Matyáasa 19
19
Onómótó a ta geréméná ogúné egé
(Már 10:1-12; Rúk 16:18)
1Na wéŋga ówó anáá Yésusu a mana weréena ndébɔ́, a ma urúkyé na Gariréya wenda na Yúdeyá na mbóró ra osombo rá Yurudéne ejomo. 2Ekáné yá ncumbí wa vato a ma me byɔɔnɔ́, kó a ma wó ondónáná hɔ́rɔ́. 3Va Pariséne vá ma kerá berebe naá anáá vá me támbéna itámbó kó vá ma járá naá anáá: «Ye onómótó a geremenamó ogúné egé tɔɔ a mo eŋga kána ra wandá até?» 4Yésusu a ma wundíyé anáá: «No ta ma bána até eyé va mwáŋ mwáŋ vá vitiráná vá ma járá? Vá járámó anáá na makésyé Irɔŋgɔ a ma wó héndá onómótó na okótó, 5kó a ma járá hée anáá: Na wusó mwané kówo onómótó a mó urikyámó isyé na natí onde sɔ́tɔ́ na egé ɔ́wɔ́ bimé vává vá ne riyámó nótó emwesií. 6Náná vá ta né rií vato vává, vá etá moto umwesií. Moto a ta geréméná osa sɔ́ wandá ówó Irɔŋgɔ a ma retyé.» 7Va Pariséne vá ma me súsé anáá: «Na wusó wá até sɔ́ kówo Mósese a ma járá anáá onómótó a geremenamó weréena okótó kárate wa osa ówó obá táma éjé a me gúnámó?» 8Yésusu a ma járá nawó anáá: «Wó ámó na wusó wa orará wá otémá wa vinó kówo Mósese a ma atɔ́wɔ́ wandá mwané. Wó je rií anáá na makésyé wó ta ma rií náná. 9Ŋgo nó ojánámó anáá: Moto a gúné egé mámó síkí anáá okótó mwané a mó énda ovété na moto undyé, moto mwané oje bá okótó undyeé, a eŋgámó ibamba. Kó moto ójó a bámó okótó ójó vá mó gúné, moto mwané a ámó na ibamba.»
10Vihoóhona vyáá ví ma járá náá anáá: «Ŋgé náná owó wó ámó na wusó wá esɔ́tɔ́ éyé okótó na onómótó, taátá a ámó anáá moto ka baána.» 11Yésusu a ma járá nawó anáá: «Vato bimé vá ta timbé ŋguru ra watɔ́wɔ ówó wandá mwané, bɛ́ŋ ává Irɔŋgɔ a wó hwá ŋguru anáá vá atɔ́wɔ. 12Mamba ma ámó kána kána ámá má eŋgámó anáá vato vá rií ka baána: Vámó vá ámó virere na ebyánávéná, vámó virere esene éyé vato vá ma wó búndyé náná, ávámó vá ma vábúndyé vámwané maté virere na wusó wá Edɔŋgɔ eyé na máná. Ojo a hítyámó wová ómwané wová!»
Yésusu a yáránámó vaájó
(Már 10:13-16; Rúk 18:15-17)
13Vato vá ma urána na vaájó anáá Yésusu a wó táryáana embɔɔ́ hɔrɔ́ a vásoóriye, kó vihoóhóná ví ma wó riŋgááná. 14Yésusu a ma járá nawó anáá: «Micáno vaájó vá urána na noó, vinó ka wó iténa pé, esene éyé Edɔŋgɔ eyé na máná é ámó na wusó wá ava vá ámó amó vámwané.» 15Yésusu a ma wó taryááná embɔɔ́ na icé, na nimé raá kó a ma urúkyé na pandó mwané.
Mbuti ra ombwene rá moto
(Már 10:17-31; Rúk 18:18-30; 13:30)
16Moto omo a ma kerá berebe na Yésusu o me súsé anáá: «Oyéere, até eye ŋgeremenámó weŋga eyé wusi ombótá ojó anáá timbe esɔ́tɔ́ eyé kɔ́rɔ́tɔ́tɔ́?» 17Yésusu a ma járá náá anáá: «Na wusó wá até kówo o cúcámó cúcáná na até eyé e ámó wusi? Moto umwesií bɛ́ŋ ojó a ámó usi. Ŋgé wo eŋga anáá wo iŋgáana naáté yá esɔ́tɔ́ éyé kɔ́rɔ́tɔ́tɔ́, beeryé mbéndɔ́.» 18A ma súsé anáá: «Ijaté?» Yésusu a ma me wundíyé anáá: «Mámó ká oná moto. Mámó ká eŋga ibamba. Mámó ká ibána. Mámó ká bátéena moto enjárá. 19Rukyé tyó na nowétí, diŋgé sɔ́ɔ́ ámó o diŋgámó mámó maté.» 20Maŋgájó ombwene omójo a ma járá naá anáá: «Ŋgo ma maná beerye mbéndɔ́ imíji iŋgímé, até eye ŋgeremenámó weŋga hée?» 21Yésusu a ma járá anáá: «Ŋgé wa diŋgé anáá o rií ka na cɔ́cɔ́, ndá, osérá até éyé o timbámó, wo eréena vawoowórá mwení ɔ́wɔ́ o né timbámó ekúmé na máná, kaá wo uré o mbyɔɔnɔ!» 22Ará maŋgájó ombwene a ma ová até éyé Yésusu a ma járá, a ma endá nótó jɔɔ́ɔ na noóŋgó nimé esene éyé a katé timbe vikáné vyá akúmé.
23Yésusu a ma járá na vihoóhóná vyáa anáá: «Ŋgo nó ojánámó na vatɔ́ɔ́tɔ́ anáá wó yákánámó anáá mbútí ra moto yo iŋgáana na Edɔŋgɔ éyé na máná. 24Njiitiyámó ojárá na vinó anáá, wó ámó késék anáá eyakása é tómbá na evana yá ndɔ́ŋɔ́ ra cunú, wó je yákána anáá mbútí ra moto yo iŋgáana na Edɔŋgɔ yá Irɔŋgɔ.» 25Vihoóhóná ví ma kémbyé ará vá ma ová até éyé Yésusu a ma járá kó vá a me súsé anáá: «Kaá áné sɔ́ kójó a hítyámó orií sótyérí?» 26Yésusu a ma wó néméná kwɛ́ɛ́ŋ kó a ma járá nawó anáá: «Na vato wó ta hítí weŋgavena, wó je rií anáá na Irɔŋgɔ wó hítyámó weŋgavena.»
27Kó Pyéere a ma wɔ́rɔ́ enjárá a ye anáá: «Óvá! Visó to ma micé wandá wimé kó to ma wo byɔɔnɔ́. Kó wó mó riyámó twiiŋí na wusó wá visó?» 28Yésusu a ma járá nawó anáá: «Na vatɔ́ɔ́tɔ́ ŋgo nó ojánámó anáá: Ará Mwaná moto a mo riyámó na undií ráa ra niimí na mkpámáká ra ndono, vinó hónó vabɔ́t na vává ává no ma té mbyɔɔnɔ, no mó riyámó na indií yábɔ́t na eba ra ijwé, ombótá ojó anáá no jósyé mayɔŋɔ mábɔ́t na mává ámá na Isayéere. 29Kó moto uŋgimé ojó a ma micé byanje, va navéne, mbéní, isyé na natí, vaná ítɔɔ mapúú maá na wusó wamé, a mó timbámó otómbá iŋgendɔ itete, kó hónó a mó tímbámó esɔ́tɔ́ éyé kɔ́rɔ́tɔ́tɔ́. 30Wó je rií anáá mbunu ojó tetee ojó na wusó vá ne riyámó na nímé, kó mbunu ojó na nímé tetee ojó vá ne riyámó na wusó.»
Iliyochaguliwa sasa
Matyáasa 19: tii
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024, CABTAL
Matyáasa 19
19
Onómótó a ta geréméná ogúné egé
(Már 10:1-12; Rúk 16:18)
1Na wéŋga ówó anáá Yésusu a mana weréena ndébɔ́, a ma urúkyé na Gariréya wenda na Yúdeyá na mbóró ra osombo rá Yurudéne ejomo. 2Ekáné yá ncumbí wa vato a ma me byɔɔnɔ́, kó a ma wó ondónáná hɔ́rɔ́. 3Va Pariséne vá ma kerá berebe naá anáá vá me támbéna itámbó kó vá ma járá naá anáá: «Ye onómótó a geremenamó ogúné egé tɔɔ a mo eŋga kána ra wandá até?» 4Yésusu a ma wundíyé anáá: «No ta ma bána até eyé va mwáŋ mwáŋ vá vitiráná vá ma járá? Vá járámó anáá na makésyé Irɔŋgɔ a ma wó héndá onómótó na okótó, 5kó a ma járá hée anáá: Na wusó mwané kówo onómótó a mó urikyámó isyé na natí onde sɔ́tɔ́ na egé ɔ́wɔ́ bimé vává vá ne riyámó nótó emwesií. 6Náná vá ta né rií vato vává, vá etá moto umwesií. Moto a ta geréméná osa sɔ́ wandá ówó Irɔŋgɔ a ma retyé.» 7Va Pariséne vá ma me súsé anáá: «Na wusó wá até sɔ́ kówo Mósese a ma járá anáá onómótó a geremenamó weréena okótó kárate wa osa ówó obá táma éjé a me gúnámó?» 8Yésusu a ma járá nawó anáá: «Wó ámó na wusó wa orará wá otémá wa vinó kówo Mósese a ma atɔ́wɔ́ wandá mwané. Wó je rií anáá na makésyé wó ta ma rií náná. 9Ŋgo nó ojánámó anáá: Moto a gúné egé mámó síkí anáá okótó mwané a mó énda ovété na moto undyé, moto mwané oje bá okótó undyeé, a eŋgámó ibamba. Kó moto ójó a bámó okótó ójó vá mó gúné, moto mwané a ámó na ibamba.»
10Vihoóhona vyáá ví ma járá náá anáá: «Ŋgé náná owó wó ámó na wusó wá esɔ́tɔ́ éyé okótó na onómótó, taátá a ámó anáá moto ka baána.» 11Yésusu a ma járá nawó anáá: «Vato bimé vá ta timbé ŋguru ra watɔ́wɔ ówó wandá mwané, bɛ́ŋ ává Irɔŋgɔ a wó hwá ŋguru anáá vá atɔ́wɔ. 12Mamba ma ámó kána kána ámá má eŋgámó anáá vato vá rií ka baána: Vámó vá ámó virere na ebyánávéná, vámó virere esene éyé vato vá ma wó búndyé náná, ávámó vá ma vábúndyé vámwané maté virere na wusó wá Edɔŋgɔ eyé na máná. Ojo a hítyámó wová ómwané wová!»
Yésusu a yáránámó vaájó
(Már 10:13-16; Rúk 18:15-17)
13Vato vá ma urána na vaájó anáá Yésusu a wó táryáana embɔɔ́ hɔrɔ́ a vásoóriye, kó vihoóhóná ví ma wó riŋgááná. 14Yésusu a ma járá nawó anáá: «Micáno vaájó vá urána na noó, vinó ka wó iténa pé, esene éyé Edɔŋgɔ eyé na máná é ámó na wusó wá ava vá ámó amó vámwané.» 15Yésusu a ma wó taryááná embɔɔ́ na icé, na nimé raá kó a ma urúkyé na pandó mwané.
Mbuti ra ombwene rá moto
(Már 10:17-31; Rúk 18:18-30; 13:30)
16Moto omo a ma kerá berebe na Yésusu o me súsé anáá: «Oyéere, até eye ŋgeremenámó weŋga eyé wusi ombótá ojó anáá timbe esɔ́tɔ́ eyé kɔ́rɔ́tɔ́tɔ́?» 17Yésusu a ma járá náá anáá: «Na wusó wá até kówo o cúcámó cúcáná na até eyé e ámó wusi? Moto umwesií bɛ́ŋ ojó a ámó usi. Ŋgé wo eŋga anáá wo iŋgáana naáté yá esɔ́tɔ́ éyé kɔ́rɔ́tɔ́tɔ́, beeryé mbéndɔ́.» 18A ma súsé anáá: «Ijaté?» Yésusu a ma me wundíyé anáá: «Mámó ká oná moto. Mámó ká eŋga ibamba. Mámó ká ibána. Mámó ká bátéena moto enjárá. 19Rukyé tyó na nowétí, diŋgé sɔ́ɔ́ ámó o diŋgámó mámó maté.» 20Maŋgájó ombwene omójo a ma járá naá anáá: «Ŋgo ma maná beerye mbéndɔ́ imíji iŋgímé, até eye ŋgeremenámó weŋga hée?» 21Yésusu a ma járá anáá: «Ŋgé wa diŋgé anáá o rií ka na cɔ́cɔ́, ndá, osérá até éyé o timbámó, wo eréena vawoowórá mwení ɔ́wɔ́ o né timbámó ekúmé na máná, kaá wo uré o mbyɔɔnɔ!» 22Ará maŋgájó ombwene a ma ová até éyé Yésusu a ma járá, a ma endá nótó jɔɔ́ɔ na noóŋgó nimé esene éyé a katé timbe vikáné vyá akúmé.
23Yésusu a ma járá na vihoóhóná vyáa anáá: «Ŋgo nó ojánámó na vatɔ́ɔ́tɔ́ anáá wó yákánámó anáá mbútí ra moto yo iŋgáana na Edɔŋgɔ éyé na máná. 24Njiitiyámó ojárá na vinó anáá, wó ámó késék anáá eyakása é tómbá na evana yá ndɔ́ŋɔ́ ra cunú, wó je yákána anáá mbútí ra moto yo iŋgáana na Edɔŋgɔ yá Irɔŋgɔ.» 25Vihoóhóná ví ma kémbyé ará vá ma ová até éyé Yésusu a ma járá kó vá a me súsé anáá: «Kaá áné sɔ́ kójó a hítyámó orií sótyérí?» 26Yésusu a ma wó néméná kwɛ́ɛ́ŋ kó a ma járá nawó anáá: «Na vato wó ta hítí weŋgavena, wó je rií anáá na Irɔŋgɔ wó hítyámó weŋgavena.»
27Kó Pyéere a ma wɔ́rɔ́ enjárá a ye anáá: «Óvá! Visó to ma micé wandá wimé kó to ma wo byɔɔnɔ́. Kó wó mó riyámó twiiŋí na wusó wá visó?» 28Yésusu a ma járá nawó anáá: «Na vatɔ́ɔ́tɔ́ ŋgo nó ojánámó anáá: Ará Mwaná moto a mo riyámó na undií ráa ra niimí na mkpámáká ra ndono, vinó hónó vabɔ́t na vává ává no ma té mbyɔɔnɔ, no mó riyámó na indií yábɔ́t na eba ra ijwé, ombótá ojó anáá no jósyé mayɔŋɔ mábɔ́t na mává ámá na Isayéere. 29Kó moto uŋgimé ojó a ma micé byanje, va navéne, mbéní, isyé na natí, vaná ítɔɔ mapúú maá na wusó wamé, a mó timbámó otómbá iŋgendɔ itete, kó hónó a mó tímbámó esɔ́tɔ́ éyé kɔ́rɔ́tɔ́tɔ́. 30Wó je rií anáá mbunu ojó tetee ojó na wusó vá ne riyámó na nímé, kó mbunu ojó na nímé tetee ojó vá ne riyámó na wusó.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024, CABTAL