Mako 15
15
Jesu unomiswa mbeli kwaPilato
(Mateo 27:1,2,11-14; Luka 23:1-5; Joni 18:28-38)
1Pakalepo, zhingwanangwana, batebuji bakulwana nabatungamili babanhu nabakwali, namakolokota ose bakalangana bakonsunga Jesu, bakenda naye, bakonsenga kuna Pilato. 2Pilato wakombhuza eti, “Ndiwi She wabaJuda na?”
Wakashandula akati kwaali, “Ndiwi wazwileba.”
3Batebuji bakulwana bakakomelela bonyepela zwinji. 4Pilato wakombhuza akale, akati, “Autoshandula na? Iwha yose milandu minji yabamukupomela.”
5Asi Jesu aajakashandula chinhu, nokudalo yezwi zwakachenamisa Pilato.
Jesu unotongelwa lufu
(Mateo 27:15-26; Luka 23:13-25; Joni 18:39—19:16)
6Nonshaji wemilya, Pilato walusosungunula unsungwa umwempela, ubanokumbila. 7Kwakaba kuli noumwe nhulume waluwhi Bhalabhasi, wakaba asungilwa kubulaya unhu pakupanduka eli nabamwe. 8Ibunga lyabanhu lyakezha, likatangisa kukumbila Pilato kuti ete somwakabeta kuti ebasungunulile umwe unsungwa. 9Pilato wakabashandula akati, “Munoda kuti ndimusungunulile She wabaJuda na?” 10Wakabezwiziba kuti batebuji bakulwana bakombhuza kwaali pezhulu polubengo.
11Koga batebuji bakulwana bakakunijila ibunga lyabanhu kuti likumbile kuti ebasungunulile Bhalabhasi. 12Pilato wakabashandula, akale akati kwabali, “Ndite chini biya naye, umunoti ndiShe wabaJuda?”
13Bakashomeja beti, “Unkahamile panchinjikwa!”
14Pilato wakati kwabali, “Wakata ndandu ni?”
Bakanyanyisa kushomeja, beti: “Unkahamile panchinjikwa!”
15Pilato wakada kushantisa ibunga lyabanhu, wakabasungunulila Bhalabhasi, kova epilija Jesu kuti enonabhwa nokukahamilwa.
Balwi behondo banoseka Jesu
(Mateo 27:27-31; Joni 19:2,3)
16Feno balwi bakonsenga mukati mwolubazhe mungumba inowhi iPratoliyamu, bakabunganija igapo lyabehondo lyose. 17Bakombajika ingubo ishaba, bakaluka chilemba chemiwha, bakombajika icho. 18Bakatanga kuunkuja, beti, “Ndauwe She, wabaJuda!” 19Bakondoba nolushanga ponsholo, bakonfhila mate, bakafhigama nezwivi, bakondemekeja. 20Pabakati bonseka, bakombula ingubo yensulubele, bakombajika zwimbalo zwizwe. Bakenda naye kuti benonkahamila.
Jesu unokahamilwa panchinjikwa
(Mateo 27:32-44; Luka 23:26-43; Joni 19:17-27)
21Umwe unhu waluwhi Simoni wokuSayilini, tate baAlekizanda naLufusi, wakaswika evakuzhe kweguta, bakomanikija kuti enyamule unchinjikwa waJesu. 22Bakenda naye Jesu, kubugalo bwaluwhi, iGologota, zwinoleba kuti, bugalo bwebhepe lyonsholo. 23Bakompa iwaini iloshanganiswa nemula, koga aajakainwa. 24Bakati bonkahamila, bakakobelana zwimbalo zwizwe, bakata ifumbefumbe kuti umwe noumwe epiwe chipi. 25Waluba unshaji we awa yetatu zwingwanangwana pabakonkahamila. 26Kwakabakakwalwa lukwalo lwondandu uwe, lwokuti: “She wabaJuda.” 27Kwakakahamilwa pamwempela naye imbava imbili, umwe kululyi, umwe kuchesho chiche. 28(Kwakazhajikijwa unkwalo unoti: “Wakakahamilwa pamwempela nabachinyi”
29Akale yabo balupinda nopo bakontuka, bakajunguja misholo yabo, beti, “Aaa, iwi unozakunula iTempeli, ukabuya ukalibakulula mumazhuba matatu, 30zwichije iwi, bhuluka panchinjikwa.”
31Batebuji bakulwana pamwempela nabakwali bakonseka, bakalebeleka, beti, “Wakachija bamwe, aatotubula kuzwichija iye.” 32“Kristo, She wabaIzilayeli, ngebhuluke panchinjikwa ngweno kutila kuti tibone, akale tidimbwe.”Nabakabakahamilwa pamwe naye bakontuka.
Kufa kwaJesu
(Mateo 27:45-56; Luka 23:44-49; Joni 19:28-30)
33Kwakati kwaswika iawa yeshanu inalimwe, kwakaswibha munyika yose kuswikila iawa lyeshanu linamana. 34Ne awa lyeshanu linamana, Jesu bakashomeja newhi igulwana, akati: “Eloyi, Eloyi, lama sabakatani?” Zwinoleba kuti: “Mwali wangu, Mwali wangu, mwandisiyilani na?”
35Bamwe bakabelimile yopo bakati bawha, bakati: “Lingani, ukumushoba Elija.” 36Kwakamilika umwe, akalabuka akanyajika chinganganga muwaini inopanyuka, akabiga mulushanga, akoonwisika, eti, “Lingilijani pela, tibone kana Elija unozha na koombhuluja.”
37Jesu bakashomeja newhi igulwana, akafa.
38Uncheka weTempeli wakajeluka pakati, wakatangisila pezhulu unda pasi. 39Akale unkulwana wegapo lyabalwi elimile pambeli kukwe, ombona efa alo, wakati, “Chokomende, yoyu unhu waluba Mwananhulumyana waMwali.”
40Kwakaba kulipo banhukaji belimile kule, belingisisa; pakati pabo kwakaba kulipo Mariya Magadalena, naMariya amai baJemusi untukutuku naJosesi, naSalome; 41Ndibo bakabauntobela bechi muGalili, bakonshingila, nabamwe banhukaji banji bakatanha naye benda kuJelusalema.
Kujikwa kwaJesu
(Mateo 27:57-61; Luka 23:50-56; Joni 19:38-42)
42Kwakaba madekwana lyakabeli izhuba lyokulonganyila, nokuti lyaluba izhuba linotangila iSabata, 43kwakaswika Josefa weAlimatiya, umwe wakabelemekejwa wamakulukota, emene wakaba elindila bushe bwaMwali, wakenda kuna Pilato, esinotya, akakumbila untumbu waJesu. 44Pilato wakashamiswa kuwha kuti wafa kale; wakashoba unkulwana wabalwi, akombhuza kuti waaba nonshaji afa na. 45Wakati awha kunkulwana wabalwi, wakompa Josefa untumbu, 46lye wakatenga uncheka umbhodo, akabhuluja untumbu, akompeteleja noncheka yoyo, akombiga mugumbu lyakachiwa mubwe, akakungulujila ibwe kuvala igumbu. 47Mariya Magadalena, naMariya amai baJosesi, bakabona yopo paakajikwa.
Iliyochaguliwa sasa
Mako 15: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International
Mako 15
15
Jesu unomiswa mbeli kwaPilato
(Mateo 27:1,2,11-14; Luka 23:1-5; Joni 18:28-38)
1Pakalepo, zhingwanangwana, batebuji bakulwana nabatungamili babanhu nabakwali, namakolokota ose bakalangana bakonsunga Jesu, bakenda naye, bakonsenga kuna Pilato. 2Pilato wakombhuza eti, “Ndiwi She wabaJuda na?”
Wakashandula akati kwaali, “Ndiwi wazwileba.”
3Batebuji bakulwana bakakomelela bonyepela zwinji. 4Pilato wakombhuza akale, akati, “Autoshandula na? Iwha yose milandu minji yabamukupomela.”
5Asi Jesu aajakashandula chinhu, nokudalo yezwi zwakachenamisa Pilato.
Jesu unotongelwa lufu
(Mateo 27:15-26; Luka 23:13-25; Joni 18:39—19:16)
6Nonshaji wemilya, Pilato walusosungunula unsungwa umwempela, ubanokumbila. 7Kwakaba kuli noumwe nhulume waluwhi Bhalabhasi, wakaba asungilwa kubulaya unhu pakupanduka eli nabamwe. 8Ibunga lyabanhu lyakezha, likatangisa kukumbila Pilato kuti ete somwakabeta kuti ebasungunulile umwe unsungwa. 9Pilato wakabashandula akati, “Munoda kuti ndimusungunulile She wabaJuda na?” 10Wakabezwiziba kuti batebuji bakulwana bakombhuza kwaali pezhulu polubengo.
11Koga batebuji bakulwana bakakunijila ibunga lyabanhu kuti likumbile kuti ebasungunulile Bhalabhasi. 12Pilato wakabashandula, akale akati kwabali, “Ndite chini biya naye, umunoti ndiShe wabaJuda?”
13Bakashomeja beti, “Unkahamile panchinjikwa!”
14Pilato wakati kwabali, “Wakata ndandu ni?”
Bakanyanyisa kushomeja, beti: “Unkahamile panchinjikwa!”
15Pilato wakada kushantisa ibunga lyabanhu, wakabasungunulila Bhalabhasi, kova epilija Jesu kuti enonabhwa nokukahamilwa.
Balwi behondo banoseka Jesu
(Mateo 27:27-31; Joni 19:2,3)
16Feno balwi bakonsenga mukati mwolubazhe mungumba inowhi iPratoliyamu, bakabunganija igapo lyabehondo lyose. 17Bakombajika ingubo ishaba, bakaluka chilemba chemiwha, bakombajika icho. 18Bakatanga kuunkuja, beti, “Ndauwe She, wabaJuda!” 19Bakondoba nolushanga ponsholo, bakonfhila mate, bakafhigama nezwivi, bakondemekeja. 20Pabakati bonseka, bakombula ingubo yensulubele, bakombajika zwimbalo zwizwe. Bakenda naye kuti benonkahamila.
Jesu unokahamilwa panchinjikwa
(Mateo 27:32-44; Luka 23:26-43; Joni 19:17-27)
21Umwe unhu waluwhi Simoni wokuSayilini, tate baAlekizanda naLufusi, wakaswika evakuzhe kweguta, bakomanikija kuti enyamule unchinjikwa waJesu. 22Bakenda naye Jesu, kubugalo bwaluwhi, iGologota, zwinoleba kuti, bugalo bwebhepe lyonsholo. 23Bakompa iwaini iloshanganiswa nemula, koga aajakainwa. 24Bakati bonkahamila, bakakobelana zwimbalo zwizwe, bakata ifumbefumbe kuti umwe noumwe epiwe chipi. 25Waluba unshaji we awa yetatu zwingwanangwana pabakonkahamila. 26Kwakabakakwalwa lukwalo lwondandu uwe, lwokuti: “She wabaJuda.” 27Kwakakahamilwa pamwempela naye imbava imbili, umwe kululyi, umwe kuchesho chiche. 28(Kwakazhajikijwa unkwalo unoti: “Wakakahamilwa pamwempela nabachinyi”
29Akale yabo balupinda nopo bakontuka, bakajunguja misholo yabo, beti, “Aaa, iwi unozakunula iTempeli, ukabuya ukalibakulula mumazhuba matatu, 30zwichije iwi, bhuluka panchinjikwa.”
31Batebuji bakulwana pamwempela nabakwali bakonseka, bakalebeleka, beti, “Wakachija bamwe, aatotubula kuzwichija iye.” 32“Kristo, She wabaIzilayeli, ngebhuluke panchinjikwa ngweno kutila kuti tibone, akale tidimbwe.”Nabakabakahamilwa pamwe naye bakontuka.
Kufa kwaJesu
(Mateo 27:45-56; Luka 23:44-49; Joni 19:28-30)
33Kwakati kwaswika iawa yeshanu inalimwe, kwakaswibha munyika yose kuswikila iawa lyeshanu linamana. 34Ne awa lyeshanu linamana, Jesu bakashomeja newhi igulwana, akati: “Eloyi, Eloyi, lama sabakatani?” Zwinoleba kuti: “Mwali wangu, Mwali wangu, mwandisiyilani na?”
35Bamwe bakabelimile yopo bakati bawha, bakati: “Lingani, ukumushoba Elija.” 36Kwakamilika umwe, akalabuka akanyajika chinganganga muwaini inopanyuka, akabiga mulushanga, akoonwisika, eti, “Lingilijani pela, tibone kana Elija unozha na koombhuluja.”
37Jesu bakashomeja newhi igulwana, akafa.
38Uncheka weTempeli wakajeluka pakati, wakatangisila pezhulu unda pasi. 39Akale unkulwana wegapo lyabalwi elimile pambeli kukwe, ombona efa alo, wakati, “Chokomende, yoyu unhu waluba Mwananhulumyana waMwali.”
40Kwakaba kulipo banhukaji belimile kule, belingisisa; pakati pabo kwakaba kulipo Mariya Magadalena, naMariya amai baJemusi untukutuku naJosesi, naSalome; 41Ndibo bakabauntobela bechi muGalili, bakonshingila, nabamwe banhukaji banji bakatanha naye benda kuJelusalema.
Kujikwa kwaJesu
(Mateo 27:57-61; Luka 23:50-56; Joni 19:38-42)
42Kwakaba madekwana lyakabeli izhuba lyokulonganyila, nokuti lyaluba izhuba linotangila iSabata, 43kwakaswika Josefa weAlimatiya, umwe wakabelemekejwa wamakulukota, emene wakaba elindila bushe bwaMwali, wakenda kuna Pilato, esinotya, akakumbila untumbu waJesu. 44Pilato wakashamiswa kuwha kuti wafa kale; wakashoba unkulwana wabalwi, akombhuza kuti waaba nonshaji afa na. 45Wakati awha kunkulwana wabalwi, wakompa Josefa untumbu, 46lye wakatenga uncheka umbhodo, akabhuluja untumbu, akompeteleja noncheka yoyo, akombiga mugumbu lyakachiwa mubwe, akakungulujila ibwe kuvala igumbu. 47Mariya Magadalena, naMariya amai baJosesi, bakabona yopo paakajikwa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International