha vəw?» 22Ama Sul a ghalatana bəza a heɗe a heɗe a guɗaŋ, a Yahuda ma ndza a hayak Damas aagi, Yesu ana Kərist ŋter. 23Wan dagala a diwzha tə, dəba Yahuda aagi aji deŋ ŋkwaɓ ta mbəla Sul a dzə ka a mci. 24Ama Sul tazlima ma ta bəza. Zaɗə abə bishkit, aa kahəbar majak ataa hayak ma dzamadzam aagi, aska aagi a dzə ka. 25Ama abə zaɗə minja aka, magəli ataa Sul aagi pa aa tsə ka a wədzəm aska aagi alima a daazə a bəza gwara aha zlawak.
Sul a Wərusalima
26Ndə Sul a ɗa peteŋ a Wərusalima, a may a nda tə a taba dzəvha ataa magəli aagi, ama kwa vaye ŋzliŋ a kadzata ara, ara ndə a ɗa, kwa ala ma ɗal awa, Sul a ɗa magəla Yesu ŋter akas. 27Barnabas leŋ a ji Sul aara abəra, jaɓ a jaɓi ara həji ta zlən Yesu aagi, dəba a aghalatana ma watsə ikwa, iŋgaya: «Ata təf, Sul tagəra Bay Madagal, azha Bay Madagal watsa tazlapanə. A hayak Damas, Sul a kaghal Ma wiyə ma təwah a heɗe a heɗe abə guɗaŋ tə ata zləm Yesu.» 28ꞌWa aka a tsutsa azha, dəba Sul a anda, a azhinha abə təmta a Wərusalima, a kaghal Ma wiyə ma təwah ata zləm ataa Bay Madagal a heɗe a heɗe abə guɗaŋ tə. 29Aa talima abə Yahuda aagi ma kazlap ma Gərek aagi, azha aa kadza səbakw abə təmta, ama ataa aŋta, aa gasə a dzə ka. 30Ndə həji Kərist aagi, aa zlima ya, jaɓ aa jaɓ Sul aka a hayak ma dzamadzam Kaysariya, a tsutsa, aa tsa kanda ta a hayak ma dzamadzam Tarsus zhana.
31Ladzam həji Kərist ma ndza a hayak Yahudiya tiwtiw, a hayak Galili abə ma ndza a hayak Samariya, a ndza a təwah, a kashiɓir tə, a ndza abə haw a Bay Madagal, abə ɓərɓər ataa Miɗ ma ghwaɗeɗe, həji Kərist aagi, aa kavas a fəl ta.
Reh ataa Ayneyas
32Piyer a kaciwir a hayak aagi tiwtiw. Vah minja aka, tsaw a nda ara həji ma ji ma Yesu ma ndza a hayak Lida aagi. 33A gəra a tsutsa ala minja, zləm tə Ayneyas, tawanaya ata həzhiɗ tə, va a ɗal bəza dzamahkaɗ, ala watsa tagəy tə. 34Piyer zlap a zlapanə, iŋgaya: «Ayneyas, Yesu Kərist tarehahu bəza, gar kwa a wəzəm, paɗ həzhiɗ kwa ka!» iy. A tsutsa a tsutsa, takaw a gar tə a wəzəm. 35Ndə həji aagi, aa gəra ikwa ya, həji ma ndza a hayak Lida tiwtiw abə ma ndza ata varvara a hayak Saruŋ aagi, tsaw aa ndaa ta ara Bay Madagal, aska a ɗa həji tə aagi.
Garha a wəzəm Tabita a jiɓ a Jupe
36A hayak Jupe, wala minja aka, a ɗa magəla Yesu, zləm tə ya Tabita. Abə ma Gərek ci, zləm tə «Durkas» ma kamay a ghal ya, «Maŋgazaw». Ndza tə ci, ɗal təwah abə lamzə həji titikw aagi. 37Vah minja aka, dawər a dawər tə, azha mca a mca tə. A diwzha ndə aa ban bəza, pa aa tsə ka a jak ma ndza a wəzəm aha jak ndiɓi aagi. 38Ndə Lida a ɗa huk abəra Jupe, magəli ataa Yesu aagi, aa tazlima Piyer a tsutsa a hayak Lida, azha zlən aa zlənanə həji aagi gbak aska aagi azlapanə a Piyer: «Ni kadzahu ra tuh, hwa ɗiw a həzək səku a ndaha ara ni,» aagiy. 39Piyer tsaa kanda tə a tsutsa a tsutsa abə təmta. Ndə a ɗa gwar ya, həji gəra a kalahə a wəzəm a jak ma ndza a wəzəm aha jak ndiɓi aagi nana, wali wədə aagi, tiwtiw aa atama tə, aa kahan, aa kaghalanə rəkuts ma nec nec aagi, ndə Durkas a kaŋtəvata aagi tiɗa ndə a ɗa, a ndza tə abə nja. 40Piyer, dəba a agamha həji aagi bəza tiwtiw, gəliɓ a gəliɓ tə ka, dəba a atarha, a diwzha zlaz a zlazha ma gwara ara mci, zlap a zlapanə, iŋgaya: «Tabita, gar kwa a wəzəm!» iy. Tabita dəɗ a dəɗ nja, ndə a gəra Piyer ya, ka a ndza tə ka. 41Pa Piyer a vəlanə ra a garzə a wəzəm. Azha, ya a yaha həji Kərist aagi abə wali wədə nana aagi, ghal a ghalatana Tabita ndza tə abə nja. 42Həji ma ndza a hayak Jupe aagi tiwtiw, aa tazlima ma watsa, azha vərəm ana həji ma shaha ara Bay Madagal aagi. 43Piyer tandza wan dagala a hayak Jupe, a wata ataa ala minja ma kaɗal zlən gwabəla, ndə aa kayə, Simun.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia