Matiyu 5
5
Yesu Kokoyi A kiya Totolo Ogbo
1De Yesu geni ntani tala nyowa, e nyunwa bisi ogbo e zuzunwa. Yayagizi yi zo anya yi, 2Yesu sa kutiri kokoyi su nkye:
Peri siki gaskye
Lk 6.20-23
3<<Anabirika ni Mirikisi ma nja nsu worede su shina mushashi asu a siki Aworo Mirikisi,
solota gizi Mirikisi e ma na su.
4Anabirika ni Mirikisi ma nja nsude sua yi beki siki,
sua samu takuwa Anya Mirikisi.
5Anabirika ni Mirikisi ma nja nsu soki kiya,
sua si gado ni durinya mu.
6Anabirika ni Mirikisi ma nja nsu zi nyunwa nja nsu kishi de su yi mbo gangasi,
Mirikisi yaa koshi nsu.
7Anabirika ni Mirikisi ma nja nsu toseyi,
Mirikisi yaa zi toseyi su.
8Anabirika ni Mirikisi ma nja nsude dishiya asu ema sere,
sua geni Mirikisi.
9Anabirika ni Mirikisi ma nja nsu bila zunwa selema,
sua sukwa asu nkye yaya Mirikisi.
10Anabirika ni Mirikisi ma nja nsu de su ki su sobon yi mbo gangasi anya Mirikisi,
solota gizi bisi ma na su.
11<<Anabirika ni Mirikisi ma nja worede ntani sua basi ku, sua ki ku sua pala guru mbo mumungu a kiya aku sobon e ni. 12Yi peri siki nja dala sobon nani wuta aku ma siki bisi, yomuna su yi nja Anebi de su rigye ku zo.
Giri Nja Asikye
Mk 9.50; Lk 14.34,35
13<<Ku ma kankye giri na a durinya. Sede nde giri bila zanki yi, sede sua nkye kona yaa yi zanki jaja? E mani kyawu mbodaa gagaba, sede sua la yi kutiri de ntani su taka yi a kisi.
14<<Ku ma kankye asikye a durinya. Geri de ma a kiya ogbo yaa boyi ba. 15Ba nsude yaa sa wuta apitila de sa a kisi gbodo ba; sede e la lete ogbolo de e beyi asikye ba guru ntani a gizi. 16E ma yomu na, ku nana asikye ku de ntani su geni, de su geni gangasi ku de su yobo Adaa ku de e ma siki bisi.
Sika Doka Musa Nja Mbode Nsu Anebi Kokoyi.
17<<Kede ku sa dishiya nkye ni zo de ni nana doka ni Anebi Musa; Ni zo de ni nana ba sede ni sika yi. 18Na gye ku gaskye, sede bisi nja kisi su bise, ba mbodaa a siki doka dende ko totolo de yaa butu ba, se kwanki de mbo guru e sika a beta Mirikisi. 19Sobon yomu du nsude nyenteri dende a siki ni doka mu, de e kokoyi worosu de su yi yiride e shi e yi yaa ma dende a siki solota ni bisi, sede guru nsude biya doka nja de kokoyi worosu doka mu yaa ma tolense a siki bisi. 20Mma gye ku nkye, sede gangasi ku te pi ni Parisiyawa nja nsu male ni doka Musa ba, ka taba yuru solota gizi bisi ba.
Kokoyi A kiya ni Anwashi
21<<Ku zi de su pala gye ntani kwanki de bise, <Kede ku kisa nse ba, nsude e kisa nsebeki sua yi shiriya.> 22Sede na gye ku nsude e yi anwashi nja yayiwa e yi sua yi shiriya. Nsude e kwa gye yayiwa e yi nkye, <ki ma Odundu,> sua ka yi ta anyan toree. Nsude gye yayiwa yi nkye, <E ke sari!> sua sa yi a gizi wuta ni Mirikisi.
23<<Sobon yomu na, nde ka sa sedeka ke anya munka sedeka nde ki turunwa nkye yayiwa ke ema mbo da a dishiya yi a kiya ke, 24bila sedeka ke a geba anya munka sedeka. De ki kuma de ki te shiriya nja yayiwa ake, tuku de ki zo sa sedeka ke.
25<<Yi seberi de ku shiriya nja nsu de keyi kara ke, kwanki de ku tuku ma a turiki kami de kwa keyi laki shiriya, nde ku te keyi laki shiriya yaa la ke ba sakada, e shi yaa la ke ba yaya gwala, de su la ke kutiri a siki jaru. 26Na gye ku gaskye, ka butu a woze ba sede ki biya gyolo de sua biya ke guru.
Nsu kwana Nja Mata Nse Da
27<<Ku zi de su pala nkye, <Kede ku kwana nja mata nse da.> 28Sede Na gye ku kuzukam, du nsude kone mase de e yi memeri a dishiya e yi e rigye e kwana nja e shi a dishiya e yi naka. 29Nde ndani ke te sakye de ka yi lepi, butu yi kutiri. E pi de ki lesa ganga nki ke da nja de guru nki ke yaa te a gizi wuta Mirikisi. 30Nde nani ke ni dama sakye de ki yi lepi, yanka yi kutiri. Yaa pi kyawu de ganga nki ke daa e ma ba nja de guru nki ke yuru a gizi wuta Mirikisi.
Kokoyi A kiya Kisa Amere
Mat 19.9; Mk 10.11,12; Lk 16.18
31<<Mirikisi pala nkye, <Guru nsude kula mata yi e beyi takada de nana nkye e kula yi.> 32Sede Na gye ku guru nsu de kula mata yi, mbade e keyi yaa kwana nja yaa minzi da ba, e sa yi de e ma nsu lepi kwana menza worosu su naka, du nsude amere mase de minzi yi kula yi e yi lepi ni kwana nja mata nse da naka.
Kokoyi A kiya Melese
33<<Ku zi de su pala gye ntani de su bise a beyi nkye, <Kede ku yi anikowori ni yaruwa, sede ku keyi anikowori de ku yi nja Obagizi.> 34Sede Na gye ku, kede ku melese ba kyashi: ko ni bisi, sobon e ma anya zunwa Mirikisi la; 35ko nja kisi, sobon e ma anya de Mirikisi yaa sa tapi seni yi la; ko ki melese nja Wurishelima sobon e ma totolo geri ni Seleki la. 36Kede ki melese nja kiya ke, sobon ka yi yaa sa gesa daa de e ma peri ko beki ba. 37Ki pala nkye <ee,> ko <yi,> mbode pi yomu e butu anya mungu nse la.
Yesu Kokoyi A kiya Lama Mbo
Lk 6.29,30
38<<Ku zi de su pala a siki doka Musa nkye, <Ki te butu ndani ni nseda e kuma sua butu ke ndani ake, nde ki butu nseda ankuri, e ke ma sua butu ke ankuri du.> 39Sede Na gye ku, kede ku ki mungu nse ba. Nde nse da mari ke a kumatu ni dama juyi kumatu ni guni beyi de e kwa mari ke. 40Nja ko nse da la ke te a geba shiriya de ki beyi riga ke, bila e yi de e la ogbodo ke du. 41Nde nse daa nsu sori sa ke de ku yi tepiya meli da, te nja nshi ni meli bi. 42Nde nse da ologba ke mbo de ki ma nshi beyi, nsu de bila lemese se anya ke kede ki nane yi ba.
So Oboki Geba Ke
Lk 6.27,28,32-36
43<<Ku zi de su pala a siki takada Mirikisi nkye, <So guru nsude e ma dengeri ke, de ki ki obokigeba ke.> 44Sede Na gye ku: so obokigeba ke nja ki yi worede su ma ki ke lepa, 45Sobon de ku ma yaya ni Adaa ku de ma a siki bisi. Nsu de e sa nana de si walawala ba worede sua yi lepi nja nsu yi kyakyawu, e beyi riki ba nsu de sua yi mbo kyakyawu nja worede ma gangasi ba. 46Nde Kwa so worede sua bila ku na kin, mina ma nani wuta de kwa keleba? Ko nsu keleba gendu sua yi yomu du! 47Nde kwa yi gesuwa nja yayiwa ku na kin, mina ku yi de e pi worosu ntani? Nsu worede de su ma Yawudawa ba sua yi yomu du bo! 48Kuma dedeta, nta yiri de Adaa ku de e ma bisi e ma dedeta.
Iliyochaguliwa sasa
Matiyu 5: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Matiyu 5
5
Yesu Kokoyi A kiya Totolo Ogbo
1De Yesu geni ntani tala nyowa, e nyunwa bisi ogbo e zuzunwa. Yayagizi yi zo anya yi, 2Yesu sa kutiri kokoyi su nkye:
Peri siki gaskye
Lk 6.20-23
3<<Anabirika ni Mirikisi ma nja nsu worede su shina mushashi asu a siki Aworo Mirikisi,
solota gizi Mirikisi e ma na su.
4Anabirika ni Mirikisi ma nja nsude sua yi beki siki,
sua samu takuwa Anya Mirikisi.
5Anabirika ni Mirikisi ma nja nsu soki kiya,
sua si gado ni durinya mu.
6Anabirika ni Mirikisi ma nja nsu zi nyunwa nja nsu kishi de su yi mbo gangasi,
Mirikisi yaa koshi nsu.
7Anabirika ni Mirikisi ma nja nsu toseyi,
Mirikisi yaa zi toseyi su.
8Anabirika ni Mirikisi ma nja nsude dishiya asu ema sere,
sua geni Mirikisi.
9Anabirika ni Mirikisi ma nja nsu bila zunwa selema,
sua sukwa asu nkye yaya Mirikisi.
10Anabirika ni Mirikisi ma nja nsu de su ki su sobon yi mbo gangasi anya Mirikisi,
solota gizi bisi ma na su.
11<<Anabirika ni Mirikisi ma nja worede ntani sua basi ku, sua ki ku sua pala guru mbo mumungu a kiya aku sobon e ni. 12Yi peri siki nja dala sobon nani wuta aku ma siki bisi, yomuna su yi nja Anebi de su rigye ku zo.
Giri Nja Asikye
Mk 9.50; Lk 14.34,35
13<<Ku ma kankye giri na a durinya. Sede nde giri bila zanki yi, sede sua nkye kona yaa yi zanki jaja? E mani kyawu mbodaa gagaba, sede sua la yi kutiri de ntani su taka yi a kisi.
14<<Ku ma kankye asikye a durinya. Geri de ma a kiya ogbo yaa boyi ba. 15Ba nsude yaa sa wuta apitila de sa a kisi gbodo ba; sede e la lete ogbolo de e beyi asikye ba guru ntani a gizi. 16E ma yomu na, ku nana asikye ku de ntani su geni, de su geni gangasi ku de su yobo Adaa ku de e ma siki bisi.
Sika Doka Musa Nja Mbode Nsu Anebi Kokoyi.
17<<Kede ku sa dishiya nkye ni zo de ni nana doka ni Anebi Musa; Ni zo de ni nana ba sede ni sika yi. 18Na gye ku gaskye, sede bisi nja kisi su bise, ba mbodaa a siki doka dende ko totolo de yaa butu ba, se kwanki de mbo guru e sika a beta Mirikisi. 19Sobon yomu du nsude nyenteri dende a siki ni doka mu, de e kokoyi worosu de su yi yiride e shi e yi yaa ma dende a siki solota ni bisi, sede guru nsude biya doka nja de kokoyi worosu doka mu yaa ma tolense a siki bisi. 20Mma gye ku nkye, sede gangasi ku te pi ni Parisiyawa nja nsu male ni doka Musa ba, ka taba yuru solota gizi bisi ba.
Kokoyi A kiya ni Anwashi
21<<Ku zi de su pala gye ntani kwanki de bise, <Kede ku kisa nse ba, nsude e kisa nsebeki sua yi shiriya.> 22Sede na gye ku nsude e yi anwashi nja yayiwa e yi sua yi shiriya. Nsude e kwa gye yayiwa e yi nkye, <ki ma Odundu,> sua ka yi ta anyan toree. Nsude gye yayiwa yi nkye, <E ke sari!> sua sa yi a gizi wuta ni Mirikisi.
23<<Sobon yomu na, nde ka sa sedeka ke anya munka sedeka nde ki turunwa nkye yayiwa ke ema mbo da a dishiya yi a kiya ke, 24bila sedeka ke a geba anya munka sedeka. De ki kuma de ki te shiriya nja yayiwa ake, tuku de ki zo sa sedeka ke.
25<<Yi seberi de ku shiriya nja nsu de keyi kara ke, kwanki de ku tuku ma a turiki kami de kwa keyi laki shiriya, nde ku te keyi laki shiriya yaa la ke ba sakada, e shi yaa la ke ba yaya gwala, de su la ke kutiri a siki jaru. 26Na gye ku gaskye, ka butu a woze ba sede ki biya gyolo de sua biya ke guru.
Nsu kwana Nja Mata Nse Da
27<<Ku zi de su pala nkye, <Kede ku kwana nja mata nse da.> 28Sede Na gye ku kuzukam, du nsude kone mase de e yi memeri a dishiya e yi e rigye e kwana nja e shi a dishiya e yi naka. 29Nde ndani ke te sakye de ka yi lepi, butu yi kutiri. E pi de ki lesa ganga nki ke da nja de guru nki ke yaa te a gizi wuta Mirikisi. 30Nde nani ke ni dama sakye de ki yi lepi, yanka yi kutiri. Yaa pi kyawu de ganga nki ke daa e ma ba nja de guru nki ke yuru a gizi wuta Mirikisi.
Kokoyi A kiya Kisa Amere
Mat 19.9; Mk 10.11,12; Lk 16.18
31<<Mirikisi pala nkye, <Guru nsude kula mata yi e beyi takada de nana nkye e kula yi.> 32Sede Na gye ku guru nsu de kula mata yi, mbade e keyi yaa kwana nja yaa minzi da ba, e sa yi de e ma nsu lepi kwana menza worosu su naka, du nsude amere mase de minzi yi kula yi e yi lepi ni kwana nja mata nse da naka.
Kokoyi A kiya Melese
33<<Ku zi de su pala gye ntani de su bise a beyi nkye, <Kede ku yi anikowori ni yaruwa, sede ku keyi anikowori de ku yi nja Obagizi.> 34Sede Na gye ku, kede ku melese ba kyashi: ko ni bisi, sobon e ma anya zunwa Mirikisi la; 35ko nja kisi, sobon e ma anya de Mirikisi yaa sa tapi seni yi la; ko ki melese nja Wurishelima sobon e ma totolo geri ni Seleki la. 36Kede ki melese nja kiya ke, sobon ka yi yaa sa gesa daa de e ma peri ko beki ba. 37Ki pala nkye <ee,> ko <yi,> mbode pi yomu e butu anya mungu nse la.
Yesu Kokoyi A kiya Lama Mbo
Lk 6.29,30
38<<Ku zi de su pala a siki doka Musa nkye, <Ki te butu ndani ni nseda e kuma sua butu ke ndani ake, nde ki butu nseda ankuri, e ke ma sua butu ke ankuri du.> 39Sede Na gye ku, kede ku ki mungu nse ba. Nde nse da mari ke a kumatu ni dama juyi kumatu ni guni beyi de e kwa mari ke. 40Nja ko nse da la ke te a geba shiriya de ki beyi riga ke, bila e yi de e la ogbodo ke du. 41Nde nse daa nsu sori sa ke de ku yi tepiya meli da, te nja nshi ni meli bi. 42Nde nse da ologba ke mbo de ki ma nshi beyi, nsu de bila lemese se anya ke kede ki nane yi ba.
So Oboki Geba Ke
Lk 6.27,28,32-36
43<<Ku zi de su pala a siki takada Mirikisi nkye, <So guru nsude e ma dengeri ke, de ki ki obokigeba ke.> 44Sede Na gye ku: so obokigeba ke nja ki yi worede su ma ki ke lepa, 45Sobon de ku ma yaya ni Adaa ku de ma a siki bisi. Nsu de e sa nana de si walawala ba worede sua yi lepi nja nsu yi kyakyawu, e beyi riki ba nsu de sua yi mbo kyakyawu nja worede ma gangasi ba. 46Nde Kwa so worede sua bila ku na kin, mina ma nani wuta de kwa keleba? Ko nsu keleba gendu sua yi yomu du! 47Nde kwa yi gesuwa nja yayiwa ku na kin, mina ku yi de e pi worosu ntani? Nsu worede de su ma Yawudawa ba sua yi yomu du bo! 48Kuma dedeta, nta yiri de Adaa ku de e ma bisi e ma dedeta.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria