Mako 1
1
Sumikila KwaJohane Mbvubiki
(Matewu 3.1-12; Luka 3.1-18; Johane 1.19-28)
1Tangisa kwendebo mbuya yaYesu Khirisitu, Nkololo weNdzimu; 2Sekwayaka kwagwa mulukwalo gwenlebesambeli Isaya kuyi,
“Linga, ndotuma ntumwa wangu mbeli kuko,
unowhokubaakanyila zila.
3Whi lenhu unodanilila ali mutjilambanyika,
eti, ‘Baakanyani zila yaHe, mutambunudze zidlana dzidze.’ ”
4Johane waka ebvubika banhu ali mutjilambanyika, kakale esumikila bvubikiwa kwekuti banhu bahanduke, batigwe mazwibhatigwa matjinyo. 5Banhu bekuJudiya bose nebekuJerusalema bakabhuda bakayenda kuwunli, akababvubika mugwizi gunoyi Jorodani, hule kwebvuma matjinyo abo.
6Johane waka embala tjiyambalo tjebukuse gwekamela, akasungilila mwandabula wegukuta munhunji, edla mhaho nebutji; 7Waka esumikila eti, “Uyapo umwe nkulu pandili unohha hule kwangu, wandisina mamo ekuti nditumbe ndisunungule mitjili yehangu dzidze. 8Imi tjekwangu ndomubvubika nevula. Koga iye unowhomubvubika neMeya Yakayengemala.”
Bvubikiwa Nelikwa kwaYesu
(Matewu 3.13-4-11; Luka 3.21,22; 4.1-13)
9Kwakakotjiti mumahhuba iyawo, Yesu Khirisitu wakaswika ebva kuNazaretha, ntunhu wekuGalile, akabvubikiwa naJohane muJorodani. 10Tjinyolotjo etjambobhuda muvula, wakabona kudzimu kuhhuka, Meya Yakayengemala ikadelukila pehhugwi kukwe senjiba. 11Kukawhakala whi linobva kudzimu liti, “UNkololo wangu unodikala, wandinohanhila.”
12Tjinyolotjo, Meya Yakayengemala ikawundzibila kutjilambanyika. 13Akanobeko kutjilambanyika kwemahhuba ali makumi mana elikiwa naSatane; waka egala nemhuka dzehango, batumwa beNdzimu baka bewumbhatsha.
Yesu Unodana Babhati beWhobe Bana
(Matewu 4.12-22; Luka 4.14-15; 5.1-11)
14Sangwenuke, hule kwekusinobe Johane asiwa mujele, Yesu wakangina muGalile, esumikila ndebo mbuya yeNdzimu, 15eti, “Lubaka gwalizana, bumambo gweNdzimu gwasedzela, handukani mugalemoyo ndebo mbuya.”
16Sangwenu, wakati eyenda pamhili yegungwa lekuGalile, akabona Simoni, na Andhireya nun'una waSimoni, beposela njanga mugungwa, nekuti baka bali babhati bewhobe. 17Yesu wakati kubali, “Buyani munditobele, ndowhomuta mukabe babhati bebanhu.” 18Tjinyolotjo, bakafupatila njanga#1.18 tjiswino tjebhata whobe dzabo bakawuntobela.
19Akati atitshelele mbeli, akabona Jakobe naJohane bakololo baZebhedi, nayibo bo baka bali mukepe begambela njanga dzabo. 20Tjinyolotjo, wakabadana bakasiya tatayi Zebhedi mukepe nebahingi banolipiwa, bakawuntobela.
Nlume Unameyambi
(Luka 4.31-37)
21Bakayenda kuKhaphenawume, wakangina musinagogu nsi wesabatha akadiya. 22Banhu bakatjenamisiwa nediya kukwe. Ngobe haazotongothama sebakwali, koga waka ediya senhu unamasimba.
23Nayigogo lubaka musinagogu yabo kwaka kuna nlume waka aligegwe nemeyambi; 24wakadanilila eti, “Siyana naswi, tineni nawe iwe Yesu wekuNazaretha? Wahha wotipaladza kani? Ndokuziba kuti ndiwe yani, ndiwe Wakayengemala weNdzimu.”
25Yesu akayitjemela eti, “Nyalala ubhude muwunli!”
26Meyambi yakati yawunzunguza, ikabe ibhuda muwunli, ilila newhi lipehhugwi. 27Bose bakatjenama, kwekuti bakabhuzwana beti, “Ini ikoku? Tjidiyo tjitshwa! Ngemasimba unobudza meyambi, dzikathama tjaaleba.”
28Tjinyolotjo kwakalebgwa nekukwe, kukahhala muntunhu wose wakakombeledza Galile.
Yesu Unotjidza Banhu Banjinji
(Matewu 8.14-17; Luka 4.38-41)
29Hule kwayikoko bakati babhuda musinagogu bakanongina mun'umba yaSimoni na Andhireya, bena Jakobe naJohane. 30Koga mezwale baSimoni baka balilele begwala bugwele gweluhhahhamo#1.30 bugwele gwembvango, nhu etetema, dama lakawolobegwa ndelinoti nyon'o (koga lisi TjiKalanga), bakawumbudza nekwabo. 31Akabe ebatola neluboko akabamilidza, bugwele gweluhhahhamo#1.31 nhu etetema, dama lakawolobegwa ndelinoti nyon'o (koga lisi TjiKalanga) gukapela mubali, bakatangisa bapakulila zodliwa.
32Kukati atjibe madekwana, banhu bakahhisa bose baka begwala, nebaka baligegwe nemeyambi. 33Nzi-nkulu wose wakakubungana pankoba. 34Akatjidza banjinji baka begwala nghwele dzakasiyana siyana; akatata meyambi njinji asingadzibvumile kuti dzilebeleke, ngobe dzaka dziwunziba.
Unosumikila MuGalile
(Luka 4.42-44)
35Busikwana, Yesu wakamuka akayenda kubugalo gwakanyalala enotembezela. 36Simoni nebamwe babe bakawuntobela. 37Bakati bawuwana bakati kuwunli, “Banhu bose banomuhaka.”
38Wakati kubali, “Ayindeni kumizi imbeli, ndinosumikila bo ko; nekuti ndiko kwandakahhila.”
39Wakayenda muGalile yose, esumikila mumasinagogu abo kakale etata nangemeyambi.
Yesu Unolapa Nhu
(Matewu 8.1-4; Luka 5.12-16)
40Kukaswika nhu kuna Yesu, nghwele wemapele, (akapfigama ewunkumbila) eti, “Hapa muda zwenyu, muna masimba enditjenesa.”
41Yesu wakawuwhila ngoni, akatambunudza luboko akawumbhata eti, “Ndoda; tjenesewa.” 42Tjinyolotjo, mapele akawunsiya akatjenesewa. 43Akawunkowhomesedza akawunletja akayenda zwe. 44Yesu wakati kuwunli, “Ubone kuti awutobudza nhu tjinhu; koga uyende unozwilakidza kumphirisiti, kakale upe tjibhayilo tjetjenesewa kuko selaya kwaMozisi, kuyetila kuti gube busupi kubanhu.”
45Koga iye wakati ebhuda ipapo akayenda ebudza banhu bose, akapaladzila kubanhu bose, kukadza kukata kuti Yesu asitjatubule ngina mumizi-mikulu, akanogala mutjilambanyika, banhu bakakotjihha kuwunli bebva kuntha dzose.
Iliyochaguliwa sasa
Mako 1: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 1
1
Sumikila KwaJohane Mbvubiki
(Matewu 3.1-12; Luka 3.1-18; Johane 1.19-28)
1Tangisa kwendebo mbuya yaYesu Khirisitu, Nkololo weNdzimu; 2Sekwayaka kwagwa mulukwalo gwenlebesambeli Isaya kuyi,
“Linga, ndotuma ntumwa wangu mbeli kuko,
unowhokubaakanyila zila.
3Whi lenhu unodanilila ali mutjilambanyika,
eti, ‘Baakanyani zila yaHe, mutambunudze zidlana dzidze.’ ”
4Johane waka ebvubika banhu ali mutjilambanyika, kakale esumikila bvubikiwa kwekuti banhu bahanduke, batigwe mazwibhatigwa matjinyo. 5Banhu bekuJudiya bose nebekuJerusalema bakabhuda bakayenda kuwunli, akababvubika mugwizi gunoyi Jorodani, hule kwebvuma matjinyo abo.
6Johane waka embala tjiyambalo tjebukuse gwekamela, akasungilila mwandabula wegukuta munhunji, edla mhaho nebutji; 7Waka esumikila eti, “Uyapo umwe nkulu pandili unohha hule kwangu, wandisina mamo ekuti nditumbe ndisunungule mitjili yehangu dzidze. 8Imi tjekwangu ndomubvubika nevula. Koga iye unowhomubvubika neMeya Yakayengemala.”
Bvubikiwa Nelikwa kwaYesu
(Matewu 3.13-4-11; Luka 3.21,22; 4.1-13)
9Kwakakotjiti mumahhuba iyawo, Yesu Khirisitu wakaswika ebva kuNazaretha, ntunhu wekuGalile, akabvubikiwa naJohane muJorodani. 10Tjinyolotjo etjambobhuda muvula, wakabona kudzimu kuhhuka, Meya Yakayengemala ikadelukila pehhugwi kukwe senjiba. 11Kukawhakala whi linobva kudzimu liti, “UNkololo wangu unodikala, wandinohanhila.”
12Tjinyolotjo, Meya Yakayengemala ikawundzibila kutjilambanyika. 13Akanobeko kutjilambanyika kwemahhuba ali makumi mana elikiwa naSatane; waka egala nemhuka dzehango, batumwa beNdzimu baka bewumbhatsha.
Yesu Unodana Babhati beWhobe Bana
(Matewu 4.12-22; Luka 4.14-15; 5.1-11)
14Sangwenuke, hule kwekusinobe Johane asiwa mujele, Yesu wakangina muGalile, esumikila ndebo mbuya yeNdzimu, 15eti, “Lubaka gwalizana, bumambo gweNdzimu gwasedzela, handukani mugalemoyo ndebo mbuya.”
16Sangwenu, wakati eyenda pamhili yegungwa lekuGalile, akabona Simoni, na Andhireya nun'una waSimoni, beposela njanga mugungwa, nekuti baka bali babhati bewhobe. 17Yesu wakati kubali, “Buyani munditobele, ndowhomuta mukabe babhati bebanhu.” 18Tjinyolotjo, bakafupatila njanga#1.18 tjiswino tjebhata whobe dzabo bakawuntobela.
19Akati atitshelele mbeli, akabona Jakobe naJohane bakololo baZebhedi, nayibo bo baka bali mukepe begambela njanga dzabo. 20Tjinyolotjo, wakabadana bakasiya tatayi Zebhedi mukepe nebahingi banolipiwa, bakawuntobela.
Nlume Unameyambi
(Luka 4.31-37)
21Bakayenda kuKhaphenawume, wakangina musinagogu nsi wesabatha akadiya. 22Banhu bakatjenamisiwa nediya kukwe. Ngobe haazotongothama sebakwali, koga waka ediya senhu unamasimba.
23Nayigogo lubaka musinagogu yabo kwaka kuna nlume waka aligegwe nemeyambi; 24wakadanilila eti, “Siyana naswi, tineni nawe iwe Yesu wekuNazaretha? Wahha wotipaladza kani? Ndokuziba kuti ndiwe yani, ndiwe Wakayengemala weNdzimu.”
25Yesu akayitjemela eti, “Nyalala ubhude muwunli!”
26Meyambi yakati yawunzunguza, ikabe ibhuda muwunli, ilila newhi lipehhugwi. 27Bose bakatjenama, kwekuti bakabhuzwana beti, “Ini ikoku? Tjidiyo tjitshwa! Ngemasimba unobudza meyambi, dzikathama tjaaleba.”
28Tjinyolotjo kwakalebgwa nekukwe, kukahhala muntunhu wose wakakombeledza Galile.
Yesu Unotjidza Banhu Banjinji
(Matewu 8.14-17; Luka 4.38-41)
29Hule kwayikoko bakati babhuda musinagogu bakanongina mun'umba yaSimoni na Andhireya, bena Jakobe naJohane. 30Koga mezwale baSimoni baka balilele begwala bugwele gweluhhahhamo#1.30 bugwele gwembvango, nhu etetema, dama lakawolobegwa ndelinoti nyon'o (koga lisi TjiKalanga), bakawumbudza nekwabo. 31Akabe ebatola neluboko akabamilidza, bugwele gweluhhahhamo#1.31 nhu etetema, dama lakawolobegwa ndelinoti nyon'o (koga lisi TjiKalanga) gukapela mubali, bakatangisa bapakulila zodliwa.
32Kukati atjibe madekwana, banhu bakahhisa bose baka begwala, nebaka baligegwe nemeyambi. 33Nzi-nkulu wose wakakubungana pankoba. 34Akatjidza banjinji baka begwala nghwele dzakasiyana siyana; akatata meyambi njinji asingadzibvumile kuti dzilebeleke, ngobe dzaka dziwunziba.
Unosumikila MuGalile
(Luka 4.42-44)
35Busikwana, Yesu wakamuka akayenda kubugalo gwakanyalala enotembezela. 36Simoni nebamwe babe bakawuntobela. 37Bakati bawuwana bakati kuwunli, “Banhu bose banomuhaka.”
38Wakati kubali, “Ayindeni kumizi imbeli, ndinosumikila bo ko; nekuti ndiko kwandakahhila.”
39Wakayenda muGalile yose, esumikila mumasinagogu abo kakale etata nangemeyambi.
Yesu Unolapa Nhu
(Matewu 8.1-4; Luka 5.12-16)
40Kukaswika nhu kuna Yesu, nghwele wemapele, (akapfigama ewunkumbila) eti, “Hapa muda zwenyu, muna masimba enditjenesa.”
41Yesu wakawuwhila ngoni, akatambunudza luboko akawumbhata eti, “Ndoda; tjenesewa.” 42Tjinyolotjo, mapele akawunsiya akatjenesewa. 43Akawunkowhomesedza akawunletja akayenda zwe. 44Yesu wakati kuwunli, “Ubone kuti awutobudza nhu tjinhu; koga uyende unozwilakidza kumphirisiti, kakale upe tjibhayilo tjetjenesewa kuko selaya kwaMozisi, kuyetila kuti gube busupi kubanhu.”
45Koga iye wakati ebhuda ipapo akayenda ebudza banhu bose, akapaladzila kubanhu bose, kukadza kukata kuti Yesu asitjatubule ngina mumizi-mikulu, akanogala mutjilambanyika, banhu bakakotjihha kuwunli bebva kuntha dzose.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International