मत्ती 25
25
डस जना कन्याराई यासात्रो
1“होकाम स्वर्गटा राज्या डस जना कन्यारासं मेडैसिडु नोराई याभाङ-याभाङ डाडे डुलाहालाई डैने वार्डे यापुलुव। 2नोरंलाम पाँसजना याबुड्डि लेवरं सोनो पाँसजना याबुड्डी मालेव लेवरं। 3कडालेकं याबुड्डी मालेवराई याभाङ यालाङ्क यासं ओझोङ ठी मालाङरंये। 4हैनि पनि याबुड्डी लेवराई याभाङ यालाङकं यासं टोबो जालं ओझोङ ठी पनि यालाङो। 5डुलाहा चानो ओमराकं नोरं स्यान्टै यामिरंये मोङो स्याव टाडे याङो:लो।” 6“आढा रिलं, डुलाहा राज़्या, डैने गनाच्योके, वार्ने सोर ओराव।” 7“होकाम नो स्यान्टै कन्यारं सनसिडे याभाङरं तयार याझोयो। 8होकाम याबुड्डि मालेव कन्याराई याबुड्डि लेव कन्यारंलाई हैयाडोवरं, ‘गेलाई टिगिडा जिठी गयासिच्योके, कडालेकं गेसं लेव ठी खेम्डे गेभाङ सिनेपान्ज़्या।’” 9“होकाम याबुड्डी लेव कन्याराई ऐ वार्डे जबाफ यायोवरं, माटा गेलाई सोनो जेलाई डुम्ने भ्या ठी माले, बुरु डोकानलं नाडे जेलागिटं गल:ङनाच्योके।” 10“नोरं ठी याल:ङनाकं डुलाहा ओकेराव होकाम तयार टावरं डुलाहासं बिहेँटा भोजलं यापसिव, होकाम झला यारु:पो।” 11“नो याबुड्डी मालेव कन्यारं छिन्डे राडे हैयावारो, ‘प्रभु, प्रभु गेलाई झला फैडे गयासिके!’ 12होकाम डुलाहाये जबाफ ओयोवरं ङा जेलाई डस्साज़ हैङाडाच्योज़्या, ङा जेलाई ङामसरेच्यो। 13हैजैडे जागा लेच्यो, कडालेकं मानवालो ओज़ा खाबला रा वार्डे जेलाई ठा माले।”
सोम्बऱ्याङ नौकरराई यासात्रो
लुका १९:११-२७
14“कडालेकं आवके टोबो मी स्यानाव ची, जोये प्रडेस ओनाकं ओनौकररंलाई डुप्डे ओढन सम्पति होरंलाई जिम्मा ओयोवरं। 15नोये ओनौकररंलाई याडोडुने मेहेनंत अनसार टोबोलाई पाँस हजार गोटा सुनलो पैसा छुटंलाई नेहजार सोनो छुटं टोबोलाई टहजार सुनलो पैसा याडे ओनाव। 16होकाम पाँस हजार गोटा सुनलो पैसा डैनेये हो मान्त्राज़ नाडे बैपार डाडे, उरु पाँस हजार गोटा सुनलो पैसा ओकमोयो। 17हैजैडेज़ नेहजार सुनलो पैसा डैनेये पनि उरु नेहजार पैसा ओकमोयो। 18होकाम टहजार सुनलो पैसा डैनेये नाडे नाम घोडे ओसाहुलो ओढन नाम ज्युङलं ओरालो” 19“भ्या डिनका नो नौकरराई यासाहु राडे नोरंलाई हिसाब उनी:वरं। 20होकाम पाँस हजार गोटा सुनलो पैसा डैने नौकरये उरु पाँस हजार गोटा सुनलो पैसा ठप्डे ओङा:कं रैडे ऐ ओडोव ‘मालिक नङ ङालाई पाँस हजार गोटा पैसा ङाजिम्मालं नयाङो उरु पाँस हजार गोटा सुनलो पैसा कमैडेङानै।’” 21“ओसाहुये नोलाई हैओडोव, ‘स्याबास चाव सोनो बिस्वासीलो नौकर! नङ टिगिडा रो:टंज़ बिस्वासी नटाखे आबो ङा नङलाई भ्या रो:लो जिम्मा यानेङाले नङ नसाहुलो उखुसिटं नङ पनि रेङनेनंले।’” 22“नेहजार सुनलो पैसा डैनेये पनि राडे ओसाहुलाई हैओडोव ‘ए ङासाहु नङ ङालाई नेहजार सुनलो पैसा नयाङो, ङा उरु नेहजार कमैडेङानै।’ 23होलाई पनि ओसाहुये हैओडोव, ‘स्याबास चाव सोनो बिस्वासीलो नौकर नङ टिगिडा रो:टं बिस्वासी नटावये ङा नङलाई भ्या रो:लो जिम्मा यानेङाले। नङ नसाहुलो उखुसिटं रेङनेनंले।’” 24“टहजार सुनलो पैसा डैनेये पनि राडे हैओडोव, ‘ए ङासाहु मावासिव ये:ङलाम क्याने सोनो माच्याप्सिवलाम डुप्ने नङ मी कर्रा नले वार्डे ङालाई ठा लेव। 25हैजैडेज़ ङाछ्यासैये ङा नयाङो सुनलो पैसालाई नाम ज्युङलं मो:डे ङानोयो। हाँ आव नपैसा गलाङ्के।’” 26“नोलाई ओसाहुये जबाक ओयोव, ‘ए माचाव सोनो अल्सि नौकर, मावासिव ये:ङलाम क्याने सोनो माच्याप्सिवलाम ङाडुपये वार्डे ठा नसन्खिनके, 27नङ ङाढन साहुलेवङं नैने नलेव, होकाम राडे ङाढन ओमैलासं ङाडैखे हो। 28हैजैडे नो लेवकाम नो पैसा नान्च्यो होकाम जोसं डस हजार गोटा सुनलो पैसा लिज़्या होलाई याच्यो। 29कडालेकं जोसं लिज़्या होलाई उरु यासिनेले होकाम नोसं टढम टानेले। होकाम जोसं माले होलाई ओल्स लेव पनि नान्सिव नि:नेले। 30नो ओये:न मालेव नौकरलाई पाखाङ अन्ड्यारोलं ख्याच्यो। नलं मीरं घर्नेलेरं होसोनो याहा कैनेलेरं।’”
आखिरला निया
31“होकाम मानवालो ओज़ा स्वर्गटा कटंवालरासं ओमहिमासं रानेले, होकाम नो ओमहिमाला सिहासनटं चुसिनेले। 32होकाम ओङा:कं स्यान्टै डेसला मीरं डुप्सिने लेरं, होकाम ग्वालाये भेडारं सोनो बारारंलाई उछुटोयोरं मान्टि टोबोलाई छुटंसं छुटैने ले। 33नोये भेडारंलाई वो:र्डे सोनो बाकरारंलाई डाबऱ्याडे नैनेले।” 34“होकाम राजाये वो:र्डेङारंलाई हैडोनेले, ‘ङाबाबुलेवङाम आसिक डोयोरं गराच्योके! सङसार ओटावकाम जेलागिटं तयार टाव राज्यालं अढिकार गोडोच्योके। 35कडालेकं ङा ङाकरेव बेलाकं जे ङालाई ज़्याव जेयाङो। ङालाई री: ओछोव बेलाकं री: ओँव जेयाङो। प्रडेसी ङाटाव बेलाकं बास जेयाङो। 36नाङग्या ङालेव बेलाकं जे ङालाई क्वा जेक्वाइसोङो। ङाजोरो ओराव बेलाकं जे ङालाई जेर:ङरिसोङो। झ्यालखानालं ङालेव बेलाकं जे ङालाई जेडैरिसोङो।’” 37होकाम सहि मीराई येसुलाई जबाक योनेलेरं, ए प्रभु, गे नङलाई खर्क करेडे नलिज़्याव गेर:ङसोनो ड ज़्याव गेयानो? होसोनो री: छोडे नलिज़्याव गेर:ङसोनो ड री: ओँव गेयानो? 38गे खर्क नङलाई प्रडेसी नटाव गेर:ङसोनो ड, होकाम बासिने पो गेयानो? होसोनो नाङग्याव गेर:ङसोनो ड नङलाई क्वा गेक्वाइसोनो? 39खर्क गे नङलाई नजोरो राव सोनो झ्यालखानालं गेर:ङसोनो डं होकाम नङ लेवकं गेराव? 40“होकाम राजाये नोरंलाई ऐ वार्डे जबाक यानेले, ‘ङा जेलाई डस्साज़ हैङाडाच्यो, जे ङाभाइरंलाम स्यान्टै भन्डा आलिज़ा टोबोलाई जो जेझोयो हो जे ङालाईज़ जेझैसोङो।’” 41“होकाम नोये फरि डाबऱ्याडेङा मीरंलाई हैडोनेले, ‘सरापिसिव मीरं! ङालेवकाम टाडा लेच्यो, सैतान सोनो नोलो ओकटंवालराई यालागिटं तयार झैसिव खर्कज़ मासिने मे:लं नाच्यो। 42कडालेकं ङा ङाकरेव बेलाकं जे ङालाई ज़्याव जेम्याङये, रि: ङाछोव बेलाकं, जे ङालाई रि: ओँव जेमयाङये। 43ङा प्रडेसी ङालेव, जे ङालाई लेने पो जेमयाङये। नाङग्याव ङालेव बेलाकं जे ङालाई क्वा जेम्क्वाइसङये। ङाजोरो राव सोनो झ्यालखानालं ङालेव जे ङालाई जेम्डैरिसङये।’” 44नोराई पनि ऐ वार्डे जबाक यानेलेर, प्रभु खर्क गे नङलाई करेसं सोनो रि: छोव गेर:ङसोनो, प्रडेसी, नाङग्या, नोजोरो राव सोनो झ्यालखानालं गेर:ङसोनो ड नसेवा गेम्डोव ड? 45होकाम नोये होरंलाई जबाक यानेले, ङा जेलाई डस्साज़ हैङाडाच्योज़्या। आला लेवरंलाम स्यान्टैराई भन्डा आलिज़ालाई जोहाडङ चाव जेमझै, हो हाढङ चाव जे ङालाई जेमझैसङये। 46“होकाम आवरं खर्कज़ माखेम्ने डन्डलं परिने लेरं, होकाम सहि मीरं खर्कज़ मासिने जीबन डैने लेरं।”
Iliyochaguliwa sasa
मत्ती 25: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 25
25
डस जना कन्याराई यासात्रो
1“होकाम स्वर्गटा राज्या डस जना कन्यारासं मेडैसिडु नोराई याभाङ-याभाङ डाडे डुलाहालाई डैने वार्डे यापुलुव। 2नोरंलाम पाँसजना याबुड्डि लेवरं सोनो पाँसजना याबुड्डी मालेव लेवरं। 3कडालेकं याबुड्डी मालेवराई याभाङ यालाङ्क यासं ओझोङ ठी मालाङरंये। 4हैनि पनि याबुड्डी लेवराई याभाङ यालाङकं यासं टोबो जालं ओझोङ ठी पनि यालाङो। 5डुलाहा चानो ओमराकं नोरं स्यान्टै यामिरंये मोङो स्याव टाडे याङो:लो।” 6“आढा रिलं, डुलाहा राज़्या, डैने गनाच्योके, वार्ने सोर ओराव।” 7“होकाम नो स्यान्टै कन्यारं सनसिडे याभाङरं तयार याझोयो। 8होकाम याबुड्डि मालेव कन्याराई याबुड्डि लेव कन्यारंलाई हैयाडोवरं, ‘गेलाई टिगिडा जिठी गयासिच्योके, कडालेकं गेसं लेव ठी खेम्डे गेभाङ सिनेपान्ज़्या।’” 9“होकाम याबुड्डी लेव कन्याराई ऐ वार्डे जबाफ यायोवरं, माटा गेलाई सोनो जेलाई डुम्ने भ्या ठी माले, बुरु डोकानलं नाडे जेलागिटं गल:ङनाच्योके।” 10“नोरं ठी याल:ङनाकं डुलाहा ओकेराव होकाम तयार टावरं डुलाहासं बिहेँटा भोजलं यापसिव, होकाम झला यारु:पो।” 11“नो याबुड्डी मालेव कन्यारं छिन्डे राडे हैयावारो, ‘प्रभु, प्रभु गेलाई झला फैडे गयासिके!’ 12होकाम डुलाहाये जबाफ ओयोवरं ङा जेलाई डस्साज़ हैङाडाच्योज़्या, ङा जेलाई ङामसरेच्यो। 13हैजैडे जागा लेच्यो, कडालेकं मानवालो ओज़ा खाबला रा वार्डे जेलाई ठा माले।”
सोम्बऱ्याङ नौकरराई यासात्रो
लुका १९:११-२७
14“कडालेकं आवके टोबो मी स्यानाव ची, जोये प्रडेस ओनाकं ओनौकररंलाई डुप्डे ओढन सम्पति होरंलाई जिम्मा ओयोवरं। 15नोये ओनौकररंलाई याडोडुने मेहेनंत अनसार टोबोलाई पाँस हजार गोटा सुनलो पैसा छुटंलाई नेहजार सोनो छुटं टोबोलाई टहजार सुनलो पैसा याडे ओनाव। 16होकाम पाँस हजार गोटा सुनलो पैसा डैनेये हो मान्त्राज़ नाडे बैपार डाडे, उरु पाँस हजार गोटा सुनलो पैसा ओकमोयो। 17हैजैडेज़ नेहजार सुनलो पैसा डैनेये पनि उरु नेहजार पैसा ओकमोयो। 18होकाम टहजार सुनलो पैसा डैनेये नाडे नाम घोडे ओसाहुलो ओढन नाम ज्युङलं ओरालो” 19“भ्या डिनका नो नौकरराई यासाहु राडे नोरंलाई हिसाब उनी:वरं। 20होकाम पाँस हजार गोटा सुनलो पैसा डैने नौकरये उरु पाँस हजार गोटा सुनलो पैसा ठप्डे ओङा:कं रैडे ऐ ओडोव ‘मालिक नङ ङालाई पाँस हजार गोटा पैसा ङाजिम्मालं नयाङो उरु पाँस हजार गोटा सुनलो पैसा कमैडेङानै।’” 21“ओसाहुये नोलाई हैओडोव, ‘स्याबास चाव सोनो बिस्वासीलो नौकर! नङ टिगिडा रो:टंज़ बिस्वासी नटाखे आबो ङा नङलाई भ्या रो:लो जिम्मा यानेङाले नङ नसाहुलो उखुसिटं नङ पनि रेङनेनंले।’” 22“नेहजार सुनलो पैसा डैनेये पनि राडे ओसाहुलाई हैओडोव ‘ए ङासाहु नङ ङालाई नेहजार सुनलो पैसा नयाङो, ङा उरु नेहजार कमैडेङानै।’ 23होलाई पनि ओसाहुये हैओडोव, ‘स्याबास चाव सोनो बिस्वासीलो नौकर नङ टिगिडा रो:टं बिस्वासी नटावये ङा नङलाई भ्या रो:लो जिम्मा यानेङाले। नङ नसाहुलो उखुसिटं रेङनेनंले।’” 24“टहजार सुनलो पैसा डैनेये पनि राडे हैओडोव, ‘ए ङासाहु मावासिव ये:ङलाम क्याने सोनो माच्याप्सिवलाम डुप्ने नङ मी कर्रा नले वार्डे ङालाई ठा लेव। 25हैजैडेज़ ङाछ्यासैये ङा नयाङो सुनलो पैसालाई नाम ज्युङलं मो:डे ङानोयो। हाँ आव नपैसा गलाङ्के।’” 26“नोलाई ओसाहुये जबाक ओयोव, ‘ए माचाव सोनो अल्सि नौकर, मावासिव ये:ङलाम क्याने सोनो माच्याप्सिवलाम ङाडुपये वार्डे ठा नसन्खिनके, 27नङ ङाढन साहुलेवङं नैने नलेव, होकाम राडे ङाढन ओमैलासं ङाडैखे हो। 28हैजैडे नो लेवकाम नो पैसा नान्च्यो होकाम जोसं डस हजार गोटा सुनलो पैसा लिज़्या होलाई याच्यो। 29कडालेकं जोसं लिज़्या होलाई उरु यासिनेले होकाम नोसं टढम टानेले। होकाम जोसं माले होलाई ओल्स लेव पनि नान्सिव नि:नेले। 30नो ओये:न मालेव नौकरलाई पाखाङ अन्ड्यारोलं ख्याच्यो। नलं मीरं घर्नेलेरं होसोनो याहा कैनेलेरं।’”
आखिरला निया
31“होकाम मानवालो ओज़ा स्वर्गटा कटंवालरासं ओमहिमासं रानेले, होकाम नो ओमहिमाला सिहासनटं चुसिनेले। 32होकाम ओङा:कं स्यान्टै डेसला मीरं डुप्सिने लेरं, होकाम ग्वालाये भेडारं सोनो बारारंलाई उछुटोयोरं मान्टि टोबोलाई छुटंसं छुटैने ले। 33नोये भेडारंलाई वो:र्डे सोनो बाकरारंलाई डाबऱ्याडे नैनेले।” 34“होकाम राजाये वो:र्डेङारंलाई हैडोनेले, ‘ङाबाबुलेवङाम आसिक डोयोरं गराच्योके! सङसार ओटावकाम जेलागिटं तयार टाव राज्यालं अढिकार गोडोच्योके। 35कडालेकं ङा ङाकरेव बेलाकं जे ङालाई ज़्याव जेयाङो। ङालाई री: ओछोव बेलाकं री: ओँव जेयाङो। प्रडेसी ङाटाव बेलाकं बास जेयाङो। 36नाङग्या ङालेव बेलाकं जे ङालाई क्वा जेक्वाइसोङो। ङाजोरो ओराव बेलाकं जे ङालाई जेर:ङरिसोङो। झ्यालखानालं ङालेव बेलाकं जे ङालाई जेडैरिसोङो।’” 37होकाम सहि मीराई येसुलाई जबाक योनेलेरं, ए प्रभु, गे नङलाई खर्क करेडे नलिज़्याव गेर:ङसोनो ड ज़्याव गेयानो? होसोनो री: छोडे नलिज़्याव गेर:ङसोनो ड री: ओँव गेयानो? 38गे खर्क नङलाई प्रडेसी नटाव गेर:ङसोनो ड, होकाम बासिने पो गेयानो? होसोनो नाङग्याव गेर:ङसोनो ड नङलाई क्वा गेक्वाइसोनो? 39खर्क गे नङलाई नजोरो राव सोनो झ्यालखानालं गेर:ङसोनो डं होकाम नङ लेवकं गेराव? 40“होकाम राजाये नोरंलाई ऐ वार्डे जबाक यानेले, ‘ङा जेलाई डस्साज़ हैङाडाच्यो, जे ङाभाइरंलाम स्यान्टै भन्डा आलिज़ा टोबोलाई जो जेझोयो हो जे ङालाईज़ जेझैसोङो।’” 41“होकाम नोये फरि डाबऱ्याडेङा मीरंलाई हैडोनेले, ‘सरापिसिव मीरं! ङालेवकाम टाडा लेच्यो, सैतान सोनो नोलो ओकटंवालराई यालागिटं तयार झैसिव खर्कज़ मासिने मे:लं नाच्यो। 42कडालेकं ङा ङाकरेव बेलाकं जे ङालाई ज़्याव जेम्याङये, रि: ङाछोव बेलाकं, जे ङालाई रि: ओँव जेमयाङये। 43ङा प्रडेसी ङालेव, जे ङालाई लेने पो जेमयाङये। नाङग्याव ङालेव बेलाकं जे ङालाई क्वा जेम्क्वाइसङये। ङाजोरो राव सोनो झ्यालखानालं ङालेव जे ङालाई जेम्डैरिसङये।’” 44नोराई पनि ऐ वार्डे जबाक यानेलेर, प्रभु खर्क गे नङलाई करेसं सोनो रि: छोव गेर:ङसोनो, प्रडेसी, नाङग्या, नोजोरो राव सोनो झ्यालखानालं गेर:ङसोनो ड नसेवा गेम्डोव ड? 45होकाम नोये होरंलाई जबाक यानेले, ङा जेलाई डस्साज़ हैङाडाच्योज़्या। आला लेवरंलाम स्यान्टैराई भन्डा आलिज़ालाई जोहाडङ चाव जेमझै, हो हाढङ चाव जे ङालाई जेमझैसङये। 46“होकाम आवरं खर्कज़ माखेम्ने डन्डलं परिने लेरं, होकाम सहि मीरं खर्कज़ मासिने जीबन डैने लेरं।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025