Yâng 13
13
Pô Yê-su thong dôm panôic pato pakai taluic
(13:1 – 17:26)
Pô Yê-su rao takai ka dôm anưk xêh
1Dahlau di Rija Gan Tapa, Pô Yê-su thau tuk vag Pô xang niga dunya ni piêh gilaic mai tom Amư tal pajơ. Bhô krung hu anit ranam dôm urang bha di drei dalam dunya yơ kưk anit ranam ka tal taluic. 2Dalam vār ƀang xup, Abilêh padok jamal paya lambil Bhô dalam tian Yu-đa Ic-ka-ri-ôt, anưk Si-môn. 3Pô Yê-su thau laic Amư krung hu jao abih gruk dalam tangin Bhô, thong Bhô mưng Pô Lingik mưrai, lijang thi mưrai tom Pô Lingik, 4yơ dang tagôk truh di paban ƀang chwak ao lingiu tabiak, mưk khan haluh ikak kaing, 5bloh Bhô tuh ia tamư cau, thong raup rao takai ka dôm anưk xêh. Bhô lijang mưk khan krung hu ikak di kaing bloh wak takai ka khol nhu. 6Tuk Bhô mưrai tom Si-môn Phi-e-rơ yơ ong đôm: “Pô lơy, Pô gilaic rao takai ka dahlak habar?” 7Pô Yê-su thuuk: “Urak ni, hư ôh thau bruk Ita ngak, min hadei ni hư mưca thau.” 8Phi-e-rơ pathau: “Mưca dahlak ôh tuk halei lôi Pô rao takai ka dahlak!” Pô Yê-su thuuk: “Mưyah Ita ôh rao takai ka hư yơ hư ôh hu nôk haget pak Ita trah.” 9Si-môn Phi-e-rơ đôm: “Pô lơy, ôh njaup ciêt rao takai thoh ô, min takung bih tangin thong akok dahlak gêk!” 10Pô Yê-su thuuk: “Thei krung hu mưnei bloh, ôh hajat rao, ciêt rao takai#13:10 Thei krung hu mưnei bloh... ciêt rao takai: Dalam tha thanôn vak tangin nạn Thei krung hu mưnei bloh, ôh hajat rao.. Khol hư krung bihu hacih pajơ, min ôh njaup abih.” 11Kaywa thau thei nạn ra mưca lambil Bhô nạn ka Bhô mưng đôm: “Ôh njaup abih khol hư jang haci hacih.”
12 #
Lu 22:27. Hadei di tuk rao takai ka dôm anưk xêh bloh, Bhô cuk ao vơk, bloh tamư paban dok thong đôm: “Khol hư hu thau kabha Ita krung hu ngak ka khol hư lei? 13Khol hư iêu Ita nạn Gru, nạn Pô. Khol hư đôm biak njaup, kaywa Ita biak yau nan. 14Min mưyah Ita ngak Gru, ngak Pô, bloh dok rao takai ka khol hư yơ khol hư lijang xang rao takai ka gaup. 15Kaywa Ita krung hu ngak krơh ka khol hư, piêh ka khol hư lijang ngak yau Ita krung hu ngak ka khol hư. 16#Mat 10:24; Lu 6:40; Yâ 15:20.Biak jơh, Ita đôm thong khol hư: Halun ôh prong hơl di pô, kaphwari ôh prong hơl mưnuix pachai drei. 17Mưyah khol hư thau dôm kabha ni thong ngak tui yơ bihu phôl. 18Ita ôh đôm ka abih khol hư, Ita thau dôm urang Ita krung hu rwah. Min panôic Agal Nưbi ni xang bihu thit: ‘Ra ƀang tapei Ita, gaic kađôr mưradhag Ita.’ 19Urak ni Ita đôm kabha ni thong khol hư dahlau di tuk bruk mưjiơng tabiak, piêh tuk bruk mưjiơng tabiak yơ khol hư dial laic Ita nạn Dê Bhian Hu. 20#Mat 10:40; Mag 9:37; Lu 9:48; Lu 10:16.Biak jơh, Ita đôm thong khol hư, thei rok daa mưnuix Ita pachai mưrai nạn rok daa Ita, dok thei rok daa Ita nạn rok daa Dê krung hu pachai Ita mưrai.”
Pô Yê-su đôm dahlau ka bruk Yu-đa lambil
(Ma-thi-ơ 26:20-25; Mag 14:17-21; Lu-ka 22:21-23)
21Tuk Pô Yê-su krung hu đôm yau nan bloh, yơ Bhô padrut dalam mat xwan thong pakrưn laic: “Biak jơh, Ita đôm thong khol hư, tha urang dalam khol hư mưca lambil Ita.” 22Dôm anưk xêh mong gaup, ôh thau Bhô đôm ka thei. 23Tha dalam dôm anưk xêh, nạn urang bihu Pô Yê-su anit ranam dok pađiê dalam nung Pô Yê-su. 24Si-môn Phi-e-rơ tabiak habang ka anưk xêh nan, tanhi iơk Gru ưng đôm ka thei. 25Anưk xêh ni pađiê rup di tada Pô Yê-su thong tanhi: “Pô lơy, urang nan nạn thei?” 26Pô Yê-su thuuk: “Nan nạn mưnuix mưca Ita yêr kleh tapei Ita thi njruk sani.” Bloh Bhô njruk tha kleh tapei bloh yêr ka Yu-đa Ic-ka-ri-ôt, anưk likei Si-môn. 27Hadei di tuk Yu-đa mưk kleh tapei yơ Sa-tan tamư tian nhu. Pô Yê-su pađar Yu-đa: “Bruk hư ngak, xang ngak xamar nao.” 28Min ôh thei dok tak paban thau kaywa habar Bhô đôm thong nhu yau nan. 29Tha hadôm urang xanưng laic, kaywa Yu-đa Ic-ka-ri-ôt khik kadung jiên nan ka Pô Yê-su pađar nhu nao blei dôm paka hajat angui ka gôn rija, ngan hali halang dôm kabha haget ka mưnuix kathot. 30Tuk krung hu tôk kleh tapei bloh, Yu-đa tabiak vêt. Tuk nan lingik krung hu xup.
Vahi birau
31Tuk Yu-đa tabiak nao bloh, Pô Yê-su đôm: “Urak ni Anưk Mưnuix bihu tahamid, thong Pô Lingik bihu tahamid pak Anưk Mưnuix. 32[Mưyah Pô Lingik bihu tahamid Anưk Mưnuix]#13:32 Mưyah Pô Lingik bihu tahamid Anưk Mưnuix: Dalam tha thanôn blah vak tangin ôh hu dôm akhar ni. yơ Pô Lingik lijang mưca tahamid Anưk Mưnuix dalam êng Bhô, thong mưca tahamid vêt. 33#Yâ 7:34.Hơic dôm anưk xit, Ita mưca dok thong khol hư ôh chôi tra. Mưca khol hư dwah Ita, thong yau Ita krung hu đôm thong dôm urang Yo Thaic laic: ‘Libik Ita nao khol hư ôh mưda mưrai bihu’, yơ urak ni Ita lijang đôm thong khol hư yau nan. 34#Yâ 15:12,17; I Yâ 3:23; II Yâ 1:5.Ita ƀai brei ka khol hư tha vahi birau, nạn khol hư xang anit ranam gaup. Yau Ita krung hu anit ranam khol hư yau halei yơ khol hư lijang xang anit ranam gaup yau nan. 35Mưyah khol hư anit ranam gaup, yơ kaywa di nan, abih drei mưca krưn thau khol hư nạn anưk xêh Ita.”
Pô Yê-su brei thau dahlau Phi-e-rơ kamlah di Bhô
(Ma-thi-ơ 26:30-35; Mag 14:26-31; Lu-ka 22:31-34)
36Si-môn Phi-e-rơ pathau: “Pô lơy, Pô nao tao?” Pô Yê-su thuuk: “Libik Ita nao, urak ni hư ôh mưda tui bihu, min hadei ni mưca hư tui nao.” 37Phi-e-rơ pathau: “Pô lơy, kaywa habar urak ni dahlak ôh mưda tui Pô? Mưca dahlak klāk xwan diup dahlak kaywa Pô!” 38Pô Yê-su thuuk: “Mưca hư klāk xwan diup hư kaywa Ita habar? Biak jơh, Ita đôm thong hư: Dahlau di tuk mưnuk kanjot, mưca hư kamlah Ita klau ƀang!”
Iliyochaguliwa sasa
Yâng 13: CJM2024
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.
Yâng 13
13
Pô Yê-su thong dôm panôic pato pakai taluic
(13:1 – 17:26)
Pô Yê-su rao takai ka dôm anưk xêh
1Dahlau di Rija Gan Tapa, Pô Yê-su thau tuk vag Pô xang niga dunya ni piêh gilaic mai tom Amư tal pajơ. Bhô krung hu anit ranam dôm urang bha di drei dalam dunya yơ kưk anit ranam ka tal taluic. 2Dalam vār ƀang xup, Abilêh padok jamal paya lambil Bhô dalam tian Yu-đa Ic-ka-ri-ôt, anưk Si-môn. 3Pô Yê-su thau laic Amư krung hu jao abih gruk dalam tangin Bhô, thong Bhô mưng Pô Lingik mưrai, lijang thi mưrai tom Pô Lingik, 4yơ dang tagôk truh di paban ƀang chwak ao lingiu tabiak, mưk khan haluh ikak kaing, 5bloh Bhô tuh ia tamư cau, thong raup rao takai ka dôm anưk xêh. Bhô lijang mưk khan krung hu ikak di kaing bloh wak takai ka khol nhu. 6Tuk Bhô mưrai tom Si-môn Phi-e-rơ yơ ong đôm: “Pô lơy, Pô gilaic rao takai ka dahlak habar?” 7Pô Yê-su thuuk: “Urak ni, hư ôh thau bruk Ita ngak, min hadei ni hư mưca thau.” 8Phi-e-rơ pathau: “Mưca dahlak ôh tuk halei lôi Pô rao takai ka dahlak!” Pô Yê-su thuuk: “Mưyah Ita ôh rao takai ka hư yơ hư ôh hu nôk haget pak Ita trah.” 9Si-môn Phi-e-rơ đôm: “Pô lơy, ôh njaup ciêt rao takai thoh ô, min takung bih tangin thong akok dahlak gêk!” 10Pô Yê-su thuuk: “Thei krung hu mưnei bloh, ôh hajat rao, ciêt rao takai#13:10 Thei krung hu mưnei bloh... ciêt rao takai: Dalam tha thanôn vak tangin nạn Thei krung hu mưnei bloh, ôh hajat rao.. Khol hư krung bihu hacih pajơ, min ôh njaup abih.” 11Kaywa thau thei nạn ra mưca lambil Bhô nạn ka Bhô mưng đôm: “Ôh njaup abih khol hư jang haci hacih.”
12 #
Lu 22:27. Hadei di tuk rao takai ka dôm anưk xêh bloh, Bhô cuk ao vơk, bloh tamư paban dok thong đôm: “Khol hư hu thau kabha Ita krung hu ngak ka khol hư lei? 13Khol hư iêu Ita nạn Gru, nạn Pô. Khol hư đôm biak njaup, kaywa Ita biak yau nan. 14Min mưyah Ita ngak Gru, ngak Pô, bloh dok rao takai ka khol hư yơ khol hư lijang xang rao takai ka gaup. 15Kaywa Ita krung hu ngak krơh ka khol hư, piêh ka khol hư lijang ngak yau Ita krung hu ngak ka khol hư. 16#Mat 10:24; Lu 6:40; Yâ 15:20.Biak jơh, Ita đôm thong khol hư: Halun ôh prong hơl di pô, kaphwari ôh prong hơl mưnuix pachai drei. 17Mưyah khol hư thau dôm kabha ni thong ngak tui yơ bihu phôl. 18Ita ôh đôm ka abih khol hư, Ita thau dôm urang Ita krung hu rwah. Min panôic Agal Nưbi ni xang bihu thit: ‘Ra ƀang tapei Ita, gaic kađôr mưradhag Ita.’ 19Urak ni Ita đôm kabha ni thong khol hư dahlau di tuk bruk mưjiơng tabiak, piêh tuk bruk mưjiơng tabiak yơ khol hư dial laic Ita nạn Dê Bhian Hu. 20#Mat 10:40; Mag 9:37; Lu 9:48; Lu 10:16.Biak jơh, Ita đôm thong khol hư, thei rok daa mưnuix Ita pachai mưrai nạn rok daa Ita, dok thei rok daa Ita nạn rok daa Dê krung hu pachai Ita mưrai.”
Pô Yê-su đôm dahlau ka bruk Yu-đa lambil
(Ma-thi-ơ 26:20-25; Mag 14:17-21; Lu-ka 22:21-23)
21Tuk Pô Yê-su krung hu đôm yau nan bloh, yơ Bhô padrut dalam mat xwan thong pakrưn laic: “Biak jơh, Ita đôm thong khol hư, tha urang dalam khol hư mưca lambil Ita.” 22Dôm anưk xêh mong gaup, ôh thau Bhô đôm ka thei. 23Tha dalam dôm anưk xêh, nạn urang bihu Pô Yê-su anit ranam dok pađiê dalam nung Pô Yê-su. 24Si-môn Phi-e-rơ tabiak habang ka anưk xêh nan, tanhi iơk Gru ưng đôm ka thei. 25Anưk xêh ni pađiê rup di tada Pô Yê-su thong tanhi: “Pô lơy, urang nan nạn thei?” 26Pô Yê-su thuuk: “Nan nạn mưnuix mưca Ita yêr kleh tapei Ita thi njruk sani.” Bloh Bhô njruk tha kleh tapei bloh yêr ka Yu-đa Ic-ka-ri-ôt, anưk likei Si-môn. 27Hadei di tuk Yu-đa mưk kleh tapei yơ Sa-tan tamư tian nhu. Pô Yê-su pađar Yu-đa: “Bruk hư ngak, xang ngak xamar nao.” 28Min ôh thei dok tak paban thau kaywa habar Bhô đôm thong nhu yau nan. 29Tha hadôm urang xanưng laic, kaywa Yu-đa Ic-ka-ri-ôt khik kadung jiên nan ka Pô Yê-su pađar nhu nao blei dôm paka hajat angui ka gôn rija, ngan hali halang dôm kabha haget ka mưnuix kathot. 30Tuk krung hu tôk kleh tapei bloh, Yu-đa tabiak vêt. Tuk nan lingik krung hu xup.
Vahi birau
31Tuk Yu-đa tabiak nao bloh, Pô Yê-su đôm: “Urak ni Anưk Mưnuix bihu tahamid, thong Pô Lingik bihu tahamid pak Anưk Mưnuix. 32[Mưyah Pô Lingik bihu tahamid Anưk Mưnuix]#13:32 Mưyah Pô Lingik bihu tahamid Anưk Mưnuix: Dalam tha thanôn blah vak tangin ôh hu dôm akhar ni. yơ Pô Lingik lijang mưca tahamid Anưk Mưnuix dalam êng Bhô, thong mưca tahamid vêt. 33#Yâ 7:34.Hơic dôm anưk xit, Ita mưca dok thong khol hư ôh chôi tra. Mưca khol hư dwah Ita, thong yau Ita krung hu đôm thong dôm urang Yo Thaic laic: ‘Libik Ita nao khol hư ôh mưda mưrai bihu’, yơ urak ni Ita lijang đôm thong khol hư yau nan. 34#Yâ 15:12,17; I Yâ 3:23; II Yâ 1:5.Ita ƀai brei ka khol hư tha vahi birau, nạn khol hư xang anit ranam gaup. Yau Ita krung hu anit ranam khol hư yau halei yơ khol hư lijang xang anit ranam gaup yau nan. 35Mưyah khol hư anit ranam gaup, yơ kaywa di nan, abih drei mưca krưn thau khol hư nạn anưk xêh Ita.”
Pô Yê-su brei thau dahlau Phi-e-rơ kamlah di Bhô
(Ma-thi-ơ 26:30-35; Mag 14:26-31; Lu-ka 22:31-34)
36Si-môn Phi-e-rơ pathau: “Pô lơy, Pô nao tao?” Pô Yê-su thuuk: “Libik Ita nao, urak ni hư ôh mưda tui bihu, min hadei ni mưca hư tui nao.” 37Phi-e-rơ pathau: “Pô lơy, kaywa habar urak ni dahlak ôh mưda tui Pô? Mưca dahlak klāk xwan diup dahlak kaywa Pô!” 38Pô Yê-su thuuk: “Mưca hư klāk xwan diup hư kaywa Ita habar? Biak jơh, Ita đôm thong hư: Dahlau di tuk mưnuk kanjot, mưca hư kamlah Ita klau ƀang!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.