मर्कुस 4
4
ढुर वानेलो ओसात्रो
मत्ती १३:१-२३; लुका ८:४-१५
1येसु फरि गालील डहलो ओछ्योकं चुङडे पैने सुरु ओडोव, हो बेलाकं ओछ्योयालं बनै भ्या मीरं याडुप्सिव। मीरं आढङ भ्या लेवरं, येसु डहला टोबो डोङ्गाटं पुलुडे होटंज़ उचुङो। होकाम मी भरि डहलो ओछ्योकं नामलं च्याङसिव लेवरं। 2येसुये सात्रोङाम नोरंलाई भ्या रो: ओपोयोरं। येसुये ऐ वार्डे सिछ्या ओयोवरं,
3“ठैच्यो! टोबो ढुर वाने मी ढुर वाने ओनाव। 4ढुर ओवाज़्याकं कोइ येम छ्योयालं याटे:व, नो येमछ्योयाला टे:व ढुररं बाज़ारं राडे याज़्योव। 5कोइ ढुर डा:न्डलेव ये:ङलं याटे:व, गम टिगिडा टाडे चानोज़ उपरिव। 6निमीये उहिपो बेलाकं ओजरा नामलं भ्या मागाडिसिव टाडे चानोज़ ओठोङो। 7कोइ ढुररं ज़ु घारलं याटे:व। होकाम ज़ुरं घ्योडे नोलाई याछ्यापो होकाम पिपिरुरु टाडे ओसै माझाडे ओडान्ठ्या याटाव। 8होकाम कोइ ढुर के गमस्यालं ओटे:व। परिडे घ्योडे ओसै बनै झाडे कोइये तीस गुना, कोइ साठी गुना कोइये, सय गुना बनै ओसोयो।”
9येसुये होला ठैनेरंलाई हैओडोवरं, “जो मीलो ओना ले हो मीये ओठोयोकं।”
सात्रोङाम कडाने पाङने
मत्ती १३:१०-१७; लुका ८:९-१०
10येसु ओबाठंङ उलिज़्याकं मीरं यानाव झिन्डे बारं जना उसिसरं सोनो ओल्स बारिज़्याव मीराई येसुलाई नझाव सात्रोलो ओमाने कडि वार्डे यापजोयो। 11येसुये होरंलाई हैओडोवरं, “जेलाई परमेस्वरलो ओराज्यला गोप्या रो:रं स्यान्टै प्रस्टज़ यासिव लिज़्या,” बुरु यहुडीरंकाम उरुका मीरंलाई के सात्रोङामज़ हैडाने टाज़्या। 12हैजैडे,
नो मीराई भाल्सिने के भाल्सिज़्यारं,
हैनि पनि मारं:ङरंये।
ठैने के ठैज़्यारं,
हैनि पनि माबुझिरंयं।
नेटाव याम्टाखिनके, परमेस्वर लेवडे यायुङ यासोवोलरंहो,
होकाम नोये यापाप छेमा याडोड्योवरंहो।#यसैया ६:९-१०
ढुरवाने सात्रोलो ओमाने
13येसुये नो मीरंलाई हैओडोवरं, “जे आव सात्रोलो ओमाने जेम्सनये? आव सात्रोलो ओमाने जेम्सनखे भने छुटं सात्रोरं झन कैजैडे जेसन्केड? 14ढुर वानेये परमेस्वरलो ओपाङ वावये। 15कोइ मीरं येम छ्योयाला वासिव ढुर स्यानाव टारंये। नोरं परमेस्वरलो ओपाङ याठोयोपानाज़ यायुङला वासिव बचनलो ढुर सैतानये लाङोये। 16हैजैडेज़ डान्डला परिव ढुर स्यानाव मीरं एटाव टारं, जोराई बचन ठैरंयं होमान्त्राज़ रेङय-रेङय यायुङलं नैरंये। 17होकाम नोराई याजरा याम्झावय नोरं भ्या मालेडुरं। होकाम बचनलो ओकारंनये डुखं डैरं होसोनो सहटैसिव नि:रं, नोरं चानोज़ ढलिरंये। 18ज़ुराई याघारला परिव ढुर नोरंज़, जोराई परमेस्वरलो ओपाङ ठैरं, 19होकाम आव प्रिठीबीला चिन्ता, ढन सोनो उरु रो:राई यालोभये बचनलाई मे:रंये, होकाम ओडान्ठ्या ओटाव स्याव टारंये। 20चाव गमस्या लेव ये:ङलं वासिवरं नोरंज़ जोराई परमेस्वरलो ओपाङ ठैडे हो अनसार बाडे तीस, साठी सोनो सय गुना यासै झारंयं।”
डियाटोटा नैसिव टुक्कि
लुका ८:१६-१८
21येसुये हो मीरंलाई टोबो एटाव सात्रो झाडे ओयोवरं, “काङ्का मीये पनि टुक्कि खाङडे पराटये माकपो होसोनो खाटं डुङल मानोयो। होकाम नोये डियाटोटं नैने वार्डेज़ माखाङोये डोरो? 22हो मान्टि जो बस्त मो:डे नैसिवले हो पाखाटं र:न्नेले, जो बस्त कप्सिव ले हो फैसिनेले। 23जो मीलो ठैने ओना ले होये ओठोयोकं।”
24येसुये फरि नोरंलाई हैओडोवरं, “जे जो रो: जेठैज़्या नो रो: चावसं ठैच्यो। जो जालाम जे फोडे जेयोज़्यारं हो जालामज़ फोडे जे पनि डैनेजेले। होकाम जे झन भ्या डैनेजेले। 25कडालेकं जोसं लिज़्या होये उरु पनि डैनेले, होकाम जोसं माले होसं लिज़्याव पनि नान्सिने ले।”
सम्फरिव ढुरलो ओसात्रो
26येसुये फरि ऐ ओवारो, “परमेस्वरलो ओराज्य एटाव ची, टोबो मीये ये:ङलं ढुर वावये, 27होकाम नो मी रिलं ओइस्यानि पनि, लाकं सन्सिव ओलेनि पनि नो ढुर लाकं रिलं परीये, घ्योये। नो ढुर कैजैडे परिडे ओघ्योज़्याव हो नो मीये मासोनो। 28ये:ङये ओल्ज़ नो पिमा ढुरलाई सपरिवये होकामटा ङा:डे कोङ्कल्याडे घ्योडे ओबाला ठाङ्डे ओसै झावये। 29अन्न उमि:नो मान्त्रा नो मीये हङस्याये क्यावये, कडालेकं बाली सयारिने बेला राव टाये।”
सुरसुङलो उढुर
मत्ती १३:३१-३२,३४; लुका १३:१८-१९
30येसुये फरि हैओवारो, “परमेस्वरलो ओराज्यलाई गे कडिसं गेडान्जिके? होसोनो कडि सात्रो झाडे आवलो ओमाने ङापलाड्याच्योके? 31परमेस्वरलो ओराज्य टोबो सुरसुङलो उढुर स्यानाव लिज़्या, नो ये:ङलं वासिये। स्यान्टैराई भन्डा आलिज़ा ढुर आवलोज़ ओटानि पनि 32नो नामलं वासिये होकाम नो परिडे घ्योये, स्यान्टै ङ:नराई याबिरवा भन्डा नो घ्योव टाये, होसोनो घ्यो-घ्योव ओखार ओखिर झावये होकाम नमटा भुर्ज़्याव बाज़ारं ओछायाँलं याज़ी:म झैरंये।”
33मीराई याबुझिडुव सम परमेस्वरलो ओपाङ गुबुझिरंकं वार्डे एटाव बनै भ्या सात्रोङाम नोरंलाई ओपोयोरं। 34येसुये सात्रो माझाडे मीरंलाई मापोयोरंये, उसिसरंलाईयाज़ याबाठङ यालेकं नो सात्रोलो ओमाने खुलिड्योवरंये।
येसुये घुइरंलाई ओठकनोयो
मत्ती ८:१८,२३-२७; लुका ८:२२-२५
35हो छ्याम री:मडे येसुये उसिसरंलाई हैओडोवरं, “बा, गे डह होपंटं गेनाके।” 36माहुले मीरासं याभासिव पाना येसु जो डोङ्गाटं पुलुडे उलिज़्याव हो डोङ्गाटंज़ चुसिडे उसिसरासं यानाव यासं उरु डोङ्गारं पनि लेवरं। 37यानाज़्याकं बनै घ्योव घुइर राडे डोङ्गालाई रि:लं पल्टैने ओपानो रि:लो ओछल्का डोङ्गालं पसिडे डोङ्गालाई बुडैने ओपानो। 38होबेलाकं येसु डोङ्गाटं उझिन्ङ उगुम झैडे ऐस्याडे ङ:ल्डे उलिज़्याव। उसिसराई येसुलाई सोचैडे हैयाडोव “गुरबा गे के बुडिडे गिसिरिडुखे वार्ने नङलाई चिन्ता माले?”
39येसु सनसिडे च्याङसिडे घुइरंलाई हप्कैडे रि:लाई पनि “चीम लेन! गाइगुइटालेङन” वार्डे आग्या ओयोव। होकाम बतासं ओठकनिव, रि: पनि ओअडिव। होकाम स्यान्टै च्यामचिम ओटाव।
40येसुये नोरंलाई हैओडोवरं “जे कडाने जेछेज़्याव? जेसं बिस्वासज़ उम्लिज़्यावरो?”
41नोरं बनै छेडे या याज़ हैयावारो, आव मी काङ्का? घुइरंये सोनो रि:लो ओछल्काये पनि ओपाङची ठैज़्यारं।
Iliyochaguliwa sasa
मर्कुस 4: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मर्कुस 4
4
ढुर वानेलो ओसात्रो
मत्ती १३:१-२३; लुका ८:४-१५
1येसु फरि गालील डहलो ओछ्योकं चुङडे पैने सुरु ओडोव, हो बेलाकं ओछ्योयालं बनै भ्या मीरं याडुप्सिव। मीरं आढङ भ्या लेवरं, येसु डहला टोबो डोङ्गाटं पुलुडे होटंज़ उचुङो। होकाम मी भरि डहलो ओछ्योकं नामलं च्याङसिव लेवरं। 2येसुये सात्रोङाम नोरंलाई भ्या रो: ओपोयोरं। येसुये ऐ वार्डे सिछ्या ओयोवरं,
3“ठैच्यो! टोबो ढुर वाने मी ढुर वाने ओनाव। 4ढुर ओवाज़्याकं कोइ येम छ्योयालं याटे:व, नो येमछ्योयाला टे:व ढुररं बाज़ारं राडे याज़्योव। 5कोइ ढुर डा:न्डलेव ये:ङलं याटे:व, गम टिगिडा टाडे चानोज़ उपरिव। 6निमीये उहिपो बेलाकं ओजरा नामलं भ्या मागाडिसिव टाडे चानोज़ ओठोङो। 7कोइ ढुररं ज़ु घारलं याटे:व। होकाम ज़ुरं घ्योडे नोलाई याछ्यापो होकाम पिपिरुरु टाडे ओसै माझाडे ओडान्ठ्या याटाव। 8होकाम कोइ ढुर के गमस्यालं ओटे:व। परिडे घ्योडे ओसै बनै झाडे कोइये तीस गुना, कोइ साठी गुना कोइये, सय गुना बनै ओसोयो।”
9येसुये होला ठैनेरंलाई हैओडोवरं, “जो मीलो ओना ले हो मीये ओठोयोकं।”
सात्रोङाम कडाने पाङने
मत्ती १३:१०-१७; लुका ८:९-१०
10येसु ओबाठंङ उलिज़्याकं मीरं यानाव झिन्डे बारं जना उसिसरं सोनो ओल्स बारिज़्याव मीराई येसुलाई नझाव सात्रोलो ओमाने कडि वार्डे यापजोयो। 11येसुये होरंलाई हैओडोवरं, “जेलाई परमेस्वरलो ओराज्यला गोप्या रो:रं स्यान्टै प्रस्टज़ यासिव लिज़्या,” बुरु यहुडीरंकाम उरुका मीरंलाई के सात्रोङामज़ हैडाने टाज़्या। 12हैजैडे,
नो मीराई भाल्सिने के भाल्सिज़्यारं,
हैनि पनि मारं:ङरंये।
ठैने के ठैज़्यारं,
हैनि पनि माबुझिरंयं।
नेटाव याम्टाखिनके, परमेस्वर लेवडे यायुङ यासोवोलरंहो,
होकाम नोये यापाप छेमा याडोड्योवरंहो।#यसैया ६:९-१०
ढुरवाने सात्रोलो ओमाने
13येसुये नो मीरंलाई हैओडोवरं, “जे आव सात्रोलो ओमाने जेम्सनये? आव सात्रोलो ओमाने जेम्सनखे भने छुटं सात्रोरं झन कैजैडे जेसन्केड? 14ढुर वानेये परमेस्वरलो ओपाङ वावये। 15कोइ मीरं येम छ्योयाला वासिव ढुर स्यानाव टारंये। नोरं परमेस्वरलो ओपाङ याठोयोपानाज़ यायुङला वासिव बचनलो ढुर सैतानये लाङोये। 16हैजैडेज़ डान्डला परिव ढुर स्यानाव मीरं एटाव टारं, जोराई बचन ठैरंयं होमान्त्राज़ रेङय-रेङय यायुङलं नैरंये। 17होकाम नोराई याजरा याम्झावय नोरं भ्या मालेडुरं। होकाम बचनलो ओकारंनये डुखं डैरं होसोनो सहटैसिव नि:रं, नोरं चानोज़ ढलिरंये। 18ज़ुराई याघारला परिव ढुर नोरंज़, जोराई परमेस्वरलो ओपाङ ठैरं, 19होकाम आव प्रिठीबीला चिन्ता, ढन सोनो उरु रो:राई यालोभये बचनलाई मे:रंये, होकाम ओडान्ठ्या ओटाव स्याव टारंये। 20चाव गमस्या लेव ये:ङलं वासिवरं नोरंज़ जोराई परमेस्वरलो ओपाङ ठैडे हो अनसार बाडे तीस, साठी सोनो सय गुना यासै झारंयं।”
डियाटोटा नैसिव टुक्कि
लुका ८:१६-१८
21येसुये हो मीरंलाई टोबो एटाव सात्रो झाडे ओयोवरं, “काङ्का मीये पनि टुक्कि खाङडे पराटये माकपो होसोनो खाटं डुङल मानोयो। होकाम नोये डियाटोटं नैने वार्डेज़ माखाङोये डोरो? 22हो मान्टि जो बस्त मो:डे नैसिवले हो पाखाटं र:न्नेले, जो बस्त कप्सिव ले हो फैसिनेले। 23जो मीलो ठैने ओना ले होये ओठोयोकं।”
24येसुये फरि नोरंलाई हैओडोवरं, “जे जो रो: जेठैज़्या नो रो: चावसं ठैच्यो। जो जालाम जे फोडे जेयोज़्यारं हो जालामज़ फोडे जे पनि डैनेजेले। होकाम जे झन भ्या डैनेजेले। 25कडालेकं जोसं लिज़्या होये उरु पनि डैनेले, होकाम जोसं माले होसं लिज़्याव पनि नान्सिने ले।”
सम्फरिव ढुरलो ओसात्रो
26येसुये फरि ऐ ओवारो, “परमेस्वरलो ओराज्य एटाव ची, टोबो मीये ये:ङलं ढुर वावये, 27होकाम नो मी रिलं ओइस्यानि पनि, लाकं सन्सिव ओलेनि पनि नो ढुर लाकं रिलं परीये, घ्योये। नो ढुर कैजैडे परिडे ओघ्योज़्याव हो नो मीये मासोनो। 28ये:ङये ओल्ज़ नो पिमा ढुरलाई सपरिवये होकामटा ङा:डे कोङ्कल्याडे घ्योडे ओबाला ठाङ्डे ओसै झावये। 29अन्न उमि:नो मान्त्रा नो मीये हङस्याये क्यावये, कडालेकं बाली सयारिने बेला राव टाये।”
सुरसुङलो उढुर
मत्ती १३:३१-३२,३४; लुका १३:१८-१९
30येसुये फरि हैओवारो, “परमेस्वरलो ओराज्यलाई गे कडिसं गेडान्जिके? होसोनो कडि सात्रो झाडे आवलो ओमाने ङापलाड्याच्योके? 31परमेस्वरलो ओराज्य टोबो सुरसुङलो उढुर स्यानाव लिज़्या, नो ये:ङलं वासिये। स्यान्टैराई भन्डा आलिज़ा ढुर आवलोज़ ओटानि पनि 32नो नामलं वासिये होकाम नो परिडे घ्योये, स्यान्टै ङ:नराई याबिरवा भन्डा नो घ्योव टाये, होसोनो घ्यो-घ्योव ओखार ओखिर झावये होकाम नमटा भुर्ज़्याव बाज़ारं ओछायाँलं याज़ी:म झैरंये।”
33मीराई याबुझिडुव सम परमेस्वरलो ओपाङ गुबुझिरंकं वार्डे एटाव बनै भ्या सात्रोङाम नोरंलाई ओपोयोरं। 34येसुये सात्रो माझाडे मीरंलाई मापोयोरंये, उसिसरंलाईयाज़ याबाठङ यालेकं नो सात्रोलो ओमाने खुलिड्योवरंये।
येसुये घुइरंलाई ओठकनोयो
मत्ती ८:१८,२३-२७; लुका ८:२२-२५
35हो छ्याम री:मडे येसुये उसिसरंलाई हैओडोवरं, “बा, गे डह होपंटं गेनाके।” 36माहुले मीरासं याभासिव पाना येसु जो डोङ्गाटं पुलुडे उलिज़्याव हो डोङ्गाटंज़ चुसिडे उसिसरासं यानाव यासं उरु डोङ्गारं पनि लेवरं। 37यानाज़्याकं बनै घ्योव घुइर राडे डोङ्गालाई रि:लं पल्टैने ओपानो रि:लो ओछल्का डोङ्गालं पसिडे डोङ्गालाई बुडैने ओपानो। 38होबेलाकं येसु डोङ्गाटं उझिन्ङ उगुम झैडे ऐस्याडे ङ:ल्डे उलिज़्याव। उसिसराई येसुलाई सोचैडे हैयाडोव “गुरबा गे के बुडिडे गिसिरिडुखे वार्ने नङलाई चिन्ता माले?”
39येसु सनसिडे च्याङसिडे घुइरंलाई हप्कैडे रि:लाई पनि “चीम लेन! गाइगुइटालेङन” वार्डे आग्या ओयोव। होकाम बतासं ओठकनिव, रि: पनि ओअडिव। होकाम स्यान्टै च्यामचिम ओटाव।
40येसुये नोरंलाई हैओडोवरं “जे कडाने जेछेज़्याव? जेसं बिस्वासज़ उम्लिज़्यावरो?”
41नोरं बनै छेडे या याज़ हैयावारो, आव मी काङ्का? घुइरंये सोनो रि:लो ओछल्काये पनि ओपाङची ठैज़्यारं।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025