Mareke 13
13
Yiisu bili mu mandagha ma maagya
(Mat 24.1-2; Luk 21.5-6)
1Mu matala ma ókapala Yiisu mu nzo a nzaami, enduono e nde etsyini élyele nde ti: «Muluo, tala ati mameẽ ma, nzo yi bátwu yo bubwe!» 2Yiisu ábvuhulu nde ti: «We li mu omono nzo yi nene yi? Ka osyili limeẽ ŋa yulu a limeẽ likimi o, sa batsala mo mwohono.»
Bilyimi bi biitswama-nsomo ya masini
(Mat 24.3-14; Luk 21.7-19)
3Yiisu áli abwi-nsini ku yulu a Munguo wu a mi-Olibve wu áali nkolo ya nkolo ya nzo a nzaami. Piere, Dzake, Dzã ya Andere bábwi ogwa nde bifwulu ŋa engasighi: 4«Malyele ati bihi, mu nki matala mandagha mamo maatswighi, ya nki elyimi eesuo masini ma bilogho byehene bibye?»
5Mu obo Yiisu ábwi olyele bo ti: «Lisa mayele mbwuru anyaã opfiri be. 6Baara balagha sa bagya ya basalala nkwumu a me, bu balyele ti: “Ngu me Kriste!” Ya sa bapfiri baara balagha. 7Ŋa akala liigyughu be baara mu okabili mu mamvulu ya mansia mama mamvulu, ka likala a nzalamweẽ o, mu kuulu mandagha mwohono mamo mafaana ogya. Lo mamo ka mali masini ma nsie o. 8Mansie sa madzwana ya mansie, ya emfumu sa edzwana ya emfumu. Nsie sa yinyiĩ mu mpini mu mambughu malagha, ya sa okala a minzyala. Ekye sa ekala ebaana ki misuo mii oburu».
9«Lisa mayele mu beme. Sa batyeghe be ŋa mambala ma miyala ya sa bakaha be nswanswa mu manzo mama lisamana ma ba-Dzwife. Sa bafwunu be ŋa nkulu a bamfumu ba bitsulu bi mansie ya mikogho mu nkooro a me. Be sa lisuo bampughulu kundaa bo. 10Nsomo a nsomo, bafaana oluo baara ba mansie mwohono Nsia yi Mbwe. 11Ŋa akala baabiri be ya baatyeghe be, ka likala a mikolo maã-maã mu mi liibili be o. Lo lilyele mi akala baagwa be mu matala maana mamo, mu kuulu ka oli be akala liibili o, lo Mufulu a Ngili».
12«Mwana a taara sa atyeghe mwana a taara mu lipfu, ya taara sa atyeghe mwana a nde. Baana sa babihi okala mu litumu li biburu bi bo, ya sa batyeghe biburu bi bo mu lipfu. 13Baara bwohono sa babele be mu nkooro a nkwumu a me, lo munde wu akala aasa mukama tee ku masini sa abvwughu».
Makimini ma manene
(Mat 24.15-28; Luk 21.20-24)
14«Ŋa akala liimono be Ngughu a bubi bu buukabyihi buubwi nsini ŋa ebini kiili bo ka bufaana okala o – nyaã munde wu li mu otaã abaghala – oŋo, baara ba baakala ku Yude babara ku minguo. 15Mbwuru wu aakala ku yulu a see li nzo lili eyala#13.15 see li nzo lili eyala see li nzo li batwu mu ebagha kii eyala. Ku yulu a see lilo baara bákabwa nsini mu okamoŋo, mu okasamana ya mu okagwolo mpie mu nkonkolo., anyaã osughuru, anyaã osomo mu nzo mu ogwolo elogho munsa nzo a nde. 16Ya munde wu aakala ku manseghe anyaã obvughuru ku nzo mu oyigwolo enkuru e nde. 17Mu bitsughu bibye, nyiĩ yi alagha kundaa bakaha ba baakala a mayimi ya basuomo!»
18Lisamana mu kuulu mandagha mamo manyaã obwa mu ndo yi a mpie yi alagha! 19Mu kuulu bitsughu bibye sa bikala bitsughu bibi mpara yi alagha, mpara yiili obaana ku ebaana e nsie yi ógyighili Nzaami tee mu matala ma, baara nkini bámaamono yo o. Ya si okala ka bunu, mpara yi obo ka yifirikala mu bitsughu bibi nkulu o. 20Kala ti Mfumu ka ási kuulu bitsughu bibye bikala bipfi o, mbwuru si mutsyini ka ákaabvwughu o. Lo nde aasi bye bipfi mu nkooro a babo ba aasuolo nde.
21«Mu obo, kala mbwuru lyele be ti: “Kriste li ŋa”, bwunu we “Kriste li kunii”, ka lisa kana mu nde o. 22Mu kuulu bakriste baba mpya ya mibighili mimi mpya sa bagya. Bo sa basa bilyimi ya mandagha mama okiŋimi mu opfiri babo ba osuolo Nzaami kala ti okughu okala. 23Likala yeelee! Me ntswama ndyele be mandagha mwohono.»
Ogya o Mwana a mbwuru
(Mat 24.29-31; Luk 21.25-28)
24«Lo mu bitsughu bibye, ŋa mbihi a mpara yi alagha oyo,
Tala sa lipyini,
mwele wu a ngoono ka afirigwa otsyeme o nde o,
25 Baŋomaŋomo sa babwa ŋa nsie, ya bi bili a lileene mu mayulu sa binyiŋi.
26Ŋa mbihi oŋo baara sa bamono Mwana a mbwuru mu okagya ŋa yulu a bidzi ya lileene lili lagha ya nsia. 27Oŋo nde sa agweghe bangye-yulu ya sa abvughu baara bwohono ba ásuolo nde, mu manto ma nsie mansa mana, obaana ku ósini nsie tee ku ósini yulu.»
Nkumu yi mufinge
(Mat 24.32-35; Luk 21.29-33)
28«Nyaã nkumu yi a mufinge yiluo be: Ŋa osaakadzughu mampala ma nde ya matsyiri maafulu, be liikasoolo ti dzwa liibehene. 29Bumõ behe si, ŋa akala liimono be mandagha mamo mu omoŋono, lisoolo ti Mwana a mbwuru aabehene, nde ayi ŋa muŋma a nzo.
30Mu engaŋma me ndyele be, eseene ki ka eluru o, mandagha mwohono ma sa mamoŋono. 31Yulu ya nsie sa biluru, lo mandagha ma me ka maluru o.»
Yini a Nzaami soolo etsughu ya matala mama masini
(Mat 24.36-44)
32«Mu mi mitala etsughu ya matala, mbwuru si mumõ ka asoolo o, ngu okala bangye-yulu mu mayulu, bwunu we Mwana, lo yini a Taara soolo.
33Lisa mayele, likahala mihi, mu kuulu be ka lisoolo ŋa ooto matala ma mo o.
34Sa okala ti anga mbwuru munde wuulu bu agyene ku midzye, bulusihi nzo a nde, ku nsie a litumu li basala ba nde. Nde sa agwa esala kundaa nswe musala a nde, ya sa atumu nkyele a muŋma a nzo mu okahala mihi. 35Mu obo, likahala mihi, mu kuulu be ka lisoolo ŋa akala oogya mfumu a nzo o. Nde kughu ogya mu nkonkolo, bwunu we mu kara-a-kara a mpyibi, bwunu we ŋa ookwolo nsuhu-a-nsomo, bwunu we mu epala. 36Likala a nzalamweẽ ti nde anyaã ogya ensihibi ya nde anyaã oyabagha be liigyoŋomo ensama. 37Ndagha yi ndyele me be, me ndyele yo kundaa baara bwohono: likahala mihi!»
Iliyochaguliwa sasa
Mareke 13: txy TEC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.
Mareke 13
13
Yiisu bili mu mandagha ma maagya
(Mat 24.1-2; Luk 21.5-6)
1Mu matala ma ókapala Yiisu mu nzo a nzaami, enduono e nde etsyini élyele nde ti: «Muluo, tala ati mameẽ ma, nzo yi bátwu yo bubwe!» 2Yiisu ábvuhulu nde ti: «We li mu omono nzo yi nene yi? Ka osyili limeẽ ŋa yulu a limeẽ likimi o, sa batsala mo mwohono.»
Bilyimi bi biitswama-nsomo ya masini
(Mat 24.3-14; Luk 21.7-19)
3Yiisu áli abwi-nsini ku yulu a Munguo wu a mi-Olibve wu áali nkolo ya nkolo ya nzo a nzaami. Piere, Dzake, Dzã ya Andere bábwi ogwa nde bifwulu ŋa engasighi: 4«Malyele ati bihi, mu nki matala mandagha mamo maatswighi, ya nki elyimi eesuo masini ma bilogho byehene bibye?»
5Mu obo Yiisu ábwi olyele bo ti: «Lisa mayele mbwuru anyaã opfiri be. 6Baara balagha sa bagya ya basalala nkwumu a me, bu balyele ti: “Ngu me Kriste!” Ya sa bapfiri baara balagha. 7Ŋa akala liigyughu be baara mu okabili mu mamvulu ya mansia mama mamvulu, ka likala a nzalamweẽ o, mu kuulu mandagha mwohono mamo mafaana ogya. Lo mamo ka mali masini ma nsie o. 8Mansie sa madzwana ya mansie, ya emfumu sa edzwana ya emfumu. Nsie sa yinyiĩ mu mpini mu mambughu malagha, ya sa okala a minzyala. Ekye sa ekala ebaana ki misuo mii oburu».
9«Lisa mayele mu beme. Sa batyeghe be ŋa mambala ma miyala ya sa bakaha be nswanswa mu manzo mama lisamana ma ba-Dzwife. Sa bafwunu be ŋa nkulu a bamfumu ba bitsulu bi mansie ya mikogho mu nkooro a me. Be sa lisuo bampughulu kundaa bo. 10Nsomo a nsomo, bafaana oluo baara ba mansie mwohono Nsia yi Mbwe. 11Ŋa akala baabiri be ya baatyeghe be, ka likala a mikolo maã-maã mu mi liibili be o. Lo lilyele mi akala baagwa be mu matala maana mamo, mu kuulu ka oli be akala liibili o, lo Mufulu a Ngili».
12«Mwana a taara sa atyeghe mwana a taara mu lipfu, ya taara sa atyeghe mwana a nde. Baana sa babihi okala mu litumu li biburu bi bo, ya sa batyeghe biburu bi bo mu lipfu. 13Baara bwohono sa babele be mu nkooro a nkwumu a me, lo munde wu akala aasa mukama tee ku masini sa abvwughu».
Makimini ma manene
(Mat 24.15-28; Luk 21.20-24)
14«Ŋa akala liimono be Ngughu a bubi bu buukabyihi buubwi nsini ŋa ebini kiili bo ka bufaana okala o – nyaã munde wu li mu otaã abaghala – oŋo, baara ba baakala ku Yude babara ku minguo. 15Mbwuru wu aakala ku yulu a see li nzo lili eyala#13.15 see li nzo lili eyala see li nzo li batwu mu ebagha kii eyala. Ku yulu a see lilo baara bákabwa nsini mu okamoŋo, mu okasamana ya mu okagwolo mpie mu nkonkolo., anyaã osughuru, anyaã osomo mu nzo mu ogwolo elogho munsa nzo a nde. 16Ya munde wu aakala ku manseghe anyaã obvughuru ku nzo mu oyigwolo enkuru e nde. 17Mu bitsughu bibye, nyiĩ yi alagha kundaa bakaha ba baakala a mayimi ya basuomo!»
18Lisamana mu kuulu mandagha mamo manyaã obwa mu ndo yi a mpie yi alagha! 19Mu kuulu bitsughu bibye sa bikala bitsughu bibi mpara yi alagha, mpara yiili obaana ku ebaana e nsie yi ógyighili Nzaami tee mu matala ma, baara nkini bámaamono yo o. Ya si okala ka bunu, mpara yi obo ka yifirikala mu bitsughu bibi nkulu o. 20Kala ti Mfumu ka ási kuulu bitsughu bibye bikala bipfi o, mbwuru si mutsyini ka ákaabvwughu o. Lo nde aasi bye bipfi mu nkooro a babo ba aasuolo nde.
21«Mu obo, kala mbwuru lyele be ti: “Kriste li ŋa”, bwunu we “Kriste li kunii”, ka lisa kana mu nde o. 22Mu kuulu bakriste baba mpya ya mibighili mimi mpya sa bagya. Bo sa basa bilyimi ya mandagha mama okiŋimi mu opfiri babo ba osuolo Nzaami kala ti okughu okala. 23Likala yeelee! Me ntswama ndyele be mandagha mwohono.»
Ogya o Mwana a mbwuru
(Mat 24.29-31; Luk 21.25-28)
24«Lo mu bitsughu bibye, ŋa mbihi a mpara yi alagha oyo,
Tala sa lipyini,
mwele wu a ngoono ka afirigwa otsyeme o nde o,
25 Baŋomaŋomo sa babwa ŋa nsie, ya bi bili a lileene mu mayulu sa binyiŋi.
26Ŋa mbihi oŋo baara sa bamono Mwana a mbwuru mu okagya ŋa yulu a bidzi ya lileene lili lagha ya nsia. 27Oŋo nde sa agweghe bangye-yulu ya sa abvughu baara bwohono ba ásuolo nde, mu manto ma nsie mansa mana, obaana ku ósini nsie tee ku ósini yulu.»
Nkumu yi mufinge
(Mat 24.32-35; Luk 21.29-33)
28«Nyaã nkumu yi a mufinge yiluo be: Ŋa osaakadzughu mampala ma nde ya matsyiri maafulu, be liikasoolo ti dzwa liibehene. 29Bumõ behe si, ŋa akala liimono be mandagha mamo mu omoŋono, lisoolo ti Mwana a mbwuru aabehene, nde ayi ŋa muŋma a nzo.
30Mu engaŋma me ndyele be, eseene ki ka eluru o, mandagha mwohono ma sa mamoŋono. 31Yulu ya nsie sa biluru, lo mandagha ma me ka maluru o.»
Yini a Nzaami soolo etsughu ya matala mama masini
(Mat 24.36-44)
32«Mu mi mitala etsughu ya matala, mbwuru si mumõ ka asoolo o, ngu okala bangye-yulu mu mayulu, bwunu we Mwana, lo yini a Taara soolo.
33Lisa mayele, likahala mihi, mu kuulu be ka lisoolo ŋa ooto matala ma mo o.
34Sa okala ti anga mbwuru munde wuulu bu agyene ku midzye, bulusihi nzo a nde, ku nsie a litumu li basala ba nde. Nde sa agwa esala kundaa nswe musala a nde, ya sa atumu nkyele a muŋma a nzo mu okahala mihi. 35Mu obo, likahala mihi, mu kuulu be ka lisoolo ŋa akala oogya mfumu a nzo o. Nde kughu ogya mu nkonkolo, bwunu we mu kara-a-kara a mpyibi, bwunu we ŋa ookwolo nsuhu-a-nsomo, bwunu we mu epala. 36Likala a nzalamweẽ ti nde anyaã ogya ensihibi ya nde anyaã oyabagha be liigyoŋomo ensama. 37Ndagha yi ndyele me be, me ndyele yo kundaa baara bwohono: likahala mihi!»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.