Zlən ataa həji ta zlən aagi 20
20
Zhinha Pul a hayak Makeduniya abə Akaya
1Ndə həɗəw ha a kəɗaŋ tə ya, Pul, dzam a dzam magəli Yesu aagi dəba a azlapatana aska aagi vas a ŋcah. A diwzha tə, zlap a zlapzatana, tsaa kanda tə a hayak Makeduniya. 2Ndə a pew hayak watsa bəza abə a zlapatana aska a ŋcah dagala a həji ma ji ma Yesu aagi, azha, peteŋ a hayak Akaya. 3Pul taɗal ŋtəra mahkaɗ a tsutsa. Tiɗa ndə a kamay a taf tə a gəlmbə aska a nda a hayak Siriya, a kazlima, Yahuda aagi, aa kamay a ɗalanə zlən ma gamak ya, dəba a azhinha gwara a hayak Makeduniya. 4Tsakwa ana həji ma kalah aagi: Supater mbə ataa Pirus ma ndza a hayak ma dzamadzam Bereya, Aristarkus abə Sekundus, həji ma ndza a hayak ma dzamadzam Tesaluniki aagi, Gayus ma ndza a hayak ma dzamadzam Derbe abə tiw Timuti, Tikikus ɓew Turufimus ma ndza a hayak Asiya aagi. 5Həji watsə aagi, təmta ana ma diw a nda atama mpər aha ni, aa katehani a hayak ma dzamadzam Turuwas. 6Azha, ataa aŋcini, ni taf cini ata gəlmbə a hayak ma dzamadzam Filip aska a nda gərata, a diwzha gwaygwaya wəda ndə həji ŋkula ɗalə abə faŋtər. Wan dzaɓən a diwzha, nda gəra ni gəra həji cini aagi a hayak Turuwas, a tsutsa abə ni ɗal luma ŋtaɗ.
Pul tataŋha həji ma ndza a hayak Turuwas aagi
7Ma vah kilvi abə ŋtsəɓahw, ni tadzama ka aska a zəm wəda Bizlaf, Pul leŋ a ji zlap atama zliŋgin mawəl aagi abə hildimi ma ɗa həji Kərist aagi. Ara ndə a ɗa slaɓ a nda tə, dəba zlap a vaŋ a tapah zaɗə. 8A jak ma tsəham ma ndza a wəzəm aha jak ndiɓi aagi, patərla aagi aka vərəm ata la ndə ni va a dzam. 9Mbə dərlaŋ minja aka, zləm tə Itikus, a kandza ata mazləm filiŋtir. Pul tagum zlap səku, a kazlap wəruk. Keŋ wan a dza Itikus bəza, ndə a wan tə a guɗaŋ, a ndəvha a wəzəm ata jak ma ndza a wəzəm mamahkaɗ azha, ndə həji gas a garzə a wəzəm ya, həji gəra tamca tə. 10Azha, Pul taduk a tadukha abəra kahkah, kaw a mbəl ka ata ra, iŋgaya: «Ŋzliŋ a dzahuni səku, tamca səku, ndza tə abə nja!» iy. 11A diwzha, tsaw Pul a nda tə a wəzəm a jak ma ndza a wəzəm aha jak ndiɓi aagi watsa, dəba a aɓizh wəda, aa kazəmə. Zhana dəba a azlap a gwar a kwaf biŋ azha, tsaa kanda tə. 12A diwzha tə, leŋ aa daaha mbə watsa abə nja, tavəlatana ŋgalaŋ aska aagi aŋcah tiwtiw.
