Málkus 8
8
Giseyi giá Yésuse giá guoye bandɔ duɔns dúníhi
(Mat 15.32-39)
1Uguá mɔɔ́sɛ máguɔ́, giíŋ gímodi igiándabígúsígan. Haná bámasábia buand buá nyá, Yésuse uwɔdɔ́ŋɛ́ɛn bebinene bég. Uwɔyidɛn bɔ́ áneé: 2«Yaáguánan bandɔ ɔbɔ bulɔ́b gá giagiá, bugányɛ mɔɔ́sɛ mádádɔ ɔmɔɔ́ bánya agá naánamɛ, bádiandabíánan buand buá nyá. 3Mmégúgie bɔ́ na nsan, bágaáguanguan uguá ŋŋil na gidɔga giá nsan, gá gueleé giod uguɔ́b guá ɔlɔŋ uguɔ́g giónólín hádɛ.» 4Bebinene bég obóndinye yɔ́ áneé: «Hanyɛ agaá dínya diaguán bilɛ́d gá gueleé diéŋin bɔ́ bányanan bábíhálan, agá uhambɛ aga?» 5Yésuse uwoóhún bɔ́ áneé: «Nugódi bilɛ́d bínig?» Bámuanyɛ gég áneé: «Bítíndádɔ nomue.» 6Uwodóŋínye bugaga áneé bandɔ bédugumen eguísi. Egélém agányɛ uwɔgɔ́l bilɛ́d ibigányɛ, uweéŋin Uhaluá mbíyigie, uwabáya biɛ́, uweéŋin bebinene bég gá guaban bandɔ, abál nɔ́. 7Bámabianán súsɔ́n baán bá muɔb, Yésuse uwasayɛ muɔ́ uwond úmuanyɛ áneé bában bɔ́ muɔ́ súsɔ́n. 8Bandɔ abányánan abábíhálan, bebinene abábád mudɛd mutíndádɔ nomue muá bibéyi biá bilɛ́d ibímesíen. 9Henyé, bandɔ abámanyánán, bámabá bábá buand hana duɔns dúníhi. Egélém agányɛ, Yésuse uwegúgie bɔ́. 10Úmuanyɛ súsɔ́n uwedúmbie guyumɛn uguá ŋŋumba ɔlɔŋ na bebinene bég uwɛɛ́d uguá gibéyi giá guísi giá Dalmanúta.
Bafalisiɛ́ŋ bóguóhon giseyi
(Mat 16.1-4)
11Bafalisiɛ́ŋ ebésieg ebédúmbie guɛ́d gá ségenye na Yésuse. Hana bámámbá áneé uguɛn uguá ɔmbɛ́l, ɔbɔ́yidɛn yɔ́ áneé: díhuá gilɛns igídíyenyeé áneé buŋaŋa buáhɔ búáguɛ́d guonoólónín agá Uhaluá. 12Uwehélúmid na bugaga, uwɔyɛd áneé: «Gá giagɛ bandɔ béhínen bóhoneé gilɛns? Uguá meliŋ, yɔɔ́núɔyɔn buɔ́ áneé, ta gilɛns gímomi ndigenúdíye.» 13Egélém agányɛ uwoólígie uwond gá yumɛn uguá ŋŋumba na bebinene bég abɛ́d na agɔ́n unó wa máŋ.
