Matewu 10
10
Badiyiwa Bali Gumi Nebabili
(Mako 3.13-19; Luka 6.12-16)
1Wakadana badiyiwa babe bali gumi nebabili akabapa masimba pehhugwi kwemeyambi, masimba edzitata, nelapa dzose nghwele negwala kose. 2Mazina ebapositoli bali gumi nebabili ndiyawa. Wekutanga ndiSimoni, iye unoyi Phethiro, nenun'una uwe Andhireya; Jakobe nkololo waZebhedi naJohane nun'una uwe; 3Filiphi naBhatholomewu; Tomasi naMatewu nketisi; Jakobe nkololo waAlifiyasi naThediyasi; 4Simoni wekuKhenani, naJudasi Isikariyoti, iye wakawuntengesa.
Tumwa kweBadiyiwa bali Gumi nebabili
(Mako 6.7-13; Luka 9.1-6)
5Ibaba beli gumi nebabili Yesu wakabatuma, ebalaya eti, “Musitongoyenda kuBataya, kakale musingine mumizi yemaSamariya. 6Koga yendani kumhwizi dzakalahika dzeludzi gwa Isirayeli. 7Yendani musumikila, muti, ‘Bumambo gwekudzimu gwatjibe pedlo.’ 8Mupodze banogwala, mumuse bafi, mutjenese bagwele bemapele, mutate meyambi. Makawamutjidziwa mpho, ndizo ipani bo mpho. 9Musisenge zeezi, kene siliva, kene mhangula mumamwandabula enyu, 10kene whomo yegwendo, kene zwiyambalo zwibili, kene mbhatata, kene ludozo; ngobe n'hingi wakafanila wahhiwa nezodliwa.”
11“Kene muna wupi ntunhu wamunoba maswika, hakani nhu unaludo gwemuwamutjila, mugale kuwunli mudza mupindila mbeli. 12Hapa muswika munzi, mubalezwe. 13Hapa banhu benzi iwhoyo bemuwamutjila kunyalala kwenyu kube kubali, koga hapa besingamuwamutjile kunyalala kwenyu kubgwilile kumuli. 14#Mih 13.51.Kakale hapa umwe nhu esingawamutjile kene esingawhilile matama enyu, mupule whuluba pamakumbo enyu nelubaka mubhuda mun'umba iyeyo kene munzi iwhoyo. 15Lebeswa, ndoti kumuli, kowhoba kuhine kuhango yeSodoma neGomora muhhuba letongewa pana kunzi iwhoyo.”
Dziyidziwa Kunohha
(Mako 13.9-13; Luka 21.12-17)
16“Ndomutuma semhwizi pakati kwemhele, ndizo tjenjelani senyoka kakale mube basina nlandu senjiba. 17Mube nehhiho bhabi kubanhu, ngobe banowhomuyendesa kumbahhe, bakamuloba mumasinagogu abo, 18kakale mowhoyendesewa kubabhati bemitunhu nekuna bomambo nentha yangu, kuti mube busupi mbeli kwabo nekuBataya. 19Hapa bemusunga, musizwimanikanye nekwetjamunowholeba kene kuti mowholebeleka mutini, tjamunowholeba mowhotjipiwa mulubaka igogo, 20ngobe akuta imwi munowholebeleka, koga iMeya yaTate benyu inolebeleka mumuli.”
21“Nkuluyi nenun'una banowhotengsana kuti umwe abulayiwe, tatayi banowhohandukila mwana, nebana banowhohandukila bazwadzi bakata kuti babulayiwe, 22kakale mowhobengewa nebanhu bose ngentha yezina langu. Koga unosimidzila kukanoti kubupelo unowhotjidziwa. 23Hapa bemudziyidza muwumwe nzi, mutihhile kuwumwe; ngobe lebeswa, ndoti kumuli, amutowhoba mapedza yenda kumizi yose ye Isirayeli, esanhu ahha Nkololo wenhu.”
24“Ndhiyiwa haata pehhugwi kwendhiyi uwe, nenlanda haata pehhugwi kwabatezi babe; 25kwakalizanila kuti ndhiyiwa abe sendhiyi uwe, nenlanda abe sabatezi babe. Hapa kuli kuti badana mweni wenzi beti Bhelezebhule, banowholeba zwakayipa kungapani nekwebanhu benzi uwe!”
Wamakafanila Hla
(Luka 12.2-7)
26“Ndizo musibahle, ngobe akuna tjakafumikiwa tjisingowhozumbunugwa, kene tjakasumbikala tjisingowhozibgwa. 27Tjandinomubudza muhhalima, mutjilebe masikati, netjamunonyebezegwa, mutjimimile muli pehhugwi kwedzin'umba. 28Kakale musihle ibabo banobulaya mbili koga besingatubule bulaya meya, koga ihlani iye unotubula paladza mbili kose nemeya mugehena. 29Bontiintii zwibili azwitotengesewa nepeni? Koga tjin'ompela atjingatange tjikawila pasi kusi kuda kwaTate benyu. 30Koga kene iwo mavudzi emiholo yenyu akabagwa. 31Ndizo, musihle; muna tjilemela kupinda bontiintii zwinjinji.”
Bvuma Nelandula Khirisitu
(Luka 12.8,9)
32“Wose nhu unondibvuma mbeli kwebanhu, nami bo ndowhumbvuma mbeli kwaTate bangu bakudzimu, 33koga yani nani unondilandula mbeli kwebanhu, ndowhowunlandula bo mbeli kwaTate bangu bakudzimu.”
Andizohhisa Kunyalala, Koga Thumo
(Luka 12.51-53; 14.26,27)
34“Musikumbule kuti ndahha ndihhisa kunyalala muhango; andizohha ndihhisa kunyalala, koga ndahhisa thumo. 35Ndahhila whogwisanya nkololo natatayi, nenkololokadzi nameyabe, nlongo namezwale, 36zwita zwenhu kowhoba banhu ben'ha uwe.”
37“Iwhoyo unoda tatayi kene mayi kupinda imi haazondifanila, newunoda nkololo uwe kene nkololokadzi uwe kupinda imi haazondifanila, 38nayiwhoyo usingatole tjileyanyo tjitje ekanditobela, haazondifanila. 39Iwhoyo unowana butjilo gugwe gowhunlahikila, koga iwhoyo unolahikigwa nebutjilo gugwe ngentha yangu unowhoguwana.”
Mbhayilo
(Mako 9.41)
40“Unomuwamutjila unowamutjila imi, newunondiwamutjila unowamutjila wakandituma. 41Iwhoyo unowamutjila nlebesambeli nentha yekuti unlebesambeli unowhowamutjila mbhayilo wenlebesambeli, nayiwhoyo unowamutjila nhu wakalulama nentha yelulama kukwe unowhowamutjila mbhayilo wenhu wakalulama. 42Nayiwhoyo nhu unopa umwe wayibaba batukununu kene nkombe wevula inotonhola ngobe eli ndhiyiwa, lebeswa, ndoti kumuli, atowholahikigwa nembhayilo uwe.”
Iliyochaguliwa sasa
Matewu 10: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Matewu 10
10
Badiyiwa Bali Gumi Nebabili
(Mako 3.13-19; Luka 6.12-16)
1Wakadana badiyiwa babe bali gumi nebabili akabapa masimba pehhugwi kwemeyambi, masimba edzitata, nelapa dzose nghwele negwala kose. 2Mazina ebapositoli bali gumi nebabili ndiyawa. Wekutanga ndiSimoni, iye unoyi Phethiro, nenun'una uwe Andhireya; Jakobe nkololo waZebhedi naJohane nun'una uwe; 3Filiphi naBhatholomewu; Tomasi naMatewu nketisi; Jakobe nkololo waAlifiyasi naThediyasi; 4Simoni wekuKhenani, naJudasi Isikariyoti, iye wakawuntengesa.
Tumwa kweBadiyiwa bali Gumi nebabili
(Mako 6.7-13; Luka 9.1-6)
5Ibaba beli gumi nebabili Yesu wakabatuma, ebalaya eti, “Musitongoyenda kuBataya, kakale musingine mumizi yemaSamariya. 6Koga yendani kumhwizi dzakalahika dzeludzi gwa Isirayeli. 7Yendani musumikila, muti, ‘Bumambo gwekudzimu gwatjibe pedlo.’ 8Mupodze banogwala, mumuse bafi, mutjenese bagwele bemapele, mutate meyambi. Makawamutjidziwa mpho, ndizo ipani bo mpho. 9Musisenge zeezi, kene siliva, kene mhangula mumamwandabula enyu, 10kene whomo yegwendo, kene zwiyambalo zwibili, kene mbhatata, kene ludozo; ngobe n'hingi wakafanila wahhiwa nezodliwa.”
11“Kene muna wupi ntunhu wamunoba maswika, hakani nhu unaludo gwemuwamutjila, mugale kuwunli mudza mupindila mbeli. 12Hapa muswika munzi, mubalezwe. 13Hapa banhu benzi iwhoyo bemuwamutjila kunyalala kwenyu kube kubali, koga hapa besingamuwamutjile kunyalala kwenyu kubgwilile kumuli. 14#Mih 13.51.Kakale hapa umwe nhu esingawamutjile kene esingawhilile matama enyu, mupule whuluba pamakumbo enyu nelubaka mubhuda mun'umba iyeyo kene munzi iwhoyo. 15Lebeswa, ndoti kumuli, kowhoba kuhine kuhango yeSodoma neGomora muhhuba letongewa pana kunzi iwhoyo.”
Dziyidziwa Kunohha
(Mako 13.9-13; Luka 21.12-17)
16“Ndomutuma semhwizi pakati kwemhele, ndizo tjenjelani senyoka kakale mube basina nlandu senjiba. 17Mube nehhiho bhabi kubanhu, ngobe banowhomuyendesa kumbahhe, bakamuloba mumasinagogu abo, 18kakale mowhoyendesewa kubabhati bemitunhu nekuna bomambo nentha yangu, kuti mube busupi mbeli kwabo nekuBataya. 19Hapa bemusunga, musizwimanikanye nekwetjamunowholeba kene kuti mowholebeleka mutini, tjamunowholeba mowhotjipiwa mulubaka igogo, 20ngobe akuta imwi munowholebeleka, koga iMeya yaTate benyu inolebeleka mumuli.”
21“Nkuluyi nenun'una banowhotengsana kuti umwe abulayiwe, tatayi banowhohandukila mwana, nebana banowhohandukila bazwadzi bakata kuti babulayiwe, 22kakale mowhobengewa nebanhu bose ngentha yezina langu. Koga unosimidzila kukanoti kubupelo unowhotjidziwa. 23Hapa bemudziyidza muwumwe nzi, mutihhile kuwumwe; ngobe lebeswa, ndoti kumuli, amutowhoba mapedza yenda kumizi yose ye Isirayeli, esanhu ahha Nkololo wenhu.”
24“Ndhiyiwa haata pehhugwi kwendhiyi uwe, nenlanda haata pehhugwi kwabatezi babe; 25kwakalizanila kuti ndhiyiwa abe sendhiyi uwe, nenlanda abe sabatezi babe. Hapa kuli kuti badana mweni wenzi beti Bhelezebhule, banowholeba zwakayipa kungapani nekwebanhu benzi uwe!”
Wamakafanila Hla
(Luka 12.2-7)
26“Ndizo musibahle, ngobe akuna tjakafumikiwa tjisingowhozumbunugwa, kene tjakasumbikala tjisingowhozibgwa. 27Tjandinomubudza muhhalima, mutjilebe masikati, netjamunonyebezegwa, mutjimimile muli pehhugwi kwedzin'umba. 28Kakale musihle ibabo banobulaya mbili koga besingatubule bulaya meya, koga ihlani iye unotubula paladza mbili kose nemeya mugehena. 29Bontiintii zwibili azwitotengesewa nepeni? Koga tjin'ompela atjingatange tjikawila pasi kusi kuda kwaTate benyu. 30Koga kene iwo mavudzi emiholo yenyu akabagwa. 31Ndizo, musihle; muna tjilemela kupinda bontiintii zwinjinji.”
Bvuma Nelandula Khirisitu
(Luka 12.8,9)
32“Wose nhu unondibvuma mbeli kwebanhu, nami bo ndowhumbvuma mbeli kwaTate bangu bakudzimu, 33koga yani nani unondilandula mbeli kwebanhu, ndowhowunlandula bo mbeli kwaTate bangu bakudzimu.”
Andizohhisa Kunyalala, Koga Thumo
(Luka 12.51-53; 14.26,27)
34“Musikumbule kuti ndahha ndihhisa kunyalala muhango; andizohha ndihhisa kunyalala, koga ndahhisa thumo. 35Ndahhila whogwisanya nkololo natatayi, nenkololokadzi nameyabe, nlongo namezwale, 36zwita zwenhu kowhoba banhu ben'ha uwe.”
37“Iwhoyo unoda tatayi kene mayi kupinda imi haazondifanila, newunoda nkololo uwe kene nkololokadzi uwe kupinda imi haazondifanila, 38nayiwhoyo usingatole tjileyanyo tjitje ekanditobela, haazondifanila. 39Iwhoyo unowana butjilo gugwe gowhunlahikila, koga iwhoyo unolahikigwa nebutjilo gugwe ngentha yangu unowhoguwana.”
Mbhayilo
(Mako 9.41)
40“Unomuwamutjila unowamutjila imi, newunondiwamutjila unowamutjila wakandituma. 41Iwhoyo unowamutjila nlebesambeli nentha yekuti unlebesambeli unowhowamutjila mbhayilo wenlebesambeli, nayiwhoyo unowamutjila nhu wakalulama nentha yelulama kukwe unowhowamutjila mbhayilo wenhu wakalulama. 42Nayiwhoyo nhu unopa umwe wayibaba batukununu kene nkombe wevula inotonhola ngobe eli ndhiyiwa, lebeswa, ndoti kumuli, atowholahikigwa nembhayilo uwe.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International