Mako 15
15
Yesu Alimbeli kwaPilatu
(Matewu 27.1,2,11-14; Luka 23.1-5; Johane 18.28-38)
1Kwakati kungoba mangwanana koga, baphirisiti bakulu, bena bawhola nebakwali, nelubahhe gose bakalangana; bakasunga Yesu bakayenda naye kuna Pilatu. 2Pilatu wakawumbhuzwa eti, “Ndiwe Mambo wemaJuta?”
Iye wakawun'handula eti, “Wajalo.”
3Baphirisiti bakulu bakawuntilika milandu nekwezwinhu zwinjinji. 4Pilatu akawumbhuzwa kakale eti, “Awuna tjawunohandula? Linga bunji gwemilandu yabanokutilika.”
5Koga Yesu azohandula tjimwe, Pilatu kukawutjenamisa.
Yesu Unotongegwa Bulawa
(Matewu 27.15-26; Luka 23.13-25; Johane 18.39-19.16)
6Panzano iwhoyu waka ebasunungulila nsungwa un'ompela wabanobe bakumbila kuti awunsunungule. 7Pakati kwebapanduki baka bali mujele, baka basungigwa bulaya mumahhuba ebhonyongo, kwakakuna nlume waka eyi Bharabhasi. 8Banhu bakahha, bakatangisa kumbila kuti abayetile sekwaaka wolobela bayetila. 9Koga Pilatu wakababhuzwa eti, “Mohaka kuti ndimusunungulile Mambo wemaJuta?” 10Ngobe waka eziba kuti baphirisiti bakulu bawunsungisa ngentha yendandala koga.
11Koga baphirisiti bakulu bakafulila banhu kuti ngabati kusunungugwe Bharabhasi. 12Pilatu ekahandula eti kubali, “Ngono moti ndiwuyete tjini iwhoyu wamunodana muti Mambo wemaJuta?”
13Bakamimila kakale beti, “Muwunkowhomele!”
14Pilatu wakati kubali, “Nentha yeni, wayetani tjakayipa?”
Koga bakamimilila pehhugwi beti, “Muwunkowhomele!”
15Ndizo Pilatu, ehaka gutsha mimoyo yebanhu, wakabasunungulila Bharabhasi; kukati atjiwunloba Yesu, akabaswiswa iye kuti banowukowhomela.
Wohholegwa kwaYesu
(Matewu 27.27-31; Johane 19.2,3)
16Bagwi bengwa bakatola Yesu bakayenda naye kun'umba (n'umba yembhati wentunhu) bakadana bunga lose lebagwi bengwa. 17Bakawumbadza zwiyambalo zwembala welubende, bakaluka tjiyala tjemimhiwa bakawumbadza itjo mun'holo. 18Bakatangisa wupfigamila bewunlezwa beti, “Ngakudziwe, Mambo wemaJuta!” 19Bakawunloba mun'holo nelukombo, bakawumpfila mate, bakawupfigamila bewunamata. 20Batjithama kose kunosekesa, bakawumbula tjiyambalo tjembala welubende, bekawumbadza zwiyambalo zwizwe. Bakawuntola bakayenda naye kuti banowunkowhomela.
Yesu Unokowhomegwa
(Matewu 27.32-44; Luka 23.26-43; Johane 19.17-27)
21Bakabhata nemasimba umwe nlume waka epinda zwe ebva kuminda, unoyi Simoni wekuKhureni, tate ba Alekizanda naRufusi, kuti asenge tjileyanyo tjaYesu. 22Bakawuyendisa kubugalo gunoyi Goligotha (kunobva kuti bugalo gwepepe tjen'holo). 23Bakapa Yesu wayini yakahanganyisiwa nemure#15.23 unti unon'wiwa kuti nhu asiwhe gwadziwa; koga Yesu akayilamba. 24Bakati bawukowhomela, bakakobana zwiyambalo zwizwe, bekandila malipa kudze babone kuti umwe nemwe unowhotolani. 25Kwaka kuli awa yebutatu kubvila hhuba libhuda#15.25 awa yehhanalume mangwanana nelubaka bekowhomela Yesu. 26Kwaka kwakakwagwa nlandu uwe kuyi, “Mambo wemaJuta.” 27Kwaka kowhomegwa naye mbava mbili, imwe kuluboko gweludli, imwe kuluboko gwelumehwe gugwe. 28(Kwakahhadzisika lukwalo gunoti, “Wakabagwa kan'ompela nebanotjinya.”)
29Banhu baka bepinda ipapo baka bedzungudza miholo bewuntuka beti, “Yaa! Iwe unokolomola thempeli ukolibaka mumahhuba matatu, 30uzwitjidze, ujite patjileyanyo!”
31Baphirisiti bakulu kose nebakwali bo baka bewunseka, beti, “Wakatjidza bamwe, ngaatjizwitjidza bo. 32Khirisitu, Mambo we Isirayeli, ngaajite ngwenuwali patjileyanyo, kuti tibone, tigalemoyo.”
Nayibabo baka bakowhomegwa naye bakawugongobola bo.
Fa kwaYesu
(Matewu 27.45-56; Luka 23.44-49; Johane 19.28-30)
33Kwakati kwaba awa yebutanhatu kubvila hhuba libhuda#15.33 awa yegumi nemabili, hhuba lili panhongoma kukaba hhalima hango yose, kukadza kukaba awa yebuhhanalume kubvila hhuba libhuda.#15.33 awa gumi nemahanu, hhuba letewuka 34Ne awa yebuhhanalume kubvila hhuba libhuda Yesu wakamimila newhi lipehhugwi eti, “Eloyi, Eloyi lama sabakathani?” kunobva kuti, “Ndzimu wangu, Ndzimu wangu, mandisiyilani?”
35Bamwe banhu baka balimile ipapo bakati bekuwha bakati, “Iwhani, unodana Elija.” 36Umwe akabva elabuka enobvubika lungudze muwayini inohababa akagubhayila paluhanga akawumpa kuti an'we, eti, “Letjani tibone kuti kene Elija unowhohha ewhowudelusa.”
37Yesu wakamimila newhi lipehhugwi, akafa.
38Jila letjisitilo tjethempeli lakapaluka likaba kabili, kutangisila pehhugwi kudza kunoti pasi. 39Kukati nlawuli webagwi bengwa waka elimile ipapo, ewumbona efa, wakati, “Lebeswa iwhoyu nlume wayeli Nkololo weNdzimu!”
40Kwaka kuna betjikadzi baka bakalingilila beli tjakulenyana, pakati kwabo kwaka kuna Mariya wekuMagadala, naSalome, naMariya mayi baJakobe ntjetjana naJosesi. 41Ndibo baka betobela Yesu etji kuGalile, bewumbhatsha; nebamwe betjikadzi bakababva naye kuJerusalema.
Mbiganyo waYesu
(Matewu 27.57-61; Luka 23.50-56; Johane 19.38-42)
42Kwakati kwatjitewuka, nentha yekuti kwaka kuli hhuba leBaakanyila, lili hhuba linotobegwa nesabatha, 43Josefa weku Arimathiya, ali umwe welubahhe waka ekudziwa kwazo nebanhu, nayiye bo tjekukwe waka akalindila bumambo gweNdzimu, wakazwipila akangina kuna Pilatu, akakumbila mbili waYesu. 44Pilatu wakatjenama kuti watjifa kale; akadana nlawuli webagwi bengwa, akawumbhuzwa kuti watjifa kale. 45Atjiwha kubva kunlawuli webagwi bengwa kuti watjifa, wakabvumila Josefa kuti atole mbili waYesu. 46Josefa wakatenga jila lelineni, akawuntulula, akawumpetelela nejila, akawubuluka mukumbu tjaka tjakatshiwa muhongwe; wakahhalila nkoba wekumbu nehongwe. 47Mariya wekuMagadala naMariya mayi baJosesi bakabona paabiganyiwa.
Iliyochaguliwa sasa
Mako 15: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 15
15
Yesu Alimbeli kwaPilatu
(Matewu 27.1,2,11-14; Luka 23.1-5; Johane 18.28-38)
1Kwakati kungoba mangwanana koga, baphirisiti bakulu, bena bawhola nebakwali, nelubahhe gose bakalangana; bakasunga Yesu bakayenda naye kuna Pilatu. 2Pilatu wakawumbhuzwa eti, “Ndiwe Mambo wemaJuta?”
Iye wakawun'handula eti, “Wajalo.”
3Baphirisiti bakulu bakawuntilika milandu nekwezwinhu zwinjinji. 4Pilatu akawumbhuzwa kakale eti, “Awuna tjawunohandula? Linga bunji gwemilandu yabanokutilika.”
5Koga Yesu azohandula tjimwe, Pilatu kukawutjenamisa.
Yesu Unotongegwa Bulawa
(Matewu 27.15-26; Luka 23.13-25; Johane 18.39-19.16)
6Panzano iwhoyu waka ebasunungulila nsungwa un'ompela wabanobe bakumbila kuti awunsunungule. 7Pakati kwebapanduki baka bali mujele, baka basungigwa bulaya mumahhuba ebhonyongo, kwakakuna nlume waka eyi Bharabhasi. 8Banhu bakahha, bakatangisa kumbila kuti abayetile sekwaaka wolobela bayetila. 9Koga Pilatu wakababhuzwa eti, “Mohaka kuti ndimusunungulile Mambo wemaJuta?” 10Ngobe waka eziba kuti baphirisiti bakulu bawunsungisa ngentha yendandala koga.
11Koga baphirisiti bakulu bakafulila banhu kuti ngabati kusunungugwe Bharabhasi. 12Pilatu ekahandula eti kubali, “Ngono moti ndiwuyete tjini iwhoyu wamunodana muti Mambo wemaJuta?”
13Bakamimila kakale beti, “Muwunkowhomele!”
14Pilatu wakati kubali, “Nentha yeni, wayetani tjakayipa?”
Koga bakamimilila pehhugwi beti, “Muwunkowhomele!”
15Ndizo Pilatu, ehaka gutsha mimoyo yebanhu, wakabasunungulila Bharabhasi; kukati atjiwunloba Yesu, akabaswiswa iye kuti banowukowhomela.
Wohholegwa kwaYesu
(Matewu 27.27-31; Johane 19.2,3)
16Bagwi bengwa bakatola Yesu bakayenda naye kun'umba (n'umba yembhati wentunhu) bakadana bunga lose lebagwi bengwa. 17Bakawumbadza zwiyambalo zwembala welubende, bakaluka tjiyala tjemimhiwa bakawumbadza itjo mun'holo. 18Bakatangisa wupfigamila bewunlezwa beti, “Ngakudziwe, Mambo wemaJuta!” 19Bakawunloba mun'holo nelukombo, bakawumpfila mate, bakawupfigamila bewunamata. 20Batjithama kose kunosekesa, bakawumbula tjiyambalo tjembala welubende, bekawumbadza zwiyambalo zwizwe. Bakawuntola bakayenda naye kuti banowunkowhomela.
Yesu Unokowhomegwa
(Matewu 27.32-44; Luka 23.26-43; Johane 19.17-27)
21Bakabhata nemasimba umwe nlume waka epinda zwe ebva kuminda, unoyi Simoni wekuKhureni, tate ba Alekizanda naRufusi, kuti asenge tjileyanyo tjaYesu. 22Bakawuyendisa kubugalo gunoyi Goligotha (kunobva kuti bugalo gwepepe tjen'holo). 23Bakapa Yesu wayini yakahanganyisiwa nemure#15.23 unti unon'wiwa kuti nhu asiwhe gwadziwa; koga Yesu akayilamba. 24Bakati bawukowhomela, bakakobana zwiyambalo zwizwe, bekandila malipa kudze babone kuti umwe nemwe unowhotolani. 25Kwaka kuli awa yebutatu kubvila hhuba libhuda#15.25 awa yehhanalume mangwanana nelubaka bekowhomela Yesu. 26Kwaka kwakakwagwa nlandu uwe kuyi, “Mambo wemaJuta.” 27Kwaka kowhomegwa naye mbava mbili, imwe kuluboko gweludli, imwe kuluboko gwelumehwe gugwe. 28(Kwakahhadzisika lukwalo gunoti, “Wakabagwa kan'ompela nebanotjinya.”)
29Banhu baka bepinda ipapo baka bedzungudza miholo bewuntuka beti, “Yaa! Iwe unokolomola thempeli ukolibaka mumahhuba matatu, 30uzwitjidze, ujite patjileyanyo!”
31Baphirisiti bakulu kose nebakwali bo baka bewunseka, beti, “Wakatjidza bamwe, ngaatjizwitjidza bo. 32Khirisitu, Mambo we Isirayeli, ngaajite ngwenuwali patjileyanyo, kuti tibone, tigalemoyo.”
Nayibabo baka bakowhomegwa naye bakawugongobola bo.
Fa kwaYesu
(Matewu 27.45-56; Luka 23.44-49; Johane 19.28-30)
33Kwakati kwaba awa yebutanhatu kubvila hhuba libhuda#15.33 awa yegumi nemabili, hhuba lili panhongoma kukaba hhalima hango yose, kukadza kukaba awa yebuhhanalume kubvila hhuba libhuda.#15.33 awa gumi nemahanu, hhuba letewuka 34Ne awa yebuhhanalume kubvila hhuba libhuda Yesu wakamimila newhi lipehhugwi eti, “Eloyi, Eloyi lama sabakathani?” kunobva kuti, “Ndzimu wangu, Ndzimu wangu, mandisiyilani?”
35Bamwe banhu baka balimile ipapo bakati bekuwha bakati, “Iwhani, unodana Elija.” 36Umwe akabva elabuka enobvubika lungudze muwayini inohababa akagubhayila paluhanga akawumpa kuti an'we, eti, “Letjani tibone kuti kene Elija unowhohha ewhowudelusa.”
37Yesu wakamimila newhi lipehhugwi, akafa.
38Jila letjisitilo tjethempeli lakapaluka likaba kabili, kutangisila pehhugwi kudza kunoti pasi. 39Kukati nlawuli webagwi bengwa waka elimile ipapo, ewumbona efa, wakati, “Lebeswa iwhoyu nlume wayeli Nkololo weNdzimu!”
40Kwaka kuna betjikadzi baka bakalingilila beli tjakulenyana, pakati kwabo kwaka kuna Mariya wekuMagadala, naSalome, naMariya mayi baJakobe ntjetjana naJosesi. 41Ndibo baka betobela Yesu etji kuGalile, bewumbhatsha; nebamwe betjikadzi bakababva naye kuJerusalema.
Mbiganyo waYesu
(Matewu 27.57-61; Luka 23.50-56; Johane 19.38-42)
42Kwakati kwatjitewuka, nentha yekuti kwaka kuli hhuba leBaakanyila, lili hhuba linotobegwa nesabatha, 43Josefa weku Arimathiya, ali umwe welubahhe waka ekudziwa kwazo nebanhu, nayiye bo tjekukwe waka akalindila bumambo gweNdzimu, wakazwipila akangina kuna Pilatu, akakumbila mbili waYesu. 44Pilatu wakatjenama kuti watjifa kale; akadana nlawuli webagwi bengwa, akawumbhuzwa kuti watjifa kale. 45Atjiwha kubva kunlawuli webagwi bengwa kuti watjifa, wakabvumila Josefa kuti atole mbili waYesu. 46Josefa wakatenga jila lelineni, akawuntulula, akawumpetelela nejila, akawubuluka mukumbu tjaka tjakatshiwa muhongwe; wakahhalila nkoba wekumbu nehongwe. 47Mariya wekuMagadala naMariya mayi baJosesi bakabona paabiganyiwa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International