Matiyu 23
23
Yesu Biriza Asiri Toree Susupe Anikowori nja Parisiyawa
Mk 12.38,39; Lk 11.43,46; 20.45,46
1Se Yesu gye yowa ntani nja yayagizi yi nkye. 2<<Male ni kokoyi doka Musa, nja parisiyawa su zunwa a kingbolo ni Musa.> 3Sobon yomu dole ku ba su girima de ku biya guru mbode su gye ku nkye ku yi. Sede kede ku yi mbode su ma yi, sobon su ma yi mbode doka Musa pala ba. 4Sua domuna ka yi nsu loni nja Genbeki la ja ntani a kiya, sede osu sua ko kpa yaa nani asu de su sua su to ni la keyi ni ba.
5<<Guru mbode sua yi, sua yi de ntani su geni su. Kone lendee asu eman beta Mirikisi a siki yi de su la domuna agan asu, kone yiri girima de e sonka ari gunyam; 6Sua so de su ba su girima anya buki nja zunwa kingbolo nsu girima a siki kolonwa; 7sua so de su geshe su nja bayi girima a siki bije, de ntani su sukwa su <Male,>
8<<Sede e yi kyawu de su sukwa ku <Male ba,> sobon kuma male daa na se guru aku kuma yayiwa nkyaku na. 9Kede ku sukwa nseda a durinya mu <Adaa ba>, sobon kuma ni Adaa daa na, nsude e ma a siki bisi. 10Kede oku ma su sukwa aku <Male ba>, sobon kuma male daa de e ma Yesu kiristi. 11Nsu de e ma tolense a siki aku dole e ma bunwa aku. 12Guru nsude e la kiya e yi e ma tolense Mirikisi yaa kuman shi ma yaa dende, nsude e la kiya yi e ma yaa dende, Mirikisi yaa sa yi ma tolense.
Yesu Bebeta Anki Geni Ndani
Mk 12.40; Lk 11.39-42,44,52; 20.47
13Gbotuma aku, male ni doka Musa nja ntani parisiyawa, Munabuki! Ku ripe turiki solota ni bisi a pisika ni ntani, oku nkyaku ku yuru ba, ku bila worosu de sua yi kokori yuru de su yuru ba. 14Gbotuma aku, male ni doka Musa nja parisiyawa, munabuki! Kwa si keyi mata makeyi nja yi nyisa lepa! dun su geni ku. nkaa yomu sua yi ku poro nyowa.
15<<Gbotuma aku, male ni doka Musa nja parisiyawa, Munabuki! Kuma tepiya yenteri totolo riki nja kesa kwa juyi nseda de ema daa ku; nde ema daa ku, kwa sayi de ema yaa wuta yiride ku ma.
16<<Gbotuma aku, nsu jaa makapi! Ku kokoyi nkye, <Nde nseda melese ni laki Mirikisi, ema mbodaa ba; sede nde e melese ni zinari de ma a siki laki ni Mirikisi, dole la melese sakisi.> 17Eke makapi Odundu! Mina pi kyawu, zinari na ko laki Mirikisi de sa zinari ma nsuseki? 18Ku kwa nkye, <Nde nse daa melese ni bagedi ni Mirikisi, melese yi keyi ema mbo daa ba; sede nde e melese ni kyawuta de ma kiya anya sedeka ni Mirikisi, dole la melese sakisi.> 19Oku makapi ntani! Mina e pi kyawu, sedeka ko bagedi ni Mirikisi de sa sedeka ma nsuseki? 20Nkaa yomu, nsu de melese nja bagedi ni Mirikisi, e melese nshi na nja kuma guru sedeka de ma a kiya e yi. 21Nja Nsu de melese ni laki Mirikisi, e melese ni Mirikisi nja mbode ma a siki e yi. 22Du nsude melese ni bisi e melese ni kingbolo solota Mirikisi nja Mirikisi de zuzunwa a kiya e yi.
23<<Gbotuma aku, Male ni doka Musa nja parisiyawa, Munabuki! Kuma ba Mirikisi sedeka daa a siki gom ni keyi bikiya aku, genya ni yaji nja otoruwa, sede ku ki mbode pi kyawu a siki doka shiriya, toseyi, gaskye nja aminshi. E man kyawu de ku kokoyi yiri mbo woromu na e yi kyawu de ku yi su, kede ku bila su ba. 24Oku nsu jaa makapi! Kuma tasi oshunsho, sede kuma sherenka nakurimi.
25<<Gbotuma aku, Male doka Musa nja parisiyawa, munabuki! Kuma kankye nsu wonkye beyi ni koshiya nja gongo, sede siki e yi mani sere ba. 26Makapi parisiyawa! Ku shire siki ni koshiya nja gongo tuku, de woze yi ma sere du.
27<<Gbotuma aku, male doka Musa nja parisiyawa, munabuki! Kwa yi kankye kumsha de su shapa peri penti, de su gyala woze yi sere, sede siki siki yi ema zala keshi ntani nja rurubu nki gan de ma sere ba. 28Yomu na oku ma, ntani ma kone ku nta kuma ntani gangasi na, sede a siki dishiya aku sika ni munabuki nja mungu mbo.
Yesu Pala yi poro su
Lk 11.47-51
29<<Gbotuma aku, male doka Musa nja parisiyawa, munabuki! Kuma gyala kumsha kyakyawu sobon anebi kuma gyala anya bishina nsu gangasi tunde suman leyi. 30Ku nkye, <Daa su nkye muma a kwanki ni nsu adaatolo amu, de mua yada nani ni kisa nsu anebi.> 31Kuzukam ku beyi sheeda kuma yaya ni worede su kisa anebi la. 32Ku sika, se, gongo ni lepi ni nsu adaatolo aku su yi!
33<<Oku mesi! Oku yaya ogbozi! Kwa yi yaya na de kwa yuru a poro gizi wuta ba? 34Nkaa yomu Na saka ku anebi, nja nsu simi, nja male. Kwa kisa worosu asu kwa lete worosu a bisi ni gidiri, kwa yi worosu asu amberemu a siki kolonwa aku nja kula su dege geri da ta geri da. 35Na saka ntani mu ni a laki ni zini nsu ntani gangasi worede su kisa a durinya mu, dege kiya ni Abila nse gangasi zo a kiya ni Zakariya yaa ni Berekiya, de ku kisa a sisika ni anya munka sedeka. 36Na gye ku gaskye, guru mbo mu woromu yaa zo a kiya ni ntani kwanki mu.
Yesu So Ntani Wurishelima
Lk 13.34,35
37<<Aya oku ntani Wurishelima, ntani Wurishelima, oku de ku kisa Anebi ku ripi worede de ni saka su zo anya ku ndunsi, sonkwana ni ma bila de ntala yaya ku gabada, yiri de kaza yaa tala yaya yi a siki a gonki keleba yi sede ku ki. 38Kone, gizi aku ema kupayi. 39Na pala gye ku, kwa geni ni gagaba se nana de ku nkye, <Anabirika ma nja nsu de yaa zo a siki seni ni Obagizi.>>>
Iliyochaguliwa sasa
Matiyu 23: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Matiyu 23
23
Yesu Biriza Asiri Toree Susupe Anikowori nja Parisiyawa
Mk 12.38,39; Lk 11.43,46; 20.45,46
1Se Yesu gye yowa ntani nja yayagizi yi nkye. 2<<Male ni kokoyi doka Musa, nja parisiyawa su zunwa a kingbolo ni Musa.> 3Sobon yomu dole ku ba su girima de ku biya guru mbode su gye ku nkye ku yi. Sede kede ku yi mbode su ma yi, sobon su ma yi mbode doka Musa pala ba. 4Sua domuna ka yi nsu loni nja Genbeki la ja ntani a kiya, sede osu sua ko kpa yaa nani asu de su sua su to ni la keyi ni ba.
5<<Guru mbode sua yi, sua yi de ntani su geni su. Kone lendee asu eman beta Mirikisi a siki yi de su la domuna agan asu, kone yiri girima de e sonka ari gunyam; 6Sua so de su ba su girima anya buki nja zunwa kingbolo nsu girima a siki kolonwa; 7sua so de su geshe su nja bayi girima a siki bije, de ntani su sukwa su <Male,>
8<<Sede e yi kyawu de su sukwa ku <Male ba,> sobon kuma male daa na se guru aku kuma yayiwa nkyaku na. 9Kede ku sukwa nseda a durinya mu <Adaa ba>, sobon kuma ni Adaa daa na, nsude e ma a siki bisi. 10Kede oku ma su sukwa aku <Male ba>, sobon kuma male daa de e ma Yesu kiristi. 11Nsu de e ma tolense a siki aku dole e ma bunwa aku. 12Guru nsude e la kiya e yi e ma tolense Mirikisi yaa kuman shi ma yaa dende, nsude e la kiya yi e ma yaa dende, Mirikisi yaa sa yi ma tolense.
Yesu Bebeta Anki Geni Ndani
Mk 12.40; Lk 11.39-42,44,52; 20.47
13Gbotuma aku, male ni doka Musa nja ntani parisiyawa, Munabuki! Ku ripe turiki solota ni bisi a pisika ni ntani, oku nkyaku ku yuru ba, ku bila worosu de sua yi kokori yuru de su yuru ba. 14Gbotuma aku, male ni doka Musa nja parisiyawa, munabuki! Kwa si keyi mata makeyi nja yi nyisa lepa! dun su geni ku. nkaa yomu sua yi ku poro nyowa.
15<<Gbotuma aku, male ni doka Musa nja parisiyawa, Munabuki! Kuma tepiya yenteri totolo riki nja kesa kwa juyi nseda de ema daa ku; nde ema daa ku, kwa sayi de ema yaa wuta yiride ku ma.
16<<Gbotuma aku, nsu jaa makapi! Ku kokoyi nkye, <Nde nseda melese ni laki Mirikisi, ema mbodaa ba; sede nde e melese ni zinari de ma a siki laki ni Mirikisi, dole la melese sakisi.> 17Eke makapi Odundu! Mina pi kyawu, zinari na ko laki Mirikisi de sa zinari ma nsuseki? 18Ku kwa nkye, <Nde nse daa melese ni bagedi ni Mirikisi, melese yi keyi ema mbo daa ba; sede nde e melese ni kyawuta de ma kiya anya sedeka ni Mirikisi, dole la melese sakisi.> 19Oku makapi ntani! Mina e pi kyawu, sedeka ko bagedi ni Mirikisi de sa sedeka ma nsuseki? 20Nkaa yomu, nsu de melese nja bagedi ni Mirikisi, e melese nshi na nja kuma guru sedeka de ma a kiya e yi. 21Nja Nsu de melese ni laki Mirikisi, e melese ni Mirikisi nja mbode ma a siki e yi. 22Du nsude melese ni bisi e melese ni kingbolo solota Mirikisi nja Mirikisi de zuzunwa a kiya e yi.
23<<Gbotuma aku, Male ni doka Musa nja parisiyawa, Munabuki! Kuma ba Mirikisi sedeka daa a siki gom ni keyi bikiya aku, genya ni yaji nja otoruwa, sede ku ki mbode pi kyawu a siki doka shiriya, toseyi, gaskye nja aminshi. E man kyawu de ku kokoyi yiri mbo woromu na e yi kyawu de ku yi su, kede ku bila su ba. 24Oku nsu jaa makapi! Kuma tasi oshunsho, sede kuma sherenka nakurimi.
25<<Gbotuma aku, Male doka Musa nja parisiyawa, munabuki! Kuma kankye nsu wonkye beyi ni koshiya nja gongo, sede siki e yi mani sere ba. 26Makapi parisiyawa! Ku shire siki ni koshiya nja gongo tuku, de woze yi ma sere du.
27<<Gbotuma aku, male doka Musa nja parisiyawa, munabuki! Kwa yi kankye kumsha de su shapa peri penti, de su gyala woze yi sere, sede siki siki yi ema zala keshi ntani nja rurubu nki gan de ma sere ba. 28Yomu na oku ma, ntani ma kone ku nta kuma ntani gangasi na, sede a siki dishiya aku sika ni munabuki nja mungu mbo.
Yesu Pala yi poro su
Lk 11.47-51
29<<Gbotuma aku, male doka Musa nja parisiyawa, munabuki! Kuma gyala kumsha kyakyawu sobon anebi kuma gyala anya bishina nsu gangasi tunde suman leyi. 30Ku nkye, <Daa su nkye muma a kwanki ni nsu adaatolo amu, de mua yada nani ni kisa nsu anebi.> 31Kuzukam ku beyi sheeda kuma yaya ni worede su kisa anebi la. 32Ku sika, se, gongo ni lepi ni nsu adaatolo aku su yi!
33<<Oku mesi! Oku yaya ogbozi! Kwa yi yaya na de kwa yuru a poro gizi wuta ba? 34Nkaa yomu Na saka ku anebi, nja nsu simi, nja male. Kwa kisa worosu asu kwa lete worosu a bisi ni gidiri, kwa yi worosu asu amberemu a siki kolonwa aku nja kula su dege geri da ta geri da. 35Na saka ntani mu ni a laki ni zini nsu ntani gangasi worede su kisa a durinya mu, dege kiya ni Abila nse gangasi zo a kiya ni Zakariya yaa ni Berekiya, de ku kisa a sisika ni anya munka sedeka. 36Na gye ku gaskye, guru mbo mu woromu yaa zo a kiya ni ntani kwanki mu.
Yesu So Ntani Wurishelima
Lk 13.34,35
37<<Aya oku ntani Wurishelima, ntani Wurishelima, oku de ku kisa Anebi ku ripi worede de ni saka su zo anya ku ndunsi, sonkwana ni ma bila de ntala yaya ku gabada, yiri de kaza yaa tala yaya yi a siki a gonki keleba yi sede ku ki. 38Kone, gizi aku ema kupayi. 39Na pala gye ku, kwa geni ni gagaba se nana de ku nkye, <Anabirika ma nja nsu de yaa zo a siki seni ni Obagizi.>>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria