Luka 8
8
Bakento bedi kwe landingi Yesu
1Ku manima, Yesu wuyenda mu zimbanza na mu mabwala mu kwe longi na mu kwe samuni Musamu Wumbote wu Kimfumu ki Nzambi. Milongoki kumi na myole miba nandi kintwadi, 2na mwa ndambu yi bakento ba kaduukisa mpeve zimbi na ba kanyakisa bimbevo: Maliya, wuba kwe tumisinanga mwisi Mangadala, wu kaduukisa mpeve nsambwadi zimbi, 3Zani, mukento wu Kuza, muntu wuba munkebi wu mwvilu wu Elode, Susana na babingi bakaka, bedi sadisanga Yesu mu bimvwama byawu.
Kingana ki kisadi ki mfuba
(Mat 13.1-9; Mlk 4.1-9)
4Bantu bafuma ku zimbanza zizingi, bayiza kutakana ha bela Yesu. Yandi wubateela kingana eki: 5«Kisadi kimfuba kiyenda mu kwe mwanga nswanga. Bu kedi kwe mwangi nswanga, ndambu nswanga yibwa ha sambu di nzila: bantu badyata yo na banuni badya yo. 6Ndambu yihiika yibwa ha butoto bu ba na matadi: bu yimena, yawu yiyuma, mu dyambu ti butoto buba kyototo ko. 7Na ndambu yihiika yibwa ha kati di bititi binsende, yawu yimena ha kimosi na bititi binsende na bititi binsende bifyetikisa yo. 8Kansi zihiika zibwa ha butoto bumbote, zikula mpe zibuta mimbutu mimingi, nkama mu bikanka.» Yesu bu kamana bateela bobo, wusasula ndinga mu ngolo ti: «Wonso wuu na makutu mu yuwa, bika kayuwa!»
Bila nki Yesu kana zonzila mu bingana
(Mat 13.10-17; Mlk 4.10-12)
9Milongoki myandi mi mufuula mbangudulu yi kingana bekyokyo. 10Wubateela ti: «Lutambudi luve mu zaba mansweki ma kimfumu ki Nzambi, kansi ku bahiika, mu bingana bana batela myo, mu dyambu ti
yawu balendi tala, kansi bana yena kima ko,
mboki balendi yuwa, kansi bana bakula nakani kima kimosi ko.»
Mbangudulu yi kingana ki muntu wuyenda mwanga nswanga
(Mat 13.18-23; Mlk 4.13-20)
11Yuweno mbangudulu yi kingana bekiki: nswanga, ni Mambu ma Nzambi. 12Yi mu ndambu nzila, ni bantu bakwe yuwanga Mambu ma Nzambi, kansi nkadyampemba bu kaakwiza wubakatudi mo mu mitima myawu, mwanki balembolo kwikila mpe balembolo baka mpulusu. 13Yi ha butoto bu matadi: ni bantu bakwe yuwanga Mambu ma Nzambi mpe bakwe tambulanga mo mu kyese. Kansi malendi mena myanzi ko, bakwe kwikilanga mu ntangu yifyoti, kansi ti ntontolo yi batudidi, bakwe bwisanga kiminu. 14Nswanga zibwa ha kati di nsende, ni bantu bebobo bakwe yuwanga Mambu ma Nzambi, kansi manyongo mawu, bimvwama, mpe minkembo mi kinza mikwe sanga ti Mambu ma Nzambi maba mafyetakana mu kizingu kyawu, na makwe butanga mimbutu miyela ko. 15Nswanga zibwa ha butoto bumbote, ni bantu bebobo bakwe yuwanga Mambu ma Nzambi mu mutima wukwikama na wumbote. Bakwe lundanga mo na bakwe butanga mimbutu mu lutatumunu lwawu.
Kingana kimwinda
(Mlk 4.21-25)
16«Kunani muntu wukwe lemisanga mwinda, mboki kafuka wo ku nsye kisiku hoti katuula wo ku nsye mbuka. Kansi kafweti we tentika ha yulu meza, mwanki bantu baakota mu nzo bayena kya. 17Mu dyambu ti misamu mimvimba mi miswama myaayenika, mpe mansweki mamvimba maazabakana ha mwini ngemba. 18Ni hahoho, lwengeeno kweno mu nyuwileeno eno, mu dyambu ti baahaana ku wonso wuna kima, mbo ba mubwesa kihiika, kansi ku wonso wulembolo ba na kima, mbo ba mukatula mpe ndambu yi kaabanzila ti yi nandi.»
Ngudi na mpangi zi Yesu
(Mat 12.46-50; Mlk 3.31-35)
19Ngudi na mpangi zi Yesu bayiza mu tala, kansi balembana mu tula ha kabela mu dyambu di mpumbu yi bantu. 20Bateela Yesu ti: «Ngudi aku na mpangi zaku ha mbazi badi batelama na batiidi mu kuyena.» 21Kansi Yesu wuvutula ti: «Ngudi ani na mpangi zani, ni yobobo bakwe yuwanga Mambu ma Nzambi, na bakwe sadilanga mo.»
Yesu wudingimisa kitembo
(Mat 8.23-27; Mlk 4.35-41)
22Kilumbu kimosi, Yesu wukota mu kati di mulungu na milongoki myandi na wubateela ti: «Tusabukeeno ku simu dikaka di dyanga.» Ni bayenda. 23Bu bedi sabuka, Yesu wubwa tolo. Bayutukulu kwawu, kitembo kingolo kikukula mu dyanga, mulungu wutona mu teboka mu mamba na baba ku nsisi yi lufwa. 24Milongoki mifinama ha ba Yesu ni bamusungika na bata ti: «Mulongisi, Mulongisi, tu na saka fwa!» Yesu wusungama, wubamina kitembo na bipo bimamba ma dyanga. Bitumbu huza napii na kizunu kivutuka. 25Mboki, wubateela ti: «Hambo kiminu kyeno kwedi kidi e?» Milongoki miba na bunkuta na miyituku bubwingi, mpe bedi kifuulasananga yawu na yawu ti: «Muntu bewuwu nani kadi e ? Mu dyambu ti wuna haana lutumu ku kitembo mpe bipo bimamba ma dyanga mpe bina mutumimina!»
Yesu wunyakisa muntu wuba na mpeve zimbi
(Mat 8.28-34; Mlk 5.1-20)
26Batula ku kizunga ki bisi-Ngelaseni, kii simu na simu na mbanza yi Ngalili. 27Yesu bu katotoka mu mulungu, bakala dimosi di mbanza beyoyo, diba na mpeve zimbi diyiza mubwani. Tuuka ntama kedi lwatanga binkutu ko mpe kedi zakidilanga mu nzo ko, kansi yandi ku ndyamu kaka. 28Bu kayena Yesu, wufukama ha ntadisi andi na wulooka mu ngolo ti: «Yesu, Mwana wu Nzambi Yihyokidi Kuzangama, nkye dyambu ngeye na meno e? Mulemvo aku, ku nkwamisandi ko!» 29Kedi zonzila bobo, mu dyambu ti Yesu wutuma ku mpeve yimbi yi totoka mu nitu andi. Mu dyambu ti ntangu zizingi, mpeve beyoyo yedi mukwamisanga ni bedi mu bindikanga moko na malu mu bisengo, kansi ni kedi tabulanga byo, mboki mpeve ni yedi munatanga ku nsi yinkatu. 30Yesu wumufuula ti: «Nkumbu aku nani e?» Yandi wuvutula ti: «Nkumbu ani babingi.» Yandi wuta bobo mu dyambu ti mpeve zimbi zizingi zikota mu yandi. 31Mpeve zimbi zibombidila Yesu mu lembolo batuba ku bulu dinsisi.
32Kuba na kamba di zingulu dyedi dyanga ha yulu mulandu. Na mpeve zimbi zi bombidila Yesu ka babika benda bakota mu kati di zingulu. Ni kababika benda bakota mu zingulu. 33Mpeve zimbi zitotoka mu bakala bedyodyo na ziyenda kota mu zingulu. Kamba dimvimba di zingulu dilundumuka tuuka ku yulu mulandu natee ziyenda bwa mu dyanga na zimana dyama. 34Minkengi mi zingulu bu bayena bobo, bawoka na bayenda mwangisa nsangu mu mbanza na mu mwa zinzo zimimvungi. 35Bantu bayenda mu tala misamu bwedi mihyokila, batula ha bela Yesu, na bayena bakala bedyodyo di katotola mpeve zimbi wuba wuzakala ha ndambu yi malu ma Yesu, wuba wulwata binkutu na kimuntu kyandi kisikama. Bunkuta ni bu babaka. 36Yobobo bayena bonso bwedi misamu mihyokila, babayadila mpolo, bwedi bakala bedyodyo kanyakina. 37Bantu bamvimba ba kizunga ki Ngelaseni balomba ku Yesu kenda kwandi, mu dyambu ti bayena bunkuta bubwingi. Yesu ni kakota mu mulungu na wuyenda kwandi. 38Bakala bedyodyo di katotola mpeve zimbi wulomba ku Yesu kenda nandi kintwadi. Kansi Yesu wu muvutula na wumuteela ti: 39«Vutuka ku nzo aku na yenda wuta kimbangi mu mimvimba mi kuhiidikidi Nzambi.» Bakala bedyodyo di vutuka, mboki wumwangisa nsangu ku mbanza yimvimba mu mimvimba mi mu hiidikila Yesu.
Yesu wufulukisa mwana wu Yayilo na wunyakisa mukento wusimba kinkutu kyandi
(Mat 9.18-26; Mlk 5.21-43)
40Bu kavutuka, mpumbu yi bantu yiyiza bwana Yesu, mu dyambu ti bamvimba bedi mukingilanga. 41Kuba na bakala dimosi nkumbu andi Yayilo, mfumu yi nzo yi lusambulu yi Bayudayo kaba. Wuyiza fukama ha malu ma Yesu na wumubombidila kenda ku nzo andi, 42mu dyambu ti mwana andi wakwa wumosi wuba wu mukento, wu mvula kumi na zole, wuba lukufi mu fwa. Bu kedi kwe yenzi, mpumbu yi bantu yedi kwe mufyetakani.
43Kuba na mukento wumosi wuba na kimbevo kye kwe totokingi menga, kizingila mvula kumi na zole. Wumanisa mvwilu andi yimvimba ku mimbuki. Kansi, kani muntu kalenda mu mubuka ko. 44Wufinama kumanima ma Yesu na wumusimba mu sambu di kinkutu kyandi. Mboki, kimbevo kye kwe totokingi menga ki tumbu hwa. 45Yesu wufuula: «Nani wunsimbidi e?» Bamvimba bu babisa kwawu, Petelo ni kamuteela ti: «Mfumu, mpumbu yi bantu yi kuzungididi, na yina kwe kufyetakani.» 46Kansi Yesu wumuvutudila ti: «Kedika, muntu wunsimbidi, mu dyambu ti, nyeni ti lulendo luduukidi mu nitu ani.» 47Mukento bewowo, bu kayena ti bamubakudi, wuyiza mu kintekoto mpe wufukama ha malu ma Yesu na wubangula ha ntadisi yi mukangu wumvimba, bila nki kamusimbidi na bwedi kanyakini mu kilokola bekyokyo kwandi. 48Kansi Yesu wumuteela ti: «Mwana ani, kiminu kyaku ki kuvuukisi, yenda mu kiyenge.»
49Tekila Yesu kamanisa mu zonza, muntu wumosi wufuma ku nzo yi mfumu yi nzo yi lusambulu yi Bayudayo wuyiza muteela ti: «Mwana aku wufwidi, ku kwamisandi Mfumu ko.» 50Kansi Yesu bu kayuwa bobo, wuteela ku Yayilo ti: «Kubandi na bunkuta ko, sa kwandi kiminu, mwana aku waanyaka.» 51Bu katula ku nzo yi Yayilo, katya mu kota na muntu mu nzo ko, tala ti ka Petelo na Yoane na Zaki mpe na ngudi na tata di mwana ko. 52Bamvimba bedi dila na kunyonga mu dyambu di mwana. Kansi Yesu wubateela ti: «ludilandi ko. Kafwidyandi ko, kansi tolo kwandi kabwidi.» 53Baseyila Yesu, mu dyambu ti bazaba ti wufwa kadi. 54Kansi, Yesu wumusimba mu koko na wuzonza mu ngolo: «Mwana, telama!» 55Kihumunu ki mwana kivutuka na wutumbu telama. Yesu wu batuma ba muhaana bindya. 56Ngudi na tata di mwana bayituku bubwingi. Kansi Yesu wu bakanikina mu ta ku bantu musamu bewowo wuhyokidi.
Iliyochaguliwa sasa
Luka 8: dde Ddo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.
Luka 8
8
Bakento bedi kwe landingi Yesu
1Ku manima, Yesu wuyenda mu zimbanza na mu mabwala mu kwe longi na mu kwe samuni Musamu Wumbote wu Kimfumu ki Nzambi. Milongoki kumi na myole miba nandi kintwadi, 2na mwa ndambu yi bakento ba kaduukisa mpeve zimbi na ba kanyakisa bimbevo: Maliya, wuba kwe tumisinanga mwisi Mangadala, wu kaduukisa mpeve nsambwadi zimbi, 3Zani, mukento wu Kuza, muntu wuba munkebi wu mwvilu wu Elode, Susana na babingi bakaka, bedi sadisanga Yesu mu bimvwama byawu.
Kingana ki kisadi ki mfuba
(Mat 13.1-9; Mlk 4.1-9)
4Bantu bafuma ku zimbanza zizingi, bayiza kutakana ha bela Yesu. Yandi wubateela kingana eki: 5«Kisadi kimfuba kiyenda mu kwe mwanga nswanga. Bu kedi kwe mwangi nswanga, ndambu nswanga yibwa ha sambu di nzila: bantu badyata yo na banuni badya yo. 6Ndambu yihiika yibwa ha butoto bu ba na matadi: bu yimena, yawu yiyuma, mu dyambu ti butoto buba kyototo ko. 7Na ndambu yihiika yibwa ha kati di bititi binsende, yawu yimena ha kimosi na bititi binsende na bititi binsende bifyetikisa yo. 8Kansi zihiika zibwa ha butoto bumbote, zikula mpe zibuta mimbutu mimingi, nkama mu bikanka.» Yesu bu kamana bateela bobo, wusasula ndinga mu ngolo ti: «Wonso wuu na makutu mu yuwa, bika kayuwa!»
Bila nki Yesu kana zonzila mu bingana
(Mat 13.10-17; Mlk 4.10-12)
9Milongoki myandi mi mufuula mbangudulu yi kingana bekyokyo. 10Wubateela ti: «Lutambudi luve mu zaba mansweki ma kimfumu ki Nzambi, kansi ku bahiika, mu bingana bana batela myo, mu dyambu ti
yawu balendi tala, kansi bana yena kima ko,
mboki balendi yuwa, kansi bana bakula nakani kima kimosi ko.»
Mbangudulu yi kingana ki muntu wuyenda mwanga nswanga
(Mat 13.18-23; Mlk 4.13-20)
11Yuweno mbangudulu yi kingana bekiki: nswanga, ni Mambu ma Nzambi. 12Yi mu ndambu nzila, ni bantu bakwe yuwanga Mambu ma Nzambi, kansi nkadyampemba bu kaakwiza wubakatudi mo mu mitima myawu, mwanki balembolo kwikila mpe balembolo baka mpulusu. 13Yi ha butoto bu matadi: ni bantu bakwe yuwanga Mambu ma Nzambi mpe bakwe tambulanga mo mu kyese. Kansi malendi mena myanzi ko, bakwe kwikilanga mu ntangu yifyoti, kansi ti ntontolo yi batudidi, bakwe bwisanga kiminu. 14Nswanga zibwa ha kati di nsende, ni bantu bebobo bakwe yuwanga Mambu ma Nzambi, kansi manyongo mawu, bimvwama, mpe minkembo mi kinza mikwe sanga ti Mambu ma Nzambi maba mafyetakana mu kizingu kyawu, na makwe butanga mimbutu miyela ko. 15Nswanga zibwa ha butoto bumbote, ni bantu bebobo bakwe yuwanga Mambu ma Nzambi mu mutima wukwikama na wumbote. Bakwe lundanga mo na bakwe butanga mimbutu mu lutatumunu lwawu.
Kingana kimwinda
(Mlk 4.21-25)
16«Kunani muntu wukwe lemisanga mwinda, mboki kafuka wo ku nsye kisiku hoti katuula wo ku nsye mbuka. Kansi kafweti we tentika ha yulu meza, mwanki bantu baakota mu nzo bayena kya. 17Mu dyambu ti misamu mimvimba mi miswama myaayenika, mpe mansweki mamvimba maazabakana ha mwini ngemba. 18Ni hahoho, lwengeeno kweno mu nyuwileeno eno, mu dyambu ti baahaana ku wonso wuna kima, mbo ba mubwesa kihiika, kansi ku wonso wulembolo ba na kima, mbo ba mukatula mpe ndambu yi kaabanzila ti yi nandi.»
Ngudi na mpangi zi Yesu
(Mat 12.46-50; Mlk 3.31-35)
19Ngudi na mpangi zi Yesu bayiza mu tala, kansi balembana mu tula ha kabela mu dyambu di mpumbu yi bantu. 20Bateela Yesu ti: «Ngudi aku na mpangi zaku ha mbazi badi batelama na batiidi mu kuyena.» 21Kansi Yesu wuvutula ti: «Ngudi ani na mpangi zani, ni yobobo bakwe yuwanga Mambu ma Nzambi, na bakwe sadilanga mo.»
Yesu wudingimisa kitembo
(Mat 8.23-27; Mlk 4.35-41)
22Kilumbu kimosi, Yesu wukota mu kati di mulungu na milongoki myandi na wubateela ti: «Tusabukeeno ku simu dikaka di dyanga.» Ni bayenda. 23Bu bedi sabuka, Yesu wubwa tolo. Bayutukulu kwawu, kitembo kingolo kikukula mu dyanga, mulungu wutona mu teboka mu mamba na baba ku nsisi yi lufwa. 24Milongoki mifinama ha ba Yesu ni bamusungika na bata ti: «Mulongisi, Mulongisi, tu na saka fwa!» Yesu wusungama, wubamina kitembo na bipo bimamba ma dyanga. Bitumbu huza napii na kizunu kivutuka. 25Mboki, wubateela ti: «Hambo kiminu kyeno kwedi kidi e?» Milongoki miba na bunkuta na miyituku bubwingi, mpe bedi kifuulasananga yawu na yawu ti: «Muntu bewuwu nani kadi e ? Mu dyambu ti wuna haana lutumu ku kitembo mpe bipo bimamba ma dyanga mpe bina mutumimina!»
Yesu wunyakisa muntu wuba na mpeve zimbi
(Mat 8.28-34; Mlk 5.1-20)
26Batula ku kizunga ki bisi-Ngelaseni, kii simu na simu na mbanza yi Ngalili. 27Yesu bu katotoka mu mulungu, bakala dimosi di mbanza beyoyo, diba na mpeve zimbi diyiza mubwani. Tuuka ntama kedi lwatanga binkutu ko mpe kedi zakidilanga mu nzo ko, kansi yandi ku ndyamu kaka. 28Bu kayena Yesu, wufukama ha ntadisi andi na wulooka mu ngolo ti: «Yesu, Mwana wu Nzambi Yihyokidi Kuzangama, nkye dyambu ngeye na meno e? Mulemvo aku, ku nkwamisandi ko!» 29Kedi zonzila bobo, mu dyambu ti Yesu wutuma ku mpeve yimbi yi totoka mu nitu andi. Mu dyambu ti ntangu zizingi, mpeve beyoyo yedi mukwamisanga ni bedi mu bindikanga moko na malu mu bisengo, kansi ni kedi tabulanga byo, mboki mpeve ni yedi munatanga ku nsi yinkatu. 30Yesu wumufuula ti: «Nkumbu aku nani e?» Yandi wuvutula ti: «Nkumbu ani babingi.» Yandi wuta bobo mu dyambu ti mpeve zimbi zizingi zikota mu yandi. 31Mpeve zimbi zibombidila Yesu mu lembolo batuba ku bulu dinsisi.
32Kuba na kamba di zingulu dyedi dyanga ha yulu mulandu. Na mpeve zimbi zi bombidila Yesu ka babika benda bakota mu kati di zingulu. Ni kababika benda bakota mu zingulu. 33Mpeve zimbi zitotoka mu bakala bedyodyo na ziyenda kota mu zingulu. Kamba dimvimba di zingulu dilundumuka tuuka ku yulu mulandu natee ziyenda bwa mu dyanga na zimana dyama. 34Minkengi mi zingulu bu bayena bobo, bawoka na bayenda mwangisa nsangu mu mbanza na mu mwa zinzo zimimvungi. 35Bantu bayenda mu tala misamu bwedi mihyokila, batula ha bela Yesu, na bayena bakala bedyodyo di katotola mpeve zimbi wuba wuzakala ha ndambu yi malu ma Yesu, wuba wulwata binkutu na kimuntu kyandi kisikama. Bunkuta ni bu babaka. 36Yobobo bayena bonso bwedi misamu mihyokila, babayadila mpolo, bwedi bakala bedyodyo kanyakina. 37Bantu bamvimba ba kizunga ki Ngelaseni balomba ku Yesu kenda kwandi, mu dyambu ti bayena bunkuta bubwingi. Yesu ni kakota mu mulungu na wuyenda kwandi. 38Bakala bedyodyo di katotola mpeve zimbi wulomba ku Yesu kenda nandi kintwadi. Kansi Yesu wu muvutula na wumuteela ti: 39«Vutuka ku nzo aku na yenda wuta kimbangi mu mimvimba mi kuhiidikidi Nzambi.» Bakala bedyodyo di vutuka, mboki wumwangisa nsangu ku mbanza yimvimba mu mimvimba mi mu hiidikila Yesu.
Yesu wufulukisa mwana wu Yayilo na wunyakisa mukento wusimba kinkutu kyandi
(Mat 9.18-26; Mlk 5.21-43)
40Bu kavutuka, mpumbu yi bantu yiyiza bwana Yesu, mu dyambu ti bamvimba bedi mukingilanga. 41Kuba na bakala dimosi nkumbu andi Yayilo, mfumu yi nzo yi lusambulu yi Bayudayo kaba. Wuyiza fukama ha malu ma Yesu na wumubombidila kenda ku nzo andi, 42mu dyambu ti mwana andi wakwa wumosi wuba wu mukento, wu mvula kumi na zole, wuba lukufi mu fwa. Bu kedi kwe yenzi, mpumbu yi bantu yedi kwe mufyetakani.
43Kuba na mukento wumosi wuba na kimbevo kye kwe totokingi menga, kizingila mvula kumi na zole. Wumanisa mvwilu andi yimvimba ku mimbuki. Kansi, kani muntu kalenda mu mubuka ko. 44Wufinama kumanima ma Yesu na wumusimba mu sambu di kinkutu kyandi. Mboki, kimbevo kye kwe totokingi menga ki tumbu hwa. 45Yesu wufuula: «Nani wunsimbidi e?» Bamvimba bu babisa kwawu, Petelo ni kamuteela ti: «Mfumu, mpumbu yi bantu yi kuzungididi, na yina kwe kufyetakani.» 46Kansi Yesu wumuvutudila ti: «Kedika, muntu wunsimbidi, mu dyambu ti, nyeni ti lulendo luduukidi mu nitu ani.» 47Mukento bewowo, bu kayena ti bamubakudi, wuyiza mu kintekoto mpe wufukama ha malu ma Yesu na wubangula ha ntadisi yi mukangu wumvimba, bila nki kamusimbidi na bwedi kanyakini mu kilokola bekyokyo kwandi. 48Kansi Yesu wumuteela ti: «Mwana ani, kiminu kyaku ki kuvuukisi, yenda mu kiyenge.»
49Tekila Yesu kamanisa mu zonza, muntu wumosi wufuma ku nzo yi mfumu yi nzo yi lusambulu yi Bayudayo wuyiza muteela ti: «Mwana aku wufwidi, ku kwamisandi Mfumu ko.» 50Kansi Yesu bu kayuwa bobo, wuteela ku Yayilo ti: «Kubandi na bunkuta ko, sa kwandi kiminu, mwana aku waanyaka.» 51Bu katula ku nzo yi Yayilo, katya mu kota na muntu mu nzo ko, tala ti ka Petelo na Yoane na Zaki mpe na ngudi na tata di mwana ko. 52Bamvimba bedi dila na kunyonga mu dyambu di mwana. Kansi Yesu wubateela ti: «ludilandi ko. Kafwidyandi ko, kansi tolo kwandi kabwidi.» 53Baseyila Yesu, mu dyambu ti bazaba ti wufwa kadi. 54Kansi, Yesu wumusimba mu koko na wuzonza mu ngolo: «Mwana, telama!» 55Kihumunu ki mwana kivutuka na wutumbu telama. Yesu wu batuma ba muhaana bindya. 56Ngudi na tata di mwana bayituku bubwingi. Kansi Yesu wu bakanikina mu ta ku bantu musamu bewowo wuhyokidi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.