Matewu 16
16
BaFarisi NebaSadusi Banohaka Bona Tjilakidzilo
(Mako 8.11-13; Luka 12.54-56)
1Kwakahha baFarisi nebaSadusi, bewunlika bekumbila kuti abalakidze tjilakidzilo tjinobva kudzimu. 2Wakabahandula, eti, “Hapa kwatjihwa, moti, ‘Kowhoba nemhetshwana; ngobe pehhugwi kumakole kuhaba.’ 3Mangwanana moti, ‘Nasi kowhoba kuna dutu, ngobe kuna makole kakale matematema.’ Motubula bona kuti kumakole kwakatini, koga amutotubula whisisa zwilakidzilo zwelubaka. 4Tjizekugwana tjibi kakale tjisingagalikebgwe kuNdzimu tjohaka tjilakidzilo, koga akuna tjilakidzilo tjatjinowhopiwa kuhhe kwetjilakidzilo tjaJona.”
Wakamilika ebasiya eyenda.
Mbidzo yebaFarisi nebaSadusi
(Mako 8.14-21)
5Badiyiwa bakati beyenda seli yeya, bakabe bekangan'wa yenda netjinkwa. 6Yesu wakati kubali, “Mube nehhiho bhabi, mutjenjelele mbidzo yebaFarisi nebaSadusi.”
7Bakalebeleka tjekwabo, beti, “Kungentha yekuti atizohha netjinkwa.”
8Koga Yesu, eziba ikoku, wakati, “Banhu bana bugalimoyo gutukununu, ngentha yeni mulebeleka nekuti amuna tjinkwa? 9Amanhu mawhisisa nangwenu? Amutjakumbula nekwezwinkwa zwihanu zwebanhu bali zwiwulu zwihanu, nekuti makawolela zwitundu zwingana? 10Kene zwinkwa zwili kutondeka zwebanhu bali zwiwulu zwina, nekuti makawolela zwitundu zwingana? 11Kungentha yeni musingawhisise kuti anditobva tjinkwa? Mutjenjelele mbidzo yebaFarisi nebaSadusi.”
12Bakakotjiwhisisa kuti wayesingababudze kuti batjenjelele mbidzo yetjinkwa, koga diya kwebaFarisi nebaSadusi.
Ndebo yaPhethiro nekwaYesu
(Mako 8.27-30; Luka 9.18-21)
13Yesu paakaswika muntunhu unoyi Khesariya Filiphi, wakabhuzwa badiyiwa babe, eti, “Banhu banoti Nkololo wenhu ndiyani?”
14Bakahandula beti, “Bamwe banoti ndimwi Johane Mbvubiki, bamwe banoti ndimwi Elija, bamwe banoti ndimwi Jeremiya kene umwe webalebesambeli.”
15Akababhuzwa eti, “Imwi moti ndimi yani?”
16Simoni Phethiro wakahandula eti, “Ndimwi Khirisitu, Nkololo weNdzimu mpenyu.”
17Yesu wakawun'handula eti, “Wakakombolegwa, iwe Simoni nkololo waJona! Ngobe ikoku awuzokulakidziwa nenyama nelopa, koga wakulakidziwa naTate bangu bakudzimu. 18Kakale ndokubudza, Phethiro. Uhongwe, pahongwe iyeyi ndowhobaka gubungano lebagalimoyo bangu, masimba elufu#16.18 mikoba yekuHhedesi, kubugalo gwebafi atowhobakulila. 19Ndowhokupa zwihhuliso zwebumambo gwekudzimu, kakale kene ini tjawunosunga muhango tjowhosungwa kudzimu, kakale kene ini tjawunosunungula muhango tjowhosunungugwa kudzimu.”
20Wakakotjilaya badiyiwa babe kuti basitongobudza kene nhu kuti ndiye Khirisitu.
Yesu Unoleba Nekwedziyidzika Kukwe Kose Nelufu Gugwe
(Mako 8.31-9.1; Luka 9.22-27)
21Kubvila igogo lubaka Yesu wakatangisa zibisa badiyiwa babe kuti wakafanila yenda kuJerusalema, bawhola nebaphirisiti bakulu nebakwali bawundziyidze kwazo, kakale abulawe, muhhuba lebutatu ekomusiwa kubafi.
22Phethiro wakawuntola akama naye ntome akatangisa wuntjemela eti, “Akuna tjakajalo, tjingatjekwa tjikalahwa, He! Whoko akungatange kukayetikala kumuli.”
23Koga wakatjebuka akati kuna Phethiro, “Ibva hule kwangu#16.23 Ibva hule kwangu ibva pandili, Satane! Utjiliko kundili; ngobe awuto alakana zwinhu zweNdzimu koga no alakana se alakana kwebanhu.”
24Yesu wakakotjiti kubadiyiwa babe, “Hapa nhu ehaka yenda nami, ngaazwitoboke atole tjileyanyo tjitje anditobele. 25Ngobe kene yani unowholondolodza butjilo gugwe gowhunlahikila, koga kene yani unolahikigwa nebutjilo gugwe ngentha yangu, unowhoguwana. 26Kotjidzani kuti nhu awane hango yose koga ekolahikigwa nebutjilo gugwe? Kene ini nhu tjaangapa tjakalizana butjilo gugwe? 27Ngobe Nkololo wenhu ndiko kwaatjowhohha nebatumwa babe ali mugudzo laTate babe, ekotjipa wose nhu mbhayilo, ewumpila tjaathama. 28Lebeswa, ndoti kumuli, kuna bamwe bamile ipapa basingawhofa basanhu bakabona Nkololo wenhu ebuya ali mubumambo gugwe.”
Iliyochaguliwa sasa
Matewu 16: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Matewu 16
16
BaFarisi NebaSadusi Banohaka Bona Tjilakidzilo
(Mako 8.11-13; Luka 12.54-56)
1Kwakahha baFarisi nebaSadusi, bewunlika bekumbila kuti abalakidze tjilakidzilo tjinobva kudzimu. 2Wakabahandula, eti, “Hapa kwatjihwa, moti, ‘Kowhoba nemhetshwana; ngobe pehhugwi kumakole kuhaba.’ 3Mangwanana moti, ‘Nasi kowhoba kuna dutu, ngobe kuna makole kakale matematema.’ Motubula bona kuti kumakole kwakatini, koga amutotubula whisisa zwilakidzilo zwelubaka. 4Tjizekugwana tjibi kakale tjisingagalikebgwe kuNdzimu tjohaka tjilakidzilo, koga akuna tjilakidzilo tjatjinowhopiwa kuhhe kwetjilakidzilo tjaJona.”
Wakamilika ebasiya eyenda.
Mbidzo yebaFarisi nebaSadusi
(Mako 8.14-21)
5Badiyiwa bakati beyenda seli yeya, bakabe bekangan'wa yenda netjinkwa. 6Yesu wakati kubali, “Mube nehhiho bhabi, mutjenjelele mbidzo yebaFarisi nebaSadusi.”
7Bakalebeleka tjekwabo, beti, “Kungentha yekuti atizohha netjinkwa.”
8Koga Yesu, eziba ikoku, wakati, “Banhu bana bugalimoyo gutukununu, ngentha yeni mulebeleka nekuti amuna tjinkwa? 9Amanhu mawhisisa nangwenu? Amutjakumbula nekwezwinkwa zwihanu zwebanhu bali zwiwulu zwihanu, nekuti makawolela zwitundu zwingana? 10Kene zwinkwa zwili kutondeka zwebanhu bali zwiwulu zwina, nekuti makawolela zwitundu zwingana? 11Kungentha yeni musingawhisise kuti anditobva tjinkwa? Mutjenjelele mbidzo yebaFarisi nebaSadusi.”
12Bakakotjiwhisisa kuti wayesingababudze kuti batjenjelele mbidzo yetjinkwa, koga diya kwebaFarisi nebaSadusi.
Ndebo yaPhethiro nekwaYesu
(Mako 8.27-30; Luka 9.18-21)
13Yesu paakaswika muntunhu unoyi Khesariya Filiphi, wakabhuzwa badiyiwa babe, eti, “Banhu banoti Nkololo wenhu ndiyani?”
14Bakahandula beti, “Bamwe banoti ndimwi Johane Mbvubiki, bamwe banoti ndimwi Elija, bamwe banoti ndimwi Jeremiya kene umwe webalebesambeli.”
15Akababhuzwa eti, “Imwi moti ndimi yani?”
16Simoni Phethiro wakahandula eti, “Ndimwi Khirisitu, Nkololo weNdzimu mpenyu.”
17Yesu wakawun'handula eti, “Wakakombolegwa, iwe Simoni nkololo waJona! Ngobe ikoku awuzokulakidziwa nenyama nelopa, koga wakulakidziwa naTate bangu bakudzimu. 18Kakale ndokubudza, Phethiro. Uhongwe, pahongwe iyeyi ndowhobaka gubungano lebagalimoyo bangu, masimba elufu#16.18 mikoba yekuHhedesi, kubugalo gwebafi atowhobakulila. 19Ndowhokupa zwihhuliso zwebumambo gwekudzimu, kakale kene ini tjawunosunga muhango tjowhosungwa kudzimu, kakale kene ini tjawunosunungula muhango tjowhosunungugwa kudzimu.”
20Wakakotjilaya badiyiwa babe kuti basitongobudza kene nhu kuti ndiye Khirisitu.
Yesu Unoleba Nekwedziyidzika Kukwe Kose Nelufu Gugwe
(Mako 8.31-9.1; Luka 9.22-27)
21Kubvila igogo lubaka Yesu wakatangisa zibisa badiyiwa babe kuti wakafanila yenda kuJerusalema, bawhola nebaphirisiti bakulu nebakwali bawundziyidze kwazo, kakale abulawe, muhhuba lebutatu ekomusiwa kubafi.
22Phethiro wakawuntola akama naye ntome akatangisa wuntjemela eti, “Akuna tjakajalo, tjingatjekwa tjikalahwa, He! Whoko akungatange kukayetikala kumuli.”
23Koga wakatjebuka akati kuna Phethiro, “Ibva hule kwangu#16.23 Ibva hule kwangu ibva pandili, Satane! Utjiliko kundili; ngobe awuto alakana zwinhu zweNdzimu koga no alakana se alakana kwebanhu.”
24Yesu wakakotjiti kubadiyiwa babe, “Hapa nhu ehaka yenda nami, ngaazwitoboke atole tjileyanyo tjitje anditobele. 25Ngobe kene yani unowholondolodza butjilo gugwe gowhunlahikila, koga kene yani unolahikigwa nebutjilo gugwe ngentha yangu, unowhoguwana. 26Kotjidzani kuti nhu awane hango yose koga ekolahikigwa nebutjilo gugwe? Kene ini nhu tjaangapa tjakalizana butjilo gugwe? 27Ngobe Nkololo wenhu ndiko kwaatjowhohha nebatumwa babe ali mugudzo laTate babe, ekotjipa wose nhu mbhayilo, ewumpila tjaathama. 28Lebeswa, ndoti kumuli, kuna bamwe bamile ipapa basingawhofa basanhu bakabona Nkololo wenhu ebuya ali mubumambo gugwe.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International