Matayo 26
26
Bhayu̱daya nibhakitegeka ola Yesu
(Maliko 14:1, 2; Luka 22:1, 2; Yohana 11:45-53)
1Yesu ndia adhakia onga kima yoho poni, nakibhugia bhaegi̱ ndibhaki bhiyo; 2“Ka tolo bhali namusa nesi̱ bhu̱i̱bi̱o, akibhabe Bhu̱geni̱ sa Kanilia Koliakobe, toli̱ Mi̱ki̱ mindia Nkpa bhakimpesi̱aku̱ bambaki.”
3Du̱mbi̱ bhabhembi̱ bhangbeku ndibha Mambombi̱ na bhangbeku ndibha Bhayu̱daya nibhakisi̱dha-si̱dhana ka kikali ndia ngbekua bhabhembi̱ mindia yabhangiagaku̱ Kayafa, 4nibhakitegeka gba Yesu ka nsobho toli̱ bhamuole. 5Nibhakigia bhiyo; “Bhikilikingba bhu̱geni̱ naliaku̱, nanga bhakpa bhatina nsi̱si̱.”
Nkali̱ naki̱ndu̱ki̱abe Yesu mou̱la ka Bbetani̱ya
(Maliko 14:3-9; Yohana 12:1-8)
6Ka bwile injo, Yesu abha nali ka ngongwa-mbi̱li̱ ndia ka Bbetani̱ya ka i̱nji̱ ndia Si̱moni̱, mindia yabhangiagaku̱ ntua tumbi. 7Yesu nalia kiliaga, nkali̱ nakimuyabe nali na gidho sa mou̱la ndia atembi̱ si̱ni̱ toli̱ nasasi̱ kulungi, naki̱ndu̱ki̱a gua muhu.
8Bhaegi̱ ndibha Yesu ndia bhatangia yoho, nibhakizigidhilua. Nibhakyeolu̱li̱a bhiyo; “Mou̱la injo agu̱ eki?” 9“Mou̱la injo abhi̱ kisumbesa abhuaku̱ bi̱ya mbangana, toli̱ mbangana injo abhu̱pesi̱a bhanako.”
10Yesu ndia ai̱ba nesi̱ bhazi̱gi̱dhi̱lu̱o, nakibhugia bhiyo; “Bhuli kasogosa nkali̱ miyo nangeki? Anikoli̱li̱ kima mabhonga si̱ni̱. 11Bhu̱ku̱li̱ka na bhanako tolo poni, no bhu̱ku̱ku̱li̱ka nemi tolo poni. 12Ndia ani̱dhu̱ki̱a mou̱la gua muhu, abhi̱ kabhongosi̱a ki̱nda ndiamo nesi̱ bhada ki̱sebhi̱a mou̱la kaya lu̱mbai̱. 13Ka mazima nikibhutolia eti, kindia bhaki̱li̱ka tebeza Makulu Mabhonga yoho ka nsi poni, bhakpa bhaki̱li̱ka kanilia ndia nkali̱ miyo akoli̱o.”
Yu̱da nakibhala leliana Yesu
(Maliko 14:10-11; Luka 22:3-6)
14Du̱mbi̱, moti̱ ka bhaegi̱ ndibhaki komi̱ na bhebhali i̱naki nandiye Yu̱da Esi̱kali̱oti̱ ai̱ya kindia bhabhembi̱ bhangbeku ndibha Mambombi̱, 15nakibhugia bhiyo; “Bhu̱ku̱ni̱pesi̱e eki kibhukonia gba Yesu?” Nibhakibhala pesi̱aki mukwenge maku̱mi̱ asatu sa zabbu. 16Tukilia ka bwile injo, Yu̱da nakitandikiliabe kabha nesi̱yo mabhonga sa pesi̱aki̱ku̱.
Bhu̱geni̱ sa Kanilia Koliakobe
(Maliko 14:12-21; Luka 22:7-13, 21-23; Yohana 13:21-30)
17Ka tolo ndia kateketa bhu̱geni̱ sa mugati̱ ndia kali̱ku̱ ki̱tu̱mbi̱so naladoi̱, bhaegi̱ ndibha Yesu bhambi̱kabe nibhakimuolu̱li̱a bhiyo; “Okukabha Bhu̱geni̱ sa Kanilia Koliakobe, kikolilie kako mani?”
18Naki̱bhu̱si̱ki̱aku̱ bhiyo; “Bhu̱ye kindia muluku moti̱ ka tau̱ni̱ bhuntolie bhiyo; ‘Mwegesi̱ agi̱ eti, bwile ndiamo adoi̱ya, emi na bhaegi̱ ndibhamo lelia Bhu̱geni̱ sa Kanilia Koliakobe kindiako.’ ” 19Bhaegi̱ nibhakikola nesi̱ Yesu abhutoli̱o, nibhakikola Bhu̱geni̱ sa Kanilia Koliakobe.
20Ndia aduwa tamabhugo-bhugo, Yesu naki̱li̱kaga na bhaegi̱ ndibhaki komi̱ na bhebhali ka meza tandika liaga. 21Nibhalia kiliaga, Yesu nakigia bhiyo; “Ka mazima nikibhutolia eti, moti̱ kowanu̱ akinileliana.”
22Bhaegi̱ ndibhaki nibhakieyunga nibhakitandika olu̱li̱aki moti̱ ke moti̱ bhiyo; “Ka mazima, Sali̱a andimi?”
23Yesu naki̱bhu̱si̱ki̱aku̱ bhiyo; “Mindia ali katalu̱sa mugati̱ ndiaki ka kibhindi moti̱ nemi, akinileliana ndiye. 24Mi̱ki̱ mindia Nkpa aki̱ku̱wa nesi̱ Ndia Bhahandika akiongaga eti aki̱ku̱wa, no ada kitangia minjo mindia akimuleliana Mi̱ki̱ mindia Nkpa. Abhi̱ kibha nabhongi̱ ambe naye ndia bhakambokota.”
25Yu̱da mindia amuleliana nakimuolu̱li̱a bhiyo; “Ka mazima, Mwegesi̱ andimi?”
Yesu naki̱nsi̱ki̱aku̱ bhiyo; “Ndio ongi̱o ali mazima.”
Li̱eli̱ ndia Sali̱a ndia ka dhakilia
(Maliko 14:22-26; Luka 22:14-20; 1 Bhakolinto 11:23-25)
26Nibhalia kiliaga, Yesu agba mugati̱, nakisaba ka si̱ma Mambombi̱ du̱mbi̱ naki̱u̱dha mugati̱ naki̱bhu̱pesi̱a bhaegi̱ ndibhaki, nakigia bhiyo; “Bhugbe toli̱ bhulie, yoho andu̱lu̱ kozo ndiamo.”
27Du̱mbi̱ nakigba kibhali̱ nakisaba ka si̱ma Mambombi̱ naki̱bhu̱pesi̱a bhaegi̱ ndibhaki, nakigia bhiyo; “Bhu̱nu̱ebe bhenu̱ poni, 28yoho andu̱lu̱ magi̱la ndiamo sa lakana#26:28 Bbai̱bbu̱li̱ ndietolo bhagi̱ku̱ eti Lakana mpiaka. ndia aki̱dhu̱kana andu̱lu̱ bhabhugani̱li̱e kibi ndianu̱. 29Nikibhutolia eti, kikitodha nu̱wa vi̱ni̱ sa muzabbi̱bbu̱ yoho doi̱sa tolo ndie ni̱ki̱nu̱wa na bhenu̱ vi̱ni̱ mpiaka ka kusali̱a ndia Aba.”
30Ndia bhadhakia limba limbo sa sinda Mambombi̱, bhai̱ya ka gu̱si̱a ndia ali na mili ndia bhakigiagaku̱ Oli̱va.
Yesu naki̱ba nesi̱ Petelo akingana
(Maliko 14:27-31; Luka 22:31-34; Yohana 13:36-38)
31Du̱mbi̱ Yesu nakibhugia bhaegi̱ ndibhaki bhiyo; “Ki̱li̱ya sa tolo ndia lelu, bhenu̱ poni bhukunidhuwa ni̱ti̱ge nekaka, nanga Ndia Bhahandika akigiaga bhiyo;
‘Nikimuola mu̱li̱si̱a sa bhantama,
toli̱ bhi̱hi̱yo sa bhantama akihanjikana#Zakaliya 13:7.’
32“No kidhakia hu̱mbu̱ka, nikibhuteketilia ndimi ka Galilaya.”
33Petelo nakingia bhiyo; “Emi kida kukutukabe, ndibhetolo nabhakakutukabe.”
34Yesu nakingia bhiyo; “Ka mazima nikukutolia eti, ntu̱li̱a koko ndia ka asi̱mbe ki̱li̱ya lelu, okubha noloningani̱ dou̱ salo eti koni̱bi̱.”
35Petelo naki̱nsi̱ki̱aku̱ bhiyo; “Nakabha ninigbokiliani̱ ku̱wa newe, kida kikungana.”
Na bhaegi̱ ndibhetelo nibhakionga bhinjo.
Yesu nakisaba ka Getesemani
(Maliko 14:32-42; Luka 22:39-46)
36Du̱mbi̱ Yesu naki̱ya na bhaegi̱ ndibhaki ka kikalo ndia ka Getesemani, nakibhugia bhiyo; “Bhu̱li̱kage mehe nitekete ni̱ye moi̱ nisabe.” 37Naki̱ya na Petelo na bhani̱ki̱ bhebhali ndibha Zebedayo. Nakituntula si̱ni̱, 38nakibhugia bhiyo; “Tuntula ndie nili nai̱ ka mulima ali bi̱ya olami. Bhu̱li̱ke mehe ni̱bhu̱zi̱bi̱ kyalo nemi.”
39Nakisekedhanabe, naki̱su̱ku̱mana nakisaba bhiyo; “Aba kabha nakitokikana, ena bhu̱su̱ yoho anitukebe, kala kibha nesi̱ nikikabha, no abhe nesi̱ okabhi̱o.”
40Du̱mbi̱ naki̱si̱ki̱a ka bhaegi̱ ndibhaki bhesalo nakitakana nibhalali̱, nakingia Petelo bhiyo; “Bhukutoki̱ li̱ka ni̱bhu̱bhali̱mi̱ nemi dhakia saha moti̱ nangeki? 41Bhu̱li̱ke ni̱bhu̱zi̱bi̱ kyalo, toli̱ bhusabe nanga bhu̱gu̱wa ka leka. Mulima akabhi̱a no kozo kali na mani̱.”
42Yesu nakitodha nakibhutukabe ndia ke dou̱ bhali i̱ya saba bhiyo; “Aba ena bhu̱su̱ yoho kabha ndia kakitokikana tukamibe, odhuwe abhe nesi̱ okabhi̱o.”
43Yesu ndia asi̱ki̱a, atodha nakitakana bhaegi̱ ndibhaki nibhatodhi̱ lala nanga bhabhi̱ na tolo bi̱yai̱. 44Nakitodha nakibhutukabe ndia ke dou̱ salo naki̱ya saba kima andiahau̱ moti̱.
45Du̱mbi̱ naki̱si̱ki̱a ka bhaegi̱ ndibhaki nakibhugia bhiyo; “Bhulia nibhulali̱ na humula? Bwile adoi̱ya sa Mi̱ki̱ mindia Nkpa lelianaki kowa bhakoli̱ kibi. 46Bhume, bhudhuwe ki̱ye, muluku mindia anileliani̱o mendi̱ye abi̱ki̱ya.”
Bhalemi̱ sa di̱ni̱ nibhakingba Yesu
(Maliko 14:43-50; Luka 22:47-53; Yohana 18:3-12)
47Yesu nalia kionga, Yu̱da moti̱ kowa bhaegi̱ ndibhaki komi̱ na bhebhali naki̱ki̱dha. Abhu̱bhi̱ na bi̱ya bhakpa nibhagbelianagi̱ tampi̱ na mwi̱go, nibhatu̱ki̱li̱ ka bhabhembi̱ bhangbeku ndibha Mambombi̱ na bhangbeku ndibha Bhayu̱daya. 48Yu̱da mindia amuleliana ali̱ka nabhu̱toli̱ bhiyo, “Mindie ni̱ki̱ngu̱wa ka ki̱ku̱ba, andiye minjo bhungbe.” 49Ndia bhaki̱dha kindia Yesu abhi̱o, Yu̱da naki̱ngu̱wa ka ki̱ku̱ba nakingia bhiyo; “Mwegesi̱ nikumati̱si̱a.”
50Yesu naki̱nsi̱ki̱aku̱ bhiyo; “Bhotuami okole ndio obi̱ki̱ kolai̱.”
Du̱mbi̱ bhasilikale nibhaki̱bi̱ka gweli̱a Yesu nibhakingba. 51Du̱mbi̱ mwegi̱ moti̱ kowa bhaegi̱ ndibha Yesu abhuaku̱ tampi̱ ndiaki nakinzombabe nkoli̱ moti̱ mindia ngbekua bhabhembi̱ ki̱toi̱.
52Yesu nakingia bhiyo; “Osi̱ki̱si̱e tampi̱ ndiako kindia agbokiliani̱ bhai̱, nanga bhoponi ndibha bhakioli̱saga tampi̱ nabho bhada kibhuoli̱sa tampi̱. 53Bhukweli̱li̱kana eti kikitoka kunga Aba siebhami lejoni#26:53 Lejoni Abhi̱ kpata ndia bhasilikale ndibha ka Loma ndia yabhagiagaku̱ bhasilikale bhia kakagha. ndia bhamalai̱ka ndia akoli̱ ke komi̱ na bhali lwaniliami? 54No yoho poni akileukana bhoni̱ tu̱mi̱sa Ndia Bhahandika?”
55Du̱mbi̱ Yesu nakibhugia bi̱ya bhakpa bhenjo bhiyo; “Bhu̱bi̱ki̱ na tampi̱ na mwi̱go gbami bhie eti ni̱hi̱ki̱li̱li̱ bhulemo? Tolo poni yeniegesaga ka mulima-bala sa Hekalo, no bhukunigba. 56No yoho poni aenikani̱, tu̱mi̱sa Ndia bhanabbi̱ Bhahandika.” Du̱mbi̱ bhaegi̱ ndibha Yesu bhoponi nibhakitetia naki̱ti̱ga yekaka.
Yesu nali kei̱soa Ku̱sei̱ ndia Bhayu̱daya
(Maliko 14:53-65; Luka 22:54-55, 63-71; Yohana 18:13-14, 19-24)
57Bhenjo ndibha bhangba Yesu bhamu̱i̱sa kindia Kayafa ngbekua bhabhembi̱ ndibha Mambombi̱ kindia bhaegesi̱ sa kilagilo na bhangbeku yabheku̱mesi̱o. 58Toli̱ Petelo nakimuyelia mbu̱sa nali dhangabe duwa ka mulima-bala ndia ngbekua bhabhembi̱. Naki̱ya ka mulima-bala naki̱li̱kaga na bhabhu̱ndi̱li̱ zi̱ba kindia aki̱su̱ngeli̱a.
59Bhabhembi̱ bhangbeku na ku̱sei̱ poni ndia Bhayu̱daya bhabha kakabha bhapesi̱e bwakai̱so sa mbela andu̱lu̱ bhamuole Yesu. 60Bhakai̱so sa mbela bi̱yabho bhabhi̱be, no bhakabha na kima poni ndia bhakionga. Ka dhakililia, bhakai̱so bhebhali nibhaki̱bi̱ka, 61nibhakigia bhiyo; “Muluku miyo agia bhiyo; ‘Nikitoka gengia Hekalo ndia Mambombi̱, nitodhe nialike ka tolo salo.’ ”
62Du̱mbi̱ ngbekua bhabhembi̱ nakitelema nakingia Yesu bhiyo; “Koku̱si̱ki̱aku̱ ka ndia bhakuongi̱be? Andiki ndio okuongabe ka bwakai̱so yoho?” 63No Yesu naki̱li̱ka nadaki̱.
Ngbekua bhabhembi̱ nakingia bhiyo; “Ke i̱na Mambombi̱ mwomezi̱, okitolie kabha nanduwe Masiya, Mi̱ki̱ mindia Mambombi̱.”
64Yesu naki̱nsi̱ki̱aku̱ bhiyo; “Oʼngi̱ bhu, tukilia endindi, bhuda kuntangia Mi̱ki̱ mindia Nkpa nali̱ki̱ ka kibhoko sa kuluku ndia Ntua mani̱ poni, toli̱ kabi̱ki̱li̱aki ka kuba ndia gulu.”
65Du̱mbi̱ na ki̱ni̱ga poni ngbekua bhabhembi̱ nakinuwa gandula ndiaki ndia yaloli̱o nakigia bhiyo; “Amuongi̱be zidhi Mambombi̱. Kikitodha kabha bhakai̱so ndibhetolo nangeki? Bhenu̱ bhaku̱mi̱ bhu̱oki̱ nesi̱ amuongabe zidhi Mambombi̱. 66Bhukweli̱li̱kana eki?”
Nibhaki̱nsi̱ki̱aku̱ bhiyo; “Agbokiliani̱ aku̱we.”
67Du̱mbi̱ nibhakitandika sweli̱agaki soki̱ ke i̱so, na bhi̱ndagaki, ndibhetolo nibhakintali̱a 68nibhakingia bhiyo; “Masiya, oki̱pesi̱e bhunabbi̱, andi ani̱ mindia aku̱bhi̱ndi̱o?”
Petelo nakingana Yesu
(Maliko 14:66-72; Luka 22:56-62; Yohana 18:15-18, 25-27)
69Ka bwile injo, Petelo yali̱kagi̱ ka mulima-bala, nkoli̱ nkali̱aki mindia ngbekua bhabhembi̱ naki̱mbi̱kabe nakingia bhiyo; “Newe obhi̱ na Yesu mindia ka Galilaya.”
70No Petelo nakingana kei̱soabho bhoponi, nakigia bhiyo; “Ki̱bi̱ ndio oli kaongai̱be.”
71Du̱mbi̱ Petelo naki̱ya kangba, kindia nkoli̱ mindietolo nkali̱aki antangia, nakibhugia bhakpa ndibha bhabhi̱be bhiyo; “Muluku miyo abhi̱ na Yesu mindia ka tau̱ni̱ ndia ka Nazaleti̱.”
72Petelo nakitodha nakingana toli̱ nakilahilia bhiyo; “Ki̱mu̱i̱bi̱ muluku minjo.”
73Nalakoli̱be bwile nke, bhakpa ndibha bhabha nibhatelemi̱ menjo nibhaki̱ya kindia Petelo nibhakingia bhiyo; “Ka mazima oli moti̱ kowa bhaluku ndibha bhabhi̱ na Yesu, onga ndiako akiani̱si̱a.”
74Petelo nakitodha nakingana, nakilahilia bhiyo; “Kabha ninikionga mbela, Mambombi̱ anifubilie, muluku mindio bhuli kagiaki minjo ki̱mu̱i̱bi̱.”
Du̱mbi̱ ntu̱li̱a koko nakiasa. 75Petelo nakikanilia kigambo ndia Yesu aonga bhiyo; “Ntu̱li̱a koko ndia ka asi̱mbe, okubha noloningani̱ dou̱ salo.” Du̱mbi̱ Petelo naki̱hu̱wa kansenge nakitandika ngamu si̱ni̱.
Iliyochaguliwa sasa
Matayo 26: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Matayo 26
26
Bhayu̱daya nibhakitegeka ola Yesu
(Maliko 14:1, 2; Luka 22:1, 2; Yohana 11:45-53)
1Yesu ndia adhakia onga kima yoho poni, nakibhugia bhaegi̱ ndibhaki bhiyo; 2“Ka tolo bhali namusa nesi̱ bhu̱i̱bi̱o, akibhabe Bhu̱geni̱ sa Kanilia Koliakobe, toli̱ Mi̱ki̱ mindia Nkpa bhakimpesi̱aku̱ bambaki.”
3Du̱mbi̱ bhabhembi̱ bhangbeku ndibha Mambombi̱ na bhangbeku ndibha Bhayu̱daya nibhakisi̱dha-si̱dhana ka kikali ndia ngbekua bhabhembi̱ mindia yabhangiagaku̱ Kayafa, 4nibhakitegeka gba Yesu ka nsobho toli̱ bhamuole. 5Nibhakigia bhiyo; “Bhikilikingba bhu̱geni̱ naliaku̱, nanga bhakpa bhatina nsi̱si̱.”
Nkali̱ naki̱ndu̱ki̱abe Yesu mou̱la ka Bbetani̱ya
(Maliko 14:3-9; Yohana 12:1-8)
6Ka bwile injo, Yesu abha nali ka ngongwa-mbi̱li̱ ndia ka Bbetani̱ya ka i̱nji̱ ndia Si̱moni̱, mindia yabhangiagaku̱ ntua tumbi. 7Yesu nalia kiliaga, nkali̱ nakimuyabe nali na gidho sa mou̱la ndia atembi̱ si̱ni̱ toli̱ nasasi̱ kulungi, naki̱ndu̱ki̱a gua muhu.
8Bhaegi̱ ndibha Yesu ndia bhatangia yoho, nibhakizigidhilua. Nibhakyeolu̱li̱a bhiyo; “Mou̱la injo agu̱ eki?” 9“Mou̱la injo abhi̱ kisumbesa abhuaku̱ bi̱ya mbangana, toli̱ mbangana injo abhu̱pesi̱a bhanako.”
10Yesu ndia ai̱ba nesi̱ bhazi̱gi̱dhi̱lu̱o, nakibhugia bhiyo; “Bhuli kasogosa nkali̱ miyo nangeki? Anikoli̱li̱ kima mabhonga si̱ni̱. 11Bhu̱ku̱li̱ka na bhanako tolo poni, no bhu̱ku̱ku̱li̱ka nemi tolo poni. 12Ndia ani̱dhu̱ki̱a mou̱la gua muhu, abhi̱ kabhongosi̱a ki̱nda ndiamo nesi̱ bhada ki̱sebhi̱a mou̱la kaya lu̱mbai̱. 13Ka mazima nikibhutolia eti, kindia bhaki̱li̱ka tebeza Makulu Mabhonga yoho ka nsi poni, bhakpa bhaki̱li̱ka kanilia ndia nkali̱ miyo akoli̱o.”
Yu̱da nakibhala leliana Yesu
(Maliko 14:10-11; Luka 22:3-6)
14Du̱mbi̱, moti̱ ka bhaegi̱ ndibhaki komi̱ na bhebhali i̱naki nandiye Yu̱da Esi̱kali̱oti̱ ai̱ya kindia bhabhembi̱ bhangbeku ndibha Mambombi̱, 15nakibhugia bhiyo; “Bhu̱ku̱ni̱pesi̱e eki kibhukonia gba Yesu?” Nibhakibhala pesi̱aki mukwenge maku̱mi̱ asatu sa zabbu. 16Tukilia ka bwile injo, Yu̱da nakitandikiliabe kabha nesi̱yo mabhonga sa pesi̱aki̱ku̱.
Bhu̱geni̱ sa Kanilia Koliakobe
(Maliko 14:12-21; Luka 22:7-13, 21-23; Yohana 13:21-30)
17Ka tolo ndia kateketa bhu̱geni̱ sa mugati̱ ndia kali̱ku̱ ki̱tu̱mbi̱so naladoi̱, bhaegi̱ ndibha Yesu bhambi̱kabe nibhakimuolu̱li̱a bhiyo; “Okukabha Bhu̱geni̱ sa Kanilia Koliakobe, kikolilie kako mani?”
18Naki̱bhu̱si̱ki̱aku̱ bhiyo; “Bhu̱ye kindia muluku moti̱ ka tau̱ni̱ bhuntolie bhiyo; ‘Mwegesi̱ agi̱ eti, bwile ndiamo adoi̱ya, emi na bhaegi̱ ndibhamo lelia Bhu̱geni̱ sa Kanilia Koliakobe kindiako.’ ” 19Bhaegi̱ nibhakikola nesi̱ Yesu abhutoli̱o, nibhakikola Bhu̱geni̱ sa Kanilia Koliakobe.
20Ndia aduwa tamabhugo-bhugo, Yesu naki̱li̱kaga na bhaegi̱ ndibhaki komi̱ na bhebhali ka meza tandika liaga. 21Nibhalia kiliaga, Yesu nakigia bhiyo; “Ka mazima nikibhutolia eti, moti̱ kowanu̱ akinileliana.”
22Bhaegi̱ ndibhaki nibhakieyunga nibhakitandika olu̱li̱aki moti̱ ke moti̱ bhiyo; “Ka mazima, Sali̱a andimi?”
23Yesu naki̱bhu̱si̱ki̱aku̱ bhiyo; “Mindia ali katalu̱sa mugati̱ ndiaki ka kibhindi moti̱ nemi, akinileliana ndiye. 24Mi̱ki̱ mindia Nkpa aki̱ku̱wa nesi̱ Ndia Bhahandika akiongaga eti aki̱ku̱wa, no ada kitangia minjo mindia akimuleliana Mi̱ki̱ mindia Nkpa. Abhi̱ kibha nabhongi̱ ambe naye ndia bhakambokota.”
25Yu̱da mindia amuleliana nakimuolu̱li̱a bhiyo; “Ka mazima, Mwegesi̱ andimi?”
Yesu naki̱nsi̱ki̱aku̱ bhiyo; “Ndio ongi̱o ali mazima.”
Li̱eli̱ ndia Sali̱a ndia ka dhakilia
(Maliko 14:22-26; Luka 22:14-20; 1 Bhakolinto 11:23-25)
26Nibhalia kiliaga, Yesu agba mugati̱, nakisaba ka si̱ma Mambombi̱ du̱mbi̱ naki̱u̱dha mugati̱ naki̱bhu̱pesi̱a bhaegi̱ ndibhaki, nakigia bhiyo; “Bhugbe toli̱ bhulie, yoho andu̱lu̱ kozo ndiamo.”
27Du̱mbi̱ nakigba kibhali̱ nakisaba ka si̱ma Mambombi̱ naki̱bhu̱pesi̱a bhaegi̱ ndibhaki, nakigia bhiyo; “Bhu̱nu̱ebe bhenu̱ poni, 28yoho andu̱lu̱ magi̱la ndiamo sa lakana#26:28 Bbai̱bbu̱li̱ ndietolo bhagi̱ku̱ eti Lakana mpiaka. ndia aki̱dhu̱kana andu̱lu̱ bhabhugani̱li̱e kibi ndianu̱. 29Nikibhutolia eti, kikitodha nu̱wa vi̱ni̱ sa muzabbi̱bbu̱ yoho doi̱sa tolo ndie ni̱ki̱nu̱wa na bhenu̱ vi̱ni̱ mpiaka ka kusali̱a ndia Aba.”
30Ndia bhadhakia limba limbo sa sinda Mambombi̱, bhai̱ya ka gu̱si̱a ndia ali na mili ndia bhakigiagaku̱ Oli̱va.
Yesu naki̱ba nesi̱ Petelo akingana
(Maliko 14:27-31; Luka 22:31-34; Yohana 13:36-38)
31Du̱mbi̱ Yesu nakibhugia bhaegi̱ ndibhaki bhiyo; “Ki̱li̱ya sa tolo ndia lelu, bhenu̱ poni bhukunidhuwa ni̱ti̱ge nekaka, nanga Ndia Bhahandika akigiaga bhiyo;
‘Nikimuola mu̱li̱si̱a sa bhantama,
toli̱ bhi̱hi̱yo sa bhantama akihanjikana#Zakaliya 13:7.’
32“No kidhakia hu̱mbu̱ka, nikibhuteketilia ndimi ka Galilaya.”
33Petelo nakingia bhiyo; “Emi kida kukutukabe, ndibhetolo nabhakakutukabe.”
34Yesu nakingia bhiyo; “Ka mazima nikukutolia eti, ntu̱li̱a koko ndia ka asi̱mbe ki̱li̱ya lelu, okubha noloningani̱ dou̱ salo eti koni̱bi̱.”
35Petelo naki̱nsi̱ki̱aku̱ bhiyo; “Nakabha ninigbokiliani̱ ku̱wa newe, kida kikungana.”
Na bhaegi̱ ndibhetelo nibhakionga bhinjo.
Yesu nakisaba ka Getesemani
(Maliko 14:32-42; Luka 22:39-46)
36Du̱mbi̱ Yesu naki̱ya na bhaegi̱ ndibhaki ka kikalo ndia ka Getesemani, nakibhugia bhiyo; “Bhu̱li̱kage mehe nitekete ni̱ye moi̱ nisabe.” 37Naki̱ya na Petelo na bhani̱ki̱ bhebhali ndibha Zebedayo. Nakituntula si̱ni̱, 38nakibhugia bhiyo; “Tuntula ndie nili nai̱ ka mulima ali bi̱ya olami. Bhu̱li̱ke mehe ni̱bhu̱zi̱bi̱ kyalo nemi.”
39Nakisekedhanabe, naki̱su̱ku̱mana nakisaba bhiyo; “Aba kabha nakitokikana, ena bhu̱su̱ yoho anitukebe, kala kibha nesi̱ nikikabha, no abhe nesi̱ okabhi̱o.”
40Du̱mbi̱ naki̱si̱ki̱a ka bhaegi̱ ndibhaki bhesalo nakitakana nibhalali̱, nakingia Petelo bhiyo; “Bhukutoki̱ li̱ka ni̱bhu̱bhali̱mi̱ nemi dhakia saha moti̱ nangeki? 41Bhu̱li̱ke ni̱bhu̱zi̱bi̱ kyalo, toli̱ bhusabe nanga bhu̱gu̱wa ka leka. Mulima akabhi̱a no kozo kali na mani̱.”
42Yesu nakitodha nakibhutukabe ndia ke dou̱ bhali i̱ya saba bhiyo; “Aba ena bhu̱su̱ yoho kabha ndia kakitokikana tukamibe, odhuwe abhe nesi̱ okabhi̱o.”
43Yesu ndia asi̱ki̱a, atodha nakitakana bhaegi̱ ndibhaki nibhatodhi̱ lala nanga bhabhi̱ na tolo bi̱yai̱. 44Nakitodha nakibhutukabe ndia ke dou̱ salo naki̱ya saba kima andiahau̱ moti̱.
45Du̱mbi̱ naki̱si̱ki̱a ka bhaegi̱ ndibhaki nakibhugia bhiyo; “Bhulia nibhulali̱ na humula? Bwile adoi̱ya sa Mi̱ki̱ mindia Nkpa lelianaki kowa bhakoli̱ kibi. 46Bhume, bhudhuwe ki̱ye, muluku mindia anileliani̱o mendi̱ye abi̱ki̱ya.”
Bhalemi̱ sa di̱ni̱ nibhakingba Yesu
(Maliko 14:43-50; Luka 22:47-53; Yohana 18:3-12)
47Yesu nalia kionga, Yu̱da moti̱ kowa bhaegi̱ ndibhaki komi̱ na bhebhali naki̱ki̱dha. Abhu̱bhi̱ na bi̱ya bhakpa nibhagbelianagi̱ tampi̱ na mwi̱go, nibhatu̱ki̱li̱ ka bhabhembi̱ bhangbeku ndibha Mambombi̱ na bhangbeku ndibha Bhayu̱daya. 48Yu̱da mindia amuleliana ali̱ka nabhu̱toli̱ bhiyo, “Mindie ni̱ki̱ngu̱wa ka ki̱ku̱ba, andiye minjo bhungbe.” 49Ndia bhaki̱dha kindia Yesu abhi̱o, Yu̱da naki̱ngu̱wa ka ki̱ku̱ba nakingia bhiyo; “Mwegesi̱ nikumati̱si̱a.”
50Yesu naki̱nsi̱ki̱aku̱ bhiyo; “Bhotuami okole ndio obi̱ki̱ kolai̱.”
Du̱mbi̱ bhasilikale nibhaki̱bi̱ka gweli̱a Yesu nibhakingba. 51Du̱mbi̱ mwegi̱ moti̱ kowa bhaegi̱ ndibha Yesu abhuaku̱ tampi̱ ndiaki nakinzombabe nkoli̱ moti̱ mindia ngbekua bhabhembi̱ ki̱toi̱.
52Yesu nakingia bhiyo; “Osi̱ki̱si̱e tampi̱ ndiako kindia agbokiliani̱ bhai̱, nanga bhoponi ndibha bhakioli̱saga tampi̱ nabho bhada kibhuoli̱sa tampi̱. 53Bhukweli̱li̱kana eti kikitoka kunga Aba siebhami lejoni#26:53 Lejoni Abhi̱ kpata ndia bhasilikale ndibha ka Loma ndia yabhagiagaku̱ bhasilikale bhia kakagha. ndia bhamalai̱ka ndia akoli̱ ke komi̱ na bhali lwaniliami? 54No yoho poni akileukana bhoni̱ tu̱mi̱sa Ndia Bhahandika?”
55Du̱mbi̱ Yesu nakibhugia bi̱ya bhakpa bhenjo bhiyo; “Bhu̱bi̱ki̱ na tampi̱ na mwi̱go gbami bhie eti ni̱hi̱ki̱li̱li̱ bhulemo? Tolo poni yeniegesaga ka mulima-bala sa Hekalo, no bhukunigba. 56No yoho poni aenikani̱, tu̱mi̱sa Ndia bhanabbi̱ Bhahandika.” Du̱mbi̱ bhaegi̱ ndibha Yesu bhoponi nibhakitetia naki̱ti̱ga yekaka.
Yesu nali kei̱soa Ku̱sei̱ ndia Bhayu̱daya
(Maliko 14:53-65; Luka 22:54-55, 63-71; Yohana 18:13-14, 19-24)
57Bhenjo ndibha bhangba Yesu bhamu̱i̱sa kindia Kayafa ngbekua bhabhembi̱ ndibha Mambombi̱ kindia bhaegesi̱ sa kilagilo na bhangbeku yabheku̱mesi̱o. 58Toli̱ Petelo nakimuyelia mbu̱sa nali dhangabe duwa ka mulima-bala ndia ngbekua bhabhembi̱. Naki̱ya ka mulima-bala naki̱li̱kaga na bhabhu̱ndi̱li̱ zi̱ba kindia aki̱su̱ngeli̱a.
59Bhabhembi̱ bhangbeku na ku̱sei̱ poni ndia Bhayu̱daya bhabha kakabha bhapesi̱e bwakai̱so sa mbela andu̱lu̱ bhamuole Yesu. 60Bhakai̱so sa mbela bi̱yabho bhabhi̱be, no bhakabha na kima poni ndia bhakionga. Ka dhakililia, bhakai̱so bhebhali nibhaki̱bi̱ka, 61nibhakigia bhiyo; “Muluku miyo agia bhiyo; ‘Nikitoka gengia Hekalo ndia Mambombi̱, nitodhe nialike ka tolo salo.’ ”
62Du̱mbi̱ ngbekua bhabhembi̱ nakitelema nakingia Yesu bhiyo; “Koku̱si̱ki̱aku̱ ka ndia bhakuongi̱be? Andiki ndio okuongabe ka bwakai̱so yoho?” 63No Yesu naki̱li̱ka nadaki̱.
Ngbekua bhabhembi̱ nakingia bhiyo; “Ke i̱na Mambombi̱ mwomezi̱, okitolie kabha nanduwe Masiya, Mi̱ki̱ mindia Mambombi̱.”
64Yesu naki̱nsi̱ki̱aku̱ bhiyo; “Oʼngi̱ bhu, tukilia endindi, bhuda kuntangia Mi̱ki̱ mindia Nkpa nali̱ki̱ ka kibhoko sa kuluku ndia Ntua mani̱ poni, toli̱ kabi̱ki̱li̱aki ka kuba ndia gulu.”
65Du̱mbi̱ na ki̱ni̱ga poni ngbekua bhabhembi̱ nakinuwa gandula ndiaki ndia yaloli̱o nakigia bhiyo; “Amuongi̱be zidhi Mambombi̱. Kikitodha kabha bhakai̱so ndibhetolo nangeki? Bhenu̱ bhaku̱mi̱ bhu̱oki̱ nesi̱ amuongabe zidhi Mambombi̱. 66Bhukweli̱li̱kana eki?”
Nibhaki̱nsi̱ki̱aku̱ bhiyo; “Agbokiliani̱ aku̱we.”
67Du̱mbi̱ nibhakitandika sweli̱agaki soki̱ ke i̱so, na bhi̱ndagaki, ndibhetolo nibhakintali̱a 68nibhakingia bhiyo; “Masiya, oki̱pesi̱e bhunabbi̱, andi ani̱ mindia aku̱bhi̱ndi̱o?”
Petelo nakingana Yesu
(Maliko 14:66-72; Luka 22:56-62; Yohana 18:15-18, 25-27)
69Ka bwile injo, Petelo yali̱kagi̱ ka mulima-bala, nkoli̱ nkali̱aki mindia ngbekua bhabhembi̱ naki̱mbi̱kabe nakingia bhiyo; “Newe obhi̱ na Yesu mindia ka Galilaya.”
70No Petelo nakingana kei̱soabho bhoponi, nakigia bhiyo; “Ki̱bi̱ ndio oli kaongai̱be.”
71Du̱mbi̱ Petelo naki̱ya kangba, kindia nkoli̱ mindietolo nkali̱aki antangia, nakibhugia bhakpa ndibha bhabhi̱be bhiyo; “Muluku miyo abhi̱ na Yesu mindia ka tau̱ni̱ ndia ka Nazaleti̱.”
72Petelo nakitodha nakingana toli̱ nakilahilia bhiyo; “Ki̱mu̱i̱bi̱ muluku minjo.”
73Nalakoli̱be bwile nke, bhakpa ndibha bhabha nibhatelemi̱ menjo nibhaki̱ya kindia Petelo nibhakingia bhiyo; “Ka mazima oli moti̱ kowa bhaluku ndibha bhabhi̱ na Yesu, onga ndiako akiani̱si̱a.”
74Petelo nakitodha nakingana, nakilahilia bhiyo; “Kabha ninikionga mbela, Mambombi̱ anifubilie, muluku mindio bhuli kagiaki minjo ki̱mu̱i̱bi̱.”
Du̱mbi̱ ntu̱li̱a koko nakiasa. 75Petelo nakikanilia kigambo ndia Yesu aonga bhiyo; “Ntu̱li̱a koko ndia ka asi̱mbe, okubha noloningani̱ dou̱ salo.” Du̱mbi̱ Petelo naki̱hu̱wa kansenge nakitandika ngamu si̱ni̱.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025