Mateus 22
22
Haweweri Sänneri Liili
(Lukas 14.15-24)
1Hesus eda para haüül marahara par dew hawewe. 2“Farüyeri weirengi ra e weya merer. E wol fadew ra demarü king e fitehi mwangaüri sänneri yaari mwana raur liili. 3Mwana king eda hatalilawau marahara lei yaar haküröü bwa labwe haüül marahawe hataingehiri na labwe raho ifiri sänneri liilira bwa larau raho, nga iil la tamasari raho. 4Eda par hatalilaraho par palüül lei yaar haküröü bwa labwe tabongariil marahara hataingehiri na labwe raho ifiri sänneri liili titiror: ‘Ida mori habwangi fitehiri mwangaüri sänne. Ida mori riini marahawe rai harabau nga marahawe rai happari harabau we la bwatai, nga uruteri faülümire nga eda mori bwengi, hau bwitoho ifiri sänne.’ 5Marahara hataingehiri na labwe raho ifiri sännera la tai hamaahowa na e dölü, lada faülüüni yael fitehi: demarü e bwitahe räni maatar nga demarü e raho räni yaar stowa, 6nga iyahara palüül lada dubuliil marahara lei yaar haküröü lada wautuul nga la riimadeil. 7E dong dewa mwana king eda hatalilawau marahara yaar saradau lada riil marahara la faiini yalemat nga la haimahawari yael wotawot; 8eda fadöngüül lei yaar haküröü eda haüül bwa, ‘Eda mori bwengi mwangaüri sänneri liili, nga marahawe hataingehiri na labwe bwitoho ifiri sänner ra e tai fiseri na labwe bwitoho. 9Hau bwitiwo niyaranap hauda fadöngüül urutael yalemat hara hau weliil bwa labwe bwitoho ifiri sänne.’ 10Marahara lei yaar haküröü lada bwitiwo niyar lada fadöngü fängäniil urutael marahara la weliil, lei maho ma lei tammaü, eda uulo rarosihira e wol sänne iran.
11“King eda bwirango habaühüül marahara la bwitoho ifiri sänne, nga eda käkäne demarü mwaare ra e tai üffoüf üfferi liili 12eda haüya bwa, ‘Bwidi, e feita hoda bwirango ihar nga ho tai üffoüf üfferi liili?’ Mwana e tai titiro. 13King eda haüül marahara lei yaar haküröü bwa, ‘Hau höhöya paür ma hubwar hauda peitawau fari losopödü, bwa ebwe tangi nga e hatata ngiir.’ ”
14Hesus eda habwangi na ramar eda dölü bwa, “E pipiya marahara la fadöngüül, nga hara fitemaru söhü ra la tiwereyahi.”
Haddiye Hataingehiri Parüyeni Tax
(Markus 12.13-17; Lukas 20.20-26)
15Marahara Farisi lada süya lada kupeti yarari na labwe hoho haddiye lada tafisiye Hesus. 16Lada hatalilaraho palüül marahara lei tabweiil ma palüül lei uweri Herodes iyolori Hesus lada haüye bwa, “Tanaho, hai hüra bwa ho haye tapa sahü titiro hatödü. Ho tapa hatödüri na Dios e masariye bwa yalemat labwe faülü, nga ho tai fangiyengi hale meta yael yalemat mangimengi, bwanasahü na ho tai hamaahow hale itöü yalemat hara ho titirongariil. 17Hauhamami-mo hale e maho sahü na dibwe parüyeri tax eda raho iyolori Emperor ari Roma?”
18Hesus e hüra na yael mangimengi ra e tammaü eda haüül bwa, “Hami lei tirobwat! Meta sapir hauda masari na haubwe tafisiyei? 19Hau hanangariyei mwannera hau haye hori parüyeni tax!”
Lada hariya mwannera 20eda hadiyael bwa, “Yaüngeri itöü ma iiteri itöü mere?”
21Lada haüye bwa, “Emperor ari Roma.”
Hesus eda haüül bwa, “Ira nga e haitina hauda hariye Emperor hapitehiri Emperor nga hau hariye Dios hapitehiri Dios.”
22La ppari lüdü dewa ifiri na e haüül lada süye lada rihiti.
Haddiye Hataingehiri Simwatahe ma Ifiri Made
(Markus 12.18-27; Lukas 20.27-40)
23Lanera sahü nga palüül Sadiusi lada para raho iyolori Hesus lada haüye bwa e tawau süya bwa yalemat labwe simwatahe ma ifiri made. 24La dölü bwa, “Tanaho, Moses e dölü bwa, ‘Nga sahü nga demarü mwaare e made nga e tawol raur, ira nga mwana bwidir ebwe liiri faifina bwa ebwe wol rauul, nga riweisihara ra labwe rauri mwana e made.’ 25E wol fidimoru mwaare ra la bwidibwidi we la mire ihar. Mwana e rap eda liili eda made nga e tawol raur eda miretiwo faifina bwa liiri ira haliyemaru. 26Ira sahü souri na e faaülü mwana haliyemaru ma mwana hadörümörü ma urutael ma la fidimoru. 27Haühühür dewa nga eda made faifina. 28Meihira, itöü ma iyoloil marahawe fidimoru bwidibwidi na ebwe liiri faifina ifiri na yalemat labwe simwatahe ma ifiri made? Urutael ma la fidimoru nga la hädi faifina bwa liil.”
29Hesus eda haüül bwa, “Haü taweli dewa, bwanasahü mena haü tahüra mena e mire räni Farüförü Liya, nga haü tahüra ppouri Dios. 30Ifiri mena lei made labwe simwatahe ma ifiri made, nga larau weya anghelari weirengi nga la tai liili. 31Nga ira titiini ra yalemat labwe fadatafaari, hau tei habaühü hale meta-mo Dios e hauhami? E dölü bwa, 32‘Ngaangu yaari Abraham Dios ma yaari Isak Dios ma yaari Yakob Dios.’ Iiye yael lei fada Dios, e tai yael lei made Dios.”
33La pari lüdü dewa marahara la towu ihira ra la longolongo ramara e hori kaü.
Farau Ra E Taitei
(Markus 12.28-34; Lukas 10.25-28)
34Ifiri na marahara Farisi lada longolongo bwa Hesus e faülüül marahara Sadiusi bwa labwe tahüra na labwe dölü, lada towu fängääni 35nga demarü tanahori Farau e türüngül eda pangi bwa ebwe hoho haddiye eda tafisiye Hesus. 36E haüye Hesus bwa, “Tanaho, farau meta na e taitei dewa ma uwoni farau?”
37Hesus eda haüye bwa, “‘Hobwe hamamaüye Tamoru yaamu Dios ifiri urute tipomu, ma fadamu ma urutar, ma uruteri yaamu mangimengi.’ 38Iyer na e taitei dewa nga e tarapar dewa nifaar ma uwoni farau. 39Haluwouweri faraura e tarapar dewa nifaar ra e weya sahü faülüri mena: ‘Hobwe hamamaüül palüül yalemat eda weya yaamu hamamaüya podumu.’ 40Uruteri Farau we yaari Moses ma yael marahawe profeta kaü ra e tabweya maraha luwouw farau.”
Haddiye Nihataingehiri Mesias
(Markus 12.35-37; Lukas 20.41-44)
41Ifiri na la towufängääni palüül Farisi, nga Hesus eda hadiyael bwa, 42“Meta yami mangimengi ifiri Mesias? Itöü na e sapitoho ma iyolor?”
Lada haüya bwa, “Mesias ra e sapitoho ma ifiri Dabid.”
43Hesus eda para haüül bwa, “Meta eda faülü na ifiri-mo Ngörü Liya e toho uwawori Dabid eda fadöngüngeri bwa ‘Tamoru’? Dabid e dölü bwa,
44‘Tamoru e haüya yai Tamoru bwa:
Hobwe maato ifiri hurumalai
eda tohongari mena ibwe hädiil lei ranaromu ida iteriletiwo fari hubwomu.’
45Nga sahü nga Dabid eda fadöngüngeri bwa ‘Tamoru’, ebwe feita Mesias eda sapitoho ma ifiri Dabid?”
46E tawol demarü ma uworuul re ebwe hüra na ebwe hori parüyeni na ramar; werimwiliri mena nga e tai wol demarü re ebwe ppou tipar bwa ebwe par hadiya dew titiro.
Iliyochaguliwa sasa
Mateus 22: SOV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.
Mateus 22
22
Haweweri Sänneri Liili
(Lukas 14.15-24)
1Hesus eda para haüül marahara par dew hawewe. 2“Farüyeri weirengi ra e weya merer. E wol fadew ra demarü king e fitehi mwangaüri sänneri yaari mwana raur liili. 3Mwana king eda hatalilawau marahara lei yaar haküröü bwa labwe haüül marahawe hataingehiri na labwe raho ifiri sänneri liilira bwa larau raho, nga iil la tamasari raho. 4Eda par hatalilaraho par palüül lei yaar haküröü bwa labwe tabongariil marahara hataingehiri na labwe raho ifiri sänneri liili titiror: ‘Ida mori habwangi fitehiri mwangaüri sänne. Ida mori riini marahawe rai harabau nga marahawe rai happari harabau we la bwatai, nga uruteri faülümire nga eda mori bwengi, hau bwitoho ifiri sänne.’ 5Marahara hataingehiri na labwe raho ifiri sännera la tai hamaahowa na e dölü, lada faülüüni yael fitehi: demarü e bwitahe räni maatar nga demarü e raho räni yaar stowa, 6nga iyahara palüül lada dubuliil marahara lei yaar haküröü lada wautuul nga la riimadeil. 7E dong dewa mwana king eda hatalilawau marahara yaar saradau lada riil marahara la faiini yalemat nga la haimahawari yael wotawot; 8eda fadöngüül lei yaar haküröü eda haüül bwa, ‘Eda mori bwengi mwangaüri sänneri liili, nga marahawe hataingehiri na labwe bwitoho ifiri sänner ra e tai fiseri na labwe bwitoho. 9Hau bwitiwo niyaranap hauda fadöngüül urutael yalemat hara hau weliil bwa labwe bwitoho ifiri sänne.’ 10Marahara lei yaar haküröü lada bwitiwo niyar lada fadöngü fängäniil urutael marahara la weliil, lei maho ma lei tammaü, eda uulo rarosihira e wol sänne iran.
11“King eda bwirango habaühüül marahara la bwitoho ifiri sänne, nga eda käkäne demarü mwaare ra e tai üffoüf üfferi liili 12eda haüya bwa, ‘Bwidi, e feita hoda bwirango ihar nga ho tai üffoüf üfferi liili?’ Mwana e tai titiro. 13King eda haüül marahara lei yaar haküröü bwa, ‘Hau höhöya paür ma hubwar hauda peitawau fari losopödü, bwa ebwe tangi nga e hatata ngiir.’ ”
14Hesus eda habwangi na ramar eda dölü bwa, “E pipiya marahara la fadöngüül, nga hara fitemaru söhü ra la tiwereyahi.”
Haddiye Hataingehiri Parüyeni Tax
(Markus 12.13-17; Lukas 20.20-26)
15Marahara Farisi lada süya lada kupeti yarari na labwe hoho haddiye lada tafisiye Hesus. 16Lada hatalilaraho palüül marahara lei tabweiil ma palüül lei uweri Herodes iyolori Hesus lada haüye bwa, “Tanaho, hai hüra bwa ho haye tapa sahü titiro hatödü. Ho tapa hatödüri na Dios e masariye bwa yalemat labwe faülü, nga ho tai fangiyengi hale meta yael yalemat mangimengi, bwanasahü na ho tai hamaahow hale itöü yalemat hara ho titirongariil. 17Hauhamami-mo hale e maho sahü na dibwe parüyeri tax eda raho iyolori Emperor ari Roma?”
18Hesus e hüra na yael mangimengi ra e tammaü eda haüül bwa, “Hami lei tirobwat! Meta sapir hauda masari na haubwe tafisiyei? 19Hau hanangariyei mwannera hau haye hori parüyeni tax!”
Lada hariya mwannera 20eda hadiyael bwa, “Yaüngeri itöü ma iiteri itöü mere?”
21Lada haüye bwa, “Emperor ari Roma.”
Hesus eda haüül bwa, “Ira nga e haitina hauda hariye Emperor hapitehiri Emperor nga hau hariye Dios hapitehiri Dios.”
22La ppari lüdü dewa ifiri na e haüül lada süye lada rihiti.
Haddiye Hataingehiri Simwatahe ma Ifiri Made
(Markus 12.18-27; Lukas 20.27-40)
23Lanera sahü nga palüül Sadiusi lada para raho iyolori Hesus lada haüye bwa e tawau süya bwa yalemat labwe simwatahe ma ifiri made. 24La dölü bwa, “Tanaho, Moses e dölü bwa, ‘Nga sahü nga demarü mwaare e made nga e tawol raur, ira nga mwana bwidir ebwe liiri faifina bwa ebwe wol rauul, nga riweisihara ra labwe rauri mwana e made.’ 25E wol fidimoru mwaare ra la bwidibwidi we la mire ihar. Mwana e rap eda liili eda made nga e tawol raur eda miretiwo faifina bwa liiri ira haliyemaru. 26Ira sahü souri na e faaülü mwana haliyemaru ma mwana hadörümörü ma urutael ma la fidimoru. 27Haühühür dewa nga eda made faifina. 28Meihira, itöü ma iyoloil marahawe fidimoru bwidibwidi na ebwe liiri faifina ifiri na yalemat labwe simwatahe ma ifiri made? Urutael ma la fidimoru nga la hädi faifina bwa liil.”
29Hesus eda haüül bwa, “Haü taweli dewa, bwanasahü mena haü tahüra mena e mire räni Farüförü Liya, nga haü tahüra ppouri Dios. 30Ifiri mena lei made labwe simwatahe ma ifiri made, nga larau weya anghelari weirengi nga la tai liili. 31Nga ira titiini ra yalemat labwe fadatafaari, hau tei habaühü hale meta-mo Dios e hauhami? E dölü bwa, 32‘Ngaangu yaari Abraham Dios ma yaari Isak Dios ma yaari Yakob Dios.’ Iiye yael lei fada Dios, e tai yael lei made Dios.”
33La pari lüdü dewa marahara la towu ihira ra la longolongo ramara e hori kaü.
Farau Ra E Taitei
(Markus 12.28-34; Lukas 10.25-28)
34Ifiri na marahara Farisi lada longolongo bwa Hesus e faülüül marahara Sadiusi bwa labwe tahüra na labwe dölü, lada towu fängääni 35nga demarü tanahori Farau e türüngül eda pangi bwa ebwe hoho haddiye eda tafisiye Hesus. 36E haüye Hesus bwa, “Tanaho, farau meta na e taitei dewa ma uwoni farau?”
37Hesus eda haüye bwa, “‘Hobwe hamamaüye Tamoru yaamu Dios ifiri urute tipomu, ma fadamu ma urutar, ma uruteri yaamu mangimengi.’ 38Iyer na e taitei dewa nga e tarapar dewa nifaar ma uwoni farau. 39Haluwouweri faraura e tarapar dewa nifaar ra e weya sahü faülüri mena: ‘Hobwe hamamaüül palüül yalemat eda weya yaamu hamamaüya podumu.’ 40Uruteri Farau we yaari Moses ma yael marahawe profeta kaü ra e tabweya maraha luwouw farau.”
Haddiye Nihataingehiri Mesias
(Markus 12.35-37; Lukas 20.41-44)
41Ifiri na la towufängääni palüül Farisi, nga Hesus eda hadiyael bwa, 42“Meta yami mangimengi ifiri Mesias? Itöü na e sapitoho ma iyolor?”
Lada haüya bwa, “Mesias ra e sapitoho ma ifiri Dabid.”
43Hesus eda para haüül bwa, “Meta eda faülü na ifiri-mo Ngörü Liya e toho uwawori Dabid eda fadöngüngeri bwa ‘Tamoru’? Dabid e dölü bwa,
44‘Tamoru e haüya yai Tamoru bwa:
Hobwe maato ifiri hurumalai
eda tohongari mena ibwe hädiil lei ranaromu ida iteriletiwo fari hubwomu.’
45Nga sahü nga Dabid eda fadöngüngeri bwa ‘Tamoru’, ebwe feita Mesias eda sapitoho ma ifiri Dabid?”
46E tawol demarü ma uworuul re ebwe hüra na ebwe hori parüyeni na ramar; werimwiliri mena nga e tai wol demarü re ebwe ppou tipar bwa ebwe par hadiya dew titiro.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.