Mateo 7
7
Musitonge bamwe
(Luka 6:37,38,41,42)
1“Musipe untongo, kutila kuti musitongwe neebo.” 2Nokuti nenzila yamunotonga nayo bamwe, munootongwa bo, akale munookwelwa nonkwelo wamunokwela nawo. 3Ini ubona kababi muzhisho lyomwanakwaina uwo usinobona idanda muzhisho lilyo? 4Kana kuti ungati kumwanakwaina uwo, ‘Ima, ndikubhise kakunyana muzhisho lilyo,’ imo muzhisho lilyo mulinedanda? 5Iwi nchengeji! Tanga wabhisa idanda limwo muzhisho lilyo, kutila kuti utubule kubona zwanana kubhisa kakunyana kamo muzhisho lyomwanakwaina uwo. 6Musipe imbwa zwinhu zwichena, musiposele bulungu bulokosha mbeli kwengulube, nokuti ingulube jinozwitoba namakumbo ajo, kova imbwa jimuluma.
Kumbila, Shaka, Gogoja
(Luka 11:9-13)
7“Kumbilani, munopiwa, shakani, munowana, gogojani, munozhulilwa.” 8Nokuti wose unokumbila, unopiwa, noyo unoshaka unowana, nouno gogoja, unozhulilwa. 9Ndiani pakati penu unoti, kana mwananhulumyana uwe akumbila chinkwa, eumpe ibwe? 10Kana kuti akumbila ihobe eumpe inyoka? 11Kana imwi babi mutubula kupa bana benu zwipo zwibuyanana, biya Tate baiko kudenga abangape zwipo zwibuyanana kunaabo banokumbila kwaali na? 12Nokudalo zwose zwamunoda kuti banhu bemutile, zwiteni neebo kunaibo, nokuti yoyu ndiwo mulawo newhalo jabaPolofeti.
Ishubo idukutuku
(Luka 13:24)
13“Ngwinani neshubo lilomanikila. Nokuti lilokwazabuka ishubo, nenzila yadeni ilelu, inosenga kukupalajwa akale banji banongwina neeyo inzila. 14Asi ishubo idukutuku, nenzila ilomanikila inoswincha kubupenyu, akale bashoma banoyiwana.
Unti nemichelo yawo
(Luka 6:43,44)
15“Chenjelelani bapolofeti bamaniepwa, banozha kunamwi bekambala ibhapata lyemhwizi, asi mukati beli mapele anabukali. 16Munoobaziba nemichelo yabo. Unchelo wonzhambi unowanika mumiwha na, kana kuti ihuyu munti womhiwa? 17Nokudalo wose unti umbuyanana unozwala michelo mibhodo, asi unti umbi unozwala michelo mibi. 18Unti umbuya aungazwale michelo mibi, neebo unti umbi aungazwale michelo mibuya. 19Wose unti usinozwala unchelo umbuya unotemwa kova uposelwa mumoto. 20Nokudalo munoobaziba nemichelo yabo.
Andijakamuziba
(Luka 13:25-27)
21“Abatoba bose banoti kunami, ‘Tezi, Tezi’ bachoongwina mubushe bwokudenga, koga yoyo unota kuda kwaTate bangu baiko kudenga. 22Nelyo izhuba banji banooti kwandili, ‘Tezi, Tezi! atijakapolofita muzina lyenu, akale tikabhisa madimoni nezina lyenu, akale tikata mishingo mikulwana nezina lyenu na?’ 23Imi ndinoobabuja pachena nditi, anditomuziba, bhudani yopa, imwi bachinyi!’
Umbaki Ilema Nombaki Ulochenjela
(Luka 6:47-49)
24“Wose unowha mawhi angu akale ewata, unooba sonhu ulochenjela wakabaka ingumba yiye pamwala.” 25Ivula yakana, lwizi lukazhala akezha, ibhepo likezha zwikaloba ingumba, asi aijakawa, nokuti yaluba ikabakilwa pamwala.
26Akale wose unowha mawhi angu akale esinowatobeleja, unanga sonhu ilema wakabaka ingumba yiye pezhulu ponsechelele. 27Ivula yakana, lwizi lukazhala akezha, ibhepo likezha, zwikaloba ingumba yeyo ikawa, akale kuwa kwayo kwakaba kukulwana!”
Isimba lyaJesu.
28Wakati Jesu apeja kulebeleka mawhi yaya, ibunga lyabanhu lyakashamiswa nendayijo yiye, 29nokuti wakalayija sonhu unanesimba, aajakata sabakwali babo bomulawo.
Iliyochaguliwa sasa
Mateo 7: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International
Mateo 7
7
Musitonge bamwe
(Luka 6:37,38,41,42)
1“Musipe untongo, kutila kuti musitongwe neebo.” 2Nokuti nenzila yamunotonga nayo bamwe, munootongwa bo, akale munookwelwa nonkwelo wamunokwela nawo. 3Ini ubona kababi muzhisho lyomwanakwaina uwo usinobona idanda muzhisho lilyo? 4Kana kuti ungati kumwanakwaina uwo, ‘Ima, ndikubhise kakunyana muzhisho lilyo,’ imo muzhisho lilyo mulinedanda? 5Iwi nchengeji! Tanga wabhisa idanda limwo muzhisho lilyo, kutila kuti utubule kubona zwanana kubhisa kakunyana kamo muzhisho lyomwanakwaina uwo. 6Musipe imbwa zwinhu zwichena, musiposele bulungu bulokosha mbeli kwengulube, nokuti ingulube jinozwitoba namakumbo ajo, kova imbwa jimuluma.
Kumbila, Shaka, Gogoja
(Luka 11:9-13)
7“Kumbilani, munopiwa, shakani, munowana, gogojani, munozhulilwa.” 8Nokuti wose unokumbila, unopiwa, noyo unoshaka unowana, nouno gogoja, unozhulilwa. 9Ndiani pakati penu unoti, kana mwananhulumyana uwe akumbila chinkwa, eumpe ibwe? 10Kana kuti akumbila ihobe eumpe inyoka? 11Kana imwi babi mutubula kupa bana benu zwipo zwibuyanana, biya Tate baiko kudenga abangape zwipo zwibuyanana kunaabo banokumbila kwaali na? 12Nokudalo zwose zwamunoda kuti banhu bemutile, zwiteni neebo kunaibo, nokuti yoyu ndiwo mulawo newhalo jabaPolofeti.
Ishubo idukutuku
(Luka 13:24)
13“Ngwinani neshubo lilomanikila. Nokuti lilokwazabuka ishubo, nenzila yadeni ilelu, inosenga kukupalajwa akale banji banongwina neeyo inzila. 14Asi ishubo idukutuku, nenzila ilomanikila inoswincha kubupenyu, akale bashoma banoyiwana.
Unti nemichelo yawo
(Luka 6:43,44)
15“Chenjelelani bapolofeti bamaniepwa, banozha kunamwi bekambala ibhapata lyemhwizi, asi mukati beli mapele anabukali. 16Munoobaziba nemichelo yabo. Unchelo wonzhambi unowanika mumiwha na, kana kuti ihuyu munti womhiwa? 17Nokudalo wose unti umbuyanana unozwala michelo mibhodo, asi unti umbi unozwala michelo mibi. 18Unti umbuya aungazwale michelo mibi, neebo unti umbi aungazwale michelo mibuya. 19Wose unti usinozwala unchelo umbuya unotemwa kova uposelwa mumoto. 20Nokudalo munoobaziba nemichelo yabo.
Andijakamuziba
(Luka 13:25-27)
21“Abatoba bose banoti kunami, ‘Tezi, Tezi’ bachoongwina mubushe bwokudenga, koga yoyo unota kuda kwaTate bangu baiko kudenga. 22Nelyo izhuba banji banooti kwandili, ‘Tezi, Tezi! atijakapolofita muzina lyenu, akale tikabhisa madimoni nezina lyenu, akale tikata mishingo mikulwana nezina lyenu na?’ 23Imi ndinoobabuja pachena nditi, anditomuziba, bhudani yopa, imwi bachinyi!’
Umbaki Ilema Nombaki Ulochenjela
(Luka 6:47-49)
24“Wose unowha mawhi angu akale ewata, unooba sonhu ulochenjela wakabaka ingumba yiye pamwala.” 25Ivula yakana, lwizi lukazhala akezha, ibhepo likezha zwikaloba ingumba, asi aijakawa, nokuti yaluba ikabakilwa pamwala.
26Akale wose unowha mawhi angu akale esinowatobeleja, unanga sonhu ilema wakabaka ingumba yiye pezhulu ponsechelele. 27Ivula yakana, lwizi lukazhala akezha, ibhepo likezha, zwikaloba ingumba yeyo ikawa, akale kuwa kwayo kwakaba kukulwana!”
Isimba lyaJesu.
28Wakati Jesu apeja kulebeleka mawhi yaya, ibunga lyabanhu lyakashamiswa nendayijo yiye, 29nokuti wakalayija sonhu unanesimba, aajakata sabakwali babo bomulawo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International