Matyáasa 4
4
Yésusu a tibaanámó na vimaa
(Már 1:12-13; Rúk 4:1-13)
1Kó Ireréŋgi yá Irɔŋgɔ e ma enda na Yésusu naáté yá ekwete yá edɔŋgɔ anáá Saátana a nde mo maa. 2A ma rii ɔ́kɔ́ métúú mawómáné na masi mawómáné kó a ma kyeé manyá na metúú mwané, na nimé éjé ɔ́wɔ́ a ma ová njeŋge. 3Kó Saátana ójó a maámó vato a ma me kérená aye naá anaá: «Ŋgé o ámó Mwaná wa Irɔŋgɔ, járá na atááné ajá anáá indi a mbundé manyá.» 4Kó Yésusu a ma mo wundíyé anáá: «Ó ámó itirána na kárate wa Irɔŋgɔ anáá: Moto a ta sɔ́tɔ́ bɛ́ŋ na manyá, a sɔ́tɔ́mó hónó na epéŋgé yimé éyé e humámó na uŋgúté ra Irɔŋgɔ.» 5Kó saátana endámó hée naá na Yérusareme oŋgórá ójó mwáŋ mwáŋ o mo vaá na máná ra yanje yá Irɔŋgɔ. 6Kó a ma járá naá anáá: «Ŋgé o ámó Mwaná wa Irɔŋgɔ jumé na cí esene éyé owó o ámó itirána anáá: Irɔŋgɔ a ne eréénámó va éŋgerese váa ŋguru na wusó wɔɔ́ anáá vá obyá na embɔɔ́ rawó ombótá ójó anáá oŋgoró rɔɔ o ta ŋge kukána itááne.» 7Yésusu a ma járá naá anáá: «Wo ámó hónó itirána naáté yá kárate wa Irɔŋgɔ anáá: Moto a ta geréméná omaa Okí Irɔŋgɔ waá.» 8Kó Saátana endámó hée naá na máná ra ekáne yá yene a mó tihiyámó vidɔŋgɔ bimé íví cí ra ndono na akúmé ráwó aŋgimé. 9Ayé naá anáá: «wimé ówó ŋgo ne wo eréénámó ŋge wá gurúmaná na monda rame o ŋgumiyé.» 10Kó Yésusu a ma járá naá anáá: «Saátana, ŋgo urikyámó na aŋgísó! Wo ámó itirána naáté yá kárate wa Irɔŋgɔ anáá: Moto a geremenamó ogumiyámó bɛ́ŋ Okí Irɔŋgɔ waá, a me nɔnɔwena bɛ́ŋ ómwané.» 11Saátana a ma urikyé, kó va éŋgerese vá ma uré, vá te omo nɔnɔɔwena.
Yésusu a kesyámo woja Usi wa Cómó na Garireyá
(Már 1:14-15; Rúk 4:14-15)
12Ará Yésusu a ma ová anáá Yohánese a ámó na mboo kó a ma enda na edɔŋgɔ yá Gariréya. 13A ma micé Nasaréte a to enda rií na oŋgórá rá Kapernawúmu na kɔ́ŋgɔ́ ra maŋá, naáté yá vidɔŋgɔ íví vá beráanámó anáá Saburóno kó hée na Neptaríyá, 14ukú ójó anáá até éyé ahúmíye maró ójó Isáyi a ma járá wó eŋgávena. 15A ma járá anáá:
Aá edɔŋgɔ yá Saburono na eye na Neptariyá,
íví na ojóŋɔ ójó wó endámó humé na maŋá,
vinóa ává mbóró ra osombo ójó vá béráanámó anáá Yurudéne,
vinó ává na edɔŋgɔ yá Gariréya wa vato ává vá ta ámó va yuúdene!
16Noyɔŋɔ éné nó ma ríi naáté yá mbínó
nó ma ená ekáné yá ineŋgí
ava vá ma ré sɔ́tɔ́ naáté yá edɔŋgɔ yá mbinó ra nugwé,
ineŋgí e ma wó pená.
17Itindikána mwané Yésusu a ma kesyé woja owó cómó ayé anáá: «Céndyáno púrú rá vinó! Esené Tamba éjé na máná ye okéra berebe na vinó!»
Yésusu a ijatámó vihoóhóná vyáa vyá makésyé
(Már 1:16-20; Rúk 5:1-11)
18Amó Yésusu a katé ndenda na kɔ́ŋgɔ́ ra ékáné yá esɔ́ éyé na Gariréya, kó a ma ená vato váváne Símono ójó vá béráanámó anáá Pyéere na navéne ójó Anderéya vá nɔ́ mbúnjé naáté yá esɔ́ esene éyé vá ma ríi vaswa. 19Yésusu a ma járá nawó anáá: «Mbyɔɔnɔ́máno kó ŋgo né eŋgámó anáá no búndé vaswa vato.» 20Kó vá ma híráná ukú tyé mbúnjé ráwó o me byɔɔnɔ. 21Yésusu a enda na wusó, a ma ená hée vato váváne, ó ma ríi Yáka nawó na navéne waá ójó Yohánese vá rií na ŋgɔmbe rawó orɔŋgɔ na isyé wawó ójó Sébede, vá héndá mbúnjé ráwó kó Yésusu a ma wó bérááná. 22Kaá vá ma híráná ukú tyé ŋgɔmbe rawó na isyé wawó, o me byɔɔnɔ.
Yésusu a rɔndɔmó vato
(Már 1:39; Rúk 4:44; 6:17-18)
23Kó Yésusu a ma endá na Gariréya uŋgimé, a té yeére vato naáté yá byanje vyáwó vyá mbásóóríyé a oja Usi wa Cómó wa Tamba a wunde wodónana mɔnɔ́ mawó mimé na kána rá moyémé iŋgímé. 24Nkímíti raá e ma náá e wɔsɔ naáté yá edɔŋgɔ yá Siríyá uŋgimé kó vá katé me urána na vato ává vá katé nɔ́ kána ra mɔnɔ́ mimé na kána rá makáná mimé: Ó katé rií ava na vambé vá vireréŋgi, ava vá obánámó osásámbá, na visúsuúru kó a katé wó rɔ́ndɔ. 25Kaá ombunu rá vato ó katé me byɔɔnɔ ondo urána ówó na Gariréya, na edɔŋgɔ yá eŋgórá yábɔ́t, vámó ondo urána na Yérúsareme kó na ava na Yúdeyá kó na ava na edɔŋgɔ éyé mbóró ejomo ra osombo ójó vá béráanámó anáá Yurudéne.
Iliyochaguliwa sasa
Matyáasa 4: tii
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024, CABTAL
Matyáasa 4
4
Yésusu a tibaanámó na vimaa
(Már 1:12-13; Rúk 4:1-13)
1Kó Ireréŋgi yá Irɔŋgɔ e ma enda na Yésusu naáté yá ekwete yá edɔŋgɔ anáá Saátana a nde mo maa. 2A ma rii ɔ́kɔ́ métúú mawómáné na masi mawómáné kó a ma kyeé manyá na metúú mwané, na nimé éjé ɔ́wɔ́ a ma ová njeŋge. 3Kó Saátana ójó a maámó vato a ma me kérená aye naá anaá: «Ŋgé o ámó Mwaná wa Irɔŋgɔ, járá na atááné ajá anáá indi a mbundé manyá.» 4Kó Yésusu a ma mo wundíyé anáá: «Ó ámó itirána na kárate wa Irɔŋgɔ anáá: Moto a ta sɔ́tɔ́ bɛ́ŋ na manyá, a sɔ́tɔ́mó hónó na epéŋgé yimé éyé e humámó na uŋgúté ra Irɔŋgɔ.» 5Kó saátana endámó hée naá na Yérusareme oŋgórá ójó mwáŋ mwáŋ o mo vaá na máná ra yanje yá Irɔŋgɔ. 6Kó a ma járá naá anáá: «Ŋgé o ámó Mwaná wa Irɔŋgɔ jumé na cí esene éyé owó o ámó itirána anáá: Irɔŋgɔ a ne eréénámó va éŋgerese váa ŋguru na wusó wɔɔ́ anáá vá obyá na embɔɔ́ rawó ombótá ójó anáá oŋgoró rɔɔ o ta ŋge kukána itááne.» 7Yésusu a ma járá naá anáá: «Wo ámó hónó itirána naáté yá kárate wa Irɔŋgɔ anáá: Moto a ta geréméná omaa Okí Irɔŋgɔ waá.» 8Kó Saátana endámó hée naá na máná ra ekáne yá yene a mó tihiyámó vidɔŋgɔ bimé íví cí ra ndono na akúmé ráwó aŋgimé. 9Ayé naá anáá: «wimé ówó ŋgo ne wo eréénámó ŋge wá gurúmaná na monda rame o ŋgumiyé.» 10Kó Yésusu a ma járá naá anáá: «Saátana, ŋgo urikyámó na aŋgísó! Wo ámó itirána naáté yá kárate wa Irɔŋgɔ anáá: Moto a geremenamó ogumiyámó bɛ́ŋ Okí Irɔŋgɔ waá, a me nɔnɔwena bɛ́ŋ ómwané.» 11Saátana a ma urikyé, kó va éŋgerese vá ma uré, vá te omo nɔnɔɔwena.
