Matiyu 13
13
Wuɓtǝ ndikta tǝ nefa thlǝ weˈya weˈta
(Mar 4:1-9; Luk 8:4-8)
1Kǝmǝn fartiˈni chek Yesu kesh ǝ hur wuran, pǝɗakan choktǝ ha mii hawurta, kǝthlǝm kǝ chaˈanchi nafchi har. 2Tertǝ nggommǝn nafchǝ tauran kandǝ ha, chich yimndǝn kǝ hur kombawal chokkan ha, paɗ nat tertǝ nggommǝn nafchaˈan thlarkandǝha mii hawurtaˈan.
3Mbuˈankan ichǝ tanda terchan tǝ sakchaˈan, ndat wa, “Thlǝ huɗatsi ɗikan kǝ hǝngga kǝthlǝm kǝ weˈya weˈta. 4Mǝthlan hur weˈya weˈtaˈan, fowun weˈchaˈan hǝmkandǝ kǝ hur mbanda, ɓak ɗiicha chehanda. 5Fowun paɗ hǝmkandǝ kǝ ɓǝra fǝrtǝɗi nech ɗar fera. Tifkandǝ kesh lelet kǝthlǝm fǝrtǝɗi nech minni hwengnga wa. 6Paɗ kǝ tǝkkǝ wat fartǝ ha, lifirkandǝ kaɗi, hwarkandǝ kaɗi, kǝthlǝm thlaarchǝyandǝ pawandǝ fat ha kǝ hahǝ kaan wa. 7Fowun weˈtaˈan hǝmkandǝ kǝ mǝɗi na tahchǝsi. Mankanda, njipang kǝ tahchǝ tanda. 8Fowun weˈchaˈan paɗ hǝmkandǝ kǝ kwastǝ haha. Nggǝt kandǝ wancha kumchǝt kum (100), fowun kumchit mitcha (60), fowun paɗ kumchit mahkan (30). 9Nat thla yahchǝ kǝ sǝktǝ ǝnɗi nati mbuˈta, kǝ sakanchǝ ha.”
Mbuˈ Yesu ǝnɗi chicha chǝtǝn ter tǝ wuɓtǝ ndikcha
(Mar 4:10-12; Luk 8:9-10)
10Ɓak kǝmsichi Yesu kǝmɗiyan, chǝhan kanda wa, “Kǝthlǝm mǝ thlǝ natu chǝt ter tǝ wuɓtǝ ndikcha maachǝ shenuˈtǝ tǝ nafcha?”
11Nggǝman kǝ Yesu tanda wa, “Kun malowunchǝ fee kǝ sǝnwun saktǝ kuturakti hulafǝrta, paɗ fen fǝrawu fee tanda wa. 12Chikawuni thla naa ǝnˈyansi naa fee chekandǝ kafˈyan tǝ paɗ kǝ mbǝs manchan. Thla nawaktǝ ǝnˈyansi, chǝka thla nessan nguɗyeh naa fee thlǝta. 13Ənɗi chich thlǝ ndikti tǝ wuɓtǝ ndiktǝ kǝmɗiyanda, ndaˈan nech kǝ, “Kǝthlǝm chika thlǝ nechandǝ ɗimbanda, nawanda. Thlǝ kechandǝ thlǝmat ha, paɗ sǝk wanda wa, ndu paɗ kǝ wathlandech ha. 14Ə mǝɗyanda mbuˈtǝ Ishaya thlǝ shenuˈtǝ tǝ yahti Farta ndiiɗ ha kǝ ɓǝra tǝnanda. Ndakan wa,
“Nowun naa sǝktǝ tǝ thlǝmechˈyowun,
paɗ nee wathlowun chǝ ha wa.
Nowun naa ndǝpat ha tǝ wenitǝyowun,
paɗ nowun sǝn ǝnɗi nech huran wa.
15Kǝthlǝm wanɗǝkaɗati nafchiɗa shin kaɗi,
thlǝ chanchan tandǝf ˈyangˈyang kǝ sǝkndǝ tǝ thlǝmechˈyanda.
Paɗ nggǝlandǝ wenitǝyanda
kǝthlǝm mǝ nandǝ tǝ wenitǝyanda wa,
paɗ mǝ sǝkndǝ tǝ thlǝmechˈyanda wa.
Kǝthlǝm kǝ sǝnndǝ sakchaˈan ǝ wanɗikadechˈyanda wa,
nech ɗǝf tandǝ kǝ malandǝ ɓǝɓifechˈyanda. Kǝ nggǝrandǝˈin kaɗ kǝmɗinchi, nggǝt paɗ kǝ kǝnani tandǝ kaɗi.
16Mbǝs ǝnhar kǝmɗi wenitiyowun, kǝthlǝm thlǝ nechandǝ mǝta. Thlǝmechˈyowun paɗ kǝɗu kǝthlǝm thlǝ sǝkchanda. 17Kittaˈan nati mbuˈowunda. Fǝ shenuˈtǝ tǝ yahti Farta, tǝ kaa nafcha terchan mǝthlan kwaskwassa tandǝ kaan, kǝ nandǝ ǝnɗi nat wun nata, paɗ nawanda wa. Paɗ kǝ sǝk ndǝ ǝnɗi natwun sǝkta, paɗ sǝk wanda wa.”
Mbuˈ Yesu saktǝ wuɓtǝ ndiktǝɗi chǝtǝn kǝ dar nafɗi weˈech weˈta
18“Kamthlǝmat ha kǝ sǝkwun saktǝ wuɓtǝ ndikta tǝ nefa thlǝ weˈya weˈta. 19Sǝk fowun nafchǝ kusheˈtǝ saktǝ kuturakta paɗ wathlawu kusheˈtan tandǝ ha wa, ɓak hweˈrǝ thlǝnandǝ ǝnɗi hǝftǝ fee hur wanɗǝkaɗati nafan. Thleya nech kǝ weˈtǝɗi hǝftǝ fee ɗar mbanda. 20Weˈtǝɗi hǝmchǝ kǝ ɗar fǝrtǝɗi farɗi paɗ, mǝthlan nech kǝ nafɗi sǝkchǝ ndikti kuturakti hulafǝrta, chat thlǝ kan tǝ wanɗǝkaɗat chǝɗchǝɗ. 21Paɗ nakan pawa thlaarchǝ ha ndiˈchan wa, kǝrǝs kandǝ yi wanmǝnchǝ ngguɗyeh. Kǝ ɓak ɓahta kǝthlǝm ndik kuturakti hulafǝrta, chat nggǝrang kandǝ in kǝrsǝn hur fǝr kitˈyanda. 22Weˈtǝɗi hǝmchǝ kǝ hur tahchǝ paɗ, mǝthlan nech kǝ nafɗi sǝk chǝ ndik kuturakti hulafǝrta. Ɓak ɓillacha yi heshi, tǝ yah wurmakta njipang kan ndiktaˈan, chokkan pawa wanchǝ kafa wa. 23Weˈtǝɗi hǝmchǝ kǝ kwastǝ mǝt paɗ, mǝthlan nech kǝ nafɗi maa sǝktǝ ndik kuturakti hulafǝrta, paɗ wathlankǝ ndiktaˈan ha. Pakan wanchǝ kaf yowuna kumchǝt kum (100), yowun kumchǝt michcha (60), ǝ yowun paɗ kumchǝt mahkan (30).”
Wuɓtǝ ndikta tǝ ushina hur alkama
24Nggǝr kǝ Yesu mbuˈan wuɓtǝ ndiktǝ tanda ndakan wa, “Naa fee mbahan kaɗandǝ kutǝrakti hulafǝrta tǝ nafɗi hǝfchǝ weˈtǝ ndiˈchan ǝ hǝnggǝyan. 25Paɗ ǝ wanshengngǝnɗi na chǝkawun saˈena, atekretiyan ɗǝkan hǝf weˈtǝ yowun ushina ǝ hǝnggi alkama, pǝɗakan kumichaˈan. 26Kǝ tif kǝ alkamataˈan mankan, nggakkan chendǝ wanɗar indǝ kesh kǝ nggǝt tǝ wancha, mankǝ usunchaˈan paɗ. 27Fǝ tarchi thlǝwuran ɓakandǝ chǝhan mee wa, ‘Thlǝ wira, awi, ngga kwastǝ weˈta hǝftu ǝ hǝngiyo wa? Ɓech usunchiɗiya ayi?’
28“Ndangkan tanda wa, ‘atǝkretǝna chich ǝnɗiya.’
“Ndangkǝ fǝ tarchiyan wa, ‘Yehǝnsi kǝ ɗǝˈǝn ɓǝtandǝ usunchaˈan kaɗ wa?’
29“Paɗ ndakan wa, ‘Auwa, maˈ ya kan ɓǝtandǝ usunchaˈan kaɗi, nowun ɓǝtandǝ kaɗ nat tǝ alkamataˈan. 30Malaman usunchaˈan kǝ manndǝ ɓukwa tǝ alkamataˈan kǝ fartǝ hathla. Far hathlan ni ndaandǝ fǝ hathl chaˈan wa, tǝrkwathl kan ǝnɗi natndǝ chǝta. Kǝ hwaˈchandǝ usunchaˈan kǝ kǝthlar, kǝ kǝnanda njir njir, kǝ njang fee kaɗi. Kǝrsaɗan paɗ, kǝ wumawun alkamataˈan kǝ thlǝrwun kǝ hur ɓiɗǝuwinchi.’”
Wuɓtǝ ndikta tǝ weˈtǝ wan mastad
31Nggǝr kǝ Yesu fǝran tandǝ yowun wuɓta ndikta ndakan wa, “Kuturakti hulafǝrta nechan kǝɗ weˈtǝ mastad thla tǝrtǝ yowun hǝfkan ǝ hǝnggǝyan. 32Chǝka nakan mǝthlan nech ngguɗyeh hur takǝt weˈcha, paɗ maa menni, thlǝ pǝɗanchan takǝt ichiɗi ha nech hur sǝsata tǝ manda. Kǝ ɓǝ ɗiicha tahǝs kǝnndǝya nda ǝ wanharchaˈan.”
Wuɓtǝ ndikta tǝ yisti
33Nggǝr kǝ Yesu fǝran tandǝ wuɓtǝ ndikta. Ndakan wa, “Kuturakti hulafǝrta nechan kǝɗ yisti, tǝrkǝ nunefa kurtankan ha tǝ fuwha alkamataˈan taso mahkan. Kǝmankǝ yistitaˈan fuwha alkamataˈan ha, hupkan.”
Chǝ Yesu ter tǝ wuɓtǝ ndikcha
34Ɗikchǝ Yesu tǝ nggomǝn nafchaˈan tǝ wuɓtǝ ndikta. Mbuˈawa tandǝ ǝna wa, maangga wuɓtǝ ndikta wa. 35Kǝthlǝm chich fee ǝnɗa, ndiiɗan tǝ ǝnɗi mbuˈtǝ thlǝ shenuˈtǝ tǝ yahtǝ Farta Ishaya ha. Ndakan wa,
“Ni ndikta tǝ tandǝ hur wuɓtǝ ndikta,
nii mbuˈandǝ tandǝ ǝnɗi nech wuɓta tǝrkwathl kan tǝn heshi.”
Mbuˈ Yesu saktǝ wuɓtǝ ndikta yi usuncha hur hǝngga alkama
36Malkǝ Yesu nggomǝn nafchaˈan ha, yimkan kǝ hur wira, ɓak kǝmsichiyan mbǝsˈndi paɗ. Ndang kanda wa, “Mbuˈaˈanndǝn mǝ na wuɓtǝ ndiktǝ usunɗi ǝ hur hǝngga alkama tǝɗi sakta.”
37Nggǝman kǝ Yesu, ndakan wa, “Thla hǝfchǝ weˈtǝ ndiˈchan mǝthlan nech kǝ nggǝta Waˈi Nefa. 38Hǝnggiˈan paɗ ndaˈan nech kǝ heshi. Kwastǝ weˈtaˈan paɗ ndaˈan nech kǝ wanchi kuturakta. Usunchaˈan paɗ fen nech kǝ wanchi hweˈra. 39Paɗ atǝkretǝɗi hǝfchi usunɗi, mǝthlan nech kǝ hweˈra. Fartǝ hathlan paɗ, ndukwa heshi. Fǝ hathl chaˈan paɗ fen nech kǝ fǝ thlǝnchi Farta.
40“Kǝɗ ǝnɗi nggomandǝ fee usuncha kǝ njang fee kaɗi, nechan nat kǝɗu ǝ ndukwa heshi. 41Nggǝta Waˈi Nefa nii thlǝn fǝ thlǝnchinchi, nandǝ kǝtandǝ nat thlaˈtǝ kuturaktiyan. Nat ichiɗi thlǝ ɗǝf chǝ nafcha kǝ chǝndǝ ɓǝɓifata, tǝ paɗ fee thlǝ kǝwakchǝ ǝnɗi kǝmwakchǝsi, kǝ chen fee tandǝ kesh. 42Nandǝ cham tandǝ kǝ hur wur wata thla nech welǝla kaˈan. Ə minni nandǝ naa tǝta tǝ kang wanthlancha. 43Wanshengngǝn chǝˈini fee nech chiɗ chiɗ nandǝ chimndǝfa kǝɗ watfarta hur kuturakti Chinnanda. Nat thla yahchǝ sǝk ǝnɗi nati mbuˈta, kǝ sǝka.”
Wuɓtǝ ndikta tǝ kǝnawa thla nech ǝ wuɓta
44“Kuturakti hulafǝrta nechan nat kǝɗ kǝnawa thla wuɓandǝ fee ǝ hǝngga. Thla naa yowuna, nggǝrkan wuɓanda. Kǝthlǝm ɓǝnfata hiyankan ichiɗi nessiyan kaɗ nat, hiyan kan hǝnggiˈan.”
Wuɓtǝ ndiktǝ tǝ ɗakwan pǝlaarǝcha
45“Paˈ kǝ nakanya, kuturakti hulafǝrta nechan kǝɗ wan lǝmo, thlǝ kaa ɗakwan pǝlaarǝcha. 46Kǝ mbǝskan yowun ɗakwan pǝlaaran thla nech ˈyangˈyang, pǝɗakan hiyandǝ ichiyan kaɗ nat thla nessan, hiyan kan.”
Wuɓtǝ ndikta tǝ mapaa kǝs yirfa
47“Paˈ kǝ nakanya, kuturakti hulafǝrta nechan kǝɗ mapaa kǝs yirǝfcha, thla mǝk tǝ fee kǝ hur hawurta kǝskan weˈtǝ yirifchǝ samǝn samǝn. 48Kǝ ndiiɗ kǝ mapaɗan, kahangkǝ fǝ kǝsh yirifchaˈan kesh kǝ mii chichangnda. Chokkandǝ ha, taɗan kandǝ kwastǝ yirǝfchaˈan, thlǝr kandǝ kǝ hur inafta. Thlǝran kandǝ sǝɓchaˈan kaɗi. 49Nechan choktǝ kǝɗu ǝ ndukwa heshi. Fǝ thlǝnchi Farta nandǝ ɓat kǝ taɗandǝ kesh, kǝ ɗatandǝ ɓǝɓi nafchǝ kesh hur fǝ kaa fee cha. 50Paɗ kǝ chamndǝ sǝɓtǝ nafcha kǝ hur wur wata thla nech welǝla kaˈan. Mǝɗi nat ɗǝ tǝta tǝ kang wanthlancha.
Yuwa kǝnawa tǝ ɗohtaˈan
51“Chǝhan kǝ Yesu tanda wa, “Tapi wathlowunchi chaˈaɗiya ha nat wa?” Nggǝmang kanda, ndakanda wa, “Aa, wathlaˈanchǝ ha.”
52Ndangkan tanda wa, “Kǝthlǝm ndaˈan nat thlǝ chaˈandǝ kusiˈ i Musa kaɗi, thla chok paɗ kǝ kǝmsha i kuturakti hulafǝrta. Nechan kǝɗ thlǝwira, thla kǝtanchi yuwa icha tǝ ɗohtaˈan kesh ǝ hur ɓinɗǝuˈyan, kǝthlǝm kǝ chakantǝ nafcha.”
Nafchi mǝrɓi Nazarat, karndǝ Yesu
53Kǝ tǝɓankǝ Yesu mbuˈ wuɓtǝ ndikchiˈini, chat malkan minni ha. 54Ɓak Yesu kǝ mǝɗi nggǝt tǝ fee ndi ǝ Nazarat, chaˈankan nafchǝ har hur wur nggomndiyanda. Fee sǝkchǝ ndi, sakan kǝ indǝ tanda. Ndakanda wa, “Mbǝschǝ nafɗa mbǝrˈǝniɗa ai kǝɗaya, tǝ paɗ alkǝt chǝt ichiɗa yi saka inchiɗiya? 55Ngga mǝthlan nech kǝ waˈi thlǝ kukwa ichiɗi kǝ hishwa wa? Ngga manan nech kǝ Maryamu wa? Ngga wanmanchaˈan nech kǝndǝ Yakubu, tǝ Yusufu, tǝ Siman, tǝ Yahuda wa? 56Ngga wanmanchaˈan kǝ nǝssa tandǝ mǝɗya tǝ minchǝ wa? Thlǝch nafɗa ichiɗiya ayi?” 57Kǝthlǝm ndaˈan, karkandǝ fǝr kit kǝ ndi.
Ndang kǝ Yesu tanda wa, “Thlǝ fǝranchǝ fee maandǝ thlǝ shenuˈtǝ tǝ yahti Farta chǝktǝ yenni, paɗ mǝrɓiyan, tǝ wirˈyan, fǝranwandǝ maanda wa.” 58Kǝthlǝm ndaˈan, chǝwa tar sakaˈincha ǝ minni kaan wa, kǝthlǝm kumi fǝrkit ˈyanda.
Iliyochaguliwa sasa
Matiyu 13: GQA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation
Matiyu 13
13
Wuɓtǝ ndikta tǝ nefa thlǝ weˈya weˈta
(Mar 4:1-9; Luk 8:4-8)
1Kǝmǝn fartiˈni chek Yesu kesh ǝ hur wuran, pǝɗakan choktǝ ha mii hawurta, kǝthlǝm kǝ chaˈanchi nafchi har. 2Tertǝ nggommǝn nafchǝ tauran kandǝ ha, chich yimndǝn kǝ hur kombawal chokkan ha, paɗ nat tertǝ nggommǝn nafchaˈan thlarkandǝha mii hawurtaˈan.
3Mbuˈankan ichǝ tanda terchan tǝ sakchaˈan, ndat wa, “Thlǝ huɗatsi ɗikan kǝ hǝngga kǝthlǝm kǝ weˈya weˈta. 4Mǝthlan hur weˈya weˈtaˈan, fowun weˈchaˈan hǝmkandǝ kǝ hur mbanda, ɓak ɗiicha chehanda. 5Fowun paɗ hǝmkandǝ kǝ ɓǝra fǝrtǝɗi nech ɗar fera. Tifkandǝ kesh lelet kǝthlǝm fǝrtǝɗi nech minni hwengnga wa. 6Paɗ kǝ tǝkkǝ wat fartǝ ha, lifirkandǝ kaɗi, hwarkandǝ kaɗi, kǝthlǝm thlaarchǝyandǝ pawandǝ fat ha kǝ hahǝ kaan wa. 7Fowun weˈtaˈan hǝmkandǝ kǝ mǝɗi na tahchǝsi. Mankanda, njipang kǝ tahchǝ tanda. 8Fowun weˈchaˈan paɗ hǝmkandǝ kǝ kwastǝ haha. Nggǝt kandǝ wancha kumchǝt kum (100), fowun kumchit mitcha (60), fowun paɗ kumchit mahkan (30). 9Nat thla yahchǝ kǝ sǝktǝ ǝnɗi nati mbuˈta, kǝ sakanchǝ ha.”
Mbuˈ Yesu ǝnɗi chicha chǝtǝn ter tǝ wuɓtǝ ndikcha
(Mar 4:10-12; Luk 8:9-10)
10Ɓak kǝmsichi Yesu kǝmɗiyan, chǝhan kanda wa, “Kǝthlǝm mǝ thlǝ natu chǝt ter tǝ wuɓtǝ ndikcha maachǝ shenuˈtǝ tǝ nafcha?”
11Nggǝman kǝ Yesu tanda wa, “Kun malowunchǝ fee kǝ sǝnwun saktǝ kuturakti hulafǝrta, paɗ fen fǝrawu fee tanda wa. 12Chikawuni thla naa ǝnˈyansi naa fee chekandǝ kafˈyan tǝ paɗ kǝ mbǝs manchan. Thla nawaktǝ ǝnˈyansi, chǝka thla nessan nguɗyeh naa fee thlǝta. 13Ənɗi chich thlǝ ndikti tǝ wuɓtǝ ndiktǝ kǝmɗiyanda, ndaˈan nech kǝ, “Kǝthlǝm chika thlǝ nechandǝ ɗimbanda, nawanda. Thlǝ kechandǝ thlǝmat ha, paɗ sǝk wanda wa, ndu paɗ kǝ wathlandech ha. 14Ə mǝɗyanda mbuˈtǝ Ishaya thlǝ shenuˈtǝ tǝ yahti Farta ndiiɗ ha kǝ ɓǝra tǝnanda. Ndakan wa,
“Nowun naa sǝktǝ tǝ thlǝmechˈyowun,
paɗ nee wathlowun chǝ ha wa.
Nowun naa ndǝpat ha tǝ wenitǝyowun,
paɗ nowun sǝn ǝnɗi nech huran wa.
15Kǝthlǝm wanɗǝkaɗati nafchiɗa shin kaɗi,
thlǝ chanchan tandǝf ˈyangˈyang kǝ sǝkndǝ tǝ thlǝmechˈyanda.
Paɗ nggǝlandǝ wenitǝyanda
kǝthlǝm mǝ nandǝ tǝ wenitǝyanda wa,
paɗ mǝ sǝkndǝ tǝ thlǝmechˈyanda wa.
Kǝthlǝm kǝ sǝnndǝ sakchaˈan ǝ wanɗikadechˈyanda wa,
nech ɗǝf tandǝ kǝ malandǝ ɓǝɓifechˈyanda. Kǝ nggǝrandǝˈin kaɗ kǝmɗinchi, nggǝt paɗ kǝ kǝnani tandǝ kaɗi.
16Mbǝs ǝnhar kǝmɗi wenitiyowun, kǝthlǝm thlǝ nechandǝ mǝta. Thlǝmechˈyowun paɗ kǝɗu kǝthlǝm thlǝ sǝkchanda. 17Kittaˈan nati mbuˈowunda. Fǝ shenuˈtǝ tǝ yahti Farta, tǝ kaa nafcha terchan mǝthlan kwaskwassa tandǝ kaan, kǝ nandǝ ǝnɗi nat wun nata, paɗ nawanda wa. Paɗ kǝ sǝk ndǝ ǝnɗi natwun sǝkta, paɗ sǝk wanda wa.”
Mbuˈ Yesu saktǝ wuɓtǝ ndiktǝɗi chǝtǝn kǝ dar nafɗi weˈech weˈta
18“Kamthlǝmat ha kǝ sǝkwun saktǝ wuɓtǝ ndikta tǝ nefa thlǝ weˈya weˈta. 19Sǝk fowun nafchǝ kusheˈtǝ saktǝ kuturakta paɗ wathlawu kusheˈtan tandǝ ha wa, ɓak hweˈrǝ thlǝnandǝ ǝnɗi hǝftǝ fee hur wanɗǝkaɗati nafan. Thleya nech kǝ weˈtǝɗi hǝftǝ fee ɗar mbanda. 20Weˈtǝɗi hǝmchǝ kǝ ɗar fǝrtǝɗi farɗi paɗ, mǝthlan nech kǝ nafɗi sǝkchǝ ndikti kuturakti hulafǝrta, chat thlǝ kan tǝ wanɗǝkaɗat chǝɗchǝɗ. 21Paɗ nakan pawa thlaarchǝ ha ndiˈchan wa, kǝrǝs kandǝ yi wanmǝnchǝ ngguɗyeh. Kǝ ɓak ɓahta kǝthlǝm ndik kuturakti hulafǝrta, chat nggǝrang kandǝ in kǝrsǝn hur fǝr kitˈyanda. 22Weˈtǝɗi hǝmchǝ kǝ hur tahchǝ paɗ, mǝthlan nech kǝ nafɗi sǝk chǝ ndik kuturakti hulafǝrta. Ɓak ɓillacha yi heshi, tǝ yah wurmakta njipang kan ndiktaˈan, chokkan pawa wanchǝ kafa wa. 23Weˈtǝɗi hǝmchǝ kǝ kwastǝ mǝt paɗ, mǝthlan nech kǝ nafɗi maa sǝktǝ ndik kuturakti hulafǝrta, paɗ wathlankǝ ndiktaˈan ha. Pakan wanchǝ kaf yowuna kumchǝt kum (100), yowun kumchǝt michcha (60), ǝ yowun paɗ kumchǝt mahkan (30).”
Wuɓtǝ ndikta tǝ ushina hur alkama
24Nggǝr kǝ Yesu mbuˈan wuɓtǝ ndiktǝ tanda ndakan wa, “Naa fee mbahan kaɗandǝ kutǝrakti hulafǝrta tǝ nafɗi hǝfchǝ weˈtǝ ndiˈchan ǝ hǝnggǝyan. 25Paɗ ǝ wanshengngǝnɗi na chǝkawun saˈena, atekretiyan ɗǝkan hǝf weˈtǝ yowun ushina ǝ hǝnggi alkama, pǝɗakan kumichaˈan. 26Kǝ tif kǝ alkamataˈan mankan, nggakkan chendǝ wanɗar indǝ kesh kǝ nggǝt tǝ wancha, mankǝ usunchaˈan paɗ. 27Fǝ tarchi thlǝwuran ɓakandǝ chǝhan mee wa, ‘Thlǝ wira, awi, ngga kwastǝ weˈta hǝftu ǝ hǝngiyo wa? Ɓech usunchiɗiya ayi?’
28“Ndangkan tanda wa, ‘atǝkretǝna chich ǝnɗiya.’
“Ndangkǝ fǝ tarchiyan wa, ‘Yehǝnsi kǝ ɗǝˈǝn ɓǝtandǝ usunchaˈan kaɗ wa?’
29“Paɗ ndakan wa, ‘Auwa, maˈ ya kan ɓǝtandǝ usunchaˈan kaɗi, nowun ɓǝtandǝ kaɗ nat tǝ alkamataˈan. 30Malaman usunchaˈan kǝ manndǝ ɓukwa tǝ alkamataˈan kǝ fartǝ hathla. Far hathlan ni ndaandǝ fǝ hathl chaˈan wa, tǝrkwathl kan ǝnɗi natndǝ chǝta. Kǝ hwaˈchandǝ usunchaˈan kǝ kǝthlar, kǝ kǝnanda njir njir, kǝ njang fee kaɗi. Kǝrsaɗan paɗ, kǝ wumawun alkamataˈan kǝ thlǝrwun kǝ hur ɓiɗǝuwinchi.’”
Wuɓtǝ ndikta tǝ weˈtǝ wan mastad
31Nggǝr kǝ Yesu fǝran tandǝ yowun wuɓta ndikta ndakan wa, “Kuturakti hulafǝrta nechan kǝɗ weˈtǝ mastad thla tǝrtǝ yowun hǝfkan ǝ hǝnggǝyan. 32Chǝka nakan mǝthlan nech ngguɗyeh hur takǝt weˈcha, paɗ maa menni, thlǝ pǝɗanchan takǝt ichiɗi ha nech hur sǝsata tǝ manda. Kǝ ɓǝ ɗiicha tahǝs kǝnndǝya nda ǝ wanharchaˈan.”
Wuɓtǝ ndikta tǝ yisti
33Nggǝr kǝ Yesu fǝran tandǝ wuɓtǝ ndikta. Ndakan wa, “Kuturakti hulafǝrta nechan kǝɗ yisti, tǝrkǝ nunefa kurtankan ha tǝ fuwha alkamataˈan taso mahkan. Kǝmankǝ yistitaˈan fuwha alkamataˈan ha, hupkan.”
Chǝ Yesu ter tǝ wuɓtǝ ndikcha
34Ɗikchǝ Yesu tǝ nggomǝn nafchaˈan tǝ wuɓtǝ ndikta. Mbuˈawa tandǝ ǝna wa, maangga wuɓtǝ ndikta wa. 35Kǝthlǝm chich fee ǝnɗa, ndiiɗan tǝ ǝnɗi mbuˈtǝ thlǝ shenuˈtǝ tǝ yahtǝ Farta Ishaya ha. Ndakan wa,
“Ni ndikta tǝ tandǝ hur wuɓtǝ ndikta,
nii mbuˈandǝ tandǝ ǝnɗi nech wuɓta tǝrkwathl kan tǝn heshi.”
Mbuˈ Yesu saktǝ wuɓtǝ ndikta yi usuncha hur hǝngga alkama
36Malkǝ Yesu nggomǝn nafchaˈan ha, yimkan kǝ hur wira, ɓak kǝmsichiyan mbǝsˈndi paɗ. Ndang kanda wa, “Mbuˈaˈanndǝn mǝ na wuɓtǝ ndiktǝ usunɗi ǝ hur hǝngga alkama tǝɗi sakta.”
37Nggǝman kǝ Yesu, ndakan wa, “Thla hǝfchǝ weˈtǝ ndiˈchan mǝthlan nech kǝ nggǝta Waˈi Nefa. 38Hǝnggiˈan paɗ ndaˈan nech kǝ heshi. Kwastǝ weˈtaˈan paɗ ndaˈan nech kǝ wanchi kuturakta. Usunchaˈan paɗ fen nech kǝ wanchi hweˈra. 39Paɗ atǝkretǝɗi hǝfchi usunɗi, mǝthlan nech kǝ hweˈra. Fartǝ hathlan paɗ, ndukwa heshi. Fǝ hathl chaˈan paɗ fen nech kǝ fǝ thlǝnchi Farta.
40“Kǝɗ ǝnɗi nggomandǝ fee usuncha kǝ njang fee kaɗi, nechan nat kǝɗu ǝ ndukwa heshi. 41Nggǝta Waˈi Nefa nii thlǝn fǝ thlǝnchinchi, nandǝ kǝtandǝ nat thlaˈtǝ kuturaktiyan. Nat ichiɗi thlǝ ɗǝf chǝ nafcha kǝ chǝndǝ ɓǝɓifata, tǝ paɗ fee thlǝ kǝwakchǝ ǝnɗi kǝmwakchǝsi, kǝ chen fee tandǝ kesh. 42Nandǝ cham tandǝ kǝ hur wur wata thla nech welǝla kaˈan. Ə minni nandǝ naa tǝta tǝ kang wanthlancha. 43Wanshengngǝn chǝˈini fee nech chiɗ chiɗ nandǝ chimndǝfa kǝɗ watfarta hur kuturakti Chinnanda. Nat thla yahchǝ sǝk ǝnɗi nati mbuˈta, kǝ sǝka.”
Wuɓtǝ ndikta tǝ kǝnawa thla nech ǝ wuɓta
44“Kuturakti hulafǝrta nechan nat kǝɗ kǝnawa thla wuɓandǝ fee ǝ hǝngga. Thla naa yowuna, nggǝrkan wuɓanda. Kǝthlǝm ɓǝnfata hiyankan ichiɗi nessiyan kaɗ nat, hiyan kan hǝnggiˈan.”
Wuɓtǝ ndiktǝ tǝ ɗakwan pǝlaarǝcha
45“Paˈ kǝ nakanya, kuturakti hulafǝrta nechan kǝɗ wan lǝmo, thlǝ kaa ɗakwan pǝlaarǝcha. 46Kǝ mbǝskan yowun ɗakwan pǝlaaran thla nech ˈyangˈyang, pǝɗakan hiyandǝ ichiyan kaɗ nat thla nessan, hiyan kan.”
Wuɓtǝ ndikta tǝ mapaa kǝs yirfa
47“Paˈ kǝ nakanya, kuturakti hulafǝrta nechan kǝɗ mapaa kǝs yirǝfcha, thla mǝk tǝ fee kǝ hur hawurta kǝskan weˈtǝ yirifchǝ samǝn samǝn. 48Kǝ ndiiɗ kǝ mapaɗan, kahangkǝ fǝ kǝsh yirifchaˈan kesh kǝ mii chichangnda. Chokkandǝ ha, taɗan kandǝ kwastǝ yirǝfchaˈan, thlǝr kandǝ kǝ hur inafta. Thlǝran kandǝ sǝɓchaˈan kaɗi. 49Nechan choktǝ kǝɗu ǝ ndukwa heshi. Fǝ thlǝnchi Farta nandǝ ɓat kǝ taɗandǝ kesh, kǝ ɗatandǝ ɓǝɓi nafchǝ kesh hur fǝ kaa fee cha. 50Paɗ kǝ chamndǝ sǝɓtǝ nafcha kǝ hur wur wata thla nech welǝla kaˈan. Mǝɗi nat ɗǝ tǝta tǝ kang wanthlancha.
Yuwa kǝnawa tǝ ɗohtaˈan
51“Chǝhan kǝ Yesu tanda wa, “Tapi wathlowunchi chaˈaɗiya ha nat wa?” Nggǝmang kanda, ndakanda wa, “Aa, wathlaˈanchǝ ha.”
52Ndangkan tanda wa, “Kǝthlǝm ndaˈan nat thlǝ chaˈandǝ kusiˈ i Musa kaɗi, thla chok paɗ kǝ kǝmsha i kuturakti hulafǝrta. Nechan kǝɗ thlǝwira, thla kǝtanchi yuwa icha tǝ ɗohtaˈan kesh ǝ hur ɓinɗǝuˈyan, kǝthlǝm kǝ chakantǝ nafcha.”
Nafchi mǝrɓi Nazarat, karndǝ Yesu
53Kǝ tǝɓankǝ Yesu mbuˈ wuɓtǝ ndikchiˈini, chat malkan minni ha. 54Ɓak Yesu kǝ mǝɗi nggǝt tǝ fee ndi ǝ Nazarat, chaˈankan nafchǝ har hur wur nggomndiyanda. Fee sǝkchǝ ndi, sakan kǝ indǝ tanda. Ndakanda wa, “Mbǝschǝ nafɗa mbǝrˈǝniɗa ai kǝɗaya, tǝ paɗ alkǝt chǝt ichiɗa yi saka inchiɗiya? 55Ngga mǝthlan nech kǝ waˈi thlǝ kukwa ichiɗi kǝ hishwa wa? Ngga manan nech kǝ Maryamu wa? Ngga wanmanchaˈan nech kǝndǝ Yakubu, tǝ Yusufu, tǝ Siman, tǝ Yahuda wa? 56Ngga wanmanchaˈan kǝ nǝssa tandǝ mǝɗya tǝ minchǝ wa? Thlǝch nafɗa ichiɗiya ayi?” 57Kǝthlǝm ndaˈan, karkandǝ fǝr kit kǝ ndi.
Ndang kǝ Yesu tanda wa, “Thlǝ fǝranchǝ fee maandǝ thlǝ shenuˈtǝ tǝ yahti Farta chǝktǝ yenni, paɗ mǝrɓiyan, tǝ wirˈyan, fǝranwandǝ maanda wa.” 58Kǝthlǝm ndaˈan, chǝwa tar sakaˈincha ǝ minni kaan wa, kǝthlǝm kumi fǝrkit ˈyanda.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation