Yoane 11
11
Lufwa lu Lazalo, nkayi yi Yesu
1Bakala dimosi nkumbu andi Lazalo, wuba na kimbevo. Mwisi-Betani kaba, bwala bu Maliya na Malata, bibusi byandi. 2Maliya ni mukento bewowo wu mwangumuna mananasi ha yulu bitambi bi Mfumu na wukusuna byo mu milengi myandi. Mpangi andi wu nkumbu Lazalo, wuba na kimbevo. 3Bibusi bya bibyole, batambika ntumi ku Yesu ti: «Mfumu, yondowo wukwe tyanga, wubela kadi.» 4Yesu bu kayuwa musamu bewowo, ni kata ti: «Kimbevo bekiki kyaamunata ku lufwa ko. Kansi kyaaba kidimbu kyaahaana nkembo ku Nzambi, mwanki mu kimbevo bekyokyo nkembo yi Mwana Nzambi yiyenika.»
5Yesu wedi tyanga Malata na mpangi andi yi mukento, mpe na Lazalo. 6Mpeleko wuyuwa ti Lazalo wuba wubeela, kansi wuzakala dyaka bilumbu byole ha kibuka ki kabeela, 7mboki, wuta ku milongoki myandi ti: «Tuvutukeno ku kizunga ki Yuda.» 8Milongoki mi muvutudila ti: «Mulongisi, mwa bilumbu bebibi kwandi, Bayudayo basosidi mu kuhonda mu matadi. Bwabu tiidi mu vutuka koko e?» 9Yesu wubateela ti: «Nga kuu na bilokola kumi na byole bi kukya mu kilumbu ko e? Tala ti muntu wuna dyata mu kya, kalendi ta kuba ko, mu dyambu ti wuna yena kya ku nza beyiyi. 10Kansi, tala ti muntu wuna dyata mu mpimpa, waata kuba mu dyambu ti kya kuu mu yandi ko.» 11Bu kamana zonza bobo, wubwesa ta ti: «Nkayi eto Lazalo bwidi tolo, kansi nenzi mu muvumbula.» 12Milongoki mivutula ti: «Mfumu, tala ti tolo kwa kabwidi, waanyaka.» 13Yesu wuzonzila lufwa lu Lazalo, kansi milongoki mi banzila ti ni tolo kwandi tumpamba kana zonzila. 14Yesu ni katumbu bahubudila wo ti: «Lazalo fwidi. 15Mu yeno, nyangaladi mu dyambu ti nabedi koko, mwanki lukwikila. Kansi twendeeno ku kadi.» 16Toma, wuba kwe tumisinanga ti dipasa, wuta ku milongoki mihiika ti: «Twendeeno yeto mpe, mwanki tufwa ha kimosi nandi.»
Yesu ni mfulukulu na luzingu
17Yesu bu katula, wuyuwa ti Lazalo weka bilumbu bi ya mu ndyamu. 18Bwala bu Betani buba bela-bela na mbanza yi Yelusalemi, kampe kilometele zi tatu. 19Bayudayo babingi bayiza ku Malata na Maliya mu babomba mu lufwa lu nkazi awu.
20Malata bu kayuwa ti Yesu wuna kwiza, ni kayenda mubwana, kansi Maliya wusala kwandi wuzakala mu nzo. 21Malata wuteela Yesu ti: «Mfumu, tala ti ha kwa wubedi, nganunu nkazi ani kafwidi ko. 22Kansi bwabu nzebi ti mu kilokola bekiki, mamvimba ma waalomba ku Nzambi, Nzambi waakuhaana mo.» 23Yesu wuta ti: «Nkazi aku waafuluka mu bafwa.» 24Malata wuvutula ti: «Nzebi ti mbo kafuluka mu bafwa mu kilumbu kinsukunu, ki mfulukulu yi bafwa.» 25Yesu wumuteela ti: «Ni meno nii mfulukulu na moyo. Wonso kwikidi mu meno, waaba moyo, kaati fwiidi. 26Mpe wonso muntu wuna zinga na kwikidi mu meno, kaafwa ko. Dyambu dyo dyakwikidi e?» 27Malata wuvutula ti: «Ninga Mfumu, nkwikidi ti ngeye ni Klisto, Mwana Nzambi, yondowo fweti kwiza mu nza.»
Yesu wudila
28Bu kamana zonza bobo, Malata wuyenda tumisa mpangi andi Maliya na wumuteela munsweki ti: «Mulongisi tudidi na wuna kusosa.» 29Maliya bu kayuwa bobo, wutumbu telama na wuyenda ku beela Yesu. 30Mu dyambu ti Yesu kakikotila ha bwala ko, kansi wuba ntete ha kibuka kiyenda mubwana Malata. 31Bayudayo baba na Maliya mu nzo mu mubomba, bu bamuyena ti telamani mu muswalu na duukidi, ni bamulanda mu dyambu ti bedi banzila ti ku ndyamu kenzi mu kwe dila.
32Maliya bu katuula ha kibuka kibela Yesu, bu kamuyena, wubwa ha malu mandi na wumuteela ti: «Mfumu, tala ti ha kwa wubedi, nganunu nkazi ani kafwidi ko.» 33Yesu bu kamuyena ti wuna dila, na bayudayo bayiza nandi mpe bana dila, wuyena kyadi kikingi na mutima andi wuvizuka. 34Wubafuula ti: «Kwedi lumuzikidi e?» Bamuvutudila ti: «Mfumu, yiza wutala.» 35Yesu wudila. 36Ni hahoho, Bayudayo bateela ti: «Taleno! Wu be toma mutya.» 37Kansi mwa ndambu ha kati dyawu bata ti: «Yandi wuzibula meso ma mpofo, bwabu nki kalembolo sila ti Lazalo kafwandi e?»
Mfulukulu yi Lazalo
38Yesu wuyena dyaka kyadi kikingi na wuyenda ku ndyamu. Ndyamu beyoyo yiba mu ntadi, na mwelo wunkotolo wuba wukangu mu tadi didinene. 39Yesu wuta ti: «Katuleeno tadi.» Malata, kibusi ki yondowo wufwidi, wuvutula ti: «Mfumu, wuna duuka bwabu mfuku, mu dyambu ti byeka bilumbu biya.» 40Yesu wumuvutudila ti: «Na kuteedidi wo ko ti, tala ti kwikidi, mbo wuyena nkembo wu Nzambi e?» 41Bakatula tadi. Yesu wusendola meso ku yulu, wuta ti: «Tata, nakuvutudidi matondo mu dyambu ti nyuwidi. 42Meno nzebi ti konso ntangu kwe nyuwilanga, kansi nzonzidi mu dyambu di mpumbu yi bantu beyiyi yi nzungididi, mwanki bakwikila ti ngeye wu mfidisi.»
43Bu kamana zonza bobo, wuzonza mu ngolo ti: «Lazalo, duuka.» 44Lazalo wuba wufwa duukidi, malu na moko makangama mu bitende, mpe kini kizingu mu mulele. Yesu wuta ti: «Munyanguneeno na mubikeno kenda.»
Bakotila Yesu manenga
(Mat 26.1-5; Mlk 14.1-2; Luk 22.1-2)
45Bayudayo babingi mu yobobo bayiza ku Maliya, bu bayena mi hidika Yesu, bamukwikila.
46Kansi mwa ndambu yi bantu yiyenda yenikina Bafalisi na yi bayadila myo mi hidika Yesu. 47Ni hahoho, zimfumu zinganga-Nzambi na Bafalisi bakutikisa kimvuka ki bakuluntu ki Bayudayo, ni bata ti: «Nki twaasa e? Muntu bewuwu bidimbu bingitukulu kana sa. 48Tumana mu bika mu sa bobo, bamvimba baamukwikila, bisi-Loma baakwiza, mpe baamwangisa kibuka kyeto ki longo na nsi eto.» 49Wumosi mu kati dyawu nkumbu andi Kayifa, wuba mfumu yi zinganga-Nzambi mumvu bewowo, wuta ti: «Nkatika luna bakula wo ko! 50Luna yena ko ti bulutidi bumbote muntu wumosi kafwa mu dyambu di mukangu, na mu bika nsi yimvimba yi hombila kwandi.» 51Mpova bezozo zi fuma ku yandi bende ko, kansi, bu kaba ti mfumu yi nganga-Nzambi mu mumvu bewowo, wubikula ti Yesu mbo kafwa mu dyambu di mukangu, 52mpe ka mu dyambu di mukangu kaka ko, kansi mu bundisa ha kimosi baala ba Nzambi bameni mwangana.
53Tuka kilumbu bekyokyo, babaka nzengolo mu hondoso Yesu. 54Ni hahoho, Yesu kedi bwesa kwe yeniki dyaka ha meso ma Bayudayo ko. Wuyenda ku kizunga ki bela-bela na nsi yinkatu, ku mbanza yi nkumbu Efalayimi. Wuzakala koko na milongoki myandi.
55Mukembo wu Pake wu Bayudayo, wuba bela-bela, mpe bantu babingi batomboka ku Yelusalemi mu kivedisa tekila Pake yi tuula. 56Basosa Yesu mu ntangu yibaba mu nzo-Nzambi. Bedi fulasana yawu na yawu ti: «Bwedi luna yenina e? Kana kwiza ku mukembo ko e?» 57Zimfumu zinganga-Nzambi na Bafalisi bahaana ntumunu eyi: Wonso muntu zebi nkye kibuka Yesu kadi, kiza katuteela mwanki tumukanga.
Iliyochaguliwa sasa
Yoane 11: dde Ddo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.
Yoane 11
11
Lufwa lu Lazalo, nkayi yi Yesu
1Bakala dimosi nkumbu andi Lazalo, wuba na kimbevo. Mwisi-Betani kaba, bwala bu Maliya na Malata, bibusi byandi. 2Maliya ni mukento bewowo wu mwangumuna mananasi ha yulu bitambi bi Mfumu na wukusuna byo mu milengi myandi. Mpangi andi wu nkumbu Lazalo, wuba na kimbevo. 3Bibusi bya bibyole, batambika ntumi ku Yesu ti: «Mfumu, yondowo wukwe tyanga, wubela kadi.» 4Yesu bu kayuwa musamu bewowo, ni kata ti: «Kimbevo bekiki kyaamunata ku lufwa ko. Kansi kyaaba kidimbu kyaahaana nkembo ku Nzambi, mwanki mu kimbevo bekyokyo nkembo yi Mwana Nzambi yiyenika.»
5Yesu wedi tyanga Malata na mpangi andi yi mukento, mpe na Lazalo. 6Mpeleko wuyuwa ti Lazalo wuba wubeela, kansi wuzakala dyaka bilumbu byole ha kibuka ki kabeela, 7mboki, wuta ku milongoki myandi ti: «Tuvutukeno ku kizunga ki Yuda.» 8Milongoki mi muvutudila ti: «Mulongisi, mwa bilumbu bebibi kwandi, Bayudayo basosidi mu kuhonda mu matadi. Bwabu tiidi mu vutuka koko e?» 9Yesu wubateela ti: «Nga kuu na bilokola kumi na byole bi kukya mu kilumbu ko e? Tala ti muntu wuna dyata mu kya, kalendi ta kuba ko, mu dyambu ti wuna yena kya ku nza beyiyi. 10Kansi, tala ti muntu wuna dyata mu mpimpa, waata kuba mu dyambu ti kya kuu mu yandi ko.» 11Bu kamana zonza bobo, wubwesa ta ti: «Nkayi eto Lazalo bwidi tolo, kansi nenzi mu muvumbula.» 12Milongoki mivutula ti: «Mfumu, tala ti tolo kwa kabwidi, waanyaka.» 13Yesu wuzonzila lufwa lu Lazalo, kansi milongoki mi banzila ti ni tolo kwandi tumpamba kana zonzila. 14Yesu ni katumbu bahubudila wo ti: «Lazalo fwidi. 15Mu yeno, nyangaladi mu dyambu ti nabedi koko, mwanki lukwikila. Kansi twendeeno ku kadi.» 16Toma, wuba kwe tumisinanga ti dipasa, wuta ku milongoki mihiika ti: «Twendeeno yeto mpe, mwanki tufwa ha kimosi nandi.»
Yesu ni mfulukulu na luzingu
17Yesu bu katula, wuyuwa ti Lazalo weka bilumbu bi ya mu ndyamu. 18Bwala bu Betani buba bela-bela na mbanza yi Yelusalemi, kampe kilometele zi tatu. 19Bayudayo babingi bayiza ku Malata na Maliya mu babomba mu lufwa lu nkazi awu.
20Malata bu kayuwa ti Yesu wuna kwiza, ni kayenda mubwana, kansi Maliya wusala kwandi wuzakala mu nzo. 21Malata wuteela Yesu ti: «Mfumu, tala ti ha kwa wubedi, nganunu nkazi ani kafwidi ko. 22Kansi bwabu nzebi ti mu kilokola bekiki, mamvimba ma waalomba ku Nzambi, Nzambi waakuhaana mo.» 23Yesu wuta ti: «Nkazi aku waafuluka mu bafwa.» 24Malata wuvutula ti: «Nzebi ti mbo kafuluka mu bafwa mu kilumbu kinsukunu, ki mfulukulu yi bafwa.» 25Yesu wumuteela ti: «Ni meno nii mfulukulu na moyo. Wonso kwikidi mu meno, waaba moyo, kaati fwiidi. 26Mpe wonso muntu wuna zinga na kwikidi mu meno, kaafwa ko. Dyambu dyo dyakwikidi e?» 27Malata wuvutula ti: «Ninga Mfumu, nkwikidi ti ngeye ni Klisto, Mwana Nzambi, yondowo fweti kwiza mu nza.»
Yesu wudila
28Bu kamana zonza bobo, Malata wuyenda tumisa mpangi andi Maliya na wumuteela munsweki ti: «Mulongisi tudidi na wuna kusosa.» 29Maliya bu kayuwa bobo, wutumbu telama na wuyenda ku beela Yesu. 30Mu dyambu ti Yesu kakikotila ha bwala ko, kansi wuba ntete ha kibuka kiyenda mubwana Malata. 31Bayudayo baba na Maliya mu nzo mu mubomba, bu bamuyena ti telamani mu muswalu na duukidi, ni bamulanda mu dyambu ti bedi banzila ti ku ndyamu kenzi mu kwe dila.
32Maliya bu katuula ha kibuka kibela Yesu, bu kamuyena, wubwa ha malu mandi na wumuteela ti: «Mfumu, tala ti ha kwa wubedi, nganunu nkazi ani kafwidi ko.» 33Yesu bu kamuyena ti wuna dila, na bayudayo bayiza nandi mpe bana dila, wuyena kyadi kikingi na mutima andi wuvizuka. 34Wubafuula ti: «Kwedi lumuzikidi e?» Bamuvutudila ti: «Mfumu, yiza wutala.» 35Yesu wudila. 36Ni hahoho, Bayudayo bateela ti: «Taleno! Wu be toma mutya.» 37Kansi mwa ndambu ha kati dyawu bata ti: «Yandi wuzibula meso ma mpofo, bwabu nki kalembolo sila ti Lazalo kafwandi e?»
Mfulukulu yi Lazalo
38Yesu wuyena dyaka kyadi kikingi na wuyenda ku ndyamu. Ndyamu beyoyo yiba mu ntadi, na mwelo wunkotolo wuba wukangu mu tadi didinene. 39Yesu wuta ti: «Katuleeno tadi.» Malata, kibusi ki yondowo wufwidi, wuvutula ti: «Mfumu, wuna duuka bwabu mfuku, mu dyambu ti byeka bilumbu biya.» 40Yesu wumuvutudila ti: «Na kuteedidi wo ko ti, tala ti kwikidi, mbo wuyena nkembo wu Nzambi e?» 41Bakatula tadi. Yesu wusendola meso ku yulu, wuta ti: «Tata, nakuvutudidi matondo mu dyambu ti nyuwidi. 42Meno nzebi ti konso ntangu kwe nyuwilanga, kansi nzonzidi mu dyambu di mpumbu yi bantu beyiyi yi nzungididi, mwanki bakwikila ti ngeye wu mfidisi.»
43Bu kamana zonza bobo, wuzonza mu ngolo ti: «Lazalo, duuka.» 44Lazalo wuba wufwa duukidi, malu na moko makangama mu bitende, mpe kini kizingu mu mulele. Yesu wuta ti: «Munyanguneeno na mubikeno kenda.»
Bakotila Yesu manenga
(Mat 26.1-5; Mlk 14.1-2; Luk 22.1-2)
45Bayudayo babingi mu yobobo bayiza ku Maliya, bu bayena mi hidika Yesu, bamukwikila.
46Kansi mwa ndambu yi bantu yiyenda yenikina Bafalisi na yi bayadila myo mi hidika Yesu. 47Ni hahoho, zimfumu zinganga-Nzambi na Bafalisi bakutikisa kimvuka ki bakuluntu ki Bayudayo, ni bata ti: «Nki twaasa e? Muntu bewuwu bidimbu bingitukulu kana sa. 48Tumana mu bika mu sa bobo, bamvimba baamukwikila, bisi-Loma baakwiza, mpe baamwangisa kibuka kyeto ki longo na nsi eto.» 49Wumosi mu kati dyawu nkumbu andi Kayifa, wuba mfumu yi zinganga-Nzambi mumvu bewowo, wuta ti: «Nkatika luna bakula wo ko! 50Luna yena ko ti bulutidi bumbote muntu wumosi kafwa mu dyambu di mukangu, na mu bika nsi yimvimba yi hombila kwandi.» 51Mpova bezozo zi fuma ku yandi bende ko, kansi, bu kaba ti mfumu yi nganga-Nzambi mu mumvu bewowo, wubikula ti Yesu mbo kafwa mu dyambu di mukangu, 52mpe ka mu dyambu di mukangu kaka ko, kansi mu bundisa ha kimosi baala ba Nzambi bameni mwangana.
53Tuka kilumbu bekyokyo, babaka nzengolo mu hondoso Yesu. 54Ni hahoho, Yesu kedi bwesa kwe yeniki dyaka ha meso ma Bayudayo ko. Wuyenda ku kizunga ki bela-bela na nsi yinkatu, ku mbanza yi nkumbu Efalayimi. Wuzakala koko na milongoki myandi.
55Mukembo wu Pake wu Bayudayo, wuba bela-bela, mpe bantu babingi batomboka ku Yelusalemi mu kivedisa tekila Pake yi tuula. 56Basosa Yesu mu ntangu yibaba mu nzo-Nzambi. Bedi fulasana yawu na yawu ti: «Bwedi luna yenina e? Kana kwiza ku mukembo ko e?» 57Zimfumu zinganga-Nzambi na Bafalisi bahaana ntumunu eyi: Wonso muntu zebi nkye kibuka Yesu kadi, kiza katuteela mwanki tumukanga.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.