LUKA 14
14
Yesu abikiyi mumpele moko wa bololi
1Mokolo moko mo sabata, Mokambi moko wa Bafalisayo abiangaka Yesu ake nale ondaku yayi ekambi na bato baiyo, Bafalisayi na Balakisi ba Mibeko baika nomolendi nebe mpoli vaaki mambi mabe onva yayi. 2Nambala yawi mumpele moko oulua makolo atemeke oboo bo Yesu. 3Mpe Yesu auwaka Bafalisayo na Balakisi ba mibeko te: Mibeko mi Mose mipa ndjela na moto abikiya moto wa bololi omokolo mo Sabata, too weyi? 4Kasi too bamoyanolaka ka. Bona Yesu angandaka moto meni, amobikiyaka mpe amotomaka ondaku yayi. 5Ontsima, Yesu akambelaka na bango te: Bomanyeyi te moko wabino ayalaka na nfana wayi wa mumpele too ngombo yayi ekpaka olibulu omokolo mo sabata too akoebimiya ka? 6Kasi too bakokaka bomovinyeli eyano ka.
Yesu apeyi toli onva bapaya baiyo na onva munkolo wa nteke
7Yesu aboko te bapaya ebabiangaka Mofalisayi wango baika noweli biteli bi lokumu omesa, Yesu abapaka malakisi na lisese eti: 8Moto akobiangaka onteke ya libala mpa koyala weteli ya lokumu, nabotili te mopaya moko akolekaka na lokumu. Mpo ekoki noyala na moto okoleki na lokumu akoki noya mpe mopaya. 9Moto wango onalokumu be bokoleki awu akoswaka, moto okobiangiki bino bantso babale akoya onva bino mpe akokambela nawu te: Nakobondeli, osengeli nopa eteli yawu na moto oyobo. Ontsima ekoyonga te oke okiti wa ntsuka odjangi ntina ndi okoyoka ntsoni be. 10Kasi, ntango ekobiangi bango onteke, keke nayala weteli edjangi lokumu, nantina te ontango ekoya moto okobiangiki, akambela nawu te: Nfeyi wangai, yaka weteli ya lokumu lobo. Anandi okoyala na lokumu oboo bo bato bantso ebakoyala omensa nawu. 11Nayango, moto wantso okomitombola Kombo akomuniya moto okomiuniya Kombo akomotombola. 12Ontsima Yesu akambelaka na moto omobiangaka te: Ntango emakomiya awu boleyi bo ntongo, too bo mpokpa, mpa kobianga ntango lintso se beyi bawu, na banfa mama bawu too djoko djawu, na beyi bawu bakuli ka. Okelaka bona bango bakoki nokovinyela ndenge yango. 13Kasi okelaka nteke obiangandi, babola, bato ebawa miyo, bato ebawa makolo too maboko, mpe bato ba bileme. 14Okelaka ndenge yango, ontsima Kombo akobopambola mpo bato bango too bao namakoki mabokovinyeli bolamu ebokobakela awu ka. Bona Kombo akoko futa omokolo emokosekpa bato ebawa.
Yesu akambeli lisese mpoli nteke nene
(Mt. 22.1-10)
15Bato ebaika noleyi na Yesu eteli yawi ntango eyokaka bango Yesu nokambeli bona, mpe moko wa bango akambelaka na Yesu te: Moto oyobo akoyala welambo ya Bokondji bo Kombo mpo apambolami na Kombo. 16Ontsima, Yesu akambelaka te: Mokolo moko, eika na moto moko akelaka nteke mpoko nene mpendja, mpe abiangaka bato djunda mpo baya onteke yango. 17Ntango ekomiyamaka biloko bintso bi nteke, atomaka mosali wayi moko onva bapaya ebabiangaka ayi mpo babakanola te: Mambi mantso maili! Nakobondeli, boyaka. 18Kasi bango bantso baika noyongi se bolimbisi kesenu mpoli boboyi boyani bo bango. Mumpele wa boo akambelaka te: Nauti naomba eteni ya ntse, yango esengeli na ngai nake naelenda, nakobondeli yambola bolimbisi bongai. 19Mumpele wa babale ayaka mpe akambeli nayi te: Nakobondeli, ondimbisa. Too nakoki noya ka mpo nauti naomba ngombo libale li bampele, mpe namake nalilenda sika mpo nayeba eyalaka te limasala nebe. 20Moto owa bato akambelaka te: Nakobondeli, ondimbisa. Too ekoki nosalemaka te naya onteke, mpo nauti nalonga se kalabe weyi. 21Mosali wango avinyaka mpe akanolaka mokondji waayi mambi emakambelaka bango, mpe munkolo wa ndaku amodjukelaka be, ontsima akambelaka nayi te: Keke noki obabalabala bantso, ombiangela babola, bibosono, bileme, bato ebawa miyo mpo baya onteke. 22Ntango evinyaka mosali, akambelaka te: Molakisi, nakeli mantso emantomiki awu. Kasi biteli bi mpamba biyo se naino djunda mpoli bato. 23Bona Nkolo wayi akambelaka nayi te: Keke obabalabala banene ba engumba mpe ndjela li bapiyo bianga bato baya onteke, mpo ndaku yangai enyala na bato. 24Mpo namakambela nabino, too yoo na moto moko ka omanteyi ma bato ebabiangiki ngai boo akomeka ntso subu wa boleyi bo nteke yangai.
Motuya mpoli boyali moyekoli
(Mt. 10.37-38)
25Mokolo moko, ntango eika Yesu nokeyi wengumba ya Yelusaleme, djunda li bato baika nomobili. Abongbanaka mpe akambelaka na bango te: 26Bolingaka boyala Bayekoli ba ngai bosengeli no ndinga be boleki Ango wawu na nyango wawu, nfali wawu, bana bawu, banfa mama bawu, mpe bomoyi vawu meni tee wewi too okoki noyala Moyekoli wangai ka. 27Mpe waa, boleke nolinga botombi ekulusu ya bino mpe boweyi, mpo boyala Bayekoli ba ngai, too ekoki nokelama ka te boyala Bayekoli ba ngai. 28Moto ayalaka nokani botongi ndaku ya etazi, akoyala naino mpo amanyola motuya mo botongi ndaku yango mpo akpaa mokano eyalaka te kaoyala na mosolo too weyi mpoli viilinyi botongi ndaku yango. 29Te weyi, akoilinya se botemiyi moboko kasi too akolonga boilinyi ndaku yantso ka. Ontsima bato bantso ebakomobo bako nfeke. 30Nokambeli te: Moto oyo too ailinyi botongi ndaku ya etazi eyiki ayi notongi ka! 31Ndenge yawi mpe, Mokondji moko alingaka nobuna na Mokondji moiyo, akoyala naino mpe akomanya mpe akokpaa mokano te eyalaka te ayi na basoda baayi nkoto djomi bakoki nolonga bobuniyi mokondji moiyo ona basoda nkoto ntuku mbale. 32Aboko te too kaokoka ka, akotomela munguna wayi nfendi ontango yo ayi naino ekolo, mpo bavinya boboto. 33Ndenge yawi, too bokoki noyala Bayekoli ba ngai ka boleke otika biloko bibino bintso ka.
Mokpa modjanga elengi too monantinaka
(Mt. 5.13 ; Mk. 9.50)
34Mokpa yo eloko ndamu; kasi mobungiyaka elengi ya nfango, boko movinya waa na elengi ndengende? 35Mokpa mondenge yango, too monantinaka. Mpoli bomosaleli ndibe nkinga mpoli bobakisi mombi. Bato bakomovaka kaka.
Iliyochaguliwa sasa
LUKA 14: LIE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.
LUKA 14
14
Yesu abikiyi mumpele moko wa bololi
1Mokolo moko mo sabata, Mokambi moko wa Bafalisayo abiangaka Yesu ake nale ondaku yayi ekambi na bato baiyo, Bafalisayi na Balakisi ba Mibeko baika nomolendi nebe mpoli vaaki mambi mabe onva yayi. 2Nambala yawi mumpele moko oulua makolo atemeke oboo bo Yesu. 3Mpe Yesu auwaka Bafalisayo na Balakisi ba mibeko te: Mibeko mi Mose mipa ndjela na moto abikiya moto wa bololi omokolo mo Sabata, too weyi? 4Kasi too bamoyanolaka ka. Bona Yesu angandaka moto meni, amobikiyaka mpe amotomaka ondaku yayi. 5Ontsima, Yesu akambelaka na bango te: Bomanyeyi te moko wabino ayalaka na nfana wayi wa mumpele too ngombo yayi ekpaka olibulu omokolo mo sabata too akoebimiya ka? 6Kasi too bakokaka bomovinyeli eyano ka.
Yesu apeyi toli onva bapaya baiyo na onva munkolo wa nteke
7Yesu aboko te bapaya ebabiangaka Mofalisayi wango baika noweli biteli bi lokumu omesa, Yesu abapaka malakisi na lisese eti: 8Moto akobiangaka onteke ya libala mpa koyala weteli ya lokumu, nabotili te mopaya moko akolekaka na lokumu. Mpo ekoki noyala na moto okoleki na lokumu akoki noya mpe mopaya. 9Moto wango onalokumu be bokoleki awu akoswaka, moto okobiangiki bino bantso babale akoya onva bino mpe akokambela nawu te: Nakobondeli, osengeli nopa eteli yawu na moto oyobo. Ontsima ekoyonga te oke okiti wa ntsuka odjangi ntina ndi okoyoka ntsoni be. 10Kasi, ntango ekobiangi bango onteke, keke nayala weteli edjangi lokumu, nantina te ontango ekoya moto okobiangiki, akambela nawu te: Nfeyi wangai, yaka weteli ya lokumu lobo. Anandi okoyala na lokumu oboo bo bato bantso ebakoyala omensa nawu. 11Nayango, moto wantso okomitombola Kombo akomuniya moto okomiuniya Kombo akomotombola. 12Ontsima Yesu akambelaka na moto omobiangaka te: Ntango emakomiya awu boleyi bo ntongo, too bo mpokpa, mpa kobianga ntango lintso se beyi bawu, na banfa mama bawu too djoko djawu, na beyi bawu bakuli ka. Okelaka bona bango bakoki nokovinyela ndenge yango. 13Kasi okelaka nteke obiangandi, babola, bato ebawa miyo, bato ebawa makolo too maboko, mpe bato ba bileme. 14Okelaka ndenge yango, ontsima Kombo akobopambola mpo bato bango too bao namakoki mabokovinyeli bolamu ebokobakela awu ka. Bona Kombo akoko futa omokolo emokosekpa bato ebawa.
Yesu akambeli lisese mpoli nteke nene
(Mt. 22.1-10)
15Bato ebaika noleyi na Yesu eteli yawi ntango eyokaka bango Yesu nokambeli bona, mpe moko wa bango akambelaka na Yesu te: Moto oyobo akoyala welambo ya Bokondji bo Kombo mpo apambolami na Kombo. 16Ontsima, Yesu akambelaka te: Mokolo moko, eika na moto moko akelaka nteke mpoko nene mpendja, mpe abiangaka bato djunda mpo baya onteke yango. 17Ntango ekomiyamaka biloko bintso bi nteke, atomaka mosali wayi moko onva bapaya ebabiangaka ayi mpo babakanola te: Mambi mantso maili! Nakobondeli, boyaka. 18Kasi bango bantso baika noyongi se bolimbisi kesenu mpoli boboyi boyani bo bango. Mumpele wa boo akambelaka te: Nauti naomba eteni ya ntse, yango esengeli na ngai nake naelenda, nakobondeli yambola bolimbisi bongai. 19Mumpele wa babale ayaka mpe akambeli nayi te: Nakobondeli, ondimbisa. Too nakoki noya ka mpo nauti naomba ngombo libale li bampele, mpe namake nalilenda sika mpo nayeba eyalaka te limasala nebe. 20Moto owa bato akambelaka te: Nakobondeli, ondimbisa. Too ekoki nosalemaka te naya onteke, mpo nauti nalonga se kalabe weyi. 21Mosali wango avinyaka mpe akanolaka mokondji waayi mambi emakambelaka bango, mpe munkolo wa ndaku amodjukelaka be, ontsima akambelaka nayi te: Keke noki obabalabala bantso, ombiangela babola, bibosono, bileme, bato ebawa miyo mpo baya onteke. 22Ntango evinyaka mosali, akambelaka te: Molakisi, nakeli mantso emantomiki awu. Kasi biteli bi mpamba biyo se naino djunda mpoli bato. 23Bona Nkolo wayi akambelaka nayi te: Keke obabalabala banene ba engumba mpe ndjela li bapiyo bianga bato baya onteke, mpo ndaku yangai enyala na bato. 24Mpo namakambela nabino, too yoo na moto moko ka omanteyi ma bato ebabiangiki ngai boo akomeka ntso subu wa boleyi bo nteke yangai.
Motuya mpoli boyali moyekoli
(Mt. 10.37-38)
25Mokolo moko, ntango eika Yesu nokeyi wengumba ya Yelusaleme, djunda li bato baika nomobili. Abongbanaka mpe akambelaka na bango te: 26Bolingaka boyala Bayekoli ba ngai bosengeli no ndinga be boleki Ango wawu na nyango wawu, nfali wawu, bana bawu, banfa mama bawu, mpe bomoyi vawu meni tee wewi too okoki noyala Moyekoli wangai ka. 27Mpe waa, boleke nolinga botombi ekulusu ya bino mpe boweyi, mpo boyala Bayekoli ba ngai, too ekoki nokelama ka te boyala Bayekoli ba ngai. 28Moto ayalaka nokani botongi ndaku ya etazi, akoyala naino mpo amanyola motuya mo botongi ndaku yango mpo akpaa mokano eyalaka te kaoyala na mosolo too weyi mpoli viilinyi botongi ndaku yango. 29Te weyi, akoilinya se botemiyi moboko kasi too akolonga boilinyi ndaku yantso ka. Ontsima bato bantso ebakomobo bako nfeke. 30Nokambeli te: Moto oyo too ailinyi botongi ndaku ya etazi eyiki ayi notongi ka! 31Ndenge yawi mpe, Mokondji moko alingaka nobuna na Mokondji moiyo, akoyala naino mpe akomanya mpe akokpaa mokano te eyalaka te ayi na basoda baayi nkoto djomi bakoki nolonga bobuniyi mokondji moiyo ona basoda nkoto ntuku mbale. 32Aboko te too kaokoka ka, akotomela munguna wayi nfendi ontango yo ayi naino ekolo, mpo bavinya boboto. 33Ndenge yawi, too bokoki noyala Bayekoli ba ngai ka boleke otika biloko bibino bintso ka.
Mokpa modjanga elengi too monantinaka
(Mt. 5.13 ; Mk. 9.50)
34Mokpa yo eloko ndamu; kasi mobungiyaka elengi ya nfango, boko movinya waa na elengi ndengende? 35Mokpa mondenge yango, too monantinaka. Mpoli bomosaleli ndibe nkinga mpoli bobakisi mombi. Bato bakomovaka kaka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.