Kɔnduguɔ́b wa bebinene
(Mat 15.5-12)
14Bebinene ebébiélidie gugɔ́l bilɛ́d, bámabiánan pɛ́ŋ gímomi uguɔ́b guá ŋŋumba. 15Yésuse uwesilidin bɔ́ gɔg áneé: «Nubídédínye, nubígɛ́ŋ gá buanyɛ buá guóbonye oguŋ buá bafalisiɛ́ŋ naá buá Helód.» 16Bebinene abásɛɛ́d gá guoŋuinyoŋuinyi bámuanyɛ na bámuanyɛ, gá giagiá bámasábia bilɛ́d. 17Yésuse uwamuɛ́nyɛ dugálɔ duɔ́b uwoóhún bɔ́ áneé: «Gá giagɛ nuóŋuinyoŋuinyeé hana nusebiélidie gugɔ́l bilɛ́d? Numanyɛ nudiɔ́b buɔ́ a? Numanyɛ nudigimbín buɔ́ uguánɔ guá meéne a? Idɛ́m siánɔ símanyɛ gulal a? 18Nugódi eŋís nudiáguánan a? Nugódi idú nudiɔ́guɔ́bɔn a? Nudiébídúmenye 19haná mmábáya bilɛ́d bítánɔ iyoye bandɔ duɔns dútánɔ a? Numasál mudɛd muá bibéyi múnig?» Obóndinye yɔ́ áneé: «Múad na múandɛ.» 20Yésuse uwonduguóhún bɔ́ áneé: «Agaá mmábáyá bilɛ́d bítíndádɔ nomue gá bandɔ duɔns dúníhi, numɛɛ́d na mudɛd muá bibéyi biá bilɛ́d múnig?» Obóndinye yɔ́ áneé: «Mútíndádɔ nomue.» 21Uwɔyidɛn bɔ́ gɔg áneé: «Gúu númanyaá nudiɔ́b a?»
Gióndúgie giá eheguhégu
22Ebéneg Bɛtsayída, bandɔ bómodi obónoólín Yésuse na eheguhégu obóbísógólidie yɔ́ áneé ubígɔ́dɛn yɔ́. 23Uwɔgɔ́l yɔ́ uguá ɔmbɔ́g, uwahám neéneg agá onsoŋol. Uwefúmídin yɔ́ bidá uguá eŋís, uwɔdɔ́bígɛn yɔ́ imbɔ́g, uwoóhún yɔ́ áneé: «Aáguánan buand a?» 24Eheguhégu uwediginye eŋís uwabíyɛg uguá maáyɛ, uwɔyɛd áneé: «Yaáguánan bandɔ, yaáguánan bɔ́ hana madɛ́, gɔgaá báguanda.» 25Yésuse uwɔndɔdɔ́bígɛn yɔ́ imbɔ́g uguá eŋís, mɔndɔ uwabilɛd eŋís, uwɔɔ́ndɔ́ɔg, uwɛɛ́d gá guánan beseé na beseé. 26Uweédébie yɔ́, úmuanyɛ gég áneé: «Edibíŋín ta uguá gidɔŋ.»
Piéle umálɛns áneé Yésuse únyaá Bémeyíde
(Mat 16.13-20; Lúk 9.18-21)
27Yésuse na bebinene bég, abásɛɛ́d ɔmbɔ́g huá bidɔŋ ibínya uguá gibéyi giá guísi giá Sesalé wa Fílibe. Bámaágánda uguá ŋŋil, uwoóhún bɔ́ áneé: «Bandɔ bɔ́guɔya áneé giagɛ igiɛ́ nnya, uguá guɔyɛd guá bandɔ?» 28Obóndinye áneé: «Bɔsɔ́gá bómodi bɔ́guɔya áneé anyɛ Sáŋa eyumínyibandɔ. Bódodi bɔ́ya áneé anyɛ Elí, ugúnya ana ebunebúné omodi.» 29Yésuse uwoóhún bɔ́ áneé: «Gɔgaá banuá nuɔ́guɔya áneé nnyɛ ányá?» Piéle uwondinye áneé: «Anyɛ Bémeyíde.#8.29 Bémeyíde anagányɛ gúnya áneé uyɔɔ́ Uhaluá umadɔ́m gá sódie bandɔ.» 30Yésuse uwegíndídin bɔ́ na ihiligine áneé bɔ́diɔyídɛ́n mɔndɔ buɔ́.
Yésuse woódógonye nigué niég na hám guég uguá gibɛ́l
(Mat 16.21-28; Lúk 9.22-27)
31Yésuse uwɛɛ́d gá huínyihuinye bebinene bég, wɔyɔn bɔ́ áneé búáguamba áneé Muɔ́n wa mɔndɔ wɔɔ́bɛ́ɛg giod, bɔgɔ́ga na bagɔ́n bá bedúmbinusámb nuá Uhaluá na belinsibigodi bómb yɔ́, bɔ́n yɔ́, egélém gá mɔɔ́sɛ mádádɔ uhám uguá gibɛ́l. 32Umɔyɔ́n bɔ́ buand gidigid agá budányɛ. Piéle uwɔgɔ́l yɔ́ agá buáyɛ, uwɛɛ́d gá gálgal gég na ilúnd. 33Gɔgaá umaámábígagalɛd, uwaán bebinene bég uwagálgal gég na ilúnd áneé: «ŋŋólígínyé Sátan. Idá hádɛ uguámɛ guélém, gá giagiá ediégedenye haná Uhaluá, nugedie nuáhɔ núnyɛ nuá bandɔ.» 34Yésuse uwɔdɔ́ŋɛ́ɛn bebinene bég na giíŋ, úmuanyɛ gɔ́b áneé: «Mɔndɔ úmɔ́ya gumbinidin, ánaá ubíyɛb, ubídúgɛn nuag nuég umbinidin, 35gá giagiá, mɔndɔ uháŋánhaŋanaá nusɔ́da nuég wenénímie nuɔ́. Mɔndɔ uwenénímienú nusɔ́da nuég gámɛ gá busió naá gá busió buá Ginɔ́g giá Nsɔ́m, wanáháŋídɛn nuɔ́. 36Búáguala mɔndɔ giagɛ, gá gueleé ubia guísi gidigid, búmabá gá busió buá nímie nusɔ́da nuég? 37Buand búmodi búnyɛ hɔ́ ubuɔ́ mɔndɔ únya wa dóŋínye gá háŋ nusɔ́da nuég a? 38Mɔndɔ uwɔnɔ́bɔ́nɔ́ ɔduá gunɔ́h naánamɛ na dugálɔ duámɛ agá ɔdɛ́m na ɔdɛ́m huá bandɔ béhínen, abálanɔ́ bidáŋa na bilɔga, Muɔ́n wa mɔndɔ wɔnɔ́bɔn súsɔ́n ɔduá gunɔ́h neéneg, uguá ginɛŋ igiɛ́ wánɛɛ́d guónoólónú uguá nigúmi niá Síe weg na bidányɛdányɛ biá bilúna.»
Iliyochaguliwa sasa
Málkus 8: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Málkus 8
8
Giseyi giá Yésuse giá guoye bandɔ duɔns dúníhi
(Mat 15.32-39)
1Uguá mɔɔ́sɛ máguɔ́, giíŋ gímodi igiándabígúsígan. Haná bámasábia buand buá nyá, Yésuse uwɔdɔ́ŋɛ́ɛn bebinene bég. Uwɔyidɛn bɔ́ áneé: 2«Yaáguánan bandɔ ɔbɔ bulɔ́b gá giagiá, bugányɛ mɔɔ́sɛ mádádɔ ɔmɔɔ́ bánya agá naánamɛ, bádiandabíánan buand buá nyá. 3Mmégúgie bɔ́ na nsan, bágaáguanguan uguá ŋŋil na gidɔga giá nsan, gá gueleé giod uguɔ́b guá ɔlɔŋ uguɔ́g giónólín hádɛ.» 4Bebinene bég obóndinye yɔ́ áneé: «Hanyɛ agaá dínya diaguán bilɛ́d gá gueleé diéŋin bɔ́ bányanan bábíhálan, agá uhambɛ aga?» 5Yésuse uwoóhún bɔ́ áneé: «Nugódi bilɛ́d bínig?» Bámuanyɛ gég áneé: «Bítíndádɔ nomue.» 6Uwodóŋínye bugaga áneé bandɔ bédugumen eguísi. Egélém agányɛ uwɔgɔ́l bilɛ́d ibigányɛ, uweéŋin Uhaluá mbíyigie, uwabáya biɛ́, uweéŋin bebinene bég gá guaban bandɔ, abál nɔ́. 7Bámabianán súsɔ́n baán bá muɔb, Yésuse uwasayɛ muɔ́ uwond úmuanyɛ áneé bában bɔ́ muɔ́ súsɔ́n. 8Bandɔ abányánan abábíhálan, bebinene abábád mudɛd mutíndádɔ nomue muá bibéyi biá bilɛ́d ibímesíen. 9Henyé, bandɔ abámanyánán, bámabá bábá buand hana duɔns dúníhi. Egélém agányɛ, Yésuse uwegúgie bɔ́. 10Úmuanyɛ súsɔ́n uwedúmbie guyumɛn uguá ŋŋumba ɔlɔŋ na bebinene bég uwɛɛ́d uguá gibéyi giá guísi giá Dalmanúta.
Bafalisiɛ́ŋ bóguóhon giseyi
(Mat 16.1-4)
11Bafalisiɛ́ŋ ebésieg ebédúmbie guɛ́d gá ségenye na Yésuse. Hana bámámbá áneé uguɛn uguá ɔmbɛ́l, ɔbɔ́yidɛn yɔ́ áneé: díhuá gilɛns igídíyenyeé áneé buŋaŋa buáhɔ búáguɛ́d guonoólónín agá Uhaluá. 12Uwehélúmid na bugaga, uwɔyɛd áneé: «Gá giagɛ bandɔ béhínen bóhoneé gilɛns? Uguá meliŋ, yɔɔ́núɔyɔn buɔ́ áneé, ta gilɛns gímomi ndigenúdíye.» 13Egélém agányɛ uwoólígie uwond gá yumɛn uguá ŋŋumba na bebinene bég abɛ́d na agɔ́n unó wa máŋ.
Kɔnduguɔ́b wa bebinene
(Mat 15.5-12)
14Bebinene ebébiélidie gugɔ́l bilɛ́d, bámabiánan pɛ́ŋ gímomi uguɔ́b guá ŋŋumba. 15Yésuse uwesilidin bɔ́ gɔg áneé: «Nubídédínye, nubígɛ́ŋ gá buanyɛ buá guóbonye oguŋ buá bafalisiɛ́ŋ naá buá Helód.» 16Bebinene abásɛɛ́d gá guoŋuinyoŋuinyi bámuanyɛ na bámuanyɛ, gá giagiá bámasábia bilɛ́d. 17Yésuse uwamuɛ́nyɛ dugálɔ duɔ́b uwoóhún bɔ́ áneé: «Gá giagɛ nuóŋuinyoŋuinyeé hana nusebiélidie gugɔ́l bilɛ́d? Numanyɛ nudiɔ́b buɔ́ a? Numanyɛ nudigimbín buɔ́ uguánɔ guá meéne a? Idɛ́m siánɔ símanyɛ gulal a? 18Nugódi eŋís nudiáguánan a? Nugódi idú nudiɔ́guɔ́bɔn a? Nudiébídúmenye 19haná mmábáya bilɛ́d bítánɔ iyoye bandɔ duɔns dútánɔ a? Numasál mudɛd muá bibéyi múnig?» Obóndinye yɔ́ áneé: «Múad na múandɛ.» 20Yésuse uwonduguóhún bɔ́ áneé: «Agaá mmábáyá bilɛ́d bítíndádɔ nomue gá bandɔ duɔns dúníhi, numɛɛ́d na mudɛd muá bibéyi biá bilɛ́d múnig?» Obóndinye yɔ́ áneé: «Mútíndádɔ nomue.» 21Uwɔyidɛn bɔ́ gɔg áneé: «Gúu númanyaá nudiɔ́b a?»
Gióndúgie giá eheguhégu
22Ebéneg Bɛtsayída, bandɔ bómodi obónoólín Yésuse na eheguhégu obóbísógólidie yɔ́ áneé ubígɔ́dɛn yɔ́. 23Uwɔgɔ́l yɔ́ uguá ɔmbɔ́g, uwahám neéneg agá onsoŋol. Uwefúmídin yɔ́ bidá uguá eŋís, uwɔdɔ́bígɛn yɔ́ imbɔ́g, uwoóhún yɔ́ áneé: «Aáguánan buand a?» 24Eheguhégu uwediginye eŋís uwabíyɛg uguá maáyɛ, uwɔyɛd áneé: «Yaáguánan bandɔ, yaáguánan bɔ́ hana madɛ́, gɔgaá báguanda.» 25Yésuse uwɔndɔdɔ́bígɛn yɔ́ imbɔ́g uguá eŋís, mɔndɔ uwabilɛd eŋís, uwɔɔ́ndɔ́ɔg, uwɛɛ́d gá guánan beseé na beseé. 26Uweédébie yɔ́, úmuanyɛ gég áneé: «Edibíŋín ta uguá gidɔŋ.»
Piéle umálɛns áneé Yésuse únyaá Bémeyíde
(Mat 16.13-20; Lúk 9.18-21)
27Yésuse na bebinene bég, abásɛɛ́d ɔmbɔ́g huá bidɔŋ ibínya uguá gibéyi giá guísi giá Sesalé wa Fílibe. Bámaágánda uguá ŋŋil, uwoóhún bɔ́ áneé: «Bandɔ bɔ́guɔya áneé giagɛ igiɛ́ nnya, uguá guɔyɛd guá bandɔ?» 28Obóndinye áneé: «Bɔsɔ́gá bómodi bɔ́guɔya áneé anyɛ Sáŋa eyumínyibandɔ. Bódodi bɔ́ya áneé anyɛ Elí, ugúnya ana ebunebúné omodi.» 29Yésuse uwoóhún bɔ́ áneé: «Gɔgaá banuá nuɔ́guɔya áneé nnyɛ ányá?» Piéle uwondinye áneé: «Anyɛ Bémeyíde.#8.29 Bémeyíde anagányɛ gúnya áneé uyɔɔ́ Uhaluá umadɔ́m gá sódie bandɔ.» 30Yésuse uwegíndídin bɔ́ na ihiligine áneé bɔ́diɔyídɛ́n mɔndɔ buɔ́.
Yésuse woódógonye nigué niég na hám guég uguá gibɛ́l
(Mat 16.21-28; Lúk 9.22-27)
31Yésuse uwɛɛ́d gá huínyihuinye bebinene bég, wɔyɔn bɔ́ áneé búáguamba áneé Muɔ́n wa mɔndɔ wɔɔ́bɛ́ɛg giod, bɔgɔ́ga na bagɔ́n bá bedúmbinusámb nuá Uhaluá na belinsibigodi bómb yɔ́, bɔ́n yɔ́, egélém gá mɔɔ́sɛ mádádɔ uhám uguá gibɛ́l. 32Umɔyɔ́n bɔ́ buand gidigid agá budányɛ. Piéle uwɔgɔ́l yɔ́ agá buáyɛ, uwɛɛ́d gá gálgal gég na ilúnd. 33Gɔgaá umaámábígagalɛd, uwaán bebinene bég uwagálgal gég na ilúnd áneé: «ŋŋólígínyé Sátan. Idá hádɛ uguámɛ guélém, gá giagiá ediégedenye haná Uhaluá, nugedie nuáhɔ núnyɛ nuá bandɔ.» 34Yésuse uwɔdɔ́ŋɛ́ɛn bebinene bég na giíŋ, úmuanyɛ gɔ́b áneé: «Mɔndɔ úmɔ́ya gumbinidin, ánaá ubíyɛb, ubídúgɛn nuag nuég umbinidin, 35gá giagiá, mɔndɔ uháŋánhaŋanaá nusɔ́da nuég wenénímie nuɔ́. Mɔndɔ uwenénímienú nusɔ́da nuég gámɛ gá busió naá gá busió buá Ginɔ́g giá Nsɔ́m, wanáháŋídɛn nuɔ́. 36Búáguala mɔndɔ giagɛ, gá gueleé ubia guísi gidigid, búmabá gá busió buá nímie nusɔ́da nuég? 37Buand búmodi búnyɛ hɔ́ ubuɔ́ mɔndɔ únya wa dóŋínye gá háŋ nusɔ́da nuég a? 38Mɔndɔ uwɔnɔ́bɔ́nɔ́ ɔduá gunɔ́h naánamɛ na dugálɔ duámɛ agá ɔdɛ́m na ɔdɛ́m huá bandɔ béhínen, abálanɔ́ bidáŋa na bilɔga, Muɔ́n wa mɔndɔ wɔnɔ́bɔn súsɔ́n ɔduá gunɔ́h neéneg, uguá ginɛŋ igiɛ́ wánɛɛ́d guónoólónú uguá nigúmi niá Síe weg na bidányɛdányɛ biá bilúna.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia