Luka 13
13
Kuviluka hoti kufwa
1Mu ntangu beyoyo, mwa ndambu yi bantu bayiza yala mpolo ku Yesu mu misamu mi sa Pilatu bu kahondisila bisi-Ngalili mu ntangu yi bedi yoka minkayulu ku Nzambi. 2Yesu wu bavutudila ti: «Mu mpila mpasi zibobo zi bayena, yeno luna banza ti bisi-Ngalili bebobo bafwa, bavula masumu na bisi-Ngalili bahiika e? 3Kaani, meno nina luteela ti, tala ti luviludi madyela ko, yeno bamvimba mpila mosi lwaafwila. 4Mboki, bantu kumi na nana bafwa ku nsye nzo yi kibanga yibwa ku Silowa, luna banzila ti yawu bavula masumu ha kati di bantu bamvimba ba mbanza yi Yelusalemi e? 5Kaani, meno nina luteela ti, tala ti luviludi madyela ko, yeno mpe mpila mosi lwaafwila.»
Kingana ki muti wu fike wukwe lembolo butanga
6Mboki Yesu wubateela kingana eki: «Bakala dimosi diba na muti wu fike wu kakuna mu mfuba andi yi miti mi vinu. Ni kayiza sosa mbutu kansi kabaka kima ko. 7Ni hahoho kateela ku kisadi kyandi ti: “Taleeti kwaku, mvula tatu zimvimba nkwe kwiza sosanga mbutu mu muti wu fike bewuwu, kansi nabakanga kani mbutu yimosi ko. Kwanga wo kwandi! Bila nki wuna fukisilanga butoto mu mpamba e?” 8Kansi kisadi ki mfuba yi miti mi vinu wu muvutudila ti: “Mfumu, bikeeti wo dyaka mvula beyiyi, mbo natima muntendo muti, mboki naatuula mbodila. 9Nanga waabuta mbutu mimvu myaakwiza, tala ti kaani, mbo wukwanga wo.”»
Yesu wunyakisa mukento wuba nakyeta kilumbu ki saba
10Mu kilumbu ki saba, Yesu wedi longa mu kati di nzo yimosi yi lusambulu yi Bayudayo. 11Muba na mukento wumosi wedi kwamusungu ku mpeve yimbi tuka mvula kumi na nana, wuba na mungongo nakondondo na wedi lembananga mu sungama. 12Yesu bu kamuyena, wumutumisa na wumuteela ti: «Mama, ngeye kudulu mu kyeta kyaku.» 13Yesu wu mutentika moko, mu ntangu beyoyo kwandi, nitu andi yi tumbu sungama na wukembila Nzambi. 14Kansi mfumu yi nzo yi lusambulu yi Bayudayo wufwema, mu dyambu ti Yesu wunyakisa mukento bewowo kilumbu ki saba. Na wuteela mukangu ti: «Bilumbu bisambanu bidi mu sala, lufweti kwizanga mu bukusu mu bilumbu bebyobyo, kansi ka kilumbu ki saba ko!» 15Mfumu wu muvutudila ti: «Yeno bantu ba diisu ku nsye lukaya ludi! Kunani muntu ha kati dyeno kwe lembolo nyangunanga ngombe andi hoti mbuluku andi kilumbu ki saba, mu kwe ye nwika mamba e? 16Mukento bewuwu mpe, mwana wu Abalahami wudi, mpe Satana wumukanga mvula kumi na nana, nga kafwanakani ko mu munyanguna misinga bemimi mu kilumbu ki saba e?» 17Mvutu beyoyo yi haana Yesu yi yenisa mitantu myandi nsoni, na mukangu wumvimba wu yangalala mu misamu mimbote mi kedi hidikanga.
Kingana ki nswanga yi mutaade
(Mat 13.31-32; Mlk 4.30-32)
18Yesu wuta ti: «Mu nki naafwanikisa Kimfumu ki Nzambi e? Na nki kifwanani e? 19Kifwanakani na nswanga yi muti wu nkumbu mutaade yi kunini muntu mu mfuba andi yi bikunu, bu yimenini, yeka muti, mboki banuni batungidi mazanza mawu mu bintala byandi.»
Kingana ki bilongo bikwe vimbisanga kiputi
(Mat 13.33)
20Yesu wuta dyaka ti: «Mu nki naafwanikisa Kimfumu ki Nzambi e? 21Kifwanakani na kima kikwe vimbisanga kiputi ki mampa ki bongidi mukento na vukidi kyo na bitezo bitatu bi faline natee kimvimba bu kivimbidi.»
Mwelo wufyetama
(Mat 7.13-14,21-23)
22Yesu bu kedi kwenda ku Yelusalemi, wedi kwe longi mu zimbanza na mabwala ma kedi kwe hyokidingi. 23Muntu wumosi wumuteela ti: «Mfumu, wukedika ti bantu bafyuma kwandi ba vulusu e?» Yesu wumuvutudila ti: 24«Sadileeno ngolo mu kotila mu mwelo wufyetama. Kadi, meno nalutedidi ti, babingi baasosa mu kota, kansi baalenda ko.
25Mfumu yinzo bu katumbu telama, na bu kaakanga mwelo, mpe yeno lwaasaala ku mbazi, lwaatoona mu konkota ha mwelo na mu ta ti: “Mfumu, tuzibudila!” Mbo kaluvutudila ti: “Nzebi ko yeno kwedi lufumini!” 26Luna toona mu ta ti: “Yeto tudiidi na tunwiini naaku ha kimosi, na wulongidi mu zinzila zimbanza zeto.” 27Yandi mbo kaluteela dyaka ti: “Nzebi ko yeno kwedi lufumini. Nkatukileeno, yeno bamvimba lusadidi bubi!” 28Ni kwakoko, lwaadidila, mpe lwaakwetisila meno, bu lwaayena Abalahami, Isaaki na Yakobi, mpe mimbikudi mimvimba mu Kimfumu ki Nzambi. Kansi, yeno baalutuba ku mbazi! 29Bantu baafuma ku esete mpe ku wesete, ku node na ku sude, baazakala ha meza mu Kimfumu ki Nzambi. 30Ni hahoho, bantu baazimunina baatekila, mboki baatekila baazimunina.»
Yesu na mbanza yi Yelusalemi
(Mat 23.37-39)
31Mu ntangu beyoyo kwandi, mwa ndambu yi Bafalisi bayiza muteela ti: «Yenda kwaku na katuka kwaku haha, mu dyambu ti Elode tiidi mu kuhonda.» 32Yesu wubateela ti: «Yendeeno luteela mubaku bewowo: “Bubedidi na mbazi nina kuma mpeve zimbi na nina nyakisa, mpe kilumbu ki bitatu naamanisa kisalu kyani.” 33Kansi bubedidi na mbazi mpe kilumbu kyalanda, mfweti tatamana nzila ani. Mu dyambu ti, bufwanakani ko ti bahondila mumbikudi ku mbazi yi Yelusalemi.
34Yelusalemi! Yelusalemi! Ngeye kwe hondanga mimbikudi mpe kwe hondanga mu matadi bantu bakwe ku tambikanga Nzambi! Ntangu zizingi natiidi mu kutikisa baala baku bonso nsusu kakwe kosilanga baala bandi ku nsye mahahi, kansi lutiidi eno bo ko! 35Bwabu, nzo eno ya babwongodi. Meno wa nina luteela ti: Lwaabwesa nyena ko natee kilumbu ki lwaata ti:
“Bika Nzambi kasakumuna muntu wuna kwiza mu nkumbu yi Mfumu!”»
Iliyochaguliwa sasa
Luka 13: dde Ddo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.
Luka 13
13
Kuviluka hoti kufwa
1Mu ntangu beyoyo, mwa ndambu yi bantu bayiza yala mpolo ku Yesu mu misamu mi sa Pilatu bu kahondisila bisi-Ngalili mu ntangu yi bedi yoka minkayulu ku Nzambi. 2Yesu wu bavutudila ti: «Mu mpila mpasi zibobo zi bayena, yeno luna banza ti bisi-Ngalili bebobo bafwa, bavula masumu na bisi-Ngalili bahiika e? 3Kaani, meno nina luteela ti, tala ti luviludi madyela ko, yeno bamvimba mpila mosi lwaafwila. 4Mboki, bantu kumi na nana bafwa ku nsye nzo yi kibanga yibwa ku Silowa, luna banzila ti yawu bavula masumu ha kati di bantu bamvimba ba mbanza yi Yelusalemi e? 5Kaani, meno nina luteela ti, tala ti luviludi madyela ko, yeno mpe mpila mosi lwaafwila.»
Kingana ki muti wu fike wukwe lembolo butanga
6Mboki Yesu wubateela kingana eki: «Bakala dimosi diba na muti wu fike wu kakuna mu mfuba andi yi miti mi vinu. Ni kayiza sosa mbutu kansi kabaka kima ko. 7Ni hahoho kateela ku kisadi kyandi ti: “Taleeti kwaku, mvula tatu zimvimba nkwe kwiza sosanga mbutu mu muti wu fike bewuwu, kansi nabakanga kani mbutu yimosi ko. Kwanga wo kwandi! Bila nki wuna fukisilanga butoto mu mpamba e?” 8Kansi kisadi ki mfuba yi miti mi vinu wu muvutudila ti: “Mfumu, bikeeti wo dyaka mvula beyiyi, mbo natima muntendo muti, mboki naatuula mbodila. 9Nanga waabuta mbutu mimvu myaakwiza, tala ti kaani, mbo wukwanga wo.”»
Yesu wunyakisa mukento wuba nakyeta kilumbu ki saba
10Mu kilumbu ki saba, Yesu wedi longa mu kati di nzo yimosi yi lusambulu yi Bayudayo. 11Muba na mukento wumosi wedi kwamusungu ku mpeve yimbi tuka mvula kumi na nana, wuba na mungongo nakondondo na wedi lembananga mu sungama. 12Yesu bu kamuyena, wumutumisa na wumuteela ti: «Mama, ngeye kudulu mu kyeta kyaku.» 13Yesu wu mutentika moko, mu ntangu beyoyo kwandi, nitu andi yi tumbu sungama na wukembila Nzambi. 14Kansi mfumu yi nzo yi lusambulu yi Bayudayo wufwema, mu dyambu ti Yesu wunyakisa mukento bewowo kilumbu ki saba. Na wuteela mukangu ti: «Bilumbu bisambanu bidi mu sala, lufweti kwizanga mu bukusu mu bilumbu bebyobyo, kansi ka kilumbu ki saba ko!» 15Mfumu wu muvutudila ti: «Yeno bantu ba diisu ku nsye lukaya ludi! Kunani muntu ha kati dyeno kwe lembolo nyangunanga ngombe andi hoti mbuluku andi kilumbu ki saba, mu kwe ye nwika mamba e? 16Mukento bewuwu mpe, mwana wu Abalahami wudi, mpe Satana wumukanga mvula kumi na nana, nga kafwanakani ko mu munyanguna misinga bemimi mu kilumbu ki saba e?» 17Mvutu beyoyo yi haana Yesu yi yenisa mitantu myandi nsoni, na mukangu wumvimba wu yangalala mu misamu mimbote mi kedi hidikanga.
Kingana ki nswanga yi mutaade
(Mat 13.31-32; Mlk 4.30-32)
18Yesu wuta ti: «Mu nki naafwanikisa Kimfumu ki Nzambi e? Na nki kifwanani e? 19Kifwanakani na nswanga yi muti wu nkumbu mutaade yi kunini muntu mu mfuba andi yi bikunu, bu yimenini, yeka muti, mboki banuni batungidi mazanza mawu mu bintala byandi.»
Kingana ki bilongo bikwe vimbisanga kiputi
(Mat 13.33)
20Yesu wuta dyaka ti: «Mu nki naafwanikisa Kimfumu ki Nzambi e? 21Kifwanakani na kima kikwe vimbisanga kiputi ki mampa ki bongidi mukento na vukidi kyo na bitezo bitatu bi faline natee kimvimba bu kivimbidi.»
Mwelo wufyetama
(Mat 7.13-14,21-23)
22Yesu bu kedi kwenda ku Yelusalemi, wedi kwe longi mu zimbanza na mabwala ma kedi kwe hyokidingi. 23Muntu wumosi wumuteela ti: «Mfumu, wukedika ti bantu bafyuma kwandi ba vulusu e?» Yesu wumuvutudila ti: 24«Sadileeno ngolo mu kotila mu mwelo wufyetama. Kadi, meno nalutedidi ti, babingi baasosa mu kota, kansi baalenda ko.
25Mfumu yinzo bu katumbu telama, na bu kaakanga mwelo, mpe yeno lwaasaala ku mbazi, lwaatoona mu konkota ha mwelo na mu ta ti: “Mfumu, tuzibudila!” Mbo kaluvutudila ti: “Nzebi ko yeno kwedi lufumini!” 26Luna toona mu ta ti: “Yeto tudiidi na tunwiini naaku ha kimosi, na wulongidi mu zinzila zimbanza zeto.” 27Yandi mbo kaluteela dyaka ti: “Nzebi ko yeno kwedi lufumini. Nkatukileeno, yeno bamvimba lusadidi bubi!” 28Ni kwakoko, lwaadidila, mpe lwaakwetisila meno, bu lwaayena Abalahami, Isaaki na Yakobi, mpe mimbikudi mimvimba mu Kimfumu ki Nzambi. Kansi, yeno baalutuba ku mbazi! 29Bantu baafuma ku esete mpe ku wesete, ku node na ku sude, baazakala ha meza mu Kimfumu ki Nzambi. 30Ni hahoho, bantu baazimunina baatekila, mboki baatekila baazimunina.»
Yesu na mbanza yi Yelusalemi
(Mat 23.37-39)
31Mu ntangu beyoyo kwandi, mwa ndambu yi Bafalisi bayiza muteela ti: «Yenda kwaku na katuka kwaku haha, mu dyambu ti Elode tiidi mu kuhonda.» 32Yesu wubateela ti: «Yendeeno luteela mubaku bewowo: “Bubedidi na mbazi nina kuma mpeve zimbi na nina nyakisa, mpe kilumbu ki bitatu naamanisa kisalu kyani.” 33Kansi bubedidi na mbazi mpe kilumbu kyalanda, mfweti tatamana nzila ani. Mu dyambu ti, bufwanakani ko ti bahondila mumbikudi ku mbazi yi Yelusalemi.
34Yelusalemi! Yelusalemi! Ngeye kwe hondanga mimbikudi mpe kwe hondanga mu matadi bantu bakwe ku tambikanga Nzambi! Ntangu zizingi natiidi mu kutikisa baala baku bonso nsusu kakwe kosilanga baala bandi ku nsye mahahi, kansi lutiidi eno bo ko! 35Bwabu, nzo eno ya babwongodi. Meno wa nina luteela ti: Lwaabwesa nyena ko natee kilumbu ki lwaata ti:
“Bika Nzambi kasakumuna muntu wuna kwiza mu nkumbu yi Mfumu!”»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.