Yésusu a kesyámo woja Usi wa Cómó na Garireyá
(Már 1:14-15; Rúk 4:14-15)
12Ará Yésusu a ma ová anáá Yohánese a ámó na mboo kó a ma enda na edɔŋgɔ yá Gariréya. 13A ma micé Nasaréte a to enda rií na oŋgórá rá Kapernawúmu na kɔ́ŋgɔ́ ra maŋá, naáté yá vidɔŋgɔ íví vá beráanámó anáá Saburóno kó hée na Neptaríyá, 14ukú ójó anáá até éyé ahúmíye maró ójó Isáyi a ma járá wó eŋgávena. 15A ma járá anáá:
Aá edɔŋgɔ yá Saburono na eye na Neptariyá,
íví na ojóŋɔ ójó wó endámó humé na maŋá,
vinóa ává mbóró ra osombo ójó vá béráanámó anáá Yurudéne,
vinó ává na edɔŋgɔ yá Gariréya wa vato ává vá ta ámó va yuúdene!
16Noyɔŋɔ éné nó ma ríi naáté yá mbínó
nó ma ená ekáné yá ineŋgí
ava vá ma ré sɔ́tɔ́ naáté yá edɔŋgɔ yá mbinó ra nugwé,
ineŋgí e ma wó pená.
17Itindikána mwané Yésusu a ma kesyé woja owó cómó ayé anáá: «Céndyáno púrú rá vinó! Esené Tamba éjé na máná ye okéra berebe na vinó!»
Yésusu a ijatámó vihoóhóná vyáa vyá makésyé
(Már 1:16-20; Rúk 5:1-11)
18Amó Yésusu a katé ndenda na kɔ́ŋgɔ́ ra ékáné yá esɔ́ éyé na Gariréya, kó a ma ená vato váváne Símono ójó vá béráanámó anáá Pyéere na navéne ójó Anderéya vá nɔ́ mbúnjé naáté yá esɔ́ esene éyé vá ma ríi vaswa. 19Yésusu a ma járá nawó anáá: «Mbyɔɔnɔ́máno kó ŋgo né eŋgámó anáá no búndé vaswa vato.» 20Kó vá ma híráná ukú tyé mbúnjé ráwó o me byɔɔnɔ. 21Yésusu a enda na wusó, a ma ená hée vato váváne, ó ma ríi Yáka nawó na navéne waá ójó Yohánese vá rií na ŋgɔmbe rawó orɔŋgɔ na isyé wawó ójó Sébede, vá héndá mbúnjé ráwó kó Yésusu a ma wó bérááná. 22Kaá vá ma híráná ukú tyé ŋgɔmbe rawó na isyé wawó, o me byɔɔnɔ.
Yésusu a rɔndɔmó vato
(Már 1:39; Rúk 4:44; 6:17-18)
23Kó Yésusu a ma endá na Gariréya uŋgimé, a té yeére vato naáté yá byanje vyáwó vyá mbásóóríyé a oja Usi wa Cómó wa Tamba a wunde wodónana mɔnɔ́ mawó mimé na kána rá moyémé iŋgímé. 24Nkímíti raá e ma náá e wɔsɔ naáté yá edɔŋgɔ yá Siríyá uŋgimé kó vá katé me urána na vato ává vá katé nɔ́ kána ra mɔnɔ́ mimé na kána rá makáná mimé: Ó katé rií ava na vambé vá vireréŋgi, ava vá obánámó osásámbá, na visúsuúru kó a katé wó rɔ́ndɔ. 25Kaá ombunu rá vato ó katé me byɔɔnɔ ondo urána ówó na Gariréya, na edɔŋgɔ yá eŋgórá yábɔ́t, vámó ondo urána na Yérúsareme kó na ava na Yúdeyá kó na ava na edɔŋgɔ éyé mbóró ejomo ra osombo ójó vá béráanámó anáá Yurudéne.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024, CABTAL