Mavanga 10
10
Mbweno yi Koneye
1Ku mbanza yi Sezale, kuba na bakala dimosi nkumbu andi Koneye. Wuba mfumu yi zimbulu-mbulu nkama mu kabu di bakwe tumisinanga ti: «Italike». 2Wuba munsambidi, mpe yandi na kanda dyandi dimvimba bedi yenanga Nzambi bunkuta. Wedi sadisanga bubwingi bantu na wedi tatamananga mu sambila Nzambi. 3Kampe kiba kilokola kitatu ku manima ma ntangu ambata, wuyena mu mbweno mbazi yi mosi yi Nzambi yedi kota ku nzo andi na yimuteela ti: «Koneye!» 4Wusungimina mbazi yi Nzambi, mpe na kintekoto kimvimba, wuvutula ti: «Nki kwandi, Mfumu e?» Mbazi yi Nzambi yimuteela ti: «Nsambulu zaku na mambote ma wuhidikidi matudidi ha ntadisi yi Nzambi na wubambukidi myo moyo. 5Bwabu tambika bantu ku mbanza yi Zope na benda bateela Simoni kiza, yondowo wu bakwe tumisinanga dyaka ti Petelo, 6wuna zakalanga ku nzo yi muntu wumosi nkumbu andi mpe Simoni ha bela-bela na mubu, wedi hidikanga bima mu mikanda mi bibulu.» 7Mbazi yi Nzambi yi muzonzila, bu yi tumbu zimbala, Koneye wutumisa bantu bole mu bisadi bi nzo andi mpe mbulu-mbulu yimosi yii ku nsye lutumu lwandi, yi kwe toma sambilanga. 8Wubayadila mimvimba mihyoka na wubatambika ku mbanza yi Zope.
9Kilumbu kilanda buna bakidi mu nzila, baba bela-bela na mbanza yi Zope, Petelo wuyenda sambila ku tanda di ku yulu nzo, mu ntangu ambata. 10Wubaka nsatu na wusoosa mu dya. Mu ntangu yi bedi mulambila bindya, wukota mu mpeve. 11Wuyena yulu dizibuka na kima kimosi kifwanakana bonso mulele wuwunene wukangu mu makonzi maya kyedi kulumuka ha butoto. 12Mu kati di mulele bewowo, kuba na bibulu bimvimba bi mumpila-mumpila, bi na malu maya, byo bikwe kwe syelomokingi ha butoto na zinuni zi yulu. 13Ndinga yimosi yimuteela ti: «Petelo telama, honda na dya!» 14Kansi Petelo wuvutula ti: «Kaani Mfumu, mu dyambu ti nadidi bima bi bakanikina na bi sumuka ko.» 15Ndinga yi bwesa muteela dyaka mu nkumbu yinzole ti: «Bima bi bikidi Nzambi bivedila, ngeye kubikandi byo bisumuka ko!» 16Nkumbu zitatu kisa bobo. Ku manima, kima kitumbu tombolo ku yulu.
17Petelo bu kaba ku nsye mayindu, wusosa mu zaba mbangululu yi mbweno yi kasa. Mpe mu ntangu beyoyo, bantu batambika Koneye, bedi kwe sosi nzo yi Simoni, bayiza tula ha mwelo wu nkotolo yi lupangu. 18Batumisa na bafuula mu zaba tala ti Simoni, wuba kwe tumisina dyaka ti Petelo, mu nzo beyoyo kana zakalanga. 19Petelo bu kedi sosanga mbangululu yi mbweno, Mpeve yimuteela ti: «Bantu batatu bana kusosa. 20Telama, kulumuka na yenda nawu, kusandi maketiketi ko, mu dyambu ti meno na batambikidi.» 21Petelo wukulumuka na wuteela bantu bebobo ti: «Meno ewu, yondowo wu luna sosa. Nkye musamu wu lutwedi ekuku e?» 22Bavutula ti: «Koneye mfumu yi zimbulu-mbulu nkama, muntu wu lunungu wudi na kwe yenanga Nzambi bunkuta. Bayudayo mu nsi yimvimba bakwe muteela kimbangi kimbote. Mbazi yi Nzambi yi mulwengisi ti kakutumisa wenda ku nzo andi mwanki kayuwa misamu mi naaku mi wamuteela.» 23Petelo wubakotisa na wubalambikisa mu nzo. Kilumbu kilanda, Wuyenda nawu ha kimosi na mwa ndambu yi zimpangi zi mbanza yi Zope.
24Kilumbu kilanda bayenda tula ku mbanza yi Sezale. Koneye wedi bakingilanga ha kimosi na kanda dyandi na nkayi zandi zi mutima zi katumisa. 25Mu ntangu Petelo yi kedi kota, Koneye wuyenda mubwana, na wufukama ha malu mandi luse ha nsi. 26Kansi Petelo wumutedimisa na wuta ti: «Telama! Meno mpe muntu kwandi nidi.» 27Bu bedi kwe zonzi, wukota mu nzo na wuyena bantu babingi bakutakana. 28Wubateela ti: «Waluzebi ti mwina wudi ku Muyudayo mu ba kintwadi na nzenza hoti mu kota mu nzo andi. Kansi Nzambi ndonkidi ti ndendi biika muntu ko wuvedila hoti wulembolo ba wuvedila. 29Ni hahoho, nalembolo ketikisila mu kwiza bu luntumisi. Ntiidi mu zaba bwabu nkye musamu luntumisini.» 30Koneye wuvutula ti: «Bilumbu biya bihyoka, bonso kilokola bekiki kitatu ku manima ma ntangu ambata. Kusambila nedi sa mu kati di nzo ani. Nayitukulu kwani muntu wumosi wulwata binkutu bina vekoveko, wutelama ha ntadisi ani, 31ntedidi ti: “Koneye, Nzambi yudi lusambulu lwaku na bambukidi moyo mambote ma wuhidikidi. 32Tambika bwabu muntu ku mbanza yi Zope kenda kateela Simoni kiza, wu bakwe tumisinanga ti Petelo. Mu nzo yi Simoni, kwe hidikanga bima mu mikanda mi bibulu, kakwe zakalanga, bela-bela na mubu.” 33Nina tumbu tambika bantu mu kwiza kusosa, mpe bumbote sidi mu kwiza. Bwabu yeto bamvimba yababa ha ntadisi yi Nzambi mu yuwa mimvimba mi kutumini Mfumu mu tuteela.»
Kinzonzi ki Petelo ku nzo yi Koneye
34Petelo wuzibula munwa na wuta ti: «Kedika, bwabu mbakudi ti Nzambi kaswasikisanga bantu ko, 35mpe mu kadi nsi, wonso wamuyena bunkuta na wasadila ludedomo, Nzambi wamuyangalala. 36Wutambika mpolo ku baala ba-Isaeli: mu basamunina Musamu Wumbote wu kiyenge mu Yesu-Klisto, yandi wudi Mfumu yi makanda ma bantu bamvimba. 37Yeno luzebi misamu mihyoka ku kizunga kimvimba ki Yuda, kutonina ku kizunga ki Ngalili, ku manima ma musamu wumbotokolo wusamuna Yoane. 38Yeno luzebi bwedi Nzambi kadukudila Mpeve Yilongo mu Yesu mwisi-Nazaleti, mpe bwedi kamuhaanina lulendo lwe hidikila misamu mimbote na lwenyakisina bamvimba bebobo bedi kwamusu ku Nkadyampemba, mu dyambu ti Nzambi wuba nandi. 39Mpe yeto tuu zimbangi zi misamu mimvimba mi kahidika mu nsi yi Bayudayo mpe mu mbanza yi Yelusalemi. Yandi bahonda mu mukoma ha kulunsi. 40Kansi Nzambi wumufulukisa mu bafwa kilumbu kitatu mpe wusa ti kayenika, 41ka ku bamvimba ko, kansi ku zimbangi bezozo Nzambi zi kasoola ntete. Yeto, tudya na tunwa ha kimosi nandi ku manima ma mfulukulu andi mu bafwa. 42Yesu wututuma mu samuna ku mukangu na musingisa ti yandi Nzambi kasoola mu ba mumfundisi wu bantu bamoyo na bafwa. 43Mimbikudi mimvimba mita kimbangi ti wonso muntu kwikidi mu yandi, tambudi mu nkumbu andi ndemvokolo yi masumu.»
Bantu balembolo ba Bayudayo batambudi Mpeve Yilongo
44Petelo bu kedi zonzanga, Mpeve Yilongo yikulumuka ku yobobo bamvimba bedi yuwa kinzonzi kyandi. 45Minkwikidi mimvimba mi Bayudayo, miyiza ha kimosi na Petelo, miyituku mu dyambu ti Mpeve Yilongo yi mwangana mu bantu balembolo ba Bayudayo. 46Mu dyambu ti, bedi bayuwa bana zonza ndinga zinzenza na bana kembila bunene bu Nzambi. Petelo ni kata ti: 47«Nga tulendi bisa mu botika mu mamba bantu bebaba batambudi Mpeve Yilongo bonso yeto e?» 48Ni kahaana lutumu bababotika mu nkumbu yi Yesu-Klisto. Ni bamulomba kazakala nawu mwa bilumbu.
Iliyochaguliwa sasa
Mavanga 10: dde Ddo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active) Wycliffe Bible Translators, Inc. All rights reserved.
