Matiyu 16
16
Ntani Sua Bila Alama
Mk 8.11-13; Lk 12.54-56
1Parisiyawa nja sadokiyawa su zo anya Yesu de su gwada yi, su minya yi de e nana su alama dege bisi.
2Yesu keleba nkye, <<De nyema yi, kwa pala nkye, <Anya seenyi kyakyawu, sobon de gidagida yi zaan.> 3Nde anya kwa yi, <Kwa nkye sua yi riki, sobon gidagida yi beki.> Ku shina yiride bisi juyi nde ku kone gidagida, sede kwa geni alama ni kwanki mu ba. 4Ntani ni sana mu! mungu ntani nja mere aminshi anya Mirikisi su ma bila alama, sua nana su nshi ba sede alama ni anebi Yunusa.>>
Yesu bila su te ma yi.
Derigaza ni Parisiyawa nja Sadokiyawa
Mk 8.14-21
5De Yesu nja yayagizi yi nyenteri riki te keteri, su mosi de su keyi buredi. 6Yesu gye su yayagizi yi nkye, <<Mani ankeli aku,>> Ku kone kiya ku a kiya derigaza ni parisiyawa nja sadokiyawa.>>
7Su yi beta nja nki asu nkye, <<Sobon de mu keyi buredi ba.>>
8Shina mbode sua pala nja nki asu, Yesu minya su nkye, <<Oku de kuma ni beigaskye ba, mina saa de kwa pala gye nkyaku nkye ku man buredi ba? 9Ari kuzukam ku gane ni bo? Ku turunwa ni buredi biyari de Ni si ni ntani dupu biyari mu bo? Obubu kona de sika na ku kwa yi? 10Ko buredi bokwe de ni si ni ntani dupu wuru, obubu kona sika de ku kwa yi tala? 11Minana sa de ku gane nkye na yi beta nja ku a kiya buredi naba? Ku mani ankeli nja nki aku a kiya ni derigaza ni Parisiyawa nja Sadokiyawa.>> 12Anya ni yayagizi e yi su shina nkye Yesu yaa yi beta nja su a kiya derigaza de sua nya aburedi naba, sede a kiya mbode Parisiyawa nja Sadokiyawa sua kokoyi la.
Biturusu Sheeda Yesu Ma Kiristi
Mk 8.27-30; Lk 9.18-21
13De Yesu zo gunduma ni keseriya Pilibi, e minya yayagizi yi nkye, <<Ntani su ma nkye Yaa nsebeki ema waa?>> 14Su keleba nkye, <<Worosu su man nkye ki ma Yaaya nsu tunkwasa la; Worosu su nkye Iliya; nja worosu nkye, Yirimiya ko daa a siki Anebi la.>>
15Yesu minya nkye, <<Sede oku paa,>> ku nkye Ni ma waa?>>
16Sima Biturusu keleba nkye, <<Ki ma Kiristi Yaa Mirikisi nsu leyi.>>
17Yesu keleba, <<Anabirika ma nja ke, Sima yaa ni Yunusa, Gaskye mu butu anya nsebeki naba, sede anya Adaa na ni siki bisi. 18Sede Na gye ke, Biturusu, ki ma dunsi, nja a kiya dunsi mu Na gina shoshi, ko muntu yaa taba shakiya yi ba. 19Na ba ke mukuli solota gizi bisi; mbode ku yeda nshi a durinya Mirikisi yeda nshi a bisi, mbode ku ki a durinya Mirikisi ki yi a bisi.>> 20Se Yesu kobe yayagizi yi nkye, kede su gye nseda nkye e shiya ma Kiristi ba.
Yesu yi Beta A kiya Muntu yi
Mk 8.31—9.1; Lk 9.22-27
21Butu a kwanki ni Yesu gye yayagizi yi a pili, Na te a Wurishelima de ni Genbeki nyowa a nani toree ni pirisi, nja male ni doka Musa, Sua kisa yi de e muntu, nana ni wuku na dege ni leyi.
22Biturusu ja Yesu ta keteri e kwabe yi nkye mina sa de ka pala yomu, <<Mirikisi sonka, Obagizi! Yaa paru yomu nja ke ba!>>
23Yesu juyi gye Biturusu nkye, <<Dege anya mu, obiri! Ki ma dunsi titimi na ba ni; Sobon tunani ake e butu anyan Mirikisi aba, ema tunani nsebeki la.>>
24Se Yesu gye yayagizi yi nkye, <<Guru nsu de yaa so biya ni, yaa mosi nki yi de e la gidiri yi tuku de yaa biya ni. 25Guru nsude yaa bila sila nleyi yi, yaa lesa yi, sede nsu de ki leyi yi sobon eni, yaa samu yi. 26Mina kyakyawu samu nde kisa mu guru mbo de ma a durinya de ki lesa leyi ake? Ko mina ka beyi de ka samu leyi ake a bisi? 27Yaa nsebeki yaa zo a siki dereja ni Adaa yi nja meleku Mirikisi, Yaa zo ba konse nani wuta yi ni mbo de yi a durinya, 28Na gye ku gaskye, worosu su de su sakisi anya mu sua muntu ba; Se su geni Yaa nsebeki de yaa zo a siki solota yi.>>
Iliyochaguliwa sasa
Matiyu 16: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Matiyu 16
16
Ntani Sua Bila Alama
Mk 8.11-13; Lk 12.54-56
1Parisiyawa nja sadokiyawa su zo anya Yesu de su gwada yi, su minya yi de e nana su alama dege bisi.
2Yesu keleba nkye, <<De nyema yi, kwa pala nkye, <Anya seenyi kyakyawu, sobon de gidagida yi zaan.> 3Nde anya kwa yi, <Kwa nkye sua yi riki, sobon gidagida yi beki.> Ku shina yiride bisi juyi nde ku kone gidagida, sede kwa geni alama ni kwanki mu ba. 4Ntani ni sana mu! mungu ntani nja mere aminshi anya Mirikisi su ma bila alama, sua nana su nshi ba sede alama ni anebi Yunusa.>>
Yesu bila su te ma yi.
Derigaza ni Parisiyawa nja Sadokiyawa
Mk 8.14-21
5De Yesu nja yayagizi yi nyenteri riki te keteri, su mosi de su keyi buredi. 6Yesu gye su yayagizi yi nkye, <<Mani ankeli aku,>> Ku kone kiya ku a kiya derigaza ni parisiyawa nja sadokiyawa.>>
7Su yi beta nja nki asu nkye, <<Sobon de mu keyi buredi ba.>>
8Shina mbode sua pala nja nki asu, Yesu minya su nkye, <<Oku de kuma ni beigaskye ba, mina saa de kwa pala gye nkyaku nkye ku man buredi ba? 9Ari kuzukam ku gane ni bo? Ku turunwa ni buredi biyari de Ni si ni ntani dupu biyari mu bo? Obubu kona de sika na ku kwa yi? 10Ko buredi bokwe de ni si ni ntani dupu wuru, obubu kona sika de ku kwa yi tala? 11Minana sa de ku gane nkye na yi beta nja ku a kiya buredi naba? Ku mani ankeli nja nki aku a kiya ni derigaza ni Parisiyawa nja Sadokiyawa.>> 12Anya ni yayagizi e yi su shina nkye Yesu yaa yi beta nja su a kiya derigaza de sua nya aburedi naba, sede a kiya mbode Parisiyawa nja Sadokiyawa sua kokoyi la.
Biturusu Sheeda Yesu Ma Kiristi
Mk 8.27-30; Lk 9.18-21
13De Yesu zo gunduma ni keseriya Pilibi, e minya yayagizi yi nkye, <<Ntani su ma nkye Yaa nsebeki ema waa?>> 14Su keleba nkye, <<Worosu su man nkye ki ma Yaaya nsu tunkwasa la; Worosu su nkye Iliya; nja worosu nkye, Yirimiya ko daa a siki Anebi la.>>
15Yesu minya nkye, <<Sede oku paa,>> ku nkye Ni ma waa?>>
16Sima Biturusu keleba nkye, <<Ki ma Kiristi Yaa Mirikisi nsu leyi.>>
17Yesu keleba, <<Anabirika ma nja ke, Sima yaa ni Yunusa, Gaskye mu butu anya nsebeki naba, sede anya Adaa na ni siki bisi. 18Sede Na gye ke, Biturusu, ki ma dunsi, nja a kiya dunsi mu Na gina shoshi, ko muntu yaa taba shakiya yi ba. 19Na ba ke mukuli solota gizi bisi; mbode ku yeda nshi a durinya Mirikisi yeda nshi a bisi, mbode ku ki a durinya Mirikisi ki yi a bisi.>> 20Se Yesu kobe yayagizi yi nkye, kede su gye nseda nkye e shiya ma Kiristi ba.
Yesu yi Beta A kiya Muntu yi
Mk 8.31—9.1; Lk 9.22-27
21Butu a kwanki ni Yesu gye yayagizi yi a pili, Na te a Wurishelima de ni Genbeki nyowa a nani toree ni pirisi, nja male ni doka Musa, Sua kisa yi de e muntu, nana ni wuku na dege ni leyi.
22Biturusu ja Yesu ta keteri e kwabe yi nkye mina sa de ka pala yomu, <<Mirikisi sonka, Obagizi! Yaa paru yomu nja ke ba!>>
23Yesu juyi gye Biturusu nkye, <<Dege anya mu, obiri! Ki ma dunsi titimi na ba ni; Sobon tunani ake e butu anyan Mirikisi aba, ema tunani nsebeki la.>>
24Se Yesu gye yayagizi yi nkye, <<Guru nsu de yaa so biya ni, yaa mosi nki yi de e la gidiri yi tuku de yaa biya ni. 25Guru nsude yaa bila sila nleyi yi, yaa lesa yi, sede nsu de ki leyi yi sobon eni, yaa samu yi. 26Mina kyakyawu samu nde kisa mu guru mbo de ma a durinya de ki lesa leyi ake? Ko mina ka beyi de ka samu leyi ake a bisi? 27Yaa nsebeki yaa zo a siki dereja ni Adaa yi nja meleku Mirikisi, Yaa zo ba konse nani wuta yi ni mbo de yi a durinya, 28Na gye ku gaskye, worosu su de su sakisi anya mu sua muntu ba; Se su geni Yaa nsebeki de yaa zo a siki solota yi.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria