Matiós 6
6
Nusámb
1«Ánaá núbídédínye gá guala giádábɛ́n giánɔ agá eŋís ya bandɔ, gá gueleé áneé bénúbúlúgenye. Gá giagiá, nudianábia bisuɛ́n agá buáyɛ buá Síe wánɔ unyaá ugumɔn. 2Uguá ginɛŋ igiɛ́ ídanaá gá dóŋinye gɔg nusámb, ɔdidɔ́ŋá nsɛ́b hana bandɔ bá mamb bálanɔ́ uguá bigúl, ugúnya ana uguá bibala, gá guamba gihóhólé giá nigúmi agá eŋís ya bandɔ, yɔɔ́núɔyɔn buɔ́, bámamanábia bisuɛ́n biɔ́b. 3Gáhɔ gɔg, uguá ginɛŋ igiɛ́ ídanaá gá guéŋin asúgasuga buand, ɔmbɔ́g huáhɔ uhudádɛ húdilɛns ubuɔ́ ɔmbɔ́g uhunɛ́m húdóŋonyeé. 4Gá gueleé nusámb nuáhɔ núbá uguá ninamba, guond Síe wahɔ unyaá hɔ́ uguá ninamba, wonóguondinye nuɔ́.»
Mbísógóli
5«Uguá ginɛŋ igiɛ́ núbísógólonyeé, nudibán hana bandɔ bá mamb ɔbɔ́yɔnɔ́ gudélímen uguá bigúl naá uguá maándúga má bibala gá gueleé bandɔ gidigid bánan bɔ́, hómohómue yɔɔ́núɔyɔn buɔ́, bámamanádáŋáab bisuɛ́n biɔ́b. 6Gáhɔ gɔg, uguá ginɛŋ igiɛ́ ámbanɔ́ gubísógólonye, bíŋín uguáhɔ guá nsúmba, ebug yɛ́, ɛɛ́d gɔg gá bísógólonye Síe wahɔ unyaá hɔ́ uguá ninamba. Waáguánan gɔg ubuɔ́ álanɔ́ uguá ninamba, wanásuɛ́n buɔ́. 7Uguá ginɛŋ igiɛ́ núbísógólonyeé, nudiondónyínyé muand muáguɔ́ múmomi hana bindiádába ibígedenyeé áneé Uhaluá ugɔɔ́guɔ́b mbísógóli yɔb. 8Nudibígédényé bɔ́ gɔg gá giagiá Síe wánɔ Uhaluá waálinsan nsan yanɔ ta numanyɛ nudióhún yɔ́.»
Baba wasɔ
(Lúk 11.2-4)
9Banuá gɔg, bísógólónyénénu nuɔya áneé:
«Baba wásɔ unyaá ugumɔn, ánaá ɔhɛ́n huáhɔ húbígúmenye,
10gugilebe guáhɔ gudiólín,
guɔyɛd guáhɔ gubial uguísi hana
gúbíalanɔ́ ugumɔn.
11Díhuá gunyá guásɔ guá hínen,
12díyíbínɛ́n gásɔ gá bilɔga,
hana basuá súsɔ́n díyibinaninaá bɔsɔ́gá.
13Edidídígin uguá isɔgida,
gɔgaá dídúgún gá bilɔga. [Gá giagiá aŋuá ogódionu gugilebe, buŋaŋa na nigúmi gá nnyɔ́m na nnyɔ́m. Anagányɛ.]
14Ɛɛ́ɛ, númáyibinanɛn bandɔ bilɔga biɔ́b, Síe wánɔ unyaá ugumɔn wanánúyibinɛn súsɔ́n. 15Gɔgaá, banuá númánudiyibínán bandɔ, Síe wánɔ súsɔ́n unyaá ugumɔn udianánúyibinɛn bilɔga biánɔ.»
Gibíénye
16«Uguá ginɛŋ igiɛ́ núálanɔ́ gibíénye, nudibíníhínán nuɔ́l hana bandɔ bá mamb ebébísusenyeé nuɔ́l gá díyenye bandɔ áneé báguala gibíénye, yɔɔ́núɔyɔn buɔ́, búnyɛ hómohómue bámamanábia bisuɛ́n biɔ́b. 17Gáhɔ gɔg, uguá ginɛŋ igiɛ́ álanɔ́ gibíénye giáhɔ, bísúgɛ́d busió ebíhué megúd má ohind uguá ɔduá. 18Búnyɛ gá gueleé edidíyényé bandɔ áneé aáguala gibíénye, gɔgaá pɛ́ŋ Síe wahɔ unyaá uguá ninamba, uwaánanaá wonóguondinye.»
Bunɛ́m ubúnya ugumɔn
(Lúk 12.33-34)
19«Nudibígúsán bunɛ́m buá guísi, bunɛ́m ubuɔ́ na nihínya na biyeli múnya muá húhie, bunɛ́m ubuɔ́ súsɔ́n uŋébi únya wa guád giansɛ gá guólesiguébín. 20Gɔgaá, ánaá núbígúsan bunɛ́m buá gumɔn ubúnya áneé, ta nihínya ta biyeli múdibá muá húhie, ta uŋébi udibá wa guád giansɛ gá guéb. 21Gá giagiá, hɔɔ́m ɔhɔɔ́ bunɛ́m buáhɔ búnya, hɔ́ ɔdɛ́m huáhɔ húnya súsɔ́n.»
Gise giá nuɔ́l
(Lúk 11.34-36)
22«Ilámba hiá nuɔ́l híhínya niís, mmába gɔg niís niáhɔ nídiánúma tábɔ́ áneé nuɔ́l nuáhɔ gidigid núnyɛ uguá gise. 23Gɔgaá, niís niáhɔ nímánúma tábɔ́ áneé nuɔ́l nuáhɔ gidigid núnyɛ uguá mbíne. Mmába gise igínya uguáhɔ guá nuɔ́l gínyɛ mbíne tábɔ́ áneé imáyad.»
Uhaluá ugúnya ana ŋŋúme
(Lúk 16.13)
24«Ta mɔndɔ udibá wa gualan behuínyihuínyi báandɛ buóli, ugɔɔ́guɔya omoómi ubina omodi, ugúnya ana ubá gilád giá omoómi usíŋa omodi. Nudibá nua gualan Uhaluá buóli nuond nualan súsɔ́n ŋŋúme.»
Mesígíl
(Lúk 12.22-31)
25«Buand buáguɔ́ nnúɔyɔnaá áneé: Nudibianán mesígíl uguánɔ guá nusɔ́da na bíóhon ubuɔ́ núgaányánanaá, ugúnya ana bundífɔn ubuɔ́ núgaábíágánɔ́. Nusɔ́da núdiádúmban gunyá a? Guond nuɔ́l núdiádúmban bisɔn a? 26Ánaá nuán munonyi muá gumɔn, múdiánima, múdióguoge, múdigódi dunsas gá bídígan biogoge biɔ́b, gɔgaá Síe wánɔ unyaá ugumɔn woóguoye muɔ́. Agá eŋís ya Uhaluá wánɔ nudibá giandá gudɔ́mb munonyi a? 27Ányá, uguánɔ guá ɔlɔŋ, uguég guá mesígíl, unyaá wa guɔ́hígɛn ta maná ginɛŋ uguég guá nusɔ́da? 28Gá giagɛ núbísésenyeé gá bisɔn gá buɔ́? Ánaá nuán megíde má gudányɛ hana mágumanaá, mádiáguala buóli, mádiánuga bisɔn. 29Yɔɔ́núɔyɔn buɔ́ áneé, ta Salomɔ́ŋ uguég guá nigúmi, umasábíág bisɔn hana ta bugíde búmomi. 30Megíde ɔmɔ́sɔ́dɔnaá gá buɔ́sɛ búmomi, na giám bɔ́nɔh mɔ́ agá yoógi, mmába Uhaluá waálaŋa mɔ́ anagányɛ, naánanyá údiabá wa gual buɔ́ gánɔ gá busió, banuá bandɔ nugódionu maná guágɔdɛ́m? 31Nudibianán mesígíl, nudibióhón áneé: “Giagɛ igiɛ́ dígaányánɔ́? Giagɛ igiɛ́ dígaábíhuánɔ́? Kásɛ bugisɔn ubuɔ́ dígaábíágánɔ́?” 32Umugányɛ gidigid bindiádába bíbíambanɔ́ muɔ́ kanda nidɔgíná. Síe wánɔ unyaá ugumɔn waámúnyan beseé na beseé áneé núábaŋa muɔ́ gidigid. 33Ánaá núágaguamba Niguili niá gumɔn na gindényé giá Uhaluá, egélém agányɛ, bánánúhuá muá gidigid umúólmuóndeé. 34Nudibiá mesígíl gá giám, giám gíébísésenye gég gá busió, sig buɔ́sɛ búgódi giég gidɔga.»
Iliyochaguliwa sasa
Matiós 6: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matiós 6
6
Nusámb
1«Ánaá núbídédínye gá guala giádábɛ́n giánɔ agá eŋís ya bandɔ, gá gueleé áneé bénúbúlúgenye. Gá giagiá, nudianábia bisuɛ́n agá buáyɛ buá Síe wánɔ unyaá ugumɔn. 2Uguá ginɛŋ igiɛ́ ídanaá gá dóŋinye gɔg nusámb, ɔdidɔ́ŋá nsɛ́b hana bandɔ bá mamb bálanɔ́ uguá bigúl, ugúnya ana uguá bibala, gá guamba gihóhólé giá nigúmi agá eŋís ya bandɔ, yɔɔ́núɔyɔn buɔ́, bámamanábia bisuɛ́n biɔ́b. 3Gáhɔ gɔg, uguá ginɛŋ igiɛ́ ídanaá gá guéŋin asúgasuga buand, ɔmbɔ́g huáhɔ uhudádɛ húdilɛns ubuɔ́ ɔmbɔ́g uhunɛ́m húdóŋonyeé. 4Gá gueleé nusámb nuáhɔ núbá uguá ninamba, guond Síe wahɔ unyaá hɔ́ uguá ninamba, wonóguondinye nuɔ́.»
Mbísógóli
5«Uguá ginɛŋ igiɛ́ núbísógólonyeé, nudibán hana bandɔ bá mamb ɔbɔ́yɔnɔ́ gudélímen uguá bigúl naá uguá maándúga má bibala gá gueleé bandɔ gidigid bánan bɔ́, hómohómue yɔɔ́núɔyɔn buɔ́, bámamanádáŋáab bisuɛ́n biɔ́b. 6Gáhɔ gɔg, uguá ginɛŋ igiɛ́ ámbanɔ́ gubísógólonye, bíŋín uguáhɔ guá nsúmba, ebug yɛ́, ɛɛ́d gɔg gá bísógólonye Síe wahɔ unyaá hɔ́ uguá ninamba. Waáguánan gɔg ubuɔ́ álanɔ́ uguá ninamba, wanásuɛ́n buɔ́. 7Uguá ginɛŋ igiɛ́ núbísógólonyeé, nudiondónyínyé muand muáguɔ́ múmomi hana bindiádába ibígedenyeé áneé Uhaluá ugɔɔ́guɔ́b mbísógóli yɔb. 8Nudibígédényé bɔ́ gɔg gá giagiá Síe wánɔ Uhaluá waálinsan nsan yanɔ ta numanyɛ nudióhún yɔ́.»
Baba wasɔ
(Lúk 11.2-4)
9Banuá gɔg, bísógólónyénénu nuɔya áneé:
«Baba wásɔ unyaá ugumɔn, ánaá ɔhɛ́n huáhɔ húbígúmenye,
10gugilebe guáhɔ gudiólín,
guɔyɛd guáhɔ gubial uguísi hana
gúbíalanɔ́ ugumɔn.
11Díhuá gunyá guásɔ guá hínen,
12díyíbínɛ́n gásɔ gá bilɔga,
hana basuá súsɔ́n díyibinaninaá bɔsɔ́gá.
13Edidídígin uguá isɔgida,
gɔgaá dídúgún gá bilɔga. [Gá giagiá aŋuá ogódionu gugilebe, buŋaŋa na nigúmi gá nnyɔ́m na nnyɔ́m. Anagányɛ.]
14Ɛɛ́ɛ, númáyibinanɛn bandɔ bilɔga biɔ́b, Síe wánɔ unyaá ugumɔn wanánúyibinɛn súsɔ́n. 15Gɔgaá, banuá númánudiyibínán bandɔ, Síe wánɔ súsɔ́n unyaá ugumɔn udianánúyibinɛn bilɔga biánɔ.»
Gibíénye
16«Uguá ginɛŋ igiɛ́ núálanɔ́ gibíénye, nudibíníhínán nuɔ́l hana bandɔ bá mamb ebébísusenyeé nuɔ́l gá díyenye bandɔ áneé báguala gibíénye, yɔɔ́núɔyɔn buɔ́, búnyɛ hómohómue bámamanábia bisuɛ́n biɔ́b. 17Gáhɔ gɔg, uguá ginɛŋ igiɛ́ álanɔ́ gibíénye giáhɔ, bísúgɛ́d busió ebíhué megúd má ohind uguá ɔduá. 18Búnyɛ gá gueleé edidíyényé bandɔ áneé aáguala gibíénye, gɔgaá pɛ́ŋ Síe wahɔ unyaá uguá ninamba, uwaánanaá wonóguondinye.»
Bunɛ́m ubúnya ugumɔn
(Lúk 12.33-34)
19«Nudibígúsán bunɛ́m buá guísi, bunɛ́m ubuɔ́ na nihínya na biyeli múnya muá húhie, bunɛ́m ubuɔ́ súsɔ́n uŋébi únya wa guád giansɛ gá guólesiguébín. 20Gɔgaá, ánaá núbígúsan bunɛ́m buá gumɔn ubúnya áneé, ta nihínya ta biyeli múdibá muá húhie, ta uŋébi udibá wa guád giansɛ gá guéb. 21Gá giagiá, hɔɔ́m ɔhɔɔ́ bunɛ́m buáhɔ búnya, hɔ́ ɔdɛ́m huáhɔ húnya súsɔ́n.»
Gise giá nuɔ́l
(Lúk 11.34-36)
22«Ilámba hiá nuɔ́l híhínya niís, mmába gɔg niís niáhɔ nídiánúma tábɔ́ áneé nuɔ́l nuáhɔ gidigid núnyɛ uguá gise. 23Gɔgaá, niís niáhɔ nímánúma tábɔ́ áneé nuɔ́l nuáhɔ gidigid núnyɛ uguá mbíne. Mmába gise igínya uguáhɔ guá nuɔ́l gínyɛ mbíne tábɔ́ áneé imáyad.»
Uhaluá ugúnya ana ŋŋúme
(Lúk 16.13)
24«Ta mɔndɔ udibá wa gualan behuínyihuínyi báandɛ buóli, ugɔɔ́guɔya omoómi ubina omodi, ugúnya ana ubá gilád giá omoómi usíŋa omodi. Nudibá nua gualan Uhaluá buóli nuond nualan súsɔ́n ŋŋúme.»
Mesígíl
(Lúk 12.22-31)
25«Buand buáguɔ́ nnúɔyɔnaá áneé: Nudibianán mesígíl uguánɔ guá nusɔ́da na bíóhon ubuɔ́ núgaányánanaá, ugúnya ana bundífɔn ubuɔ́ núgaábíágánɔ́. Nusɔ́da núdiádúmban gunyá a? Guond nuɔ́l núdiádúmban bisɔn a? 26Ánaá nuán munonyi muá gumɔn, múdiánima, múdióguoge, múdigódi dunsas gá bídígan biogoge biɔ́b, gɔgaá Síe wánɔ unyaá ugumɔn woóguoye muɔ́. Agá eŋís ya Uhaluá wánɔ nudibá giandá gudɔ́mb munonyi a? 27Ányá, uguánɔ guá ɔlɔŋ, uguég guá mesígíl, unyaá wa guɔ́hígɛn ta maná ginɛŋ uguég guá nusɔ́da? 28Gá giagɛ núbísésenyeé gá bisɔn gá buɔ́? Ánaá nuán megíde má gudányɛ hana mágumanaá, mádiáguala buóli, mádiánuga bisɔn. 29Yɔɔ́núɔyɔn buɔ́ áneé, ta Salomɔ́ŋ uguég guá nigúmi, umasábíág bisɔn hana ta bugíde búmomi. 30Megíde ɔmɔ́sɔ́dɔnaá gá buɔ́sɛ búmomi, na giám bɔ́nɔh mɔ́ agá yoógi, mmába Uhaluá waálaŋa mɔ́ anagányɛ, naánanyá údiabá wa gual buɔ́ gánɔ gá busió, banuá bandɔ nugódionu maná guágɔdɛ́m? 31Nudibianán mesígíl, nudibióhón áneé: “Giagɛ igiɛ́ dígaányánɔ́? Giagɛ igiɛ́ dígaábíhuánɔ́? Kásɛ bugisɔn ubuɔ́ dígaábíágánɔ́?” 32Umugányɛ gidigid bindiádába bíbíambanɔ́ muɔ́ kanda nidɔgíná. Síe wánɔ unyaá ugumɔn waámúnyan beseé na beseé áneé núábaŋa muɔ́ gidigid. 33Ánaá núágaguamba Niguili niá gumɔn na gindényé giá Uhaluá, egélém agányɛ, bánánúhuá muá gidigid umúólmuóndeé. 34Nudibiá mesígíl gá giám, giám gíébísésenye gég gá busió, sig buɔ́sɛ búgódi giég gidɔga.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia