Ichedendik 37
37
Adachen p'Josẹph ọttaar
1Wa Jekọb urukhu k'ofon kw'otte kwẹ kk'urukha, kw'ode ofhon kw'Kenaan.
2Ma wọ ode efonamma ch'Jekọb. K'okpe kw'uwa Josẹph ode icho chikhamfa, wa n'ọtwạn ivotte pẹ abẹ, p'ade iva p'Bilha, ọttạra p'Zilpa abẹ akkeri nten s'otte. Wa, Josẹph n'ukwu oponga ivotte ọnạng otte, ukwuru idik-pyibha sabẹ n'asi.
3K'ikhana s'iva p'Israẹl ofhonu, Josẹph wọ ọdaakhẹ otte ọtạm ọyọhnga iva mbọkha, ukwuru s'uwa ofhon-ẹ k'atạm. Osenga ma, n'ọbọhra ọnọhma wuraam kw'ope akpokha, ọnạng-ẹ. 4Masẹ ivotte ase bẹ́, Josẹph ọdaakhẹ otte idik ọyọhnga abẹma, abẹ awunẹ tạrr abẹ dạk khẹ ititikha ikkasẹ k'nanạng.
5Wa Josẹph ọttaar idachen, masẹ ọkpaakhẹ ivotte idachen nnọ, abẹ adẹ-ẹ awun-uwuna. 6Ukwu oben bẹ bẹ́, “Totokhạn, akhọhmọ itọhng, abhaanga idachen s'nttaar. 7Nttaar s'anning k'owonu n'andạbh arasẹ-khe, n'ns-ose nse s'ekhe chaam n'ebe idumsẹ, n'egoru ẹyọhnga akhẹ pabạnga. Akhẹ pabạnga n'abaabhẹ chaam age ngekha, apyẹ itwunga ncho inạng ekhe chaam ikpukpobha.”
8Ivotte pẹ abhin-ẹ bẹ́, “Okhemma, k'akhọ kh'ẹkka, n'ode bẹ́, amạna mba bạra anninga isekh-isek kwọ sa? Ọma n'akkẹ k'udik ọkka bẹ́, ọma wọ n'abạra adạbh mạna yeri?” Ma wọ, abẹ adiẹ-ẹ awun-uwuna, ukwuru idachen sẹ, ọttạra idik s'kk'bẹ ọkpaakha.
9Wa Josẹph ọbạra ọttaara idachen idwạkh-ọdwạk, ọtạkha sẹ ọkpaak ivotte pẹ, ọbẹ. “Abạnga akhọm-m ithọng, khiri kk'idachen idwạkh-ọdwạk nttaara e. Ẹkpa nja, n'nse s'ududon, ọttạra ophye, ọttạra ndudoru jobhkawạnọ n'itwunga ncho inạng-m ikpukpobha.”
10Masẹ Josẹph ọbạra ọkpaak otte idachen s'ọttaar o, otte ọtạbh-ẹ, ọbạra ọbạbh-ẹ bẹ́, “Bạng idachen khira rọ s'attaar ma? N'ode bẹ́, amma, ọttạra akka, ọttạra ivotte pọ m'antwunga ncho samạna, anạng ọma ikpukpobha o?” 11Ma wọ, ivotte p'Josẹph n'akhaam ottemma Josẹph abẹ, okhenka, Jekọb, kw'ode otte kwabẹ, otạk idik nnọ oge k'ettem.
Ivotte p'Josẹph akpẹ-ẹ anạng anạng p'Ijip
12K'iwu mạnna jạnẹ, ivotte p'Josẹph atim nten s'otte kwabẹ afona bẹ́, ita ichi ekpo kha ọbaanga ofhon kw'Shẹkẹm. 13Ma wọ, Israẹl obeni Josẹph bẹ́, “Ọma asong ma bẹ́, ivatte kk'nten atima afona, ita ichi ekpo ọbaanga Shẹkẹm. Kwu, ntọhmọ ata akkeri bẹ.” Josẹph ubhina bẹ́, “Iya, aro, tọhm-m khadẹ o.”
14Ma wọ, otte ọtọhm-ẹ k'ibyi s'ivotte aning, kha ipekhuma s'Hẹbrọn, oben-ẹ bẹ́, “Sọhng ta akkeri de ivatte ọttạra nten aning kha mororo, ọfha akwu atekh-m.” Masẹ Josẹph ukpir ka Shẹkẹm, 15ujunung wạnọ usi-ẹ oche kw'n'ottena kha ibyi s'nten n'ichi asạsaarẹ, ọbạbh-ẹ bẹ́, “N'aror mbạng?”
16Josẹph ọpọhnẹ bẹ́, “N'nnor ivotte paam e, ma, s'm'na atibh-m ibyi sabẹ na anạng nten uchiattọhk?”
17Ujunung nwọ ọpọhnẹ bẹ́, “Abẹ kk'abina mama-e, Wạra mmang sabẹ abeni ayok bẹ́, ‘Tte amfona kha Dọtan.’ ”
Ma wọ, Josẹph ofon okhebha ivotte k'ibyi s'ifor kha Dọtan.
18Masẹ abẹ ase-ẹ eden-ibhir, brasẹ n'ukpir k'ibyi sabẹ aning, abẹ kk'attọhna phyibh k'oche kw'abẹ ma afhẹ-ẹ.
19Abẹ abhạkhẹ aben ayok bẹ, “Akker e, ọttaar adachen nwọ ukwuma e! 20Akwu, amfhẹ-ẹ, ammạrẹ k'ipekhuma rạnẹ ma, ọfha de ammạn, anta amkpaak otte kwamạna bẹ́, ẹkpaten jạnẹ khẹ ichia, ọfha anninga ma anse oche kwa adachen mbọ pẹ m'iyin k'eden.”
21Okhenka, okpe kw'nwotte kwabẹ kwididen, kw'okpen Reubẹn ọbhaang udik ngwọ, oror eden k'oche kw'm'ọkkaanẹ Josẹph k'abẹ k'mbọhk, ukwu oben bẹ́, “Mma e, tte nạng-ẹ fhu-fhọ amfhọ. 22Tte anạngẹ isẹ rạnẹ-rạnẹ ambyeng. Tte ankhenka ammạr-ẹ ma ipekhuma nna s'ibyi s'owor, okhenka, abạnga ọnạng k'afhọ o.” Reubẹn ọkpaakhẹ ọfha osenga ma, ọkkaana akpen p'Josẹph, ọfha ọbạra utim-ẹ okkena otte kwabẹ.
23Ma Josẹph ukpir k'ibyi s'ivotte aning, abẹ avạkh-ẹ awạra ọnọhma jibhada nwọ kw'ope akpokha kw'oge. 24Abẹ atạkh-ẹ abhạrẹ k'ipekhuma s'asi nạn ade.
25Masẹ abẹ aning ẹyạr bẹẹ́, abẹ achi ọttọhk, abẹ n'adir achen akkeri kha oro, abẹ ase ikhaana s'anạng p'Ishimayẹl p'abin ka ofhon kw'Gilead akwu. Akamẹl pabẹ itọhk ekpo py'erebhi iruk k'ukhira-k'ukhira, py'abẹ atim n'afona k'ofhon kw'Ijip.
26Ma wọ, Juda n'ọbạbhọ ivotte pẹ bẹ́, “Ma, bạng ọttọhk vọ ode iru samạna de amfhọ nwotte kwamạna antạkha obo kwẹ andubh-o? 27Akwu amkpẹ-ẹ annạng anạng mba p'Ishimayẹl, tte nạng-ẹ amfhọ, kidam-kidaam, ẹma ode nwotte kwạmạna, kw'isẹ rạnẹ isi mạna.” Ma wọ, ivọtte phyibh acher udik kw'Reubẹn ọkpaakhẹ.
28Masẹ aseng-mphya mbọ p'Ishimayẹl, p'abạra ade anạng p'Midiyan n'aben bẹ aseng o, ivotte p'Josẹph atta areng-ẹ k'ipekhuma sabẹ kk'ẹ abhạra, akpẹ-ẹ anạng aseng-mphya mbọ k'ashẹkẹl ẹrạbh p'silva, abẹ atim'abẹ afọna k'Ijip.
29Masẹ Reubẹn ọkpa nnạm k'ipekhuma nnọ s'wạra abẹ abhạrẹ Josẹph, dạk khẹ núsia, ọyaakhẹ ọvạra f'oge k'for. 3030 Ofona ọtta okhebha ivotte kk'ibyi sabẹ́ aning, ọkpaak bẹ bẹ́, “Nnwa nwọ dạk kha kọde, ma m'nsi yạn o?”
31Ma wọ, abẹ n'atạk ivu jạnẹ afhọ, abẹ atạkha ọnọhma kw'Josẹph arạna ma isẹ nnọ s'ivu. 32Abẹ atima ọnọhma nwọ abhạna ata akhọkha otte kwabẹ, abẹ akpaakh-ẹ bẹ́, “Attitte, kkeri ọnọhma kw'anse. Kkeri de ode kw'nnwa kwọ wọ o.”
33Otte utin ọnọhma nwọ, oben bẹ́, “Ọnọhma kw'nnwa kwaam wọ e! Ẹkpaten jạnẹ kk'Josẹph ichia ẹyaakh-ọyaakhẹ e.”
34Ma wọ, Jekọb, ọyaakhẹ ọvạra f'oge k'ífor, ọtạkha ọvạra-bina oge, utima nkwuna s'nnwa kwẹ k'iwu sabhaada. 35Iva pẹ p'ajunung, ọttạra p'ipanạng phyi-phyibh akwu afokh-ẹ nttem, okhenka, Jekọb ufhum-ufhum, ọbẹ, “Mma e, atte-m ọbọhk mpe, abẹ annọhng-m ọttạra nkwuna s'nnwa kwaam e.” Ma o, otte ọgạma ẹmạng ch'nnwa.
36Masẹ idik nnọ n'itto ma, aseng-mphya mbọ p'Ishimayẹl, p'abạra ade anạng p'Midiyan, kk'Josẹph akpua kha Ijip anạng ujunung wạnọ kw'okpen Pọtipha, kw'ode ocho kw'ajukwa p'ọvaar Phero.
Iliyochaguliwa sasa
Ichedendik 37: mfn-x-os
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©️2025 West Africa Christian Mission
Ichedendik 37
37
Adachen p'Josẹph ọttaar
1Wa Jekọb urukhu k'ofon kw'otte kwẹ kk'urukha, kw'ode ofhon kw'Kenaan.
2Ma wọ ode efonamma ch'Jekọb. K'okpe kw'uwa Josẹph ode icho chikhamfa, wa n'ọtwạn ivotte pẹ abẹ, p'ade iva p'Bilha, ọttạra p'Zilpa abẹ akkeri nten s'otte. Wa, Josẹph n'ukwu oponga ivotte ọnạng otte, ukwuru idik-pyibha sabẹ n'asi.
3K'ikhana s'iva p'Israẹl ofhonu, Josẹph wọ ọdaakhẹ otte ọtạm ọyọhnga iva mbọkha, ukwuru s'uwa ofhon-ẹ k'atạm. Osenga ma, n'ọbọhra ọnọhma wuraam kw'ope akpokha, ọnạng-ẹ. 4Masẹ ivotte ase bẹ́, Josẹph ọdaakhẹ otte idik ọyọhnga abẹma, abẹ awunẹ tạrr abẹ dạk khẹ ititikha ikkasẹ k'nanạng.
5Wa Josẹph ọttaar idachen, masẹ ọkpaakhẹ ivotte idachen nnọ, abẹ adẹ-ẹ awun-uwuna. 6Ukwu oben bẹ bẹ́, “Totokhạn, akhọhmọ itọhng, abhaanga idachen s'nttaar. 7Nttaar s'anning k'owonu n'andạbh arasẹ-khe, n'ns-ose nse s'ekhe chaam n'ebe idumsẹ, n'egoru ẹyọhnga akhẹ pabạnga. Akhẹ pabạnga n'abaabhẹ chaam age ngekha, apyẹ itwunga ncho inạng ekhe chaam ikpukpobha.”
8Ivotte pẹ abhin-ẹ bẹ́, “Okhemma, k'akhọ kh'ẹkka, n'ode bẹ́, amạna mba bạra anninga isekh-isek kwọ sa? Ọma n'akkẹ k'udik ọkka bẹ́, ọma wọ n'abạra adạbh mạna yeri?” Ma wọ, abẹ adiẹ-ẹ awun-uwuna, ukwuru idachen sẹ, ọttạra idik s'kk'bẹ ọkpaakha.
9Wa Josẹph ọbạra ọttaara idachen idwạkh-ọdwạk, ọtạkha sẹ ọkpaak ivotte pẹ, ọbẹ. “Abạnga akhọm-m ithọng, khiri kk'idachen idwạkh-ọdwạk nttaara e. Ẹkpa nja, n'nse s'ududon, ọttạra ophye, ọttạra ndudoru jobhkawạnọ n'itwunga ncho inạng-m ikpukpobha.”
10Masẹ Josẹph ọbạra ọkpaak otte idachen s'ọttaar o, otte ọtạbh-ẹ, ọbạra ọbạbh-ẹ bẹ́, “Bạng idachen khira rọ s'attaar ma? N'ode bẹ́, amma, ọttạra akka, ọttạra ivotte pọ m'antwunga ncho samạna, anạng ọma ikpukpobha o?” 11Ma wọ, ivotte p'Josẹph n'akhaam ottemma Josẹph abẹ, okhenka, Jekọb, kw'ode otte kwabẹ, otạk idik nnọ oge k'ettem.
Ivotte p'Josẹph akpẹ-ẹ anạng anạng p'Ijip
12K'iwu mạnna jạnẹ, ivotte p'Josẹph atim nten s'otte kwabẹ afona bẹ́, ita ichi ekpo kha ọbaanga ofhon kw'Shẹkẹm. 13Ma wọ, Israẹl obeni Josẹph bẹ́, “Ọma asong ma bẹ́, ivatte kk'nten atima afona, ita ichi ekpo ọbaanga Shẹkẹm. Kwu, ntọhmọ ata akkeri bẹ.” Josẹph ubhina bẹ́, “Iya, aro, tọhm-m khadẹ o.”
14Ma wọ, otte ọtọhm-ẹ k'ibyi s'ivotte aning, kha ipekhuma s'Hẹbrọn, oben-ẹ bẹ́, “Sọhng ta akkeri de ivatte ọttạra nten aning kha mororo, ọfha akwu atekh-m.” Masẹ Josẹph ukpir ka Shẹkẹm, 15ujunung wạnọ usi-ẹ oche kw'n'ottena kha ibyi s'nten n'ichi asạsaarẹ, ọbạbh-ẹ bẹ́, “N'aror mbạng?”
16Josẹph ọpọhnẹ bẹ́, “N'nnor ivotte paam e, ma, s'm'na atibh-m ibyi sabẹ na anạng nten uchiattọhk?”
17Ujunung nwọ ọpọhnẹ bẹ́, “Abẹ kk'abina mama-e, Wạra mmang sabẹ abeni ayok bẹ́, ‘Tte amfona kha Dọtan.’ ”
Ma wọ, Josẹph ofon okhebha ivotte k'ibyi s'ifor kha Dọtan.
18Masẹ abẹ ase-ẹ eden-ibhir, brasẹ n'ukpir k'ibyi sabẹ aning, abẹ kk'attọhna phyibh k'oche kw'abẹ ma afhẹ-ẹ.
19Abẹ abhạkhẹ aben ayok bẹ, “Akker e, ọttaar adachen nwọ ukwuma e! 20Akwu, amfhẹ-ẹ, ammạrẹ k'ipekhuma rạnẹ ma, ọfha de ammạn, anta amkpaak otte kwamạna bẹ́, ẹkpaten jạnẹ khẹ ichia, ọfha anninga ma anse oche kwa adachen mbọ pẹ m'iyin k'eden.”
21Okhenka, okpe kw'nwotte kwabẹ kwididen, kw'okpen Reubẹn ọbhaang udik ngwọ, oror eden k'oche kw'm'ọkkaanẹ Josẹph k'abẹ k'mbọhk, ukwu oben bẹ́, “Mma e, tte nạng-ẹ fhu-fhọ amfhọ. 22Tte anạngẹ isẹ rạnẹ-rạnẹ ambyeng. Tte ankhenka ammạr-ẹ ma ipekhuma nna s'ibyi s'owor, okhenka, abạnga ọnạng k'afhọ o.” Reubẹn ọkpaakhẹ ọfha osenga ma, ọkkaana akpen p'Josẹph, ọfha ọbạra utim-ẹ okkena otte kwabẹ.
23Ma Josẹph ukpir k'ibyi s'ivotte aning, abẹ avạkh-ẹ awạra ọnọhma jibhada nwọ kw'ope akpokha kw'oge. 24Abẹ atạkh-ẹ abhạrẹ k'ipekhuma s'asi nạn ade.
25Masẹ abẹ aning ẹyạr bẹẹ́, abẹ achi ọttọhk, abẹ n'adir achen akkeri kha oro, abẹ ase ikhaana s'anạng p'Ishimayẹl p'abin ka ofhon kw'Gilead akwu. Akamẹl pabẹ itọhk ekpo py'erebhi iruk k'ukhira-k'ukhira, py'abẹ atim n'afona k'ofhon kw'Ijip.
26Ma wọ, Juda n'ọbạbhọ ivotte pẹ bẹ́, “Ma, bạng ọttọhk vọ ode iru samạna de amfhọ nwotte kwamạna antạkha obo kwẹ andubh-o? 27Akwu amkpẹ-ẹ annạng anạng mba p'Ishimayẹl, tte nạng-ẹ amfhọ, kidam-kidaam, ẹma ode nwotte kwạmạna, kw'isẹ rạnẹ isi mạna.” Ma wọ, ivọtte phyibh acher udik kw'Reubẹn ọkpaakhẹ.
28Masẹ aseng-mphya mbọ p'Ishimayẹl, p'abạra ade anạng p'Midiyan n'aben bẹ aseng o, ivotte p'Josẹph atta areng-ẹ k'ipekhuma sabẹ kk'ẹ abhạra, akpẹ-ẹ anạng aseng-mphya mbọ k'ashẹkẹl ẹrạbh p'silva, abẹ atim'abẹ afọna k'Ijip.
29Masẹ Reubẹn ọkpa nnạm k'ipekhuma nnọ s'wạra abẹ abhạrẹ Josẹph, dạk khẹ núsia, ọyaakhẹ ọvạra f'oge k'for. 3030 Ofona ọtta okhebha ivotte kk'ibyi sabẹ́ aning, ọkpaak bẹ bẹ́, “Nnwa nwọ dạk kha kọde, ma m'nsi yạn o?”
31Ma wọ, abẹ n'atạk ivu jạnẹ afhọ, abẹ atạkha ọnọhma kw'Josẹph arạna ma isẹ nnọ s'ivu. 32Abẹ atima ọnọhma nwọ abhạna ata akhọkha otte kwabẹ, abẹ akpaakh-ẹ bẹ́, “Attitte, kkeri ọnọhma kw'anse. Kkeri de ode kw'nnwa kwọ wọ o.”
33Otte utin ọnọhma nwọ, oben bẹ́, “Ọnọhma kw'nnwa kwaam wọ e! Ẹkpaten jạnẹ kk'Josẹph ichia ẹyaakh-ọyaakhẹ e.”
34Ma wọ, Jekọb, ọyaakhẹ ọvạra f'oge k'ífor, ọtạkha ọvạra-bina oge, utima nkwuna s'nnwa kwẹ k'iwu sabhaada. 35Iva pẹ p'ajunung, ọttạra p'ipanạng phyi-phyibh akwu afokh-ẹ nttem, okhenka, Jekọb ufhum-ufhum, ọbẹ, “Mma e, atte-m ọbọhk mpe, abẹ annọhng-m ọttạra nkwuna s'nnwa kwaam e.” Ma o, otte ọgạma ẹmạng ch'nnwa.
36Masẹ idik nnọ n'itto ma, aseng-mphya mbọ p'Ishimayẹl, p'abạra ade anạng p'Midiyan, kk'Josẹph akpua kha Ijip anạng ujunung wạnọ kw'okpen Pọtipha, kw'ode ocho kw'ajukwa p'ọvaar Phero.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©️2025 West Africa Christian Mission