Lu-ka 5
5
Baak nhôp ka êêng aang
(Ma-thi-ơ 4:18-22; Mak 1:16-20)
1Di wưt tôw, tơt Brah Jê-sus ta yoong a lơ kơh tơrlung daak Gê-nê-sa-rêt, phung raih ta jhiat rlum Pang jah iat baak Brah Ưn. 2Pang sau baar duuk bat bơr daak; bơl bnih nhôp ka ja sot rlach duuk u plah pih moong. 3Pang hao lơ mlơm knông baar ơơk duuk nei, laa duuk Si-môn ri, u maanh bu bla sot rlach kơh di ndêq; ja nei Pang gôq lơ duuk chhuôr kne aan phung raih.#Mat 13:1-2; Mak 3:9-10; 4:1.
4Chhuôr luôih hơơi, Pang maanh Si-môn: “Phrui bla duuk teq u daak jru, rang moong jah nhôp ka.” 5Si-môn ơh: “Ơi Yau, bơl hei ja lơh kaar di mang baah 'bưn nhôp kươt pi ơơn leq dôh iat baak Yau, hei a kươi rang moong.”#Ja 21:3. 6Bu klơơi moong tu nei u nhôp kươt ơk pi ka lôh êch dơơh a tech leq moong. #Ja 21:6. 7Bu wak ti khuôl bơl gnasaal a duuk nday han jraih. Bơl gnasaal nei lôh đưk pi ka bêêng baar duuk, lôh êch dơơh a trap. 8Sau bei nei, Si-môn Phi-e-rơ kơltut u teh drơơl kôq tang Brah Jê-sus u ơh: “Brah ơi, dan lơơi rlach hei, đươm hei laa bnih geh dôih.” 9Đươm Si-môn u leq sêch bơl bnih a nei n'hai bu kot êêng aang teq u moong ka ơk đat u ei; leq Ja-kơ u Jang koon Sê-bê-đê, gnasaal Si-môn ri kot bei nei đêêl. 10Brah Jê-sus lah n'hai Si-môn: “Khơơm n'hông, a bei au na, 'bei a kươi but ti rang moong bnih.” 11Bu liêu duuk teq u kơh, dhot teq jôm baak baah tênh Pang.
Brah tơmbah pơrtanh dưn
(Ma-thi-ơ 8:1-4; Mak 1:40-45)
12Tơt Brah Jê-sus nha gôq knông poh tôw, geh mbu bnih pơrtanh dưn bêêng chhak, sau Pang nei nkôp mat u teh dan jjuh: “Smbah Brah, mơq Brah êch, awap Brah lơh koon kươt jrah!” 13Brah Jê-sus lơơk koon ti buut tơt bnih nei u lah: “Hei êch, phrui jrah ơơi!” Kơndaal, pơrtanh dưn saap 'bat. 14Pang tơmbơh pn'ak bu nei 'bưn kươt mor n'hai 'bơơn u maanh: “Phrui han tơrsau n'hai yau thwaai u piyơ thwaai teq u kaar koon kươt jrah, tênh bei Môi-se kne, bei di baak ndraanh aan jôm bnih.” 15Saak baak Pang gưt lư dươn; mich ming phung raih pơrgum jah iat Pang u jah kươt tơmbah pơrtanh. 16Đươm Pang het mưt u ktôk sngat baah r'bon dan.
Brah tơmbah pơrtanh awiêl
(Ma-thi-ơ 9:1-8; Mak 2:1-12)
17Di nar tôw, Brah Jê-sus plah chhuôr kne, geh bơl bnih Pha-ri-si#5:17 Mơq baak rơih gôq Mat 3:7. u bơl yau kne ch'bap lôh a pal poh dêq knông kwaal Ga-li-lê, Ju-đê u a poh Jê-ru-sa-lem lôh gôq tu nei. Dang kmheng Brah ri gôq n'hai Pang jah tơmbah pơrtanh pơraam. 18Tôw, geh pal du krôông krêêng di mbu bnih awiêl lơ ndơl plah wơng troong jah ndơơp bnih nei mưt knông nhi u dơih di mat Pang. 19Đươm ơk bnih ir, 'bưn geh liêu bnih awiêl mưt kươt, mơ bu hao lơ kmbung nhi, plơơk ngooi, ja nei n'uih dang leq bnih n'hai ndơl u teh di mat Brah Jê-sus, lwah phung ơk. 20Sau chưt jơrnơ bu ri, Pang lah: “Ơi 'bei, dôih 'baap 'bei ja kươt krôih!” 21Bơl yau gưt jhai u bnih Pha-ri-si ptơơm rkhech: “Bnih au laa 'bơơn baah baanh mor đam bei nei? Gaaih Brah Ưn, 'bơơn geh kmheng jah krôih dôih?” 22Dôh Brah Jê-sus gưt gơrninh bu, mơ lah laah: “A hay bơl 'bei leet rkhech knông chưt bei nei? 23Lwah baar ndroong mor: ‘Dôih 'baap 'bei ja kươt krôih,’ paich: ‘Phrui ta yoong chwaat han,’ ndroong êch snôk huôih? 24Dôh jah bơl 'bei gưt laah Koon Bnih a swich teh geh ch'bap kmheng krôih dôih” — Pang lah n'hai bnih awiêl — “Hei maanh 'bei, phrui ta yoong, tung ndơl plơq siq nhi!” 25Kơndaal bnih awiêl ta yoong bôôk mat bu, tung ndơl nơơm ja bêch, han siq u nhi, tư wơơl Brah Ưn. 26Jôm bnih kot nglêk nglak u tư wơơl Brah Ưn. Bu n'hông mor: “Nar au bơl bơn sau pal kaar êêng aang!”
Brah khuôl Lê-wi. – Baak ơt jrơng
(Ma-thi-ơ 9:9-13; Mak 2:13-17)
27Kơi nei, Brah Jê-sus han sot a gaaih, sau mbu bnih nhôq prak, chôôl chhak laa Lê-wi, plah gôq tu lwing wal suai nei Pang lah n'hai bu: “Phrui tênh Hei!” 28Lê-wi teq leq jôm ntil, ta yoong han tênh Pang. 29Lê-wi pơơk sa ttih jah ddôk Pang tu nhi nơơm; geh ơk bnih nhôq prak u bơl bnih nday gôq pôl bliêng n'hai Pang. 30Bơl bnih Pha-ri-si u bơl yau gưt jhai ta poich n'hai jơrnơ Pang laah: “A hay bơl 'bei leet sôông sa n'hai bơl nhôq prak u bơl bnih dôih 'baap?”#Lu 15:1-2. 31Brah Jê-sus ơh: “Bnih kmlang 'bưn chkhôm yau kơrya laang, dôh laa bnih tanh ji. 32Hei 'bưn lôh jah khuôl bnih sêch song, dôh khuôl bơl geh dôih jah teq lơi dôih.” 33Bu mor n'hai Pang: “Jơrnơ Jang ri kot bei jơrnơ bơl Pha-ri-si ri rnđơơih ơt jrơng r'bon dan, dôh jơrnơ Yau ri leet sôông u ôn!” 34Brah Jê-sus ơh: “Bơl 'bei awap nhôp bnach joq sa kliêr#5:34 S'bt: bơl koon klau lwing ri sa kliêr. ơt jrơng knông khal sai klau nha gôq n'hai bu laang? 35Dôh tơt khal sai klau kươt liêu han rlach bu hơơi, knông pal nar nei mơ bu ơt jrơng.” 36Pang kot krơơ aan bu di pn'geh ruk: “'Bưn geh 'bơơn yah di plơơp ao mhei baah jhênh teq u ao ndơm. Lơh bei nei, ao mhei a kươi a yah, u plơơp knat mhei kot 'bưn ta tưt u ao ndơm. 37Kot 'bưn geh 'bơơn khut bih mhei teq u pi đông pêêk ndơm, đươm bei nei, bih mhei lơh đang pi đông pêêk, bih a khut u pi đông pêêk kot dol khuich. 38Dôh bih mhei phrui khut teq u pi đông mhei. 39Kot 'bưn geh 'bơơn ja ôn bih ndơm leet drơnan bih mhei, đươm bnih nei mor laah: ‘Bih ndơm kah huôih.’”
Iliyochaguliwa sasa
Lu-ka 5: SBL2024
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.
Lu-ka 5
5
Baak nhôp ka êêng aang
(Ma-thi-ơ 4:18-22; Mak 1:16-20)
1Di wưt tôw, tơt Brah Jê-sus ta yoong a lơ kơh tơrlung daak Gê-nê-sa-rêt, phung raih ta jhiat rlum Pang jah iat baak Brah Ưn. 2Pang sau baar duuk bat bơr daak; bơl bnih nhôp ka ja sot rlach duuk u plah pih moong. 3Pang hao lơ mlơm knông baar ơơk duuk nei, laa duuk Si-môn ri, u maanh bu bla sot rlach kơh di ndêq; ja nei Pang gôq lơ duuk chhuôr kne aan phung raih.#Mat 13:1-2; Mak 3:9-10; 4:1.
4Chhuôr luôih hơơi, Pang maanh Si-môn: “Phrui bla duuk teq u daak jru, rang moong jah nhôp ka.” 5Si-môn ơh: “Ơi Yau, bơl hei ja lơh kaar di mang baah 'bưn nhôp kươt pi ơơn leq dôh iat baak Yau, hei a kươi rang moong.”#Ja 21:3. 6Bu klơơi moong tu nei u nhôp kươt ơk pi ka lôh êch dơơh a tech leq moong. #Ja 21:6. 7Bu wak ti khuôl bơl gnasaal a duuk nday han jraih. Bơl gnasaal nei lôh đưk pi ka bêêng baar duuk, lôh êch dơơh a trap. 8Sau bei nei, Si-môn Phi-e-rơ kơltut u teh drơơl kôq tang Brah Jê-sus u ơh: “Brah ơi, dan lơơi rlach hei, đươm hei laa bnih geh dôih.” 9Đươm Si-môn u leq sêch bơl bnih a nei n'hai bu kot êêng aang teq u moong ka ơk đat u ei; leq Ja-kơ u Jang koon Sê-bê-đê, gnasaal Si-môn ri kot bei nei đêêl. 10Brah Jê-sus lah n'hai Si-môn: “Khơơm n'hông, a bei au na, 'bei a kươi but ti rang moong bnih.” 11Bu liêu duuk teq u kơh, dhot teq jôm baak baah tênh Pang.
Brah tơmbah pơrtanh dưn
(Ma-thi-ơ 8:1-4; Mak 1:40-45)
12Tơt Brah Jê-sus nha gôq knông poh tôw, geh mbu bnih pơrtanh dưn bêêng chhak, sau Pang nei nkôp mat u teh dan jjuh: “Smbah Brah, mơq Brah êch, awap Brah lơh koon kươt jrah!” 13Brah Jê-sus lơơk koon ti buut tơt bnih nei u lah: “Hei êch, phrui jrah ơơi!” Kơndaal, pơrtanh dưn saap 'bat. 14Pang tơmbơh pn'ak bu nei 'bưn kươt mor n'hai 'bơơn u maanh: “Phrui han tơrsau n'hai yau thwaai u piyơ thwaai teq u kaar koon kươt jrah, tênh bei Môi-se kne, bei di baak ndraanh aan jôm bnih.” 15Saak baak Pang gưt lư dươn; mich ming phung raih pơrgum jah iat Pang u jah kươt tơmbah pơrtanh. 16Đươm Pang het mưt u ktôk sngat baah r'bon dan.
Brah tơmbah pơrtanh awiêl
(Ma-thi-ơ 9:1-8; Mak 2:1-12)
17Di nar tôw, Brah Jê-sus plah chhuôr kne, geh bơl bnih Pha-ri-si#5:17 Mơq baak rơih gôq Mat 3:7. u bơl yau kne ch'bap lôh a pal poh dêq knông kwaal Ga-li-lê, Ju-đê u a poh Jê-ru-sa-lem lôh gôq tu nei. Dang kmheng Brah ri gôq n'hai Pang jah tơmbah pơrtanh pơraam. 18Tôw, geh pal du krôông krêêng di mbu bnih awiêl lơ ndơl plah wơng troong jah ndơơp bnih nei mưt knông nhi u dơih di mat Pang. 19Đươm ơk bnih ir, 'bưn geh liêu bnih awiêl mưt kươt, mơ bu hao lơ kmbung nhi, plơơk ngooi, ja nei n'uih dang leq bnih n'hai ndơl u teh di mat Brah Jê-sus, lwah phung ơk. 20Sau chưt jơrnơ bu ri, Pang lah: “Ơi 'bei, dôih 'baap 'bei ja kươt krôih!” 21Bơl yau gưt jhai u bnih Pha-ri-si ptơơm rkhech: “Bnih au laa 'bơơn baah baanh mor đam bei nei? Gaaih Brah Ưn, 'bơơn geh kmheng jah krôih dôih?” 22Dôh Brah Jê-sus gưt gơrninh bu, mơ lah laah: “A hay bơl 'bei leet rkhech knông chưt bei nei? 23Lwah baar ndroong mor: ‘Dôih 'baap 'bei ja kươt krôih,’ paich: ‘Phrui ta yoong chwaat han,’ ndroong êch snôk huôih? 24Dôh jah bơl 'bei gưt laah Koon Bnih a swich teh geh ch'bap kmheng krôih dôih” — Pang lah n'hai bnih awiêl — “Hei maanh 'bei, phrui ta yoong, tung ndơl plơq siq nhi!” 25Kơndaal bnih awiêl ta yoong bôôk mat bu, tung ndơl nơơm ja bêch, han siq u nhi, tư wơơl Brah Ưn. 26Jôm bnih kot nglêk nglak u tư wơơl Brah Ưn. Bu n'hông mor: “Nar au bơl bơn sau pal kaar êêng aang!”
Brah khuôl Lê-wi. – Baak ơt jrơng
(Ma-thi-ơ 9:9-13; Mak 2:13-17)
27Kơi nei, Brah Jê-sus han sot a gaaih, sau mbu bnih nhôq prak, chôôl chhak laa Lê-wi, plah gôq tu lwing wal suai nei Pang lah n'hai bu: “Phrui tênh Hei!” 28Lê-wi teq leq jôm ntil, ta yoong han tênh Pang. 29Lê-wi pơơk sa ttih jah ddôk Pang tu nhi nơơm; geh ơk bnih nhôq prak u bơl bnih nday gôq pôl bliêng n'hai Pang. 30Bơl bnih Pha-ri-si u bơl yau gưt jhai ta poich n'hai jơrnơ Pang laah: “A hay bơl 'bei leet sôông sa n'hai bơl nhôq prak u bơl bnih dôih 'baap?”#Lu 15:1-2. 31Brah Jê-sus ơh: “Bnih kmlang 'bưn chkhôm yau kơrya laang, dôh laa bnih tanh ji. 32Hei 'bưn lôh jah khuôl bnih sêch song, dôh khuôl bơl geh dôih jah teq lơi dôih.” 33Bu mor n'hai Pang: “Jơrnơ Jang ri kot bei jơrnơ bơl Pha-ri-si ri rnđơơih ơt jrơng r'bon dan, dôh jơrnơ Yau ri leet sôông u ôn!” 34Brah Jê-sus ơh: “Bơl 'bei awap nhôp bnach joq sa kliêr#5:34 S'bt: bơl koon klau lwing ri sa kliêr. ơt jrơng knông khal sai klau nha gôq n'hai bu laang? 35Dôh tơt khal sai klau kươt liêu han rlach bu hơơi, knông pal nar nei mơ bu ơt jrơng.” 36Pang kot krơơ aan bu di pn'geh ruk: “'Bưn geh 'bơơn yah di plơơp ao mhei baah jhênh teq u ao ndơm. Lơh bei nei, ao mhei a kươi a yah, u plơơp knat mhei kot 'bưn ta tưt u ao ndơm. 37Kot 'bưn geh 'bơơn khut bih mhei teq u pi đông pêêk ndơm, đươm bei nei, bih mhei lơh đang pi đông pêêk, bih a khut u pi đông pêêk kot dol khuich. 38Dôh bih mhei phrui khut teq u pi đông mhei. 39Kot 'bưn geh 'bơơn ja ôn bih ndơm leet drơnan bih mhei, đươm bnih nei mor laah: ‘Bih ndơm kah huôih.’”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.