Ciwir Pul a hayak ma dzamadzam Turuwas a gwar a hayak ma dzamadzam Miletus
13Ni diw a nda cini mpər atama, takaf ni taf ata gəlmbə a nda a hayak ma dzamadzam Asus, ata la ndə ni kaanda kaɗ Pul aara abə ni. Ara ndə a ɗa, tadeŋ bəza a ha tə a nda gwara abə ŋgas. 14Ni dzəv abə tiw Pul a hayak Asus, azha leŋ ni ji aara ata gəlmbə a nda a hayak ma dzamadzam Mitilene. 15A tsutsa, ni gar a wəzəm abə gəlmbə, a kwaf tə abə ni gwar atama bay mtil Kiyus. Vah ŋtaɗ a diwzha tə, peteŋ ni a bay mtil Samus, azha wan mamahkaɗ tə, peteŋ ni a hayak ma dzamadzam Miletus. 16Ara ndə a ɗa, Pul tamay a gara ka kwa kajik a hayak Efesus akas, a kaji a həzəkzə kusəm kwa kajik a hayak Asiya səku. A ɗalanə həzək ara ndə a ɗa, a ɗiw ma vah gwaygwaya Paŋtekusta a ɗal ya, gwar a Wərusalima andza a kalima.
A Miletus, ɓizh tiw Pul abə həji ma gulakwakw ma ndza a hayak Efesus aagi
17A Miletus abə Pul a yaha həji ma shif shif ma ndza a taba həji Kərist ma ndza a hayak Efesus aagi. 18Ndə aa ɗa gwar abəra ya, dəba Pul a azlapatana, iŋgaya: «Huni kasən avaŋgəy abə sa ndza abə huni ꞌwa aka ata vah naka mampər ndə sa ndaha a hayak Asiya. 19Sa taɗalanə zlən a Bay Madagal abə ghav akas, sa ɗalanə zlən abə han, abə yaka ara ndə, Yahuda ndiɓi aagi mayaka səkən ma gamak. 20Kala səkən ma kaɗalahuni təwah tiwtiw, sa taɓah akas, ama, ata nja manahayak tiw aka səku ata paŋ a wata kuni aagi, sa taghalahuni ma Bizlaf, sa tasərəkahuni səkən aagi. 21Sa tayaha Yahuda aagi abə həji ma ŋkula ɗa Yahuda aagi aska aagi ambaɗ landza ta bəza. Aa mabəw ta a həji Kərist aagi, aa maɗalanə awa a Bay Madagal Yesu. 22Anawatsə, sa nda naka a Wərusalima. Miɗ ma ghwaɗeɗe ana ma takaka a ɗalə ikwa. Sa kasən səkən ma kaanda ɗalaka a tsutsa səku. 23Ama kwa a vatəy tiwtiw a hayak ndə sa kaanda ci, Miɗ ma ghwaɗeɗe a kaghalaka, sa asa yaka, sheshili a katehaka. 24Ataa naka, sa kataŋ miɗ naka a ndza səkən ma təwah səku, səkən ndə sa kamayə, a nda tsalah ata la kəɗaŋ zlən naka. Sa may a ɗal səkən ndə Bay Madagal Yesu a ɗiwaka, ghal səkən ndə sa gəra abə ndə sa kasənə ata Ma wiyə ma təwah ataa la ndza bay Bizlaf.
25Sa tapew a taba kuni tiwtiw a ghal la ndza bay Bizlaf ma ndza a wəzəm, azha anawatsə, sa kasənə, huni kaazhin a gəra nja naka tep akas zhana səku. 26Sha ana ndə a ɗa, akacihwa, sa kaghalahuni abə ɓərɓər tə: Sa taɗal səkən ma teete abə ŋgalaŋ naka dawna huni. Andza a kwaf, huni tasənakənə a ma naka səku, watsa ma naka səku. 27Ara ndə, sa taghalahuni bəza tiwtiw ana səkən ndə Bizlaf a deŋi, kwa sa taɓah akas. 28Huni mbəla ŋkwaɓ aska ha kuni, abə həji aagi ndə, Miɗ ma ghwaɗeɗe a vəlahuni ka aagi, aska huni andza andza wəzhi njin ta aagi, huni ɗa wəzhi njin ladzam həji Kərist aagi ma ɗa ataa Bizlaf. A vəla ampəs tə aska a rehata.
29Sa kasən katkadək, a diwzha ndə sa kaanda naka, həzhi damə ndiɓi aagi andaha a taba kuni, azha aagi asatana yaka a həji watsa aagi. 30Kwa a taba kuni, həji ndiɓi aagi azla gaɗaɗaŋ, aagi aghut həji Kərist aagi bəza a diwzha ta. 31Ara huni awan kuni! Azha, huni sənakənə, va mahkaɗ, zaɗə abə bishkit, sa tagum a vəlanə ŋkwaɓ a kwa a vaye a taba kuni səku, abə han a nja naka. 32Azha anawatsə, sa kambaslahuni ka aska ra Bizlaf abə zlap ma təwah tə. Zlap watsa abə ɓərɓər a fəlahuni atama atama. Gwara a zlap watsa zhana, Bizlaf a vəla səkən ma təwah ndə a ɓahatana ka a həji ndə a kamayata aagi.
33Sa taɗa nja aska dala ala, kwa wəshi, kwa rəkuts ataa ala akas. 34Huni kasənə ana huni tə abə ha kuni, sa ɗal zlən abə ra naka aska a mbəla miɗ naka abə miɗ həji ma lahaka aagi. 35Sa taghalahuni pal, a kaɗiw həji ɗal zlən ikwa andza watsə a lamzə həji titikw aagi. A kaɗiw həji sənakənə a ma ndə Bay Madagal Yesu a zlap ka abə ha tə, iŋgaya: “Zəghay tavəlaya dəy aha lam səkən,” iy.»
36Ndə Pul a kəɗaŋ zlap tə bəza, gəliɓ a gəliɓ tə ka, dəba aagi atarha abə təmta tiwtiw. 37Azha, kwa vaye tiwtiw, aa kahan, aa kafakakənə ha ata bəra a Pul aska aagi a zlapzanə kwakuɗaŋ. 38Aa taghuɗek ara ndə, a kazlap, iŋgaya: «Huni kaazhin a gəra nja naka tep aka zhana səku.» A diwzha tə, dəba aagi alahzə a gwar ata ndə a kanda aska a taf ata gəlmbə a nda tə.
Iliyochaguliwa sasa
Zlən ataa həji ta zlən aagi 20: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zlən ataa həji ta zlən aagi 20
20
Zhinha Pul a hayak Makeduniya abə Akaya
1Ndə həɗəw ha a kəɗaŋ tə ya, Pul, dzam a dzam magəli Yesu aagi dəba a azlapatana aska aagi vas a ŋcah. A diwzha tə, zlap a zlapzatana, tsaa kanda tə a hayak Makeduniya. 2Ndə a pew hayak watsa bəza abə a zlapatana aska a ŋcah dagala a həji ma ji ma Yesu aagi, azha, peteŋ a hayak Akaya. 3Pul taɗal ŋtəra mahkaɗ a tsutsa. Tiɗa ndə a kamay a taf tə a gəlmbə aska a nda a hayak Siriya, a kazlima, Yahuda aagi, aa kamay a ɗalanə zlən ma gamak ya, dəba a azhinha gwara a hayak Makeduniya. 4Tsakwa ana həji ma kalah aagi: Supater mbə ataa Pirus ma ndza a hayak ma dzamadzam Bereya, Aristarkus abə Sekundus, həji ma ndza a hayak ma dzamadzam Tesaluniki aagi, Gayus ma ndza a hayak ma dzamadzam Derbe abə tiw Timuti, Tikikus ɓew Turufimus ma ndza a hayak Asiya aagi. 5Həji watsə aagi, təmta ana ma diw a nda atama mpər aha ni, aa katehani a hayak ma dzamadzam Turuwas. 6Azha, ataa aŋcini, ni taf cini ata gəlmbə a hayak ma dzamadzam Filip aska a nda gərata, a diwzha gwaygwaya wəda ndə həji ŋkula ɗalə abə faŋtər. Wan dzaɓən a diwzha, nda gəra ni gəra həji cini aagi a hayak Turuwas, a tsutsa abə ni ɗal luma ŋtaɗ.
Pul tataŋha həji ma ndza a hayak Turuwas aagi
7Ma vah kilvi abə ŋtsəɓahw, ni tadzama ka aska a zəm wəda Bizlaf, Pul leŋ a ji zlap atama zliŋgin mawəl aagi abə hildimi ma ɗa həji Kərist aagi. Ara ndə a ɗa slaɓ a nda tə, dəba zlap a vaŋ a tapah zaɗə. 8A jak ma tsəham ma ndza a wəzəm aha jak ndiɓi aagi, patərla aagi aka vərəm ata la ndə ni va a dzam. 9Mbə dərlaŋ minja aka, zləm tə Itikus, a kandza ata mazləm filiŋtir. Pul tagum zlap səku, a kazlap wəruk. Keŋ wan a dza Itikus bəza, ndə a wan tə a guɗaŋ, a ndəvha a wəzəm ata jak ma ndza a wəzəm mamahkaɗ azha, ndə həji gas a garzə a wəzəm ya, həji gəra tamca tə. 10Azha, Pul taduk a tadukha abəra kahkah, kaw a mbəl ka ata ra, iŋgaya: «Ŋzliŋ a dzahuni səku, tamca səku, ndza tə abə nja!» iy. 11A diwzha, tsaw Pul a nda tə a wəzəm a jak ma ndza a wəzəm aha jak ndiɓi aagi watsa, dəba a aɓizh wəda, aa kazəmə. Zhana dəba a azlap a gwar a kwaf biŋ azha, tsaa kanda tə. 12A diwzha tə, leŋ aa daaha mbə watsa abə nja, tavəlatana ŋgalaŋ aska aagi aŋcah tiwtiw.
Ciwir Pul a hayak ma dzamadzam Turuwas a gwar a hayak ma dzamadzam Miletus
13Ni diw a nda cini mpər atama, takaf ni taf ata gəlmbə a nda a hayak ma dzamadzam Asus, ata la ndə ni kaanda kaɗ Pul aara abə ni. Ara ndə a ɗa, tadeŋ bəza a ha tə a nda gwara abə ŋgas. 14Ni dzəv abə tiw Pul a hayak Asus, azha leŋ ni ji aara ata gəlmbə a nda a hayak ma dzamadzam Mitilene. 15A tsutsa, ni gar a wəzəm abə gəlmbə, a kwaf tə abə ni gwar atama bay mtil Kiyus. Vah ŋtaɗ a diwzha tə, peteŋ ni a bay mtil Samus, azha wan mamahkaɗ tə, peteŋ ni a hayak ma dzamadzam Miletus. 16Ara ndə a ɗa, Pul tamay a gara ka kwa kajik a hayak Efesus akas, a kaji a həzəkzə kusəm kwa kajik a hayak Asiya səku. A ɗalanə həzək ara ndə a ɗa, a ɗiw ma vah gwaygwaya Paŋtekusta a ɗal ya, gwar a Wərusalima andza a kalima.
A Miletus, ɓizh tiw Pul abə həji ma gulakwakw ma ndza a hayak Efesus aagi
17A Miletus abə Pul a yaha həji ma shif shif ma ndza a taba həji Kərist ma ndza a hayak Efesus aagi. 18Ndə aa ɗa gwar abəra ya, dəba Pul a azlapatana, iŋgaya: «Huni kasən avaŋgəy abə sa ndza abə huni ꞌwa aka ata vah naka mampər ndə sa ndaha a hayak Asiya. 19Sa taɗalanə zlən a Bay Madagal abə ghav akas, sa ɗalanə zlən abə han, abə yaka ara ndə, Yahuda ndiɓi aagi mayaka səkən ma gamak. 20Kala səkən ma kaɗalahuni təwah tiwtiw, sa taɓah akas, ama, ata nja manahayak tiw aka səku ata paŋ a wata kuni aagi, sa taghalahuni ma Bizlaf, sa tasərəkahuni səkən aagi. 21Sa tayaha Yahuda aagi abə həji ma ŋkula ɗa Yahuda aagi aska aagi ambaɗ landza ta bəza. Aa mabəw ta a həji Kərist aagi, aa maɗalanə awa a Bay Madagal Yesu. 22Anawatsə, sa nda naka a Wərusalima. Miɗ ma ghwaɗeɗe ana ma takaka a ɗalə ikwa. Sa kasən səkən ma kaanda ɗalaka a tsutsa səku. 23Ama kwa a vatəy tiwtiw a hayak ndə sa kaanda ci, Miɗ ma ghwaɗeɗe a kaghalaka, sa asa yaka, sheshili a katehaka. 24Ataa naka, sa kataŋ miɗ naka a ndza səkən ma təwah səku, səkən ndə sa kamayə, a nda tsalah ata la kəɗaŋ zlən naka. Sa may a ɗal səkən ndə Bay Madagal Yesu a ɗiwaka, ghal səkən ndə sa gəra abə ndə sa kasənə ata Ma wiyə ma təwah ataa la ndza bay Bizlaf.
25Sa tapew a taba kuni tiwtiw a ghal la ndza bay Bizlaf ma ndza a wəzəm, azha anawatsə, sa kasənə, huni kaazhin a gəra nja naka tep akas zhana səku. 26Sha ana ndə a ɗa, akacihwa, sa kaghalahuni abə ɓərɓər tə: Sa taɗal səkən ma teete abə ŋgalaŋ naka dawna huni. Andza a kwaf, huni tasənakənə a ma naka səku, watsa ma naka səku. 27Ara ndə, sa taghalahuni bəza tiwtiw ana səkən ndə Bizlaf a deŋi, kwa sa taɓah akas. 28Huni mbəla ŋkwaɓ aska ha kuni, abə həji aagi ndə, Miɗ ma ghwaɗeɗe a vəlahuni ka aagi, aska huni andza andza wəzhi njin ta aagi, huni ɗa wəzhi njin ladzam həji Kərist aagi ma ɗa ataa Bizlaf. A vəla ampəs tə aska a rehata.
29Sa kasən katkadək, a diwzha ndə sa kaanda naka, həzhi damə ndiɓi aagi andaha a taba kuni, azha aagi asatana yaka a həji watsa aagi. 30Kwa a taba kuni, həji ndiɓi aagi azla gaɗaɗaŋ, aagi aghut həji Kərist aagi bəza a diwzha ta. 31Ara huni awan kuni! Azha, huni sənakənə, va mahkaɗ, zaɗə abə bishkit, sa tagum a vəlanə ŋkwaɓ a kwa a vaye a taba kuni səku, abə han a nja naka. 32Azha anawatsə, sa kambaslahuni ka aska ra Bizlaf abə zlap ma təwah tə. Zlap watsa abə ɓərɓər a fəlahuni atama atama. Gwara a zlap watsa zhana, Bizlaf a vəla səkən ma təwah ndə a ɓahatana ka a həji ndə a kamayata aagi.
33Sa taɗa nja aska dala ala, kwa wəshi, kwa rəkuts ataa ala akas. 34Huni kasənə ana huni tə abə ha kuni, sa ɗal zlən abə ra naka aska a mbəla miɗ naka abə miɗ həji ma lahaka aagi. 35Sa taghalahuni pal, a kaɗiw həji ɗal zlən ikwa andza watsə a lamzə həji titikw aagi. A kaɗiw həji sənakənə a ma ndə Bay Madagal Yesu a zlap ka abə ha tə, iŋgaya: “Zəghay tavəlaya dəy aha lam səkən,” iy.»
36Ndə Pul a kəɗaŋ zlap tə bəza, gəliɓ a gəliɓ tə ka, dəba aagi atarha abə təmta tiwtiw. 37Azha, kwa vaye tiwtiw, aa kahan, aa kafakakənə ha ata bəra a Pul aska aagi a zlapzanə kwakuɗaŋ. 38Aa taghuɗek ara ndə, a kazlap, iŋgaya: «Huni kaazhin a gəra nja naka tep aka zhana səku.» A diwzha tə, dəba aagi alahzə a gwar ata ndə a kanda aska a taf ata gəlmbə a nda tə.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia