Luka 11
11
Indayijo yaJesu pezhulu pokunamata
(Mateo 6:9-13; 7:7-11)
1Wakati elikumunamata kunalimwe ibhazu, paakapeja umwe wabalayijwa babe wakati kuna iye, “Tezi, tilayijeni kunamata, sezwakatiwa naJoni kubalayijwa babe.”
2Wakati kwabali, “Kana munamata, munoti:
“‘Tate,
izina lyenu ngalikujwe.
bushe bwenu ngabuswike,
3Tipeni kulya kwedu kwemisi nemisi,
4mutilekejele luchinyo lwedu,
sobutinobalekejela bose banotichinyila,
musitilekelele tiwila mukukwejwa.’”
5Wakati kwabali, “Ndiyani pakati penu unoti eli nonkwaina uwe, kova enda kwaali pakati pobusiku eswika eti, ‘Nkwaina wangu ndicheneke zwinkwa zwitatu, 6nokuti unkwaina wangu umo mulwendo wandiswikila, andina, chokuumpa!’ 7iye unoshandula elimungumba eti, ‘Usindinyaje, ndakonya kale unkoba akale imi nabana bangu talala kale, andingamuke kuti ndikupe chinhu’ 8Ndinomubuja kojoba iye esinomuka kuti ompe pezhulu pobukwaina bwabo, kunangatila kukwe chete ndikwo kungoonta kuti emuke ompe zwose zwaanoda. 9Nokudalo ndinoti kwamuli, Kumbilani, munoopiwa, pyangani munoowana, gogojani, munoozhulilwa. 10Nokuti aani naani unokumbila unopiwa, nooyo unopyanga unowana, noyo unogogoja unozhulilwa. 11Ndiyani pakati penu unoti eli tate angati, kana mwana akumbila ihobe iye ompe inyoka, 12kana kuti angompa imhami, iye akumbila ibumbulu? 13Kana imwi nobubi bwenu yobu, muziba kupa bana benu zwipo zwibuyanana, ani biya Tate benu bokudenga bangakonwa chini kupa uMpepo uNchena kuna yabo banokumbila kwabali!”
Jesu naBheluzabheli
(Mateo 12:22-30; Mako 3:20-27)
14Ngweno wakaba ebhisa idimoni lyakabeli chimumu, palyakabhuda idimoni unhu wakabeli chimumu wakatanga kulebeleka, banhu bakachenama. 15Koga bamwe babo bakati, “Unobhisa madimoni namasimba aBheluzabheli, unchinda wamadimoni.”
16Bamwe, bakonkweja nokukumbila kuti ete chitondejelo chinova kudenga. 17Koga iye, eziba indangalilo jabo, wakati kwabali, “Bose bushe buloganukana bunopalajika, akale ingumba iloganukana nokwayo, inombwela. 18Nokudalo kana Satani ekapambukana, bushe bubwe bungaba ipo chini? Nokuti munoti ndikumubhisa madimoni nesimba lyaBheluzabheli. 19Kana ndibhisa madimoni nesimba lyaBheluzabheli, ani bana benu banowabhisa nesimba lyani? Nokudalo ndibo bachaba batongi benu. 20Asi kana ndibhisa madimoni nakanyala kaMwali, zwinoleba kuti bushe bwaMwali bwaswika kwamuli.
21“Kana unhulume unesimba akale ekapakata zwilwaniso zwizwe, elinda unzi uwe, chuma chiche chilotabilijika. 22Koga kana kukaswika umwe unanesimba linopinda lilye, kova onkoma, unotola zwose zwilwaniso zwaabebimba nazwo, unzundi kova ekoba zwaakwiba.
23“Yoyo usiko kubhazu lyangu aatowililana nami, akale yoyo usinobutitika nami unotataula.”
Kubwilila kwoMpepo Umbi
(Mateo 12:43-45)
24“Kana umpepo weshambwa wabhuda munhu unopungaila upinda kubugalo bulokoma, upyanga pokunyetutukila, ungoshayiwa unoti, ‘Ndobwilila kungumba yangu kwandakava.’ 25Paunobwilila unowana ingumba ikashambijika akale ikalonganyika. 26Unobwilila kunokoka imwe mipepo mishanu inamibili mikali kasa kupinda iwo, kova ingwina ikagala mukati, kana zwaba alo, yoyo unhu unooba mubukukutu kupinda pakutanga.”
Lushanto lwechokomende
27Paakabechinolebeleka yezwi, umwe unhukaji mukati mwebunga wakashomeja eti, “Ilokombolelwa imimba yakakunyamula akale nezhamu liwakamwa.”
28Koga Iye wakashandula eti, “Balokombolelwa ndiyabo banowha iwhi lyaMwali kova belilondota.”
Chitondejo chaJona
(Mateo 12:38-42)
29Palyakati ibunga lyabanhu lyawanda, wakatanga kulebeleka eti, “Chizekululu yechi chilohunguka, chinoda chitondejo asi apana chachichapiwa kuzhe kwechitondejo chaJona. 30Nokuti Jona wakaba chitondejelo kubanhu beNinive, nokudalo Mwananhulumyana woNhu unooba alo kuchizekululu yechi. 31Nezhuba lyokutongwa, baNdalama bokuchamhembe pamwempela nabanhu bechizekululu yechi banooma mbeli bebapa undandu nezhuba lyokutongwa, nokuti bakakwenda wose unshizho beva kunyika yabo kuti boowhilila indayijo jobuchenjevu jaSolomoni, asi ndinoti kwamuli, yopano pana unkulwana kupinda Solomoni. 32Nezhuba lyokutongwa banhu beNinive banooshandukila chizekululu yechi bechipa undandu, nokuti Jona paakabhaunula bakashanduka, lingani yopano pana unkulwana kupinda Jona.
Chimuniko choMbili
(Mateo 5:15; 6:22,23)
33“Apana unhu unotutumisa chimuniko kova echibiga palosisika kana kuchitibhikila nechitundu, asi unochibiga pechibigilo chacho kutila kuti banongwina bebone lumuniko. 34Chimuniko chombili izhisho lilyo, kana izhisho lilyo lilibhenyu, umbili uwo uzhele lumuniko, asi kana lilwaja izhisho lilyo, nombili uwo uzhele inhilima. 35Nokudalo chenjela kuti lumuniko luli munawi lusibe inhilima. 36Kana umbili uwo wose ulizhele mwenje, pesina pana nenhilima, unooba nomwenje wose, umunikilwa nedubi lyawo.”
Jesu unoshungula baFalisi naBalayiji bomulawo
(Mateo 23:1-36; Mako 12:38-40)
37Echinolebeleka, umwe umFalisi wakonkoka kuti enolya naye chilayilo, wakangwina mungumba akagala panolyilwa. 38UmFalisi wakashama paakabona kuti Jesu wakatanga kulya esashamba maboko. 39Tezi wakati kwaali, “Imwi baFalisi, moshambisa pazhe ponkombe nendyilo, asi mukati mwenu muzhele bupambi nobubi. 40Imwi malema! Atoba iye na wakabumba pazhe akale akabumba mukati? 41Asi ipani zwimo mukati mwemikombe nendyilo jenu kubasheti, zwose zwenu zwinoshambijika.
42“Mayee kunamwi baFalisi! nokuti munopila chegumi, butwilo nemilibo yose, musinolangalila kululama noludo lwaMwali, yezwi munokwelela kuzwita musinosiyija zwimwe.
43“Mayee kunamwi baFalisi! nokuti munoda zwibhula zwokulemeswa mumasinagogo nokumuswa kana muli kumisika. 44Mayee kunamwi! nokuti munanga samakumbu asinoboneka, anotobwa nabanhu besinoziba.”
45Limwe igweta lyakashandula liti, “Ndayiji, kana muleba alo, mumutituka nasubo.”
46Iye wakati, “Mayee nokunamwi magweta! Nokuti munonyamulisa banhu mitolo milemu kasa, koga imwi amutoiguma kana nakanyala mitolo yeyo. 47Mayee kunamwi! nokuti munobakila makumbu abalebambeli baMwali, ibo bakabulayiwa namatate enu. 48Imwi mubasumikiji akale mozwida zwakatiwa namatate enu, nokuti ibo bakababulaya, imwi munobakila makumbu abo. 49Ndizwo Mwali akati nobuchenjevu bubwe, ‘Ndoobatumijila bapolofeti baMwali nabapositoli, bamwe banoobabulaya, bamwe banoobayangatisa’ 50kutila kuti ilopa lyabapolofeti bose lyakakutuka kuva matangisilo enyika linoobeteswa kuchizekululu yechi, 51kutangila kulopa lyaAbhelo mane kuswikila kulopa lyaZakaliya, wakabulayilwa pakati pedebulilo netempeli. Eya ndinomubuja, Chizekululu yechi chinozwibetekeselwa yezwi.
52“Mayee kunamwi balayiji bomulawo! nokuti mwakabhisa ikii inozhula mikoba yoluzibo, koga imwi nokwenu amujakangwina mukati, asi mwakajibisa yabo bakabeda kungwina mukati.”
53Wakati ebhuda pabali, balayiji bomulawo nabaFalisi bakatanga kumpyangila undandu, nokunkunijila kuti elundule pakulebeleka, 54bakonteya kuti bombhatile mundebo jije.
Iliyochaguliwa sasa
Luka 11: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International
Luka 11
11
Indayijo yaJesu pezhulu pokunamata
(Mateo 6:9-13; 7:7-11)
1Wakati elikumunamata kunalimwe ibhazu, paakapeja umwe wabalayijwa babe wakati kuna iye, “Tezi, tilayijeni kunamata, sezwakatiwa naJoni kubalayijwa babe.”
2Wakati kwabali, “Kana munamata, munoti:
“‘Tate,
izina lyenu ngalikujwe.
bushe bwenu ngabuswike,
3Tipeni kulya kwedu kwemisi nemisi,
4mutilekejele luchinyo lwedu,
sobutinobalekejela bose banotichinyila,
musitilekelele tiwila mukukwejwa.’”
5Wakati kwabali, “Ndiyani pakati penu unoti eli nonkwaina uwe, kova enda kwaali pakati pobusiku eswika eti, ‘Nkwaina wangu ndicheneke zwinkwa zwitatu, 6nokuti unkwaina wangu umo mulwendo wandiswikila, andina, chokuumpa!’ 7iye unoshandula elimungumba eti, ‘Usindinyaje, ndakonya kale unkoba akale imi nabana bangu talala kale, andingamuke kuti ndikupe chinhu’ 8Ndinomubuja kojoba iye esinomuka kuti ompe pezhulu pobukwaina bwabo, kunangatila kukwe chete ndikwo kungoonta kuti emuke ompe zwose zwaanoda. 9Nokudalo ndinoti kwamuli, Kumbilani, munoopiwa, pyangani munoowana, gogojani, munoozhulilwa. 10Nokuti aani naani unokumbila unopiwa, nooyo unopyanga unowana, noyo unogogoja unozhulilwa. 11Ndiyani pakati penu unoti eli tate angati, kana mwana akumbila ihobe iye ompe inyoka, 12kana kuti angompa imhami, iye akumbila ibumbulu? 13Kana imwi nobubi bwenu yobu, muziba kupa bana benu zwipo zwibuyanana, ani biya Tate benu bokudenga bangakonwa chini kupa uMpepo uNchena kuna yabo banokumbila kwabali!”
Jesu naBheluzabheli
(Mateo 12:22-30; Mako 3:20-27)
14Ngweno wakaba ebhisa idimoni lyakabeli chimumu, palyakabhuda idimoni unhu wakabeli chimumu wakatanga kulebeleka, banhu bakachenama. 15Koga bamwe babo bakati, “Unobhisa madimoni namasimba aBheluzabheli, unchinda wamadimoni.”
16Bamwe, bakonkweja nokukumbila kuti ete chitondejelo chinova kudenga. 17Koga iye, eziba indangalilo jabo, wakati kwabali, “Bose bushe buloganukana bunopalajika, akale ingumba iloganukana nokwayo, inombwela. 18Nokudalo kana Satani ekapambukana, bushe bubwe bungaba ipo chini? Nokuti munoti ndikumubhisa madimoni nesimba lyaBheluzabheli. 19Kana ndibhisa madimoni nesimba lyaBheluzabheli, ani bana benu banowabhisa nesimba lyani? Nokudalo ndibo bachaba batongi benu. 20Asi kana ndibhisa madimoni nakanyala kaMwali, zwinoleba kuti bushe bwaMwali bwaswika kwamuli.
21“Kana unhulume unesimba akale ekapakata zwilwaniso zwizwe, elinda unzi uwe, chuma chiche chilotabilijika. 22Koga kana kukaswika umwe unanesimba linopinda lilye, kova onkoma, unotola zwose zwilwaniso zwaabebimba nazwo, unzundi kova ekoba zwaakwiba.
23“Yoyo usiko kubhazu lyangu aatowililana nami, akale yoyo usinobutitika nami unotataula.”
Kubwilila kwoMpepo Umbi
(Mateo 12:43-45)
24“Kana umpepo weshambwa wabhuda munhu unopungaila upinda kubugalo bulokoma, upyanga pokunyetutukila, ungoshayiwa unoti, ‘Ndobwilila kungumba yangu kwandakava.’ 25Paunobwilila unowana ingumba ikashambijika akale ikalonganyika. 26Unobwilila kunokoka imwe mipepo mishanu inamibili mikali kasa kupinda iwo, kova ingwina ikagala mukati, kana zwaba alo, yoyo unhu unooba mubukukutu kupinda pakutanga.”
Lushanto lwechokomende
27Paakabechinolebeleka yezwi, umwe unhukaji mukati mwebunga wakashomeja eti, “Ilokombolelwa imimba yakakunyamula akale nezhamu liwakamwa.”
28Koga Iye wakashandula eti, “Balokombolelwa ndiyabo banowha iwhi lyaMwali kova belilondota.”
Chitondejo chaJona
(Mateo 12:38-42)
29Palyakati ibunga lyabanhu lyawanda, wakatanga kulebeleka eti, “Chizekululu yechi chilohunguka, chinoda chitondejo asi apana chachichapiwa kuzhe kwechitondejo chaJona. 30Nokuti Jona wakaba chitondejelo kubanhu beNinive, nokudalo Mwananhulumyana woNhu unooba alo kuchizekululu yechi. 31Nezhuba lyokutongwa, baNdalama bokuchamhembe pamwempela nabanhu bechizekululu yechi banooma mbeli bebapa undandu nezhuba lyokutongwa, nokuti bakakwenda wose unshizho beva kunyika yabo kuti boowhilila indayijo jobuchenjevu jaSolomoni, asi ndinoti kwamuli, yopano pana unkulwana kupinda Solomoni. 32Nezhuba lyokutongwa banhu beNinive banooshandukila chizekululu yechi bechipa undandu, nokuti Jona paakabhaunula bakashanduka, lingani yopano pana unkulwana kupinda Jona.
Chimuniko choMbili
(Mateo 5:15; 6:22,23)
33“Apana unhu unotutumisa chimuniko kova echibiga palosisika kana kuchitibhikila nechitundu, asi unochibiga pechibigilo chacho kutila kuti banongwina bebone lumuniko. 34Chimuniko chombili izhisho lilyo, kana izhisho lilyo lilibhenyu, umbili uwo uzhele lumuniko, asi kana lilwaja izhisho lilyo, nombili uwo uzhele inhilima. 35Nokudalo chenjela kuti lumuniko luli munawi lusibe inhilima. 36Kana umbili uwo wose ulizhele mwenje, pesina pana nenhilima, unooba nomwenje wose, umunikilwa nedubi lyawo.”
Jesu unoshungula baFalisi naBalayiji bomulawo
(Mateo 23:1-36; Mako 12:38-40)
37Echinolebeleka, umwe umFalisi wakonkoka kuti enolya naye chilayilo, wakangwina mungumba akagala panolyilwa. 38UmFalisi wakashama paakabona kuti Jesu wakatanga kulya esashamba maboko. 39Tezi wakati kwaali, “Imwi baFalisi, moshambisa pazhe ponkombe nendyilo, asi mukati mwenu muzhele bupambi nobubi. 40Imwi malema! Atoba iye na wakabumba pazhe akale akabumba mukati? 41Asi ipani zwimo mukati mwemikombe nendyilo jenu kubasheti, zwose zwenu zwinoshambijika.
42“Mayee kunamwi baFalisi! nokuti munopila chegumi, butwilo nemilibo yose, musinolangalila kululama noludo lwaMwali, yezwi munokwelela kuzwita musinosiyija zwimwe.
43“Mayee kunamwi baFalisi! nokuti munoda zwibhula zwokulemeswa mumasinagogo nokumuswa kana muli kumisika. 44Mayee kunamwi! nokuti munanga samakumbu asinoboneka, anotobwa nabanhu besinoziba.”
45Limwe igweta lyakashandula liti, “Ndayiji, kana muleba alo, mumutituka nasubo.”
46Iye wakati, “Mayee nokunamwi magweta! Nokuti munonyamulisa banhu mitolo milemu kasa, koga imwi amutoiguma kana nakanyala mitolo yeyo. 47Mayee kunamwi! nokuti munobakila makumbu abalebambeli baMwali, ibo bakabulayiwa namatate enu. 48Imwi mubasumikiji akale mozwida zwakatiwa namatate enu, nokuti ibo bakababulaya, imwi munobakila makumbu abo. 49Ndizwo Mwali akati nobuchenjevu bubwe, ‘Ndoobatumijila bapolofeti baMwali nabapositoli, bamwe banoobabulaya, bamwe banoobayangatisa’ 50kutila kuti ilopa lyabapolofeti bose lyakakutuka kuva matangisilo enyika linoobeteswa kuchizekululu yechi, 51kutangila kulopa lyaAbhelo mane kuswikila kulopa lyaZakaliya, wakabulayilwa pakati pedebulilo netempeli. Eya ndinomubuja, Chizekululu yechi chinozwibetekeselwa yezwi.
52“Mayee kunamwi balayiji bomulawo! nokuti mwakabhisa ikii inozhula mikoba yoluzibo, koga imwi nokwenu amujakangwina mukati, asi mwakajibisa yabo bakabeda kungwina mukati.”
53Wakati ebhuda pabali, balayiji bomulawo nabaFalisi bakatanga kumpyangila undandu, nokunkunijila kuti elundule pakulebeleka, 54bakonteya kuti bombhatile mundebo jije.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International