Matyáasa Ŋgíŋgáánéná
Ŋgíŋgáánéná
Kárate ójó Matyáasa a ma tiré kóojó. Matyáasa a ámó a sómbá tása ójó Yésusu a ma bérááná ukú ójó anáá a búndé ehoóhóná yáa. Matyáasa a ámó na ncámbá ra enásá éjé Yésusu a ma tómá anáá e té oja Usi wa Cómó ukú ójó anáá vato vá búndána va kirítene. Naáté yá kárate ojó, Matyáasa a ojámó ámó Yésusu a ma byánávéná, a oja honó waájó wá Yésusu mwané na até éyé a ma yééré vato ondo húmé na nugwé na ehonowa yáa. Yésusu a ma ré oja maró má Irɔŋgɔ na ijwé iŋgímé, a ondónana vinɔ́, a guné vambé vá vireréŋgi, a wunde weŋga kána kána rá mesimbá. Matyáasa a ma tíré Usi wa Cómó ojó na wusó wá va mbérá váa vá manɔnɔwɔ índi a wó tíhíye anáá na vatɔ́ɔ́tɔ́, Yésusu a ámó asótyé ójó vahúmíye maró vá Irɔŋgɔ vá ma késyé woja kɔ́ɔ́m naáté yá aŋgóŋgí. Kó até yimé éyé é ma tirévéná na wusó wáa naáté yá aŋgóŋgí mwané hɔrɔ́ a ré rií ka uré na cí é ma jiné ka céndyé wandá womó. Ómwané kójo ahumu ájá á ma geréméná wuré, wandá mwané kówo ombunu ó me béráanámó anáá mwaná Dáviti esene éyé Dáviti mwané kójo ogónó wa ahumu na ncámbá ra vaná vá Ísayéere ává vá Irɔŋgɔ. Kó ítɔɔ ámó Yésusu a ma ojáná vató ává na ísayéere até éyé é néménámó tamba ra Irɔŋgɔ, vagónó váwó maté káva vá ma me váráŋgá. Kaá ará Yésusu a ma gwé, vagónó mwané vá ma gúné vihoóhóná na pandó ra mbásóóríyé, kó vihoóhóná ví ma sárámándá o té oja ówó Usi wa Cómó.
Tékéná mamba éjé na kárate ojó
1. Va kókó vá Yésusu na ebyánávéná yáa (1:2–2:23).
2. Ipeŋgúruma rá Yohánese adwe vato (3:1-12).
3. Nduwáná ra Yésusu na mabóbórá má Saátana (3:13–4:11).
4. Esɔ́tɔ́ yá Yésusu na Gariréya (4:12–18:35).
5. Yésusu a urúkyámó Gariréya wenda na Yerúsareme (19:1–20:34).
6. Jósi wa Yésusu na nugwé náa (21:1–27:66).
7. Ehonowa yá Yésusu (28:1-20).
Iliyochaguliwa sasa
Matyáasa Ŋgíŋgáánéná: tii
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024, CABTAL