Matewu 18
18
Ndiyani Nkulu Pabamwe?
(Mako 9.33-37; Luka 9.46-48)
1Lubaka igogo badiyiwa bakahha kuna Yesu bakati, “Ndiyani ungayi ndiye nkulu mubumambo gwekudzimu?”
2Yesu wakadana mwana ntjetjana, akawunsa pakati kwabo, 3eba eti, “Lebeswa ndoti kumuli, kuhhe kwekuti mungaba sebana batjetjana, amungafe mangina mubumambo gwekudzimu. 4Kene yani unozwitebamisa semwana ntjetjana iwhoyu, iwhoyo ndiye nkulu mubumambo gwekudzimu. 5Kene yani unowamutjila mwana wakajali muzina langu, unowamutjila imi.”
Zwiliko Zwinothama kuti Nhu Atjinye
(Mako 9.42-48; Luka 17.1,2)
6“Kene yani unothama kuti batjetjana ibaba banogalamoyo mundili batjinye, kowhoba kuhine kuwunli kuti kusungiligwe hongwe whuluwhulu pantshibha uwe ekoposegwa mugungwa. 7Yakabangalaligwa hango, ngentha yezwiliko zwinota banhu bakatjinya! Ngobe kwakafanila kuti zwiliko zwihhe, koga ke wakabangalaligwa iwhoyo nhu tjiliko watjinohha ndiye!”
8“Hapa luboko gugo kene gumbo lilo likuthama kuti utjinye, ulithubule ulilahe; ngobe kuhine kuti ungine mubupenyu ulitjilema kene uhudza, pana kuti uposegwe mumoto unopfuta nekusingapele unamaboko mabili nemakumbo mabili. 9Hapa hhiho lilo lita kuti utjinye, ulikopole ulilahile kulekule. Kuhine kuti ungine mubupenyu nehhiho lin'ompela pana kuti uposegwe mumoto wegehena unameho mabili.”
Tjifananidzo Tjemhwizi Yakalahika
(Luka 15.3-7)
10“Mube nemalebeswa kuti amutolingila pasi umwe webatjetjana ibaba; ngobe ndomubudza kuti kudzimu batumwa babo banogala balimbeli kwaTate bangu bakudzimu.” 11#18.11 Dzimwe whalo dzina vesi 11, ina matama amuna Luka 19.10.
12“Mokumbulani? Hapa nhu ana mhwizi dzili gulu, kukolahika in'ompela yadzo, atosiya dzimwe dzili makumi ali hhanalume nehhanalume kumatombo, enohaka in'ompela yakalahika? 13Hapa eyiwana, lebeswa, ndoti kumuli, unoyihanhila kwazo kupinda yedziya dzili makumi ali hhanalume nehhanalume dzisatongolahika. 14Ndizo ke Tate bangu bakudzimu abatoda kuti kene umwe webatjetjana ibaba alahike.”
Hapa Umwe Nhu Atjinya
15“Hapa gamu lilo lakutjinya, yenda kulili ulilayidze nlandu walo, muli babili. Hapa ekuwhilila, wawana gamu lilo. 16Koga hapa esingakuwhilile, tola un'ompela kene babili zwabo mulebeleke naye, kuyetila kuti limwe nelimwe dama libe nebusupi gunobva kubasupi babili kene batatu. 17Hapa elamba bawhilila, zibisani gubungano, hapa elamba whilila gubungano, ngaatjibe seNtaya kene nketisi kumuli.”
Bvumila Nesabvumila
18“Lebeswa, ndoti kumuli, kene ini tjamunosunga muhango tjowhosungwa kudzimu, kakale kene ini tjamunosunungula pasi muhango tjowhosunungugwa kudzimu.”
19“Kakale, lebeswa ndoti kumuli, hapa babili benyu bebvumilana muhango nekwetjimwe tjinhu tjabanokumbila, banowhotjithamigwa naTate bangu bakudzimu. 20Ngobe pakakubungana babili kene batatu muzina langu, imi ndiyapo bo pakati kwabo.”
Tjifananidzo tjeNlanda Usingayetile Bamwe Mazwibhatigwa
21Phethiro wakakohha akati kuwunli, “He, gamu langu linganditjinyila kukadza kukaba kangana, ndiliyetila mazwibhatigwa? Ndingawuyetila mazwibhatigwa kukadza kukaba kutondeka?”
22Yesu wakati kuwunli, “Anditoti kukuli kukadza kukaba kutondeka, koga kukadza kukaba makumi ali kutondeka akapamhiwa kakutondeka. 23Ndizo ke bumambo gwekudzimu gungafananisiwa namambo wakayemula ziba kuti balanda babe banowukweleda kungapani. 24Wakati etanga lingisisa, bakahhisa kuwunli umwe waka enakwelete tjematalenta#18.24 talenta unsindo wetshipi dzinonga zeezi, talenta lin'ompela laka lakalizana nema kg ali 30 ali zwiwulu zwili gumi. 25Nlanda esingatubule lipa kwelete, batezi babe bakati ngaatengesewe, kose nemfumakadzi uwe, nebana babe, nayiko kose kwaanako, mari yawanikwa ilipe kwelete. 26Nlanda wakapfigama, akakumbila eti, ‘Mundiyetileni moyonlefu ndowholipa kose.’ 27Ngentha yewuwhila ngoni batezi benlanda bakawuyetila mazwibhatigwa kwelete, bakawunletja akayenda zwe.”
28“Koga nlanda iwhoya zwe, ebhuda wakahangana newumwe webalanda waka anakwelete tjitje tjemaloso edinari#18.28 dinari lin'ompela laka lakalizana nenlipo wehhuba lin'ompela unopiwa n'hingi ali gulu. Wakawundzipa pawhulo eti kuwunli, ‘Lipa kwelete tjangu ngwenuwali.’ 29Nlanda iwhoyo wakapfigama ekawunkumbilisisa eti, ‘Undiyetile moyonlefu, ndowhokulipa.’ 30Koga wakalamba, akayenda naye akanowuhhalilila mujele kuswikila alipa kwelete tjitje. 31Bamwe balanda baaka ehinga nabo, pabakabona tjayetikala bakagwadziwa kwazo, bakayenda bakanobudza mambo wabo kose kwayetikala. 32Mambo akakotjiwundhana akati kuwunli, ‘Iwe nlanda mbi, ndakakuyetila mazwibhatigwa kwelete tjitjo tjose, ngobe wakandikumbila kuti ndikuyetile mazwibhatigwa. 33Wawusakafanila whila ngoni bo umwe nlanda sawe, sekwandaka kuwhila ngoni bo?’ 34Mambo wakamon'wa akawuhhalilila mujele, kuswikila alipa kwelete tjitje tjose.”
35“Ndizo Tate bangu bakudzimu bo banowhothama bejalo kumwe newumwe wenyu hapa musingayetile makamu enyu mazwibhatigwa kubva mumimoyo yenyu.”
Iliyochaguliwa sasa
Matewu 18: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Matewu 18
18
Ndiyani Nkulu Pabamwe?
(Mako 9.33-37; Luka 9.46-48)
1Lubaka igogo badiyiwa bakahha kuna Yesu bakati, “Ndiyani ungayi ndiye nkulu mubumambo gwekudzimu?”
2Yesu wakadana mwana ntjetjana, akawunsa pakati kwabo, 3eba eti, “Lebeswa ndoti kumuli, kuhhe kwekuti mungaba sebana batjetjana, amungafe mangina mubumambo gwekudzimu. 4Kene yani unozwitebamisa semwana ntjetjana iwhoyu, iwhoyo ndiye nkulu mubumambo gwekudzimu. 5Kene yani unowamutjila mwana wakajali muzina langu, unowamutjila imi.”
Zwiliko Zwinothama kuti Nhu Atjinye
(Mako 9.42-48; Luka 17.1,2)
6“Kene yani unothama kuti batjetjana ibaba banogalamoyo mundili batjinye, kowhoba kuhine kuwunli kuti kusungiligwe hongwe whuluwhulu pantshibha uwe ekoposegwa mugungwa. 7Yakabangalaligwa hango, ngentha yezwiliko zwinota banhu bakatjinya! Ngobe kwakafanila kuti zwiliko zwihhe, koga ke wakabangalaligwa iwhoyo nhu tjiliko watjinohha ndiye!”
8“Hapa luboko gugo kene gumbo lilo likuthama kuti utjinye, ulithubule ulilahe; ngobe kuhine kuti ungine mubupenyu ulitjilema kene uhudza, pana kuti uposegwe mumoto unopfuta nekusingapele unamaboko mabili nemakumbo mabili. 9Hapa hhiho lilo lita kuti utjinye, ulikopole ulilahile kulekule. Kuhine kuti ungine mubupenyu nehhiho lin'ompela pana kuti uposegwe mumoto wegehena unameho mabili.”
Tjifananidzo Tjemhwizi Yakalahika
(Luka 15.3-7)
10“Mube nemalebeswa kuti amutolingila pasi umwe webatjetjana ibaba; ngobe ndomubudza kuti kudzimu batumwa babo banogala balimbeli kwaTate bangu bakudzimu.” 11#18.11 Dzimwe whalo dzina vesi 11, ina matama amuna Luka 19.10.
12“Mokumbulani? Hapa nhu ana mhwizi dzili gulu, kukolahika in'ompela yadzo, atosiya dzimwe dzili makumi ali hhanalume nehhanalume kumatombo, enohaka in'ompela yakalahika? 13Hapa eyiwana, lebeswa, ndoti kumuli, unoyihanhila kwazo kupinda yedziya dzili makumi ali hhanalume nehhanalume dzisatongolahika. 14Ndizo ke Tate bangu bakudzimu abatoda kuti kene umwe webatjetjana ibaba alahike.”
Hapa Umwe Nhu Atjinya
15“Hapa gamu lilo lakutjinya, yenda kulili ulilayidze nlandu walo, muli babili. Hapa ekuwhilila, wawana gamu lilo. 16Koga hapa esingakuwhilile, tola un'ompela kene babili zwabo mulebeleke naye, kuyetila kuti limwe nelimwe dama libe nebusupi gunobva kubasupi babili kene batatu. 17Hapa elamba bawhilila, zibisani gubungano, hapa elamba whilila gubungano, ngaatjibe seNtaya kene nketisi kumuli.”
Bvumila Nesabvumila
18“Lebeswa, ndoti kumuli, kene ini tjamunosunga muhango tjowhosungwa kudzimu, kakale kene ini tjamunosunungula pasi muhango tjowhosunungugwa kudzimu.”
19“Kakale, lebeswa ndoti kumuli, hapa babili benyu bebvumilana muhango nekwetjimwe tjinhu tjabanokumbila, banowhotjithamigwa naTate bangu bakudzimu. 20Ngobe pakakubungana babili kene batatu muzina langu, imi ndiyapo bo pakati kwabo.”
Tjifananidzo tjeNlanda Usingayetile Bamwe Mazwibhatigwa
21Phethiro wakakohha akati kuwunli, “He, gamu langu linganditjinyila kukadza kukaba kangana, ndiliyetila mazwibhatigwa? Ndingawuyetila mazwibhatigwa kukadza kukaba kutondeka?”
22Yesu wakati kuwunli, “Anditoti kukuli kukadza kukaba kutondeka, koga kukadza kukaba makumi ali kutondeka akapamhiwa kakutondeka. 23Ndizo ke bumambo gwekudzimu gungafananisiwa namambo wakayemula ziba kuti balanda babe banowukweleda kungapani. 24Wakati etanga lingisisa, bakahhisa kuwunli umwe waka enakwelete tjematalenta#18.24 talenta unsindo wetshipi dzinonga zeezi, talenta lin'ompela laka lakalizana nema kg ali 30 ali zwiwulu zwili gumi. 25Nlanda esingatubule lipa kwelete, batezi babe bakati ngaatengesewe, kose nemfumakadzi uwe, nebana babe, nayiko kose kwaanako, mari yawanikwa ilipe kwelete. 26Nlanda wakapfigama, akakumbila eti, ‘Mundiyetileni moyonlefu ndowholipa kose.’ 27Ngentha yewuwhila ngoni batezi benlanda bakawuyetila mazwibhatigwa kwelete, bakawunletja akayenda zwe.”
28“Koga nlanda iwhoya zwe, ebhuda wakahangana newumwe webalanda waka anakwelete tjitje tjemaloso edinari#18.28 dinari lin'ompela laka lakalizana nenlipo wehhuba lin'ompela unopiwa n'hingi ali gulu. Wakawundzipa pawhulo eti kuwunli, ‘Lipa kwelete tjangu ngwenuwali.’ 29Nlanda iwhoyo wakapfigama ekawunkumbilisisa eti, ‘Undiyetile moyonlefu, ndowhokulipa.’ 30Koga wakalamba, akayenda naye akanowuhhalilila mujele kuswikila alipa kwelete tjitje. 31Bamwe balanda baaka ehinga nabo, pabakabona tjayetikala bakagwadziwa kwazo, bakayenda bakanobudza mambo wabo kose kwayetikala. 32Mambo akakotjiwundhana akati kuwunli, ‘Iwe nlanda mbi, ndakakuyetila mazwibhatigwa kwelete tjitjo tjose, ngobe wakandikumbila kuti ndikuyetile mazwibhatigwa. 33Wawusakafanila whila ngoni bo umwe nlanda sawe, sekwandaka kuwhila ngoni bo?’ 34Mambo wakamon'wa akawuhhalilila mujele, kuswikila alipa kwelete tjitje tjose.”
35“Ndizo Tate bangu bakudzimu bo banowhothama bejalo kumwe newumwe wenyu hapa musingayetile makamu enyu mazwibhatigwa kubva mumimoyo yenyu.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International