Ichedendik 9
9
Echekha ch'Ubinọkpaabyi ọtạk ọnạng Noa
1Ma wọ Ubinọkpaabyi odo Noa ọttạra iva pẹ, oben bẹ bẹ́, “Abạnga afhon iva, tte iva pabạnga asaabh-ọsaabh, abạra anyaamẹ aruk k'ibyi sidede ma ọyagbin. 2Mkpaten s'ọyagbin phyibh, ọttạra ọnọhn f'ẹrạng, ọttạra ekpo phyibh py'n'esenga k'isisek, ọttạra nten s'asi phyibh, m'ẹkhaama ojora fabạnga. Amma nchokhu pyẹ phyibh k'isekhisek kwabạnga. 3Masẹ kk'bạnga asạsaarẹ ncheden nnạnga, mgba nnạng bạnga ọttọhk fidede f'urukhu akpen f'n'osenga k'isisek, ode masẹ uchiattọhk ọnạng bạnga.
4“Okhenka, ọkhaam ọtọhk vạnọ f'abạnga nạmáchi, f'ode eten ch'itim ẹkhaam isẹ káchi, ukwuru bẹ́ isẹ rọ ide akpen. 5De ọnạng ọfhọ oyok, amma m'nnor akpen p'oyok mbạbh-ẹ. Ode eten ẹfhọ oyokhanạng, m'anạng chẹ irem. Ode ọnạng ọfhọ oyok, m'nnạng-ẹ irem s'ibaan-ẹ.
6Ọnạng kwidede kw'ọfhọ oyokhanạng,
mạnna wọ oyokhanạng m'ọbạra ọfhọ ẹma,
ukwuru bẹ́, ẹma Ubinọkpaabyi usi oyokhanạng okhera ẹma oyeni.
7Abạnga afhon iva, tte iva p'abạnga asaabh, anyaamẹ aruk k'ibyi sidede ma ọyagbin.”
8Ma wọ, Ubinọkpaabyi obeni Noa ọttạra iva pẹ bẹ́, 9“Kker e, n'ntạkha echekha nnạng bạnga ọttạra iva p'iva pabạnga. 10Echekha nja m'ininga ẹnạng ọttọhk fidede f'urukhu akpen, f'ode ọnọhn, ọttạra ekpo itirape, ọttạra mkpaten, phyi-phyibh f'ọtwạnọ bạnga abẹ uyin ma ọkpaar, f'urukhu akpen ma ọyagbin. 11Amma n'chekhi nnạng bạnga bẹ́, okpe dạk kóde kw'asi m'abạra achi ekpo py'irukhu akpen phyibh, okpe dạk kóde kw'asi m'abạra anwa akhibhi ọyagbin.”
12Ubinọkpaabyi ọbạra oben bẹ́, “Maa wọ ode ẹkhọhkha ch'Echekha chaam ch'nkhaama bạnga abẹ, ọttạra ekpo phyi-phyibh py'n'ẹgwạkhọ ọyọhng, echekha nja m'ininga ẹnạng igbọ s'm'ikwu k'iwu oro. 13Amma kk'isidikhi chaam nchokha k'ebona, ch'ede ẹkhọhkha ch'Echekha ch'nkhaam bạnga abẹ, ọttạra ọyagbin kubungu. 14Okpe kw'ntọhmọ ebona k'ọyagbin, isidikhi iyin, 15amma m'njima echekha ch'nkhaam bạnga abẹ, ọttạra ekpo phyibh py'irukhu akpen. Okpe dạk kòde kw'asi m'anwa adimi ekpo phyibh py'irukhu akpen. 16Ma wọ, okpe kwidede kw'isidikhi iyini k'ebona, m'nse chẹ njima echekha ch'ipimmanitor ch'Ubinọkpaabyi ọkhaam ọttạra ekpo k'akhira-k'akhira phyi-phyibh py'irukhu akpen.”
17Ma wọ Ubinọkpaabyi obeni Noa bẹ́, “Isidikhi nja jọ ede ẹkhọhkha ch'Echekha ch'nkhaam ọttạra ekpo py'idede py'irukhu akpen ma ọyagbin.”
Udik kw'oten k'iva p'Noa
18Wa ajunungva p'Noa p'ayini ma ọkpaar ngwọ ade Shẹm, ọttạra Ham, ọttạra Japhẹt. Ham wọ wa ode otte kw'Kenaan. 19Wa osengi ma iva mbọ attaan p'Noa ọttạra iva pabẹ, ayokhanạng anyaamẹ afu ọyagbin bẹ́ ttạbh.
20Wa Noa ode owonutọhm-nạng. Ẹma wọ wa ode ocheden-nạng kw'okponu nchi s'n'iyạm agrep.#9.20 Nchi nnọ s'agrep n'iyạm adwuk p'abẹ n'atima asi atwuk. 21K'okpe mạnna gwạnọ, wa Noa ogwo atwuk p'achidwuk mbọ tạrr ubuma, ọta uyima irinikhum k'ukkira kwẹ. 22Ma wọ Ham kw'ode otte kw'Kenaan ose irinikhum ch'otte, ọta ọkpaak ivọkka k'iyaan. 23Ma wọ Shẹm, ọttạra Japhẹt atạk ivạra sididen anạna k'nkkang sabẹ, abẹ asenga nnạm-nnạm, akpa nnạm avạra otte, abubh-ẹ irinikhum ọfha abẹ nạngẹ irinikhum chẹ ase.
24Masẹ Noa n'ọphyạbh s'atwuk kk'ẹ attaana, osonga udik kw'Ham, kw'ode okpongannạm nwa kwẹ kw'ujunung kk'usia, Noa ọrakh-ẹ ẹmma, oben bẹ́,
25“M'upyibh ọnạng Kenaan,
ẹma m'ode ubira kw'abira p'ivọkka pẹ phyibh.”
26Ọbạra oben bẹ́,
“Tte ẹtọhnga ede ch'Ọvaar Ubinọkpaabyi kw'Shẹm okpobh,
tte Kenaan ọbạra ode ubira kw'Shẹm.
27Tte Ubinọkpaabyi onemi nnem s'Japhẹt,
tte Japhẹt uruk k'akkira p'Shẹm,
tte Kenaan ode ubira kw'Japhẹt.”
28Masẹ asi p'achi ọyagbin kk'akka phyibh, Noa ọbạra uruk icho arạbh chikhamfa ukuma jobh. 29Ma wọ uyini bẹ́, phyi-phyibh, wa Noa urukhu icho nnọhna mfa ukuma arạbh asenọfa ukuma jobh.
Iliyochaguliwa sasa
Ichedendik 9: mfn-x-os
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©️2025 West Africa Christian Mission
Ichedendik 9
9
Echekha ch'Ubinọkpaabyi ọtạk ọnạng Noa
1Ma wọ Ubinọkpaabyi odo Noa ọttạra iva pẹ, oben bẹ bẹ́, “Abạnga afhon iva, tte iva pabạnga asaabh-ọsaabh, abạra anyaamẹ aruk k'ibyi sidede ma ọyagbin. 2Mkpaten s'ọyagbin phyibh, ọttạra ọnọhn f'ẹrạng, ọttạra ekpo phyibh py'n'esenga k'isisek, ọttạra nten s'asi phyibh, m'ẹkhaama ojora fabạnga. Amma nchokhu pyẹ phyibh k'isekhisek kwabạnga. 3Masẹ kk'bạnga asạsaarẹ ncheden nnạnga, mgba nnạng bạnga ọttọhk fidede f'urukhu akpen f'n'osenga k'isisek, ode masẹ uchiattọhk ọnạng bạnga.
4“Okhenka, ọkhaam ọtọhk vạnọ f'abạnga nạmáchi, f'ode eten ch'itim ẹkhaam isẹ káchi, ukwuru bẹ́ isẹ rọ ide akpen. 5De ọnạng ọfhọ oyok, amma m'nnor akpen p'oyok mbạbh-ẹ. Ode eten ẹfhọ oyokhanạng, m'anạng chẹ irem. Ode ọnạng ọfhọ oyok, m'nnạng-ẹ irem s'ibaan-ẹ.
6Ọnạng kwidede kw'ọfhọ oyokhanạng,
mạnna wọ oyokhanạng m'ọbạra ọfhọ ẹma,
ukwuru bẹ́, ẹma Ubinọkpaabyi usi oyokhanạng okhera ẹma oyeni.
7Abạnga afhon iva, tte iva p'abạnga asaabh, anyaamẹ aruk k'ibyi sidede ma ọyagbin.”
8Ma wọ, Ubinọkpaabyi obeni Noa ọttạra iva pẹ bẹ́, 9“Kker e, n'ntạkha echekha nnạng bạnga ọttạra iva p'iva pabạnga. 10Echekha nja m'ininga ẹnạng ọttọhk fidede f'urukhu akpen, f'ode ọnọhn, ọttạra ekpo itirape, ọttạra mkpaten, phyi-phyibh f'ọtwạnọ bạnga abẹ uyin ma ọkpaar, f'urukhu akpen ma ọyagbin. 11Amma n'chekhi nnạng bạnga bẹ́, okpe dạk kóde kw'asi m'abạra achi ekpo py'irukhu akpen phyibh, okpe dạk kóde kw'asi m'abạra anwa akhibhi ọyagbin.”
12Ubinọkpaabyi ọbạra oben bẹ́, “Maa wọ ode ẹkhọhkha ch'Echekha chaam ch'nkhaama bạnga abẹ, ọttạra ekpo phyi-phyibh py'n'ẹgwạkhọ ọyọhng, echekha nja m'ininga ẹnạng igbọ s'm'ikwu k'iwu oro. 13Amma kk'isidikhi chaam nchokha k'ebona, ch'ede ẹkhọhkha ch'Echekha ch'nkhaam bạnga abẹ, ọttạra ọyagbin kubungu. 14Okpe kw'ntọhmọ ebona k'ọyagbin, isidikhi iyin, 15amma m'njima echekha ch'nkhaam bạnga abẹ, ọttạra ekpo phyibh py'irukhu akpen. Okpe dạk kòde kw'asi m'anwa adimi ekpo phyibh py'irukhu akpen. 16Ma wọ, okpe kwidede kw'isidikhi iyini k'ebona, m'nse chẹ njima echekha ch'ipimmanitor ch'Ubinọkpaabyi ọkhaam ọttạra ekpo k'akhira-k'akhira phyi-phyibh py'irukhu akpen.”
17Ma wọ Ubinọkpaabyi obeni Noa bẹ́, “Isidikhi nja jọ ede ẹkhọhkha ch'Echekha ch'nkhaam ọttạra ekpo py'idede py'irukhu akpen ma ọyagbin.”
Udik kw'oten k'iva p'Noa
18Wa ajunungva p'Noa p'ayini ma ọkpaar ngwọ ade Shẹm, ọttạra Ham, ọttạra Japhẹt. Ham wọ wa ode otte kw'Kenaan. 19Wa osengi ma iva mbọ attaan p'Noa ọttạra iva pabẹ, ayokhanạng anyaamẹ afu ọyagbin bẹ́ ttạbh.
20Wa Noa ode owonutọhm-nạng. Ẹma wọ wa ode ocheden-nạng kw'okponu nchi s'n'iyạm agrep.#9.20 Nchi nnọ s'agrep n'iyạm adwuk p'abẹ n'atima asi atwuk. 21K'okpe mạnna gwạnọ, wa Noa ogwo atwuk p'achidwuk mbọ tạrr ubuma, ọta uyima irinikhum k'ukkira kwẹ. 22Ma wọ Ham kw'ode otte kw'Kenaan ose irinikhum ch'otte, ọta ọkpaak ivọkka k'iyaan. 23Ma wọ Shẹm, ọttạra Japhẹt atạk ivạra sididen anạna k'nkkang sabẹ, abẹ asenga nnạm-nnạm, akpa nnạm avạra otte, abubh-ẹ irinikhum ọfha abẹ nạngẹ irinikhum chẹ ase.
24Masẹ Noa n'ọphyạbh s'atwuk kk'ẹ attaana, osonga udik kw'Ham, kw'ode okpongannạm nwa kwẹ kw'ujunung kk'usia, Noa ọrakh-ẹ ẹmma, oben bẹ́,
25“M'upyibh ọnạng Kenaan,
ẹma m'ode ubira kw'abira p'ivọkka pẹ phyibh.”
26Ọbạra oben bẹ́,
“Tte ẹtọhnga ede ch'Ọvaar Ubinọkpaabyi kw'Shẹm okpobh,
tte Kenaan ọbạra ode ubira kw'Shẹm.
27Tte Ubinọkpaabyi onemi nnem s'Japhẹt,
tte Japhẹt uruk k'akkira p'Shẹm,
tte Kenaan ode ubira kw'Japhẹt.”
28Masẹ asi p'achi ọyagbin kk'akka phyibh, Noa ọbạra uruk icho arạbh chikhamfa ukuma jobh. 29Ma wọ uyini bẹ́, phyi-phyibh, wa Noa urukhu icho nnọhna mfa ukuma arạbh asenọfa ukuma jobh.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©️2025 West Africa Christian Mission