Matewu 20
20
Bahingi Muminda Yemahhambi
1“Bumambo gwekudzimu gonga mweni weminda wakabindukila mangwanana enohaka banhu bangawun'hingila muminda iye yemahhambi. 2Hule kwebvumilana nabo kuti unowhobapa dinari hapa bahinga hhuba lose, wakabayendesa kuminda yemahhambi. 3Wakati ebhuda eyenda zwe ne awa yebutatu kubvisila bhuda kwehhuba, akabona bamwe balimile panotengesegwa besina tjabanothama. 4Wakati kubali, ‘Yendani bo kuminda yemahhambi, ndowhomupa kwandinobona kwakalizanila.’ Ndizo bakayenda. 5Wakapamha akabhuda kakale mu awa yebutanhatu neyebuhhanalume kubvisila bhuda kwehhuba, akayeta sayikoko zwako. 6Mu awa yegumi lina kun'ompela kubvisila bhuda kwehhuba, akawana bamwe balimile basina tjabanothama, akati kubali, ‘Mumilileni ipapa hhuba lose musina tjamunothama?’ 7Bakati kuwunli, ‘Kungentha yekuti akuna watipa n'hingo.’ Iye eba eti kubali, ‘Namwi bo yendani kuminda yemahhambi.’ ”
8“Abamadekwana mweni weminda yemahhambi wakati kuna unolinga minda nebahingi, ‘Dana bahingi bose ubape mibhayilo yabo, utange nebapedzisila, upedzisile nebatanga.’ 9Baka batangisa n'hingo mu awa yegumi lina kun'ompela kubvisila bhuda kwehhuba, bakati beswika umwe newumwe akawamutjidziwa dinari. 10Kwakati ibabaya batanga, beswika, bakakumbula kuti banowhopiwa njinji; koga umwe newumwe wakawamutjidziwa dinari. 11Bakati bewamutjila mbhayilo wabo bakan'un'urika kumweni weminda, 12beti, ‘Ibaba baswika kubupelo bahinga awa in'ompela, koga mabalizanya naswi tahwa tihinga hhuba lose ngeno hhuba litipisa.’ 13Koga wakahandula umwe wabo eti, ‘Nkwinya andizokutjinyila tjimwe; atizobvumilana dinari lin'ompela? 14Tola kuko uyende, ludo gwangu kuti ndipe wapedzisila ngina mun'hingo kwakalizana nekwandakupa. 15Anditobvumigwa yeta sekwandinoda netjinoba tjili tjangu? Kene nogwadziligwa kuti ndina moyo wakanaka?’ ”
16Yesu wakafidza neti, “Ndizo bekupedzisila banowhoba bekutanga, bekutanga banowhoba bekupedzisila.”
Yesu Unoleba Gwebutatu Nekwelufu Gugwe
(Mako 10.32-34; Luka 18.31-34)
17Yesu wakati elimuzila eyenda kuJerusalema, akatola badiyiwa babe bali gumi nebabili ekayenda nabo ntome, ekababudza, akati kubali, 18“Whililani, toyenda kuJerusalema; Nkololo wenhu unowhotugwa kubaphirisiti bakulu nebakwali, bakawuntongela bulawa, 19bekowuntula mumaboko eBataya kuti akuwelegwe, alobgwe ekotjikowhomegwa patjileyanyo. Muhhuba lebutatu unowhomusiwa kubafi.”
Tjikumbilo Tjamayi Bebakololo baZebhede
(Mako 10.35-45)
20Mayi bebakololo baZebhedi bakakohha kuwunli, bena bakololo babo, bakapfigama mbeli kukwe bakaba netjabanokumbila.
21Wakati kubali, “Mohakani mme?”
Bakati kuwunli, “Mundigadzebgwe kuti bakololo bangu ibaba babili banowhogala umwe kuludli gwenyu umwe kulumehwe gwenyu, mubumambo gwenyu.”
22Yesu wakahandula eti, “Amutoziba tjamunokumbila. Mungatubula n'wa nkombe wandinowhon'wa?”
Bakati kuwunli, “Totubula.”
23Eba eti kubali, “Mowhon'wa nkombe wangu, koga kwegala kuludli gwangu nekulumehwe gwangu akuta imi unokubvumila, koga ndekwayibabo kwakwaka baakanyigwa naTate bangu.”
24Bali gumi bakati bekuwha, bakagwadziligwa ibaba babili, nkuluyi nenun'una. 25Yesu wakabadana bose akati kubali, “Moziba kuti banotonga Bataya banobatshambidzila, nebanobatungamila banohingisa masimba pehhugwi kwabo. 26Akutowhojalo pakati kwenyu; koga kene yani unowhoba nkulu pakati kwenyu wakafanila ba n'hingi wenyu, 27kene yani unowhoba wekutanga pakati kwenyu wakafanila ba nlanda wenyu; 28kene iye Nkololo wenhu haazobinga kuti awhohingigwa, koga wakahhila whohingila nepa butjilo gugwe kuti gube tjibhayilo tjesunungula banjinji.”
Yesu Unotjidza Mapofu Mabili
(Mako 10.46-52; Luka 18.35-43)
29Yesu nebadiyiwa babe bakati bebhuda muJerikho mbunga nkulunkulu ukawuntobela. 30Kwaka kuna balume babili baka bali mapofu baka baligele ntome kwezila, pabakawha kuti Yesu unopinda nayipapo, bakatanga mimila beti, “He, nkololo waDavida, mutiwhile ngoni!”
31Mbunga wakabatjemela uti ngabanyalale; koga ibo bakamimilila pehhugwi beti, “He, Nkololo waDavida, mutiwhile ngoni!”
32Yesu wakama akabadana akati kubali, “Mohaka kuti ndimuyetileni?”
33Bakahandula beti, “He, tohaka kuti meho edu abone.”
34Yesu wakabawhila ngoni, akabhata meho abo, tjinyolotjo bakabva babona, bakawuntobela.
Iliyochaguliwa sasa
Matewu 20: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Matewu 20
20
Bahingi Muminda Yemahhambi
1“Bumambo gwekudzimu gonga mweni weminda wakabindukila mangwanana enohaka banhu bangawun'hingila muminda iye yemahhambi. 2Hule kwebvumilana nabo kuti unowhobapa dinari hapa bahinga hhuba lose, wakabayendesa kuminda yemahhambi. 3Wakati ebhuda eyenda zwe ne awa yebutatu kubvisila bhuda kwehhuba, akabona bamwe balimile panotengesegwa besina tjabanothama. 4Wakati kubali, ‘Yendani bo kuminda yemahhambi, ndowhomupa kwandinobona kwakalizanila.’ Ndizo bakayenda. 5Wakapamha akabhuda kakale mu awa yebutanhatu neyebuhhanalume kubvisila bhuda kwehhuba, akayeta sayikoko zwako. 6Mu awa yegumi lina kun'ompela kubvisila bhuda kwehhuba, akawana bamwe balimile basina tjabanothama, akati kubali, ‘Mumilileni ipapa hhuba lose musina tjamunothama?’ 7Bakati kuwunli, ‘Kungentha yekuti akuna watipa n'hingo.’ Iye eba eti kubali, ‘Namwi bo yendani kuminda yemahhambi.’ ”
8“Abamadekwana mweni weminda yemahhambi wakati kuna unolinga minda nebahingi, ‘Dana bahingi bose ubape mibhayilo yabo, utange nebapedzisila, upedzisile nebatanga.’ 9Baka batangisa n'hingo mu awa yegumi lina kun'ompela kubvisila bhuda kwehhuba, bakati beswika umwe newumwe akawamutjidziwa dinari. 10Kwakati ibabaya batanga, beswika, bakakumbula kuti banowhopiwa njinji; koga umwe newumwe wakawamutjidziwa dinari. 11Bakati bewamutjila mbhayilo wabo bakan'un'urika kumweni weminda, 12beti, ‘Ibaba baswika kubupelo bahinga awa in'ompela, koga mabalizanya naswi tahwa tihinga hhuba lose ngeno hhuba litipisa.’ 13Koga wakahandula umwe wabo eti, ‘Nkwinya andizokutjinyila tjimwe; atizobvumilana dinari lin'ompela? 14Tola kuko uyende, ludo gwangu kuti ndipe wapedzisila ngina mun'hingo kwakalizana nekwandakupa. 15Anditobvumigwa yeta sekwandinoda netjinoba tjili tjangu? Kene nogwadziligwa kuti ndina moyo wakanaka?’ ”
16Yesu wakafidza neti, “Ndizo bekupedzisila banowhoba bekutanga, bekutanga banowhoba bekupedzisila.”
Yesu Unoleba Gwebutatu Nekwelufu Gugwe
(Mako 10.32-34; Luka 18.31-34)
17Yesu wakati elimuzila eyenda kuJerusalema, akatola badiyiwa babe bali gumi nebabili ekayenda nabo ntome, ekababudza, akati kubali, 18“Whililani, toyenda kuJerusalema; Nkololo wenhu unowhotugwa kubaphirisiti bakulu nebakwali, bakawuntongela bulawa, 19bekowuntula mumaboko eBataya kuti akuwelegwe, alobgwe ekotjikowhomegwa patjileyanyo. Muhhuba lebutatu unowhomusiwa kubafi.”
Tjikumbilo Tjamayi Bebakololo baZebhede
(Mako 10.35-45)
20Mayi bebakololo baZebhedi bakakohha kuwunli, bena bakololo babo, bakapfigama mbeli kukwe bakaba netjabanokumbila.
21Wakati kubali, “Mohakani mme?”
Bakati kuwunli, “Mundigadzebgwe kuti bakololo bangu ibaba babili banowhogala umwe kuludli gwenyu umwe kulumehwe gwenyu, mubumambo gwenyu.”
22Yesu wakahandula eti, “Amutoziba tjamunokumbila. Mungatubula n'wa nkombe wandinowhon'wa?”
Bakati kuwunli, “Totubula.”
23Eba eti kubali, “Mowhon'wa nkombe wangu, koga kwegala kuludli gwangu nekulumehwe gwangu akuta imi unokubvumila, koga ndekwayibabo kwakwaka baakanyigwa naTate bangu.”
24Bali gumi bakati bekuwha, bakagwadziligwa ibaba babili, nkuluyi nenun'una. 25Yesu wakabadana bose akati kubali, “Moziba kuti banotonga Bataya banobatshambidzila, nebanobatungamila banohingisa masimba pehhugwi kwabo. 26Akutowhojalo pakati kwenyu; koga kene yani unowhoba nkulu pakati kwenyu wakafanila ba n'hingi wenyu, 27kene yani unowhoba wekutanga pakati kwenyu wakafanila ba nlanda wenyu; 28kene iye Nkololo wenhu haazobinga kuti awhohingigwa, koga wakahhila whohingila nepa butjilo gugwe kuti gube tjibhayilo tjesunungula banjinji.”
Yesu Unotjidza Mapofu Mabili
(Mako 10.46-52; Luka 18.35-43)
29Yesu nebadiyiwa babe bakati bebhuda muJerikho mbunga nkulunkulu ukawuntobela. 30Kwaka kuna balume babili baka bali mapofu baka baligele ntome kwezila, pabakawha kuti Yesu unopinda nayipapo, bakatanga mimila beti, “He, nkololo waDavida, mutiwhile ngoni!”
31Mbunga wakabatjemela uti ngabanyalale; koga ibo bakamimilila pehhugwi beti, “He, Nkololo waDavida, mutiwhile ngoni!”
32Yesu wakama akabadana akati kubali, “Mohaka kuti ndimuyetileni?”
33Bakahandula beti, “He, tohaka kuti meho edu abone.”
34Yesu wakabawhila ngoni, akabhata meho abo, tjinyolotjo bakabva babona, bakawuntobela.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International