मत्ती 27
27
येसुलाई पिलातस लेवङं यालाङो
मर्कुस 15:1-15; लुका 23:1-5,13-25; युहन्ना 18:28-38
1छकाल्ने ग-ग, स्यान्टै मुख्या सेवा डोने मीरं सोनो मीराई बुडा-पुरानो मीराई येसुलाई सै:ने डन्ड याने वार्डे उबिरोडलं सल्ला याडोव। 2होकाम नोराई येसुलाई किडे यालाङो, होकाम पिलातस वार्ने रोमी हाकिम लेवङं यासुम्पिव।
यहुडा इस्करियोत उसिव
प्रेरित १:१८-१९
3होकाम येसुलाई सोक्यो:ने यहुडाये येसुलाई डन्ड याने आग्या र:ङडे उयुङ ओसोवोलो। मुख्या सेवा डोने मीरं सोनो बुडा पाकारंलाई चान्डीलो तीस गोटा पैसा सोवोल्ड्यानेरं वार्डे ओरोयो। 4होकाम ऐ ओवारो, “ङा ओडोस मालेव मीलाई सै:ने लागिटं फसैडे पाप डोडेङानै।” होकाम नोराई हैयाडोव, “गेलाई कडि मतलंब? नङज़ सन।” 5होकाम नोये चान्डीलो नो पैसारं प्रार्ठना डोने ज़ी:मलं ख्याडे ओनाव, होकाम नो झुन्डैसिडे ओसै:सिव। 6होकाम मुख्या सेवा डोने मीराई नो चान्डीलो पैसा याकुइटं क्यो:डे हैयावारो, “आव पैसा ढुकुटिलं झाने माङ्कची, कडालेकं आव झीलो ओये: ची।” 7नोरं या-या सल्ला डाडे नो पैसाये यहुडीरंकाम उरुका मीरंलाई गाडिनेलो लागिटं कुमाललो ओये:ङ यालो:ङो। 8हैजैडे के नो ये:ङलाई आर्क समं पनि झीलो ये:ङ डोरंये। 9होकाम यर्मिया अगमबक्ताये ओपाङो रो: पुरा ओटाव, “नोराई चान्डीलो तीसगोटा पैसा यालाङो जो पैसा इस्राएलीराई नोलो ओये: याझोयो।#जकरिया ११:१२-१३; यर्मिया ३२:६-९ 10होकाम घ्योव प्रभुये ङालाई आग्या ओयाङो अनसार कुमालेलो ओये:ङलो ओये: नोराई यायोव।”
पिलातसलो ओङा:कं येसु
मर्कुस १५:२-५; लुका २३:३-५; युहन्ना १८:३३-३८
11येसु रोमी हाकिमलो ओङा:कं ओच्याङसिव, होकाम नो हाकिमये येसुलाई ओपजोयो, “होकाम नङ यहुडीराई याराजा रो?” येसुये हैओवारो, “नङज़ हैनवार्ज़्या।” 12होकाम मुख्या सेवा डोने मीराई सोनो बुडा-पाकाराई येसुलाई यापजोयो, होकाम येसुये कडि जबाफज़ मायोवरंये। 13होकाम पिलातसये येसुलाई हैओडोव, “नबिरोडलं नोराई भान्टि-भान्टिला रो:राई यागोहाई योज़्यारं, नङ नम्ठैज़्यावरो?” 14होकाम येसुये हाकिमलाई, ओललाई यापजोयोलाम टोबोलो पनि ओजबाफ मायोवये। आव रो:टं पिलातस वार्ने हाकिम पनि बनै छक्क ओटाव।
सै:ने आग्या
15निस्तार पर्बटं टोबो कैतिलाई जनताराई हैयावारो अनसार हाकिमये रा:ड्याने चलन लेव। 16नो बेलाकं टोबो बारब्बा याडोज़्याव उमिन ठोयो कैती लेव। 17मीरं याडुप्सिव मान्त्रा पिलातसये नोरंलाई ओपंजोयोरं, “जे कै जेवार? जेलागिटं ङा काङ्कालाई रा:ड्याने? बारब्बालाई सै ख्रीस्ट वार्ने येसुलाई?” 18कडालेकं, नोराई येसुलाई यारिसैयेज़ ओल लेवकं यासुम्पिव वार्ने रो: पिलातसलाई ठा लेव। 19होकाम नो पिलातस निया डोने पोटं चुङडे उलिज़्याव बेलाकं, ओज्याये नोलाई ऐ वार्डे सोर उपरि:ङड्योव, “नो ओडोस मालेव सहि मीलाई सजै टायो। कडालेकं आछ्या रिलं ङामङलं नो मीलो ओकारंनये ङा बनै डुखं डैडेङानै।” 20होकाम मुख्या सेवा डोने मीरं सोनो बुडा पाकाराई बारब्बालाई रा:ड्याडे येसुलाई डन्ड याडे सै:ने वार्च्यो वार्डे मीरंलाई याभर्कोयोरं। 21हाकिमये फरि पनि ओपंजोयोरं, “ङा आव नेबऱ्याङनिकाम काङ्कालाई ङारा:ड्याच्यो वार्ने जे हैजेवार?” नोराई हैयावारो, “बारब्बालाई।” 22पिलातसये नोरंलाई ओपंजोयोरं, “होकाम ख्रीस्ट याडोज़्याव येसुलाई ङा कैजैनेखेने?” नोराई स्यान्टैराई हैयावारो, “नो क्रुसटं ओटाङ्गिसिकं।” 23पिलातंसये हैओडोवरं, “कडा? नोये कडि अपराड डोडेओनैज़्याव ड?” होकाम नोरं ऐ वार्डे झन कस्सिडे याकि:व, “नो क्रुसटं ओटाङ्गिसिकं।” 24होकाम कडि सिफंज़ ओम्लागिव र:ङडे कैलेकं खैलाबैला टा वार्ने छ्या डोडे पिलातसये रि: रैडे होला मीराई याङा:कं उकुइ हुर्डे हैओवारो, “जे-जेज़ सन्च्यो, ङा आव ओडोस मालेव मीलो उझीलो डोसि ङाम्ले।” 25स्यान्टै मीराई जबाफ यायोव, “नोलो उझीलो ओडोस गे लेवडे, गेसन्तानरं लेवडे ओराकं।” 26होकाम हाकिमये नोराई यालागिटं बारब्बालाई रा:डे ओयोवरं, होकाम येसुलाई कोर्राये ओपो:व पान्त्रा, क्रुसटं गटाङगिच्योके वार्डे सुम्पीडे ओयोवरं।
सिफाइँराई येसुलाई यागिल्लोयो
मर्कुस 15:16-20; युहन्ना 19:2-3
27होकाम पिलातसलो उसिफाइँराई येसुलाई डरबारलं यालाङो, होकाम स्यान्टै पल्टनलाईज़ खुल्डे ओङा:कं याडुपोरं। 28नोराई येसुलो ओक्वा हाइडे घ्यामो क्वा याक्वा:यो। 29नोराई ज़ुलो पगरि झैडे ओङै:टं यासजाड्योव होकाम वो:र्टा उकुइटं ज़ि:ङलो भाटा यासोक्योव, होकाम येसुलो ओङा:कं याघुन्डा टिकिसिडे ऐ वार्डे यागिल्लोयो, “ए यहुडीराई याराजा सलाम गेडान।” 30होकाम नोराई येसुलाई यात्युलो, होकाम उकुइटाम भाटा नान्डे ओङै:टं पो:डेयायोव। 31उगिल्ला याडोव मान्त्रा नोराई नो क्वा ओक्याङटाम हाइडे यायोव, होकाम ओक्वाज़ क्वाइडे येसुलाई क्रुसटं याटाङ्गिनाव।
येसुलाई क्रुसटं याटाङगिव
मर्कुस 15:21-32; लुका 23:26-43; युहन्ना 19:17-27
32यानाज़्याकं कुरेनीला सिमोन उमिनलेव टोबो मीलाई याडोयो, होकाम नोराई हो मीलाई येसुलो उक्रुस कर डाडे यासुगुरो। 33होकाम नोरं गलगठा वार्ने पोकं याकिरिव। नो पोलाई खप्परलो पो पनि डोरंये। 34होकाम नोराई येसुलाई कावो बस्त बराइसिव मड्ड यासोओँयो, हैनि पनि येसुये नो ओडारो पाना ओँने माभनये।#भजनरं ६९:२१ 35नोराई येसुलाई क्रुसटं याटाङ्गिवपानाज़ येसुलो ओक्वा गोला झाडे याभाव। 36होकाम होकं चुङडे नोराई येसुलाई यागुव। 37“येसु यहुडीराई याराजा” वार्ने येसुलो उबिरोडला डोस कागत नोराई येसुलो ओङै: टरसैज़ाकं याटाङ्गिड्योव। 38येसुसं नेबऱ्याङ डाङ्कुनि पनि क्रुसटं झुन्डैसिव लेवनि, टोबो येसुकाम वो:र्डे टोबो डाबऱ्याडे लेवनि। 39होलाग्यान आडे-होडे बाने मीराई याङै: ङटङ-ङटङ झैडे येसुलाई यागिल्लोयो,#भजनरं २२:१८ 40होकाम हैयाडोव ए प्रार्ठना ज़ी:मलाई टै:डे सोङलाका झैने मी, नङ नङलाईज़ गबचैके, होकाम नङ परमेस्वरलो ओज़ाटावसं क्रुसटाम झरिडे मेलं गराङन्के। 41मुख्या सेवा डोने मीराई, पनि न्याम पैनेरं सोनो बुडा पाकारासं येसुलाई गिल्लैडे हैयाडोव। 42“आवये उरुरंलाई के याबचोयोरं, हैनि पनि ओल्लाई के माबचैडुवये। आव इस्राएलला राजा ची। आर्कज़ क्रुसटाम मेलं झरिडे ओराकं, होकाम गे आवलाई बिस्वास डानेगेले। 43आवये परमेस्वरटं भर डोवये। परमेस्वरये आवलाई ओजोगैखिन, परमेस्वरये आवलाई आकंज़ ओजोगोयोकं, कडालेकं आवये ङा परमेस्वरलो ओज़ा ची वार्डे हैवार्ये।” 44होकाम ओल्स आसै होसै झुन्डैसिव डाङ्कुनि पनि ऐझैडेज़ येसुलो उगिल्ला नेडोव।
येसुलो ओसं ओफ्याव
मर्कुस 15:33-41; लुका 23:44-49; युहन्ना 19:28-30
45होकाम आडा लाकाम तीन बजे समं डेसलं अन्ड्यारो ओटाव। 46तीन बजेयाल येसु ऐ लेडे उकि:व, “इलोई, इलोई, लामा सबखठनी?” नो वार्सिव, “ए परमेस्वर, ए परमेस्वर नङ ङालाई कडाने रा:डे ननैसङज़्याव?”#भजनरं २२:१ 47होला च्याङसिवरंलाम कोइ-कोइराई नो ठैडे हैयावारो, “आवये एलियालाई खुल्ज़्याव।” 48नोरंलाम टोबोये होमान्त्राज़ ज़ो:नाडे टोबो रुइलो भुटुने स्युरो बस्तलं बुडैडे ज़ि:ङ भाटाटं झाडे ओसोवोँयो।#भजनरं ६९:२१ 49होकाम उरुराई हैयावारो, “डे र:ङने कैलेकं एलियाये आवलाई जोगैरिव सै?” 50होकाम येसु फरि कस्सिडे उकि:व होकाम ओसं ओफ्याव। 51होबेलाकंज़ प्रार्ठना डोने ज़ी:मला पर्डा रोट्टा उटुपाटाम मेला समं नेफलाङ ओटाव, होकाम नाम ठर-ठर उगुव, लुङरं सेरा-सेरा यापाव।#बाने २६:३१-३३ 52खाडररं याफैसिव होकाम सिव चोखो मीराई याक्याङ ज्युङडा टाडे यासोव, 53नोरं खाडरलाम यापुलुव होकाम येसु सिडे ज्युङडा ओटाव मान्त्रा नोरं चोखो याक्याङसं चोखो सहरलं यानाव होकाम भ्या मीराई याङा:कं यासटन्सिव। 54कप्तान सोनो नोरासं येसुलाई गुनेराई भुम्चाल ओनाव सोनो होला घटना ओटाव यारो:ङो पाना चब्बनै छेडे याछ्यासैये हैयावारो, “आवके डस्साज़ परमेस्वरलो ओज़ाची ओलेवलेव।” 55होल गालीललाम राव मेमारं पनि भ्याज़ लेवरं, होराई आव घटनारं स्यान्टै टाडाङाम र:ङ्डेज़ यानोयो। नो मेमाराई येसुलो ओसेवा डोये-डोये गालीललाम येसुलो उझिन्ट राव लेवरं। 56नोरंलाम मरियम मग्डलिनी सोनो याकुबनी योसेफनि न्यामा मरियम होकाम जब्डियालो ओज़ाराई यामा लेवरं।
येसुलाई यागाडिव
मर्कुस 15:42-47; लुका 23:50-56; युहन्ना 19:38-42
57रि:म्डे ओटाव पान्त्रा अरिमाठियाला योसेफ उमिन लेव टोबो ढनी मी ओराव। नो ओलज़ येसुलो उसिस लेव। 58नो मी पिलातस लेवङं नाडे येसुलो सिव ओक्याङ उनी:व होकाम पिलातंसये नो मीलाई येसुलो सिव ओक्याङ योने हुकुम ओयोवरं। 59योसेफये येसुलो सिव ओक्याङ रैडे टोबो सफा, नोपो सुतिलो क्वाये ओमन्ठोयो। 60होकाम नोये लुङटं खुलिडे झैसिव ओल ओझोयो सा:रौ ओखाडरलं ओनोयो। होकाम खाडरलो ओया:टं टोबो घ्योव पल्याटाये कप्डे ओनाव। 61हो खाडर ङा:कं मरियम मग्डलिनी सोनो छुटं मरियम पनि चुङसिडे निललिज़्याव।
खाडरलाई यागुव
62तयार टानेलो ओपराटि, ना:सिने डिन छ्याम मुख्या सेवा डोने मीरं सोनो फरिसीर पिलातस लेवङं याडुप्सिव, 63होकाम हैयाडोव, “ए सरकार गेलाई ठाले नो ढुटुवाये ज्युङडा ओलेकं, ङा सोङलाका फरि सोनेङाले ओवारो। 64हैजैडे सोङला समं नो खाडरलाई गुडे नैने हुकुम गयासिच्योके, मानिके उसिसरं राडे सिव ओक्याङ कुडे लाङरंके होकाम नोके सिडे ज्युङडा याटाडु वार्डे मीरंलाई हैडोरंके होकाम नो ढोका ङाडेका भन्डा पनि अजं माचाव टानेले।” 65पिलातसये नोरंलाई हैओडोवरं, “जेज़ जेलिज़्यासा गनाच्योके, जेढुव समं गुडे नैच्यो।” 66होकाम नोरं नाडे खाडरटा लुङटं छाप याझाव, होकाम गुने मीरं नैडे खाडर गुडे यानोयो।
Iliyochaguliwa sasa
मत्ती 27: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 27
27
येसुलाई पिलातस लेवङं यालाङो
मर्कुस 15:1-15; लुका 23:1-5,13-25; युहन्ना 18:28-38
1छकाल्ने ग-ग, स्यान्टै मुख्या सेवा डोने मीरं सोनो मीराई बुडा-पुरानो मीराई येसुलाई सै:ने डन्ड याने वार्डे उबिरोडलं सल्ला याडोव। 2होकाम नोराई येसुलाई किडे यालाङो, होकाम पिलातस वार्ने रोमी हाकिम लेवङं यासुम्पिव।
यहुडा इस्करियोत उसिव
प्रेरित १:१८-१९
3होकाम येसुलाई सोक्यो:ने यहुडाये येसुलाई डन्ड याने आग्या र:ङडे उयुङ ओसोवोलो। मुख्या सेवा डोने मीरं सोनो बुडा पाकारंलाई चान्डीलो तीस गोटा पैसा सोवोल्ड्यानेरं वार्डे ओरोयो। 4होकाम ऐ ओवारो, “ङा ओडोस मालेव मीलाई सै:ने लागिटं फसैडे पाप डोडेङानै।” होकाम नोराई हैयाडोव, “गेलाई कडि मतलंब? नङज़ सन।” 5होकाम नोये चान्डीलो नो पैसारं प्रार्ठना डोने ज़ी:मलं ख्याडे ओनाव, होकाम नो झुन्डैसिडे ओसै:सिव। 6होकाम मुख्या सेवा डोने मीराई नो चान्डीलो पैसा याकुइटं क्यो:डे हैयावारो, “आव पैसा ढुकुटिलं झाने माङ्कची, कडालेकं आव झीलो ओये: ची।” 7नोरं या-या सल्ला डाडे नो पैसाये यहुडीरंकाम उरुका मीरंलाई गाडिनेलो लागिटं कुमाललो ओये:ङ यालो:ङो। 8हैजैडे के नो ये:ङलाई आर्क समं पनि झीलो ये:ङ डोरंये। 9होकाम यर्मिया अगमबक्ताये ओपाङो रो: पुरा ओटाव, “नोराई चान्डीलो तीसगोटा पैसा यालाङो जो पैसा इस्राएलीराई नोलो ओये: याझोयो।#जकरिया ११:१२-१३; यर्मिया ३२:६-९ 10होकाम घ्योव प्रभुये ङालाई आग्या ओयाङो अनसार कुमालेलो ओये:ङलो ओये: नोराई यायोव।”
पिलातसलो ओङा:कं येसु
मर्कुस १५:२-५; लुका २३:३-५; युहन्ना १८:३३-३८
11येसु रोमी हाकिमलो ओङा:कं ओच्याङसिव, होकाम नो हाकिमये येसुलाई ओपजोयो, “होकाम नङ यहुडीराई याराजा रो?” येसुये हैओवारो, “नङज़ हैनवार्ज़्या।” 12होकाम मुख्या सेवा डोने मीराई सोनो बुडा-पाकाराई येसुलाई यापजोयो, होकाम येसुये कडि जबाफज़ मायोवरंये। 13होकाम पिलातसये येसुलाई हैओडोव, “नबिरोडलं नोराई भान्टि-भान्टिला रो:राई यागोहाई योज़्यारं, नङ नम्ठैज़्यावरो?” 14होकाम येसुये हाकिमलाई, ओललाई यापजोयोलाम टोबोलो पनि ओजबाफ मायोवये। आव रो:टं पिलातस वार्ने हाकिम पनि बनै छक्क ओटाव।
सै:ने आग्या
15निस्तार पर्बटं टोबो कैतिलाई जनताराई हैयावारो अनसार हाकिमये रा:ड्याने चलन लेव। 16नो बेलाकं टोबो बारब्बा याडोज़्याव उमिन ठोयो कैती लेव। 17मीरं याडुप्सिव मान्त्रा पिलातसये नोरंलाई ओपंजोयोरं, “जे कै जेवार? जेलागिटं ङा काङ्कालाई रा:ड्याने? बारब्बालाई सै ख्रीस्ट वार्ने येसुलाई?” 18कडालेकं, नोराई येसुलाई यारिसैयेज़ ओल लेवकं यासुम्पिव वार्ने रो: पिलातसलाई ठा लेव। 19होकाम नो पिलातस निया डोने पोटं चुङडे उलिज़्याव बेलाकं, ओज्याये नोलाई ऐ वार्डे सोर उपरि:ङड्योव, “नो ओडोस मालेव सहि मीलाई सजै टायो। कडालेकं आछ्या रिलं ङामङलं नो मीलो ओकारंनये ङा बनै डुखं डैडेङानै।” 20होकाम मुख्या सेवा डोने मीरं सोनो बुडा पाकाराई बारब्बालाई रा:ड्याडे येसुलाई डन्ड याडे सै:ने वार्च्यो वार्डे मीरंलाई याभर्कोयोरं। 21हाकिमये फरि पनि ओपंजोयोरं, “ङा आव नेबऱ्याङनिकाम काङ्कालाई ङारा:ड्याच्यो वार्ने जे हैजेवार?” नोराई हैयावारो, “बारब्बालाई।” 22पिलातसये नोरंलाई ओपंजोयोरं, “होकाम ख्रीस्ट याडोज़्याव येसुलाई ङा कैजैनेखेने?” नोराई स्यान्टैराई हैयावारो, “नो क्रुसटं ओटाङ्गिसिकं।” 23पिलातंसये हैओडोवरं, “कडा? नोये कडि अपराड डोडेओनैज़्याव ड?” होकाम नोरं ऐ वार्डे झन कस्सिडे याकि:व, “नो क्रुसटं ओटाङ्गिसिकं।” 24होकाम कडि सिफंज़ ओम्लागिव र:ङडे कैलेकं खैलाबैला टा वार्ने छ्या डोडे पिलातसये रि: रैडे होला मीराई याङा:कं उकुइ हुर्डे हैओवारो, “जे-जेज़ सन्च्यो, ङा आव ओडोस मालेव मीलो उझीलो डोसि ङाम्ले।” 25स्यान्टै मीराई जबाफ यायोव, “नोलो उझीलो ओडोस गे लेवडे, गेसन्तानरं लेवडे ओराकं।” 26होकाम हाकिमये नोराई यालागिटं बारब्बालाई रा:डे ओयोवरं, होकाम येसुलाई कोर्राये ओपो:व पान्त्रा, क्रुसटं गटाङगिच्योके वार्डे सुम्पीडे ओयोवरं।
सिफाइँराई येसुलाई यागिल्लोयो
मर्कुस 15:16-20; युहन्ना 19:2-3
27होकाम पिलातसलो उसिफाइँराई येसुलाई डरबारलं यालाङो, होकाम स्यान्टै पल्टनलाईज़ खुल्डे ओङा:कं याडुपोरं। 28नोराई येसुलो ओक्वा हाइडे घ्यामो क्वा याक्वा:यो। 29नोराई ज़ुलो पगरि झैडे ओङै:टं यासजाड्योव होकाम वो:र्टा उकुइटं ज़ि:ङलो भाटा यासोक्योव, होकाम येसुलो ओङा:कं याघुन्डा टिकिसिडे ऐ वार्डे यागिल्लोयो, “ए यहुडीराई याराजा सलाम गेडान।” 30होकाम नोराई येसुलाई यात्युलो, होकाम उकुइटाम भाटा नान्डे ओङै:टं पो:डेयायोव। 31उगिल्ला याडोव मान्त्रा नोराई नो क्वा ओक्याङटाम हाइडे यायोव, होकाम ओक्वाज़ क्वाइडे येसुलाई क्रुसटं याटाङ्गिनाव।
येसुलाई क्रुसटं याटाङगिव
मर्कुस 15:21-32; लुका 23:26-43; युहन्ना 19:17-27
32यानाज़्याकं कुरेनीला सिमोन उमिनलेव टोबो मीलाई याडोयो, होकाम नोराई हो मीलाई येसुलो उक्रुस कर डाडे यासुगुरो। 33होकाम नोरं गलगठा वार्ने पोकं याकिरिव। नो पोलाई खप्परलो पो पनि डोरंये। 34होकाम नोराई येसुलाई कावो बस्त बराइसिव मड्ड यासोओँयो, हैनि पनि येसुये नो ओडारो पाना ओँने माभनये।#भजनरं ६९:२१ 35नोराई येसुलाई क्रुसटं याटाङ्गिवपानाज़ येसुलो ओक्वा गोला झाडे याभाव। 36होकाम होकं चुङडे नोराई येसुलाई यागुव। 37“येसु यहुडीराई याराजा” वार्ने येसुलो उबिरोडला डोस कागत नोराई येसुलो ओङै: टरसैज़ाकं याटाङ्गिड्योव। 38येसुसं नेबऱ्याङ डाङ्कुनि पनि क्रुसटं झुन्डैसिव लेवनि, टोबो येसुकाम वो:र्डे टोबो डाबऱ्याडे लेवनि। 39होलाग्यान आडे-होडे बाने मीराई याङै: ङटङ-ङटङ झैडे येसुलाई यागिल्लोयो,#भजनरं २२:१८ 40होकाम हैयाडोव ए प्रार्ठना ज़ी:मलाई टै:डे सोङलाका झैने मी, नङ नङलाईज़ गबचैके, होकाम नङ परमेस्वरलो ओज़ाटावसं क्रुसटाम झरिडे मेलं गराङन्के। 41मुख्या सेवा डोने मीराई, पनि न्याम पैनेरं सोनो बुडा पाकारासं येसुलाई गिल्लैडे हैयाडोव। 42“आवये उरुरंलाई के याबचोयोरं, हैनि पनि ओल्लाई के माबचैडुवये। आव इस्राएलला राजा ची। आर्कज़ क्रुसटाम मेलं झरिडे ओराकं, होकाम गे आवलाई बिस्वास डानेगेले। 43आवये परमेस्वरटं भर डोवये। परमेस्वरये आवलाई ओजोगैखिन, परमेस्वरये आवलाई आकंज़ ओजोगोयोकं, कडालेकं आवये ङा परमेस्वरलो ओज़ा ची वार्डे हैवार्ये।” 44होकाम ओल्स आसै होसै झुन्डैसिव डाङ्कुनि पनि ऐझैडेज़ येसुलो उगिल्ला नेडोव।
येसुलो ओसं ओफ्याव
मर्कुस 15:33-41; लुका 23:44-49; युहन्ना 19:28-30
45होकाम आडा लाकाम तीन बजे समं डेसलं अन्ड्यारो ओटाव। 46तीन बजेयाल येसु ऐ लेडे उकि:व, “इलोई, इलोई, लामा सबखठनी?” नो वार्सिव, “ए परमेस्वर, ए परमेस्वर नङ ङालाई कडाने रा:डे ननैसङज़्याव?”#भजनरं २२:१ 47होला च्याङसिवरंलाम कोइ-कोइराई नो ठैडे हैयावारो, “आवये एलियालाई खुल्ज़्याव।” 48नोरंलाम टोबोये होमान्त्राज़ ज़ो:नाडे टोबो रुइलो भुटुने स्युरो बस्तलं बुडैडे ज़ि:ङ भाटाटं झाडे ओसोवोँयो।#भजनरं ६९:२१ 49होकाम उरुराई हैयावारो, “डे र:ङने कैलेकं एलियाये आवलाई जोगैरिव सै?” 50होकाम येसु फरि कस्सिडे उकि:व होकाम ओसं ओफ्याव। 51होबेलाकंज़ प्रार्ठना डोने ज़ी:मला पर्डा रोट्टा उटुपाटाम मेला समं नेफलाङ ओटाव, होकाम नाम ठर-ठर उगुव, लुङरं सेरा-सेरा यापाव।#बाने २६:३१-३३ 52खाडररं याफैसिव होकाम सिव चोखो मीराई याक्याङ ज्युङडा टाडे यासोव, 53नोरं खाडरलाम यापुलुव होकाम येसु सिडे ज्युङडा ओटाव मान्त्रा नोरं चोखो याक्याङसं चोखो सहरलं यानाव होकाम भ्या मीराई याङा:कं यासटन्सिव। 54कप्तान सोनो नोरासं येसुलाई गुनेराई भुम्चाल ओनाव सोनो होला घटना ओटाव यारो:ङो पाना चब्बनै छेडे याछ्यासैये हैयावारो, “आवके डस्साज़ परमेस्वरलो ओज़ाची ओलेवलेव।” 55होल गालीललाम राव मेमारं पनि भ्याज़ लेवरं, होराई आव घटनारं स्यान्टै टाडाङाम र:ङ्डेज़ यानोयो। नो मेमाराई येसुलो ओसेवा डोये-डोये गालीललाम येसुलो उझिन्ट राव लेवरं। 56नोरंलाम मरियम मग्डलिनी सोनो याकुबनी योसेफनि न्यामा मरियम होकाम जब्डियालो ओज़ाराई यामा लेवरं।
येसुलाई यागाडिव
मर्कुस 15:42-47; लुका 23:50-56; युहन्ना 19:38-42
57रि:म्डे ओटाव पान्त्रा अरिमाठियाला योसेफ उमिन लेव टोबो ढनी मी ओराव। नो ओलज़ येसुलो उसिस लेव। 58नो मी पिलातस लेवङं नाडे येसुलो सिव ओक्याङ उनी:व होकाम पिलातंसये नो मीलाई येसुलो सिव ओक्याङ योने हुकुम ओयोवरं। 59योसेफये येसुलो सिव ओक्याङ रैडे टोबो सफा, नोपो सुतिलो क्वाये ओमन्ठोयो। 60होकाम नोये लुङटं खुलिडे झैसिव ओल ओझोयो सा:रौ ओखाडरलं ओनोयो। होकाम खाडरलो ओया:टं टोबो घ्योव पल्याटाये कप्डे ओनाव। 61हो खाडर ङा:कं मरियम मग्डलिनी सोनो छुटं मरियम पनि चुङसिडे निललिज़्याव।
खाडरलाई यागुव
62तयार टानेलो ओपराटि, ना:सिने डिन छ्याम मुख्या सेवा डोने मीरं सोनो फरिसीर पिलातस लेवङं याडुप्सिव, 63होकाम हैयाडोव, “ए सरकार गेलाई ठाले नो ढुटुवाये ज्युङडा ओलेकं, ङा सोङलाका फरि सोनेङाले ओवारो। 64हैजैडे सोङला समं नो खाडरलाई गुडे नैने हुकुम गयासिच्योके, मानिके उसिसरं राडे सिव ओक्याङ कुडे लाङरंके होकाम नोके सिडे ज्युङडा याटाडु वार्डे मीरंलाई हैडोरंके होकाम नो ढोका ङाडेका भन्डा पनि अजं माचाव टानेले।” 65पिलातसये नोरंलाई हैओडोवरं, “जेज़ जेलिज़्यासा गनाच्योके, जेढुव समं गुडे नैच्यो।” 66होकाम नोरं नाडे खाडरटा लुङटं छाप याझाव, होकाम गुने मीरं नैडे खाडर गुडे यानोयो।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025