मत्ती 12
12
नाह्न लाह्ःन भारेः लोप्पा
(मर्क २:२३-२८; ३:१-६; लुक ६:१-११)
1मन्न भेलाः येसु नाह्न ल्हाः रुन्जन्न खेःवलम राह्राह् वैयङ खेपा ङ्याह्। नुन चेलाव गुसिह्पा ङ्याह् रे रुन्जन्न नम चाह्ईचाह्ई झामः जाःबो। 2जेङ्नै फरिसीवजै अन रङरङ येसू र्वाबो, “सेह्ना, नान चेलाव नाह्न ल्हाः कानुनजै खेचे नङ्पा र्वापान धोन यङ खेँ।”
3जेङ्नै येसुई ख्युकाङ्मोः र्वाबो, “दाऊदजै, नु रे नुन फुरिव गुसितौ तै खेपा ङ्याह्, तै ङेनजै तोअपा मीपाऊ?#१ सामू २१:१-६ 4नुई परमेस्वरन भबन्न झिङ जाःजाः नू फुल्पान पबित्र रोता फुरीवन ङ्याबोई दीदी झबो। कानुन्न अन्सार पुजारी नङ्म घङ सुई यङ मन रोता झाचे लः मह्या। 5आथबा तै कानुनग तोअपा मीपाऊ, कुजुई नाह्न ल्हाः पुजारीवजै आराधनालयग नाह्न लाह्न आग्या मङ्याङ्ङ, जेङ्नै निर्दोस थहरी राँ?”#गन्ती २८:९-१० 6“जेङ्नै ङा ङेनकाङ्मोः र्वाचे, आराधनालय खेरे किम यङ कान स्यीह् ङ्याह्। 7जेङ्नै पबित्रसास्त्रग सर्पा ङ्याह्, ‘ङा बलिदान नङ्पा, दया चाहि खेनान’ र्वापान अर्थ तै जेङ्पा अन ङेनजै हाकोपा जेङ्न ङेनजै निर्दोसी दोस बिन्नान मह्या।#मत्ती ९:१३; होसे ६:६ 8तैङर्वाङिन सिमिन ङोह्जो नाह्न ल्हाःन प्रभु जेङ्पा।”
येसुई लाह् खार्पा सिमी ताःफाम्पा
(मर्क ३:१-६; लुक ६:६-११)
9स्याह्लै गेग्गे येसु ख्युन आराधनालयग होई। 10स्याह् ल्हा खार्पा सिमिदी ङ्याह्। ख्युई येसू दोस बिनसुमजै नू लोप्पो, “कानुन्न अन्सार तै नाह्न ल्हाः सुई ताःफान्चे लः ङ्याह्यौ?”
11येसुई ख्युकाङ्मोः र्वाबो, “ङेन बर्ग सुई लूपादी ङ्याह्, रे नाह्न ल्हाः मन लुह्मग छार्ङिन, तै ना नू जुङजुङ खोलोः मछ्यूनान तै?#लुक १४:५ 12लूपा खेरे ता सिमि लैः कुम्म जेङ्पा। अन्नकारन कानुन अन्सार यङ नाह्न ल्हाः सिमिन भलो खेचे लः ठहरि राह्नान।” 13तब नुई मन सिमी र्वाबो, “नान लाह् क्याँ।” नुई लाह् क्याङ्बो, रे मन घङ लाह् लैम लः रह्पा। 14जेङ्नै फरिसीवजै खोलोः वैवै नू कुजुई सच्चे र्वार्वा नुन बिरोधग दीदी सल्ला खेमः जाःबो।
परमेस्वरजै दम्पान सेवक
15तब मन ल्होई क्युई राह्राह् येसु स्याह्लै होई, रे सिमि लैः नुन ङिक जाःबो, रे नुई ख्यु पुरूग ताःफाम्बो, 16जेङ्नै नुई ख्युकाङ्मोः अन्न भारेः सुई तये नर्वा, र्वानान्न चेतावनी बिम्बो। 17झामखेखे परमेस्वरजै यसैया भबिस्यबक्तालम र्वापान अन ल्होई पुरा राचेन भिह्तुई अन रह्पा जेङ्पा, 18“ङन राङ्पा सू ङै दम्पा ङिह्पा, ङन स्याङ्पा सुन ङ्याबो ङा किम्म ङिह्पा, ङा ङन आत्मा नुग फेन्नान ङ्युँ, रे नुई यहूदीन खोलोःन सिमिकाङ्मोः न्यायन ताह्फेन्नान ङ्याह्। 19नु न ता याल खेनान ङ्याह् न मिह्दा फाईरा खेनान ङ्याह्, न ता सुई नुन केह्ः गल्लीवग ताह्नान ङ्याह्। 20दिल्पान मि नुई क्युत्नान मह्या, रे सिमः जाःपान लज्युङ नुई सन्नान मह्या, रे अन्त्यग न्यायग क्याल्नान्न बेर साःनान ङ्याह्। 21आलै नुनै मिह्नग सन्सारन सिमि पुरूवजै आस नान्नान ङ्याह्।”
येसु रे बालजिबुल
(मर्क ३:२०-३०; लुक ६:४३-४५; ११:१४-२३)
22तब नुन स्याह् मुई सेम्पा काना रे वाम्पा सिमिदी सप्पो। येसुई नू ताःफाम्बो, अकेह्थाल कि, स्याह्न वाम्पा सिमि ल्होई र्वा तैनान रे रङ तैनान रह्बो। 23आलै सिमिन मोङ पुरूजै हालाईलाई र्वाबो, “तै अन दाऊदनै सन्तान जेङ्पाऊ?” 24जेङ्नै अन ताह्ताह् फरिसीवजै र्वाबो, “अन सिमिजै मुन मालिक बालजिबुललम मात्र मुकाङ्मोः धाङ्ङ।” 25जेङ्नै येसू ख्युन नावा क्युई राह्राह् ख्युकाङ्मोः र्वाबो, “राह्ङराङ्साः बिरोधि रह्पान राज्य पुरू मीपा दोङ्नान ङ्याह्, रे सहर आथबा पयार पुरू जेँनै घूँ याल राङिन थुप्नान मह्या। 26यदि सैतानजै सैतानग छ्यूङिन, नु जेँन बिरोधग भानान, रे आन नुन राज्य कुजुई थुप तैनान? 27यदि ङै बालजिबुललम मुव धाङ्ङिन, ङेनकोन ङोह्जोवजै चन सुलम मन छ्यूङ? अन्नकारन ख्युई ङेनकोन न्यायकर्ता राह्नान ङ्याह्। 28जेङ्नै यदि परमेस्वरन आत्मालम ङा मुव धान्नान र्वाङिन परमेस्वरन राज्य ङेन स्याह् स्वातपा ङ्याह्।” 29आलै ह्याङ “ङू ङार्छेम सिमी मखीरे, नुन यिमन झिङ जाःजाः सुई नुन क्यु वव्वै वै तैनौ? मन ङार्छेम सिमी खीतामी मात्र नुन यिम खु तैनान।” 30“सु ङन ङ्याबो मह्या, नुन ङन बिरोधग ङ्याह्, रे सुई ङन ङ्याबो मरूङ, नुई छरपस्त पारि खेँ। 31अन्नैकारन ङा ङेनकाङ्मोः र्वाचे, सिमिवजै खेपान तीपा पुरू रे लान ल्हुई झपा माफ राह्नान ङ्याह्, जेङ्नै पबित्र आत्मान बिरोधग झपान ल्हुई माफ राह्नान मह्या। 32सुई सिमिन ङोह्जोन बिरोधग तयाः र्वाङिन नू माफ राह्नान ङ्याह्, जेङ्नै सुई पबित्र आत्मान बिरोधग ल्होई र्वाङिन नू अन काल्बाग रे स्वानान्न काल्बागै माफ राह्नान मह्या।” 33“कि तङ्पू लः धोँवा, रे नुन फल लः राह्नान ङ्याह्। कि तङ्पू अलः धोँवा रे नुन फल यङ अलः राह्नान ङ्याह्। तैङर्वाङिन माह्लमै तङ्पु स्योःनान।#मत्ती ७:२०; लुक ६:४४ 34ए भुलेन्न वैचा हो! ङेह् अलः ङ्याह्, ल्होई लः कुजुई र्वा तैनान? तैङर्वाङिन समग नाङ्पान ल्होईव यङ ङुरलम गेङ्ङ। 35सिमि लःजै जेँन समग ङिह्पान ल्होई लःन भकारिलै ल्होई लःई छ्यूनान, जेङ्नै सिमि अलःजै ल्होई अलःन भकारिलै ल्होई अलःई छ्यूनान। 36ङा ङेनकाङ्मोः र्वाचे, फान मराह्नान्न ल्होई पुरू कन सिमिव र्वाङ, ‘न्यायन दिनग ख्युई मन्न हिसाब बिनत्वानान ङ्याह्।’ 37तैङर्वाङिन नान ल्होईवजै ना निर्दोस ठहरी राह्नान ङ्याह्, रे नान ल्होईवजै ना दोसी ठहरी राह्नान ङ्याह्।”
योनान ताह्
(मर्क ८:११-१२; लुक ११:२९-३२)
38तब कानुन लन्नान्न सिमिव रे फरिसीवन बर्ग कान-कानजै नू र्वाबो, “गुरुज्यू, ङि नानलम ताह्दी सेनसुम ङिह्पा।”#मत्ती १६:१; मर्क ८:११; लुक ११:१६ 39येसुई ख्युकाङ्मोः झब बिम्बो, “अलः रे ब्यभिचारी पुस्ताई ताईलोवान धोन खेपा सेन्चे फान्नान। जेङ्नै अन पुस्ताः योना भबिस्यबक्ताः रह्पान ताह् नङ्म घङ ताईलोवान धोन बिन्नान मह्या।#मत्ती १६:४; मर्क ८:१२ 40तैङर्वाङिन कुजुई योना ङाह् किमन फौन झिङ ङिम सुमङी रे छान सुमङी लुईबो, उजुखेखेई सिमिन ङोह्जो यङ पिर्थीबिन फौग ङिम सुमङी रे छान सुमङी लुईनान ङ्याह्। 41निनब्बेन सिमिव परमेस्वरन न्यायन दिनग अन पुस्तान ङ्याबो च्याङ्नान ङ्याह्, रे नू दोसी ठहर्याई खेनान ङ्याह्। तैङर्वाङिन ख्युई योनान ताह्फेःग घ्योप्पा खेपा ङ्याह्, जेङ्नै सेह्ना, योना खेरै किम सुई स्यीह् ङिह्पा।#योना ३:५ 42ज्याङन मकेकुकेन किम झलीमा न्यायन दिनग अन पुस्तान ङ्याबो च्याङ्नान ङ्याह्, रे अनग दोसी ठहर्याई खेनान ङ्याह्, तैङर्वाङिन नु पिर्थीबिन धिङाःन नाःलै सोलोमन्न बुद्धिन ल्होई ङ्यान्चेन भिह्तु स्वाबो। जेङ्नै सेह्ना, सोलोमन खेरे किम सुई स्यीह् ङ्याह्।#१ झली १०:१-१०; २ इति ९:१-१२
आत्मा बाःपा होलहोल स्वानान
(लुक ११:२४-२६)
43“जब आत्मा बाःपा सिमिलम गेग्गे वैङ, नु नाह्पु फारैफारै ओबानो ठाउँराः तुह्ईतुह्ई ल्हेङ्ङ, जेङ्नै खारै मदेन्नान। 44तब नुई र्वाङ, ‘खालै ङा गेग्गे स्वापा, स्याह्ई जेँन यिम ङा होलहोल वैनान ङ्युँ।’ होलहोल स्वातौ नुई यिम होङ, खामसाङ्म दोङदोङ नाङ्पा, रे छ्याईपा दोःनान। 45तब नु वैङ रे जेँन खेरे हेँ अलः घङ नेह्पा थाम मुन आत्मा जेँन ङ्याबो सन्नान, रे झिङ जाःजाः ख्यु स्याह् छ्यूँ, रे मन सिमिन ङिस्योवान दसा ङूस्योवान खेरे हेँ अलः राँ। अन अलः पुस्ताः र्वार्वा उजुई राह्नान ङ्याह्।”
येसुन मा रे भाइव
(मर्क ३:३१-३५; लुक ८:१९-२१)
46येसुई सिमिवन मोङग अन ल्होईव र्वातौर्वातौ नुन मा रे थिक्कोव स्याह् ताप्पो। ख्युई येसुन ङ्याबो ल्होई र्वाकोए ङिह्पा र्वार्वा जेँ खोलोःई छ्युङछ्युङ सिमिदीग येसू अन ल्होई स्याप्म फेप्पो। 47तब तीपाई येसू र्वाबो, “सेह्ना, नान मा रे नान थिक्कोव खोलोः थाङथाङ छ्युङपा ङ्याह्, रे नान ङ्याबो ल्होई र्वासुम खेँ।” 48जेङ्नै नुन ङ्याबो ल्होई र्वानान सिमी येसुई र्वाबो, “ङन मा सु जेङ्पा? ङन थिक्कोव सु जेङ्पा?” 49आलै नुई जेँन लाह्जै चेलाकाङ्मोः थनैथनै र्वाबो, “सेह्ना ङन मा रे ङन थिक्कोव। 50तैङर्वाङिन सुई स्वर्गः ङिह्पान ङन पान इच्छा ङ्याङ्ङ, नुई र्वार्वा ङन थिक्कोव, रे ङन बहिनी, रे ङन मा जेङ्पा।”
Iliyochaguliwa sasa
मत्ती 12: NTKST25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Kaike Language © The Word for the World International and Kaike Translation Project, Nepal, 2025
मत्ती 12
12
नाह्न लाह्ःन भारेः लोप्पा
(मर्क २:२३-२८; ३:१-६; लुक ६:१-११)
1मन्न भेलाः येसु नाह्न ल्हाः रुन्जन्न खेःवलम राह्राह् वैयङ खेपा ङ्याह्। नुन चेलाव गुसिह्पा ङ्याह् रे रुन्जन्न नम चाह्ईचाह्ई झामः जाःबो। 2जेङ्नै फरिसीवजै अन रङरङ येसू र्वाबो, “सेह्ना, नान चेलाव नाह्न ल्हाः कानुनजै खेचे नङ्पा र्वापान धोन यङ खेँ।”
3जेङ्नै येसुई ख्युकाङ्मोः र्वाबो, “दाऊदजै, नु रे नुन फुरिव गुसितौ तै खेपा ङ्याह्, तै ङेनजै तोअपा मीपाऊ?#१ सामू २१:१-६ 4नुई परमेस्वरन भबन्न झिङ जाःजाः नू फुल्पान पबित्र रोता फुरीवन ङ्याबोई दीदी झबो। कानुन्न अन्सार पुजारी नङ्म घङ सुई यङ मन रोता झाचे लः मह्या। 5आथबा तै कानुनग तोअपा मीपाऊ, कुजुई नाह्न ल्हाः पुजारीवजै आराधनालयग नाह्न लाह्न आग्या मङ्याङ्ङ, जेङ्नै निर्दोस थहरी राँ?”#गन्ती २८:९-१० 6“जेङ्नै ङा ङेनकाङ्मोः र्वाचे, आराधनालय खेरे किम यङ कान स्यीह् ङ्याह्। 7जेङ्नै पबित्रसास्त्रग सर्पा ङ्याह्, ‘ङा बलिदान नङ्पा, दया चाहि खेनान’ र्वापान अर्थ तै जेङ्पा अन ङेनजै हाकोपा जेङ्न ङेनजै निर्दोसी दोस बिन्नान मह्या।#मत्ती ९:१३; होसे ६:६ 8तैङर्वाङिन सिमिन ङोह्जो नाह्न ल्हाःन प्रभु जेङ्पा।”
येसुई लाह् खार्पा सिमी ताःफाम्पा
(मर्क ३:१-६; लुक ६:६-११)
9स्याह्लै गेग्गे येसु ख्युन आराधनालयग होई। 10स्याह् ल्हा खार्पा सिमिदी ङ्याह्। ख्युई येसू दोस बिनसुमजै नू लोप्पो, “कानुन्न अन्सार तै नाह्न ल्हाः सुई ताःफान्चे लः ङ्याह्यौ?”
11येसुई ख्युकाङ्मोः र्वाबो, “ङेन बर्ग सुई लूपादी ङ्याह्, रे नाह्न ल्हाः मन लुह्मग छार्ङिन, तै ना नू जुङजुङ खोलोः मछ्यूनान तै?#लुक १४:५ 12लूपा खेरे ता सिमि लैः कुम्म जेङ्पा। अन्नकारन कानुन अन्सार यङ नाह्न ल्हाः सिमिन भलो खेचे लः ठहरि राह्नान।” 13तब नुई मन सिमी र्वाबो, “नान लाह् क्याँ।” नुई लाह् क्याङ्बो, रे मन घङ लाह् लैम लः रह्पा। 14जेङ्नै फरिसीवजै खोलोः वैवै नू कुजुई सच्चे र्वार्वा नुन बिरोधग दीदी सल्ला खेमः जाःबो।
परमेस्वरजै दम्पान सेवक
15तब मन ल्होई क्युई राह्राह् येसु स्याह्लै होई, रे सिमि लैः नुन ङिक जाःबो, रे नुई ख्यु पुरूग ताःफाम्बो, 16जेङ्नै नुई ख्युकाङ्मोः अन्न भारेः सुई तये नर्वा, र्वानान्न चेतावनी बिम्बो। 17झामखेखे परमेस्वरजै यसैया भबिस्यबक्तालम र्वापान अन ल्होई पुरा राचेन भिह्तुई अन रह्पा जेङ्पा, 18“ङन राङ्पा सू ङै दम्पा ङिह्पा, ङन स्याङ्पा सुन ङ्याबो ङा किम्म ङिह्पा, ङा ङन आत्मा नुग फेन्नान ङ्युँ, रे नुई यहूदीन खोलोःन सिमिकाङ्मोः न्यायन ताह्फेन्नान ङ्याह्। 19नु न ता याल खेनान ङ्याह् न मिह्दा फाईरा खेनान ङ्याह्, न ता सुई नुन केह्ः गल्लीवग ताह्नान ङ्याह्। 20दिल्पान मि नुई क्युत्नान मह्या, रे सिमः जाःपान लज्युङ नुई सन्नान मह्या, रे अन्त्यग न्यायग क्याल्नान्न बेर साःनान ङ्याह्। 21आलै नुनै मिह्नग सन्सारन सिमि पुरूवजै आस नान्नान ङ्याह्।”
येसु रे बालजिबुल
(मर्क ३:२०-३०; लुक ६:४३-४५; ११:१४-२३)
22तब नुन स्याह् मुई सेम्पा काना रे वाम्पा सिमिदी सप्पो। येसुई नू ताःफाम्बो, अकेह्थाल कि, स्याह्न वाम्पा सिमि ल्होई र्वा तैनान रे रङ तैनान रह्बो। 23आलै सिमिन मोङ पुरूजै हालाईलाई र्वाबो, “तै अन दाऊदनै सन्तान जेङ्पाऊ?” 24जेङ्नै अन ताह्ताह् फरिसीवजै र्वाबो, “अन सिमिजै मुन मालिक बालजिबुललम मात्र मुकाङ्मोः धाङ्ङ।” 25जेङ्नै येसू ख्युन नावा क्युई राह्राह् ख्युकाङ्मोः र्वाबो, “राह्ङराङ्साः बिरोधि रह्पान राज्य पुरू मीपा दोङ्नान ङ्याह्, रे सहर आथबा पयार पुरू जेँनै घूँ याल राङिन थुप्नान मह्या। 26यदि सैतानजै सैतानग छ्यूङिन, नु जेँन बिरोधग भानान, रे आन नुन राज्य कुजुई थुप तैनान? 27यदि ङै बालजिबुललम मुव धाङ्ङिन, ङेनकोन ङोह्जोवजै चन सुलम मन छ्यूङ? अन्नकारन ख्युई ङेनकोन न्यायकर्ता राह्नान ङ्याह्। 28जेङ्नै यदि परमेस्वरन आत्मालम ङा मुव धान्नान र्वाङिन परमेस्वरन राज्य ङेन स्याह् स्वातपा ङ्याह्।” 29आलै ह्याङ “ङू ङार्छेम सिमी मखीरे, नुन यिमन झिङ जाःजाः सुई नुन क्यु वव्वै वै तैनौ? मन ङार्छेम सिमी खीतामी मात्र नुन यिम खु तैनान।” 30“सु ङन ङ्याबो मह्या, नुन ङन बिरोधग ङ्याह्, रे सुई ङन ङ्याबो मरूङ, नुई छरपस्त पारि खेँ। 31अन्नैकारन ङा ङेनकाङ्मोः र्वाचे, सिमिवजै खेपान तीपा पुरू रे लान ल्हुई झपा माफ राह्नान ङ्याह्, जेङ्नै पबित्र आत्मान बिरोधग झपान ल्हुई माफ राह्नान मह्या। 32सुई सिमिन ङोह्जोन बिरोधग तयाः र्वाङिन नू माफ राह्नान ङ्याह्, जेङ्नै सुई पबित्र आत्मान बिरोधग ल्होई र्वाङिन नू अन काल्बाग रे स्वानान्न काल्बागै माफ राह्नान मह्या।” 33“कि तङ्पू लः धोँवा, रे नुन फल लः राह्नान ङ्याह्। कि तङ्पू अलः धोँवा रे नुन फल यङ अलः राह्नान ङ्याह्। तैङर्वाङिन माह्लमै तङ्पु स्योःनान।#मत्ती ७:२०; लुक ६:४४ 34ए भुलेन्न वैचा हो! ङेह् अलः ङ्याह्, ल्होई लः कुजुई र्वा तैनान? तैङर्वाङिन समग नाङ्पान ल्होईव यङ ङुरलम गेङ्ङ। 35सिमि लःजै जेँन समग ङिह्पान ल्होई लःन भकारिलै ल्होई लःई छ्यूनान, जेङ्नै सिमि अलःजै ल्होई अलःन भकारिलै ल्होई अलःई छ्यूनान। 36ङा ङेनकाङ्मोः र्वाचे, फान मराह्नान्न ल्होई पुरू कन सिमिव र्वाङ, ‘न्यायन दिनग ख्युई मन्न हिसाब बिनत्वानान ङ्याह्।’ 37तैङर्वाङिन नान ल्होईवजै ना निर्दोस ठहरी राह्नान ङ्याह्, रे नान ल्होईवजै ना दोसी ठहरी राह्नान ङ्याह्।”
योनान ताह्
(मर्क ८:११-१२; लुक ११:२९-३२)
38तब कानुन लन्नान्न सिमिव रे फरिसीवन बर्ग कान-कानजै नू र्वाबो, “गुरुज्यू, ङि नानलम ताह्दी सेनसुम ङिह्पा।”#मत्ती १६:१; मर्क ८:११; लुक ११:१६ 39येसुई ख्युकाङ्मोः झब बिम्बो, “अलः रे ब्यभिचारी पुस्ताई ताईलोवान धोन खेपा सेन्चे फान्नान। जेङ्नै अन पुस्ताः योना भबिस्यबक्ताः रह्पान ताह् नङ्म घङ ताईलोवान धोन बिन्नान मह्या।#मत्ती १६:४; मर्क ८:१२ 40तैङर्वाङिन कुजुई योना ङाह् किमन फौन झिङ ङिम सुमङी रे छान सुमङी लुईबो, उजुखेखेई सिमिन ङोह्जो यङ पिर्थीबिन फौग ङिम सुमङी रे छान सुमङी लुईनान ङ्याह्। 41निनब्बेन सिमिव परमेस्वरन न्यायन दिनग अन पुस्तान ङ्याबो च्याङ्नान ङ्याह्, रे नू दोसी ठहर्याई खेनान ङ्याह्। तैङर्वाङिन ख्युई योनान ताह्फेःग घ्योप्पा खेपा ङ्याह्, जेङ्नै सेह्ना, योना खेरै किम सुई स्यीह् ङिह्पा।#योना ३:५ 42ज्याङन मकेकुकेन किम झलीमा न्यायन दिनग अन पुस्तान ङ्याबो च्याङ्नान ङ्याह्, रे अनग दोसी ठहर्याई खेनान ङ्याह्, तैङर्वाङिन नु पिर्थीबिन धिङाःन नाःलै सोलोमन्न बुद्धिन ल्होई ङ्यान्चेन भिह्तु स्वाबो। जेङ्नै सेह्ना, सोलोमन खेरे किम सुई स्यीह् ङ्याह्।#१ झली १०:१-१०; २ इति ९:१-१२
आत्मा बाःपा होलहोल स्वानान
(लुक ११:२४-२६)
43“जब आत्मा बाःपा सिमिलम गेग्गे वैङ, नु नाह्पु फारैफारै ओबानो ठाउँराः तुह्ईतुह्ई ल्हेङ्ङ, जेङ्नै खारै मदेन्नान। 44तब नुई र्वाङ, ‘खालै ङा गेग्गे स्वापा, स्याह्ई जेँन यिम ङा होलहोल वैनान ङ्युँ।’ होलहोल स्वातौ नुई यिम होङ, खामसाङ्म दोङदोङ नाङ्पा, रे छ्याईपा दोःनान। 45तब नु वैङ रे जेँन खेरे हेँ अलः घङ नेह्पा थाम मुन आत्मा जेँन ङ्याबो सन्नान, रे झिङ जाःजाः ख्यु स्याह् छ्यूँ, रे मन सिमिन ङिस्योवान दसा ङूस्योवान खेरे हेँ अलः राँ। अन अलः पुस्ताः र्वार्वा उजुई राह्नान ङ्याह्।”
येसुन मा रे भाइव
(मर्क ३:३१-३५; लुक ८:१९-२१)
46येसुई सिमिवन मोङग अन ल्होईव र्वातौर्वातौ नुन मा रे थिक्कोव स्याह् ताप्पो। ख्युई येसुन ङ्याबो ल्होई र्वाकोए ङिह्पा र्वार्वा जेँ खोलोःई छ्युङछ्युङ सिमिदीग येसू अन ल्होई स्याप्म फेप्पो। 47तब तीपाई येसू र्वाबो, “सेह्ना, नान मा रे नान थिक्कोव खोलोः थाङथाङ छ्युङपा ङ्याह्, रे नान ङ्याबो ल्होई र्वासुम खेँ।” 48जेङ्नै नुन ङ्याबो ल्होई र्वानान सिमी येसुई र्वाबो, “ङन मा सु जेङ्पा? ङन थिक्कोव सु जेङ्पा?” 49आलै नुई जेँन लाह्जै चेलाकाङ्मोः थनैथनै र्वाबो, “सेह्ना ङन मा रे ङन थिक्कोव। 50तैङर्वाङिन सुई स्वर्गः ङिह्पान ङन पान इच्छा ङ्याङ्ङ, नुई र्वार्वा ङन थिक्कोव, रे ङन बहिनी, रे ङन मा जेङ्पा।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Kaike Language © The Word for the World International and Kaike Translation Project, Nepal, 2025