Luqka 22
22
A'khan (22)
Boiyesuqa án tukai án klai khoeq klong
(Mate 26:1-5; Makuq 14:1-2; Yawhan 11:45-53)
1Patakha pawi taeng án hau khoeq ta'sepawaq khoeq puqpawi án saiyai khoeq khing a'mcouq hni. 2Yahaenpaw lang haqloeq klam hmotsaw haqkhoeq khlaung haqla án keiq klongoeng Boiyesuqa pikha a'klong sui uk loeq án tuk laqlai yoe? nakkhoeq lawm án sui. 3Yaqkhowa Cadan khoeq ta'paiq ha'laihneiq tau wa khoeq poemak a'phlaet khoeq Yudaqsakayouq taeng an hau khoeq Yudaq duka a'wona teq 4Yadasakyouq khoeq Yahaenpaw lang haqloeq Boipaw a wotpyuq dun kyonga khoeq a'lang haq hma cit loeqteq Boiyesuq khoeq yaqhniq kuta kha a'awp laqai yoe? nakkhoeq án toengbang. 5Yaqhniq loeqkhaw nana haet nauk uk loeqteq Yudaqsakayouq wa haen án paekai khoeq án mlung án tuyi. 6Yudasakayouq loeqkhaw a'mlung tuyi loeqteq khlaung haq moeiq yaq uk khoeq khinga Boiyesuqa a'manai khoeq a'cawnauk.
Boiyesuq loeq ta'paiq poemhneiqa Patakha pawi an calangai tawiq ya a'teiq hoeiq khoeq klong
7Yaqkiyoeng ta'sepawaq khoeq mup pawi hnup taeng án hau khoeq patakha pawi tawiq toecaw án puzawai khoeq hnup a'phaw hni. 8Yaqklongoeng Boiyesuq loeq Petaruq loeq Yawhana patakha pawi khoeq keiyoeng nán ei homai khoeq tawiq ya cithni tiloeq saihoet tehniq taeng a'hau hoeiq. 9Yaqhniq loeqkhaw, Boi yoe keihniq loeq baung a kan sai naka a'boeiyaiyoe? taeng an hiq. 10Boiyesuq loeqkhaw, nanghniq khoeq mloeq duka nan won nak loeq aungsaen koeq loeqteq a'lo khoeq khlaung poemakoeng nan khomi loeq yaq khlaung a'won khoeq ima wonpawq boei hniq. 11Yaqkiloeq im mawqa, ka'hniq sa'la loeq yaq ta'paiq haqloeng patakha pawi a'mulawm ei án ei yai khoeq dun a'mplaq haqlai khoeq nanga hiqsauk a'mtoeq haq taeng hau boei tuk. 12Yaqnaka im mawq loeq nanghniqa a'honthapa a'mciqi pui nauk haqloeq teq a'ya uk khoeq kan a'mplaq hoeiq lai. Yaq khana sai boei tuk taeng a'hau haq. 13Yaqkiyoeng Petaruq loeq Yawhan khaw sot hniq loeqteq Boi loeq a'sin hoeiq khakhut patakha pawi tawiq a'pawilanga an sai.
A'msum ei pawi
(Mate 26:26-30; Makuq 14:22-26)
14Án ei yai khing a'phaw loeq Boiyesuq khoeq ta'paiq haqloeng eipawiya án ngunghmo. 15Yaqkiyoeng Boiyesuq loeq yaqhniqa, kei khoeq hnga'lai kawmhang loeq ka'du hmaungkawm nei patakha pawi khoeq nanghniq oeng ka'ei homai khoeq nana ka'loyi. 16Nanghniqa keiloeq ka'mhau haqkhoeq teq patakha pawi khoeq Boipaw khomcaenga a'luiq mawoeng nei pawi khoeq keiloeq ei ta'hlang taeng yaqhniqa a'hau haq. 17Yaqkiyoeng khap louq loeqteq Boipaw a a'hmlokthaq kiyoeng, nei khap khoeq louqi tuk loeq ok hom mouk. 18Nanghniqa keiloeq ka'mhau haqkhoeq teq to ta'koeiq mcaq loeqteq Boipaw khomcaeng a'phaw mawoeng ca'byeit taiqya a'phlaet khoeq hau keiloeq ka'ok beqai seiyaq taeng a'hau haq. 19A'la muq louq loeqteq Boipaw a a'hmlokthaq kiyoeng muq phaiq loeq yaqhniqa paek haqloeq teq, nei muq khoeq nanghniq tawiq keiloeq ka'tong khoeq keipum a'phlaet. Keiya sa'diq a'mlaq haqlai tawiq ya nei kha sai boei tuk taeng a'hau haq. 20Yaqkhakhut a'muei án ei kiloeq ca'byeit haung khap khaw louq loeqteq, nei khap khoeq nanghniq tawiq ya ka'lei khoeq kei a'thiya a'moeiq khoeq pa'ranyein tha a'phlaet. 21Seiloeqkhaw keiya a'mawpai khoeq khlaung kut khoeq kei hui tu eipawiya a'moeiq. 22Khlaungcaw khoeq yaq hnup a'phaw khoeq khinga a'ciq laqai khoeq a'layi. Seiloeqkhaw khlaungcawa a'awp khoeq khlaung teq oeqcaq hlaq taeng a'hau. 23Yaqateq ta'paiq haqkhoeq má hniq tau wa khoeq a'ni loeq yaqkha a'saiwaiq yoe? taeng poemak loeq poemak án hiqi.
