Lu-ka 17
17
Pal baak tti kne nday
(Ma-thi-ơ 18:6-7,21-22; Mak 9:42)
1Brah Jê-sus lah n'hai bơh bơl jơrnơ: “'Bưn kươt 'bưn geh pal ntil rook trơnih, dôh ji rngiêl aan bơl 'bơơn lơh ntil nei! 2N'hop n'hal kơt paal tmau laap kôw bnih nei baah jang jưr daak rmưt huôih nha laa teq bnih nei rook aan di mbu knông bơl koon drêên au geh dôih.
3Bơl 'bei phrui nhjrang chhak. Mơq oh bi 'bei lơh dôih, phrui têh gmhaar! Mơq bu gưt teq lơi dôih, phrui ta krôih!#Mat 18:15. 4Paich knông di nar, oh bi 'bei lơh tih teq u 'bei poh wưt, u poh wưt plơq kươi n'hai 'bei baah mor: ‘Hei teq lơi dôih’ nei 'bei kot ta krôih.”
5Bơl jơt jơng ơh n'hai Brah: “Dan top chưt jơrnơ aan bơl hei!” 6Brah ơh: “Mơq bơl 'bei geh chưt jơrnơ dơng grap sbay chơơi, bơl 'bei awap maanh kươt tơơm sơn draat au laah: ‘Phrui đook baah tam jưr daak rmưt’ nei bu a kươi iat baak bơl 'bei.
7'Bơơn knông bơl 'bei geh dêch han lơh srei paich han gwaal bưr, tơt bu mhei a srei siq baah maanh: ‘Phrui lôh u đau gôq u teh sôông kơndaal ơơi!’ 8Mat a kươi, 'bưn geh bơl 'bei maanh bu laah: ‘Phrui riêp aan hei sôông, rêt buq jraih kaar hei aan tơt jơl hei sôông sa luôih, ja nei ay mơ kươt sôông sa’ laang? 9Dêch iat baak pa lơh nei nnơơm geh gưt or bu pan? 10Bơl 'bei kot bei nei đêêl, tơt lơh luôih jôm kaar kươt tơmbơh phrui lơh nei phrui mor: ‘Bơl hei laa bơl dêch 'bưn snơ, ntil bơl hei ja lơh dơơn lah ntil bơl hei phrui lơh ei.’”
Jmơt ndu dưn kươt tơmbah
11A troong han tơt poh Jê-ru-sa-lem, Brah Jê-sus han rlach rhang nar lwah kwaal Sa-ma-ri u Ga-li-lê. 12Tơt mưt u di poh dêq tôw, geh jmơt du dưn lôh wơơt Pang. Bu ta yoong a ngngai 13u khuôl ttih: “Jê-sus ơi, Yau ơi, dan gmaak bơl hei!” 14Tơt sau bu, Pang lah: “Phrui han tơrsau teq u bơl yau thwaai ơơi.” Plah bu nha han nei dưn kươt jrơh. 15Geh di mbu knông bu sau nơơm kươt tơmbah kơndaal plơq kươi, m'ơh baak tư wơơl Brah Ưn, 16u lôh kơl tưt kôq tang a teh jơng Brah Jê-sus baah or Pang. Bnih nei laa bnih Sa-ma-ri. 17Brah Jê-sus lah: “'Bưn geh jmơt du kot kươt jrơh leq laang? Nha sưn ndu tôw a êch nha? 18'Bưn geh 'bơơn plơq kươi jah tư wơơl Brah Ưn dơơn mbu bnih daak gaaih au laang?” 19Ja nei Pang lah teq u bu nei: “Phrui ta yoong u han, chưt jơrnơ ay ja tơmbah ay!”
Baak lôh tơt nggoor Brah Ưn ri
(Ma-thi-ơ 24:23-28,37-41)
20Bnih Pha-ri-si ôp Brah Jê-sus khal êch nggoor Brah Ưn mơ lôh, Pang ơh: “Nggoor Brah Ưn 'bưn lôh di troong srlah srlom jah mơq rwach kươt; 21bu nday a kươi 'bưn mor: Tôw bu a au paich laa a ti! Đươm nggoor Brah Ưn gôq knông#17:21 S'bt: gôq nggơl klung; paich: knông ti. bơl 'bei.” 22Pang kươi lah n'hai bơl jơrnơ: “A kươi geh jơl bơl 'bei kmbưng kươt sau di nar Koon Bnih ri baah 'bưn sau kươt. 23Bu nday a kươi mor teq u bơl 'bei: ‘Pang a au’ paich laa ‘Pang a ti’ nei khơơm han u khơơm tuôt tênh bu. 24Đươm bei kao liêk aang chring a bôh trôôk au tơt bôh trôôk tôw, nei Koon Bnih [knông nar Pang ri]#17:24 [knông nar Pang ri]: Knông m'baak plơơp 'bian ti 'bưn geh pal sêr au. kot bei nei đêêl. 25Dôh noor leq, Pang phrui dol ơk ntil ji kôr u dol klap au teq lơơi. 26Knông klap Nô-ê bei êch nei knông nar Koon Bnih kot bei nei đêêl: 27Bu nday sôông sa, ruôt kliêr, aan tơt nar Nô-ê mưt knông sbau, mơ daak loh rlaai lôh lơh luôch lêêk leq sêch. 28Klap Lot kot bei nei, bu nday sôông sa, tach brôw, lơh mir, sun moon. 29Dôh tơt nar Lot sot rlach Sô-đôm nei trôôk lôh mi ôinh u pn'hơng ôinh, lơh luôch lêêk leq sêch. 30Nar Koon Bnih lôh tơt kot bei nei đêêl. 31Knông nar nei, 'bơơn a lơ kmbung nhi mơq geh griêng grau knông nhi nei khơơm jưr pơih. Kot bei nei, 'bơơn a srei nei khơơm plơq siq nhi.#Mat 24:17-18; Mak 13:15-16. 32Phrui gênh kươi sai Lot ri. 33'Bơơn wơng troong jah đoh sm'boh rêh nơơm nei a kươi saap, nha 'bơơn saap sm'boh rêh nơơm nei a kươi kươt lơơi.#Mat 10:39; 16:25; Mak 8:35; Lu 9:24; Ja 12:25. 34Hei lah teq u bơl 'bei, knông mang nei, baar du bêch pôl lơ ndơl: di mbu a kươi kươt liêu han, di mbu dol teq a kươi. 35Baar du dơur plah peh ba: di mbu kươt liêu han, di mbu dol teq a kươi. 36[Baar du klau plah a srei, mbu a kươi kươt liêu han, nha mbu dol teq a kươi.”]#17:36 Knông m'baak plơơp 'bian ti 'bưn geh ndroong 36. 37Bơl jơrnơ ơh n'hai Pang: “Ơi Brah, ntil nei a kươi lôh tơt a êch?” Pang ơh: “Kơmôich chhưt a êch, pi klaang a kươi rum a nei.”
Iliyochaguliwa sasa
Lu-ka 17: SBL2024
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.
Lu-ka 17
17
Pal baak tti kne nday
(Ma-thi-ơ 18:6-7,21-22; Mak 9:42)
1Brah Jê-sus lah n'hai bơh bơl jơrnơ: “'Bưn kươt 'bưn geh pal ntil rook trơnih, dôh ji rngiêl aan bơl 'bơơn lơh ntil nei! 2N'hop n'hal kơt paal tmau laap kôw bnih nei baah jang jưr daak rmưt huôih nha laa teq bnih nei rook aan di mbu knông bơl koon drêên au geh dôih.
3Bơl 'bei phrui nhjrang chhak. Mơq oh bi 'bei lơh dôih, phrui têh gmhaar! Mơq bu gưt teq lơi dôih, phrui ta krôih!#Mat 18:15. 4Paich knông di nar, oh bi 'bei lơh tih teq u 'bei poh wưt, u poh wưt plơq kươi n'hai 'bei baah mor: ‘Hei teq lơi dôih’ nei 'bei kot ta krôih.”
5Bơl jơt jơng ơh n'hai Brah: “Dan top chưt jơrnơ aan bơl hei!” 6Brah ơh: “Mơq bơl 'bei geh chưt jơrnơ dơng grap sbay chơơi, bơl 'bei awap maanh kươt tơơm sơn draat au laah: ‘Phrui đook baah tam jưr daak rmưt’ nei bu a kươi iat baak bơl 'bei.
7'Bơơn knông bơl 'bei geh dêch han lơh srei paich han gwaal bưr, tơt bu mhei a srei siq baah maanh: ‘Phrui lôh u đau gôq u teh sôông kơndaal ơơi!’ 8Mat a kươi, 'bưn geh bơl 'bei maanh bu laah: ‘Phrui riêp aan hei sôông, rêt buq jraih kaar hei aan tơt jơl hei sôông sa luôih, ja nei ay mơ kươt sôông sa’ laang? 9Dêch iat baak pa lơh nei nnơơm geh gưt or bu pan? 10Bơl 'bei kot bei nei đêêl, tơt lơh luôih jôm kaar kươt tơmbơh phrui lơh nei phrui mor: ‘Bơl hei laa bơl dêch 'bưn snơ, ntil bơl hei ja lơh dơơn lah ntil bơl hei phrui lơh ei.’”
Jmơt ndu dưn kươt tơmbah
11A troong han tơt poh Jê-ru-sa-lem, Brah Jê-sus han rlach rhang nar lwah kwaal Sa-ma-ri u Ga-li-lê. 12Tơt mưt u di poh dêq tôw, geh jmơt du dưn lôh wơơt Pang. Bu ta yoong a ngngai 13u khuôl ttih: “Jê-sus ơi, Yau ơi, dan gmaak bơl hei!” 14Tơt sau bu, Pang lah: “Phrui han tơrsau teq u bơl yau thwaai ơơi.” Plah bu nha han nei dưn kươt jrơh. 15Geh di mbu knông bu sau nơơm kươt tơmbah kơndaal plơq kươi, m'ơh baak tư wơơl Brah Ưn, 16u lôh kơl tưt kôq tang a teh jơng Brah Jê-sus baah or Pang. Bnih nei laa bnih Sa-ma-ri. 17Brah Jê-sus lah: “'Bưn geh jmơt du kot kươt jrơh leq laang? Nha sưn ndu tôw a êch nha? 18'Bưn geh 'bơơn plơq kươi jah tư wơơl Brah Ưn dơơn mbu bnih daak gaaih au laang?” 19Ja nei Pang lah teq u bu nei: “Phrui ta yoong u han, chưt jơrnơ ay ja tơmbah ay!”
Baak lôh tơt nggoor Brah Ưn ri
(Ma-thi-ơ 24:23-28,37-41)
20Bnih Pha-ri-si ôp Brah Jê-sus khal êch nggoor Brah Ưn mơ lôh, Pang ơh: “Nggoor Brah Ưn 'bưn lôh di troong srlah srlom jah mơq rwach kươt; 21bu nday a kươi 'bưn mor: Tôw bu a au paich laa a ti! Đươm nggoor Brah Ưn gôq knông#17:21 S'bt: gôq nggơl klung; paich: knông ti. bơl 'bei.” 22Pang kươi lah n'hai bơl jơrnơ: “A kươi geh jơl bơl 'bei kmbưng kươt sau di nar Koon Bnih ri baah 'bưn sau kươt. 23Bu nday a kươi mor teq u bơl 'bei: ‘Pang a au’ paich laa ‘Pang a ti’ nei khơơm han u khơơm tuôt tênh bu. 24Đươm bei kao liêk aang chring a bôh trôôk au tơt bôh trôôk tôw, nei Koon Bnih [knông nar Pang ri]#17:24 [knông nar Pang ri]: Knông m'baak plơơp 'bian ti 'bưn geh pal sêr au. kot bei nei đêêl. 25Dôh noor leq, Pang phrui dol ơk ntil ji kôr u dol klap au teq lơơi. 26Knông klap Nô-ê bei êch nei knông nar Koon Bnih kot bei nei đêêl: 27Bu nday sôông sa, ruôt kliêr, aan tơt nar Nô-ê mưt knông sbau, mơ daak loh rlaai lôh lơh luôch lêêk leq sêch. 28Klap Lot kot bei nei, bu nday sôông sa, tach brôw, lơh mir, sun moon. 29Dôh tơt nar Lot sot rlach Sô-đôm nei trôôk lôh mi ôinh u pn'hơng ôinh, lơh luôch lêêk leq sêch. 30Nar Koon Bnih lôh tơt kot bei nei đêêl. 31Knông nar nei, 'bơơn a lơ kmbung nhi mơq geh griêng grau knông nhi nei khơơm jưr pơih. Kot bei nei, 'bơơn a srei nei khơơm plơq siq nhi.#Mat 24:17-18; Mak 13:15-16. 32Phrui gênh kươi sai Lot ri. 33'Bơơn wơng troong jah đoh sm'boh rêh nơơm nei a kươi saap, nha 'bơơn saap sm'boh rêh nơơm nei a kươi kươt lơơi.#Mat 10:39; 16:25; Mak 8:35; Lu 9:24; Ja 12:25. 34Hei lah teq u bơl 'bei, knông mang nei, baar du bêch pôl lơ ndơl: di mbu a kươi kươt liêu han, di mbu dol teq a kươi. 35Baar du dơur plah peh ba: di mbu kươt liêu han, di mbu dol teq a kươi. 36[Baar du klau plah a srei, mbu a kươi kươt liêu han, nha mbu dol teq a kươi.”]#17:36 Knông m'baak plơơp 'bian ti 'bưn geh ndroong 36. 37Bơl jơrnơ ơh n'hai Pang: “Ơi Brah, ntil nei a kươi lôh tơt a êch?” Pang ơh: “Kơmôich chhưt a êch, pi klaang a kươi rum a nei.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.