Málkus 10
10
Nuɔ́ndɔ́n na guád guá nuɔ́ndɔ́n
(Mat 19.1-12; Lúk 16.18)
1Yésuse uwoólígie agányɛ gá guɛ́d uguá gibéyi giá guísi giá gidɔŋ giá Yudé na ɔgɔ́n unó wa Yuldɛ́ŋ. Andá, giíŋ igíándasibígúsɛ́n yɔ́, uwɛɛ́d gá huínyihuinye bɔ́ haná úmabá wala binɛŋ gidigid. 2Bafalisiɛ́ŋ bómodi abákilɛn yɔ́ gá dɔ́lígɔn yɔ́. Obóhún yɔ́ áneé: «Gigodi giásɔ gíádíhuán bugaga buá gueleé mɔndɔ uhémie ugányɛ weg a?» 3Uwondinye bɔ́ na ŋŋóhúnín iyɛ áneé: «Bugigodi búlum Mɔ́sɛsa úmɔnúɔ́ŋɛ́ɛn?» 4Ɔbɔ́yɛd áneé: «Mɔ́sɛsa umeéŋín ɔnúmɔndɔ bugaga buá guɔ́ŋɛ́ɛn yɔ́ mbɔba gá guád nuɔ́ndɔ́n, uhémie yɔ́.» 5Uwɔyidɛn bɔ́ áneé: «Mɔ́sɛsa umɔnúɔ́ŋɛ́ɛn gigodi igigányɛ gá gueleé nunyɛ idɛ́m gulal. 6Gɔgaá, agá magunsa Uhaluá umaluŋá muand gidigid, umala muɔ́ na ɔnúmɔndɔ na ugándɔ. 7Buand buáguɔ́ úmɔ́yɛ́d áneé: “ɔnúmɔndɔ wanánihɛn síe na noódíe, wanabígɔ́d na ugányɛ, 8bem báandɛ bónd mmegu táŋ imoómi.” Agányɛ bádibánd mmegu íhandɛ gɔgaá mmegu imoómi. 9Mɔndɔ udigódi gɔg áneé udándɔ́n ubuɔ́ Uhaluá úságɔ́d.»
10Bémeéménebíŋín uguá giansɛ, bebinene abándadúdan yɔ́ ŋŋóhúnín gá buónyi ubugányɛ. 11Úmuanyɛ gɔ́b áneé: «Mɔndɔ úméhémie ugányɛ weg wond wɔnɔdɔ́gá odoódi, umal gidáŋa gá ugándɔ wa busió. 12Buand búmomi súsɔ́n gá ugándɔ uságuádúgán na ɔnɛ́m, wɔnɔɔ́ndɔ́nɔ́ndɔ́n na ɔnúmɔndɔ odoódi, umal gidáŋa.»
Na Yésuse na biáyɔ
(Mat 19.13-15; Lúk 18.15-17)
13Bandɔ obólónin Yésuse na biáyɔ gá gueleé ubígɔ́dɔn bɔ́, bebinene bég abágúŋa bɔ́ gɔg. 14Yésuse umaámáan anagányɛ, uweliŋ, uwɔyidɛn bɔ́ áneé: «Níhínánánɔ biáyɔ bíŋólonin! Nudienyényé biɛ́, gá giagiá Niguili niá Uhaluá nínyɛ gá busió buá bandɔ abánya hana bámuanyɛ. 15Uguá meliŋ, yɔɔ́núɔyɔn buɔ́, udiábá wa guádáab Niguili niá Uhaluá hana muúŋayɔ udienébíŋín guɔ́.» 16Egélém uwɔgɔ́lɔn biáyɔ ŋŋuíndi, uwɔndɔdɔ́bígɔn bɔ́ imbɔ́g uwasaya bɔ́.
Nnuɛ́m ya mɔndɔ
(Mat 19.16-30; Lúk 18.18-30)
17Yésuse umaágányɛ uguá ŋŋil gá dɔ́mb, mɔndɔ uwonoól na ɔdɛ́d, uwegunsiginin yɔ́ dunúnú egég gá busió. Uwoóhún yɔ́ áneé: «Ginɔ́g giá ehuínyihuínyi giagɛ igiɛ́ nnya wa gual gá gueleé ndáŋáab nusɔ́da nuá ságásagá?» 18Yésuse uwɔyidɛn yɔ́ áneé: «Gá giagɛ ɔ́ndɔ́ŋɔnaá áneé ginɔ́g giá mɔndɔ? Mɔndɔ udibá ginɔ́g giá mɔndɔ, pɛ́ŋ Uhaluá táŋ omoómi. 19Aálinsan gigodi. Ɔdiɔ́n mɔndɔ, adial gidáŋa, ediéb buand, adisúŋɛ́n sɔ́gá gimal giá buónyi, ɔdigɔ́l buand buá sɔ́gá na inɔŋɔnɔŋa. Búlúgényé na síe wahɔ na noódíe wahɔ.» 20Mɔndɔ uwondinye áneé: «Ehuínyihuínyi, mmagɔns gubídígan bigodi ibígányɛ gidigid gubul gá buábuayá wamɛ.» 21Yésuse uwabíyigan yɔ́ sóloóŋ, uwond uwabia ginɔ́nɛ́n neéneg, úmuanyɛ gég áneé: «Buand búáguambanɔ búmomi, idá, dué muand muáhɔ gidigid eéŋin basúgasuga ŋŋúme yaáguɔ́, anábádabia bunɛ́m giod ugumɔn. Ond gɔg embinidin.» 22Mɔndɔ umɔɔ́mɔ́b gɔg dugálɔ udugányɛ, uwedúmbie guhílíg, imbɔ́g síeg isíásulugɔg, uwɛɛ́d gilɔŋiágilɔŋiá gá giagiá umabianán giod giá bunɛ́m.
23Yésuse uwabíyigan bebinene bég haná bémégéŋélídíe yɔ́ úmuanyɛ gɔ́b áneé: «Búánábɛ́n nnuɛ́m meyú gá bíŋín uguá Niguili niá Uhaluá.» 24Bebinene abáyíka dugálɔ duá Yésuse udugányɛ. Ta anagányɛ Yésuse uwɔnduguɔyidɛn bɔ́ áneé: «Baán bámɛ, búnyɛ hómohómue meyú gá mɔndɔ gubíŋín uguá Niguili niá Uhaluá. 25Búnyɛ láglágɔ gá giandá giá bunyam igiɛ́ bɔ́dɔ́ŋɔnaá áneé samó gá dúmbɛ́n agá giési giá ɔndɔnd, gudɔ́mb haná nnuɛ́m gá bíŋín uguá Niguili niá Uhaluá.» 26Bebinene ebéndeséhén na dugálɔ udugányɛ gudɔ́mb, bóŋuinyoŋuinyi bámuanyɛ na bámuanyɛ gɔg áneé: «Ányá unyaá wa bá aháŋánɔ gɔg?» 27Yésuse uwabíyigan bɔ́, úmuanyɛ gɔ́b áneé: «Ta mɔndɔ udibá wa bíháŋ, pɛ́ŋ Uhaluá únyaá wa háŋ mɔndɔ, gá giagiá úmuanyɛ unyɛ wa guala buá gidigid.»
28Piéle uwɔyidɛn yɔ́ áneé: «Ndé gɔg basuá dimanihɛ́n muand muásɔ gidigid idiebinidin.» 29Yésuse uwondinye yɔ́ áneé: «Uguá meliŋ, yɔɔ́núɔyɔn buɔ́, mɔndɔ úmánihɛn giansɛ giég, beliméen, noódíe, síe, baán bég na mesíge még, gámɛ gá busió naá gá busió buá Ginɔ́g giá Nsɔ́m, 30wanábia duɔns haná duɔns, uguá ginɛŋ igiɛ, biansɛ, beliméen, bá noódíe, baán na mesíge uguá nusésényi. Uguá mɔɔ́sɛ omóloneé, udáŋáab nusɔ́da nuá ságásagá. 31Gɔgaá, giod giá bandɔ igínya uguá busió gíónónd uguélém, giá gélém gíónd giá busió.»
Gidógínye giá gádádɔ giá nigué na hám uguá gibɛ́l
(Mat 20.17-19; Lúk 18.31-34)
32Bámabá báganyɛ uguá ŋŋil ya guɛ́d Yelusalɛ́m. Yésuse wanda uguɔ́b guá busió, bebinene ebéséhén, bandɔ ebémebinén bɔ́ bɔ́mɔ́bɔ́n bugádɔ. Yésuse uwɔndɔbígɔ́gídɛn bebinene bég bá báad na báandɛ, uwɔyɔn bɔ́ buand ubúénégineé yɔ́. 33«Guɛ́d guásɔ uguɔ dibúlɛ́ɛg Yelusalɛ́m, hɔ́ bégeduénú Muɔ́n wa mɔndɔ agá bagɔ́n bá bedúmbinusámb nuá Uhaluá naá agá belinsibigodi, bánásɔ́mb gisan giég áneé ugué, bónd bédídíginin bindiádába yɔ́. 34Bindiádába ibigányɛ bíánásiga yɔ́, bíánágasan yɔ́ bidá, bíénégide yɔ́ na gifáfína, bíɔ́nɔ́bɔ́duguɔ́n yɔ́. Uguá buɔ́sɛ buá gádádɔ, uhám uguá gibɛ́l.»
Ŋŋɔŋina ya Sák na Sáŋa
(Mat 20.20-28)
35Egélém agányɛ, Sák na Sáŋa baán bá Sebedé, abákilɛn Yésuse. Ɔbɔ́yidɛn yɔ́ áneé: «Ehuínyihuínyi, diábaŋa áneé adiálɛn buand ubuɔ́ digɔ́guɔŋinaá.» 36Uwoóhún bɔ́ áneé: «Nuɔ́guɔya áneé nnuálɛn giagɛ?» 37Obóndinye yɔ́ áneé: «Anágányɛ uguáhɔ guá Niguili niá bundúlɔ́m, díhuá bugaga buá dugumin agáhɔ gá buáyɛ, uyɔ ɔmbɔ́g uhunɛ́m, unó ɔmbɔ́g uhudádɛ.» 38Uwondinye bɔ́ áneé: «Nudiálinsan buand ubuɔ́ nuóhoneé ubugányɛ. Nunyɛ nua bíhuá gibólé giá giɔ́bíga igiɛ́ ŋŋábíhuánɔ́ a? Ugúnya ana nubia giyuminye giá giɔ́bíga igiɛ́ ŋŋábianɔ́ a?» 39Obóndinye yɔ́ áneé: «Dinyɛ dia gual muɔ́.» Yésuse uwɔyidɛn bɔ́ áneé: «Ɛɛ́ɛ! Nugabíhuá gibólé igiɛ́ ŋŋabíhuánɔ́, nugabia giyuminye igiɛ́ ŋŋabianɔ́. 40Gá ubúnya gɔg buá gueleé mɔndɔ udugumin ɔmbɔ́g huámɛ uhudádɛ ugúnya ana uhunɛ́m, búdibá yaŋuá ndóŋonyeé, indig isigányɛ sínyɛ gá ɔbɔɔ́ Uhaluá úmeyid.» 41Bɔsɔ́gá bá báad bɔ́mɔɔ́mɔɔ́b anagányɛ, ɔbɔ́b gusugɛn, ebéliŋin Sák na Sáŋa. 42Yésuse uwɔdɔ́ŋɛ́ɛn bɔ́, uwɔyidɛn bɔ́ áneé: «Nuálinsan buɔ́, bandɔ ɔbɔɔ́ díbíyiganáa hana ifuŋ siá maán, bégimbe bɔ́ uguɔ́b guá buŋaŋa buá bagɔ́n bónd bégimbe bɔ́ uguɔ́b guá ihiligine. 43Búdigódi áneé búbá nɔ́ uguánɔ guá ɔlɔŋ. Gɔgaá, mɔndɔ uguánɔ guá ɔlɔŋ úmɔ́ya gubá giyáŋáŋá, ugódi áneé ubá edúmébi wanɔ. 44Mmába mɔndɔ uguánɔ guá ɔlɔŋ waáguamba gubá mɔndɔ wa busió, ubá giɔ́lɛ giá mɔndɔ gidigid. 45Gá giagiá Muɔ́n wa Mɔndɔ úmuanyɛ muɛ́d umosúguól áneé bádúmába yɔ́. Gɔgaá, umoól gá dúmába na sílɛ́ɛg nusɔ́da nuég gá gidúgúne giá giod giá bandɔ.»
Gióndúgie giá eheguhégu Baltimé
(Mat 20.29-34; Lúk 18.35-43)
46Ebéneg Yelikó. Yésuse umaágáhámán Yelikó na bebinene bég na ɔlɔŋ huá bandɔ ebémébínén bɔ́, eheguhégu ɔhɛ́n áneé Baltimé, muɔ́n wa Timé, umabá dugumine uguá buáyɛ buá ŋŋil ulula. 47Umɔɔ́mɔ́b áneé búnyɛ Yésuse wa Nasalɛ́d yɔ́, uwɛɛ́d gá héhenye wɔya áneé: «Yésuse, Muɔ́n wa Dáfide ŋŋan bulɔ́b!» 48Giod giá bandɔ igíésugun yɔ́ eŋíd, gígínden yɔ́ áneé udiandágálɛ́ɛd, gɔgaá úmuanyɛ udúmbenye na héhenye áneé: «Muɔ́n wa Dáfide ŋŋan bulɔ́b!» 49Yésuse uwedélímin úmuanyɛ áneé: «Dɔ́ŋínɔ́nɔ́nɔ yɔ́.» Ɔbɔ́dɔ́ŋɛ́ɛn eheguhégu, ɔbɔ́yidɛn yɔ́ áneé: «Bíág bunúmɔndɔ, adígɛ́n wɔ́dɔ́ŋɔn.» 50Eheguhégu uwomb gihuya giég na ndádídádiá, uwehulug, uwenegín Yésuse. 51Yésuse uwoóhún yɔ́ áneé: «Giagɛ igiɛ́ ámbanɔ́ áneé yal gáhɔ gá busió?» Eheguhégu uwondinye yɔ́ áneé: «Ehuínyihuínyi, ál áneé yanduguánan.» 52Yésuse uwɔyidɛn yɔ́ áneé: «Ídá, guágɔdɛ́m guáhɔ gúmóguóndúgíe.» Hɔ́nɔhɔ́, uwɛɛ́d gá guánan, uwebinen Yésuse uguá ŋŋil.
Iliyochaguliwa sasa
Málkus 10: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Málkus 10
10
Nuɔ́ndɔ́n na guád guá nuɔ́ndɔ́n
(Mat 19.1-12; Lúk 16.18)
1Yésuse uwoólígie agányɛ gá guɛ́d uguá gibéyi giá guísi giá gidɔŋ giá Yudé na ɔgɔ́n unó wa Yuldɛ́ŋ. Andá, giíŋ igíándasibígúsɛ́n yɔ́, uwɛɛ́d gá huínyihuinye bɔ́ haná úmabá wala binɛŋ gidigid. 2Bafalisiɛ́ŋ bómodi abákilɛn yɔ́ gá dɔ́lígɔn yɔ́. Obóhún yɔ́ áneé: «Gigodi giásɔ gíádíhuán bugaga buá gueleé mɔndɔ uhémie ugányɛ weg a?» 3Uwondinye bɔ́ na ŋŋóhúnín iyɛ áneé: «Bugigodi búlum Mɔ́sɛsa úmɔnúɔ́ŋɛ́ɛn?» 4Ɔbɔ́yɛd áneé: «Mɔ́sɛsa umeéŋín ɔnúmɔndɔ bugaga buá guɔ́ŋɛ́ɛn yɔ́ mbɔba gá guád nuɔ́ndɔ́n, uhémie yɔ́.» 5Uwɔyidɛn bɔ́ áneé: «Mɔ́sɛsa umɔnúɔ́ŋɛ́ɛn gigodi igigányɛ gá gueleé nunyɛ idɛ́m gulal. 6Gɔgaá, agá magunsa Uhaluá umaluŋá muand gidigid, umala muɔ́ na ɔnúmɔndɔ na ugándɔ. 7Buand buáguɔ́ úmɔ́yɛ́d áneé: “ɔnúmɔndɔ wanánihɛn síe na noódíe, wanabígɔ́d na ugányɛ, 8bem báandɛ bónd mmegu táŋ imoómi.” Agányɛ bádibánd mmegu íhandɛ gɔgaá mmegu imoómi. 9Mɔndɔ udigódi gɔg áneé udándɔ́n ubuɔ́ Uhaluá úságɔ́d.»
10Bémeéménebíŋín uguá giansɛ, bebinene abándadúdan yɔ́ ŋŋóhúnín gá buónyi ubugányɛ. 11Úmuanyɛ gɔ́b áneé: «Mɔndɔ úméhémie ugányɛ weg wond wɔnɔdɔ́gá odoódi, umal gidáŋa gá ugándɔ wa busió. 12Buand búmomi súsɔ́n gá ugándɔ uságuádúgán na ɔnɛ́m, wɔnɔɔ́ndɔ́nɔ́ndɔ́n na ɔnúmɔndɔ odoódi, umal gidáŋa.»
Na Yésuse na biáyɔ
(Mat 19.13-15; Lúk 18.15-17)
13Bandɔ obólónin Yésuse na biáyɔ gá gueleé ubígɔ́dɔn bɔ́, bebinene bég abágúŋa bɔ́ gɔg. 14Yésuse umaámáan anagányɛ, uweliŋ, uwɔyidɛn bɔ́ áneé: «Níhínánánɔ biáyɔ bíŋólonin! Nudienyényé biɛ́, gá giagiá Niguili niá Uhaluá nínyɛ gá busió buá bandɔ abánya hana bámuanyɛ. 15Uguá meliŋ, yɔɔ́núɔyɔn buɔ́, udiábá wa guádáab Niguili niá Uhaluá hana muúŋayɔ udienébíŋín guɔ́.» 16Egélém uwɔgɔ́lɔn biáyɔ ŋŋuíndi, uwɔndɔdɔ́bígɔn bɔ́ imbɔ́g uwasaya bɔ́.
Nnuɛ́m ya mɔndɔ
(Mat 19.16-30; Lúk 18.18-30)
17Yésuse umaágányɛ uguá ŋŋil gá dɔ́mb, mɔndɔ uwonoól na ɔdɛ́d, uwegunsiginin yɔ́ dunúnú egég gá busió. Uwoóhún yɔ́ áneé: «Ginɔ́g giá ehuínyihuínyi giagɛ igiɛ́ nnya wa gual gá gueleé ndáŋáab nusɔ́da nuá ságásagá?» 18Yésuse uwɔyidɛn yɔ́ áneé: «Gá giagɛ ɔ́ndɔ́ŋɔnaá áneé ginɔ́g giá mɔndɔ? Mɔndɔ udibá ginɔ́g giá mɔndɔ, pɛ́ŋ Uhaluá táŋ omoómi. 19Aálinsan gigodi. Ɔdiɔ́n mɔndɔ, adial gidáŋa, ediéb buand, adisúŋɛ́n sɔ́gá gimal giá buónyi, ɔdigɔ́l buand buá sɔ́gá na inɔŋɔnɔŋa. Búlúgényé na síe wahɔ na noódíe wahɔ.» 20Mɔndɔ uwondinye áneé: «Ehuínyihuínyi, mmagɔns gubídígan bigodi ibígányɛ gidigid gubul gá buábuayá wamɛ.» 21Yésuse uwabíyigan yɔ́ sóloóŋ, uwond uwabia ginɔ́nɛ́n neéneg, úmuanyɛ gég áneé: «Buand búáguambanɔ búmomi, idá, dué muand muáhɔ gidigid eéŋin basúgasuga ŋŋúme yaáguɔ́, anábádabia bunɛ́m giod ugumɔn. Ond gɔg embinidin.» 22Mɔndɔ umɔɔ́mɔ́b gɔg dugálɔ udugányɛ, uwedúmbie guhílíg, imbɔ́g síeg isíásulugɔg, uwɛɛ́d gilɔŋiágilɔŋiá gá giagiá umabianán giod giá bunɛ́m.
23Yésuse uwabíyigan bebinene bég haná bémégéŋélídíe yɔ́ úmuanyɛ gɔ́b áneé: «Búánábɛ́n nnuɛ́m meyú gá bíŋín uguá Niguili niá Uhaluá.» 24Bebinene abáyíka dugálɔ duá Yésuse udugányɛ. Ta anagányɛ Yésuse uwɔnduguɔyidɛn bɔ́ áneé: «Baán bámɛ, búnyɛ hómohómue meyú gá mɔndɔ gubíŋín uguá Niguili niá Uhaluá. 25Búnyɛ láglágɔ gá giandá giá bunyam igiɛ́ bɔ́dɔ́ŋɔnaá áneé samó gá dúmbɛ́n agá giési giá ɔndɔnd, gudɔ́mb haná nnuɛ́m gá bíŋín uguá Niguili niá Uhaluá.» 26Bebinene ebéndeséhén na dugálɔ udugányɛ gudɔ́mb, bóŋuinyoŋuinyi bámuanyɛ na bámuanyɛ gɔg áneé: «Ányá unyaá wa bá aháŋánɔ gɔg?» 27Yésuse uwabíyigan bɔ́, úmuanyɛ gɔ́b áneé: «Ta mɔndɔ udibá wa bíháŋ, pɛ́ŋ Uhaluá únyaá wa háŋ mɔndɔ, gá giagiá úmuanyɛ unyɛ wa guala buá gidigid.»
28Piéle uwɔyidɛn yɔ́ áneé: «Ndé gɔg basuá dimanihɛ́n muand muásɔ gidigid idiebinidin.» 29Yésuse uwondinye yɔ́ áneé: «Uguá meliŋ, yɔɔ́núɔyɔn buɔ́, mɔndɔ úmánihɛn giansɛ giég, beliméen, noódíe, síe, baán bég na mesíge még, gámɛ gá busió naá gá busió buá Ginɔ́g giá Nsɔ́m, 30wanábia duɔns haná duɔns, uguá ginɛŋ igiɛ, biansɛ, beliméen, bá noódíe, baán na mesíge uguá nusésényi. Uguá mɔɔ́sɛ omóloneé, udáŋáab nusɔ́da nuá ságásagá. 31Gɔgaá, giod giá bandɔ igínya uguá busió gíónónd uguélém, giá gélém gíónd giá busió.»
Gidógínye giá gádádɔ giá nigué na hám uguá gibɛ́l
(Mat 20.17-19; Lúk 18.31-34)
32Bámabá báganyɛ uguá ŋŋil ya guɛ́d Yelusalɛ́m. Yésuse wanda uguɔ́b guá busió, bebinene ebéséhén, bandɔ ebémebinén bɔ́ bɔ́mɔ́bɔ́n bugádɔ. Yésuse uwɔndɔbígɔ́gídɛn bebinene bég bá báad na báandɛ, uwɔyɔn bɔ́ buand ubúénégineé yɔ́. 33«Guɛ́d guásɔ uguɔ dibúlɛ́ɛg Yelusalɛ́m, hɔ́ bégeduénú Muɔ́n wa mɔndɔ agá bagɔ́n bá bedúmbinusámb nuá Uhaluá naá agá belinsibigodi, bánásɔ́mb gisan giég áneé ugué, bónd bédídíginin bindiádába yɔ́. 34Bindiádába ibigányɛ bíánásiga yɔ́, bíánágasan yɔ́ bidá, bíénégide yɔ́ na gifáfína, bíɔ́nɔ́bɔ́duguɔ́n yɔ́. Uguá buɔ́sɛ buá gádádɔ, uhám uguá gibɛ́l.»
Ŋŋɔŋina ya Sák na Sáŋa
(Mat 20.20-28)
35Egélém agányɛ, Sák na Sáŋa baán bá Sebedé, abákilɛn Yésuse. Ɔbɔ́yidɛn yɔ́ áneé: «Ehuínyihuínyi, diábaŋa áneé adiálɛn buand ubuɔ́ digɔ́guɔŋinaá.» 36Uwoóhún bɔ́ áneé: «Nuɔ́guɔya áneé nnuálɛn giagɛ?» 37Obóndinye yɔ́ áneé: «Anágányɛ uguáhɔ guá Niguili niá bundúlɔ́m, díhuá bugaga buá dugumin agáhɔ gá buáyɛ, uyɔ ɔmbɔ́g uhunɛ́m, unó ɔmbɔ́g uhudádɛ.» 38Uwondinye bɔ́ áneé: «Nudiálinsan buand ubuɔ́ nuóhoneé ubugányɛ. Nunyɛ nua bíhuá gibólé giá giɔ́bíga igiɛ́ ŋŋábíhuánɔ́ a? Ugúnya ana nubia giyuminye giá giɔ́bíga igiɛ́ ŋŋábianɔ́ a?» 39Obóndinye yɔ́ áneé: «Dinyɛ dia gual muɔ́.» Yésuse uwɔyidɛn bɔ́ áneé: «Ɛɛ́ɛ! Nugabíhuá gibólé igiɛ́ ŋŋabíhuánɔ́, nugabia giyuminye igiɛ́ ŋŋabianɔ́. 40Gá ubúnya gɔg buá gueleé mɔndɔ udugumin ɔmbɔ́g huámɛ uhudádɛ ugúnya ana uhunɛ́m, búdibá yaŋuá ndóŋonyeé, indig isigányɛ sínyɛ gá ɔbɔɔ́ Uhaluá úmeyid.» 41Bɔsɔ́gá bá báad bɔ́mɔɔ́mɔɔ́b anagányɛ, ɔbɔ́b gusugɛn, ebéliŋin Sák na Sáŋa. 42Yésuse uwɔdɔ́ŋɛ́ɛn bɔ́, uwɔyidɛn bɔ́ áneé: «Nuálinsan buɔ́, bandɔ ɔbɔɔ́ díbíyiganáa hana ifuŋ siá maán, bégimbe bɔ́ uguɔ́b guá buŋaŋa buá bagɔ́n bónd bégimbe bɔ́ uguɔ́b guá ihiligine. 43Búdigódi áneé búbá nɔ́ uguánɔ guá ɔlɔŋ. Gɔgaá, mɔndɔ uguánɔ guá ɔlɔŋ úmɔ́ya gubá giyáŋáŋá, ugódi áneé ubá edúmébi wanɔ. 44Mmába mɔndɔ uguánɔ guá ɔlɔŋ waáguamba gubá mɔndɔ wa busió, ubá giɔ́lɛ giá mɔndɔ gidigid. 45Gá giagiá Muɔ́n wa Mɔndɔ úmuanyɛ muɛ́d umosúguól áneé bádúmába yɔ́. Gɔgaá, umoól gá dúmába na sílɛ́ɛg nusɔ́da nuég gá gidúgúne giá giod giá bandɔ.»
Gióndúgie giá eheguhégu Baltimé
(Mat 20.29-34; Lúk 18.35-43)
46Ebéneg Yelikó. Yésuse umaágáhámán Yelikó na bebinene bég na ɔlɔŋ huá bandɔ ebémébínén bɔ́, eheguhégu ɔhɛ́n áneé Baltimé, muɔ́n wa Timé, umabá dugumine uguá buáyɛ buá ŋŋil ulula. 47Umɔɔ́mɔ́b áneé búnyɛ Yésuse wa Nasalɛ́d yɔ́, uwɛɛ́d gá héhenye wɔya áneé: «Yésuse, Muɔ́n wa Dáfide ŋŋan bulɔ́b!» 48Giod giá bandɔ igíésugun yɔ́ eŋíd, gígínden yɔ́ áneé udiandágálɛ́ɛd, gɔgaá úmuanyɛ udúmbenye na héhenye áneé: «Muɔ́n wa Dáfide ŋŋan bulɔ́b!» 49Yésuse uwedélímin úmuanyɛ áneé: «Dɔ́ŋínɔ́nɔ́nɔ yɔ́.» Ɔbɔ́dɔ́ŋɛ́ɛn eheguhégu, ɔbɔ́yidɛn yɔ́ áneé: «Bíág bunúmɔndɔ, adígɛ́n wɔ́dɔ́ŋɔn.» 50Eheguhégu uwomb gihuya giég na ndádídádiá, uwehulug, uwenegín Yésuse. 51Yésuse uwoóhún yɔ́ áneé: «Giagɛ igiɛ́ ámbanɔ́ áneé yal gáhɔ gá busió?» Eheguhégu uwondinye yɔ́ áneé: «Ehuínyihuínyi, ál áneé yanduguánan.» 52Yésuse uwɔyidɛn yɔ́ áneé: «Ídá, guágɔdɛ́m guáhɔ gúmóguóndúgíe.» Hɔ́nɔhɔ́, uwɛɛ́d gá guánan, uwebinen Yésuse uguá ŋŋil.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia