Maruku 1
1
Ɓasi Yohanna thlǝ chǝt baptisma
(Mat 3:1-12; Luk 3:1-9; 15:17; Yoh 1:19-28)
1Thlǝya nech kǝ tǝrkwathl kan kusheˈ tǝ ndikta thla nech mbinchan yi sǝkta kǝ ɗar Yesu Kǝristi, Wa ˈi Farta. 2Nggakchan, kǝɗ ǝnɗi yarandǝ fee ha hur Laulawati Ishaya, thlǝ shenuˈtǝ tǝ yahti Farta. Ndat wa,
“Nggǝta nii thlǝn thlǝ thlǝndinchi kǝ lǝ kǝ pangngǝn wa,
thla nech tahsandǝ mbandiyo kaɗi”
3“Ɓǝratǝ ˈya fata hur chennjeya, tǝ ndat wa,
‘Tahsaman mbandi Chindǝ kaɗi,
panaman ha kǝn ndellengnga kǝ wiˈsi.’”
4Ɓak Yohanna thlǝ chǝt baptisma hur channjeya. Nakan mbuˈandǝ nafcha ndikti Farta, kǝ tǝrndǝ ha, kǝ malandǝ chǝt ɓǝɓifata, kǝ chan fee tandǝ baptisma, naa Farta kalanda ɓǝɓifechˈyandǝ ha. 5Nafchǝ terchan hahi Yahudiya tǝ nat nafchi Urshelima, ɓakandǝ kǝmɗi Yohanna. Nakandǝ mbuˈ ɓǝɓifechˈyanda, mǝthlan paɗ chan kan baptisma tanda ǝ kufi Urdun.
6Kapaɗi paa Yohanna, tahǝschi fee tǝ weshi nggelupa, paɗ kǝntǝ fiya ǝ filˈya. ɗǝsǝmndiyan mbeɗecha tǝ ˈyam ɗeya hur channjeya. 7Ɓas kan, ndakan wa, “Nefsi nech ɓata kǝrsǝ na, thla pǝɗichǝ ha tǝ alkǝta, chǝka sahtǝ pahamchiyan chaˈawisi kǝ kwasani ha wa. 8Nggǝta chowunchi baptisma tǝ ema, paɗ mǝthlan nechan chowun baptisma tǝ Shemeti Farta.”
Chan fee Yesu baptisma
(Mat 3:13-17; Luk 3:21-22)
9Ə wanminchiˈini ɓak Yesu kǝ thle mirɓi Nazarat ǝ hahi Galili. Chan kǝ Yohanna baptisma ǝ kufi Urdun. 10Kǝ nak Yesu ɓat kesh hur ˈyaman, chat kǝɗuyu nakan in hulafǝrtǝ ha, ɓak Shemeti Farta kah kǝ indiyan kǝɗ kunggurha. 11Sǝkkandǝ ɓǝrata ǝ hulafǝrta ndat wa, “Chi nech kǝ waˈinchi, yahinchi wechi, nggǝt mbenfat kǝ wech kaan.”
Kaɗan Hweˈrǝ Yesu
(Mat 4:1-11; Luk 4:1-13)
12Chat kǝɗuyu, pǝkkǝ Shemeti Farta ndi kǝ hur channjeya. 13Mǝthlan hur chanjangngan mǝndǝ kum chǝt foɗɗa, nak Hweˈra kaɗanda. Nechan ɓukwa tǝ wanɗiyahcha, ɓak fǝ thlinchi Farta kǝsandǝ si.
Tǝrkwathl kan teri Yesu ǝ Galili
(Mat 4:12-17; Luk 4:14-15)
14Kǝrsǝ mǝk Yohanna thlǝ chǝt baptisma kǝ pursuna. Pǝɗak Yesu kǝ hahi Galili, nakan ɓas kwastǝ ndikta thla mbinchan yi Farta. 15Ndakan wa, “Wanshengnan ǝ ndiiɗ ha, kuturakti Farta ɓi nduk. Tǝramha paɗ kǝ fǝrwun kit kǝ kwastǝ ndiktiɗiya yi Farta.”
ˈYi Yesu fǝ tǝm yirǝfchǝ foɗɗa
(Mat 4:18-22; Luk 5:1-11)
16Kǝ nak Yesu mbǝrtǝ ha kǝlaar hawurti Galili, nakan Siman tǝ wanmanan Andrawus tandǝ cham mapechˈyandǝ hur kapa kufiˈyan, kǝthlǝm terˈyanda tǝm yirifcha. 17Ndang kǝ Yesu tanda wa, “Ɓama param nenchi, nakanya nafchi natwun naa kaɓta kǝmɗinchi.” 18Chat kǝɗuyu malkandǝ mapechˈyanda ha parakandǝ Yesu.
19Kǝ ɗǝkan kǝ pang ngguɗyeh, nakan Yakubu tǝ wanmanan Yohanna wanchi Zabadi hur kombawal, tandǝ tahsaandǝ mapech ˈyanda. 20Chat, ˈyakan tanda, paɗ malkandǝ chin nanda ha Zabadi hur kombawal taˈan tǝ takǝt fǝ tarchiyanda Parakandǝ Yesu.
Rǝkan Yesu ɓǝɓi shemeta fi yowuna
(Luk 4:31-37)
21Pǝɗakandǝ kǝ Kafarnahum, ǝ fartǝ yipti Yahudawecha. Pǝɗak Yesu kǝ wur nggomndi Yahudawecha nakan chaˈandǝ kaɗi. 22Nafchaˈan sakandak inda tǝ chaˈaɗan ˈyan. Kǝthlǝm chaˈanchan tandǝ har kǝɗ thla tǝ alkǝtfa, ngga kǝɗ fǝ chaˈandǝ kusiˈ chaˈan kaɗ wa.
23Chat kǝɗuyu nefsi hur wur nggomnan ˈyanda thla naa ɓǝɓi shemet fiyan, thlaˈan kan ɓǝrata tǝ hwata, 24ndangkan wa, “Mǝ kǝmuchǝ tǝ nggaˈan, Yesu thlǝ Nazarata? Tǝ ɓen kǝ tǝkaˈandǝ ha wa? Nggǝta sǝninchi ndu wun nako thla Chiɗ Chiɗ i Farta.”
25Yanan kǝ Yesu ha tǝ alkǝta, ndang kan wa, “Nggasu ɓaˈ, cho kesh fiyan.”
26Chat kǝɗuyu, pongngǝn hwaˈran thlǝf kan ndǝ ha, nak fatˈyan saktat fa, hwakan, chekan kesh fi nafan. 27Nat nafchaˈan sakandak inda, chǝhan kandǝ raˈan tǝ ndat wa, “Thleya weˈtǝ mǝ kǝɗaya? Yuwa chaˈata paɗ tǝ alkǝtfa. Thlǝ nechan yanandǝ ɓǝɓi hwaˈarchǝ ha kǝ nandǝ sǝk anchi paɗ.”
28Kusheˈtaˈan chat kǝɗuyu welha nat chǝktǝ yeni hur hahi Galili.
Kǝnan Yesu man nu Biturus kaɗi
(Mat 8:14-15; Luk 4:38-39)
29Kǝ chekandǝ kesh ǝ wur nggomndi Yahudawechaˈan, pǝɗak Yesu, tǝ Yakubu, tǝ Yohanna kyeuri ndǝ Siman, tǝ Andrawus. 30Thlaɓǝrtǝ Siman kǝ nunefa ɗuk haɗchan tǝ hatǝfa ɓǝɓa, paɗ chat mbuˈan kǝ nafchǝ Yesu hatǝfaɗan ˈyan. 31Kǝɗu ɗǝk Yesu kǝ mbǝs ndi, kǝskan herˈyan, thlaˈan kan. Hatǝfa ɓǝɓiˈan kal kan anchi ha, thlaˈkǝ nunafan tahsankan tandǝ ɗǝsemndǝsi.
Kǝnan Yesu nafchi kaɗ terchan
(Mat 8:16-17; Luk 4:40-41)
32Farwitaˈan nduk tǝ hǝmndi Farta, ɓak nafcha tǝ fee nat nech haɗchan paɗ tǝ fee tǝ hwaˈarchǝ fiyanda kǝmɗi Yesu. 33Nafchi hahiˈyan terchan nggomkandǝ kǝ mii wuran. 34Kǝnankǝ Yesu nafchǝ kaɗ tǝrchan fee nech tǝ hatǝfech fǝ samǝn samǝn. Mǝthlan paɗ rǝkan kan tertǝ hwaˈarchǝ kesh fi nafcha. Nggǝma wa hwaˈarchaˈan kǝ ndik nda wa, kǝthlǝm sǝnda ndu wun nakan.
Shi Yesu mǝɗi nawaktǝ nafchisi
(Luk 4:42-44)
35Ə kataa mǝta, kǝ peˈkǝ mǝt shim shim, thlaˈkǝ Yesu, malkan wuran ha pǝɗakan kǝ mǝɗi nawak tǝ nefsi, minni shitǝn. 36Siman tǝ fee natndǝ mǝt arta, pǝɗa kandǝ kaa ndi. 37Paɗ kǝ mbǝsan kanda, ndang ka nda wa, “Nat nafcha tandǝ kawechi.”
38Nggǝrankǝ Yesu tandǝs wa, “Tamǝ kǝ mǝchi sam samǝn fee nech ɗuk ɗuk kǝthlǝm kǝ ɓasi ǝ minni paɗ. Kǝthlǝm ndaˈan nech kǝ saktǝ ɓatinchi.” 39Kǝɗu wiˈyan kan nat hahi Galili, nakan ɓaasa hur kǝtǝn nggomǝnchi yanda paɗ nakan rǝkandǝ hwaˈarchǝ kesh fi nafcha.
Kǝnan Yesu nef kaɗi thla naa tarkwai fiyan
(Mat 8:1-4; Luk 5:12-16)
40Ɓak yowun nefa, tǝ tarkwai fa kǝmɗiyan kopkan ha, paɗ shiyan kan Yesu ndakan wa, “Maa ǝ yahǝnsi, alkǝt ˈyosi no mbahan kǝnitǝ kaɗi.”
41Kǝ haɗan kǝ nafɗiya Yesu fa, panan kan her ha tǝkan kan her nafan fa. “Nggǝmani, kǝnu kaɗi.” 42Chat kǝɗuyu malkǝ tarkwaiˈyan ndǝ ha, kǝn kan kaɗi.
43Chat tǝɗankǝ Yesu thlǝmatˈyan tǝ alkǝta ndangkan wa, ɗu kaɗi, 44“Kǝ sǝninsi, kǝ mbuˈeen nef ǝnɗi chutǝ Farta wa. Ɗu, pǝneen fatˈyo thla thlǝ fǝranchi Farta icha, fǝrko pafǝn kǝmɗi Farta yi kǝndǝ kaɗi, kǝɗ ǝnɗi mbuˈtǝ Musa hur kusiˈ taˈan, kǝthlǝm kǝ pǝn wa kinin kaɗi.”
45Chǝka kǝɗu, kǝ chek nafan kesh nggas wa ɓaˈ wa, nakan mbuˈ ǝnɗi chandǝ Yesu hayang. Kǝthlǝm ndaˈan, mbahǝn wu Yesu nggǝr yimndǝ kǝ hur mirɓa hayang wa. Chokkan mǝchiɗi nggawaktǝ nafchisi. Kǝɗu nak, nafchǝ terchan ɓat kǝmɗiyan thlaˈtǝ michi samǝn samǝn chǝka tǝ yeni.
Iliyochaguliwa sasa
Maruku 1: GQA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation
Maruku 1
1
Ɓasi Yohanna thlǝ chǝt baptisma
(Mat 3:1-12; Luk 3:1-9; 15:17; Yoh 1:19-28)
1Thlǝya nech kǝ tǝrkwathl kan kusheˈ tǝ ndikta thla nech mbinchan yi sǝkta kǝ ɗar Yesu Kǝristi, Wa ˈi Farta. 2Nggakchan, kǝɗ ǝnɗi yarandǝ fee ha hur Laulawati Ishaya, thlǝ shenuˈtǝ tǝ yahti Farta. Ndat wa,
“Nggǝta nii thlǝn thlǝ thlǝndinchi kǝ lǝ kǝ pangngǝn wa,
thla nech tahsandǝ mbandiyo kaɗi”
3“Ɓǝratǝ ˈya fata hur chennjeya, tǝ ndat wa,
‘Tahsaman mbandi Chindǝ kaɗi,
panaman ha kǝn ndellengnga kǝ wiˈsi.’”
4Ɓak Yohanna thlǝ chǝt baptisma hur channjeya. Nakan mbuˈandǝ nafcha ndikti Farta, kǝ tǝrndǝ ha, kǝ malandǝ chǝt ɓǝɓifata, kǝ chan fee tandǝ baptisma, naa Farta kalanda ɓǝɓifechˈyandǝ ha. 5Nafchǝ terchan hahi Yahudiya tǝ nat nafchi Urshelima, ɓakandǝ kǝmɗi Yohanna. Nakandǝ mbuˈ ɓǝɓifechˈyanda, mǝthlan paɗ chan kan baptisma tanda ǝ kufi Urdun.
6Kapaɗi paa Yohanna, tahǝschi fee tǝ weshi nggelupa, paɗ kǝntǝ fiya ǝ filˈya. ɗǝsǝmndiyan mbeɗecha tǝ ˈyam ɗeya hur channjeya. 7Ɓas kan, ndakan wa, “Nefsi nech ɓata kǝrsǝ na, thla pǝɗichǝ ha tǝ alkǝta, chǝka sahtǝ pahamchiyan chaˈawisi kǝ kwasani ha wa. 8Nggǝta chowunchi baptisma tǝ ema, paɗ mǝthlan nechan chowun baptisma tǝ Shemeti Farta.”
Chan fee Yesu baptisma
(Mat 3:13-17; Luk 3:21-22)
9Ə wanminchiˈini ɓak Yesu kǝ thle mirɓi Nazarat ǝ hahi Galili. Chan kǝ Yohanna baptisma ǝ kufi Urdun. 10Kǝ nak Yesu ɓat kesh hur ˈyaman, chat kǝɗuyu nakan in hulafǝrtǝ ha, ɓak Shemeti Farta kah kǝ indiyan kǝɗ kunggurha. 11Sǝkkandǝ ɓǝrata ǝ hulafǝrta ndat wa, “Chi nech kǝ waˈinchi, yahinchi wechi, nggǝt mbenfat kǝ wech kaan.”
Kaɗan Hweˈrǝ Yesu
(Mat 4:1-11; Luk 4:1-13)
12Chat kǝɗuyu, pǝkkǝ Shemeti Farta ndi kǝ hur channjeya. 13Mǝthlan hur chanjangngan mǝndǝ kum chǝt foɗɗa, nak Hweˈra kaɗanda. Nechan ɓukwa tǝ wanɗiyahcha, ɓak fǝ thlinchi Farta kǝsandǝ si.
Tǝrkwathl kan teri Yesu ǝ Galili
(Mat 4:12-17; Luk 4:14-15)
14Kǝrsǝ mǝk Yohanna thlǝ chǝt baptisma kǝ pursuna. Pǝɗak Yesu kǝ hahi Galili, nakan ɓas kwastǝ ndikta thla mbinchan yi Farta. 15Ndakan wa, “Wanshengnan ǝ ndiiɗ ha, kuturakti Farta ɓi nduk. Tǝramha paɗ kǝ fǝrwun kit kǝ kwastǝ ndiktiɗiya yi Farta.”
ˈYi Yesu fǝ tǝm yirǝfchǝ foɗɗa
(Mat 4:18-22; Luk 5:1-11)
16Kǝ nak Yesu mbǝrtǝ ha kǝlaar hawurti Galili, nakan Siman tǝ wanmanan Andrawus tandǝ cham mapechˈyandǝ hur kapa kufiˈyan, kǝthlǝm terˈyanda tǝm yirifcha. 17Ndang kǝ Yesu tanda wa, “Ɓama param nenchi, nakanya nafchi natwun naa kaɓta kǝmɗinchi.” 18Chat kǝɗuyu malkandǝ mapechˈyanda ha parakandǝ Yesu.
19Kǝ ɗǝkan kǝ pang ngguɗyeh, nakan Yakubu tǝ wanmanan Yohanna wanchi Zabadi hur kombawal, tandǝ tahsaandǝ mapech ˈyanda. 20Chat, ˈyakan tanda, paɗ malkandǝ chin nanda ha Zabadi hur kombawal taˈan tǝ takǝt fǝ tarchiyanda Parakandǝ Yesu.
Rǝkan Yesu ɓǝɓi shemeta fi yowuna
(Luk 4:31-37)
21Pǝɗakandǝ kǝ Kafarnahum, ǝ fartǝ yipti Yahudawecha. Pǝɗak Yesu kǝ wur nggomndi Yahudawecha nakan chaˈandǝ kaɗi. 22Nafchaˈan sakandak inda tǝ chaˈaɗan ˈyan. Kǝthlǝm chaˈanchan tandǝ har kǝɗ thla tǝ alkǝtfa, ngga kǝɗ fǝ chaˈandǝ kusiˈ chaˈan kaɗ wa.
23Chat kǝɗuyu nefsi hur wur nggomnan ˈyanda thla naa ɓǝɓi shemet fiyan, thlaˈan kan ɓǝrata tǝ hwata, 24ndangkan wa, “Mǝ kǝmuchǝ tǝ nggaˈan, Yesu thlǝ Nazarata? Tǝ ɓen kǝ tǝkaˈandǝ ha wa? Nggǝta sǝninchi ndu wun nako thla Chiɗ Chiɗ i Farta.”
25Yanan kǝ Yesu ha tǝ alkǝta, ndang kan wa, “Nggasu ɓaˈ, cho kesh fiyan.”
26Chat kǝɗuyu, pongngǝn hwaˈran thlǝf kan ndǝ ha, nak fatˈyan saktat fa, hwakan, chekan kesh fi nafan. 27Nat nafchaˈan sakandak inda, chǝhan kandǝ raˈan tǝ ndat wa, “Thleya weˈtǝ mǝ kǝɗaya? Yuwa chaˈata paɗ tǝ alkǝtfa. Thlǝ nechan yanandǝ ɓǝɓi hwaˈarchǝ ha kǝ nandǝ sǝk anchi paɗ.”
28Kusheˈtaˈan chat kǝɗuyu welha nat chǝktǝ yeni hur hahi Galili.
Kǝnan Yesu man nu Biturus kaɗi
(Mat 8:14-15; Luk 4:38-39)
29Kǝ chekandǝ kesh ǝ wur nggomndi Yahudawechaˈan, pǝɗak Yesu, tǝ Yakubu, tǝ Yohanna kyeuri ndǝ Siman, tǝ Andrawus. 30Thlaɓǝrtǝ Siman kǝ nunefa ɗuk haɗchan tǝ hatǝfa ɓǝɓa, paɗ chat mbuˈan kǝ nafchǝ Yesu hatǝfaɗan ˈyan. 31Kǝɗu ɗǝk Yesu kǝ mbǝs ndi, kǝskan herˈyan, thlaˈan kan. Hatǝfa ɓǝɓiˈan kal kan anchi ha, thlaˈkǝ nunafan tahsankan tandǝ ɗǝsemndǝsi.
Kǝnan Yesu nafchi kaɗ terchan
(Mat 8:16-17; Luk 4:40-41)
32Farwitaˈan nduk tǝ hǝmndi Farta, ɓak nafcha tǝ fee nat nech haɗchan paɗ tǝ fee tǝ hwaˈarchǝ fiyanda kǝmɗi Yesu. 33Nafchi hahiˈyan terchan nggomkandǝ kǝ mii wuran. 34Kǝnankǝ Yesu nafchǝ kaɗ tǝrchan fee nech tǝ hatǝfech fǝ samǝn samǝn. Mǝthlan paɗ rǝkan kan tertǝ hwaˈarchǝ kesh fi nafcha. Nggǝma wa hwaˈarchaˈan kǝ ndik nda wa, kǝthlǝm sǝnda ndu wun nakan.
Shi Yesu mǝɗi nawaktǝ nafchisi
(Luk 4:42-44)
35Ə kataa mǝta, kǝ peˈkǝ mǝt shim shim, thlaˈkǝ Yesu, malkan wuran ha pǝɗakan kǝ mǝɗi nawak tǝ nefsi, minni shitǝn. 36Siman tǝ fee natndǝ mǝt arta, pǝɗa kandǝ kaa ndi. 37Paɗ kǝ mbǝsan kanda, ndang ka nda wa, “Nat nafcha tandǝ kawechi.”
38Nggǝrankǝ Yesu tandǝs wa, “Tamǝ kǝ mǝchi sam samǝn fee nech ɗuk ɗuk kǝthlǝm kǝ ɓasi ǝ minni paɗ. Kǝthlǝm ndaˈan nech kǝ saktǝ ɓatinchi.” 39Kǝɗu wiˈyan kan nat hahi Galili, nakan ɓaasa hur kǝtǝn nggomǝnchi yanda paɗ nakan rǝkandǝ hwaˈarchǝ kesh fi nafcha.
Kǝnan Yesu nef kaɗi thla naa tarkwai fiyan
(Mat 8:1-4; Luk 5:12-16)
40Ɓak yowun nefa, tǝ tarkwai fa kǝmɗiyan kopkan ha, paɗ shiyan kan Yesu ndakan wa, “Maa ǝ yahǝnsi, alkǝt ˈyosi no mbahan kǝnitǝ kaɗi.”
41Kǝ haɗan kǝ nafɗiya Yesu fa, panan kan her ha tǝkan kan her nafan fa. “Nggǝmani, kǝnu kaɗi.” 42Chat kǝɗuyu malkǝ tarkwaiˈyan ndǝ ha, kǝn kan kaɗi.
43Chat tǝɗankǝ Yesu thlǝmatˈyan tǝ alkǝta ndangkan wa, ɗu kaɗi, 44“Kǝ sǝninsi, kǝ mbuˈeen nef ǝnɗi chutǝ Farta wa. Ɗu, pǝneen fatˈyo thla thlǝ fǝranchi Farta icha, fǝrko pafǝn kǝmɗi Farta yi kǝndǝ kaɗi, kǝɗ ǝnɗi mbuˈtǝ Musa hur kusiˈ taˈan, kǝthlǝm kǝ pǝn wa kinin kaɗi.”
45Chǝka kǝɗu, kǝ chek nafan kesh nggas wa ɓaˈ wa, nakan mbuˈ ǝnɗi chandǝ Yesu hayang. Kǝthlǝm ndaˈan, mbahǝn wu Yesu nggǝr yimndǝ kǝ hur mirɓa hayang wa. Chokkan mǝchiɗi nggawaktǝ nafchisi. Kǝɗu nak, nafchǝ terchan ɓat kǝmɗiyan thlaˈtǝ michi samǝn samǝn chǝka tǝ yeni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation