Matewu 22
22
Tjifananidzo Tjenzano Webukwe
(Luka 14.15-24)
1Yesu wakalebeleka nabo kakale ehingisa zwifananidzo eti, 2“Bumambo gwekudzimu gungafananisiwa namambo wakayetila nkololo uwe nzano webukwe. 3Wakatuma balanda babe kuti banodana ibabo baka bakokewa kubukwe; koga baka basingahake hha. 4Wakapamha akatuma bamwe balanda, eti kubali, ‘Mubudze ibabo bakokewa kuti zodliwa zwatjilulama. Mikono yangu yakakola yatjibulawa, kose kwatjilulama; tjihhani kunzano.’ 5Koga ibo abazotongoba nehanya nako, bakayendilambeli nemihingo yabo, umwe wakayenda kuminda iye, umwe akayenda kwaanotengesela. 6Bamwe bakabhata balanda babe nezila inowhisa zogwadza, bakababulaya. 7Mambo wakamon'wa, akatuma bagwi bengwa, bakanopaladza babulayi, bakapisa nzi-nkulu wabo. 8Akakotjiti kubalanda babe, ‘Nzano webukwe watjilulamisiwa, koga bakokewa abazolizanila hha kunzano. 9Tjiyendani mudzizila, mukoke nebunji bamunowhowana, kuti bahhe kunzano webukwe.’ 10Balanda ibabo bakayenda mudzizila bakakubunganya bose banhu babakawana, bakalulama nebakayipa; ndizo ke n'umba yenzano webukwe yakahhala bezi.”
11“Mambo paakangina kuti anobona bezi, wakabona kuna umwe nlume usina tjiyambalo tjenzano webukwe. 12Wakabhuzwa eti, ‘Nkwinya wangina tjini muno usina tjiyambalo tjenzano webukwe?’ Iye akahama koga. 13Mambo eba eti kubahingi, ‘Muwunsunge maboko nemakumbo, muwumposele kuhhe muhhalima; imhomo banhu banowholila bakalobanya meno.’ 14Ngobe banjinji bakadan'wa, koga bahomanana bakahalugwa.”
Mbhuzo Nekweluketo
(Mako 12.13-17; Luka 20.20-26)
15Bafarisi bakayenda bakanolangana kuti bangawumbhatshila tjini muzwilebo zwizwe. 16Bakatuma badiyiwa babo kuwunli, bena banhu baka beli batobeli baHherodi, beti, “Ndhiyi, toziba kuti imwi mumulebeswa, modiya zila yeNdzimu ngelebeswa, amuna hanya kuti nhu ndiyani; ngobe amuneni netjigalo tjenhu. 17Tjitongotibudzani, mokubona tjini. Kumunlayo lipa luketo kuna Khesari, kene akuta munlayo?”
18Koga Yesu, eziba bubi gwabo, wakati, “Imwi batjengeli! Mondilikilani? 19Mundilakidze mari inolipisiwa luketo.”
Bakawumpa loso#22.19 mutjiGiriki idinari. 20Yesu eba eti kubali, “Ibuso gwani igogu, kakale kwakakwagwa nekwayani mulili?”
21Bakahandula beti, “NdegwaKhesari.”
Iye eba eti kubali, “Ipani Khesari kwaKhesari. Mupe kweNdzimu kuNdzimu.”
22Bakati bekuwha ikoku bakatjenama kwazo; bakamilika bakayenda bakawunsiya.
Mbhuzo Nekwemuka Kubafi
(Mako 12.18-27; Luka 20.27-40)
23Hhuba ilo zwalo kwakahha baSadusi kuwunli, ibo banoti akuna muka kubafi, bakawumbhuzwa, beti, 24“Ndhiyi, Mozisi wakati, ‘Hapa nlume efa, esina bana, nun'una uwe wakafanila ngina tjilikadzi iyeyo, azwalile nkuluyi bana.’ 25Kwaka kuna bakololo benhu un'ompela bali kutondeka pakati kwedu; mbano yakatola nkadzi, ikakotjinyika basina bana, ikasiyila nun'una wayo nkadzi wayo. 26Kwakayetikala sayikoko kuna wobubili newebutatu, kukajalo kudza kunoti kuna wekutondeka. 27Hule kwayikoko nkadzi wakatjinyika bo. 28Ngono pakumuka kubafi, nkadzi iwhoyo unowhobe wani? Ngobe bose bali kutondeka wakaba nkadzi wabo.”
29Yesu wakabahandula eti, “Makalahika, ngobe amutoziba whalo kene masimba eNdzimu. 30Ngobe pakumuka kubafi abatjalobola kene lobogwa, koga beenga batumwa kudzimu. 31Nekwemuka kwebafi, kati amuzobala tjakalebgwa neNdzimu kumuli, eti, 32‘Ndimi Ndzimu wa Abhurahhamu, Ndzimu wa Isaka, Ndzimu waJakobe’? Haata Ndzimu webakafa, koga ndewebapenyu.”
33Mbunga pawakawha ikoku, bakatjenamisiwa nediya kukwe.
Nlayo Nkulu
(Mako 12.28-34; Luka 10.25-28)
34BaFarisi pabakawha kuti wanyaladza baSadusi, bakakubungana. 35Umwe wabo, nzibi wenlayo, wakawumbhuzwa ewunlika, eti, 36“Ndhiyi ndiwupi nlayo unkulu kupinda yose?”
37Yesu wakahandula eti, “ ‘Ida He Ndzimu uwo nemoyo uwo wose, nemeya iyo yose nange nkumbulo uwo wose.’ 38Whoyu ndiwo nlayo nkulu kakale uli wekutanga. 39Wobubili wakafanana nawo. ‘Ida mbakidzani uwo nezila yawunozwida iwe.’ 40Nlayo wose nebalebesambeli kwakabambiwa pehhugwi kwemilayo iyeyi mibili.”
Mbhuzo nekwaMesiya
(Mako 12.35-37; Luka 20.41-44)
41BaFarisi batjakakubungana panhu pan'ompela, Yesu wakababhuzwa, 42eti, “Mokumbulani nekwaKhirisitu? Unkololo wani?”
Bakahandula beti, “Unkololo waDavida.”
43Yesu wakababhuzwa eti, “Nentha yeni ngono, Davida, paaka afemegwa neMeya unowundhana He, eti,
44“ ‘He wakati kuna He wangu,
Gala kuluboko gwangu gweludli,
Ndidze ndise zwita zwizo kusi kwemakumbo awo’?
45Ngono hapa kuli kuti Davida wakawundhana eti, He, unokoba nkololo uwe tjini?”
46Akuna wakatubula wun'handula, kubva ilelo hhuba akuna wakatongolika wumbhuzwa mibhuzo kakale.
Iliyochaguliwa sasa
Matewu 22: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Matewu 22
22
Tjifananidzo Tjenzano Webukwe
(Luka 14.15-24)
1Yesu wakalebeleka nabo kakale ehingisa zwifananidzo eti, 2“Bumambo gwekudzimu gungafananisiwa namambo wakayetila nkololo uwe nzano webukwe. 3Wakatuma balanda babe kuti banodana ibabo baka bakokewa kubukwe; koga baka basingahake hha. 4Wakapamha akatuma bamwe balanda, eti kubali, ‘Mubudze ibabo bakokewa kuti zodliwa zwatjilulama. Mikono yangu yakakola yatjibulawa, kose kwatjilulama; tjihhani kunzano.’ 5Koga ibo abazotongoba nehanya nako, bakayendilambeli nemihingo yabo, umwe wakayenda kuminda iye, umwe akayenda kwaanotengesela. 6Bamwe bakabhata balanda babe nezila inowhisa zogwadza, bakababulaya. 7Mambo wakamon'wa, akatuma bagwi bengwa, bakanopaladza babulayi, bakapisa nzi-nkulu wabo. 8Akakotjiti kubalanda babe, ‘Nzano webukwe watjilulamisiwa, koga bakokewa abazolizanila hha kunzano. 9Tjiyendani mudzizila, mukoke nebunji bamunowhowana, kuti bahhe kunzano webukwe.’ 10Balanda ibabo bakayenda mudzizila bakakubunganya bose banhu babakawana, bakalulama nebakayipa; ndizo ke n'umba yenzano webukwe yakahhala bezi.”
11“Mambo paakangina kuti anobona bezi, wakabona kuna umwe nlume usina tjiyambalo tjenzano webukwe. 12Wakabhuzwa eti, ‘Nkwinya wangina tjini muno usina tjiyambalo tjenzano webukwe?’ Iye akahama koga. 13Mambo eba eti kubahingi, ‘Muwunsunge maboko nemakumbo, muwumposele kuhhe muhhalima; imhomo banhu banowholila bakalobanya meno.’ 14Ngobe banjinji bakadan'wa, koga bahomanana bakahalugwa.”
Mbhuzo Nekweluketo
(Mako 12.13-17; Luka 20.20-26)
15Bafarisi bakayenda bakanolangana kuti bangawumbhatshila tjini muzwilebo zwizwe. 16Bakatuma badiyiwa babo kuwunli, bena banhu baka beli batobeli baHherodi, beti, “Ndhiyi, toziba kuti imwi mumulebeswa, modiya zila yeNdzimu ngelebeswa, amuna hanya kuti nhu ndiyani; ngobe amuneni netjigalo tjenhu. 17Tjitongotibudzani, mokubona tjini. Kumunlayo lipa luketo kuna Khesari, kene akuta munlayo?”
18Koga Yesu, eziba bubi gwabo, wakati, “Imwi batjengeli! Mondilikilani? 19Mundilakidze mari inolipisiwa luketo.”
Bakawumpa loso#22.19 mutjiGiriki idinari. 20Yesu eba eti kubali, “Ibuso gwani igogu, kakale kwakakwagwa nekwayani mulili?”
21Bakahandula beti, “NdegwaKhesari.”
Iye eba eti kubali, “Ipani Khesari kwaKhesari. Mupe kweNdzimu kuNdzimu.”
22Bakati bekuwha ikoku bakatjenama kwazo; bakamilika bakayenda bakawunsiya.
Mbhuzo Nekwemuka Kubafi
(Mako 12.18-27; Luka 20.27-40)
23Hhuba ilo zwalo kwakahha baSadusi kuwunli, ibo banoti akuna muka kubafi, bakawumbhuzwa, beti, 24“Ndhiyi, Mozisi wakati, ‘Hapa nlume efa, esina bana, nun'una uwe wakafanila ngina tjilikadzi iyeyo, azwalile nkuluyi bana.’ 25Kwaka kuna bakololo benhu un'ompela bali kutondeka pakati kwedu; mbano yakatola nkadzi, ikakotjinyika basina bana, ikasiyila nun'una wayo nkadzi wayo. 26Kwakayetikala sayikoko kuna wobubili newebutatu, kukajalo kudza kunoti kuna wekutondeka. 27Hule kwayikoko nkadzi wakatjinyika bo. 28Ngono pakumuka kubafi, nkadzi iwhoyo unowhobe wani? Ngobe bose bali kutondeka wakaba nkadzi wabo.”
29Yesu wakabahandula eti, “Makalahika, ngobe amutoziba whalo kene masimba eNdzimu. 30Ngobe pakumuka kubafi abatjalobola kene lobogwa, koga beenga batumwa kudzimu. 31Nekwemuka kwebafi, kati amuzobala tjakalebgwa neNdzimu kumuli, eti, 32‘Ndimi Ndzimu wa Abhurahhamu, Ndzimu wa Isaka, Ndzimu waJakobe’? Haata Ndzimu webakafa, koga ndewebapenyu.”
33Mbunga pawakawha ikoku, bakatjenamisiwa nediya kukwe.
Nlayo Nkulu
(Mako 12.28-34; Luka 10.25-28)
34BaFarisi pabakawha kuti wanyaladza baSadusi, bakakubungana. 35Umwe wabo, nzibi wenlayo, wakawumbhuzwa ewunlika, eti, 36“Ndhiyi ndiwupi nlayo unkulu kupinda yose?”
37Yesu wakahandula eti, “ ‘Ida He Ndzimu uwo nemoyo uwo wose, nemeya iyo yose nange nkumbulo uwo wose.’ 38Whoyu ndiwo nlayo nkulu kakale uli wekutanga. 39Wobubili wakafanana nawo. ‘Ida mbakidzani uwo nezila yawunozwida iwe.’ 40Nlayo wose nebalebesambeli kwakabambiwa pehhugwi kwemilayo iyeyi mibili.”
Mbhuzo nekwaMesiya
(Mako 12.35-37; Luka 20.41-44)
41BaFarisi batjakakubungana panhu pan'ompela, Yesu wakababhuzwa, 42eti, “Mokumbulani nekwaKhirisitu? Unkololo wani?”
Bakahandula beti, “Unkololo waDavida.”
43Yesu wakababhuzwa eti, “Nentha yeni ngono, Davida, paaka afemegwa neMeya unowundhana He, eti,
44“ ‘He wakati kuna He wangu,
Gala kuluboko gwangu gweludli,
Ndidze ndise zwita zwizo kusi kwemakumbo awo’?
45Ngono hapa kuli kuti Davida wakawundhana eti, He, unokoba nkololo uwe tjini?”
46Akuna wakatubula wun'handula, kubva ilelo hhuba akuna wakatongolika wumbhuzwa mibhuzo kakale.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International