जोहा 6
6
जिसु मोंड़ें हाजार होड़े जोम बि ओचोयेत्को
(माथ 14:13-21; मा़र 6:30-44; लु 9:10-17)
1नोवाको तायोम जिसु दो गा़लिल, मेताक्मे तिबेरियास दोरयाँव ओनपारोमतेये चालावेना। 2आर आ़डि गादेल होड़को पाँजायदेकान ताहेंकाना, एनते रुगिकोय बोगे आकात्को रेयाक् चिनहा़कोको ञेलआकात् ताहेंकाना। 3आदो जिसु बुरुतेये देच्एना, आर आच्रेन चेलाको तुलुच्ए दुड़ुप् एना। 4जिहुदिको रेयाक् सेन पारोम पोरोब दो सोर आकान ताहेंकाना।
5आदो जिसुइ बेङगेत् राकाप्केदा, आर आ़डि गादेल होड़ आच् ठेन हिजुक्काने ञेलकेत्कोते फिलिपे मेतादेया, “ओका खोन पिठा़ बोन किरिञ आ़गुया नोको जोम ओचोको ला़गित् दो?” 6नोवाको दो बिडा़वे ला़गित्ए मेनकेदा, एनते चेत्ए चेकाय ला़गित्, ओना मा आच्गेये बाडायकान ताहेंकान,
7फिलिप दोए रोड़ रुवा़ड़ादेया, “मिमित् होड़ का़टिच् चुलुङगेको ञामलेरे हों, बार साय चा़नि सिकि रेयाक् पिठा़ते हों ओनको दो ओहोको आनटावलेना।”
8उनिरेन चेलाको मोदरेन मित् होड़, सिमोन पातरासरेन बोयहा आ़न्द्रियास दो उनिये मेतादेया, 9“मित्टेन हुडिञ कोड़ा गिदरा़ नोंडे मेनाया उनि ठेन मोंड़ें गोटेन जाव पिठा़ आर बारया का़टिच् हाको मेनाक्किना, मेनखान नोवाकोते दो चेत् होयोक्आ उना़क् होड़को ला़गित् दो?”
10जिसुइ मेनकेदा, “होड़को दुड़ुप् ओचोकोपे,” ओना जायगारे दो ढेर घाँस ताहेंकाना। खानगे ओनको होड़को दुड़ुप् एना, लेखारे मोंड़ें हाजार गानको ताहेंकाना। 11आर जिसु दो ओनाको पिठा़इ आताङकेदा, आदो गुनमानाव जोहारकाते दुड़ुप् आकानकोय एमात्कोवा, ओनकागे उनकिन का़टिच् हाको रेयाक् हों जाहाँतिना़क्गे सानालेत्को। 12आदोको बियेन खान आच्रेन चेलाकोय मेतात्कोवा, “सारेच्आकान केचाक्आक्को दो सामटावपे, जेमोन चेत् हों आलो भाराभाटोक्।” 13आदोको सामटावकेदा आर ओना मोंड़ें गोटेन जाव रेयाक् केचाक्आक्कोते, ओने जोजोमकोको सारेच्लेत्, गेलबार फा़तिया़क्को पेरेच्केदा।
14ओनाते ओनको होड़को दो ओनेये का़मियेत् चिनहा़ ञेलकातेको मेनकेदा, “नुय दो सा़रिगे धा़रतितेये हिजुक् उनि ना़बि कानगेयाय।” 15आदो जिसुइ बाडायकेदा, बाङमा होड़को दो हेच्काते राजा बेनावे ला़गित्को जोरमोटे ला़गिदोक् काना, ओना इया़ते बुरुते आरहोंए सेन फाराक एना आच् एसकारगे।
जिसु दाक् चेतानतेये ताड़ामेत्कान
(माथ 14:22-33; मा़र 6:45-52)
16आर आ़युप्एन खान उनिरेन चेलाको दो दोरयाँवतेको फेड चालावेना, 17आर मित्टेन ला़उका़रे देच्काते दोरयाँव ओनपारोम काफारना़हुमतेको चालाक्कान ताहेंकाना, एनेगे उन जोखेच् दो ञुत आकान ताहेंकाना आर उन हा़बिच् जिसु दो ओनको ठेन बाय हेच् सेटेराकान ताहेंकाना। 18हादाड़ हादाड़े होयेत् ताहेंकाना आर दोरयाँव दो हाडाक डाबाकोक्कान ताहेंकाना। 19आदो मित् कोस ताला से बार कोस गान ला़उका़को घानटा इदि आकात् ताहेंकानरे जिसुको ञेले काना दोरयाँव चेतान चेतानते ताड़ामकान आर ला़उका़ ठेन हेच्सोरोक्कान आरको बोतोरेना। 20मेनखान उनिये मेतात्कोवा, इञ कानगेया़ञ आलोपे बोतोरोक्आ। 21आदो ला़उका़रे देजे ला़गित् सानाकेत्कोवा आर ला़उका़ दो ओनेको चालाक्कान ताहेंकान घुटु ठेन सेटेर गोत्एना।
22दोसार हिलोक् ओनको दोरयाँव ओनपारोमरेको तेङगोवाकान गादेल होड़ दोको ञेलकेदा, बाङमा मित् गोटेन छाडा एटाक् ला़उका़ ओंडे दो बाङ ताहेंकाना, आर जिसु दो आच्रेन चेलाको साँवते बाय देच्लेना, बिचकोम उनिरेन चेलाको दो एसकारगेको चालावेना, 23एनहों एटाक् ला़उका़को तिबेरियास खोन ओना जायगा सोरते हेच्एना, ओने ओकारे प्रोभुये गुनमानाव जोहारलेत् तायोम पिठा़को जोमलेत्। 24ओनाते ओनको गादेल होड़को ञेलकेत् खान बाङमा, जिसु दो ओंडे बा़नुगिच्आन आर उनिरेन चेलाको हों बाङ, ओनको दो ला़उका़रेको देच्एना आर जिसु ञामबाड़ाये ला़गित् काफारना़हुमतेको चालावेना।
जिसु जियोन रेयाक् पिठा़
25आर दोरयाँव ओनपारोमरे उनि ञामकातेको मेतादेया, हेंदा रा़ब्बि तिनरे नोंडेदोम हेच्एना? 26जिसुइ रोड़ रुवा़ड़ात्कोवा, “सा़रि सा़रिगेञ मेतापेकाना, ञाम बाड़ायेदिञापे चिनहा़कोपे ञेलकेत् इया़ते दो बाङ, मेनखान पिठा़कोतेपे जोमबिलेन इया़तेगे। 27नोसटोक् जोमाक् ला़गित् दो आलोपे का़मिया, बिचकोम जायजुग जियोन हा़बिच् ताहेनकान जोमाक् ला़गित्गे ओकाटाक् मानवा होपोने एमापे, एनते बाबा मेताक्मे, इसोर दो उनिगेये मोहोर आकावादेया।”
28आदोको मेतादेया, “चेत्ले चेकाया जेमोन इसोर ओकाय मोनेयाक्कान ओनाले का़मि?”
29जिसुइ रोड़ रुवा़ड़ात्कोवा, “इसोराक् का़मि दो नोक्ओंय, उनिये कोलआकादेयिच्रे जेमोनपे पा़तिया़उक्।”
30आदोको मेतादेया, “एनडेखान चिनहा़ ला़गित् चेत्एम चेकायेदा, जेमोन ञेलकातेले पा़तिया़उक्? चेत्एम का़मियेदा? 31आबोरेन हापड़ामको दो हाहाङकाररे मान्नाको जोमलेदा, ओलआकानलेका, सेरमा खोन पिठा़इ एमात्कोवा जोम ला़गित्।”
32खान जिसुइ मेतात्कोवा, “सा़रि सा़रिगेञ मेतापेकाना, सेरमा खोन पिठा़ मोसे दो बाय एम आकावात्पेया मेनखान आ़पुञगे सा़रि पिठा़ सेरमा खोने एमापे काना। 33एनते इसोराक् पिठा़ दो नोवागे, ओने ओना सेरमा खोन फेड हिजुक्कान आर धा़रतिरेनको जियोने एमाकोकान।”
34आदोको मेतादेया, “ए प्रोभु जावगे नोवा पिठा़ बाड़े एमालेम।”
35जिसुइ मेतात्कोवा, “इञगे जियोन रेयाक् पिठा़, इञ ठेन हिजुक्कानिच् दो बाङगे रेङगेजेया, आर इञरे पा़तिया़उक्कानिच् दो बाङगे तेताङेया, तिस हों बाङ। 36इञिञ मेन आकावात्पेया, आपे दोपे ञेल आकादिञा, एनहों बापे पा़तिया़उक् काना। 37आ़पुञे इमा़ञकान जोतोवाक् दो इञ ठेन हिजुक्आ, आर इञ ठेन हिजुक्इच् दो ओका लेकाते हों ओहोञ ओडोङ गिडिलेया। 38एनते सेरमा खोन इञ फेड हेच् आकाना इञाक् मोने लेका का़मिया मेनते दो बाङ, बिचकोम कोल आकादिञिच् रेयाक् मोने लेकागे। 39आर कोल आकादिञिच् रेयाक् मोने दो नोक्ओंय, जेमोन जोतो ओकाटाक्ए एमआकावादिञ ओना रेयाक् चेत् हों आलोञ आद, मेनखान मुचा़त् दिनरे ओनाञ जिवेत् बेरेद। 40एनते आ़पुञ रेयाक् मोने दो नोक्ओंय, जेमोन होपोनको बेङगेत्आय आर उनिरेको पा़तिया़उक् मित्के मित् होड़ जायजुग जियोन ताहेंनताको आर मुचा़त् दिनरेञ जिवेत् बेरेत्को।”
41ओनाते जिहुदिको उनि उपा़रतेको काराच्कुरुच्एना, उनिये मेनकेत्ते, “इञ कानाञ सेरमा खोन फेड हेच् आकान पिठा़ दो” 42आरको मेनकेदा, “चेत् नुय दो जोसेफरेन होपोन जिसुगे बाङ, ओने उनिरेन एङगात आपात बोन बाडायेत्किन? चेकाते एनडेखाने मेनेदा, सेरमा खोनिञ फेडहेच् आकाना मेनते?”
43जिसुइ रोड़ रुवा़ड़ात्कोवा, “आपेआपेरे आलोपे काराच्कुरुजोक्आ। 44कोल आकादिञिच् बाबा बाय ओरले खान ओकोय हों इञ ठेन ओहोय हेच्दाड़ेलेना आर इञ दो मुचा़त् दिनरेञ जिवेत् बेरेदेया। 45ना़बिकोवाक्कोरे ओलआकाना, आर सानामकोगे इसोरे चेत् आकावात्कोको होयोक्आ, बाबा ठेन आँजोमाकात् आर चेत् आकावान मित्के मित् होड़ दो इञ ठेनको हिजुक्आ। 46जाहाँय बाबाको ञेलआकादे, ओना दो बाङ, जाहाँय इसोर ठेन मेनाय उनि एसकारगे बाबा दोए ञेल आकादेया। 47सा़रि सा़रिगेञ मेतापेकाना, पा़तिया़उक्इच् दो जायजुग जियोन मेनाक्ताया। 48इञगे जियोन रेयाक् पिठा़। 49आपेरेन हापड़ामको दो हाहाङकाररे मान्नाको जोमलेदा, आरको गोच्एना। 50नोवा दो सेरमा खोन फेड हिजुक्कान पिठा़ काना, जेमोन जाहाँयगे ओना रेयाक्ए जोम, आलोय गुजुक् 51इञ कानगेया़ञ सेरमा खोन फेडहेच् आकान जिवेत् पिठा़ दो, जाहाँयगे ओना पिठा़ रेयाक्ए जोम, उनि दो जायजुग हा़बिच्ए ताहेना, आर ओनेञ एमोक् पिठा़ दो इञाक् होड़मो काना, धा़रतिरेनको रेयाक् जियोन ला़गित्गे।”
52आदो जिहुदिको आको आकोरे रापठा रा़पठिको रोपोड़ेना, मेनकेदाको, “चेकाते उनि होड़ दो आयाक् होड़मो जोम ला़गित् ए एम दाड़ेयाबोना?”
