Mavanga 5
5
Ananiase na Safila
1Bakala dimosi nkumbu andi Ananiase na mukento andi Safila bayuwasana mu yadika lupangu lwawu. 2Wuyuwasana na mukento andi mu sweka ndambu yi mbongo. Ni kanata ndambu yisala ku zintumwa. 3Petelo wumuteela ti: «Ananiase, bwedi yambudidi ti Satana kakota mu mutima aku mu huna Mpeve Yilongo mpe swekidi ndambu yi mbongo zi wuyadikidi lupangu e? 4Tekila wu yadika lo, lu lwaku kwandi lu bedi, mboki buyadikidi lo, mbongo zaku kwandi zibedi, kabwa ko e? Bwedi lendi hidikila musamu wubobo ku nsye mutima aku e? Ka yeto ko hunini, kansi Nzambi.» 5Bu kayuwa mpova bezozo, Ananiase wubwa ha nsi na wufwa. Mboki bamvimba bayuwa wo bayiza ba na bunkuta bubwingi. 6Ntwenya ziyiza zinga nitu andi mulele, na ziyenda mu kwe mu zika.
7Ku manima ma bilokola bitatu, mukento andi wuyiza kota, kazaba musamu wuhyoka ko. 8Petelo wumufuula ti: «Nteeleti, mu ntalu beyiyi luyadikidi lupangu lweno e?» Wuvutula ti: «Ninga, mu ntalu beyoyo.» 9Petelo ni kamuteela ti: «Bwedi lulendi yuwasana mu tonta Mpeve yi Mfumu e? Yuwa, yobobo babedi mu kwe ziika mulumi aku, yabobo beka mpe ha mwelo, mpe bana kunata mpe.» 10Hansi na nsi, wubwa ha malu ma Petelo na wufwa. Zintwenya bu zikota na zimubwana wufwa, mboki zimunata mu kwe muziika ha ntendo mulumi andi. 11Dibundu dimvimba na yobobo bamvimba bayuwa misamu bemyomyo, bayena bunkuta bubwingi.
Bimangu bi zintumwa
12Zintumwa zihidika bidimbu bingitukulu na bimangu ha kati di bantu. Bamvimba bedi vukananga ha kimosi ku nsye musampa wu Solomo. 13Ka muntu ko wusosa mu ba kintwadi nawu, mpeleko mukangu wedi basiikanga bubwingi. 14Lutangu lu bakento na babakala bedi bakwikila mu Mfumu lwedi bwesamanga kadi ntangu. 15Bantu bedi totola zimbevo mu nzila zilambalala ha mbuka na ha nkwala, mwanki Petelo bu kahyoka, kinsinsya kyandi kifuka kani wumosi mu yawu. 16Bantu babingi mpe bedi fumanga mu mabwala ma ba bela-bela na Yelusalemi. Bedi natanga zimbevo na bantu bedi kwamusungu ku mpeve zimbi. Mpe bamvimba bedi nyaka.
Zintumwa mu kati di mfyetokoso
17Buna Mfumu nganga-Nzambi na yobobo bamvimba baba nandi kintwadi, mpila mosi ti bantu baa mu kabu di basaduki, bafuluka mu musoki, ni babaka lukanu mu tedimina musamu bewowo. 18Ni hahoho, bakangusu zintumwa na babatuba mu boloko di bantu bamvimba. 19Kansi mu mpimpa, mbazi yi Mfumu yiyiza zibula myelo mi nzo yi boloko, yiduukisa zintumwa na yibateela ti: 20«Yendeeno ku nzo-Nzambi mpe samuneeno ku mukangu mambu mamvimba matadidi luzingu lumona.» 21Bu bayuwa bobo, zintumwa ziyenda kota mene na mene mu nzo-Nzambi na batona mu longa.
Mfumu nganga-Nzambi na yobobo baba nandi kintwadi bakutikisa kimvuka ki bakuluntu ba Bayudayo na mbuta zi bantu zi Bayudayo. Mboki, batambika bantu benda babonga zintumwa ziba mu boloko.
22Kansi minkengi bu miyenda tuula ku boloko, bayena zintumwa ko. Bu bavutuka, ni bayala mpolo ti: 23«Twenzi bata boloko ditoma kangama, mpe minkengi mitelama ha myelo mina sala kisalu kyawu. Kansi bu tuzibudi myelo, tuyeni muntu mu kati ko.» 24Mfumu yi minkengi mi nzo-Nzambi na zimfumu zi zinganga-Nzambi bu bayuwa bobo, madyela matumbu bahwa na bafulasana yawu na yawu mu zaba nkye musamu wu babwididi. 25Kansi muntu wumosi wuyiza bateela ti: «Yuweno! Bantu balutudidingi mu boloko, mu nzo-Nzambi badi na bana longa mukangu.»
26Ni hahoho, mfumu yi minkengi ha kimosi na mbulu-mbulu zandi, bayenda balanda mu malembe, mu dyambu ti bayena bunkuta bu mukangu ti mbo wubawinda matadi. 27Bu babavutula, babanata ha ntadisi yi kimvuka ki bakuluntu ba Bayudayo. Mboki, mfumu nganga-Nzambi wubafundisa ti: 28«Wu nsiki na nsiki tuludika mu longa mu nkumbu yi muntu bewowo. Kansi yeno lumwangisi malongi meno mu mbanza yimvimba yi Yelusalemi. Buna lutidi mu tula ha yulu mutu eto lufwa lu muntu bewowo.»
29Petelo na zintumwa bavutula ti: «Bufweni mu tumimina Nzambi, kansi ka bantu ko.» 30Nzambi yi zinkaka zeto wufulukisa Yesu mu bafwa, yondowo yeno wuluhondoso bu lumukoma ha kulunsi. 31Nzambi yandi kazangula ku kooko kwandi ku lubakala bonso Mfumu na Muvuukisi mu haana ku Isaeli mvilulu yi madyela na ndemvokolo yi masumu. 32Yeto zimbangi zi misamu bemyomyo tudi, bumosi mpe na Mpeve Yilongo yi haana Nzambi ku yobobo bakwe mutumiminanga.
33Bafwema mu mpova bezozo na basosa mu bahondoso. 34Kansi ha kati dyawu haba na mufalisi wumosi nkumbu andi Ngamalyeli, mulongisi wu Misiku mpe bantu bamvimba bedi toma muvuminanga. Wutelama ha kati di kimvuka ki bakuluntu ba Bayudayo, wulomba baduukisa zintumwa mwa ntangu yifyoti ku mbazi, 35mboki wuta ti: «Bantu ba-Isaeli kebeno kweno mu myo mi luna saka hidika ku bantu bebaba. 36Ka ntama yiyingi ko, muntu wumosi wuyenika nkumbu andi Tedasi, wedi kilonka ti yandi ni yandi, na bantu nkamaya bamulanda. Kansi, bamuhonda. Bamvimba bebobo mpe bedi kwe mulandi bamana mwangana, na kusala dyaka muntu ko. 37Ku manima mandi, mu ntangu ye zaba lutangu lu bantu, ku yiza yenika mpe Yuda, mwisi-Ngalili. Wukukumuna bantu babingi mu mulanda. Kansi yandi mpe bamuhonda, na yobobo bamulanda, bamana mwangana. 38Bwabu nina luteela, lulandandi dyaka bantu bebaba ko na babikeno benda kwawu. Tala ti kisalu kyawu mu kimuntu bana sadila kyo, kyaafwa. 39Kansi tala ti ku Nzambi kifumini, lwaalenda mu honda kyo ko. Kebeeno kweno mu nwanisa Nzambi.» Ni bamuyuwila. 40Bu batumisa dyaka zintumwa, babazubusu bikoti na babakanikina mu zonzila mu nkumbu yi Yesu. Ku manima, bababika benda kwawu.
41Zintumwa zisisa nzo yi kimvuka ki bakuluntu ba Bayudayo, baba mu kyese ki babayenisina mpasi mu dyambu di nkumbu yi Yesu. 42Mpe kadi kilumbu mu nzo-Nzambi na mu zinzo, yawu babika ko mu longa na mu samuna Musamu Wumbote wu Yesu Mesiya.
Iliyochaguliwa sasa
Mavanga 5: dde Ddo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.
Mavanga 5
5
Ananiase na Safila
1Bakala dimosi nkumbu andi Ananiase na mukento andi Safila bayuwasana mu yadika lupangu lwawu. 2Wuyuwasana na mukento andi mu sweka ndambu yi mbongo. Ni kanata ndambu yisala ku zintumwa. 3Petelo wumuteela ti: «Ananiase, bwedi yambudidi ti Satana kakota mu mutima aku mu huna Mpeve Yilongo mpe swekidi ndambu yi mbongo zi wuyadikidi lupangu e? 4Tekila wu yadika lo, lu lwaku kwandi lu bedi, mboki buyadikidi lo, mbongo zaku kwandi zibedi, kabwa ko e? Bwedi lendi hidikila musamu wubobo ku nsye mutima aku e? Ka yeto ko hunini, kansi Nzambi.» 5Bu kayuwa mpova bezozo, Ananiase wubwa ha nsi na wufwa. Mboki bamvimba bayuwa wo bayiza ba na bunkuta bubwingi. 6Ntwenya ziyiza zinga nitu andi mulele, na ziyenda mu kwe mu zika.
7Ku manima ma bilokola bitatu, mukento andi wuyiza kota, kazaba musamu wuhyoka ko. 8Petelo wumufuula ti: «Nteeleti, mu ntalu beyiyi luyadikidi lupangu lweno e?» Wuvutula ti: «Ninga, mu ntalu beyoyo.» 9Petelo ni kamuteela ti: «Bwedi lulendi yuwasana mu tonta Mpeve yi Mfumu e? Yuwa, yobobo babedi mu kwe ziika mulumi aku, yabobo beka mpe ha mwelo, mpe bana kunata mpe.» 10Hansi na nsi, wubwa ha malu ma Petelo na wufwa. Zintwenya bu zikota na zimubwana wufwa, mboki zimunata mu kwe muziika ha ntendo mulumi andi. 11Dibundu dimvimba na yobobo bamvimba bayuwa misamu bemyomyo, bayena bunkuta bubwingi.
Bimangu bi zintumwa
12Zintumwa zihidika bidimbu bingitukulu na bimangu ha kati di bantu. Bamvimba bedi vukananga ha kimosi ku nsye musampa wu Solomo. 13Ka muntu ko wusosa mu ba kintwadi nawu, mpeleko mukangu wedi basiikanga bubwingi. 14Lutangu lu bakento na babakala bedi bakwikila mu Mfumu lwedi bwesamanga kadi ntangu. 15Bantu bedi totola zimbevo mu nzila zilambalala ha mbuka na ha nkwala, mwanki Petelo bu kahyoka, kinsinsya kyandi kifuka kani wumosi mu yawu. 16Bantu babingi mpe bedi fumanga mu mabwala ma ba bela-bela na Yelusalemi. Bedi natanga zimbevo na bantu bedi kwamusungu ku mpeve zimbi. Mpe bamvimba bedi nyaka.
Zintumwa mu kati di mfyetokoso
17Buna Mfumu nganga-Nzambi na yobobo bamvimba baba nandi kintwadi, mpila mosi ti bantu baa mu kabu di basaduki, bafuluka mu musoki, ni babaka lukanu mu tedimina musamu bewowo. 18Ni hahoho, bakangusu zintumwa na babatuba mu boloko di bantu bamvimba. 19Kansi mu mpimpa, mbazi yi Mfumu yiyiza zibula myelo mi nzo yi boloko, yiduukisa zintumwa na yibateela ti: 20«Yendeeno ku nzo-Nzambi mpe samuneeno ku mukangu mambu mamvimba matadidi luzingu lumona.» 21Bu bayuwa bobo, zintumwa ziyenda kota mene na mene mu nzo-Nzambi na batona mu longa.
Mfumu nganga-Nzambi na yobobo baba nandi kintwadi bakutikisa kimvuka ki bakuluntu ba Bayudayo na mbuta zi bantu zi Bayudayo. Mboki, batambika bantu benda babonga zintumwa ziba mu boloko.
