Kutendeka 30
30
1Rakeli lu-aamwene nangue wene taamuvyaliile Yakobo baana, waamunvwiliile mukuluube bunkua. Rakeli waamwanine Yakobo nangue, “We Yakobo, n'mpeele baana, kine teun'mpeele ndikufua.”
2Yakobo waamufiitiilue Rakeli. Waalandile evi, “Eba, nene i Leza waakulengiizie kuba nghumba?”
3Rakeli waamwanine Yakobo, “Ndi ni mubombi wane Biliha. Laala nakue anvyalile baana, evi kupitila muli wene ngie nali ni luvyalo.” 4Rakeli waamupeele mulume wakue nsambu ya kuupa Biliha. Yakobo waaleele nakue. 5Biliha lu-aimitile, waamuvyaliile Yakobo mwana mwalalume. 6Rakeli waalandile evi, “Leza wapingula mulandu wane, waunvua mapepo ane ni kun'mpeela mwana mwalalume.” Ni pakako, ozo mwana waamwinikile Dani.#30.6 Dani: Leli liina mu Kiebrania i kulanda nangue Leza wapingula mulandu wane. 7Kabili Biliha mubombi wakua Rakeli lu-aimitile, waamuvyaliile Yakobo mwana mwalalume wa bubili. 8Rakeli waalandile evi, “Bului bunalwana na mukuluamwine ni bukata, inzi namwanzia.” Ni pakako, ozo mwana waamwinikile Nafutali.#30.8 Nafutali Leli liina mu Kiebrania i kulanda nangue, Bului.
9Lea ni ye lu-aamwene nangue buvyazi bwapua, waufiizie mubombi wakue Silipa ku mulume wakue. 10Silipa mubombi wakua Lea waamuvyaliile Yakobo mwana mwalalume. 11Lea waalandile evi, “Nasyuka!” Ni pakako, ozo mwana waamwinikile Gadi.#30.11 Gadi Leli liina mu Kiebrania i kulanda nangue lisyuko. 12Silipa mubombi wakua Lea waamuvyaliile Yakobo unge mwana mwalalume wa bubili. 13Kabili Lea waalandile evi, “Nasansamuka! Pantu bakazyana balikuyabankuuta asyukile.” Ni pakako, ozo mwana waamwinikile Aseri.#30.13 Aseri: Leli liina mu Kiebrania i kulanda nangue “Nsansa.”
14Musita wa kuseepa nghano, Rubeni waile mu bukaba, waya kusangamo kitwabalindu #30.14 Kitwabalindu I miti ya luvyalo.ni kumutwalila nghina. Rakeli waamwanine Lea, “N'mpeele miti ya luvyalo yakua mwana obe Rubeni.”
15Lea waamwanine evi, “Eba, we wan'mpokele mulume, kabili tewakeba kun'mpoka ni miti yakua mwana wane Rubeni?”
Rakeli wa-asukile evi, “Lelo Yakobo alikulaala ku nghanda yobe pa mulandu wa miti ya luvyalo yakua mwana obe.”
16Yakobo lu-aafumine ku makaba musita wa kyungulo, Lea waile kumusensekela ni kumwana nangue, “Lelo ulikulaala ku nghanda yane pantu nakusitanga kuli Rakeli na kitwabalindu kyakua mwana wane.” Ni pakako, bobo busiku waaleele ku nghanda yakua Lea.
17Leza waunvwile mapepo akua Lea. Lea lu-aimitile, waamuvyaliile Yakobo mwana mwalalume wa busaano. 18Lea waalandile evi, “Leza wanambula pantu naufiizie mubombi wane kuli mulume wane Yakobo.” Ni pakako, ozo mwana waamwinikile Isakari.#30.18 Isakari Leli liina mu Kiebrania i kulanda nangue “kilambu.” 19Kabili Lea lu-aimitile, waamuvyaliile Yakobo mwana mwalalume wa mutanda. 20Lea waalandile evi, “Leza wanambula kilambu kiweme. Evi mulume wane waya wasyankindika pantu namuvyalila baana mutanda.” Ni pakako, ozo mwana waamwinikile Zabuloni.#30.20 Zabuloni Leli liina i kulanda nangue kukindikua. 21Pa kyamba, waavyele mwana mwanakazi ni kumwinika Dina.
22Kabili Leza waamulangulukile Rakeli. Leza lu-aunvwile mapepo akue, waizwile buvyazi bwakue. 23Rakeli lu-aimititile, waavyele mwana mwalalume. Rakeli waalandile evi, “Leza wan'mpwisia busoni pantu wan'mpeela mwana mwalalume.” 24Ni pakako, ozo mwana waamwinikile Yusufu,#30.24 Yusufu Leli liina mu Kiebrania i kulanda nangue an'mpeele ni unge. Kuti kyawama Yawe anundilepo ni unge mwana mwalalume.
Yakobo waunvwana ni Labani
25Rakeli lu-aamuvyele Yusufu, Yakobo waamwanine Labani, “N'mpeele nsambu ya kubwelela ku kyalo kyetu, 26un'mpeele bakazi bane pamo ni baana banaakubombeele ngie nabo pantu umanine mwilo unaakubombeele.”
27Labani waamwanine Yakobo nangue, “Kine wangitabila, ikala sie kwenka kono pantu nakibuka ni kumona nangue Yawe wakin'mpaala kupitila muli wewe.” 28Labani waalandile evi, “Nghane nsazio yobe ni ne ndikukusazia.”
29Yakobo waamwanine evi, “We mwine umanine vinakikubombela ni nghombe viyakivula kuli nene. 30Lunaali nsinaize, nama yobe teyaali yavulile, inzi evi ivulile. Yawe wakikupaala kupitila muli nene. Ale ni musitaki unakaba kubombela ba mu nghanda yane?”
31Labani waamwipuziizie evi, “Ale ndikukupeelaki?”
Yakobo wa-asukile evi, “Teun'mpeela kantu, kine ulikunkitila keki kintu, ndikutwalilila kuliisia ni kusunga kisepe kyobe. 32Lelo ndikupita mu kisepe kyobe kyonse nalimukufumia kubalua nama wa mabala mabala ni mantolintoli, ni kubalua nama wa fi pa mikooko, ni wa mabala mabala pa mbuzi. Ezio i yaakaba nsazio yane. 33Kisinka kyane kyaakamoneka bobo busiku buwaakeeza kumona nsazio yane. Kine ukeeze kusanga mbuzi asili na mabala mabala ao mantolintoli, ao kubalua mukooko asili wa fi, wewe waakaba wali ni nsambu ya kulanda nangue nakikwibila.”
34Labani waamwanine evi, “Ee, kibe nga muwalandila.” 35Bobo busiku Labani waafumiiziepo tupwata twa mabala mabala ni twa mingoloozio, ni mbuzi ikota ya mabala mabala ni mantolintoli, ni ya mabala mabala a sue pamo ni mikooko ya fi wapeela baana bakue. 36Ezio nama baile nayo kule kwa kwenda nsiku itatu. Yakobo wene waasyele wasunga kisepe kyakua Labani.
37Yakobo waabuulile misambo ibisi ya milibna ni ya mlozi ni ya mwaramoni, waubulako mamba pakuti mumoneke mingoloozio ya sue. 38Ezio misambo i aubwileko waiimikile mu biziba bya menda byaali byaminamo nama yakentele ku misambo. Nama yaimitiile papo payaali yaiza kuminina menda. 39Nama yaimitile ntanzi ya misambo yaali mu menda. Nama yaavyele twana twa mingoloozio, ni twa mabala mabala pamo ni twa mantolintoli.
40Yakobo waakasaniizie mikooko, wabiika nama yakentele ku nama ili ni mingoloozio ni kubalua nama wa fi wakua Labani. Wabiika bisepe byakue kule, kabili taasanziizie pa bisepe byakua Labani.
41Nama yaamwenekelepo yalumine luyaimitile, Yakobo waabiikile misambo ku ntanzi ya ezio nama palia payaali yaminina menda, evi iye yaimitila pa ezio misambo. 42Inzi ezio misambo taibiikile ku ntanzi ya nama yaali itope. Evi Yakobo i vi-aakwete nama ilumine, ni Labani nama itope. 43Yakobo waanonkeesie. Waali wakwete bisepe bingi. Waali wakwete babombi bengi balalume ni banakazi, ni nghamia pamo ni punda.
Iliyochaguliwa sasa
Kutendeka 30: KBTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kitaabua New Testament @The Word For The World Southern Africa. 2023.
Kutendeka 30
30
1Rakeli lu-aamwene nangue wene taamuvyaliile Yakobo baana, waamunvwiliile mukuluube bunkua. Rakeli waamwanine Yakobo nangue, “We Yakobo, n'mpeele baana, kine teun'mpeele ndikufua.”
2Yakobo waamufiitiilue Rakeli. Waalandile evi, “Eba, nene i Leza waakulengiizie kuba nghumba?”
3Rakeli waamwanine Yakobo, “Ndi ni mubombi wane Biliha. Laala nakue anvyalile baana, evi kupitila muli wene ngie nali ni luvyalo.” 4Rakeli waamupeele mulume wakue nsambu ya kuupa Biliha. Yakobo waaleele nakue. 5Biliha lu-aimitile, waamuvyaliile Yakobo mwana mwalalume. 6Rakeli waalandile evi, “Leza wapingula mulandu wane, waunvua mapepo ane ni kun'mpeela mwana mwalalume.” Ni pakako, ozo mwana waamwinikile Dani.#30.6 Dani: Leli liina mu Kiebrania i kulanda nangue Leza wapingula mulandu wane. 7Kabili Biliha mubombi wakua Rakeli lu-aimitile, waamuvyaliile Yakobo mwana mwalalume wa bubili. 8Rakeli waalandile evi, “Bului bunalwana na mukuluamwine ni bukata, inzi namwanzia.” Ni pakako, ozo mwana waamwinikile Nafutali.#30.8 Nafutali Leli liina mu Kiebrania i kulanda nangue, Bului.
9Lea ni ye lu-aamwene nangue buvyazi bwapua, waufiizie mubombi wakue Silipa ku mulume wakue. 10Silipa mubombi wakua Lea waamuvyaliile Yakobo mwana mwalalume. 11Lea waalandile evi, “Nasyuka!” Ni pakako, ozo mwana waamwinikile Gadi.#30.11 Gadi Leli liina mu Kiebrania i kulanda nangue lisyuko. 12Silipa mubombi wakua Lea waamuvyaliile Yakobo unge mwana mwalalume wa bubili. 13Kabili Lea waalandile evi, “Nasansamuka! Pantu bakazyana balikuyabankuuta asyukile.” Ni pakako, ozo mwana waamwinikile Aseri.#30.13 Aseri: Leli liina mu Kiebrania i kulanda nangue “Nsansa.”
14Musita wa kuseepa nghano, Rubeni waile mu bukaba, waya kusangamo kitwabalindu #30.14 Kitwabalindu I miti ya luvyalo.ni kumutwalila nghina. Rakeli waamwanine Lea, “N'mpeele miti ya luvyalo yakua mwana obe Rubeni.”
15Lea waamwanine evi, “Eba, we wan'mpokele mulume, kabili tewakeba kun'mpoka ni miti yakua mwana wane Rubeni?”
Rakeli wa-asukile evi, “Lelo Yakobo alikulaala ku nghanda yobe pa mulandu wa miti ya luvyalo yakua mwana obe.”
16Yakobo lu-aafumine ku makaba musita wa kyungulo, Lea waile kumusensekela ni kumwana nangue, “Lelo ulikulaala ku nghanda yane pantu nakusitanga kuli Rakeli na kitwabalindu kyakua mwana wane.” Ni pakako, bobo busiku waaleele ku nghanda yakua Lea.
17Leza waunvwile mapepo akua Lea. Lea lu-aimitile, waamuvyaliile Yakobo mwana mwalalume wa busaano. 18Lea waalandile evi, “Leza wanambula pantu naufiizie mubombi wane kuli mulume wane Yakobo.” Ni pakako, ozo mwana waamwinikile Isakari.#30.18 Isakari Leli liina mu Kiebrania i kulanda nangue “kilambu.” 19Kabili Lea lu-aimitile, waamuvyaliile Yakobo mwana mwalalume wa mutanda. 20Lea waalandile evi, “Leza wanambula kilambu kiweme. Evi mulume wane waya wasyankindika pantu namuvyalila baana mutanda.” Ni pakako, ozo mwana waamwinikile Zabuloni.#30.20 Zabuloni Leli liina i kulanda nangue kukindikua. 21Pa kyamba, waavyele mwana mwanakazi ni kumwinika Dina.
22Kabili Leza waamulangulukile Rakeli. Leza lu-aunvwile mapepo akue, waizwile buvyazi bwakue. 23Rakeli lu-aimititile, waavyele mwana mwalalume. Rakeli waalandile evi, “Leza wan'mpwisia busoni pantu wan'mpeela mwana mwalalume.” 24Ni pakako, ozo mwana waamwinikile Yusufu,#30.24 Yusufu Leli liina mu Kiebrania i kulanda nangue an'mpeele ni unge. Kuti kyawama Yawe anundilepo ni unge mwana mwalalume.
Yakobo waunvwana ni Labani
25Rakeli lu-aamuvyele Yusufu, Yakobo waamwanine Labani, “N'mpeele nsambu ya kubwelela ku kyalo kyetu, 26un'mpeele bakazi bane pamo ni baana banaakubombeele ngie nabo pantu umanine mwilo unaakubombeele.”
27Labani waamwanine Yakobo nangue, “Kine wangitabila, ikala sie kwenka kono pantu nakibuka ni kumona nangue Yawe wakin'mpaala kupitila muli wewe.” 28Labani waalandile evi, “Nghane nsazio yobe ni ne ndikukusazia.”
29Yakobo waamwanine evi, “We mwine umanine vinakikubombela ni nghombe viyakivula kuli nene. 30Lunaali nsinaize, nama yobe teyaali yavulile, inzi evi ivulile. Yawe wakikupaala kupitila muli nene. Ale ni musitaki unakaba kubombela ba mu nghanda yane?”
31Labani waamwipuziizie evi, “Ale ndikukupeelaki?”
Yakobo wa-asukile evi, “Teun'mpeela kantu, kine ulikunkitila keki kintu, ndikutwalilila kuliisia ni kusunga kisepe kyobe. 32Lelo ndikupita mu kisepe kyobe kyonse nalimukufumia kubalua nama wa mabala mabala ni mantolintoli, ni kubalua nama wa fi pa mikooko, ni wa mabala mabala pa mbuzi. Ezio i yaakaba nsazio yane. 33Kisinka kyane kyaakamoneka bobo busiku buwaakeeza kumona nsazio yane. Kine ukeeze kusanga mbuzi asili na mabala mabala ao mantolintoli, ao kubalua mukooko asili wa fi, wewe waakaba wali ni nsambu ya kulanda nangue nakikwibila.”
34Labani waamwanine evi, “Ee, kibe nga muwalandila.” 35Bobo busiku Labani waafumiiziepo tupwata twa mabala mabala ni twa mingoloozio, ni mbuzi ikota ya mabala mabala ni mantolintoli, ni ya mabala mabala a sue pamo ni mikooko ya fi wapeela baana bakue. 36Ezio nama baile nayo kule kwa kwenda nsiku itatu. Yakobo wene waasyele wasunga kisepe kyakua Labani.
37Yakobo waabuulile misambo ibisi ya milibna ni ya mlozi ni ya mwaramoni, waubulako mamba pakuti mumoneke mingoloozio ya sue. 38Ezio misambo i aubwileko waiimikile mu biziba bya menda byaali byaminamo nama yakentele ku misambo. Nama yaimitiile papo payaali yaiza kuminina menda. 39Nama yaimitile ntanzi ya misambo yaali mu menda. Nama yaavyele twana twa mingoloozio, ni twa mabala mabala pamo ni twa mantolintoli.
40Yakobo waakasaniizie mikooko, wabiika nama yakentele ku nama ili ni mingoloozio ni kubalua nama wa fi wakua Labani. Wabiika bisepe byakue kule, kabili taasanziizie pa bisepe byakua Labani.
41Nama yaamwenekelepo yalumine luyaimitile, Yakobo waabiikile misambo ku ntanzi ya ezio nama palia payaali yaminina menda, evi iye yaimitila pa ezio misambo. 42Inzi ezio misambo taibiikile ku ntanzi ya nama yaali itope. Evi Yakobo i vi-aakwete nama ilumine, ni Labani nama itope. 43Yakobo waanonkeesie. Waali wakwete bisepe bingi. Waali wakwete babombi bengi balalume ni banakazi, ni nghamia pamo ni punda.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kitaabua New Testament @The Word For The World Southern Africa. 2023.