A'ni a'laen haekoe? nakkhoeq án myangi nauk klong
24Yaqkiyoeng yaqhniq duka a'ni a'laen haek taeng mám khin laqai yoe? nakkhoeq poemak loeq poemak án myangi nauk. 25Yaqklongeng Boi loeq, a'coe khlaungmyoe mang haqloeq yaqhniq plei saw haqla a'maengoeng uksuk uk loeqkhaw yaqhniqa yaqhniq a'pawi khoeq mang haq taeng a'hau án loeyi. 26Seiloeqkhaw nanghniq khoeq yaqhniq haq khakhut saiyai tuk. Nanghniqa a'muksuk haq saw khaw ta'paiq khakhut a'phlat laqai. A'lang khaw mya khut a'omtheiq laqai. 27Eipawiya ngung loeqteq a'eiyaisaw loeq ei ok haq a'calang paek sawa a'ni a'sum a'won haekoe? Eipawiya a'ngung saw khoeq a'laeng haek seiyaq moe? Seiloeqkhaw kei khoeq nanghniqa ei ok haq a'calang paek saw khakhut ka'phlaet. 28Nanghniq loeq keiya pikhowakhaw a'hmyaqa tuk. Hnga'lai haqloeng khomi laq hang loeqkhaw nanghniq khoeq keiyoeng nán om hom khoeq khlaung haq nán phlaet. 29Kei pawu loeq yaq khomcaeng khoeq keiya a'mpaek khut kei khomcaeng khoeq nanghniqa kamawp haq kiyoeng 30Nanghniq khoeq kei khomcaenga a'moeiq khoeq eipawiya ngung tuk loeq nán ei ok laqai. Yaqkiyoeng nanghniq khoeq kei nawna ngung tuk loeqteq Iqtayelaq khlaungmyoe ha'laihneiq khoeq nán thin cong laqai.
Petaruq loeq a'myangai nakkhoeq maw loeq a'hau khoeq klong
(Mate 26:31-35; Makuq 14:27-31; Yawhan 13:36-38)
31Yaqkiyoeng Boiyesuq loeq Siqmou Siqmou, hnyin boei. Zungcaung a'mti khakhut Cadan loeq nanghniqa a'mti haqlai tawiq ya khwai a'mtongi hni. 32Siqmou, nang na'myumi khoeq klok hlaq tawiq ya suq ka'mtongi paek. Keihma na'lo ba khoeq khinga na'ta nau haq án phlaet khoeq a'coe ta'paiq haqloeq án myumi khoeq mlung khaw nei thauka caetong sai haq baboei taeng a'hau. 33Petaruq loeqkhaw Boi yoe, kei khoeq Boi hui tu thong duka pak seisei, a'du duna pak seisei ka'lo pawqai taw noeng taeng a'hau. 34Boiyesuq loeqkhaw Petaruq oe nanga ka'mhau khoeq teq, tohnupa a a'khon mawoeng nang loeq keiya hmotaahang taeng patthum a'myangai taeng a'hau.
Khi, haenkhi, loeq cim
35Yaqkiyoeng Boiyesuq loeq ta'paiq haqla, keiloeq nanghniqa khi, haenkhi loeq khocum haq paw ta'ong ka'mteiq haq kho wa nanghniqa pi a'loebeq oe tang ka'mhiq haq kho wa pikhaw loecaq taeng nán hau. 36Yaqateq Boiyesuq loeq, towa haenkhi a'moeiq naka ciqi youq. Nán oeiyai khoeq khi a'moeiq naka khaw ciqi youq. Nanghniqa cim moeiq yaq loeq wawt boengak yeiq tuk loeq cim hleiq oek. 37Nanghniqa keiloeq ka'mhau haqkhoeq teq, yaqkhoeq ta'la moeiq yaqkhoeq ca'langa a'thoen a'laqi yai taeng klamcawa kei klong yok uk loeq án tauk khakhut a'luiqyai klongoeng a'phlaet. 38Yaqateq ta'paiq haqloeq, Boi yoe so hme, keihniq hma cim laenghneiq a'moeiq taeng án hau wa teq Boiyesuq loeqkhaw ma'laqhni taeng a'hau haq.
Tanlwein tonga suq a'tongi khoeq klong
(Mate 26:36-46; Makuq 14:32-42)
39Yaqkiyoeng Boiyesuq khaw paengtoeng a'sainown khakhut tanlwein tonga a'ciq. Ta'paiq haqkhaw yaq hnu woeng án toemi pawq. 40Yaq dun án phaw loeq Boiyesuq loeq ta'paiq haqla, a'hmlaekinauk laqi hlaq tuk tawiq ya suq tongi boei tuk taeng a'hau haq. 41Yaqkiyoeng Boi khaw yaqhniq oeng lung weiqakca baung a'hlawa cit loeqteq a'mkhuklu khlawqi loeqteq 42Oe pawu woe, keiya a'phlaetai khoeq nei hnglai khoeq keihma khoeq a'mphaeng paek hme. Seiloeqkhaw Boipaw loeq na'mlung a'moeiq khut noeng phlaet teseq. Kei ka'mlung a'moeiq khakhut phlaetaq taeng taeg suq a'tongi. 43Yaqateq mehona khoeq mehon saw haq lo uk loeqteq Boiyesuqa a'ta án paek ba. 44Boiyesuq khoeq nana a'mlung sounglai loeqteq a'mlung paw loeq suq a'tongi kho wa Boi hma a'klawq khoeq a'mkhlawn haqteq a'thi a'long khut daeka a'klawq. 45Yaqkha suq a'tongi kiloeq Boiyesuq khaw tho loeqteq ta'paiq haq án moeiq duna a'lowa teq ta'paiq haqkhaw yaidak uk loeqteq án iq khoeq noeng a'khom haqlateq, 46Boi loeq ta'paiq haqla, a'piya nán iq oe? Thotuk loeqteq khlaung haq a'hmlaekinauk haqhlaq tawiq ya suq tongi boei tuk taeng a'la sa'diq a'paek haq.
Boiyesuq mhnam loeqteq a'man khoeq klong
(Mate 26:47-56; Makuq 14:43-50; Yawhan 18:3-11)
47Boiyesuq loeq yaqkha a'hau haq tuna khlung lui luiyak khoeq Boi hma án lo. Yaq khlaung lui tau wa ta'paiq ha'laihneiq duka poemak a'phlaet khoeq Yudasakayouq loeq a'loyi pui nauk haq. Yudaq loeq Boiya a'mhnamai khoeq a'phaela a'ciq. 48Seiloeqkhaw Boiyesuq loeq yudaq oe, nang loeq khlaungcawa mhnam tiloeqteq khlaungsei haq kuta na'aupai moe? taeng a'hiq. 49Ta'paiq poemak loeq yaqkha a'phlaet khoeqhaq a'hmuq loeq, Boi yoe, keihniq loeq yaqhniqa cimoeng kán thungi laqai moe? taeng a'hiq. 50Yaqkiyoeng Yahaenpaw lang ta'paiq poemaka cimoeng a'sawqa teq saet poet hnaw a'baetoeq. 51Boiyesuq loeqkhaw, nei hyawqoeng mdum hne taeng hau loeqteq yaq a'baet khoeq mya hnaw khoeq a'kutoeng a'tapaek bala teq a'pawi ba. 52Yaqkiyoeng Boiyesuq loeq yaqa án manai án lo khoeq Yahaenpaw lang haq, Boipawa wotpyuq dun kyong cong saw haqloeq Yudaq khlaung cang haqla, nanghiq loeq keiya damblaqa nán man khut tuk haq cim haq khaek tuk loeq piya nán lowoe? 53Kei khoeq hnuptoeng Boipawa wotpyuq dun kyonga ka'moeiq kho wa piya a'mana tuk koe? Sei loeqkhaw nei khing khoeq nanghniq khing a'phlaet klongoeng manaq khaw yaq loeq pawi yaq khoeqhaq a'saiyai khoeq a'khing a'phlaet taeng a'hau haq.
Petaruq loeq Boiyesuqa a'myang khoeq klong
(Mate 26:57-58,69-75; Makuq 14:53-54,66-72; Yawhan 18:12-18,25-27)
54Yaqkiyoeng yaqhniq loeq Boiya man uk loeqteq Yahaenpaw lang ima án ciqi pui nauka teq Petaruq khaw a'hlaw ta'thoq a'hnu woeng a'toemi. 55Khlai duka boengak khlaung haqloeq mi án omi tuna Petaruq khaw yaqhniq laikla a a'ngung pawq. 56Yaq tuna myanu poemak loeq Petaruq a'ngung pawq khoeq a'hmuq loeq yaqa a'kutyungoeng mkhiq loeqteq, nei khlaung khaw a'man a'laqi khoeq Yesuq hui tu a'ompawq khoeq khlaung a'phlaet taeng a'hau. 57Yaqateq Petaruq loeq yaq hna'tawa keiloeq yaq khlaunga hmawtaq hang taeng a'myang. 58A'tawncaw a'kla loeq khlaung poemak loeq Petaruqa a'hmuq loeq, nang khaw yaqhniq tau wa khoeq pomak na'phlaet taeng a'hau. Seiloeqkhaw Pataruq loeq, kei yaqhniq tau wa khoeq seiyaq hang tang a'myang tuba. 59A'la nayiyak baung a'kla loeq a'coe klaung poemak loeq, nei khlaung khaw Galilae plei saw phlaet loeqteq Yesuq hui tu a'ompawq khoeq a'sikcang taeng a'hau. 60Seiloeqkhaw Petaruq loeq, nang na'hau khoeq keiloeq hmotaq hang taeng a'myang tuba. Yaqkha a'myang tuna a khaw a'kawn toeq. 61Yaqateq Boiyesuq loeq Petaruqa a'touqi. Petaruq khaw Boi loeq a'hau hoet khoeq, tohnupa a a'khawn mawoeng nang loeq patthum a'myangai taeng a'hau khoeq plau sa'diq a'laq bala teq, 62a'planga sot loeqteq mpoq loeq a'kaq toeq.
A'souq hau a'laqi khoeq Boiyesuq
63Boiyesuqa a'cong saw haqloeq Boiya mtaklaek nauk uk loeq án souq. 64Boi mik khoeq wawtoeng pit uk loeqteq, nanga a'ni loeq a'msouq woe? nakkhoeq hau hme taeng hau uk loeqteq, 65a'coe pawi yaq khoeq plau haqloeng khaw Boiyesuqa án mkok.
Ta'la yunga Boiyesuq a'caet a'laqi khoeq klong
(Mate 26:59-66; Makuq 14:55-64; Yawhan 18:19-24)
66Kho a'wa loeq Yahaenpaw lang haq, klam hmotsaw haqloeq Yudaq khlaung cang haqloeq ta'la yunga Boiya áncaetcawq.
67Yaqhniq loeq Boiyesuqa, nang khoeq a'klawnsa Boikhreitaw a'sik moe? keihniqa a'mhau haqle taeng án hiq. Boiyesuq loeqkhaw, a'layi taeng ka'hau haq naka nanghniq loeq a'myumi hlaq tuk. 68A'klawn saw Mesiyaq klong nanghniqa ka'mhiq haq naka khaw nanghniq loeq hau hlaq tuk. 69Seiloeqkhaw to ta'koeiq mcaq loeqteq khlaungcaw khoeq Boipaw a'tat saet pa'toeng a'ngungai taeng a'hau haq. 70Yaqateq Yaqhniq loeq, yaqnaka nang khoeq Boipawcaw na'phlaet moe? taeng án hau. Boiyesuq loeqkhaw nanghniq nán hau khakhut a'layi taeng a'hau haq. 71Yaqhniq loeqkhaw a'pisauksi a'loebeq oe? Yaq plau a'soq khoeq keihniq loeq kán ya uk laqhni taeng án hau.
Iliyochaguliwa sasa
Luqka 22: CSV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chin, Sumtu Bible by Beyond Translation is licensed under Creative Commons Attribution-ShareAlike 4.0 License.
Luqka 22
22
A'khan (22)
Boiyesuqa án tukai án klai khoeq klong
(Mate 26:1-5; Makuq 14:1-2; Yawhan 11:45-53)
1Patakha pawi taeng án hau khoeq ta'sepawaq khoeq puqpawi án saiyai khoeq khing a'mcouq hni. 2Yahaenpaw lang haqloeq klam hmotsaw haqkhoeq khlaung haqla án keiq klongoeng Boiyesuqa pikha a'klong sui uk loeq án tuk laqlai yoe? nakkhoeq lawm án sui. 3Yaqkhowa Cadan khoeq ta'paiq ha'laihneiq tau wa khoeq poemak a'phlaet khoeq Yudaqsakayouq taeng an hau khoeq Yudaq duka a'wona teq 4Yadasakyouq khoeq Yahaenpaw lang haqloeq Boipaw a wotpyuq dun kyonga khoeq a'lang haq hma cit loeqteq Boiyesuq khoeq yaqhniq kuta kha a'awp laqai yoe? nakkhoeq án toengbang. 5Yaqhniq loeqkhaw nana haet nauk uk loeqteq Yudaqsakayouq wa haen án paekai khoeq án mlung án tuyi. 6Yudasakayouq loeqkhaw a'mlung tuyi loeqteq khlaung haq moeiq yaq uk khoeq khinga Boiyesuqa a'manai khoeq a'cawnauk.
Boiyesuq loeq ta'paiq poemhneiqa Patakha pawi an calangai tawiq ya a'teiq hoeiq khoeq klong
7Yaqkiyoeng ta'sepawaq khoeq mup pawi hnup taeng án hau khoeq patakha pawi tawiq toecaw án puzawai khoeq hnup a'phaw hni. 8Yaqklongoeng Boiyesuq loeq Petaruq loeq Yawhana patakha pawi khoeq keiyoeng nán ei homai khoeq tawiq ya cithni tiloeq saihoet tehniq taeng a'hau hoeiq. 9Yaqhniq loeqkhaw, Boi yoe keihniq loeq baung a kan sai naka a'boeiyaiyoe? taeng an hiq. 10Boiyesuq loeqkhaw, nanghniq khoeq mloeq duka nan won nak loeq aungsaen koeq loeqteq a'lo khoeq khlaung poemakoeng nan khomi loeq yaq khlaung a'won khoeq ima wonpawq boei hniq. 11Yaqkiloeq im mawqa, ka'hniq sa'la loeq yaq ta'paiq haqloeng patakha pawi a'mulawm ei án ei yai khoeq dun a'mplaq haqlai khoeq nanga hiqsauk a'mtoeq haq taeng hau boei tuk. 12Yaqnaka im mawq loeq nanghniqa a'honthapa a'mciqi pui nauk haqloeq teq a'ya uk khoeq kan a'mplaq hoeiq lai. Yaq khana sai boei tuk taeng a'hau haq. 13Yaqkiyoeng Petaruq loeq Yawhan khaw sot hniq loeqteq Boi loeq a'sin hoeiq khakhut patakha pawi tawiq a'pawilanga an sai.
A'msum ei pawi
(Mate 26:26-30; Makuq 14:22-26)
14Án ei yai khing a'phaw loeq Boiyesuq khoeq ta'paiq haqloeng eipawiya án ngunghmo. 15Yaqkiyoeng Boiyesuq loeq yaqhniqa, kei khoeq hnga'lai kawmhang loeq ka'du hmaungkawm nei patakha pawi khoeq nanghniq oeng ka'ei homai khoeq nana ka'loyi. 16Nanghniqa keiloeq ka'mhau haqkhoeq teq patakha pawi khoeq Boipaw khomcaenga a'luiq mawoeng nei pawi khoeq keiloeq ei ta'hlang taeng yaqhniqa a'hau haq. 17Yaqkiyoeng khap louq loeqteq Boipaw a a'hmlokthaq kiyoeng, nei khap khoeq louqi tuk loeq ok hom mouk. 18Nanghniqa keiloeq ka'mhau haqkhoeq teq to ta'koeiq mcaq loeqteq Boipaw khomcaeng a'phaw mawoeng ca'byeit taiqya a'phlaet khoeq hau keiloeq ka'ok beqai seiyaq taeng a'hau haq. 19A'la muq louq loeqteq Boipaw a a'hmlokthaq kiyoeng muq phaiq loeq yaqhniqa paek haqloeq teq, nei muq khoeq nanghniq tawiq keiloeq ka'tong khoeq keipum a'phlaet. Keiya sa'diq a'mlaq haqlai tawiq ya nei kha sai boei tuk taeng a'hau haq. 20Yaqkhakhut a'muei án ei kiloeq ca'byeit haung khap khaw louq loeqteq, nei khap khoeq nanghniq tawiq ya ka'lei khoeq kei a'thiya a'moeiq khoeq pa'ranyein tha a'phlaet. 21Seiloeqkhaw keiya a'mawpai khoeq khlaung kut khoeq kei hui tu eipawiya a'moeiq. 22Khlaungcaw khoeq yaq hnup a'phaw khoeq khinga a'ciq laqai khoeq a'layi. Seiloeqkhaw khlaungcawa a'awp khoeq khlaung teq oeqcaq hlaq taeng a'hau. 23Yaqateq ta'paiq haqkhoeq má hniq tau wa khoeq a'ni loeq yaqkha a'saiwaiq yoe? taeng poemak loeq poemak án hiqi.
A'ni a'laen haekoe? nakkhoeq án myangi nauk klong
24Yaqkiyoeng yaqhniq duka a'ni a'laen haek taeng mám khin laqai yoe? nakkhoeq poemak loeq poemak án myangi nauk. 25Yaqklongeng Boi loeq, a'coe khlaungmyoe mang haqloeq yaqhniq plei saw haqla a'maengoeng uksuk uk loeqkhaw yaqhniqa yaqhniq a'pawi khoeq mang haq taeng a'hau án loeyi. 26Seiloeqkhaw nanghniq khoeq yaqhniq haq khakhut saiyai tuk. Nanghniqa a'muksuk haq saw khaw ta'paiq khakhut a'phlat laqai. A'lang khaw mya khut a'omtheiq laqai. 27Eipawiya ngung loeqteq a'eiyaisaw loeq ei ok haq a'calang paek sawa a'ni a'sum a'won haekoe? Eipawiya a'ngung saw khoeq a'laeng haek seiyaq moe? Seiloeqkhaw kei khoeq nanghniqa ei ok haq a'calang paek saw khakhut ka'phlaet. 28Nanghniq loeq keiya pikhowakhaw a'hmyaqa tuk. Hnga'lai haqloeng khomi laq hang loeqkhaw nanghniq khoeq keiyoeng nán om hom khoeq khlaung haq nán phlaet. 29Kei pawu loeq yaq khomcaeng khoeq keiya a'mpaek khut kei khomcaeng khoeq nanghniqa kamawp haq kiyoeng 30Nanghniq khoeq kei khomcaenga a'moeiq khoeq eipawiya ngung tuk loeq nán ei ok laqai. Yaqkiyoeng nanghniq khoeq kei nawna ngung tuk loeqteq Iqtayelaq khlaungmyoe ha'laihneiq khoeq nán thin cong laqai.
Petaruq loeq a'myangai nakkhoeq maw loeq a'hau khoeq klong
(Mate 26:31-35; Makuq 14:27-31; Yawhan 13:36-38)
31Yaqkiyoeng Boiyesuq loeq Siqmou Siqmou, hnyin boei. Zungcaung a'mti khakhut Cadan loeq nanghniqa a'mti haqlai tawiq ya khwai a'mtongi hni. 32Siqmou, nang na'myumi khoeq klok hlaq tawiq ya suq ka'mtongi paek. Keihma na'lo ba khoeq khinga na'ta nau haq án phlaet khoeq a'coe ta'paiq haqloeq án myumi khoeq mlung khaw nei thauka caetong sai haq baboei taeng a'hau. 33Petaruq loeqkhaw Boi yoe, kei khoeq Boi hui tu thong duka pak seisei, a'du duna pak seisei ka'lo pawqai taw noeng taeng a'hau. 34Boiyesuq loeqkhaw Petaruq oe nanga ka'mhau khoeq teq, tohnupa a a'khon mawoeng nang loeq keiya hmotaahang taeng patthum a'myangai taeng a'hau.
Khi, haenkhi, loeq cim
35Yaqkiyoeng Boiyesuq loeq ta'paiq haqla, keiloeq nanghniqa khi, haenkhi loeq khocum haq paw ta'ong ka'mteiq haq kho wa nanghniqa pi a'loebeq oe tang ka'mhiq haq kho wa pikhaw loecaq taeng nán hau. 36Yaqateq Boiyesuq loeq, towa haenkhi a'moeiq naka ciqi youq. Nán oeiyai khoeq khi a'moeiq naka khaw ciqi youq. Nanghniqa cim moeiq yaq loeq wawt boengak yeiq tuk loeq cim hleiq oek. 37Nanghniqa keiloeq ka'mhau haqkhoeq teq, yaqkhoeq ta'la moeiq yaqkhoeq ca'langa a'thoen a'laqi yai taeng klamcawa kei klong yok uk loeq án tauk khakhut a'luiqyai klongoeng a'phlaet. 38Yaqateq ta'paiq haqloeq, Boi yoe so hme, keihniq hma cim laenghneiq a'moeiq taeng án hau wa teq Boiyesuq loeqkhaw ma'laqhni taeng a'hau haq.
Tanlwein tonga suq a'tongi khoeq klong
(Mate 26:36-46; Makuq 14:32-42)
39Yaqkiyoeng Boiyesuq khaw paengtoeng a'sainown khakhut tanlwein tonga a'ciq. Ta'paiq haqkhaw yaq hnu woeng án toemi pawq. 40Yaq dun án phaw loeq Boiyesuq loeq ta'paiq haqla, a'hmlaekinauk laqi hlaq tuk tawiq ya suq tongi boei tuk taeng a'hau haq. 41Yaqkiyoeng Boi khaw yaqhniq oeng lung weiqakca baung a'hlawa cit loeqteq a'mkhuklu khlawqi loeqteq 42Oe pawu woe, keiya a'phlaetai khoeq nei hnglai khoeq keihma khoeq a'mphaeng paek hme. Seiloeqkhaw Boipaw loeq na'mlung a'moeiq khut noeng phlaet teseq. Kei ka'mlung a'moeiq khakhut phlaetaq taeng taeg suq a'tongi. 43Yaqateq mehona khoeq mehon saw haq lo uk loeqteq Boiyesuqa a'ta án paek ba. 44Boiyesuq khoeq nana a'mlung sounglai loeqteq a'mlung paw loeq suq a'tongi kho wa Boi hma a'klawq khoeq a'mkhlawn haqteq a'thi a'long khut daeka a'klawq. 45Yaqkha suq a'tongi kiloeq Boiyesuq khaw tho loeqteq ta'paiq haq án moeiq duna a'lowa teq ta'paiq haqkhaw yaidak uk loeqteq án iq khoeq noeng a'khom haqlateq, 46Boi loeq ta'paiq haqla, a'piya nán iq oe? Thotuk loeqteq khlaung haq a'hmlaekinauk haqhlaq tawiq ya suq tongi boei tuk taeng a'la sa'diq a'paek haq.
Boiyesuq mhnam loeqteq a'man khoeq klong
(Mate 26:47-56; Makuq 14:43-50; Yawhan 18:3-11)
47Boiyesuq loeq yaqkha a'hau haq tuna khlung lui luiyak khoeq Boi hma án lo. Yaq khlaung lui tau wa ta'paiq ha'laihneiq duka poemak a'phlaet khoeq Yudasakayouq loeq a'loyi pui nauk haq. Yudaq loeq Boiya a'mhnamai khoeq a'phaela a'ciq. 48Seiloeqkhaw Boiyesuq loeq yudaq oe, nang loeq khlaungcawa mhnam tiloeqteq khlaungsei haq kuta na'aupai moe? taeng a'hiq. 49Ta'paiq poemak loeq yaqkha a'phlaet khoeqhaq a'hmuq loeq, Boi yoe, keihniq loeq yaqhniqa cimoeng kán thungi laqai moe? taeng a'hiq. 50Yaqkiyoeng Yahaenpaw lang ta'paiq poemaka cimoeng a'sawqa teq saet poet hnaw a'baetoeq. 51Boiyesuq loeqkhaw, nei hyawqoeng mdum hne taeng hau loeqteq yaq a'baet khoeq mya hnaw khoeq a'kutoeng a'tapaek bala teq a'pawi ba. 52Yaqkiyoeng Boiyesuq loeq yaqa án manai án lo khoeq Yahaenpaw lang haq, Boipawa wotpyuq dun kyong cong saw haqloeq Yudaq khlaung cang haqla, nanghiq loeq keiya damblaqa nán man khut tuk haq cim haq khaek tuk loeq piya nán lowoe? 53Kei khoeq hnuptoeng Boipawa wotpyuq dun kyonga ka'moeiq kho wa piya a'mana tuk koe? Sei loeqkhaw nei khing khoeq nanghniq khing a'phlaet klongoeng manaq khaw yaq loeq pawi yaq khoeqhaq a'saiyai khoeq a'khing a'phlaet taeng a'hau haq.
Petaruq loeq Boiyesuqa a'myang khoeq klong
(Mate 26:57-58,69-75; Makuq 14:53-54,66-72; Yawhan 18:12-18,25-27)
54Yaqkiyoeng yaqhniq loeq Boiya man uk loeqteq Yahaenpaw lang ima án ciqi pui nauka teq Petaruq khaw a'hlaw ta'thoq a'hnu woeng a'toemi. 55Khlai duka boengak khlaung haqloeq mi án omi tuna Petaruq khaw yaqhniq laikla a a'ngung pawq. 56Yaq tuna myanu poemak loeq Petaruq a'ngung pawq khoeq a'hmuq loeq yaqa a'kutyungoeng mkhiq loeqteq, nei khlaung khaw a'man a'laqi khoeq Yesuq hui tu a'ompawq khoeq khlaung a'phlaet taeng a'hau. 57Yaqateq Petaruq loeq yaq hna'tawa keiloeq yaq khlaunga hmawtaq hang taeng a'myang. 58A'tawncaw a'kla loeq khlaung poemak loeq Petaruqa a'hmuq loeq, nang khaw yaqhniq tau wa khoeq pomak na'phlaet taeng a'hau. Seiloeqkhaw Pataruq loeq, kei yaqhniq tau wa khoeq seiyaq hang tang a'myang tuba. 59A'la nayiyak baung a'kla loeq a'coe klaung poemak loeq, nei khlaung khaw Galilae plei saw phlaet loeqteq Yesuq hui tu a'ompawq khoeq a'sikcang taeng a'hau. 60Seiloeqkhaw Petaruq loeq, nang na'hau khoeq keiloeq hmotaq hang taeng a'myang tuba. Yaqkha a'myang tuna a khaw a'kawn toeq. 61Yaqateq Boiyesuq loeq Petaruqa a'touqi. Petaruq khaw Boi loeq a'hau hoet khoeq, tohnupa a a'khawn mawoeng nang loeq patthum a'myangai taeng a'hau khoeq plau sa'diq a'laq bala teq, 62a'planga sot loeqteq mpoq loeq a'kaq toeq.
A'souq hau a'laqi khoeq Boiyesuq
63Boiyesuqa a'cong saw haqloeq Boiya mtaklaek nauk uk loeq án souq. 64Boi mik khoeq wawtoeng pit uk loeqteq, nanga a'ni loeq a'msouq woe? nakkhoeq hau hme taeng hau uk loeqteq, 65a'coe pawi yaq khoeq plau haqloeng khaw Boiyesuqa án mkok.
Ta'la yunga Boiyesuq a'caet a'laqi khoeq klong
(Mate 26:59-66; Makuq 14:55-64; Yawhan 18:19-24)
66Kho a'wa loeq Yahaenpaw lang haq, klam hmotsaw haqloeq Yudaq khlaung cang haqloeq ta'la yunga Boiya áncaetcawq.
67Yaqhniq loeq Boiyesuqa, nang khoeq a'klawnsa Boikhreitaw a'sik moe? keihniqa a'mhau haqle taeng án hiq. Boiyesuq loeqkhaw, a'layi taeng ka'hau haq naka nanghniq loeq a'myumi hlaq tuk. 68A'klawn saw Mesiyaq klong nanghniqa ka'mhiq haq naka khaw nanghniq loeq hau hlaq tuk. 69Seiloeqkhaw to ta'koeiq mcaq loeqteq khlaungcaw khoeq Boipaw a'tat saet pa'toeng a'ngungai taeng a'hau haq. 70Yaqateq Yaqhniq loeq, yaqnaka nang khoeq Boipawcaw na'phlaet moe? taeng án hau. Boiyesuq loeqkhaw nanghniq nán hau khakhut a'layi taeng a'hau haq. 71Yaqhniq loeqkhaw a'pisauksi a'loebeq oe? Yaq plau a'soq khoeq keihniq loeq kán ya uk laqhni taeng án hau.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chin, Sumtu Bible by Beyond Translation is licensed under Creative Commons Attribution-ShareAlike 4.0 License.