Mateus 19
19
Yaari Hesus Kaü Hataingehiri Bwaibweiri Liili
(Markus 10.1-12)
1Ifiri na eda bwängi yaari Hesus tapani titiro har eda süya ma Kalilea eda ra Yudea ra e mire layera delaye ma ifiri ngaseri sarü hilidira iitar Jordan. 2E pipiya yalemat na la tabweyaraho eda hasüyani hamatahiil ma burukara.
3Palüül Farisi lada raho iyolor bwa la laweri na labwe tafisiya lada hadiya bwa, “E maho sahü ifiri yas Farau na mwaare ebwe peitaraho liir ifiri na ebwe tawai weri söhü sapir eda peitaraho?”
4Hesus eda parüyeri na ramael eda dölü bwa, “Hau tösü habaühü-mo na e mire räni Farüförü Liya ra e dölü bwa ifiri-mo hapurotaher nga Dios e faülüül yalemat bwa ebwe wol mwaare ma faifire? 5Dios eda dölü bwa, ‘Iyer na sapir nga mwaare ebwe rihiti tamar ma diin eda raho eda pülüya liir eda iil hara demarü yalemat.’ 6Ira sapir lada tai liyemaru bwa lada hara demarü. E tawol yalemat ebwe hasüya fatangiye mena Dios eda mori hasufängäniye.”
7Marahara Farisi lada para hadiya bwa, “Nga meta e faülü Moses eda faülü farau bwa e süya bwa mwaare ebwe haneya liir pepa bwa larau süya fataangi eda hasüya faifina liir?”
8Hesus eda parüyeri na ramael eda dölü bwa, “Moses e ngütaheya bwa haubwe peitaraho liimi bwanasahü na hau happouweri eda tasüye na labwe kaühemi. Nga dari na e tai ira na e faülü ifiri-mo hapurotaheri farüyeri yalemat. 9Meihira nga ibwe hauhami bwa mwana ebwe peitaraho liir, ifiri na faifina liir ebwe tai pülüye demarü mwaare, nga mwana liir eda ra liiri demarü faifire, ira nga mwana ra e mire ifiri ssawu tammaü.”
10Marahara lei tabwer lada haüya bwa, “Nga sahü nga eda haitina na faülüri nipatael lei liili, ira nga e maho ra di tawai liili.”
11Hesus eda parüyeri na ramael eda dölü bwa, “Kaüür ra e tai raho iyoloil urutael yalemat bwa e raho sahü iyoloil marahara Dios e hariil. 12E pipiya sapir na mwaare lada tai liili; palüül ra la fad nga podüül e faülüül bwa ebwe tasüye bwa labwe liili, nga palüül ra yalemat re e faülüül bwa la tawai liili, nga palüül ra la tai liili bwanasahü na la fangaraho fadar bwa nihataingehiri Farüyeri weirengi. Yalematara e süya ngari bwa ebwe tabweya kaüür eda faülü.”
Hesus e Haliyaril Riweisi
(Markus 10.13-16; Lukas 18.15-17)
13Palüül yalemat lada hädilaraho palüül hapaniweisi iyolori Hesus bwa ebwe itetahe paür uwawoil nga e sipesipe nihataingehil. Marahara lei tabwer lada yasingeriil. 14Hesus eda dölü bwa, “Hau tawai pahüül. Hau rihitil riweisi hara bwa labwe bwitoho iyoloi, bwanasahü na Farüyeri weirengi ra hataingehiil marahara la weil riweisi har.”
15Hesus eda itetahe paür uwawoil eda süya ma burukara.
Riweisi Mwana e Taitei
(Markus 10.17-31; Lukas 18.18-30)
16Fadew ra demarü mwaare e raho iyolori Hesus eda hadiya bwa, “Tanaho, meta na ibwe faülü ida hädi tawol hauhuri fad?”
17Hesus eda parüyeri na ramar eda dölü bwa, “E feita hoda hadiyayai hale meta na e maho? Har Demarü söhü na e maho. Hobwe tabweya na e dölü farau bwa ebwe süya na hobwe raho ifiri tawol haühühüri fad.”
18Mwana eda hadiya bwa, “Farau meta marahara?”
Hesus eda haüya bwa, “Ho tawai faiini, ho tawai pila liiri yalemat, ho tawai pilaf, ho tawai kosowa titiini yalemat, 19haparüya tamamu ma diromu, hamamaüye palüül yalemat eda weya yaamu hamamaüya podumu.”
20Riweisi mwana eda dölü bwa, “Ida mori faülüüni uruteri farau hara. Par meta dew ra hataingehiri na ibwe par faaülü?”
21Hesus eda haüya bwa, “Nga sahü nga ho masari dewa bwa hobwe faülü na e hatödüri maho, ira hobwe raho hoda hori parüyeri uruteri hapitehimu hoda hariil lei halofalof ra parüyen bwa ebwe mire taiteimu weirengi, hoda bwitoho tabweyai.”
22Ifiri na riweisi mwana e longolong na e haüye, eda süya nga e tammaü faringörüngön, bwanasahü na iiye lei taitei.
23Hesus eda haüül marahara lei tabwer bwa, “Ibwe hau dewahami bwa e hamatahi dewa na lei taitei labwe bwirango uwawori Farüyeri weirengi. 24Ibwe para tapa tafariya: e hamatahi dewa na demarü lei taitei ebwe bwirango uwawori Farüyeri Dios ma ifiri ra camel ebwe itirango räni matari ramaramari nilo.”
25La ppari lüdü dewa marahara lei tabwer ifiri ramara e tapa lada ppari hadiya bwa, “Nga itöü me erau süya bwa ebwe rru?”
26Hesus eda habaühüül eda dölü bwa, “Mere e tawau süya ngariil yalemat bwa labwe faaülü, nga dari na Dios ra e süya ngari uruteri faülümire.”
27Petrus na eda dolü bwa, “Habaühü bwa hamami ra hai rihiti uruteri faülümire haida tabweho. Meta ra hamami haibwe hädi?”
28Hesus eda haüül bwa, “Ibwe hau dewahami bwa lanera Rauri Yalemat ebwe maato uwawori räniyeri yaar tamoru ra e fisiraho ma uwawor farüyara e taifou, nga maraha hami ra hau deih ma liyemaru lei tabwei nga haubwe maato uwawori räniyemi bwa haubwe tamoruya na deih ma luwouwa hairangari Israel. 29Yalematahara labwe rihiti iimwael hale marahara bwidiil hale marahara mweyangael hale tamael hale dirael hale marahara rauul hale marahara maatael bwanasahü na la tabweyai, ra labwe dobuhuya ma imowari mena la rihiti na labwe häditafariya nga la hädi tawol haühühüri fad. 30Nga dari na la pipiya marahara la matamowa meihira ra labwe haühüh, nga iyahara la haühüh meihira ra labwe matamowa.
Iliyochaguliwa sasa
Mateus 19: SOV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.
Mateus 19
19
Yaari Hesus Kaü Hataingehiri Bwaibweiri Liili
(Markus 10.1-12)
1Ifiri na eda bwängi yaari Hesus tapani titiro har eda süya ma Kalilea eda ra Yudea ra e mire layera delaye ma ifiri ngaseri sarü hilidira iitar Jordan. 2E pipiya yalemat na la tabweyaraho eda hasüyani hamatahiil ma burukara.
3Palüül Farisi lada raho iyolor bwa la laweri na labwe tafisiya lada hadiya bwa, “E maho sahü ifiri yas Farau na mwaare ebwe peitaraho liir ifiri na ebwe tawai weri söhü sapir eda peitaraho?”
4Hesus eda parüyeri na ramael eda dölü bwa, “Hau tösü habaühü-mo na e mire räni Farüförü Liya ra e dölü bwa ifiri-mo hapurotaher nga Dios e faülüül yalemat bwa ebwe wol mwaare ma faifire? 5Dios eda dölü bwa, ‘Iyer na sapir nga mwaare ebwe rihiti tamar ma diin eda raho eda pülüya liir eda iil hara demarü yalemat.’ 6Ira sapir lada tai liyemaru bwa lada hara demarü. E tawol yalemat ebwe hasüya fatangiye mena Dios eda mori hasufängäniye.”
7Marahara Farisi lada para hadiya bwa, “Nga meta e faülü Moses eda faülü farau bwa e süya bwa mwaare ebwe haneya liir pepa bwa larau süya fataangi eda hasüya faifina liir?”
8Hesus eda parüyeri na ramael eda dölü bwa, “Moses e ngütaheya bwa haubwe peitaraho liimi bwanasahü na hau happouweri eda tasüye na labwe kaühemi. Nga dari na e tai ira na e faülü ifiri-mo hapurotaheri farüyeri yalemat. 9Meihira nga ibwe hauhami bwa mwana ebwe peitaraho liir, ifiri na faifina liir ebwe tai pülüye demarü mwaare, nga mwana liir eda ra liiri demarü faifire, ira nga mwana ra e mire ifiri ssawu tammaü.”
10Marahara lei tabwer lada haüya bwa, “Nga sahü nga eda haitina na faülüri nipatael lei liili, ira nga e maho ra di tawai liili.”
11Hesus eda parüyeri na ramael eda dölü bwa, “Kaüür ra e tai raho iyoloil urutael yalemat bwa e raho sahü iyoloil marahara Dios e hariil. 12E pipiya sapir na mwaare lada tai liili; palüül ra la fad nga podüül e faülüül bwa ebwe tasüye bwa labwe liili, nga palüül ra yalemat re e faülüül bwa la tawai liili, nga palüül ra la tai liili bwanasahü na la fangaraho fadar bwa nihataingehiri Farüyeri weirengi. Yalematara e süya ngari bwa ebwe tabweya kaüür eda faülü.”
Hesus e Haliyaril Riweisi
(Markus 10.13-16; Lukas 18.15-17)
13Palüül yalemat lada hädilaraho palüül hapaniweisi iyolori Hesus bwa ebwe itetahe paür uwawoil nga e sipesipe nihataingehil. Marahara lei tabwer lada yasingeriil. 14Hesus eda dölü bwa, “Hau tawai pahüül. Hau rihitil riweisi hara bwa labwe bwitoho iyoloi, bwanasahü na Farüyeri weirengi ra hataingehiil marahara la weil riweisi har.”
15Hesus eda itetahe paür uwawoil eda süya ma burukara.
Riweisi Mwana e Taitei
(Markus 10.17-31; Lukas 18.18-30)
16Fadew ra demarü mwaare e raho iyolori Hesus eda hadiya bwa, “Tanaho, meta na ibwe faülü ida hädi tawol hauhuri fad?”
17Hesus eda parüyeri na ramar eda dölü bwa, “E feita hoda hadiyayai hale meta na e maho? Har Demarü söhü na e maho. Hobwe tabweya na e dölü farau bwa ebwe süya na hobwe raho ifiri tawol haühühüri fad.”
18Mwana eda hadiya bwa, “Farau meta marahara?”
Hesus eda haüya bwa, “Ho tawai faiini, ho tawai pila liiri yalemat, ho tawai pilaf, ho tawai kosowa titiini yalemat, 19haparüya tamamu ma diromu, hamamaüye palüül yalemat eda weya yaamu hamamaüya podumu.”
20Riweisi mwana eda dölü bwa, “Ida mori faülüüni uruteri farau hara. Par meta dew ra hataingehiri na ibwe par faaülü?”
21Hesus eda haüya bwa, “Nga sahü nga ho masari dewa bwa hobwe faülü na e hatödüri maho, ira hobwe raho hoda hori parüyeri uruteri hapitehimu hoda hariil lei halofalof ra parüyen bwa ebwe mire taiteimu weirengi, hoda bwitoho tabweyai.”
22Ifiri na riweisi mwana e longolong na e haüye, eda süya nga e tammaü faringörüngön, bwanasahü na iiye lei taitei.
23Hesus eda haüül marahara lei tabwer bwa, “Ibwe hau dewahami bwa e hamatahi dewa na lei taitei labwe bwirango uwawori Farüyeri weirengi. 24Ibwe para tapa tafariya: e hamatahi dewa na demarü lei taitei ebwe bwirango uwawori Farüyeri Dios ma ifiri ra camel ebwe itirango räni matari ramaramari nilo.”
25La ppari lüdü dewa marahara lei tabwer ifiri ramara e tapa lada ppari hadiya bwa, “Nga itöü me erau süya bwa ebwe rru?”
26Hesus eda habaühüül eda dölü bwa, “Mere e tawau süya ngariil yalemat bwa labwe faaülü, nga dari na Dios ra e süya ngari uruteri faülümire.”
27Petrus na eda dolü bwa, “Habaühü bwa hamami ra hai rihiti uruteri faülümire haida tabweho. Meta ra hamami haibwe hädi?”
28Hesus eda haüül bwa, “Ibwe hau dewahami bwa lanera Rauri Yalemat ebwe maato uwawori räniyeri yaar tamoru ra e fisiraho ma uwawor farüyara e taifou, nga maraha hami ra hau deih ma liyemaru lei tabwei nga haubwe maato uwawori räniyemi bwa haubwe tamoruya na deih ma luwouwa hairangari Israel. 29Yalematahara labwe rihiti iimwael hale marahara bwidiil hale marahara mweyangael hale tamael hale dirael hale marahara rauul hale marahara maatael bwanasahü na la tabweyai, ra labwe dobuhuya ma imowari mena la rihiti na labwe häditafariya nga la hädi tawol haühühüri fad. 30Nga dari na la pipiya marahara la matamowa meihira ra labwe haühüh, nga iyahara la haühüh meihira ra labwe matamowa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.