Marikus 7
7
Mbode Ma Sere Nja Mbode Man Dola
Mat 15.1-9
1De Parisiyawa nja worosu su male doka Musa de su zo dege Wurishelima su zo tala anya Yesu 2su geni worosu su yayagizi Yesu su ma si mbosi ni nani <<Dodola,>> woto nani de su wonkye ba. 3Parisiyawa nja ririgye Yawudawa su ma si mbosi ba, se su wonkye nani su, sobon kokoyi de su samu anya ni nsu adaatolo su. 4Nde su kuma dege bije sua si mbosi ba, se su yi wonka. wonka ni alada Kankye nsu wonkye koshiya, gbodo, tuni, nja buta.
5Se Parisiyawa nja male doka Musa minya Yesu nkye, <<Mina sa de yayagizi ke su ma biya alada ni nsu salaki mu ba, de su ma si mbosi ni <Nani> dodola?>>
6Yesu keleba nkye, <<Anebi Ishaya yi beta a kiya ku munabuki kyakya la akwanki beyi; yiri de ema a rubuta nkye:
<<Ntani worosu mu su ma ba ni girima ni baki la,
sede dishiya asu yi nyisa nja ni.
7Su ma yi ni bowuta abanza la;
kokoyi asu ma doka ni ntani la.
8Ku bila doka Mirikisi kuma biya kokoyi ntani.>>
9Se Yesu gye su nkye: <<Ku bila doka Mirikisi a keteri de ku biya alada aku! 10Sobon Musa pala nkye, <Ki ba adaa ake nja amaa ake girima, <Guru nsude basi adaa e yi ko amaa e yi e ma dole na su kisa e yi.> 11Sede ku nkye nde nsebeki gye adaa yi ko amaa yi nkye: <Guru mbode kwa samu anya na ema Koban> Woto, kyawuta de ni la sa keteri ba Mirikisi, 12yomu la ku nana yi, de e sua adaa ko amaa e yi nto. 13Yomu na ku la kelima Mirikisi ma mbodaa ba sobon ni alada aku, de ku kokoyi yaya aku. Yomu la kuma yi mbo nyowa.>>
Mbode Yaa sa Nsebeki de E ma Sere Ba
Mat 15.10-20
14Yesu sakye sukwa ntani e gye su nkye, <<Ku zi ni, guru aku, de ku gane. 15Ba mbosi de ma yuru a siki nsebeki dege woze e shiya ma sa nsebeki e ma nsu <Dola> ba. Sede mbode e ma butu dege siki nsebeki e shiya masa nse e ma nsu <Dola.>>> 16Guru nsu kuni zi, e zi.
17A beyi de Yesu bila ntani e yuru a gizi, yayagizi e yi minya e yi maana ni abenshi mu. 18Yesu minya su nkye, <<Oku ma ku gane bo?>> Ba mbosi de e ma yuru a siki nsebeki dege woze e shiya yaa sa nsebeki e ma nsu <Dola ba.> 19Sobon ba e ma yuru a siki dishiya e yi na ba sede ema yuru a siki siki yi la, tuku de e butu a nki yi.>> De Yesu pala yomu, e la guru mbosi ma <<Sere.>>
20Yesu sigeba ni beta nkye: <<Mbode ma butu dege siki nsebeki e shiya yaa sa yi e ma nsu <Dola.> 21Sobon dege siki dishiya nsebeki la, mumungu tunani e ma butu, kankye nsu nungwe berikete, ni bolowa, ni kisa nse, ni kwana ni mata nseda, 22opu, ni mungu mbo, ni shishirigye, ni so zunwa rishi kumnya, ni kyashi nse, ni bebeta nkyaku seni, ni dege kiya nja ali Odundu. 23Guru mumungu ali mu su ma butu dege siki dishiya la osu na su ma sa nsebeki e ma nsu <Dola.>>>
Beigaskye Ni Mase De ma Yawudawa ba
Mat 15.21-28
24Yesu dege bila anya ni e te a kesa Taya nja. Yesu yuru a gizi daa e yeda de nseda e shina ba; nzun yomu e yi yaa boyi kiya e yi ba. 25Dandani mase daa de e zi nabari Yesu, mase de yaa yi ni mase e mani mumungu aworo zo puari a geba Yesu. 26Mase ni ema mase Heleniyawa na, su yapu yi a Pinikiya a kesa ni Suriya. Mase ni ologba Yesu de e kula arizeni bila yaa yi ni mase.
27Yesu gye mase ni nkye, <<Bila yaya dende de su si mbode su ma so,>> <<Sobon e yi kyawu de kula mbosi ni yaya dende ba kere ba.>> 28Mase ni keleba nkye, <<Ee, Obagizi,>> <<sede ko kere sua si mbosi de puari dege kingbolo ni si mbosi yaya dende lo.>>
29Se Yesu gye yi nkye, <<Sobon yiri beta de ki yi, ki te a gizi; arizeni butu bila yaa ake wo.>>
30Mase ni te a gizi e san yaa yi kwakwana a kiya gbodo, arizeni butu bila yi.
Yesu Worikye Kuruma Nja Nsu arishiya loni
31Se Yesu bila kesa Taya e biya Sidon, e te a totolo riki ni Galili nja a siki gunduma Gom. 32Anya ni worosu su ntani su keyi nseminji daa kuruma de eya yi beta sere sere ba zo nshi, su ologba Yesu de e ja nseminji ni nani de e worikye yi.
33A beyi de Yesu ja nseminji ni te a keteri, anya de ntani ma ba, se Yesu sa yaa nani yi a kuni nseminji ni. Se Yesu nya nseminji ni anyanya a kuni e kwa kpa arishiya yi. 34Se Yesu dege ni ndani yi a bisi e shika aminshi nsori gye yi nkye, <<Ipata!>> mane yi ma <<Ki bure!>>. 35Dandani, kuni nseminji ni bure, arishiya yi de loni kunshe e para yi beta kyakyawu.
36Yesu kobe su kede su gye nseda ba. Sede Yesu ma nana su osu kuma su ma sigeba ni beyi nabari mbode paru. 37Ntani su zi mamanki soseyi. Su nkye, <<Yesu yi guru mbo kyakyawu.>> <<E sa kuruma su ma zi nja nsu arishiya loni su ma yi beta.>>
Iliyochaguliwa sasa
Marikus 7: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Marikus 7
7
Mbode Ma Sere Nja Mbode Man Dola
Mat 15.1-9
1De Parisiyawa nja worosu su male doka Musa de su zo dege Wurishelima su zo tala anya Yesu 2su geni worosu su yayagizi Yesu su ma si mbosi ni nani <<Dodola,>> woto nani de su wonkye ba. 3Parisiyawa nja ririgye Yawudawa su ma si mbosi ba, se su wonkye nani su, sobon kokoyi de su samu anya ni nsu adaatolo su. 4Nde su kuma dege bije sua si mbosi ba, se su yi wonka. wonka ni alada Kankye nsu wonkye koshiya, gbodo, tuni, nja buta.
5Se Parisiyawa nja male doka Musa minya Yesu nkye, <<Mina sa de yayagizi ke su ma biya alada ni nsu salaki mu ba, de su ma si mbosi ni <Nani> dodola?>>
6Yesu keleba nkye, <<Anebi Ishaya yi beta a kiya ku munabuki kyakya la akwanki beyi; yiri de ema a rubuta nkye:
<<Ntani worosu mu su ma ba ni girima ni baki la,
sede dishiya asu yi nyisa nja ni.
7Su ma yi ni bowuta abanza la;
kokoyi asu ma doka ni ntani la.
8Ku bila doka Mirikisi kuma biya kokoyi ntani.>>
9Se Yesu gye su nkye: <<Ku bila doka Mirikisi a keteri de ku biya alada aku! 10Sobon Musa pala nkye, <Ki ba adaa ake nja amaa ake girima, <Guru nsude basi adaa e yi ko amaa e yi e ma dole na su kisa e yi.> 11Sede ku nkye nde nsebeki gye adaa yi ko amaa yi nkye: <Guru mbode kwa samu anya na ema Koban> Woto, kyawuta de ni la sa keteri ba Mirikisi, 12yomu la ku nana yi, de e sua adaa ko amaa e yi nto. 13Yomu na ku la kelima Mirikisi ma mbodaa ba sobon ni alada aku, de ku kokoyi yaya aku. Yomu la kuma yi mbo nyowa.>>
Mbode Yaa sa Nsebeki de E ma Sere Ba
Mat 15.10-20
14Yesu sakye sukwa ntani e gye su nkye, <<Ku zi ni, guru aku, de ku gane. 15Ba mbosi de ma yuru a siki nsebeki dege woze e shiya ma sa nsebeki e ma nsu <Dola> ba. Sede mbode e ma butu dege siki nsebeki e shiya masa nse e ma nsu <Dola.>>> 16Guru nsu kuni zi, e zi.
17A beyi de Yesu bila ntani e yuru a gizi, yayagizi e yi minya e yi maana ni abenshi mu. 18Yesu minya su nkye, <<Oku ma ku gane bo?>> Ba mbosi de e ma yuru a siki nsebeki dege woze e shiya yaa sa nsebeki e ma nsu <Dola ba.> 19Sobon ba e ma yuru a siki dishiya e yi na ba sede ema yuru a siki siki yi la, tuku de e butu a nki yi.>> De Yesu pala yomu, e la guru mbosi ma <<Sere.>>
20Yesu sigeba ni beta nkye: <<Mbode ma butu dege siki nsebeki e shiya yaa sa yi e ma nsu <Dola.> 21Sobon dege siki dishiya nsebeki la, mumungu tunani e ma butu, kankye nsu nungwe berikete, ni bolowa, ni kisa nse, ni kwana ni mata nseda, 22opu, ni mungu mbo, ni shishirigye, ni so zunwa rishi kumnya, ni kyashi nse, ni bebeta nkyaku seni, ni dege kiya nja ali Odundu. 23Guru mumungu ali mu su ma butu dege siki dishiya la osu na su ma sa nsebeki e ma nsu <Dola.>>>
Beigaskye Ni Mase De ma Yawudawa ba
Mat 15.21-28
24Yesu dege bila anya ni e te a kesa Taya nja. Yesu yuru a gizi daa e yeda de nseda e shina ba; nzun yomu e yi yaa boyi kiya e yi ba. 25Dandani mase daa de e zi nabari Yesu, mase de yaa yi ni mase e mani mumungu aworo zo puari a geba Yesu. 26Mase ni ema mase Heleniyawa na, su yapu yi a Pinikiya a kesa ni Suriya. Mase ni ologba Yesu de e kula arizeni bila yaa yi ni mase.
27Yesu gye mase ni nkye, <<Bila yaya dende de su si mbode su ma so,>> <<Sobon e yi kyawu de kula mbosi ni yaya dende ba kere ba.>> 28Mase ni keleba nkye, <<Ee, Obagizi,>> <<sede ko kere sua si mbosi de puari dege kingbolo ni si mbosi yaya dende lo.>>
29Se Yesu gye yi nkye, <<Sobon yiri beta de ki yi, ki te a gizi; arizeni butu bila yaa ake wo.>>
30Mase ni te a gizi e san yaa yi kwakwana a kiya gbodo, arizeni butu bila yi.
Yesu Worikye Kuruma Nja Nsu arishiya loni
31Se Yesu bila kesa Taya e biya Sidon, e te a totolo riki ni Galili nja a siki gunduma Gom. 32Anya ni worosu su ntani su keyi nseminji daa kuruma de eya yi beta sere sere ba zo nshi, su ologba Yesu de e ja nseminji ni nani de e worikye yi.
33A beyi de Yesu ja nseminji ni te a keteri, anya de ntani ma ba, se Yesu sa yaa nani yi a kuni nseminji ni. Se Yesu nya nseminji ni anyanya a kuni e kwa kpa arishiya yi. 34Se Yesu dege ni ndani yi a bisi e shika aminshi nsori gye yi nkye, <<Ipata!>> mane yi ma <<Ki bure!>>. 35Dandani, kuni nseminji ni bure, arishiya yi de loni kunshe e para yi beta kyakyawu.
36Yesu kobe su kede su gye nseda ba. Sede Yesu ma nana su osu kuma su ma sigeba ni beyi nabari mbode paru. 37Ntani su zi mamanki soseyi. Su nkye, <<Yesu yi guru mbo kyakyawu.>> <<E sa kuruma su ma zi nja nsu arishiya loni su ma yi beta.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria