Matewu 28
28
Muka Kubafi kwaYesu
(Mako 16.1-10; Luka 24.1-12; Johane 20.1-10)
1Kwatjipinda sabatha, kotangisa hhuba lekutanga letshipi, Mariya wekuMagadala newumwe Mariya bakayenda benobona kumbu. 2Kwakabe nekutengenyeka kwehango kukulu; ngobe ntumwa waHe wakajita ebva kudzimu akahha akakunguludzila kutjena hongwe yaka yakazwina kumbu akagala pehhugwi kwayo. 3Bon'wa kukwe waka epenya sethari, zwiyambalo zwizwe zwili zwitjenatjena semakaha. 4Nentha yehlisa kukwe balindi bakatetema bakanga banhu bakafa.
5Ntumwa weNdzimu wakalebeleka nebafumakadzi akati, “Musihle; ndoziba kuti mohaka Yesu waka akakowhomegwa patjileyanyo. 6Atapo pano; wamuka, seleba kukwe. Ihhani mubone bugalo paalilele. 7Tjiyendani nekulibilidza munobudza badiyiwa babe kuti wamuka kubafi, umbeli kwenyu kuyenda kuGalile; mowhonowumbona ikweno. Ndatjimubudza.”
8Bakabva pakumbu nekulibilidza balihhele hla koga bakahanha kwazo, bakalabuka benobudza badiyiwa babe.
9Ngono Yesu wakabahanganidza akati, “Dumilani!” Bakasedzela bakapfigama bakabhata makumbo awe, bakawunamata. 10Yesu akakotjiti kubali, “Musihle; yendani munobudza makamu angu kuti ayende kuGalile, banowhondibona ikweno.”
Balindi Banolondesedza Zwayetikala.
11Bafumakadzi bakati bayenda, bamwe bebalindi bakayenda kunzi-nkulu, bakanobudza baphirisiti bakulu zose zwayetikala. 12Hule kwekuti baphirisiti bakulu bakubungana nebawhola bakalangana kuti bate betini, bakapa bagwi bengwa mari njinji, 13bakati kubali, “Mubudze banhu muti, ‘Badiyiwa babe bakabuya busiku bakakhwiba mbili uwe iswi tililele.’ 14Hapa ikoku kungaswika muzebe dzembhati wentunhu, towholebeleka naye iswi akagutshikana kuti imwi amuna nlandu.”
15Balindi bakatola mari bakathama sekwabaka babudziwa; ndebo iyeyi yakahhala mumaJuta kudza kuba nasi.
Yesu Unozwilakidza kuBadiyiwa Babe
(Mako 16.14-18; Luka 24.36-49; Johane 20.19-23; Mihingo 1.6-8)
16Badiyiwa bali gumi newun'ompela bakayenda kuGalile, kudombo Yesu laaka ababva kuti bayende kulili. 17Bakati bewumbona, bakawunamata; koga bamwe bakabvubvuma. 18Yesu wakasedzela kubali akalebeleka nabo eti, “Simba lose lekudzimu nemuhango latjipiwa imi. 19Tjiyendani ke munothama badiyiwa benjudzi dzose, mubabvubike muzina laTate, neleNkololo neleMeya Yakayengemala. 20Mubadiye kuti balondolodze kose kwandakamulaya; lingani, ndinamwi lubaka gose, kudza kunoti kubupelo gwelubaka.”
Iliyochaguliwa sasa
Matewu 28: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Matewu 28
28
Muka Kubafi kwaYesu
(Mako 16.1-10; Luka 24.1-12; Johane 20.1-10)
1Kwatjipinda sabatha, kotangisa hhuba lekutanga letshipi, Mariya wekuMagadala newumwe Mariya bakayenda benobona kumbu. 2Kwakabe nekutengenyeka kwehango kukulu; ngobe ntumwa waHe wakajita ebva kudzimu akahha akakunguludzila kutjena hongwe yaka yakazwina kumbu akagala pehhugwi kwayo. 3Bon'wa kukwe waka epenya sethari, zwiyambalo zwizwe zwili zwitjenatjena semakaha. 4Nentha yehlisa kukwe balindi bakatetema bakanga banhu bakafa.
5Ntumwa weNdzimu wakalebeleka nebafumakadzi akati, “Musihle; ndoziba kuti mohaka Yesu waka akakowhomegwa patjileyanyo. 6Atapo pano; wamuka, seleba kukwe. Ihhani mubone bugalo paalilele. 7Tjiyendani nekulibilidza munobudza badiyiwa babe kuti wamuka kubafi, umbeli kwenyu kuyenda kuGalile; mowhonowumbona ikweno. Ndatjimubudza.”
8Bakabva pakumbu nekulibilidza balihhele hla koga bakahanha kwazo, bakalabuka benobudza badiyiwa babe.
9Ngono Yesu wakabahanganidza akati, “Dumilani!” Bakasedzela bakapfigama bakabhata makumbo awe, bakawunamata. 10Yesu akakotjiti kubali, “Musihle; yendani munobudza makamu angu kuti ayende kuGalile, banowhondibona ikweno.”
Balindi Banolondesedza Zwayetikala.
11Bafumakadzi bakati bayenda, bamwe bebalindi bakayenda kunzi-nkulu, bakanobudza baphirisiti bakulu zose zwayetikala. 12Hule kwekuti baphirisiti bakulu bakubungana nebawhola bakalangana kuti bate betini, bakapa bagwi bengwa mari njinji, 13bakati kubali, “Mubudze banhu muti, ‘Badiyiwa babe bakabuya busiku bakakhwiba mbili uwe iswi tililele.’ 14Hapa ikoku kungaswika muzebe dzembhati wentunhu, towholebeleka naye iswi akagutshikana kuti imwi amuna nlandu.”
15Balindi bakatola mari bakathama sekwabaka babudziwa; ndebo iyeyi yakahhala mumaJuta kudza kuba nasi.
Yesu Unozwilakidza kuBadiyiwa Babe
(Mako 16.14-18; Luka 24.36-49; Johane 20.19-23; Mihingo 1.6-8)
16Badiyiwa bali gumi newun'ompela bakayenda kuGalile, kudombo Yesu laaka ababva kuti bayende kulili. 17Bakati bewumbona, bakawunamata; koga bamwe bakabvubvuma. 18Yesu wakasedzela kubali akalebeleka nabo eti, “Simba lose lekudzimu nemuhango latjipiwa imi. 19Tjiyendani ke munothama badiyiwa benjudzi dzose, mubabvubike muzina laTate, neleNkololo neleMeya Yakayengemala. 20Mubadiye kuti balondolodze kose kwandakamulaya; lingani, ndinamwi lubaka gose, kudza kunoti kubupelo gwelubaka.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International