53जिसुइ मेतात्कोवा सा़रि सा़रिगेञ मेतापेकाना, “मानवा होपोन रेयाक् होड़मो बापे जोम लेखान आर उनियाक् माँयाँम बापे ञुले खान, आपेरे जियोन बा़नुक्तापेया। 54इञाक् जेल जोजोमिच् आर इञाक् माँयाँम ञुञुयिच् दो जायजुग जियोन मेनाक्ताया, आर इञ दो मुचा़त् दिनरेञ जिवेत् बेरेदेया। 55एनते इञाक् होड़मो दो सा़रि जोमाक् काना, आर इञाक् माँयाँम दो सा़रि ञुवाक् काना। 56इञाक् होड़मो जोजोमिच् आर इञाक् माँयाँम ञुञुयिच् दो इञरेये ताहेना आर इञ दो उनिरे। 57चेत्लेका उनि जिवेत् बाबाय कोल आकादिञ आर इञ उनि बाबा होतेते जिवेत् इञ ताहेनकान, ओनकागे इञ जोजोमिच् हों इञ होतेते जिवेत्ए ताहेना। 58नोवागे सेरमा खोन फेड हेच् आकान पिठा़ दो, हापड़ामकोको जोमलेत् लेकानाक् दो बाङ, ओनकोमाको गोच्एन, नोवा पिठा़ जोजोमिच् दो जायजुग हा़बिच् जिवेत् आकाने ताहेना।” 59नोवाको दो सुना़गोगरेये रोड़लेदा, काफारना़हुमरेये चेत् आकोकान ताहेंकानरे।
जायजुग जियोन रेयाक् काथा
60उनिरेन चेलाको मोदरेन ढेर होड़ ओना आँजोमतेको मेनकेदा, “का़ठिन काथा काना नोवा दो, ओकोये आँजोम दाड़ेकेया?”
61आर जिसु दो आच्रेन चेलाको नोवा रेयाक्को काराच्कुरुजोक् काना मेनते आच्रेये बाडायकेत् खाने मेतात्कोवा, “नोवातेपे ता़किजोक् काना? 62एनडेखान मानवा होपोन पा़हिल ओकारेये ताहेंकान ओनते राकाबोक् कानपे ञेलले खान? 63जिउगे जिवेत् इच् दो, होड़मो दो ओका काज रेयाक् हों बाङ काना, ओकाको काथा आपे ठेनिञ रोड़ आकात् ओना दो जिउ आर जियोन काना। 64मेनखान आपे मोदरे आदोम होड़ मेनाक्कोवा ओकोय बाको पा़तिया़उक् काना। जिसु दो एनते एतोहोप् खोनगेये बाडाय आकान ताहेंनकाना ओनको बाको पा़तिया़उक्कानको दोको ओकोय काना, आर सोपरोतएदेयिच् दोए ओकोय काना मेनते। 65आरे मेनकेदा, नोवा इया़तेगेञ मेतात्पेया, बाङमा, बाबा ठेन खोन ओना बाङ एमाय खान दो ओकोय हों इञ ठेन ओहोय हेच्दाड़ेलेना।”
66नोवा इया़ते उनिरेन चेलाको मोदरेन ढेर होड़को पा़च एना आर उनि तुलुच् आर दो बाको दाँड़ाँलेदा।
67आदो जिसु ओनको गेलबारकोय मेतात्कोवा, “आपे हों सेनजोङ सानायेत्पेया?” 68सिमोन पातरासे रोड़ रुवा़ड़ादेया, “ए प्रोभु ओकोय ठेनले चालाक्आ? जायजुग जियोन रेयाक् काथा दो आमठेनगे मेनाक्आ, 69आर आलेले पा़तिया़उ आकाना आरले बाडाय ओरोम आकादा आम दो इसोररेन सोनोतिच् कानाम मेनते।”
70जिसुइ रोड़ रुवा़ड़ात्कोवा, “आपे गेलबारको दो इञगे बा़ञ बाछाव आकात्पेया? आर आपे मोदरेन मित् होड़ दो मित्टेन सायतान कानाय।” 71उनि दो इसकारियोतरेन सिमोन होपोन जिहुदा़ रेयाक्ए रोड़केदा, उनिगे एनतेये सोपरोते ला़गिदोक्कान ताहेंकाना आर गेलबारको मोदरेनिच्ए ताहेंकाना।
Iliyochaguliwa sasa
जोहा 6: NTSPt25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Santhali Language © The Word for the World International and Santhali Translation Project, Nepal, 2025
जोहा 6
6
जिसु मोंड़ें हाजार होड़े जोम बि ओचोयेत्को
(माथ 14:13-21; मा़र 6:30-44; लु 9:10-17)
1नोवाको तायोम जिसु दो गा़लिल, मेताक्मे तिबेरियास दोरयाँव ओनपारोमतेये चालावेना। 2आर आ़डि गादेल होड़को पाँजायदेकान ताहेंकाना, एनते रुगिकोय बोगे आकात्को रेयाक् चिनहा़कोको ञेलआकात् ताहेंकाना। 3आदो जिसु बुरुतेये देच्एना, आर आच्रेन चेलाको तुलुच्ए दुड़ुप् एना। 4जिहुदिको रेयाक् सेन पारोम पोरोब दो सोर आकान ताहेंकाना।
5आदो जिसुइ बेङगेत् राकाप्केदा, आर आ़डि गादेल होड़ आच् ठेन हिजुक्काने ञेलकेत्कोते फिलिपे मेतादेया, “ओका खोन पिठा़ बोन किरिञ आ़गुया नोको जोम ओचोको ला़गित् दो?” 6नोवाको दो बिडा़वे ला़गित्ए मेनकेदा, एनते चेत्ए चेकाय ला़गित्, ओना मा आच्गेये बाडायकान ताहेंकान,
7फिलिप दोए रोड़ रुवा़ड़ादेया, “मिमित् होड़ का़टिच् चुलुङगेको ञामलेरे हों, बार साय चा़नि सिकि रेयाक् पिठा़ते हों ओनको दो ओहोको आनटावलेना।”
8उनिरेन चेलाको मोदरेन मित् होड़, सिमोन पातरासरेन बोयहा आ़न्द्रियास दो उनिये मेतादेया, 9“मित्टेन हुडिञ कोड़ा गिदरा़ नोंडे मेनाया उनि ठेन मोंड़ें गोटेन जाव पिठा़ आर बारया का़टिच् हाको मेनाक्किना, मेनखान नोवाकोते दो चेत् होयोक्आ उना़क् होड़को ला़गित् दो?”
10जिसुइ मेनकेदा, “होड़को दुड़ुप् ओचोकोपे,” ओना जायगारे दो ढेर घाँस ताहेंकाना। खानगे ओनको होड़को दुड़ुप् एना, लेखारे मोंड़ें हाजार गानको ताहेंकाना। 11आर जिसु दो ओनाको पिठा़इ आताङकेदा, आदो गुनमानाव जोहारकाते दुड़ुप् आकानकोय एमात्कोवा, ओनकागे उनकिन का़टिच् हाको रेयाक् हों जाहाँतिना़क्गे सानालेत्को। 12आदोको बियेन खान आच्रेन चेलाकोय मेतात्कोवा, “सारेच्आकान केचाक्आक्को दो सामटावपे, जेमोन चेत् हों आलो भाराभाटोक्।” 13आदोको सामटावकेदा आर ओना मोंड़ें गोटेन जाव रेयाक् केचाक्आक्कोते, ओने जोजोमकोको सारेच्लेत्, गेलबार फा़तिया़क्को पेरेच्केदा।
14ओनाते ओनको होड़को दो ओनेये का़मियेत् चिनहा़ ञेलकातेको मेनकेदा, “नुय दो सा़रिगे धा़रतितेये हिजुक् उनि ना़बि कानगेयाय।” 15आदो जिसुइ बाडायकेदा, बाङमा होड़को दो हेच्काते राजा बेनावे ला़गित्को जोरमोटे ला़गिदोक् काना, ओना इया़ते बुरुते आरहोंए सेन फाराक एना आच् एसकारगे।
जिसु दाक् चेतानतेये ताड़ामेत्कान
(माथ 14:22-33; मा़र 6:45-52)
16आर आ़युप्एन खान उनिरेन चेलाको दो दोरयाँवतेको फेड चालावेना, 17आर मित्टेन ला़उका़रे देच्काते दोरयाँव ओनपारोम काफारना़हुमतेको चालाक्कान ताहेंकाना, एनेगे उन जोखेच् दो ञुत आकान ताहेंकाना आर उन हा़बिच् जिसु दो ओनको ठेन बाय हेच् सेटेराकान ताहेंकाना। 18हादाड़ हादाड़े होयेत् ताहेंकाना आर दोरयाँव दो हाडाक डाबाकोक्कान ताहेंकाना। 19आदो मित् कोस ताला से बार कोस गान ला़उका़को घानटा इदि आकात् ताहेंकानरे जिसुको ञेले काना दोरयाँव चेतान चेतानते ताड़ामकान आर ला़उका़ ठेन हेच्सोरोक्कान आरको बोतोरेना। 20मेनखान उनिये मेतात्कोवा, इञ कानगेया़ञ आलोपे बोतोरोक्आ। 21आदो ला़उका़रे देजे ला़गित् सानाकेत्कोवा आर ला़उका़ दो ओनेको चालाक्कान ताहेंकान घुटु ठेन सेटेर गोत्एना।
22दोसार हिलोक् ओनको दोरयाँव ओनपारोमरेको तेङगोवाकान गादेल होड़ दोको ञेलकेदा, बाङमा मित् गोटेन छाडा एटाक् ला़उका़ ओंडे दो बाङ ताहेंकाना, आर जिसु दो आच्रेन चेलाको साँवते बाय देच्लेना, बिचकोम उनिरेन चेलाको दो एसकारगेको चालावेना, 23एनहों एटाक् ला़उका़को तिबेरियास खोन ओना जायगा सोरते हेच्एना, ओने ओकारे प्रोभुये गुनमानाव जोहारलेत् तायोम पिठा़को जोमलेत्। 24ओनाते ओनको गादेल होड़को ञेलकेत् खान बाङमा, जिसु दो ओंडे बा़नुगिच्आन आर उनिरेन चेलाको हों बाङ, ओनको दो ला़उका़रेको देच्एना आर जिसु ञामबाड़ाये ला़गित् काफारना़हुमतेको चालावेना।
जिसु जियोन रेयाक् पिठा़
25आर दोरयाँव ओनपारोमरे उनि ञामकातेको मेतादेया, हेंदा रा़ब्बि तिनरे नोंडेदोम हेच्एना? 26जिसुइ रोड़ रुवा़ड़ात्कोवा, “सा़रि सा़रिगेञ मेतापेकाना, ञाम बाड़ायेदिञापे चिनहा़कोपे ञेलकेत् इया़ते दो बाङ, मेनखान पिठा़कोतेपे जोमबिलेन इया़तेगे। 27नोसटोक् जोमाक् ला़गित् दो आलोपे का़मिया, बिचकोम जायजुग जियोन हा़बिच् ताहेनकान जोमाक् ला़गित्गे ओकाटाक् मानवा होपोने एमापे, एनते बाबा मेताक्मे, इसोर दो उनिगेये मोहोर आकावादेया।”
28आदोको मेतादेया, “चेत्ले चेकाया जेमोन इसोर ओकाय मोनेयाक्कान ओनाले का़मि?”
29जिसुइ रोड़ रुवा़ड़ात्कोवा, “इसोराक् का़मि दो नोक्ओंय, उनिये कोलआकादेयिच्रे जेमोनपे पा़तिया़उक्।”
30आदोको मेतादेया, “एनडेखान चिनहा़ ला़गित् चेत्एम चेकायेदा, जेमोन ञेलकातेले पा़तिया़उक्? चेत्एम का़मियेदा? 31आबोरेन हापड़ामको दो हाहाङकाररे मान्नाको जोमलेदा, ओलआकानलेका, सेरमा खोन पिठा़इ एमात्कोवा जोम ला़गित्।”
32खान जिसुइ मेतात्कोवा, “सा़रि सा़रिगेञ मेतापेकाना, सेरमा खोन पिठा़ मोसे दो बाय एम आकावात्पेया मेनखान आ़पुञगे सा़रि पिठा़ सेरमा खोने एमापे काना। 33एनते इसोराक् पिठा़ दो नोवागे, ओने ओना सेरमा खोन फेड हिजुक्कान आर धा़रतिरेनको जियोने एमाकोकान।”
34आदोको मेतादेया, “ए प्रोभु जावगे नोवा पिठा़ बाड़े एमालेम।”
35जिसुइ मेतात्कोवा, “इञगे जियोन रेयाक् पिठा़, इञ ठेन हिजुक्कानिच् दो बाङगे रेङगेजेया, आर इञरे पा़तिया़उक्कानिच् दो बाङगे तेताङेया, तिस हों बाङ। 36इञिञ मेन आकावात्पेया, आपे दोपे ञेल आकादिञा, एनहों बापे पा़तिया़उक् काना। 37आ़पुञे इमा़ञकान जोतोवाक् दो इञ ठेन हिजुक्आ, आर इञ ठेन हिजुक्इच् दो ओका लेकाते हों ओहोञ ओडोङ गिडिलेया। 38एनते सेरमा खोन इञ फेड हेच् आकाना इञाक् मोने लेका का़मिया मेनते दो बाङ, बिचकोम कोल आकादिञिच् रेयाक् मोने लेकागे। 39आर कोल आकादिञिच् रेयाक् मोने दो नोक्ओंय, जेमोन जोतो ओकाटाक्ए एमआकावादिञ ओना रेयाक् चेत् हों आलोञ आद, मेनखान मुचा़त् दिनरे ओनाञ जिवेत् बेरेद। 40एनते आ़पुञ रेयाक् मोने दो नोक्ओंय, जेमोन होपोनको बेङगेत्आय आर उनिरेको पा़तिया़उक् मित्के मित् होड़ जायजुग जियोन ताहेंनताको आर मुचा़त् दिनरेञ जिवेत् बेरेत्को।”
41ओनाते जिहुदिको उनि उपा़रतेको काराच्कुरुच्एना, उनिये मेनकेत्ते, “इञ कानाञ सेरमा खोन फेड हेच् आकान पिठा़ दो” 42आरको मेनकेदा, “चेत् नुय दो जोसेफरेन होपोन जिसुगे बाङ, ओने उनिरेन एङगात आपात बोन बाडायेत्किन? चेकाते एनडेखाने मेनेदा, सेरमा खोनिञ फेडहेच् आकाना मेनते?”
43जिसुइ रोड़ रुवा़ड़ात्कोवा, “आपेआपेरे आलोपे काराच्कुरुजोक्आ। 44कोल आकादिञिच् बाबा बाय ओरले खान ओकोय हों इञ ठेन ओहोय हेच्दाड़ेलेना आर इञ दो मुचा़त् दिनरेञ जिवेत् बेरेदेया। 45ना़बिकोवाक्कोरे ओलआकाना, आर सानामकोगे इसोरे चेत् आकावात्कोको होयोक्आ, बाबा ठेन आँजोमाकात् आर चेत् आकावान मित्के मित् होड़ दो इञ ठेनको हिजुक्आ। 46जाहाँय बाबाको ञेलआकादे, ओना दो बाङ, जाहाँय इसोर ठेन मेनाय उनि एसकारगे बाबा दोए ञेल आकादेया। 47सा़रि सा़रिगेञ मेतापेकाना, पा़तिया़उक्इच् दो जायजुग जियोन मेनाक्ताया। 48इञगे जियोन रेयाक् पिठा़। 49आपेरेन हापड़ामको दो हाहाङकाररे मान्नाको जोमलेदा, आरको गोच्एना। 50नोवा दो सेरमा खोन फेड हिजुक्कान पिठा़ काना, जेमोन जाहाँयगे ओना रेयाक्ए जोम, आलोय गुजुक् 51इञ कानगेया़ञ सेरमा खोन फेडहेच् आकान जिवेत् पिठा़ दो, जाहाँयगे ओना पिठा़ रेयाक्ए जोम, उनि दो जायजुग हा़बिच्ए ताहेना, आर ओनेञ एमोक् पिठा़ दो इञाक् होड़मो काना, धा़रतिरेनको रेयाक् जियोन ला़गित्गे।”
52आदो जिहुदिको आको आकोरे रापठा रा़पठिको रोपोड़ेना, मेनकेदाको, “चेकाते उनि होड़ दो आयाक् होड़मो जोम ला़गित् ए एम दाड़ेयाबोना?”
53जिसुइ मेतात्कोवा सा़रि सा़रिगेञ मेतापेकाना, “मानवा होपोन रेयाक् होड़मो बापे जोम लेखान आर उनियाक् माँयाँम बापे ञुले खान, आपेरे जियोन बा़नुक्तापेया। 54इञाक् जेल जोजोमिच् आर इञाक् माँयाँम ञुञुयिच् दो जायजुग जियोन मेनाक्ताया, आर इञ दो मुचा़त् दिनरेञ जिवेत् बेरेदेया। 55एनते इञाक् होड़मो दो सा़रि जोमाक् काना, आर इञाक् माँयाँम दो सा़रि ञुवाक् काना। 56इञाक् होड़मो जोजोमिच् आर इञाक् माँयाँम ञुञुयिच् दो इञरेये ताहेना आर इञ दो उनिरे। 57चेत्लेका उनि जिवेत् बाबाय कोल आकादिञ आर इञ उनि बाबा होतेते जिवेत् इञ ताहेनकान, ओनकागे इञ जोजोमिच् हों इञ होतेते जिवेत्ए ताहेना। 58नोवागे सेरमा खोन फेड हेच् आकान पिठा़ दो, हापड़ामकोको जोमलेत् लेकानाक् दो बाङ, ओनकोमाको गोच्एन, नोवा पिठा़ जोजोमिच् दो जायजुग हा़बिच् जिवेत् आकाने ताहेना।” 59नोवाको दो सुना़गोगरेये रोड़लेदा, काफारना़हुमरेये चेत् आकोकान ताहेंकानरे।
जायजुग जियोन रेयाक् काथा
60उनिरेन चेलाको मोदरेन ढेर होड़ ओना आँजोमतेको मेनकेदा, “का़ठिन काथा काना नोवा दो, ओकोये आँजोम दाड़ेकेया?”
61आर जिसु दो आच्रेन चेलाको नोवा रेयाक्को काराच्कुरुजोक् काना मेनते आच्रेये बाडायकेत् खाने मेतात्कोवा, “नोवातेपे ता़किजोक् काना? 62एनडेखान मानवा होपोन पा़हिल ओकारेये ताहेंकान ओनते राकाबोक् कानपे ञेलले खान? 63जिउगे जिवेत् इच् दो, होड़मो दो ओका काज रेयाक् हों बाङ काना, ओकाको काथा आपे ठेनिञ रोड़ आकात् ओना दो जिउ आर जियोन काना। 64मेनखान आपे मोदरे आदोम होड़ मेनाक्कोवा ओकोय बाको पा़तिया़उक् काना। जिसु दो एनते एतोहोप् खोनगेये बाडाय आकान ताहेंनकाना ओनको बाको पा़तिया़उक्कानको दोको ओकोय काना, आर सोपरोतएदेयिच् दोए ओकोय काना मेनते। 65आरे मेनकेदा, नोवा इया़तेगेञ मेतात्पेया, बाङमा, बाबा ठेन खोन ओना बाङ एमाय खान दो ओकोय हों इञ ठेन ओहोय हेच्दाड़ेलेना।”
66नोवा इया़ते उनिरेन चेलाको मोदरेन ढेर होड़को पा़च एना आर उनि तुलुच् आर दो बाको दाँड़ाँलेदा।
67आदो जिसु ओनको गेलबारकोय मेतात्कोवा, “आपे हों सेनजोङ सानायेत्पेया?” 68सिमोन पातरासे रोड़ रुवा़ड़ादेया, “ए प्रोभु ओकोय ठेनले चालाक्आ? जायजुग जियोन रेयाक् काथा दो आमठेनगे मेनाक्आ, 69आर आलेले पा़तिया़उ आकाना आरले बाडाय ओरोम आकादा आम दो इसोररेन सोनोतिच् कानाम मेनते।”
70जिसुइ रोड़ रुवा़ड़ात्कोवा, “आपे गेलबारको दो इञगे बा़ञ बाछाव आकात्पेया? आर आपे मोदरेन मित् होड़ दो मित्टेन सायतान कानाय।” 71उनि दो इसकारियोतरेन सिमोन होपोन जिहुदा़ रेयाक्ए रोड़केदा, उनिगे एनतेये सोपरोते ला़गिदोक्कान ताहेंकाना आर गेलबारको मोदरेनिच्ए ताहेंकाना।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Santhali Language © The Word for the World International and Santhali Translation Project, Nepal, 2025