22Kansi minkengi bu miyenda tuula ku boloko, bayena zintumwa ko. Bu bavutuka, ni bayala mpolo ti: 23«Twenzi bata boloko ditoma kangama, mpe minkengi mitelama ha myelo mina sala kisalu kyawu. Kansi bu tuzibudi myelo, tuyeni muntu mu kati ko.» 24Mfumu yi minkengi mi nzo-Nzambi na zimfumu zi zinganga-Nzambi bu bayuwa bobo, madyela matumbu bahwa na bafulasana yawu na yawu mu zaba nkye musamu wu babwididi. 25Kansi muntu wumosi wuyiza bateela ti: «Yuweno! Bantu balutudidingi mu boloko, mu nzo-Nzambi badi na bana longa mukangu.»
26Ni hahoho, mfumu yi minkengi ha kimosi na mbulu-mbulu zandi, bayenda balanda mu malembe, mu dyambu ti bayena bunkuta bu mukangu ti mbo wubawinda matadi. 27Bu babavutula, babanata ha ntadisi yi kimvuka ki bakuluntu ba Bayudayo. Mboki, mfumu nganga-Nzambi wubafundisa ti: 28«Wu nsiki na nsiki tuludika mu longa mu nkumbu yi muntu bewowo. Kansi yeno lumwangisi malongi meno mu mbanza yimvimba yi Yelusalemi. Buna lutidi mu tula ha yulu mutu eto lufwa lu muntu bewowo.»
29Petelo na zintumwa bavutula ti: «Bufweni mu tumimina Nzambi, kansi ka bantu ko.» 30Nzambi yi zinkaka zeto wufulukisa Yesu mu bafwa, yondowo yeno wuluhondoso bu lumukoma ha kulunsi. 31Nzambi yandi kazangula ku kooko kwandi ku lubakala bonso Mfumu na Muvuukisi mu haana ku Isaeli mvilulu yi madyela na ndemvokolo yi masumu. 32Yeto zimbangi zi misamu bemyomyo tudi, bumosi mpe na Mpeve Yilongo yi haana Nzambi ku yobobo bakwe mutumiminanga.
33Bafwema mu mpova bezozo na basosa mu bahondoso. 34Kansi ha kati dyawu haba na mufalisi wumosi nkumbu andi Ngamalyeli, mulongisi wu Misiku mpe bantu bamvimba bedi toma muvuminanga. Wutelama ha kati di kimvuka ki bakuluntu ba Bayudayo, wulomba baduukisa zintumwa mwa ntangu yifyoti ku mbazi, 35mboki wuta ti: «Bantu ba-Isaeli kebeno kweno mu myo mi luna saka hidika ku bantu bebaba. 36Ka ntama yiyingi ko, muntu wumosi wuyenika nkumbu andi Tedasi, wedi kilonka ti yandi ni yandi, na bantu nkamaya bamulanda. Kansi, bamuhonda. Bamvimba bebobo mpe bedi kwe mulandi bamana mwangana, na kusala dyaka muntu ko. 37Ku manima mandi, mu ntangu ye zaba lutangu lu bantu, ku yiza yenika mpe Yuda, mwisi-Ngalili. Wukukumuna bantu babingi mu mulanda. Kansi yandi mpe bamuhonda, na yobobo bamulanda, bamana mwangana. 38Bwabu nina luteela, lulandandi dyaka bantu bebaba ko na babikeno benda kwawu. Tala ti kisalu kyawu mu kimuntu bana sadila kyo, kyaafwa. 39Kansi tala ti ku Nzambi kifumini, lwaalenda mu honda kyo ko. Kebeeno kweno mu nwanisa Nzambi.» Ni bamuyuwila. 40Bu batumisa dyaka zintumwa, babazubusu bikoti na babakanikina mu zonzila mu nkumbu yi Yesu. Ku manima, bababika benda kwawu.
41Zintumwa zisisa nzo yi kimvuka ki bakuluntu ba Bayudayo, baba mu kyese ki babayenisina mpasi mu dyambu di nkumbu yi Yesu. 42Mpe kadi kilumbu mu nzo-Nzambi na mu zinzo, yawu babika ko mu longa na mu samuna Musamu Wumbote wu Yesu Mesiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.