Mareke 7
7
Yiisu ya ekulu ki bankagha-kwuru
(Mat 15.1-9)
1Ba-Faridzyẽ ya ndaama a baluo-mikyene ba báfi ku Yerusaleme bábvuŋunu ya Yiisu. 2Bo bámono binduono bi nde bibike bi bíkadza myaã mpiĩ, mbaala ti gwene a oswagha myaã. 3Ankoho ba-Faridzyẽ ya ba-Dzwife bwohono ka baakadza o kala ti bo ka bagyighili oswagha myaã o, mu kuulu bo baakasalala ekulu ki bankagha-kwuru ba bo. 4Ya mu matala ma baakafa bo ku mbala yi a baara bwohono, bo bafaana otswama otsehebe manyuru nsomo badza. Bo baakasalala mikyene mikimi mimi ekulu e bo ti anga oswagha bibaha, mayughu, bibeŋene bibi mu boronze ya mambughu. 5Mu obo ba-Faridzyẽ ya baluo-mikyene báfwulu Yiisu ti: «Mu emakye binduono bi we biikadza ya myaã mimi mubviini ŋa ebini kii onama ekulu ki bankagha-kwuru?»
6Yiisu ábvuhulu bo ndiri: «Edzayi ágyighili obili bu ookabili mubighili mu be, ŋa ályele nde ti be lili bampibi, ti bwunu a bu básono ti:
“Ekaana ki okasyighi me yini a mu bibolo,
lo mikolo mi bo mili la ya me.
7 Ku obwunu bo baakabuono me,
mu kuulu maluo ma bo mali yini a mikyene mi baara.”
8Be liikanyaghala mikele mi Nzaami, ya liikanama ekulu e baara.» 9Nde áfirilyele bo ndiri: «Be liikatsili mikele mi Nzaami ya liikakyihi ekulu e be. 10Mu kuulu Moyidze ályele ti: “Gwa taara ya ngughu a we budziri” ya “sa badzwa munde wu aatughu taara bwunu we ngughu a nde.” 11Lo be, be liikalyele ti: Kala mbwuru lyele taara bwunu we ngughu a nde ndiri: “Bibye bi kaangwa me we mu obaha we, bili Korobane, mbaala ti, ekaba ki babunu mu nkooro a Nzaami”, 12be ka lili mu ogwa nde nzili yi ofiribaha taara bwunu we ngughu a nde o. 13Obo me bu lili mu okakahaba be Ndagha a Nzaami mu nkooro a ekulu ki lili mu okaluo be. Ya be liikasa mandagha makimi mama obo.»
Mandagha ma maakabyihi mbwuru
(Mat 15.10-20)
14Ŋa mbihi oŋo, bu afirita mpwumu a baara mbili, Yiisu ályele bo ndiri: «Be bwohono ligyughu ya libaghala! 15Ka oli a elogho kiili bu efi ku mbala, esomo mu mbwuru ya esumunu nde o. Lo ngu ki eekapala mu kara a nde eekasumunu nde.» [16Kala ti mbwuru li a matswi ma ogyughu, nyaã agyughu.]#7.16 Mikaana mi mike mimi nsomo-a-nsomo ka mili ya etsulu ki o.
17Mu matala ma ógyene Yiisu ku nzo, ŋa mbihi a ŋa abulusihi nde mpwumu a baara, binduono bi nde bífwulu nde mu mi mitala nkumu oyo. 18Nde ályele bo ndiri: «Behe si ka lili a mayele o? Be ka liibaghala o ti ka oli a elogho kiili bu efi ku mbala, esomo mu mbwuru ya esumunu nde o? 19Mu kuulu kye ka eekasomo mu mukolo a nde o, lo mu mila mi nde. Ŋa mbihi oŋo kye eekagye ku nto-a-nkwulu#7.19 Kabini.» Obo Yiisu ásuo ti bi-odza byehene bili tse-tse. 20Nde áfirilyele ti: «Ngu bi biikapala mu mukolo a mbwuru biikasumunu nde. 21Mu kuulu me mu kara, mu mikolo a baara, ookapala bitsimi bi bibi: enkwunu, pfyibi, odzwa baara, 22obvughu mbughu ya mukala bwunu we mulumu a nganda, nzala a obagha, mukolo mubi, mayele mabi, esighi, ebaa, obili bubi mu babake, mubili a nyuru, bumpunu. 23Mandagha mwohono ma mabi mamo maakapala mu mukolo a mbwuru ya maakasumunu nde.»
Mukaha wuulu ka ali mu-Dzwife o si kana mu Yiisu
(Mat 15.21-28)
24Yiisu ámara oŋo ya ágyene ku etsulu e nsie kii bvulu lili Tire. Oko nde ásomo mu nzo nsyini, nde ka akadzyi o ti mbwuru si mumõ asoolo, lo nde ka ákughu osweme o. 25Mukaha mutsyini wu áali a mwana wu mukaha wu áali a mufulu wu mubi ágyughu nsia a Yiisu ya áyabwa ŋa nsie a myili mi nde. 26Mukaha munde áli mu-Ngereke, wu báburu ku Siri, mu etsulu e nsie kii Fenisi. Nde abuono Yiisu mu obyi mufulu wu mubi wu áali mu mwana a nde wu mukaha. 27Lo Yiisu ályele nde ndiri: «Nyaã baana bamatswama ogyughuru, mu kuulu ka oli bubwe mu ogwolo mampa ma baana ya otsili mo kundaa bimbwa-mbwa o.» 28Lo mukaha ábvuhulu nde ti: «Ngaŋma Mfumu! Lo bimbwa-mbwa bi bili ku nsie a tabele biikadza mpfi-mpfihini yi ookabwihi baana.» 29Yiisu ályele nde ndiri: «Mu nkooro a mvuru oyo, gye, mufulu wu mubi aapala mu mwana a we wu mukaha.» 30Nde bu ato ku nzo a nde, áyibaha mwana wu aagyoŋomo ŋa yulu a mbughu, mufulu wu mubi áli ápala mu nyuru a nde.
Yiisu dzuhu enkpa-matswi ki éli nkini
31Ŋa mbihi oŋo, Yiisu ámara mu etsulu e nsie kii Tire. Nde ábululuru mu bvulu lili Sidõ mu ogye ku nkolo a mubu wu a Ngalile, ya ábulusaghaba etsulu e nsie kii Mabvulu-Kwumu. 32Bagyi a nde enkpa-matswi ki ékabili mu mpara, ya bábuono nde anaã nde myaã ŋa yulu a mutswi. 33Yiisu bu ábiri nde mu libee, mana la ya mpwumu a baara, álo nde milyeme kunsa matswi, átswulu manteẽ mu mulyeme ya ábyeme nde nzalisogho ya manteẽ ma nde. 34Ŋa mbihi oŋo, nde átala ku yulu, ágwumunu ya ályele ti: «Efata», mbaala ti, «we dzubulu!» 35Ŋaana oŋo, matswi ma nde mádzubulu, nzalisogho yínyaã ya ábaana obili ku obwe. 36Yiisu átswi bo mukele wu ogwene olyele ndagha oyo kundaa mbwuru si mumõ. Lo nswe matala ma ákalighi nde bo banyaã otsala nde nsia, baara bákatsala nsia yiluru. 37Baara bákakiŋimi ku olagha ya bákalyele ti: «Nde aakagyili mandagha mwohono ma mabwe. Nde li mu okasa kuulu si okala binkpa-matswi bigyughu ya bankini babili.»
Iliyochaguliwa sasa
Mareke 7: txy TEC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.
Mareke 7
7
Yiisu ya ekulu ki bankagha-kwuru
(Mat 15.1-9)
1Ba-Faridzyẽ ya ndaama a baluo-mikyene ba báfi ku Yerusaleme bábvuŋunu ya Yiisu. 2Bo bámono binduono bi nde bibike bi bíkadza myaã mpiĩ, mbaala ti gwene a oswagha myaã. 3Ankoho ba-Faridzyẽ ya ba-Dzwife bwohono ka baakadza o kala ti bo ka bagyighili oswagha myaã o, mu kuulu bo baakasalala ekulu ki bankagha-kwuru ba bo. 4Ya mu matala ma baakafa bo ku mbala yi a baara bwohono, bo bafaana otswama otsehebe manyuru nsomo badza. Bo baakasalala mikyene mikimi mimi ekulu e bo ti anga oswagha bibaha, mayughu, bibeŋene bibi mu boronze ya mambughu. 5Mu obo ba-Faridzyẽ ya baluo-mikyene báfwulu Yiisu ti: «Mu emakye binduono bi we biikadza ya myaã mimi mubviini ŋa ebini kii onama ekulu ki bankagha-kwuru?»
6Yiisu ábvuhulu bo ndiri: «Edzayi ágyighili obili bu ookabili mubighili mu be, ŋa ályele nde ti be lili bampibi, ti bwunu a bu básono ti:
“Ekaana ki okasyighi me yini a mu bibolo,
lo mikolo mi bo mili la ya me.
7 Ku obwunu bo baakabuono me,
mu kuulu maluo ma bo mali yini a mikyene mi baara.”
8Be liikanyaghala mikele mi Nzaami, ya liikanama ekulu e baara.» 9Nde áfirilyele bo ndiri: «Be liikatsili mikele mi Nzaami ya liikakyihi ekulu e be. 10Mu kuulu Moyidze ályele ti: “Gwa taara ya ngughu a we budziri” ya “sa badzwa munde wu aatughu taara bwunu we ngughu a nde.” 11Lo be, be liikalyele ti: Kala mbwuru lyele taara bwunu we ngughu a nde ndiri: “Bibye bi kaangwa me we mu obaha we, bili Korobane, mbaala ti, ekaba ki babunu mu nkooro a Nzaami”, 12be ka lili mu ogwa nde nzili yi ofiribaha taara bwunu we ngughu a nde o. 13Obo me bu lili mu okakahaba be Ndagha a Nzaami mu nkooro a ekulu ki lili mu okaluo be. Ya be liikasa mandagha makimi mama obo.»
Mandagha ma maakabyihi mbwuru
(Mat 15.10-20)
14Ŋa mbihi oŋo, bu afirita mpwumu a baara mbili, Yiisu ályele bo ndiri: «Be bwohono ligyughu ya libaghala! 15Ka oli a elogho kiili bu efi ku mbala, esomo mu mbwuru ya esumunu nde o. Lo ngu ki eekapala mu kara a nde eekasumunu nde.» [16Kala ti mbwuru li a matswi ma ogyughu, nyaã agyughu.]#7.16 Mikaana mi mike mimi nsomo-a-nsomo ka mili ya etsulu ki o.
17Mu matala ma ógyene Yiisu ku nzo, ŋa mbihi a ŋa abulusihi nde mpwumu a baara, binduono bi nde bífwulu nde mu mi mitala nkumu oyo. 18Nde ályele bo ndiri: «Behe si ka lili a mayele o? Be ka liibaghala o ti ka oli a elogho kiili bu efi ku mbala, esomo mu mbwuru ya esumunu nde o? 19Mu kuulu kye ka eekasomo mu mukolo a nde o, lo mu mila mi nde. Ŋa mbihi oŋo kye eekagye ku nto-a-nkwulu#7.19 Kabini.» Obo Yiisu ásuo ti bi-odza byehene bili tse-tse. 20Nde áfirilyele ti: «Ngu bi biikapala mu mukolo a mbwuru biikasumunu nde. 21Mu kuulu me mu kara, mu mikolo a baara, ookapala bitsimi bi bibi: enkwunu, pfyibi, odzwa baara, 22obvughu mbughu ya mukala bwunu we mulumu a nganda, nzala a obagha, mukolo mubi, mayele mabi, esighi, ebaa, obili bubi mu babake, mubili a nyuru, bumpunu. 23Mandagha mwohono ma mabi mamo maakapala mu mukolo a mbwuru ya maakasumunu nde.»
Mukaha wuulu ka ali mu-Dzwife o si kana mu Yiisu
(Mat 15.21-28)
24Yiisu ámara oŋo ya ágyene ku etsulu e nsie kii bvulu lili Tire. Oko nde ásomo mu nzo nsyini, nde ka akadzyi o ti mbwuru si mumõ asoolo, lo nde ka ákughu osweme o. 25Mukaha mutsyini wu áali a mwana wu mukaha wu áali a mufulu wu mubi ágyughu nsia a Yiisu ya áyabwa ŋa nsie a myili mi nde. 26Mukaha munde áli mu-Ngereke, wu báburu ku Siri, mu etsulu e nsie kii Fenisi. Nde abuono Yiisu mu obyi mufulu wu mubi wu áali mu mwana a nde wu mukaha. 27Lo Yiisu ályele nde ndiri: «Nyaã baana bamatswama ogyughuru, mu kuulu ka oli bubwe mu ogwolo mampa ma baana ya otsili mo kundaa bimbwa-mbwa o.» 28Lo mukaha ábvuhulu nde ti: «Ngaŋma Mfumu! Lo bimbwa-mbwa bi bili ku nsie a tabele biikadza mpfi-mpfihini yi ookabwihi baana.» 29Yiisu ályele nde ndiri: «Mu nkooro a mvuru oyo, gye, mufulu wu mubi aapala mu mwana a we wu mukaha.» 30Nde bu ato ku nzo a nde, áyibaha mwana wu aagyoŋomo ŋa yulu a mbughu, mufulu wu mubi áli ápala mu nyuru a nde.
Yiisu dzuhu enkpa-matswi ki éli nkini
31Ŋa mbihi oŋo, Yiisu ámara mu etsulu e nsie kii Tire. Nde ábululuru mu bvulu lili Sidõ mu ogye ku nkolo a mubu wu a Ngalile, ya ábulusaghaba etsulu e nsie kii Mabvulu-Kwumu. 32Bagyi a nde enkpa-matswi ki ékabili mu mpara, ya bábuono nde anaã nde myaã ŋa yulu a mutswi. 33Yiisu bu ábiri nde mu libee, mana la ya mpwumu a baara, álo nde milyeme kunsa matswi, átswulu manteẽ mu mulyeme ya ábyeme nde nzalisogho ya manteẽ ma nde. 34Ŋa mbihi oŋo, nde átala ku yulu, ágwumunu ya ályele ti: «Efata», mbaala ti, «we dzubulu!» 35Ŋaana oŋo, matswi ma nde mádzubulu, nzalisogho yínyaã ya ábaana obili ku obwe. 36Yiisu átswi bo mukele wu ogwene olyele ndagha oyo kundaa mbwuru si mumõ. Lo nswe matala ma ákalighi nde bo banyaã otsala nde nsia, baara bákatsala nsia yiluru. 37Baara bákakiŋimi ku olagha ya bákalyele ti: «Nde aakagyili mandagha mwohono ma mabwe. Nde li mu okasa kuulu si okala binkpa-matswi bigyughu ya bankini babili.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.