Matiyu 19
19
Yesu Kokoyi A kiya Laba Amere
Mk 10.1-12
1De Yesu gama pala mbo worosu mu e bila Galili ta kesa yawudiya a turiki de e ma gunduma totolo riki ni Yoda. 2Ntani yowa su biya e yi, E worikye su guru suwo asu anya ni.
3Woron su Parisiyawa su zo anya Yesu su minya yi nkye, <<Eman kyawu de nseminji e kula mata e yi a kiya kowon mbo de e paru?>>
4<<Yesu minya su nkye,>> Ku karanta takada Mirikisi bo, de pala nkye dege pari de Mirikisi yi ntani, <E yi nseminji nja mase,> 5e pala nkye, <Sobon yomu nse Minzi yaa bila adaa yi nja amaa yi de e mala mata yi, sua ma bi gagaba sede sua ma ologba nki daa>? 6Kuzukam su ma ntani bi gagaba, sede nse daa. Nkaa yomu mbode Mirikisi gama kede nsebeki e laba. 7Parisiyawa su minya nkye, <<Mina sa>> de Musa beyi doka nkye nse minzi e ba mata e yi takada de e shika e yi?>>
8Yesu gye su nkye, <<Musa gye ku de ku kula mata aku sobon tori dishiya aku de kuman shi. e ma yomu na a pari ba. 9Na gye ku nkye, guru nseminji de kula mata e yi, mba dun de e keyi kwana nja minzi nseda ba, du nsu amere mase ni, e yi lepi.>> 10Yayagizi e yi gye yi nkye, <<Nde amere yaa ma yomu, e yi kyawu de mu yi amere ba.>> 11Yesu gye su nkye ba kowon se yaa yeda beta mu naba, sede nsu worosu de Mirikisi yeda su de su yi. 12Worosu menza tunde Mirikisi yi su su ma kankye nse minzi ba, worosu su nsebeki na yi su, worosu su su yi nkyasu sobon de su gye ntani beta solota Mirikisi. Guru nsude yeda beta mu se la.
Yesu sa Yaya Dende Anabirika
Mk 10.13-16; Lk 18.15-17
13Se ntani kwa yi yaya dende zo de Yesu e sa su nani de yi su lepa. Se yayagizi yi kwabe nsu worede su zo yaya dende. 14Yesu gye su nkye, <<Ku bila yaya dende de su zo anya na, kede ku nana su ba, gizi Mirikisi e ma ni worede su ma kankye yaya dende.>> 15De Yesu sa nani anabirika a kiya su, se e dege bila anya ni te ma yi.
Yaa Sambari Nsu Mbo A nani
Mk 10.17-31; Lk 18.18-30
16Kuzukam nseminji daa zo anya Yesu e minya nkye, <<Male, mina kyakyawu Na yi de Na samu leyi ni dindindin?>> 17<<Yesu gye yi nkye! Mina sa de ka minya ni beta a kiya nsude e man kyakyawu?>> <<Nse daa e man kyakyawu ba se Mirikisi. Sede ki biya Mbode doka pala>> Mirikisi e shiya sakye de ka man leyi ni dindindin.
18<<Nse minzi ni minya Yesu nkye doka wona?>>
Yesu gye yi nkye kede ki kisa nse ba, <<<Kede ki kwana nja mata nseda ba, kede ki yi bolowa ba, kede ki beyi sheeda yaruwa ba. 19Ki ba Adaa ake nja Amaa ake girima,> nja de <Ki so dengeri ake yiride ka so kiya ake.>>> 20<<Yaa sambari ni pala nkye Ni yi mbo guru de ka pala mu. Mina kwa rigye de na yi?>> 21Yesu pala gye yi nkye, <<Nde ka so de ki ma kyakya, te, la mbo guru de ki ma shi see de ki laba ba potoruwa, tukuna ka mani mbo nani ake a bisi. se ki zo biya ni.>>
22De yaa sambari mu zi mbode Yesu pala, e yi anwashi te ma yi, sobon e mani mbo nani nyowa. 23Se Yesu gye yayagizi e yi nkye, <<Na gye ku gaskye, e man Genbeki de nsu mbo nani nyowa e yuru a solota gizi bisi. 24Ku zi Na sakye gye ku, e pi de nakurimi a biya ndani ni aromuna de nsu nani e yuru a solota ni Mirikisi.>>
25De yayagizi e yi su zi beta de e pala, su yi mamanki nyowa, Su pala nkye, nde yaa ma yomu, <<Se waa na yaa sila?>>
26De Yesu zi kone su nkye, <<Anya nsebeki e man wuya, sede anya Mirikisi e man wuya ba.>>
27Biturusu pala nkye. Ki shina ma ke nta, <<Mu bila mbo guru mua biya ke! Omu de mua biya ke Minana mua samu?>>
28Yesu gye su nkye, Na gye ku gaskye, a kwanki de yaa zo gyala guru mbo, Yaa nsebeki yaa zunwa a kingbolo solota yi nsu dereja a sabuwa sana. Oku worede ku biya ni kwa zunwa a kingbolo solota gom, de ku yi shiriya nja gizi ni Izireyila gom sha bi. 29Guru nsude bila gizi yi, ko yayiwa yi menza ko mata, ko Adaa yi ko Amaa yi, ko mata yi ko yaya yi, ko bikiya yi sobon eni yaa keleba nani wuta sen deri nja leyi ni dindindin. 30Sede nsu worede su ma pari sua zo ma karishe worede su ma karishe sua zo ma pari.
Iliyochaguliwa sasa
Matiyu 19: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Matiyu 19
19
Yesu Kokoyi A kiya Laba Amere
Mk 10.1-12
1De Yesu gama pala mbo worosu mu e bila Galili ta kesa yawudiya a turiki de e ma gunduma totolo riki ni Yoda. 2Ntani yowa su biya e yi, E worikye su guru suwo asu anya ni.
3Woron su Parisiyawa su zo anya Yesu su minya yi nkye, <<Eman kyawu de nseminji e kula mata e yi a kiya kowon mbo de e paru?>>
4<<Yesu minya su nkye,>> Ku karanta takada Mirikisi bo, de pala nkye dege pari de Mirikisi yi ntani, <E yi nseminji nja mase,> 5e pala nkye, <Sobon yomu nse Minzi yaa bila adaa yi nja amaa yi de e mala mata yi, sua ma bi gagaba sede sua ma ologba nki daa>? 6Kuzukam su ma ntani bi gagaba, sede nse daa. Nkaa yomu mbode Mirikisi gama kede nsebeki e laba. 7Parisiyawa su minya nkye, <<Mina sa>> de Musa beyi doka nkye nse minzi e ba mata e yi takada de e shika e yi?>>
8Yesu gye su nkye, <<Musa gye ku de ku kula mata aku sobon tori dishiya aku de kuman shi. e ma yomu na a pari ba. 9Na gye ku nkye, guru nseminji de kula mata e yi, mba dun de e keyi kwana nja minzi nseda ba, du nsu amere mase ni, e yi lepi.>> 10Yayagizi e yi gye yi nkye, <<Nde amere yaa ma yomu, e yi kyawu de mu yi amere ba.>> 11Yesu gye su nkye ba kowon se yaa yeda beta mu naba, sede nsu worosu de Mirikisi yeda su de su yi. 12Worosu menza tunde Mirikisi yi su su ma kankye nse minzi ba, worosu su nsebeki na yi su, worosu su su yi nkyasu sobon de su gye ntani beta solota Mirikisi. Guru nsude yeda beta mu se la.
Yesu sa Yaya Dende Anabirika
Mk 10.13-16; Lk 18.15-17
13Se ntani kwa yi yaya dende zo de Yesu e sa su nani de yi su lepa. Se yayagizi yi kwabe nsu worede su zo yaya dende. 14Yesu gye su nkye, <<Ku bila yaya dende de su zo anya na, kede ku nana su ba, gizi Mirikisi e ma ni worede su ma kankye yaya dende.>> 15De Yesu sa nani anabirika a kiya su, se e dege bila anya ni te ma yi.
Yaa Sambari Nsu Mbo A nani
Mk 10.17-31; Lk 18.18-30
16Kuzukam nseminji daa zo anya Yesu e minya nkye, <<Male, mina kyakyawu Na yi de Na samu leyi ni dindindin?>> 17<<Yesu gye yi nkye! Mina sa de ka minya ni beta a kiya nsude e man kyakyawu?>> <<Nse daa e man kyakyawu ba se Mirikisi. Sede ki biya Mbode doka pala>> Mirikisi e shiya sakye de ka man leyi ni dindindin.
18<<Nse minzi ni minya Yesu nkye doka wona?>>
Yesu gye yi nkye kede ki kisa nse ba, <<<Kede ki kwana nja mata nseda ba, kede ki yi bolowa ba, kede ki beyi sheeda yaruwa ba. 19Ki ba Adaa ake nja Amaa ake girima,> nja de <Ki so dengeri ake yiride ka so kiya ake.>>> 20<<Yaa sambari ni pala nkye Ni yi mbo guru de ka pala mu. Mina kwa rigye de na yi?>> 21Yesu pala gye yi nkye, <<Nde ka so de ki ma kyakya, te, la mbo guru de ki ma shi see de ki laba ba potoruwa, tukuna ka mani mbo nani ake a bisi. se ki zo biya ni.>>
22De yaa sambari mu zi mbode Yesu pala, e yi anwashi te ma yi, sobon e mani mbo nani nyowa. 23Se Yesu gye yayagizi e yi nkye, <<Na gye ku gaskye, e man Genbeki de nsu mbo nani nyowa e yuru a solota gizi bisi. 24Ku zi Na sakye gye ku, e pi de nakurimi a biya ndani ni aromuna de nsu nani e yuru a solota ni Mirikisi.>>
25De yayagizi e yi su zi beta de e pala, su yi mamanki nyowa, Su pala nkye, nde yaa ma yomu, <<Se waa na yaa sila?>>
26De Yesu zi kone su nkye, <<Anya nsebeki e man wuya, sede anya Mirikisi e man wuya ba.>>
27Biturusu pala nkye. Ki shina ma ke nta, <<Mu bila mbo guru mua biya ke! Omu de mua biya ke Minana mua samu?>>
28Yesu gye su nkye, Na gye ku gaskye, a kwanki de yaa zo gyala guru mbo, Yaa nsebeki yaa zunwa a kingbolo solota yi nsu dereja a sabuwa sana. Oku worede ku biya ni kwa zunwa a kingbolo solota gom, de ku yi shiriya nja gizi ni Izireyila gom sha bi. 29Guru nsude bila gizi yi, ko yayiwa yi menza ko mata, ko Adaa yi ko Amaa yi, ko mata yi ko yaya yi, ko bikiya yi sobon eni yaa keleba nani wuta sen deri nja leyi ni dindindin. 30Sede nsu worede su ma pari sua zo ma karishe worede su ma karishe sua zo ma pari.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria