Luka 12
12
Beta A kiya Ni Munabuki
Mat 10.26,27
1De ntani dupu Nyowa tala, ari su ma takada nki asu, Yesu para yi beta nja yayagizi yi, nkye: <<Ku kula yisti ni Parisiyawa, munabuki. 2Ba mbode su ripe de sua bure yi ba, ko mbode e ma a boyi de sua ki shina ba. 3Mbode ku pala a siki dopuwa sua zi yi a pili nde geri shekeri, nja mbo de ku pala a kuni a siki laki de ku ripe sua pala yi a kiya lenda laki.
Nsude Sua zi Womba yi
Mat 10.28-31
4<<Oboki na, Na gye ku, kede ku zi womba ni nsu kisa nki a beyi de su kisa sua yi yaa yi mbodaa nshi ba. 5Sede Eni ma gye ku nsu de kwa yi womba yi: ku yi womba Mirikisi, de a beyi de e kisa nki aku, e kwa mani yiko de yaa la nki aku kutiri a siki wuta. Na gye ku e shiya ma nsude ku yi womba yi. 6Yaya ogbanjo biyari na su ma la see toro bi bo? Nzun yomu Mirikisi moshi nja daa asu ba. 7Yomu, ko gesa kiya aku ma su kiriga su guru. Kede ku zi womba; nkaa ku pi yaya ogbanjo dereja.
Ki Yesu A geba Ntani
Mat 10.32,33; 12.32; 10.19,20
8<<Na gye ku, du nsude gye ntani nkye su yeda nja ni, Yaa Nsebeki ma yaa nkye e yeda nja shi a geba meleku ni Mirikisi. 9Sede nsude ki ni a geba ntani e ni ma na ki yi a geba ni meleku ni Mirikisi. 10Guru nsude yi beta ni saba a kiya ni Yaa Nsebeki sua yape yi, sede nsude saba Aworo ni Mirikisi sua yape yi ba.
11<<Nde su keyi ku zo a geba ni toree kolonwa, ko a geba nsu yiko ku, ko a geba nsu solota, kede ku da mu sobon yiri de kwa butu kiya aku ko mbode kwa pala, 12A kwanki ni Aworo ni Mirikisi yaa kokoyi ku mbode kwa pala.>>
Abenshi ni Odundu Nsu Mbo nani
13Nse daa a siki ntani gye yi nkye, <<Male, gye yayiwa na de e laba lobo ni gado de adaa mu muntu bila mu nsi.>> 14Yesu keleba nkye, <<Oboki, waa sani ma nsu shiriya ko nsu laba ku keyi de adaa ku muntu bila ku nshi?>> 15Se Yesu gye su nkye, <<Ku kone! kede kuma nsu opu ni mbo durinya; sobon nyowa ni mbo durinya e shina ma samu leyi ba.>>
16Yesu gye su abenshi mu: <<Bikiya ni nseminji daa nsu mbo a nani bayi yaya nkyawu. 17E yi tunani a dishiya e yi, <Minana na yi? Ni ma ni rigogo totolo de na nya ka yi bikiya na ba.>
18<<Se e pala nkye, <Damu na ma mbode Na yi. Na juru rigogo na de ni yi daa totolo, anya ni Na tala guru mbo bikiya nja keyi de ni ma nshi. 19Na gye la yi na nkye, <<Ki mani mbosi Nyowa de yaa la ke shekera Nyowa. Zuzunwa de ki pushe, ki si, ki sha, nja ki yi peri siki.>>>
20<<Sede Mirikisi gye yi nkye, <E ke Odundu! A siki dederi mu ka muntu. Ma geni ko waa yaa si keyi de ki tala mu.>>
21<<Yesu karikye nkye, Yomuna yaama nja dun nsude e tala mbo ba kiya e yi sede anya ni Mirikisi e mani mbo nani ba>>.
Kede Ku Da mu
Mat 6.25-34
22Se Yesu gye yayagizi e yi nkye: <<Nkaa yomu Na gye ku, kede ku da mu ni leyi aku, mbode kwa si; ko a kiya ni nki aku, mbode kwa saa. 23Leyi aku pi mbosi, nja nki pi keyi de kwa saa. 24Ku kone nsunsuwa: Su ma nunkwa ko tala mbosi ba, su mani laki ni tala mbosi ko rigogo ba; nzun yomu Mirikisi ma si nsu. Oku ku pi nsunsuwa dereja bo! 25Waa a siki aku sobon damuwa de e ma shi yaa yi yaa ja kiya e yi keripi daa a siki leyi e yi? 26Tunde kwa yi yaa yi mbo dende mu ba, mina sa de kuma damu a kiya mbo de rigye?
27<<Ku kone yiri de pure ma girima. Sua yi ANKI ba ko dunki ba. Nzun yomu Na gye ku ko Seleki Sulemanu ni guru girima e yi e taba sa keyi de kyawu pi daa a siki genya woromu ba. 28Nde yomu na Mirikisi ma sa sanwa ni denka riga, sanwa de su ma leyi yawu, gobe a suwuta su a siki kongo wuta, birishi oku de yaa sa ku riga, oku nsu beigaskye piri! 29Kede ku sa dishiya aku a siki mbode kwa si ko kwa sha; kede ku da mu a kiya yi. 30Ko worede su ma ni durinya su ma bila yiri mbo woromu du, Adaa ku de ma a siki bisi shina nkaa kuma so su. 31Sede ku para bila solota ni Mirikisi npari, se guru mbo worosu mu sua ba ku.
Kokoyi A kiya Mbo Nani A bisi
Mat 6.19-21
32<<Kede ku yi womba, gerike dende, Adaa aku ni siki bisi e mayi perisiki de e ba ku solota ni bisi. 33Ku la mbode ku manshi guru la see de ku gyolo ba potoruwa. Ku tala kiya ku mbo nani anya yaa bebeta ba, ku tala kiya mbo nani ku a bisi anya de bebeta, sobon de ba bolowa de yaa te kwa yi ku nshi ba ko gana yaa bebeta ku nshi. 34Anya de mbo nani ake ma, ayan na dishiya ake yaama.
Bunwa de zunwa Ashiri
35<<Kuzukam nshiri sobon ANKI kuma ku bila pitila ku si geba ni asikye, 36Ku ma Kankye bunwa de su ma pekye nsugizi asu de e zo dege anya buki amere, kwanki de e te zo kwala sua bure yi kopa. 37Yaama mbo perisiki la anya bunwa worede nsugizi asu zo sa nsu sua yi kwana ba su ma pekye nyi ari kwanki de e zo. Na gye ku gaskye, yaa butu riga de e sa, e gye su de su zuzunwa a kingbolo de su si mbosi nsugizi asu mu nkiya e yi yaa keyi su mbosi. 38Bunwa mu su ma nsu anabirika na nde e zo sa nsu su ma pekye yi, ko e zo nsisika dederi ko ni sasape e zo sa nsu su ma pekye yi. 39Sede ku shina da mu: Nde nsu gizi yaa shina kwanki de bolowa yaa te zo a gizi e yi, yaa Bele yi de e yuru e bebeta yi gizi ba. 40Oku ma ku zunwa nshiri, sobon Yaa nsebeki yaa zo a kwanki de ku shina ba.>>
Bunwa Nsu Aminshi ko Mere Aminshi
Mat 24.45-51
41Biturusu minya Yesu, <<Obagizi, ki ma gye mu na abenshi mu, ko kowon nse na?>>
42Obagizi keleba, <<waa ma bunwa mu nsu aminshi nja nsu simi mu, de nsugizi e yi yaa sayi de e kone gizi yi e kuma ba nsu bunwa yi mbosi asu a kyakya kwanki? 43Yaman mbo perisiki anya bunwa mu de nsugizi e yi yaa zo san shi mayi ANKI a kwanki de e kuma beyi. 44Na gye ku gaskye, yaa sa bunwa mu de e kone yi mbode e man shi guru. 45Sede nde bunwa mu yi beta a siki dishiya e yi nkye, <Nsugizi na zo seberi ba,> se e si geba nja dukwa bunwa menza nja bunwa mata mu e kuma sigeba nja si nja sha ari e bugu. 46Nsugizi ni bunwa mu yaa zo a nana nja kwanki de bunwa mu shina ba. Yaa yi bunwa mumungu dukwa yaa kuma la yi sa nja worede su nja mere beigaskye ni Mirikisi.
47<<Bunwa de shina mbode nsugizi e yi ma so de e yi se e yi ba e kuma yi mbode nsugizi e yi ma so ba sua yi poro soseyi. 48Sede daa de shina mbode nsugizi e yi nkye e yi ba e kuma yi mbode sua dukwa e yi sua dukwa e yi piri. Dege anya nsude su beyi nyowa, sua bila nyowa dege anya e yi; nsude kuma su beyi mbo nsu yowa soseyi sua, keleba mbo nsu yowa soseyi anya yi.
Yesu Zo Ni Laba Kiya Na Ba Selema Ba
Mat 10.34-36
49<<Wuta Ni zo nshi de ni sa a durinya, so na la de su wula wuta ni wo! 50Sede Ni mani tunkwasa de sua yi ni nshi, na sayi a siki dishiya na ari se e sika! 51Kuma yi tunani Nka ni zo ni selema na a durinya? Ayi, Na gye ku gaskye, laba kiya na ni zo nshi. 52Dege kuzukam ntani biyari sua ma a gizi daa sua laba bi, wuku sua yi geba nja bi bi sua yi geba nja wuku. 53Adaa yaa yi geba nja yaa yi yaa yi geba nja adaa e yi, amaa yaa yi geba nja yaa ni mase yaa mase yaa yi geba nja amaa e yi, amaa ni minzi yaa yi geba nja mata yaa mata ni yaa kuma yaa yi geba nja amaa ni minzi e yi.>>
Shina Kwanki
Mat 16.2,3
54Yesu gye ntani nyowa: <<Nde ku geni bisi juyi beki butu anyema, dandani kwa nkye, <riki yaa zo,> Yomu na sua yi riki. 55Nde ku zi akusuka wula butu a kudu, kuma nkye sua yi dimi, Yomu na sua yi. 56Munabuki! Ku yi yaa pala yiride kisi nja bisi sua juyi. Sede mina sa de ku yi yaa pala alama ni kuzukam ba?
Shiriya Nja Nsude yi Kara ke
Mat 5.25,26
57Mina sa oku Nkiyaku kwa yi shiriya ni mbo de man kyakya de kwa yi ba? 58Nde oboki geba ake keyi kara ake te a laki shiriya, yi kokori de ku shiriya nja shi tunde kuma a kiya turiki, nde ki ki yaa keyi ke te anya jakada, jakada yaa keyi ke te anya yaya gwala, yaya gwala yaa la ke sa a siki jaru. 59Na gye ke, ka taba butu ba se ki beyi karishe ni toro de ki manshi kpataka.>>
Iliyochaguliwa sasa
Luka 12: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Luka 12
12
Beta A kiya Ni Munabuki
Mat 10.26,27
1De ntani dupu Nyowa tala, ari su ma takada nki asu, Yesu para yi beta nja yayagizi yi, nkye: <<Ku kula yisti ni Parisiyawa, munabuki. 2Ba mbode su ripe de sua bure yi ba, ko mbode e ma a boyi de sua ki shina ba. 3Mbode ku pala a siki dopuwa sua zi yi a pili nde geri shekeri, nja mbo de ku pala a kuni a siki laki de ku ripe sua pala yi a kiya lenda laki.
Nsude Sua zi Womba yi
Mat 10.28-31
4<<Oboki na, Na gye ku, kede ku zi womba ni nsu kisa nki a beyi de su kisa sua yi yaa yi mbodaa nshi ba. 5Sede Eni ma gye ku nsu de kwa yi womba yi: ku yi womba Mirikisi, de a beyi de e kisa nki aku, e kwa mani yiko de yaa la nki aku kutiri a siki wuta. Na gye ku e shiya ma nsude ku yi womba yi. 6Yaya ogbanjo biyari na su ma la see toro bi bo? Nzun yomu Mirikisi moshi nja daa asu ba. 7Yomu, ko gesa kiya aku ma su kiriga su guru. Kede ku zi womba; nkaa ku pi yaya ogbanjo dereja.
Ki Yesu A geba Ntani
Mat 10.32,33; 12.32; 10.19,20
8<<Na gye ku, du nsude gye ntani nkye su yeda nja ni, Yaa Nsebeki ma yaa nkye e yeda nja shi a geba meleku ni Mirikisi. 9Sede nsude ki ni a geba ntani e ni ma na ki yi a geba ni meleku ni Mirikisi. 10Guru nsude yi beta ni saba a kiya ni Yaa Nsebeki sua yape yi, sede nsude saba Aworo ni Mirikisi sua yape yi ba.
11<<Nde su keyi ku zo a geba ni toree kolonwa, ko a geba nsu yiko ku, ko a geba nsu solota, kede ku da mu sobon yiri de kwa butu kiya aku ko mbode kwa pala, 12A kwanki ni Aworo ni Mirikisi yaa kokoyi ku mbode kwa pala.>>
Abenshi ni Odundu Nsu Mbo nani
13Nse daa a siki ntani gye yi nkye, <<Male, gye yayiwa na de e laba lobo ni gado de adaa mu muntu bila mu nsi.>> 14Yesu keleba nkye, <<Oboki, waa sani ma nsu shiriya ko nsu laba ku keyi de adaa ku muntu bila ku nshi?>> 15Se Yesu gye su nkye, <<Ku kone! kede kuma nsu opu ni mbo durinya; sobon nyowa ni mbo durinya e shina ma samu leyi ba.>>
16Yesu gye su abenshi mu: <<Bikiya ni nseminji daa nsu mbo a nani bayi yaya nkyawu. 17E yi tunani a dishiya e yi, <Minana na yi? Ni ma ni rigogo totolo de na nya ka yi bikiya na ba.>
18<<Se e pala nkye, <Damu na ma mbode Na yi. Na juru rigogo na de ni yi daa totolo, anya ni Na tala guru mbo bikiya nja keyi de ni ma nshi. 19Na gye la yi na nkye, <<Ki mani mbosi Nyowa de yaa la ke shekera Nyowa. Zuzunwa de ki pushe, ki si, ki sha, nja ki yi peri siki.>>>
20<<Sede Mirikisi gye yi nkye, <E ke Odundu! A siki dederi mu ka muntu. Ma geni ko waa yaa si keyi de ki tala mu.>>
21<<Yesu karikye nkye, Yomuna yaama nja dun nsude e tala mbo ba kiya e yi sede anya ni Mirikisi e mani mbo nani ba>>.
Kede Ku Da mu
Mat 6.25-34
22Se Yesu gye yayagizi e yi nkye: <<Nkaa yomu Na gye ku, kede ku da mu ni leyi aku, mbode kwa si; ko a kiya ni nki aku, mbode kwa saa. 23Leyi aku pi mbosi, nja nki pi keyi de kwa saa. 24Ku kone nsunsuwa: Su ma nunkwa ko tala mbosi ba, su mani laki ni tala mbosi ko rigogo ba; nzun yomu Mirikisi ma si nsu. Oku ku pi nsunsuwa dereja bo! 25Waa a siki aku sobon damuwa de e ma shi yaa yi yaa ja kiya e yi keripi daa a siki leyi e yi? 26Tunde kwa yi yaa yi mbo dende mu ba, mina sa de kuma damu a kiya mbo de rigye?
27<<Ku kone yiri de pure ma girima. Sua yi ANKI ba ko dunki ba. Nzun yomu Na gye ku ko Seleki Sulemanu ni guru girima e yi e taba sa keyi de kyawu pi daa a siki genya woromu ba. 28Nde yomu na Mirikisi ma sa sanwa ni denka riga, sanwa de su ma leyi yawu, gobe a suwuta su a siki kongo wuta, birishi oku de yaa sa ku riga, oku nsu beigaskye piri! 29Kede ku sa dishiya aku a siki mbode kwa si ko kwa sha; kede ku da mu a kiya yi. 30Ko worede su ma ni durinya su ma bila yiri mbo woromu du, Adaa ku de ma a siki bisi shina nkaa kuma so su. 31Sede ku para bila solota ni Mirikisi npari, se guru mbo worosu mu sua ba ku.
Kokoyi A kiya Mbo Nani A bisi
Mat 6.19-21
32<<Kede ku yi womba, gerike dende, Adaa aku ni siki bisi e mayi perisiki de e ba ku solota ni bisi. 33Ku la mbode ku manshi guru la see de ku gyolo ba potoruwa. Ku tala kiya ku mbo nani anya yaa bebeta ba, ku tala kiya mbo nani ku a bisi anya de bebeta, sobon de ba bolowa de yaa te kwa yi ku nshi ba ko gana yaa bebeta ku nshi. 34Anya de mbo nani ake ma, ayan na dishiya ake yaama.
Bunwa de zunwa Ashiri
35<<Kuzukam nshiri sobon ANKI kuma ku bila pitila ku si geba ni asikye, 36Ku ma Kankye bunwa de su ma pekye nsugizi asu de e zo dege anya buki amere, kwanki de e te zo kwala sua bure yi kopa. 37Yaama mbo perisiki la anya bunwa worede nsugizi asu zo sa nsu sua yi kwana ba su ma pekye nyi ari kwanki de e zo. Na gye ku gaskye, yaa butu riga de e sa, e gye su de su zuzunwa a kingbolo de su si mbosi nsugizi asu mu nkiya e yi yaa keyi su mbosi. 38Bunwa mu su ma nsu anabirika na nde e zo sa nsu su ma pekye yi, ko e zo nsisika dederi ko ni sasape e zo sa nsu su ma pekye yi. 39Sede ku shina da mu: Nde nsu gizi yaa shina kwanki de bolowa yaa te zo a gizi e yi, yaa Bele yi de e yuru e bebeta yi gizi ba. 40Oku ma ku zunwa nshiri, sobon Yaa nsebeki yaa zo a kwanki de ku shina ba.>>
Bunwa Nsu Aminshi ko Mere Aminshi
Mat 24.45-51
41Biturusu minya Yesu, <<Obagizi, ki ma gye mu na abenshi mu, ko kowon nse na?>>
42Obagizi keleba, <<waa ma bunwa mu nsu aminshi nja nsu simi mu, de nsugizi e yi yaa sayi de e kone gizi yi e kuma ba nsu bunwa yi mbosi asu a kyakya kwanki? 43Yaman mbo perisiki anya bunwa mu de nsugizi e yi yaa zo san shi mayi ANKI a kwanki de e kuma beyi. 44Na gye ku gaskye, yaa sa bunwa mu de e kone yi mbode e man shi guru. 45Sede nde bunwa mu yi beta a siki dishiya e yi nkye, <Nsugizi na zo seberi ba,> se e si geba nja dukwa bunwa menza nja bunwa mata mu e kuma sigeba nja si nja sha ari e bugu. 46Nsugizi ni bunwa mu yaa zo a nana nja kwanki de bunwa mu shina ba. Yaa yi bunwa mumungu dukwa yaa kuma la yi sa nja worede su nja mere beigaskye ni Mirikisi.
47<<Bunwa de shina mbode nsugizi e yi ma so de e yi se e yi ba e kuma yi mbode nsugizi e yi ma so ba sua yi poro soseyi. 48Sede daa de shina mbode nsugizi e yi nkye e yi ba e kuma yi mbode sua dukwa e yi sua dukwa e yi piri. Dege anya nsude su beyi nyowa, sua bila nyowa dege anya e yi; nsude kuma su beyi mbo nsu yowa soseyi sua, keleba mbo nsu yowa soseyi anya yi.
Yesu Zo Ni Laba Kiya Na Ba Selema Ba
Mat 10.34-36
49<<Wuta Ni zo nshi de ni sa a durinya, so na la de su wula wuta ni wo! 50Sede Ni mani tunkwasa de sua yi ni nshi, na sayi a siki dishiya na ari se e sika! 51Kuma yi tunani Nka ni zo ni selema na a durinya? Ayi, Na gye ku gaskye, laba kiya na ni zo nshi. 52Dege kuzukam ntani biyari sua ma a gizi daa sua laba bi, wuku sua yi geba nja bi bi sua yi geba nja wuku. 53Adaa yaa yi geba nja yaa yi yaa yi geba nja adaa e yi, amaa yaa yi geba nja yaa ni mase yaa mase yaa yi geba nja amaa e yi, amaa ni minzi yaa yi geba nja mata yaa mata ni yaa kuma yaa yi geba nja amaa ni minzi e yi.>>
Shina Kwanki
Mat 16.2,3
54Yesu gye ntani nyowa: <<Nde ku geni bisi juyi beki butu anyema, dandani kwa nkye, <riki yaa zo,> Yomu na sua yi riki. 55Nde ku zi akusuka wula butu a kudu, kuma nkye sua yi dimi, Yomu na sua yi. 56Munabuki! Ku yi yaa pala yiride kisi nja bisi sua juyi. Sede mina sa de ku yi yaa pala alama ni kuzukam ba?
Shiriya Nja Nsude yi Kara ke
Mat 5.25,26
57Mina sa oku Nkiyaku kwa yi shiriya ni mbo de man kyakya de kwa yi ba? 58Nde oboki geba ake keyi kara ake te a laki shiriya, yi kokori de ku shiriya nja shi tunde kuma a kiya turiki, nde ki ki yaa keyi ke te anya jakada, jakada yaa keyi ke te anya yaya gwala, yaya gwala yaa la ke sa a siki jaru. 59Na gye ke, ka taba butu ba se ki beyi karishe ni toro de ki manshi kpataka.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria